Героски со жестоко предупредување до Заев: Некои од децава ќе мораат да летаат од Влада, со бизнис класа, на клоци

Големата државна ПР-машинерија на претходната влада се надградува и проширува. Бројот на лицата што работат односи со јавност и комуникации во министерствата и Владата е зголемен за најмалку 18 лица од лани, покажуваат бројките до кои дојде истражувањето на „Макфакс“.

Во Владата и министерствата во моментот најмалку 120 луѓе работат односи со јавност (ПР) и комуникации, откриваат информациите што „Макфакс“ за 2016 и 2017 година ги доби од институциите преку барања за слободен пристап до информациите.

Зголемувањето на ПР машинеријата на остра критика наиде и кај еден од најголемите поддржувачи на власта и според многумина главен медиумски стратег на СДСМ додека беше во опозиција.

Бранко Героски во својата нова колумна насловена „Пиарчење“ остро ја критикува оваа одлука на власта на СДСМ.

Тој на нападна и одлуката да биде направено посебно министерство за пи-ар, таков ресор според Героски таков сектор нема во ниту една европска држава.

Тој во колумната вели и дека не е сигурен дека луѓето впрегнати во оваа како што тој ја вели машинерија немаат ниту завршено каков било факултет и дека првпат во живото се среќаваат со поимот пи-ар. Според него тоа не е никако не е во ред, не е во ред владините служби да служат за вработување на „шарени револуционери“, „фејсбук активисти“ и други заслужни по било каква основа.

Тој во колумната пишува и дека Владата повеќе време посветува на пропагандата отколку на реформите, што како што вели е апсолутно точно. Тој на Заев и му порача „некои од децава сепак ќе мора да летаат од Влада. И тоа со бизнис-класа. Што ќе рече, на клоци… Жал ми е, но тоа е вистината“ .

Најмалку 120 луѓе работат во ПР и пропаганда за Владата на Заев и Поповски: Народот плаќа, бројката секојдневно се зголемува

Големата државна ПР-машинерија на претходната влада се надградува и проширува. Бројот на лицата што работат односи со јавност и комуникации во министерствата и Владата е зголемен за најмалку 18 лица од лани, покажуваат бројките до кои дојде истражувањето на „Макфакс“.

Во Владата и министерствата во моментот најмалку 120 луѓе работат односи со јавност (ПР) и комуникации, откриваат информациите што „Макфакс“ за 2016 и 2017 година ги доби од институциите преку барања за слободен пристап до информациите.

-Платите и хонорарите на вработените што работат односи со јавност во Владата и министерствата ги чинат граѓаните најмалку 690.000 евра годишно, покажуваат податоците за 2016. Иако сè уште е рано да се спореди сумата потрошена за годинава, која не е завршена, дека пиарот, освен на претходната, ѝ е важен и на новата Влада, говорат бројките на вработените во одделите за односи со јавност, кои и годинава остануваат слични, а некаде има и дополнителни вработувања, информира „Макфакс“.

Порталот пишува дека дури ни оваа огромна бројка не е конечна затоа што лица во секторот односи со јавност Владата продолжува да вработува, па „Макфакс“ анализира дека институциите им доставиле нецелосни информации или имаат вработени што работат односи со јавност, но технички нивните работни места се заведени со други имиња

Најмалку 120 лица во Владата и во министерствата работат односи со јавност, пиар и комуникации, покажуваат податоците што „Макфакс“ ги доби од институциите преку барања за слободен пристап до информациите. Оваа бројка е најверојатно и поголема затоа што кога направивме повторна проверка, дознавме дека некои институции ни доставиле нецелосни информации или, пак, имаат вработени што работат односи со јавност, но технички нивните работни места се заведени со други имиња. Некои од служениците, пак, работат пиар и односи со јавност, но имаат и други работни задачи, па се водат како да се вработени во друг сектор.

-Најмногу вработени што работат односи со јавност и комуникации и информирање има во Владата, каде што најмалку 40 лица работат односи со јавност и комуникации. Во 2017 тие во секторот за односи со јавност дополнително вработиле 25 лица ангажирани со авторски договор, како и еден портпарол и еден посебен советник за односи со јавност во кабинетот на претседателот на Владата. Во владата во 2016 година во Секторот за односи со јавност имало 17 вработени како државни службеници под генералниот Секретаријат и дополнителни 13 вработени лица и 2 портпарола на владата, кои биле задолжени за односи со јавноста директно во Кабинетот на претседателот на Владата или вкупно 32 лица. Вторите 13 лица, како и двата портпарола, веќе не се вработени во Владата.Од 17-те државни службеници, четворица не се веќе во тој сектор, но 13 лица, според старата систематизација и потврдата што ја добивме од владиниот портпарол, се сè уште вработени во секторот за информирање, анализира „Макфакс“.

