Албанската дијаспора во Виена излезе на протести против пресудите за „Диво Насеље“

Неколку стотици албанци кои живеат во Австрија протестираа на улиците во Виена против пресудата која македонскиот суд им ја изрече на терористите кои упаднаа во кумановско Диво Насеље.

На протестот демонстрантите од албанската дијаспора држеа банери на барање за ослободување на осудените лица, обвинувајќи ја Македонија за шовинистичка држава.

Нивниот протест доаѓа 10 дена откако Основниот суд во Скопје ги осуди 746-годишни припадниците на Кумановската група, обвинети за тероризам за настаните од 9 и 10 мај во Диво Насеље пред две години.

Во петокот, Косовската Влада информираше дека ќе обезбеди 219.000 евра за покривање на трошоците на членовите на семејствата на осудените лица. Секое семејство, како што објасни премиерот Рамуш Харадинај, ќе добие 10.000 евра од Косовскиот буџет.

Како што јавува portalb, поголем дел од 37 осуденици во Скопје се од Косово и се поранешни припадници на УЧК. Протести против пресудата за терористите од „Диво Насеље! имаше и на Косово, а самиот Харадинај го повика амбасадорот на Косово од Скопје за консултации.

Според него,  потребна е меѓународна истрага за подобро да се олесни ситуацијата. Уредничката на весникот”Koha Ditore”, Флака Сурои остро одговори на оваа одлука ма косовската влада, велејќи дека распределувањето пари од државниот буџет на роднините на осудените лица за кривични дела во друга држава нема никакво значење.

“Имаше сериозен инцидент во Куманово, каде што 18 лица загинаа. Не разбравме со каква цел отидоја вооружени косовари таму”, пишува таа на Фејсбук

(portalb)

Ѓорчев: Албанците ќе се разочараат од СДСМ, ВМРО-ДПМНЕ ќе гради мостови кон албанскиот електорат

Првите што ќе се разочараат од оваа Влада се албанците рече на вчерашното гостување на топ тема членот на ИК на ВМРО-ДПМНЕ, Влатко Ѓорчев.

-Голем број на општини за жал вака како што се поставија работите, средините каде што живеат албанците добија лоши градоначалници. Го имаме Тетово каде што не е решено водоснабдување, ситуацијата со депонијата сите ја знаеме. Во Струга депонијата не само што не е решена туку и возухот е канцероген. Општина Гази Баба не доби градоначалник кој што ќе ги решава овие работи. Не дај боже да се случи некоја поплава ќе видиме која ќе биде фијаското на реакција или во Гази Баба или во Јегуновце, вели Ѓорчев.

Според него имало добар дел на компетентни, квалитетни градоначалници кои за жал не биле гласани во дел од Албанскиот електорат. Тој посочи дека имало добар дел од албанците кои гласале за ВМРО-ДПМНЕ, и тоа е добро и е за поздравување. Посочи дека во периодот кој што следува ќе се артикулираат политичте пораки и политичките понуди кон албанците од страна на ВМРО-ДПМНЕ.

ГРУПНО ГЛАСАЊЕ: Газета Експрес објави скандалозни фотографии за изборни нерегуларности во албанските средини (ФОТО ГАЛЕРИЈА)

Во секој изборен циклус, дури и на овие локални избори што се одржаа на 15 октомври, во Македонија имаше докази за купување на албански гласoви од граѓаните од страна на политичките партии, за групно гласање, што претставува сериозно прекршување на изборниот процес, пишува Газета експрес. Оваа практика не престанува, иако постојат негирања, сепак не значи дека немало такви случаи, се заклучува во текстот.

Ова е потврдено и од овие слики на партиски милитанти од владејачките групи кои гласаат заедно со избирачите, што е една од најсериозните повреди на изборниот процес, пишува во текстот на Газета експрес. Државната изборна комисија и управниот суд затворија очи пред сите овие нерегуларности.

