„Македонски манифест“ со отворено писмо до Владата: Зошто албанските партии го решаваат спорот со името?

Македонски манифест сака да ја сподели со Владата на Република Македонија својата размисла во врска со темата: Албанските партии и спорот со името со Грција.

Нивното отворено писмо го пренесуваме во целост:

Цврсто сме убедени дека што се однесува до Името, за него како есенцијален проблем, наметнат од надвор и однатре со најгруби средства на присила, имаат повод да се изјаснуваат и да го решаваат единствено Македонците по род. Тоа затоа што Името е колективен архетип, идентитет, историја и меморија исклучиво на Македонците. Вклучително од тоа произлегува дека истото е  и нивна и болка и рана која крвари сега. Се разбира, добродојдена е секоја добронамерна помош во овој навистина идентитетски и мачен спор, но  не и учество во него со задни намери, мимикрија, иронија и умисла за некоја своја крајна добивка.

Навистина е невкусно, на пример, нашиот евроинтегративец, Бујар Османи, во таа смисла да тврди дека новата влада ја добила апсолутно довербата на народот да го реши еднаш за секогаш тој проблем, а притоа отворено да повикува на промена и на другите идентитетски симболи и знаци на македонскиот народ и држава како што се: знамето, химната и други. А тоа од своја страна значи план за систематско бришење на сите знаци на македонскиот колективен идентитет. Во прилог на тоа зборува и непризнавањето на автентичното македонско име од страна на владата во Тирана, иако тоа е признаено од вкупно 138 држави во целиот свет. Таканаречената, со геноциден мирис, Тиранска платформа што ја изготви таа во соработка на ЦИА за деструктивните потреби на албанските политички партии кај нас се вклопува во истиот план за докусурување на македонскиот колективен идентитет, национален суверенитет и држава.

Македонскиот манифест, ако некому, вклучително и на нашата актуелна влада, не му е јасно, потсетува дека Името над кое сега се наднесени толку многу и надворешни и внатрешни мршојадци, по дефиниција не е политичко, туку, чисто онтолошко прашање, прашање на македонското колективно битие. На никој друг. Сите други, ако немаат намера искрено да помогнат, нека ги тргнат грабливите раце од него. Засекогаш!

Македонски манифест

АЛБАНЦИТЕ КОНТРА ЗАЕВ: Тиранската платформа е жива и ќе биде спроведена во програмата на идната влада (ВИДЕО)

Зоран Заев вчера поднесе гаранции до претседателот Ѓорѓе Иванов со кои тој, меѓу другото, требаше да гарантира дека нема да ја прифати Тиранската платформа како услов за владино коалицирање, а веднаш потоа замина во движењето Беса на консултации за владина програма.

Иако претходно велеше дека „нема платформа, туку има владина програма“, која во обид да го амортизира незадоволството кај народот, ја презентираше својата програма, Заев вчера призна дека наскоро ќе биде составена владината програма во која ќе биде содржана и тиранската платформа.

Вчеравечер сите партии партнери на Заев на македонските Албанци во дебатна емисија потврдија дека Тиранската платформа е жива и дека таа ќе биде дел од владината програма што Заев треба да ја спроведе.

Реџаил Исмаили е пратеник на ДУИ. Тој дури на двапати потврди дека таа ќе е дел од владината програма.

„Секако дека е, јас ви кажав и претходно. Декларацијата е жива и ќе биде дел од програмата на новата влада“.


И партискиот функционер од Беса Љуљзим Алиу ги зацврсти ставовите на сите политички партнери на Заев дека тиранската платформа е жива.

„Без сомневање, да. Декларацијата на албанските партии е жива“.


Сирија Рашиди е пратеник од паријата на Села, директно прашан „дали е сè уште жива албанската платформа“, тој одговори „Секако дека е жива“. Притоа Рашиди нагласувајќи дека нема конечна одлука за учество во власта, партијата ќе го уценува Заев со исполнување на тиранската платформа.

„Ние немаме донесено дефинитивна одлука дали ќе бидеме или не дел од новата влада“- вели Рашиди.