Годинава за платите на овие вработени досега биле потрошени најмалку 562 илјади евра, но податоците за платите за 2017 не се целосни поради тоа што годината не е завршена, но и поради тоа што некои од институциите  дадоа податоци само за шест, седум или осум месеци. Бројките за платите за оваа година реално се многу поголеми од оваа бројка, а бројките до кои дојде порталот може да ги разгледате во табелите во продолжение.

Вработени поради „Шарената револуција“, „Пленумот“,  јавната поддршка за СДСМ и партиска послушност!

Освен што е скандалозна ваквата превработеност и што огромен број на лица земаат плата од џебот на македонските граѓани, спорна е и нивната компетентност за работните места кои ги вршат. Ликови познати од „шарените револуции на СДСМ“, јавни поддржувачи на партијата на Зоран Заев и партиски послушници беа наградени со место во ПР секторите во Владата и министерствата.

Министерот Роберт Алаѓозовски за лице со односи со јавност го вработи Петрит Сарачини. Главен на сите протести против минатата Влада, јавен и гласен поддржувач на СДСМ, а учесник и во насилните протести во кои беа повредувани полицајци.

Комичарот Бубо Каров, познат како Цацко исто така е ставен на платниот список на Зоран Заев. Тој е вработен како надворешен советник на министерот без ресор задолжен за комуникации, отчетност и транспарентност, Роберт Поповски. Инаку, Цацко беше еден од критичарите на претходната власт, беше дел од протестите против Владата на ВМРО-ДПМНЕ, а држеше говори и на протести пред Македонската Радио Телевизија.

Министерството за финансии за свој портпарол ја избра презентерката на „Фчерашни новости“, Јована Аврамовска. Водеше хумористична емисија со политичка содржина контра минатата власт, спонзорирана од УСАИД, а со тоа си заслужи место во ПР секторот на едно од најважните министерства.

И за “пленумците“ следуваа работни места како награди за послушноста кон СДСМ. Така, во Министерството за образование и наука минатата година вработиле пет лица, а годинава дополнително како советник за односи со јавност во Кабинетот на министерката Рената Дескоска го ангажирале поранешниот пленумец Владимир Делов.

МВР како “строго доверливо“ го држи податокот колку лица работат во нивниот ПР сектор.Сепак, според нивната веб-страница, во Министерството за внатрешни работи се вработени 12 портпароли и советници за односи со јавност, што значи дека во Министерството најмалку 12 лица работат односи со јавност и комуникации, но оваа бројка може да е поголема.

Лице за односи со јавност кое ги држи прес-конференциите во МВР е Тони Ангеловски, екс новинар на 24Вести. Скандалите во неговото назначување започнаа уште првиот ден кога на оваа функција беше ставен по незаконски начин непочитувајќи ги основните правила.Од началник на одделение, Ангеловски стана државен советник за медиуми во МВР.

Тој не е единствениот новинар од телевизија 24Вести кој е близок до СДСМ, па беше награден со работно место во сектор односи со јавност од Владата на Заев. Во Министерството за земјоделство односи со јавност и комуникации работи Соња Трпчевска-Јанковска, која претходно беше новинарка во телевизијата. Марина Узунов од истата телевизија си доби функција портпарол во кабинетот на Кочо Анѓушев.

Превработеност на грбот на граѓаните!

Платите на овие над 120 лица ќе се исплаќаат од џебот на македонските граѓани. Владата на Заев изминатиов период води штетни економски политики поради кои граѓаните трпат. Расте цената на акцизата за дизелот што ќе биде терет за најголем дел од граѓаните, а со зголемените даноци кои се ставаат на грбот на народот исто така овие лица ќе бидат исплаќани.

Зоран Ивановски разочаран од своите во СДСМ: Овие се само за циркус, јас со цел памет застанав зад Заев, тешко мене на паметот

Деновиве сме сведоци како најблиските и најгласните поддржувачи на политиките на Зоран Заев јавно искажуваат револт против политиките кои ги води и јавно се покајуваат за поддршката која му ја дале.

Кандидатот за пратеник на СДСМ од дијаспората Зоран Ивановски во својот вчерашен статус на фејсбук профил изразува разочарување и револт од политиките кои ги води Зоран Заев.

Имено тој во својот статус пишува дека сегашната власт е „циркуз“ и дека најверојатно нема да има ништо од изградбата на Чебрен и Галиште, ветерни фарми, фотоволтаични системи итн.

Зоран Ивановски во 2016 година беше кандидат за пратеник на СДСМ од дијаспората, тој важеше за еден од најголемите поддржувачи на идеите на Зоран Заев но по неполна година од доаѓањето на СДСМ на власт го промени својот став.

