ФОТО: Кога министерот е потпретседател, полицајците стануваат партиски војници

oliver policajci

СДСМ додека беше во опозиција како еден од најголемите проблеми во државата го постави тоа што тогашната министерка за внатрешни работи Гордана Јанкуловска, покрај министерската функција била и партиски функционер. Истите тие за кои ова беше проблем сега нов потпретседател на партијата го поставија Оливер Спасовски, министерот за внатрешни работи.

Во непартизираната полиција која СДСМ ја најавуваше работат полицајци кои гордо се сликаат со знамиња во штабовите на партијата.

На фотографиите се Б.Г. кој работи во БПС Струга како полицаец, Б.К. полицаец во ПС Струга, В.Г. исто така полицаец во ПС Струга, Б.Д. поранешен полицаец, В.О. полицаец во ПС Струга.

sdsm mvr

Инаку, од СДСМ и самиот Спасовски цело време зборуваа дека полицијата била партизирана и дека тоа ќе се промени, граѓаните се прашуваат дали ова е таа департизацијата која е најавувана.

ФОТО: Груевски во Бугарија беше пречекан со сите државни и армиски почести, а Заев кој ја продава македонската историја на најпонизен и недостоинствен начин

gruevski zaev precek vo bugarija

Заев иако со својот последен потег, поканувајќи го премиерот на Бугарија, заеднички во Македонија да го прослават Илинден, нанесе силен удар и сквернавење на македонската историја, за разлика од поранешниот премиер Груевски, во Бугарија беше пречекан на најпонизен и недостоинствен начин.

Заев претставува вистински срам на државата, тој во својата посета во Бугарија беше насмеан и среќен што е примен од бугарскиот премиер, недостоинствено и без никаква почест. За разлика од него поранешниот премиер Никола Груевски, во Бугарија од тогашниот премиер Сергеј Станишев беше примен со сите најголеми државни и армиски почести.

За разлика од Груевски кој беше на достоинствен државнички начин пречекан во Бугарија, Зоран Заев понизно положи цвеќе пред, според него изгледа „бугарскиот“ Цар Самоил.

gruevski zaev precek vo bugarija 2

 

Ова понизно сликање и положување цвеке пред споменикот на кој пишува дека македонскиот Цар Самоил е бугарски, а за кој споменик од неговата партија најавуваат дека ќе биде срушен во Скопје, не е единствено удирање врз дравноста и историјата на Македонија. Тој даде скандалозна изјава во која кажа дека во македонските учебници ќе биде променето сè она што не е во новиот дух на соработка помеѓу двете држави.

-На прашање на бугарските новинари Заев одговори дека голем дел од историјата е заедничка и дека во македонските учебници ќе биде променето се она што не е во новиот дух на соработка помеѓу двете држави. Како ?, напиша Софија Куновска на својот ФБ профил.

Дали тоа значи дека македонските ученици ќе им биде оневозможено во учебниците по историја да учат за револуционерите Гоце Делчев и Никола Карев, кои според бугарските историчари и политичари се Бугари. Дали Заев е спремен поради финансиите кои ги има добиено од нив во кампањата, баш целата историја да и ја продаде на Бугарија?

zaev bratski hora

Положувањето на цвеќе пред Цар Самоил, на споменик каде пишува дека е бугарски цар, најавата за вадење на Гоце Делчев и Никола Карев од учебниците по историја, сепак не е единственото предавство на Зоран Заев. Како што гласно говорат и бугарските европратеници, тој на Бугарите им дал ЦД со разговори на македонскиот државен врв, во кои се откриваат информации за политиката на Македонија кон Бугарија и договорот за соработка со Бугарија. Разговори во кои што има разговори за меѓународната политика да се дадат на странски политичари, претставува големо велепредавство

 

 

Колкава е цената која македонскиот народ ќе мора да ја плати поради парите кои Заев ги добил од Бугарија?

zaev borisov naslovna

Зоран Заев удри директно по македонската историја со тоа што го покани премиерот на Бугарија, Бојко Борисов заедно да го прослават Илинден во Македонија. Ова своевидно предавство на Македонија, сепак било скапо платено, а поклонувањето на нашата историја на Бугарија, не е единствено што Заев мора да испорача за добиените средства.