Како што е познато, и досега, додека Заев лажеше дека не по стои тиранска платформа, неговите коалициски партнери не само што тоа го потврдуваат туку и ги открија сите детали што се бараат  со неа, како што се бинационална држава, прогласување на Македонците за геноциден народ, промена на името и симболите на државата и на македонскиот народ.

Џејсон Мико: СДСМ во комбинација со албанските партии – рецепт за катастрофа

Маршот на божемните колонијални тирани продолжува. Притоа, се разбира, мислам на амбасадорите на САД и на ЕУ кои работат прекувремено за да го „признаат“ т.н. „спикер“ на македонскиот парламент, Талат Џафери, нивниот вазал во Македонија. И повторно: ако мора постојано да повторувате дека тој бил „законски избран“ и дека е „спикер“, ако мора да испраќате различни претставници на владите од ЕУ да се среќаваат со него, тогаш поттикнувате сериозни сомнежи во неговиот легитимитет. Вака или онака, вистината е дека неговата позиција како „спикер“ ќе биде засекогаш извалкана со недоверба и сомнежи. Целата таа несреќна епизода од 27 април води до ненамерни последици: последици што ја поткопуваат неговата позиција, неговите изјави и сè што излегува од парламентот. Брзајќи да го издејствуваат ова, тие заборавија на законот на ненамерните последици – пишува во својата колумна Џејсон Мико, менаџер за односи со јавноста од Аризона.

Мико, кој е долгогодишен набљудувач на состојбте во Македонија и во Југоисточна Европа, вели дека во Македонија има многу интересна комбинација: СДСМ, која ветува влада на левицата што ќе ги изгази традиционалните, конзервативни, општествени вредности на сите македонски граѓани, и ветува високи даноци и прераспределба на богатството во комбинација со албанските партии, на кои на крај памет не им е создавањето работни места и единствено сакаат позиции во владата и повластици придружени со албанските симболи кои либерално ќе се спрострат низ државата… тое е рецепт за катастрофа и од економски, и од политички и од аспект на надворешната политика.

-Ако навистина биде применет, тој ќе ги уништи сите придобивки што земјата ги стекна изминатата деценија и, без разлика што мислите за актуелната влада, Македонија економски драматично се подобро (тие што велат дека се уназадила одат повеќе пати на одмор надвор од државата и се секогаш поканети на настаните организирани од американската и од амбасадите од ЕУ). Општествено, политиките што ги спроведува актуелната влада имаат за цел да го зацврстат семејството зашто без развој на семејството, нема независна нација-држава. Но, повторно, токму тоа и го сакаат тираните претставени од американскиот и од амбасадорите од ЕУ- вазалска држава без етничко мнозинство, лојална и покорна на елитите во САД и во ЕУ – пишува Мико.

Манојлоски: Албанските партии јасно кажаа дека нема да го поддржат СДСМ ако не ја спроведе Тиранската платформа

Пратеникот Горан Манојлоски од ВМРО-ДПМНЕ денес во Собранието на Република Македонија потсети дека албанските партии  од говорницата во Собранието јасно кажаа дека нивните потписи му ги даде на СДСМ само заради тоа што Заев ја прифатил во целост тиранската платформа.

-Овие денови сме сведоци дека дебатата што ја почнавме тука во Собранието и тоа како е корисна и ќе доведе до решавање на многу дилеми. Откако на почетокот на дебатата јавно ни беше презентирана платформата од нашите колеги од албанскиот политички блок со забелешка дека без нејзино целосно спроведување нема да го поддржат СДСМ да формира Влада, полека но сигурно и нејзините креатори однадвор, како и однатре, почнаа да ретерираат во своите ставови. Прво дека нема платформа, дека тоа е декларација, па потоа дека не е составена во Тирана, дека е составена во Скопје – рече Манојлоски.

ЗАЕВ ЌЕ ПРАВИ ЛИБИЈА ОД МАКЕДОНИЈА: Ги собирал лидерите на албанските партии во „Палас“ за да формираат влада

Вчеравечер Зоран Заев заедно со неколкумина функционери од раководството на СДС се обиделе да организираат тајна средба во хотелот „Александар Палас“, на која заедно со лидерите на албанските партии, требало да договорат ново Собрание, Влада и државни органи – пишува Љупчо Палевски, експретседател на градската организација на СДСМ на својот ФБ профил.