Тој на својот фејсбук профил напиша: „Јас со цел памет помислив кога застанав зад Заев дека ќе се прават Чебрен и Галиште, ветерни фарми, фотоволтаични системи….. овие само за циркуз за друго….. Тешко мене на паметот.“

Зоран Ивановски- кандидат за пратеник на СДСМ: Заев треба да се извини пред сите нас кои го донесовме на власт, а ние да се извиниме за грешката што ја напрвивме

Лошите политики на Владата на СДСМ предводена од Зоран Заев наидува на остри критики и кај оние кои токму го донесоа Заев на власт. Имено покрај ветувањата за подобар живот и повеќе пари во џебовите граѓаните, добивме покачување на акцизата за нафтата, која самата како еден од главните енергенси што се користи во скоро секој сектор, повлекува и зголемување на цените на сите производи. Ветувана беше просечна плата од 500 евра, а откако е на власт СДСМ, просечната плата паѓа. Уште многу ветување за подобар живот на граѓаните како да се заборавени од страна на власта.

Поради ваквата работа на оваа Влада, со реакција излезе Зоран Ивановски, кандидат за пратеник од СДСМ, кој беше втор на листата пратеници од дијаспората. Тој во својот најнов пост на Фејбуск вели дека Заев треба да се извини пред сите кои го донеле на власт, а дека тие кои го донеле на власт треба да се извинат пред граѓаните.

Ивановски упати критики кон власта и поради нелогичното однесување кое го има. Во текот на кампањата за локалните избори СДСМ единствено што ветуваа беше чистиот воздух, додека од друга страна актуелната власт најави дека ќе се менува законот за пушање, со кој сега повторно ќе се дозволи пушење во јавните простории.

Тој ги напаѓа и како што самиот вели лошите кадровски решенија на власта предводена од СДСМ. Имено, откако Тевдовски ги нарече медиумите кои пишуваат за зголемувањето на акцизата за дериватите нестручни, само затоа што го критикуваат овој потег на власта, а неговиот советник Бранимир Јовановиќ се обиде да им објасни дека тоа што дериватите ќе поскапат, било добро за граѓаните.

Тој на Фејсбук напиша дека пред изборите СДСМ пуштиле голем број криминалци од затвор, за да ги добијат овие локални избори, па како што вели дека не треба сега да се жалат дека се зголемил бројот на убиства во државата.

Ивановски упати и прашање дали министерот за внатрешни работи, Оливер Спасовски воопшто работи нешто, постирајќи неколку вести од трагични настани кои се случија само минатиот викенд.

Ивановски на Фејсбук напиша и дека Заев дејствува за ослободување на градоначалник, дека Заев знае дека двајца функционери му се под истрага, но дека тие ингеренции и информации по закон премиерот ги нема. Тој заклучува дека тука се создава новото македонско божество.

Кандидатот за пратеник на СДСМ од 2016 година упати критики и кон новиот буџет кој го предлага Владата предводена од Зоран Заев и Министерството за финансии, предводено од Драган Тевдовски. Ивановски вели дека во него предвидено ниту еден капитален проект.

Пред изборите во 2016 година една од главните работи кои цело време ги зборуваше тогашната опозиција е дека во државните установи има превработеност, а во новиот буџет за 2018 побарани се средства за 200 нови вработувања во градинките.

Тој прашува и дали Заев сака да го направи најголемиот грабеж досега од постоењето на Македонија.

Тој ги нападна и оние „непартиски“ активисти, од кои дел сега се вработени во Владата, дел се пратеници, дел директори, советници.

Душко Млекарот, пуленот на СДС: Ленче Николовска се слика додека фармерите страдаат

Душан Илиевски, познат како Душко Млекарот кој во иминатите години постојано одработуваше за СДСМ како лидер на земјоделците а во исто време е член на партијата, на социјалните мрежи жестоко удри кон партиските функционери за ситуацијата во фармерскиот сектор.

Николовски напиша дека додека функционерите на СДСМ се сликаат по некои мини млекари, цената на килограм млеко е се пониска а во исто време трошоците се зголемуваат. Фармерот алудираше и на се помалиот сточен фонд кој го има во Пелагонија благодарение на лошите политики на Владата.

Душко млекарот со нови обвинувања: Кирацовски спречува легални избори на синдикатот во РЕК, Ковачевски си купи магистерска диплома

Душан Илиевски познат и како Душко млекарот од Битола, активист на СДСМ упати сериозни обвинувања до неговиот сограѓанин, генералниот секретар на СДСМ Александар Кирацовски.

На социјалните мрежи Душко млекарот за Кирацовски напиша дека се обидува да спречи легални избори на синдикатот во РЕК Битола со цел на чело на синдикатот да постави човек кој е негов послушник.