Цената која што Заев ќе треба да ја плати за средставата кои што ги добил во кампањата, не е нималку мала. Според одредени информации покрај историското предавство кое Заев го прави во моментов, наредно треба да биде влегување на бугарската нација во Преамбулата од Уставот и давање тендери за бугарски компании во Македонија.

Зоран Заев како што гласно говорат и бугарските европратеници, на Бугарите им дал ЦД со разговори на македонскиот државен врв, во кои се откриваат информации за политиката на Македонија кон Бугарија и договорот за соработка со Бугарија.

Она што Заев го должи на Бугарија, ќе го плаќа сега целиот македонски народ. Историчарите кои цело време велат дека македонската историја е бугарска, она што Заев го исполнува, сосем се согласува со нивните ставови.

Според бугарските историчари востанието, за чија прослава, новиот премиер на Македонија, го покани Борисов заедно да го прослават, било важна етапа од борбите за национално ослободување и обединување на Бугарија. Според нив тоа е најмасовното востание кое ги исполнило стратешките цели и било морална подготовка за големите бугарски победи во Балканската војна во 1912-1913 година.

-Ова е најголемото бугарско востание во долгото петвековно турско ропство. Најдолгото и најдобро организирано, беше оцената на Красимир Каракачанов за востанието, еден од најгласните бугарски политичари за тезата за непостоење на македонскиот народ.

Чекор понатака отиде директорот на Националниот историски музеј на Бугарија, Божидар Димитров, историчар и политичар познат по своите антимакедонски ставови,  кој изјави дека Илинденското – преображенско востани од историски аспект е несомнено бугарско и одговара на тешкото прашање: „Каков народ живее во Македонија“.

-Повеќе од јасно е оти предците на сите овие јунаци, кои сега управуваат со Скопје и изјавуваат дека немаат ништо заедничко со бугарскиот народ, јасно е дека дедовците им биле Бугари. Во бројните документи кои ги оставиле, тоа е едно бугарско востание, кое секогаш ќе остане како аргумент за нашите права не само врз востанието, туку и врз цела Македонија, рече Димитров минатата година во интервју за агенцијата „Фокус посветено на Илинденското востание.

Граѓаните на Македонија се разочарани и гневни од однесувањето на премиерот Заев, кој вчера насмеан се сликаше покрај споменикот на „бугарскиот“ Цар Самоил, за кого од неговата партија најавуваа дека ќе биде срушен во Скопје.

zaev bratski hora

Заев кој и претходно најавуваше дека Македонија треба да ја свитка кичмата за меѓунардните прашања ова не му е прв пат вака да се однесува кон македонската историја, кога е во прашање Бугарија, тој и претходно кажа дека сме еден народ со нив.

-Сакам да испратам порака до сите граѓани на Бугарија, ние сме братски ХОРА, СШТИ народ. Македонија тежнее кон нормализација, ќе биде стабилно и спокојно во Македонија. Секако јас како потенцијален мандатор за формирање на влада, сакам да испратам само пријателски пораки од соседна земја Македонија, која што има намера да биде полноправна членка на НАТО и ЕУ, а секако тоа е возможно меѓу другото, ако ја унапредиме соработката со Република Бугарија,в ели Зоран Заев во интервјуто за бугарски БГНЕС во мај годинава.

zaev bratski hora

 

Граѓаните и по социјалните мрежи остро реагираа на однесувањето и сквернавењето на македонската историја од страна на Зоран Заев.

zaev bugarija soc mrezi

zaev bugarija soc mrezi 2 zaev bugarija soc mrezi 3 zaev bugarija soc mrezi 4 zaev bugarija soc mrezi 5

Наместо животот, дрогата се враќа на улиците, пуштен од притвор Еско Рахиќ

zaev-sead-rahic

Врховниот суд издаде решение со кое ја уважи жалбата на Сеат Рахиќ и го укина притворот. Тој е брат на поранешниот пратеник на СДСМ, Есад Рахиќ. Наместо животот, дрогата се враќа на улиците.