Според Палевски, Заев ги повикал сите лидери на албанските партии во обид да формира Парламент, Влада и Собрание со што би се предизвикало двовластие во државата по примерот на Либија.

Palevski-Zaev-Palas

Како што пишува ексфункционерот на СДСМ, Али Ахмети бил единствен кој не се сложил, а поради него пропаднала целата работа.

За разлика од него, Зијадин Села бил расположен за предизвикување на уште поголема криза во државата.

„Неколку малоумници на чело со Заев сакале у „Александар Палас“ паралелно Собрание да напраат, да избереле органи и Влада. Неверојатно глупаво, НУКЛЕАРНО ГЛУПАВО, а денес веќе нормално за Зајко, но за среќа Ахмети има малку трунка разум што ме изненади, па ја откажал целата работа, не се сложил. Сеља Струшкион лепотан се ПОТЕПАЛ од радување, затоа што на дилетантиве не им текнало дека токму Сеља се радува на ДВА ПАРЛАМЕНТИ, се радува на ДВЕ ВЛАДИ, затоа што едните ќе бидат на ИЛИРИДА. Абре Зајко Зајко….само за шишање ти служи“ – пишува Палевски на својот ФБ профил.

Иванов за ХТВ: 67-те потписи се добиени под уцена од албанските партии

Заев е пред се многу исплашен. Преплашен. Затоа што очигледно не го испорачал тоа што се очекувало од него. Влегол во туѓа игра во која што не може сега да излезе. Тој сега прави грешки. Кога е човек исплашен прави грешки. Тие негови грешки сега го внесуваат во многу потешка состојба од онаа кога почна сево ова. Кога сакаше преку снимки, кои како што вели тој, ги добил од странски служби, да ја сруши легално избраната Влада на Република Македонија, изјави претседателот на Република Македонија, Ѓорге Иванов во интервјуто за Хрватската Телевизија, одговарајќи на прашањето која е причината за постапките на Заев.

Во интервјуто за ХТВ, Иванов посочува дека лидерот на СДСМ, Зоран Заев, 67-те потписи ги добил под уцена од албанските партии да прифати платформа која како што нагласи тој, е донесена во Кабинет на премиер на туѓа држава.

-Доколку јас дадам мандат на некој што прифатил платформа на туѓа држава, согласно нашиот Кривичен закон, членот 308, ја рушам независноста на државата. Во членот 308 изричито стои: тој што би ја довел државата во подредена состојба и зависност на друга државност се казнува до пет години, вели македонскиот претседател.

Според Иванов, ниту Уставот, ниту неговата совест, ниту свечената заклетва која ја дал како Претседател на Република Македонија, не му дозволуваат да го даде мандатот на Зоран Заев и да си дозволи да ја доведе Македонија во подредена состојба и зависност од друга држава.

– Мојата заклетва се разликува од другите  јавни функции и таму стои дека јас морам совесно и чесно да ја обавувам функцијата Претседател на Република Македонија. Да ги почитувам Уставот, законите, но и територијалниот интегритет, сувереноста и независноста на државата, вели Иванов во интервјуто за  ХТВ.

Пандов: Заев губи кај албанските гласачи и тие се насочуваат кон албанските партии

ВМРО-ДПМНЕ има еден квантум на 400 илјади гласови, а феномен и шок беа 60-80 илјади албански гласови за СДСМ, гласови коишто никогаш не ги имал СДСМ, а Заев сега е свесен дека ја губи поддршката и кај албанските и кај македонските гласачи, рече во гостувањето во вестите на ТВ Нова политичкиот аналитичар Александар Пандов.

– Со албанската платформа и секое нивно „дали уставните експерти треба да утврдуваат“, а од друга страна со полни грла Али Ахмети и останатите Албанци говорат дека албанската платформа е таа што ќе донесе граѓанско општество во Македонија, Заев губи кај албанските гласачи и тие се насочуваат кон албанските партии – вели Пандов.