Илиевски додава и дека поради написите против генералниот секретар на СДСМ, истиот му се реванширал со тоа што го повлекол адвокатот кој му го доделил СДСМ за да го брани поради неговото учество во немирите на шарената платеничка „револуција“, односно за напад на службено лице.

Покрај Кирацовски, Душан Илиевски „Млекарот“ ги обвинува и другите негови сопартијци од Битола за кои тврди дека има докази за незаконски постапки. Па така на мета на „Млекарот“ се најде и Васко Ковачевски, пратеник и претседател на битолскиот огранок на СДСМ. Него Илиевски го обвинува за купена диплома во незаконска постапка.

Ова не е прв пат Душко Млекарот да открива скандали за сопствената партија. Неодамна напиша дека Кирацовски и Ковачевски од СДСМ Битола направиле „јавна куќа“ и дека ќе остане СДСМ до крај но ќе продолжи да објавува информации за „криминалците кои профитираа од СДСМ и што наплаќаа пари од бизнисмени за својот џеб“.

ЌЕ ПОЧЕКАМЕ ЗА ЖИВОТ: Воздухот во големите градови загаден и опасен по здравјето – одговорните молчат

Воздухот во Скопје, Битола и тетово вечерва е опасен по здравјето на граѓаните. Додека граѓаните го дишат канцерогениот воздух, одговорните власти се кријат и не превземаат никакви мерки за подобрување на квалитетот на воздухот.

Нивото на ПМ10 честичките вечерва во скопско Лисиче изнесува енормно високи 406 милиграми на метар кубен. Ситуацијата е алармантна и во Битола, каде се евидентирани речиси 300 милиграми на метар кубен ПМ 10 честички, како и Тетово со 273 милиграми на метар кубен.

И додека граѓаните се гушат во канцерогениот воздух, актуелната власт која 10 години ја обвинуваше претходната власт околу воздухот со цел да придобие политички поени, сега истите тие се кријат од одговорност и никаде ги нема.

Илјадници луѓе секојдневно се трујат поради неспособноста на властите да се справат со проблемот со загадениот воздух. Човечки животи се губат поради неспособноста на властите да се справат со загадениот воздух. ПМ 10 честитичките се најсериозниот убиец на здравјето на граѓаните.

Загадувањето убива во Скопје

Болестите на респираторниот систем се најчестата причина за хоспитализација на населението во Скопскиот регион, покажува анализата на Центарот за јавно здравје – Скопје.

Имено, 13,9 отсто од вкупниот број на случаи на болничко лекување се должат на овие заболувања.

Неоплазмите се втората најчеста причина за прием во болница со учество од 13,5 отсто во вкупниот број на хоспитализации. Болестите на циркулаторниот систем, стојат на третата позиција со индекс од 13,4 отсто.

Болничкиот морбидитет во Скопскиот регион покажува највисока специфична стапка на болничко лекување за болестите на респираторниот систем од 14,6/1.000 жители, што е под стапката за земјите од Европскиот регион (2010) од 18,4/1.000 жители.

Болестите на циркулаторниот систем, I00-I99, со специфична стапка на болничко лекување
од 14,1/1.000 жители во Скопскиот регион, се исто така под специфичната стапка на отпусти.

Загадениот воздух ни ги крати животите за 4 години

Проф. д-р Драган Ѓорѓев од Институтот за јавно здравје предупредува дека Скопје е водечки град во Европа според загадувањето со помалите и поопасните ПМ 2.5 честички и дека во Скопје секој трет умира од загадениот воздух. Во просек, аерозагадувањето го крати животниот век за најмалку 4 години.

Загадувањето на воздухот во Скопје, Битола, Тетово, Куманово и ширум Македонија не е само криза, туку е елементрана непогода како пожар или поплава. Полоша непогода дури од поплавата во Стајковци каде, за жал, загинаа 21 граѓанин. Светска Банка проценува дека во Македонија од загадениот воздух гинат 1.350 граѓани годишно, што значи дека ни се случуваат над 60 „Стајковци“ годишно. Во просек четворица граѓан(к)и гинат дневно заради загадениот воздух. Намерно го користам терминот „гинат“ бидејќи тие се жртви на оваа елементарна непогода. Светска Банка ја рангира Македонија на петто место во Европа според најмногу смртни случаи заради загадување со ПМ честички, со што се прави економска загуба од €253 милиони годишно или 3.2% од БДП.

ПМ10 претставуваат мали честички со дијаметар од 10 микрометри кои се пет до десет пати помали од дијаметарот (дебелината) на човечкото влакно. Според Агенцијата за заштита на животна средина на САД, честичките помали од 10 микрометри се уште поопасни бидејќи се вгнездуваат длабоко во белите дробови и можат да навлезат дури и во крвотокот и да предизвикаат негативни здравствени ефекти како предвремена смрт кај лица со срцеви и белодробни заболувања, неправилно работење на срцето, влошена астма и намалена функција на белите дробови. Најновите истражувања покажуваат дека загадениот воздух предизвикува и деменција и алцхајмер.