Го покажаа вистинското лице: За Ордановски и СДСМ Албанците се „шиптари“ кои не знаат како да гласаат

Албанците на овие избори се повеќе покажуваат отпор кон оние кои пробуваат да ги манипулираат. Како реакција на ова е и последната колумна на Сашо Ордановски од СДСМ кој Албанците ги нарекува “шиптари” кои се подложни на манипулација.

Тој воедно засегнат и револтиран од отворениот однос на Груевски спрема Албанците, вели Албанците не знаеле како да гласаат и преку  манипулација сака да создаде слика за ВМРО-ДПМНЕ како партија која не создала ништо позначајно за албанците. Но фактите се следни:

Над 170 илјади нови работни места на ниво на држава. Пад на невработеноста и нови работни места во Тетово, Гостивар, Кичево, Куманово.  Само во овие 4 градови споредено со 2005та година, до крајот на 2016та година отворени се 25 илјади работни места повеќе.

Моментално американската компанија Леар во Тетово има над 1000 вработувања. Треба да стигнат до 3000 вработувања.

Германската Ки сејфти Систем во зоната во Кичево вработува над 1200 со изгледи да расте бројот на вработени.

Во зоната во Струга Охрид почна со работа ОДВ, таму е и Костал. Треба да вработат 2000 луѓе.

Во април месец оваа година Германската компанија „Franz Kiel GmbH“ која ќе произведува седишта за автобуската и железничката индустрија објави дека ќе инвестира во Македонија,и тоа во Желино при што треба да вработи 250 луѓе. Оваа компанија треба да е добавувач на белгиската компанија  која веќе инвестираше во Македонија и произведува автобуси Ван Хул. Во моментот почната е набавка на опремата.

Се гради автопатот Кичево Охрид, се направи патот Струга Дебар, се реконструираше Тетово Јажинце, Арачиново – УминДол – Куманово, МалаРечица – Боговиње, Џепиштедо границатасоАлбанија, Тетово- Брвеница- Чегране- Гостивар- проекти од 400 МИЛИОНИ ЕВРА.

Се изградија и реконструираа над 100 локални патишта во населени места каде живеат претежно албанци, со вкупна вредност 20 МИЛИОНИ ЕВРА.

За водоводи изградба и реконструкција, се инвестирани околу 30 милиони евра во средини со албанско население.

Од 180 реализирани легализации на двиоградби, 50 илјади се во средини каде мнозинство се албанци.

Се гради ГАСОВОД ЗА ТЕТОВО И ГОСТИВАР.Проектот е проценет на околу 30 милиони евра

Се изградија нови 33 нови училишни објекти вредни 1 милијарда денари во општини со мнозинско албанско население, во општини како Чаир,  Куманово, Тетово, Гостивар, Кичево. Се доврши зградата на средното школо Зефљуш Марку,

Половина милијарда денари се вложен за реконструкцијана 180 училишни објекти во општини со мнозинксо албанско население.

Милошоски објави нови криминали на ДУИ: Луѓе од Кичево плаќале по 4.000 евра за да се вработат како Албанци

Собраниската расправа за законот за употреба на јазиците и денеска продолжи во знакот на меѓусебните обвинувања помеѓу поранешните коалициони партнери ВМРО-ДПМНЕ и ДУИ.

Пратеникот на ВМРО-ДПМНЕ, Антонио Милошоски, повторно ги обвини градоначалниците на ДУИ за коруптивно работење.

-Во општина Чаир блиски луѓе на градоначалникот Меџити со години не одат на работа, а земаат плата. Зошто граѓаните да плаќаат за тие да седат дома и да земаат плата. Знам луѓе од Кичево што плаќале по 4.000 евра за да се вработат како Албанци, рече пратеникот Милошоски.

СДСМ манипулирајќи ги Албанците, давајќи им лажна надеж на затворениците и со ослободени криминалци ќе трча на изборите

Закон за јазици, закон за амнестија, ослободување на затвореници. Манипулација со Албанците, игра со затворениците. Ова е стратегијата со која СДСМ настапува на локални избори.