Сеат заедно со уште четири лица беше уапсен за препродавање кокаин, а тоа значи дека со доаѓањето на животот во Македонија, дојде и слободата за дилерите.

Тој во февруари годинава во рамки на Оперативната акција „Мрежа“ која се спроведува за сузбивање на улично дилерство на дрога беше уапсен заедно со уште четири лица.

-По претходно добиени оперативни сознанија дека организираната криминалната група набавувала и продавала наркотична дрога на нарко зависници од подрачјето на Град Скопје но и во други градови од државава беше спроведено криминалистичко истражување, а во кординација со ОЈО за гонење на организиран криминал и корупција, соопшти тогаш МВР.

Оттаму посочија дека според документираните сознанија во текот на минатата и оваа година криминалната група организирана од С.Р. која делувала на подрачјето на Град Скопје како и надвор од градот, продавала кокаин за цена од 3.000 до 4.500 денари за една паковка.

-Кокаинот бил набавуван од непознато лице од  Србија во помали количина, со цел полесен и побезбеден транспорт на наркотичната дрога, се вели во соопштението од МВР.

Министерството тогаш соопшти дека Сеат Рахиќ бил организатор на групата и ги ангажирал М.Д. и М.З. кои го продавале кокаинот на нарко зависници, но оти по продажбата редовно го известувале Рахиќ за паричните средства кои биле добиени.

-Исто така утврдено било дека лицето М.М. исто така посредувал во вршењето на продажбата на наркотична дрога кокаин, така што кога имало потреба за продажба на дрога, го известувал С.Р. и ја вршел продажбата, а дел од парите ги задржувал за себе, стои во соопштението.

СДСМ ќе ги враќа партиципациите за студирање на 1000 евра

zaev-deskovska

Партиципациите за студирање на државните универзитети во Македонија ќе бидат вратени на висината која беше определена во времето на СДСМ пред 2006 година – и кои достигнуваа до 1000 евра.

Ова за нашата редакција го соопшти анонимен извор од кабинетот на министерката за образование Дескоска, додавајќи дека СДСМ е сериозно подготвен да крати средства во образованието за да има пари за своите популистички проекти кои ги најавуваше во кампањата.

Досега откако се на власт СДСМ го укинаа екстерното тестирање, најавија укинување на кембриџ програмата, а како што се шегуваат по социјалните мрежи, мерките за штедење ги примени и врз студентските домови, па ги остави студентите во „Гоце Делчев“ цел ден без струја, бидеќи МОН и Дескоска заборавиле да ги платат сметките за електрична енергија.

Последна „голема мерка“ на СДСМ беше таа за укинување на дисперзираните студии, со која илјадници студенти од внатрешноста ќе останат без можност за достапно високо образование, и доколку сакаат да се школуваат на факултет, ќе мора да се преселат во Скопје, да плаќаат високи кирии и да живеат со цените на главниот град.

СДСМ оваа мерка исто така ја оправда со финансиските придобивки кои ќе ги има Владата ако нема дисперзирани студии.

Токму затоа, вели нашиот извор, наредни на мета се партиципациите кои ВМРО-ДПМНЕ пред повеќе години ги намали на 200 евра за во државна квота и 400 за во приватна за сите кои студираат во Скопје, а половина од тоа доколку се студира на дисперзираните студии во внатрешноста.

Со укинувањето на дисперзираните студии се придонесува директно за намалување на бројот на жители на помалите градови, а со зголемувањето на партиципациите кои во времето на СДСМ беа до 1000 евра се очекува да се намали и бројот на студенти во Македонија.