– Оттука мислам дека Зоран Заев не е спремен сега, свесен е дека губи и кај албанските и кај македонските гласачи. Секој еден којшто имаше дилема околу неговата национална определба, околу неговиот граѓански карактер на кампања и водење на политика, сега веќе мислам дека ги има отстрането и свесен е дека е тој само еден мапет на некои странски амбасадори коишто тука роварат низ Македонија, односно човек којшто е подготвен да ја продаде душата и на ѓаволот за да се добере до власт – рече Пандов.

Албанските партии допрва ќе формираат тело за Законот за употреба на албанскиот јазик

Албанските партии допрва ќе формираат тело за Законот за употреба на албанскиот јазик е заклучокот на денешната средба на ДУИ и Алијансата за Албанците, на која не учествуваше третиот потписник на Платформата, Беса.

-Уставот треба да се отвори, и тоа не само за овој закон, туку и за други закони предвиеди со Охридскиот договор. Договорено е албанските партии да формираат ново тело од по двајца партиски претставници во рок од три дена, кое ќе работи на Предлог-закон за употреба на албанскиот јазик, од што не отстапуваат, изјави лидерот на Алијансата за Албанците Зијадин Села, кој два часа разговараше со Ахмети и други партиски претставници, објави Канал 5.

Села рече дека во новото тело треба да учествуваат по двајца членови од партиите потписнички на Платформата. Тоа треба да ги усогласи ставовите и да го предложи законот за јазиците.

Никовски: Платформата на албанските партии е антиуставен ултиматум

Антиуставниот ултиматум на Тирана и Приштина кој нашите тројански коњи ни го испорачаа како услов за формирање на нова влада не е прашање со кое треба да се соочи мандаторот на новата влада, кој и да е тој, вели Ристо Никовски.

Антиуставен ултиматум, вака политичкиот аналитичар и поранешен амбасадор, Ристо Никовски ја оценува заедничката платформа на македонските албански партии којашто вчера беше презентирана пред јавноста.

„Антиуставниот ултиматум на Тирана и Приштина испорачан преку нивните тројански коњи во земјава мора да оди на референдум. Тој не е надлежност на мандатар“, вели Никовски за Нетпрес.

Според Никовски, платформата пропагира нелегално редефинирање на државата и додава дека нема унитарна држава која е двојазична и нема никаква потреба Македонија да биде прва.

„Се работи за документ за нелегално редефинирање на државата кој мора да оди на референдум. За такво нешто мора да одлучува народот а не мандатар на било која нова влада. Ново е што, овој пат, промената на уставниот карактер на државата не ни е подметнат по неуспешна војна за “ослободување на албанските територии“ во државата (2001),  во која ние, сепак, бевме поразени. Сега, со овој ултиматум, токму преку договорот од Охрид, кукавички подметнат од страна на Вашингтон и во негова режија, се бара завршување на големоалбанскиот проект. Ако народот го прифати анти уставното редефинирање на државата на референдум – така мора и да биде. Ако, пак, спротивно на иредентистичките аспирации на Тирана и Приштина, целосно поддржани од Вашингтон, не прифати уставно редефинирање тоа ќе мора исто така да се почитува. Инаку, во светот нема унитарна држава која е двојазична и нема никаква потреба Македонија да биде прва“, вели Никовски.

Албанските партии кои освоија пратенички места на последните избори вчера излегоа со заедничка платформа и барања кои треба да бидат прифатени и исполнети од македонските партии со цел да се формира ново парламентарно мнозинство доволно за формирање влада.

ДУИ, БЕСА, ДПА и Алијанса за Албанците, како што соопштуват, ќе биде основа на партиите на Албанците во преговорите за формирање на нова влада.

Преку платформата се бара албанскиот јазик да добие статус на официјален јазик на целата територија на земјата, економска рамноправност,  решавање со учество на албанските партии на спорот за името со Грција како наводен услов за интеграции во Европската унија и НАТО, но и непристрасна работа на Специјалното јавно обвинителство, и редица барања, меѓу кои и резолуција за осуда на „геноцид врз Албанците во Македонија“.

Платформата доаѓа само недела дена по средбата на лидерите на четирите албански партии со премиерот на Албанија, Еди Рама во Тирана. По објвувањето на платформата, Рама на социјални мрежи напиша дека станува збор за историски исчекор и притоа истакна дека Албанците во Македонија не се борат за фотељи.