Свесни дека Владата која ја предводат со својата работа и најавени проекти, не само што не ги исполни очекувањата, туку и ги разочара граѓаните кои можеби и малку поверуваа во најавениот „живот“ кој го ветуваше СДСМ, на Заев и СДСМ не им останува ништо друго освен повторно да се служат со лаги за локалните избори.

Резултатите од спроведени анкети за локалните избори не одат во прилог на СДСМ и нивните кандидати за градоаначалници, па затоа на „Павел Шатев“ се менува и стратегијата.

Ветената амнестија за осудени криминалци, според експертите и познавачите на на состојбите се должи на високиот рејтинг на ВМРО-ДПМНЕ, па ослободените криминалци и бандити од страна на Заев би требало да ги заплашуваат граѓаните и тие да гласаат за СДСМ.

Експертите се едногласни дека токму оние криминалци, кои премиерот најави дека ќе бидат ослободени од страна на Владата предводена од СДСМ и Зоран Заев, ќе бидат главниот адут на владеачката партија за локалните избори. Причина за тоа е слабиот рејтинг кој го има СДСМ и анкетите кои прогнозираат голем пораз на СДСМ на изборите.

-Јас сум за закон за амнестија, се надеваме дека што побрзо ќе може да влезе во владина и во собраниска процедура, изјави Заев при неодамнешната посета на затворот во Идризово.

Додека се чека Законот за амнестија да биде биде изгласан во Собранието се бара начин како од затворите во Македонија да бидат ослободени лица осудени за тешки кривични дела. Медицински причини, пуштање на викенд без враќање назад се дел од методите кои се спроведуваат.

Па, така медиумите изминативе денови пишуваа за ослободувањето на Агим Красниќи и Бајруш Сејдиу од затвор.

Пред четири дена од затворот во Штип, дома за Куманово си замина Сејдиу, кој повеќе од шест години е во затвор за перење пари, насилство, злосторничко здружување и фалсификување. Сејдиу е пуштен по молба за прекин на казната, а со дозвола на директорот на Управата за извршување санкции. Сејдиу доби привремен отпуст до четврти октомври, а како што официјално е наведено од медицински причини.

Бајруш Сејдиу е осуден на казна затвор од 12 години. Во придружба на полицијата често беше носен на прегледи и интервенција во Клиничката болница во Штип.

Здравствените проблеми вчера вечерта тутунскиот бос Сејдиу ги лечеше во кафеана во Куманово од каде порача „Да живее Зоран Заев“, кој го ослободи од затвор.

Неодамна, на викенд беше пуштен Кондовецот Агим Красниќи, осуден за изборни насилства, но тој не се врати назад во затворот.

Прв пат по девет години, Агим Красниќи, познат по кондовската опсада на Скопје, влезе во своето село Кондово на 8 септември. Неговите соселани му посакаа добредојде, со пароли на кои што пишуваше „Добредојде команданту”, јавија медиумите на почетокот на месецов.

Красниќи заедно со својата седумчлена вооружена дружина беше уапсен во 2008 година за нерегуларности и предизвикување инциденти за време на тогашните парламентарни избори, поседување оружје и злосторничко здружување. Вкупно им беа изречени преку 50 години затвор.

Красниќи од Кондово, водач на Кондовската група, која се поврзуваше со повеќе кривични дела, беше приведен после неколкудневното држење на Скопје под опсада и закани за во оружен напад од Кондово кон главниот град. Красниќи ја одлежа казната во Штипскиот затвор, каде и се венчаше со својата избраничка.

Во минатото Красниќи важеше за многу близок до претседателот на ДПА, Мендух Тачи.

Од ВМРО-ДПМНЕ обвинија дека Заев пушта на слобода криминалци во пресрет на локалните избори, со што оваа Владата на СДС станува синоним за бандитизам и криминал, а партијата се става на страната и во заштита на криминалот.