Чувствителни групи со претходно постоечки белодробни или срцеви заболувања, како и стари лица и деца се особено ранливи. Децата се најосетливата група, затоа што имаат организам во развој и побрзо дишат, а со тоа и побрзо внесуваат загадени материи во телото. Според анализа на Институтот за јавно здравје при Министерството за здравство, секое второ дете кое побарало лекарска помош во 2015 година имало респираторни проблеми. Аерозагадувањето го намалува имунитетот на децата и ги прави подложни на хронични болести. На пример, во Пелагонискиот регион до 2012 година имало преку 200 деца заболени од малигни тумори. Во последните шест месеци уште пет деца заболеле од рак во Битола и граѓаните во Битола вперуваат прст кон загадениот воздух како главен фактор.

Проф. д-р Драган Ѓорѓев од Институтот за јавно здравје предупредува дека Скопје е водечки град во Европа според загадувањето со помалите и поопасните ПМ 2.5 честички и дека во Скопје секој трет умира од загадениот воздух. Во просек, аерозагадувањето го крати животниот век за најмалку 4 години.

Според неофицијалните податоци од апликацијата МојВоздух во 2016 година, најзагадена општина во Македонија е Тетово со 269 денови со надминување на среднодневна гранична вредност на ПМ 10 честички која изнесува 50 микрограми на метар кубен (50mg/m3). Следуваат Гази Баба со 157 денови, потоа Кичево со 144 денови, Лисиче – 137 денови, Ректорат (УКИМ) со 124 и Куманово со 123 денови. Дозволениот број на надминувања годишно е 35 денови.

Димитров: Нема македонска нација, јазик и држава пред 1944 година

Во интервјуто дадено за бугарскиот портал „INFORMO“ бугарскиот професор Божидар Димитров, директор на Национален историски музеј во Бугарија, истакнува дека полека се чувствуваат промените од Договорот за добрососедство потпишан помеѓу Бугарија и Македонија. Тој објаснува дека е започнат процесот на промена на македонските учебници по историја и дека историјата е многу јасна и децидна, а тоа е дека македонизмот не постои, македонската нација, јазик и држава пред 1944 година не постоеле и дека се создадени во 1944 година од страна на Југословенската комунистичка партија.

Прашан дали со договорот ќе настапи промена во учебниците и дали ќе има генерално признавање на заедничките корени помеѓу двете држави. Димитров вели:

– Историски дискусии тешко можат да се водат, бидејќи историјата е јасна. Тоа ние е јасно не само на нас, туку и на научниците од целиот свет. Факт е дека до 1944 година нема македонска нација, јазик и држава. Сето тоа е создадено 1944 година од Југословенската комунистичка партија, со што е исполнета една оодлука на Комитерната од 1934 година. Од тогаш навака многу е јасно каква е историјата.

Димитров дополнува дека договорот за добрососедство ќе почне да се реализира и ќе има придвижување, кога ќе биде одобрен од парламентот на двете држави, тоа ќе се случи многу брзо, според него.

– Уште пред да влезе во сила има некои позитивни чекори, на пример веќе има одлука од учебниците да се избрише изразот „бугарски фашистички окупатор“ и т.н. Односно лошите зборови за бугарите да бидат избришани од учебниците, а по натаму ќе видиме што ќе биде. Не треба да ги брзаме работите и да сакаме договорот да дејствува пред тој да е ратификуван од парламентите од двете држави, истакна Димитров.

Ваквите шовинистички изјави за негирање на посебноста на македонската држава, јазик и нација се интензивираа во бугарските научни кругови по склучувањето на договорот за добрососедство помеѓу Македонија и Бугарија.

Орданоски на ТВ „Шења“: Овој Заев нема многу високи морални и политички стандарди (ВИДЕО)

Политичкиот аналитичар Сашо Орданоски, кој важи за близок до СДСМ, како гостин во емисијата “Отворено студио“ на телевизија Шења, ги коментираше актуелните политички случувања и потезите на Зоран Заев, при што констатираше кога тој би бил во политиката би поставил цврсти линии и стандарди, и дека Заев нема високи морални и политички стандарди.

-Јас кога би бил во политиката, би ставил некои по цврсти линии преку кои не може да се помине, но гледам дека овој Заев, има прилично отворена една концепција, дека нема многу високи морални и политички стандарди, во оваа фаза во која бара поддршка од сите бидејќи не чекаат крупни прашања за решавање, рече Сашо Орданоски во “Отворено студио“.