Дојде живот, криминалците чувствуваат силна поддршка од власта

zaev kr

Врската на СДСМ со криминалното подземје не е некоја новина за граѓаните, имено јавноста беше сведок на голем број криминалци кои во изминатиов период пред СДСМ да ја превзеде власта завршија зад решетки поради шверц и трговија со дрога. Но, очигледно врската со криминалното подземје СДСМ ја оддржува и по превземањето на власта, па така високи претставници на СДСМ можеме да ги видиме во често друштво на  Леко Муртезани, како Оливер Спасовски, министер за внатрешни работи и донеодамна генерален секретар на СДСМ, Мухамед Зекири, кој е врска на СДСМ со повеќе криминални структури од регионот и Љупчо Николовски, министерот за земјоделство.

spasovski

Инаку Леко Муртезани е човек со дебело криминално досие, во 2001 година има одлежано 6 месеци затвор за извршено кривично дело тешка кражба, во 2003 година е осуден на казна затвор од 6 месеци, условена 2 години, во 2004 година осуден е на 1 година затвор со 3 години условно и во 2011 година е осуден на 7 години затвор.

Мухамед Зекири, кој во изминатиов период имаше за задача да ги врзе за СДСМ радикалните албански гласови и да биде врска со криминални структури од Косово, неодамна беше во друштво со браќата Геци во посета кај Зијадин Села, кои според ЕУЛЕКС се прогласени за виновни за воено злосторство против цивилното население, поради убиството на Гани Бериша извршено на 18-ти јуни 1999 година во медицинскиот центар во Скендерај / Србица.

zaev kr5

zaev kr6 zaev kr7

Леко Муртезани, не е единствен криминоген лик во друштво на Спасовски. Оливер Спасовски беше често фотографиран и со Ердован Џафероски, кој се обиде да го убие лицето С.З. (29) пукајќи кон него со огнено оружје, после тепачката меѓу две фамилии во селото Св. Петка и беше чест посетител на настаните на СДСМ и шарената револуција.

zaev kr4

Во често друштво со врвот на СДСМ беше и Сеад Рахиќ – Сетко, кој беше уапсен во акција на полицијата во февруари оваа година за трговија со дрога. Во акција на полицијата во март беше сузбиена и криминална група од Арачиново за трговија со дрога меѓу уапсените тогаш беше и братот на Претседателот на ОО СДСМ во Арачиново, лице кое е во блиски релации со Заев и Зијадин Села и за кое медиумите пишуваа дека е една од врските помеѓу двајцата.

zaev kr1

Во март оваа година полицијата уапси и сузби криминална структура од с.Орди, тетовско, за трговија со дрога, лица кои беа во блиска соработка со Петре Шилегов, за време на изборите. Во акцијата во тетовско беа уапсени Сами.Ф, заедно со Ферит.И и Мендух. А.

tetovsko

Лица припадници на криминалното подземје не само што се пријатели и први соработници на Заев, туку истите од него добиваат и врвни партиски функции, таков е примерот со браќата близнаци од Ѓорче Петров, Даниел и Дејан Трајковски. Имено Дејан Трајковски е осудуван за казна затвор во висина од 5 години и 2 месеци и сега моментално е во бегство за обид за убиство. Истиот е член на ОО нна СДСМ во Ѓорче Петров и за време на изборите во 2014 беше личен шофер на Петре Шилегов.

 

Даниел пак во јавноста се „прослави“ како човек што бараше рекет и го уценуваше скопскиот бизнисмен Орце Камчев и бившиот директор на УБК, Сашо Мијалков. Двајцата браќа заедно имаат 21 ривична пријава.

zaev kr2

status

Дел од луѓето со дебело криминално досие и со силни врски со СДСМ е и Харун Хаџибулиќ, кој е познат припадник на скопското криминално подземје и е осудуван за насилство и наркотични деликти, а по него беше распишана и потерница за помагање во убистото на Мирсад Криешторац кај Универзалната сала во Скопје во 2010 година, за од неодамна да биде составен дел од економскиот тим во новата Влада на Заев.

zaev kr3

Доаѓа живот и од Србија: Александар Родиќ поради истрагите против него подготвува бегство во Македонија со помош на Заев

sredba

Александар Родиќ подготвува бегство во Македонија поради истрагите за криминал кои се водат против него во Србија – ова наголемо се шпекулира низ белградските но и скопските кулоари.