-Овие луѓе со кривични дела зад себе ќе бидат ставени во функција во изборниот период. Заев знае дека ќе загуби и сега се ориентира кон недемократски методи кои значат корупција и рушење на демократскиот амбиент за избори. SWOT анализата на СДС која излезе во јавност јасно покажа дека силна страна е злоупотребата на МВР во функција на локалните избори. Значи ја имаат МВР, а сега и криминалците како Красниќи и Сејдиу кои се на слобода. Ослободувањето на осудени криминалци, е со цел да се вклучат во изборниот процес и преку недемократски средства да ја извлечат СДС од изборниот пораз кој им следи. Дополнително вчера соопштија дека ќе донесат одлука за амнестија за осудениците. Одлуката на владата на СДС за носење на амнестија е неиздржана,  и дневно политичка. Заев иако ветува, нема да донесе амнестија пред изборите, но на овој начин сака да ги излаже и затворениците да гласаат за нив на изборите. Ова се вика и изборна корупција. Ваквите дворско криминално коруптивни игри нема да им успеат. Тие ќе бидат казнети од граѓаните на изборите на 15 ти октомври, стои во соопштението на ВМРО-ДПМНЕ.

Груевски: Законот за јазици е неуставен, а односот на Заев и СДСМ кон Албанците е нечесен

Според сите истражувања на јавното мислење најбитната работа за Албанците е економијата, отворањето на нови работни места, зголемување на животниот стандард и зголемувањето на платите и пензиите, ова претседателот на ВМРО-ДПМНЕ Никола Груевски го истакна вечерва во емисијата „200“ на телевизија Алсат.

-ВМРО-ДПМНЕ нема ништо против употребата на јазиците на сите етнички заедници во Македонија вклучувајќи ја и албанската, впрочем во 2008 се донесе законот за употреба на јазиците и се донесе во време кога ВМРО-ДПМНЕ ја водеше Владата, но она што ние не се залагаме да се случи е да не се донесе закон кои што ќе биде против уставен и кои што подоцна може да падне на уставниот суд. Имено од она што ние можеме да го видиме во овој период СДСМ и Зоран Заев одат на таа карта да пред локалните избори понудат закон за албанскиот јазик со кои што се зголемуваат правата на начини на кои што се спротивни на Уставот и тоа што го планираат по локалните избори откако ќе ги измамат и ќе ги поддржат веројатно поголем број на Албанци или ќе го корегираат тоа или ќе го донесат па Уставниот суд ќе го поништи, тоа е нечесно и не е фер кон Албанците, тоа е некоректно, потенцираше Груевски.

Тој вели дека засега првата фаза од овој закон предложен од СДСМ и ДУИ е неуставен, тој вели и дека доколку втората фаза е уставна тие како партија ќе го поддржат овој закон за јазиците.

-Ние се противиме да се донесе закон за јазиците кои што е неуставен, ние сакаме се да е согласно со уставот, а во овој дел огромен дел од законот е неуставен и нашите пратеници секој ден го потенцираат тоа во детали и посочуваат што е неуставно, вели Груевски.

Додека ВМРО-ДПМНЕ градеше за Албанците, СДСМ ги купуваше нивните гласови со лаги, измами и клеветења

Фактите се на наша страна, смета лидерот на ВМРО-ДПМНЕ, навраќајќи се на, како што рече новинарот Рашиди, „погрешната перцепција за него, за ВМРО-ДПМНЕ во однос на исте меѓуетнички политики во Македонија, или кон Албанците“. Тој повторно потенцира дека политиката на ВМРО-ДПМНЕ била насочена кон решавање на реалните проблеми на Албанците, кои произлегуваат од секојдневниот живот и чиешто решавање директно влијаело за подобрување на нивниот стандард.

Од донесувањето на Леар во Тетово со планирани 3000, а веќе оставрени 1000 вработувања, дали станува збор за земјоделието, за субвенциите, само во олошкиот регион според нашата евиденција Албанците имаат земено над 40 милиони евра, дали станува збор за решавање инфраструктурни проекти – во општините каде што се Албанците доминантно население инвестирани се над 400 милиони евра.