Тој исто така констатираше дека сега притисокот не е толку голем врз ДУИ колку што е врз СДСМ, затоа што сега СДСМ е таа која треба да испорача за етничката агенда на Aлбанците, пред кој што претходните власти во Македонија немале такви обврски.

-Погледнете го сега проблемот со законот за јазиците, сега е тоа иницијатива помалку на ДУИ колку што е сега исправање на тест на СДСМ, сега СДСМ треба, и тоа добро го прави, да излезе со понуда која што ќе ги задоволи и некои етнички барања од нејзините гласачи, – рече Орданоски во неговото гостување на ТВ Шења, притоа алудирајќи на гласачите Aлбанци.

Аналитичарот Орданоски исто така кажа дека на крај цената ќе ја плати Заев, со тоа што ќе дојде време кога ќе се излезе на избори и тој ќе ја плати цената за сето ова што го прави.

РАСИПНИШТВОТО НА СДСМ: Владата во наредната недела ќе се задолжи за нови 86,9 милиони евра

Ново задолжување од високи 86,9 милиони евра е закажано на 28.11.2017 односно во вторник наредната недела.

На официјалната страна на министерството за финансии е закажана нова аукција на државни хартии од вредност и тоа на 6 месечни државни записи без девизна клаузула во висина од 500.000.000 или 8.123.476 милиони евра, потоа 12 месечни државни записи без девизна клаузула во висина од 4.600.000.000 или 74.735,987 милиони евра , 3 годишни државни обврзници без девизна клаузула во висина од 120.000.000 или 1.957.585 милиони евра и 15 годишни државни обврзници со девизна клаузула во висина од 125.000.000 или 2.030.869 милиони евра.

Министерството за финансии исто така се задолжи оваа недела на 21 ноември во висина од 31.52 милиони евра. Задолжувањата вртоглаво растат, исто така ММФ во својот извештај за Македонија ја потенцираше опасноста од големиот долг кој до 2020 доколку задолжувањата се движат со вакво темпо би пораснал на 53 % што е загрижувачка бројка бидејќи на тој начин земјата се воведува во опасност да не може да ги сервисира сопствените долгови.

Вкупниот долг на Македонија до сега изнесува близу 640 милиони евра односно со овие нови 86,9 милиони евра би пораснал на приближно 726 милиони евра што е огромна сума.
Владата на СДСМ без усул ја задолжува земјата и македонските граѓани, тие во својата кампања остро ги критикуваа задолжувањата но сега го прават сосема спротивното вртоглаво се задолжуваат без да изградат со тие пари било каков капитален проект кој е од инфраструктурана или стратешка важност за државата.

ВИДЕО: Заев, Наум и Пимен го пречекаа Борисов – Која е поврзаноста со скандалот на МПЦ?

Премиерот Зоран Заев, утрово го пречека бугарскиот колега Бојко Борисов пред водочкиот манастир „Свети Леонтиј“ во Струмица, кој се наоѓа на границата со Бугарија.

Заев беше придружуван од владиците на МПЦ, Пимен и Наум, на кои бугарскиот премиер им баци рака пред да влезе во манастирот.

Инаку, средбата на Заев, Пимен и Наум со Борисов, доаѓа само една недела по излегувањето во јавност на скандалозниот документ со кој МПЦ ја признава бугарската црква за црква мајка.

Токму струмичкиот владика кој сега е домаќин на Борисов, прв јавно ја почна иницијативата МПЦ да стане црква ќерка на БПЦ, со неговата изјава минатата недела.

„Сметаме дека автокефалноста на МПЦ-ОА не е призната од политички причини. БПЦ има шанса со самото признавање на МПЦ-ОА да стане мајка на МПЦ-ОА. Тоа е ретка историска шанса, која БПЦ не треба да ја пропушти“, изјави митрополитот струмички за приватната бугарска телевизија БТВ.

Во интервјуто направено во Струмица тој нагласи дека Македонија и Бугарија имаат заедничка религиозна историја.

„Ние сме биле дел од Бугарска Егзархија. Луѓето тогаш (кон крајот на 19. век и во почетокот на 20. век) биле разделени меѓу Егзархијата и Цариградска патријаршија, но повеќето биле егзархисти“, изјави владиката Наум.

Симптиматично е што Борисов и Заев се среќаваат токму со човекот кој го иницираше овој скандалозен документ, при што се поставува прашањето, дали писмото со кое МПЦ ја признава БПЦ за црква мајка е само уште една остапка која е предвидена во договорот со Бугарија кој го потпишаа Заев и Борисов а со кој Македонија се откажува од голем дел од својата историја и од историските учебници го брише терминот „Бугарски Фашистички Окупатор“ за периодот од втората светска војна.