Родиќ, или човекот кој медиумите во Белград го нарекуваат албански платеник кој одработува за идејата за „Голема Албанија“ е добар пријател на Зоран Заев и негов медиумски поддржувач и во Србија и во Македонија.

Имено, Родиќ е сопственик на весникот „Слободен печат“ кој го уредува Бранко Героски, како и на весникот Курир во Србија и на порталот курир.рс, за кои Заев дава изјави во кои го напаѓа Александар Вучиќ во корист на Родиќ, односно медиуми кои за возврат редовно пишуваат нарачани текстови од страна на Заев и неговиот СДСМ.

Родиќ води отворена војна против Вучиќ во која го користи токму Заев. Заев организира средби со Родиќ на кои јавно го фали него и неговите медиуми за „објективно информирање за кризата во Македонија.“

plusinfo

Со ова Заев сака и пред домашната јавност да го претстави информирањето на Слободен Печат и српски Курир како објективно, а не како партиска нарачка што и всушност е.

libertas

И второ, сака да му помогне на Родиќ да си го пере имиџот пред српската јавност, односно да му даде и политичка тежина на Родиќ и неговите квалификации дека во Србија против него се води хајка бидејќи бил објективен информатор, а не криминалец.

Министерството за внатрешни работи на Србија во соработка со надлежното обвинителство и даночната полиција ја заврши сеопфатната истрага против Александар Родиќ, „Адрија медиа груп“ на чие чело е тој и весникот Курир, пишува српскиот весник Политика, додавајќи дека тоа е причината зад последните потези на Родиќ, кој беше меѓу првите лица кои беа примени во премиерскиот кабинет на Зоран Заев.

Весникот во текстот под наслов „Курирови работи“ наведува дека се обезбедени конкретни докази за злоупотреби во финансиското работење, неплаќање на даночните обврски, фалсификување на документи, уцени, закани…

Како што оценува Политика, слично на претходните сценарија за одбрана Родиќ со отворени писма и пароли се обидел да ги оневозможи државните органи да си ја вршат својата работа.

„За да може претстојното постапување по кривичната пријава да го прогласи како политичка одмазда смислил ’скопски маневар’ и жалење во стилот на ’Јас сум борец за слобода на медиумите и бизнисмен кој го шири пазарот, жртва сум на прогон, бидејќи не прифаќам уцени’“, пишува Политика додавајќи дека Родиќ „потегнува и безсмислени тврдења како она дека БИА го следи, дека животот му е загрозен за јавноста да го гледа како жртва“.

Врз база на ова сценарио, Родиќ со Заев договорил и бегство во Македонија за да избегне соочување со законот во Србија, а Заев наводно му гарантирал дека се додека неговите медиуми одработуваат за СДСМ, ќе биде заштитен во Македонија.

Eксклузивно: СДСМ-овецот Харун Хаџибулиќ ја претстави програма за странски инвестиции

harun-hadzibulik-zaev

Самопрогласениот министер за странски инвестиции на СДСМ Харун Хаџибулиќ откако вчера најави дека ќе донесе многу инвестиции во Македонија, денес пред јавноста на својот Фејсбук профил ја претстави својата економска програма.

