„Илинден“: Не е прифатен ниту еден проект на македонските здруженија во Албанија

Ilinden-Albanija

Од македонското друштво „Илинден“ во Албанија тврдат дека албанското Министерство за култура не прифатило ниту еден проект на македонските друштва.

– Воопшто не сме задоволни од односот на Министртвото за култура. Таму не сакаат ниту да слушнат за нашите проекти. Со години наназад, а и оваа година нема ниту пара за доставните проекти од асоцијациите на Македонците. Доставуваме проекти, но тие не се прифаќаат, вели Никола Ѓурѓај, претседател на македонското друштво „Илинден“.

Според него, Македонците имаат потреба од поддршка на нивните проекти кои се однесуваат на негување на традициите на Македонците кои живеат во Албанија.

– Владата треба да има предвид дека и ние Македонците во Албанија, треба да добиваме проекти, ние сме лојални граѓани и ги плаќаме сите даноци, но пари за наши културни активности нема, вели Ѓурѓај.