СВИРКАЧ ПРИЈАВИ: По милионте евра за возила, Спасовски спровел и сомнителна набавка на чизми од 150.000 евра

Неодамна полицискиот синдикат реагираше за старите чизми кои беа доделени на полициските службеници. Освен донираните од 1982 година чизми кои министерот Спасовски ни ги претстави како светла инвестиција заедно со донираните шкоди купени од неговиот партиски донатор, скандалозен е неквалитетот на купените 2000 пара чизми со пари од Буџетот на Република Македонија, стои во новиот текст на свиркачите на „Џастпејстит“. Во текстот се вели дека Министерот Спасовски истуркал сомнителна набавка на чизми од 150.000 евра.

„На тендерот од преку 150.000 евра кој го доби фирмата Пинко Кирил ДОО Скопје до МВР доставени се мостри за контрола на квалитет пред истите да се дистрибуираат до МВР. Откако е утврдено скандалозното отстапување од спецификациите кои се барани во набавката како водопропустливост, лабораториски сертификати кои не соодветствуваат со реалните параметри и останато, за истите не е дадена согласност да бидат примени во магацинот на МВР. Но, преку најгруба и криминална писмена наредба потпишана од Министерот Спасовски и Директорот Лазо Велковски со која им се наредува на комисијата задолжена за оваа постапка да изврши прием на чизмите, истите се дистрибуирани во МВР. За ваков вид нарушување на постапка за набавка се лежи затвор. За скандалозно неквалитетни обувки за полициските припадници се плаќа со нивното здравје. Спасовски и Велковски дали сте свесни дека тој Ваш допис не застарува и имате основ за одење во затвор за ваквата Ваша криминална постапка на кршење на сите процедури за спроведување на јавна набавка? Добро прочитајте си го законот за јавни набавки и сите останати процедури поврзани со него и консултирајте се со адвокати бидејќи ЈО сега или во иднина сепак ќе мора со ова да се позанимава. МВР не е Ваша компанија, па самостојно да одлучувате што и од кого ќе набавувате, порачуваат свиркачите.

Дека СДСМ си мисли на своите се покажа и преку најавената набавка на автомобили за МВР од фирма блиска на партијата. Неодамна свиркачите јавно повикаа на одговор, дали од фирма блиска до СДСМ, ќе се купува возила за МВР вредни милион евра?

Да потсетиме дека за скандалот со донираните „нови“ чизми од 1982 година реагираше и Независниот синдикат на полицајците, кои побараа подобрување на условите за работа и опремување на припадниците на МВР согласно Правилникот за носење и времетраење на униформата.

-Во овој период МВР доби донација на и од она што може да се види има две врсти на чизми. Едните се со производство од 1982/3 година од типот на чизми на ЈНА но со многу полош квалитет, а другите се еден вид на имитација на Планика но во многу мал број кој нема да биде доволен за сите полициски службеници, реагираа од синдикатот.

Полицијата добила „нови“ чизми од 1982 година: Донирани чизми стари 35 години!

РАСИПНИШТВОТО НА ДЕЛО: Да му помогнеме на директорот Донев поевтино да лета, поевтино да нѐ чини

Директорот на државната Агенција за промоција и поддршка на туризмот Александар Донев убедува дека Агенцијата со која директорува троши строго домаќински. За домаќинско работење го смета и фактот дека само до Буенос Аирес, Аргентина, летал со бизнис-класа. На сите други патување летал со економска класа или со нискобуџетни летови.

Донев присуствувал на Светскиот самит за авантуристички патувања што се одржа во октомври во Буенос Аирес, а одлучил да лета во бизнис-класа оти летот бил долг повеќе од 17 часа, а на самитот имал голем број состаноци.

-Агенцијата за промоција и поддршка на туризмот ги реализира буџетските трошоци строго наменски и домаќински. Првпат летав со бизнис класа за Аргентина бидејќи патот е долг, повеќе од 17 часа, а имав набиена агенда, голем број состаноци кои бараат ефикасност. На сите други патување сум летал со економска класа или со нискобуџетни компании, вели директорот Донев за СДК.мк по прозивките на социјалните мрежи.

Тој вели дека авионската карта до Аргентина во бизнис-класа била 30 отсто поскапа од онаа во економска класа, односно економска класа чинела околу 180.000 денари, а бизнис околу 220.000 денари.

Со неговата изјава не се согласуваат граѓани, кои на социјалните мрежи веќе се ангажираа да му најдат поевтини билети за Аргентина на директорот Донев.

Александар Донев е истакнат активист на Шарената револуција, кој стана државен службеник викајќи „ружна ви е владата“.

Донев не се стегаше и кога требаше да се удри по полицијата.