Хаџибулиќ соопшти дека без ничија помош ќе ги донел најголемите светски инвеститори во Македонија.

harun

Ова е на линија на желбите на Зоран Заев во Македонија да ги видел како инвеститори и Гугл и Фејсбук. Се шпекулира дека Заев за реализација на своите желби го ангажирал својот близок пријател Харун Хаџибулиќ.

harun-pistol-520x830

Не се знае дали Хаџибулиќ за овој потфат ќе се координира со колегите Рамиз Мерко и Зоран Шапуриќ кои исто така се задолжени од Зоран Заев за привлекување странски инвестиции или ќе делува како соло играч поради преголемиот капацитет и способност.

harun-hadzibulik-zaev

Хаџибулиќ меѓу другото е познат и како конфликтно лице со богата криминална историја. Лежеше и во затвор за насилство при убиството на Мирсад Кријешторац кај Универзална сала во Скопје. Осудениот за убиство Јасмин Лесковица заедно со Хаџибулиќ го нападнале убиениот Кријешторац, а низ јавноста се шпекулираше дека носител на убиството бил токму новиот носител на инвестиции од тимот на СДСМ.

harun-1-

pistol-520x384

 

Инаку кога сме кај колегите на Хаџибулиќ, Рамиз Мерко и Зоран Шапуриќ, тие ја добија безусловната поддршка од пријателот на Хаџибулиќ, Зоран Заев, исто така за големи заслуги: Мерко затоа што имал познанства со Албанците од Албанија и Швајцарија, а Шапуриќ затоа што се покажа многу како министер за животна средина пред 15 години и сега е логично да го врати животот со странски инвестиции.

Како ќе им оди соработката со Хаџибулиќ и кој ќе биде најуспешен магнет за странски инвестиции ќе покаже времето.

Анастасија Петрова: Клиентелистите во скутот на Заев кои се прикажуваат за реформатори, изнудуваат од компании пари за личен интерес

reformatorite

Граѓаните преку социјалните мрежи се повеќе ги критикуваат „реформаторите“ за кои велат дека се во скутот на премиерот Зоран Заев. На социјалните мрежи се појавуваат се повеќе негативни коментари за Александар Михајловски и останатите „реформатори. Во еден од постовите се наведува дека „среброљубецот Алек Даравела одма се впуштил во соработка со олигархот од Владата на Заев, Кочо Анѓушев и силно пристискаат врз компании да остварат личен интерес“.

-Клиентелистите кои се во скутот на Заев и кои милуваат да се самопрогласат за реформатори, си ја покажуваат опашката која многу јасно е подвиткана и на нејзе седи СДС. Па, така среброљубецот Алек Даравела одма се впуштил во соработка со олигархот од Владата на Заев, Кочо Анѓушев и силно пристискаат врз компании да остварат личен интерес. Први на удар се рудниците, истите тие против кои соросовите организации организираа референдуми, а најмногу притисок има врз рудниците Иловица и Плавица-Генесис, каде е вработена сестрата на новиот генерален секретар, Рашковски. Се јавиле и во една компанија за производство на автомобили и барале средба за понатаму да можат нормално да остварат личен интерес кој се брои во кеш. Реформистиве на прва кривина се покажаа дека се клиентелисти. Од реформи само пари признаваат!, пишува Анастасија Петрова.

Ќе понесе ли сега Таравари одговорност за смртта на девојчето?

arben-taravari-1-520x309

Несреќа, трагедија… Кој сега ќе понесе одговорност за смртта на малечкото девојче?!, пишува Република.

Девојче од Гостиварско, кое се жалело на болки во стомакот почина на пат кон болница – ова е насловот што денеска ја потресе Македонија, пишува Република.

На детето му била укажана медицинска помош во Гостивар, но  поради тоа што било со намалена функција на виталните органи, посериозно му се влошила здравствената состојба и со возило на Итна медицинска помош било упатено во Ургентен центар Скопје. Девојчето починало при транспорт.

Несреќа, трагедија… Кој сега ќе понесе одговорност за смртта на малечкото девојче?!

Како може да се дозволи девојче да почине во возило на Итна медицинска помош? Каде е првиот човек во Министерството за здравство Арбен Таравари? Чувствува ли барем морална одговорност?! Кој е виновен што згасна детски живот од болка во стомак – во 21 век?! 

Ова се само дел од прашањата кои јавноста може да ги постави, да каже срамота, се грижи ли власта за нешто во државата?!