Реагираа и политичките субјекти во земјава за ТМРО станува збор за уцена кон македонскиот народ. Претседателот на партијата, Ванчо Шехтански побара платформата да биде отфрлена од сите останати партии.

„Таканаречената Албанска политичка платформа за учество во сегашна или идна македонска влада, за ТМРО е уцена до македонскиот народ и македонската држава со јасна провокативна божиќна порака, или двојазична федерација или војна. Дадените политички координати од Тирана го отвараат и правото на реципроцитет помеѓу овие две држави за малцинствата“, вели Шехтански.

Од Левица велат платформата е провокативна и беспредметна. Оттаму во своето соопштение велат дека во услови кога голем процент од населението во  Македонија живее во сиромаштија, а Македонија е земја со највисоки класни разлики во Европа, земја речиси без социјални програми, заедничката платформа на ДУИ БЕСА и Алијансата за Албанците е провокативнa и беспредметнa.

САМО ЗАЕВ ИМ ФАЛИ: Рама со албанските партии од Македонија, а во позадина картата за која се дискутира

Албанскиот премиер Еди Рама повторно ги повика лидерите на партиите на етничките Албанци од Македонија, на која беше усогласена заедничката политичка агенда со цели, како се наведува „за следната влада и секој следен мандат“.

Во Тирана на средба кај Рама на кроење договор за Република Македонија под огромната карта на ѕидот заминаа Ахмети од ДУИ, Касами од БЕСА, Села од Алијанса за Албанците и Зендели од НДП, недостасува претставник од ДПА и Зоран Заев од СДСМ. Рама ги објави фотографиите на социјалните мрежи со пораката „Братски“.

rama-so-albanski-partii-od-makedonija-3

„Со почитувањето на волјата на слободните и демократски албански гласачи, во духот на Охридскиот договор, како и потребата за исполнување на обврските кои произлегуваат од уставните измени, се утврдува дека нема алтернатива за интеграцијата во НАТО и ЕУ, се согласија за заемна поддршка на заедничката политичка агенда, која обезбедува остварување на целите во следната влада и секој следен мандат“- пренесува весникот на албански јазик Коха делови од декларацијата потпишана од четирите лидери.Изјавата според Коха обезбедува важни точки на Албанците, кои секогаш ќе бидат испорачани до „македонската страна“ во преговорите за формирање на влада.

rama-so-albanski-partii-od-makedonija-2

„Постигнувањето на целосна рамноправност во согласност со Охридскиот договор, внесување на принципот на мултиетничноста во Уставот на Република Македонија, каде што Албанците се признаваат како конститутивен народ, постигнување на целосна еднаквост на јазикот, употребата на албанскиот јазик на сите нивоа управување и обезбедување на неговата употреба како основно право, употребата на албанските национални симболи (знаме и грб) “, стои во првата точка на Декларацијата.

Буџет и рамномерен развој на регионите населени со Албанци зазема посебно место во декларацијата, за која Коха вели дека се очекува на следната средба да биде потпишан и од страна на лидерот на ДПА.

„Постигнувањето на економска еднаквост и социјална политика, особено преку рамномерен регионален развој, создавањето на нов механизам во форма на Државната комисија за финансирање на општините, со цел праведно одлучување и одобрување од двојно мнозинство за владините грантови во корист на општините …… “, пишува во декларација, пренесува Коха. Документот, исто така, предвидува формирање на Министерство за заедници, како тело одговорно за почитување на правата на заедниците и промовирање на економскиот и социјалниот развој во неразвиени подрачја.

Покрај тоа, Декларацијата ги обврзува албанските партии за правична застапеност во безбедноста, во полицијата и правдата. Исто така, важно место е дадено на финансирањето на албанската култура и културни активности на локално и централно ниво. Се бара и воспоставување на централна институција за унапредување на јазиците на заедницата, која ќе обезбеди подготовка на преведувачи, редактори и предавачи.

zaev-albanski

Докуметот, според Коха, предвидува и брза интеграција во НАТО и во ЕУ. Тоа  подразбира брза промена на името на Република Македонија, или како што опишува Зоран Заев „да ја свиткаме кичмата“.