Донев, пред да стане директор во Агенцијата за промоција и поддршка на туризмот, беше претседател на здружение за промоција и поддршка на одржлив туризам и одговорни активности во природа „Мастсидонија“ (Mustseedonia) и консултант на повеќе меѓународни проекти за туризам.


Груевски: Ова што го работи СЈО е незаконски – целта е да се оттргне вниманието од основните проблеми со кои се соочува државата и граѓаните

Ова што го работи СЈО е незаконски, бидејќи нивниот мандат е одамна истечен и овие предистражни постапки што ги водат практично се малтретирање на граѓаните во услови кога тие не може да поднесуваат никакви обвиненија или практично работат незаконски, изјави поранешниот премиер и лидер на ВМРО-ДПМНЕ Никола Груевски по денешниот распит во Специјалното јавно обвинителство.

– Денеска бев поканет од СЈО во својство на сведок за некоја нивна, како што кажаа прдистражна постапка. Им укажав дека ова што го работат е незаконски, дека нивниот мандат е одамна истечен и дека овие предистражни постапки што ги тераат практично се малтретирање на граѓаните во услови кога тие не може да поднесуваат никакви обвиненија или практично работат незаконски, рече Груевски.

Но, како што додаде, за да не излезе дека одбегнува дошол да го каже своето мислење и да одговори на некои прашања.

– Мислам дека ова го прават со цел да сум тука пред вас да ја дадам оваа изјава. Наместо да се зборува за она што случува во државата, за она што се зборува за промена на името од страна на Заев, наместо да се зборува за профункционирањето на ветените 100 илјади денари плата за лекарите или 500 евра просечна плата, за скандалозниот договор со Бугарија или пак, да се зборува за двојазичноста која што СДСМ ја промовира во Парламентот, да се зборува за тоа дека јас сум бил повикан во СЈО и дека сум дал изјава како сведок, рече Груевски.

Според него, „сето ова е политички со цел да се оттргне вниманието од основните проблеми со кои се соочува државата и граѓаните, да се зборува за минатото и на да се замае јавноста“.

– Членот 12 алинеја 2 од Законот за кривична постапка е многу јасен, дека незаконски прибавени аудио или видео сметки, не може да бидат доказ во судска постапка, ниту по нив да се изведуваат докази. Со оглед дека се работи за предистражна постапка мислам дека законски не смеам да соопштувам, изјави Груевски по распитот во СЈО.

ЗНМ контра Владата: Македонија е заробена држава со медиуми во грч

Ветуваа слобода а воведуваат цензура. Остри критики од Здружението на новинарите на Македонија и од Институтот за општествени науки за предлог Законот за аудио и аудиовизуелни медиумски услуги.

Предупредуваат дека со законските измени и паричните казни власта сака да ги цензурира и уредува медиумите, што е спротивно на уставот. Реагираат дека Македонија станува целосно заробена држава, а медиумите се во грч. Вака предложеното решение не смее да помине во собрание.

– Актуелниот Закон е совршен пример на илиберална демократија и нејзиниот главен механизам заробената држава, во која извршната власт до толкав степен ги потчинува законодавната и судската, што е практично е единствената власт. Карактеристично за сите илиберални демократии е дека законите премногу се детализираат, што е случај и во овој Закон, со што фактички е сведен на правилник, вели Катерина Колозова од Институтот за општествени и хуманистички науки.

Претседателот на ЗНМ, Насер Селмани ја обвини Владата дека со обидот за воведување на парични казни за неетичко известување на медиумите сака да воведе цензура, која е забранета со македонскиот устав. Алармираат власта да ги тргне рацете од уредувачката политика кај приватните медиуми, зашто за програмата на телевизиите треба да одлучи пазарот, а не политичарите, кои преку казни, дополнително би се офајдиле.

– Ако помине овој член власта во иднина ќе ја утврдува вистината во медиумите, она што според нејзиниот вкус ќе биде лага ќе го казнува со пет илјади евра за медиумот и 1.500 евра за одговорното лице. Овој член од законот ќе има застрашувачки ефекти врз слободата на медиумите и слободата на говорот, ќе ја зајакне постојната самоцензура и ќе ја задуши критиката во медиумите, нагласи претседателот на ЗНМ, Насер Селмани.

Новиот предлог Закон со кој се регулира работата на медиумите е веќе скроен. Министерството за информатичко општество го стави на хартија, но без да ги консултира сите засегнати страни.

Главниот акцент е ставен на намалување на политичкото влијание, но со мерки кои отвораат простор за казни врз новинарите и слободата на изразување.

Инаку, ЗНМ во изминативе години беше меѓу најгласните во борбата за слобода во медиумите и немешањето на власта во уредувачката политика. Сега предупредуваат дека Владата практично сака да стави рака врз медиумската содржина и да изигрува главен и одговорен уредник и да им каже на новинарите што е етичко а што е неетичко известување.