– Паралелно на тоа, се водеше очигледно силна медиумска кампања против ВМРО-ДПМНЕ и против мене лично како претседател на партијата дека сме националисти, шовинисти, дека не ги сакаме Албанците, дека им мислиме нешто лошо, што беше тотално неточно. Ние мислевме дека преку секојдневните настапи Албанците ќе го разберат тоа, затоа што гледат дека ивестираме во албански средини, дека отвораме 10 нови факултети на Тетовскиот универзитет, отворивме нов универзитет „Мајка Тереза“, изградивме 35 нови училишта само во четирите општини со доминантно албанско население, реконструиравме над 100 училишта, потсети Груевски.

Груевски е дециден дека колку и да изгледа нормално дека секој премиер го прави тоа за граѓаните, вклучувајќи ги и Албанците, тоа во Македонија не е точно. Груевски потсети на премиерите пред него, во чиешто време не било направено во однос на она што го сработи владата на ВМРО-ДПМНЕ.

-Очигледно некој виде дека е прочитан кај Македонците, дека измамите, лажните обвинувања не поминуваат, мислам на СДСМ, и отиде на стратегија да ги привлече албанските гласачи така што ќе го оцрнат ВМРО-ДПМНЕ до таа мера што Албанците ќе почнат да гласаат за нив и на тој начин ќе се приближат со гласачкото тело до ВМРО-ДПМНЕ.

Груевски на „Алсат“: Се трудевме да решаваме проблеми за сите граѓани, без разлика на националноста

Ние од секогаш сме се труделе да направиме работи во Македонија со кои што ќе ги решаваме проблемите и потребите на сите граѓани, факт е дека во минатото многу често од некои медиуми, а особено од албанските бевме оцрнувани како политичка партија која што им мисли лошо на Албанците, ова во емисијата „200“ на телевизија Алсат го истакна лидерот на ВМРО-ДПМНЕ Никола Груевски.

-Во реалноста спротивно на тоа ние направиме многу позитивни работи за Албанците и ние кога ја имавме поддршката од мнозинството граѓани на Македонија во минатото работевме многу работи кои што се важни за сите граѓани и се трудевме да решаваме реални проблеми.  Само во четири големи општини каде што живее доминантно албанско население се отворија 25 илјади нови работни места во последните девет години, а според податоците во Тетово имаме 7.350 повеќе вработени во споредба со 2006 година и бројот на вработени е зголемен за 59 проценти, во Гостивар 5.620 повеќе работни места споредено со 2006 и бројот на вработени се зголемил за 76 проценти, во Боговиње имаме 1.100 нови работни места споредено со 2006 и зголемен е бројот на вработени за 176 проценти, во Струга 4.000 нови работни места и 53 проценти  зголемување на вработеноста, Куманово 8.000 работни места и зголемување на вработеноста за 53 проценти, Арачиново за 230 проценти, Чаир за 156 проценти, ова е доказ дека ние бевме фокусирани во најголемиот дел на решавање на реалните проблеми на граѓаните при што не ги делевме луѓето дали се Македонци, Албанци,Турци и за сите се обидувавме да се отворат нови работни места, истакна Груевски.

Тој истакна дека фактите се на нивна страна кога станува збор за нови работни места, донесувањето на „Леар“ во Тетово и планирани 3.000, а веќе 1.000 вработени лица, кога станува збор за земјоделието и субвенциите каде што според нивните информации само Албанците во полошкиот регион тие имаат земено над 40 илјади евра,кога станува збор за решавање на инфраструктурни проекти каде доминантно живеат Албанци имаме инвестирано над 400 милиони евра за тоа.

Заев ги лаже Албанците пред избори, за неуставниот закон за употреба на јазиците ќе се одлучува по изборите

Науставниот закон за употреба на јазиците нема да се донесе пред изборите. Сега е само прво читање, намерно темпирано од страна на Заев за да ги излаже Албанците и да ги добие нивните гласови пред изборите.

Зоран Заев ги доведува во заблуда сите граѓани на Република Македонија. Тој си поигрува со чувствата и на Албанците и на Македонците. Неуставниот закон за јазици иако беше протуркан во Собрание, нема да дојде на дневен ред за гласање пред изборите. Имено, истиот сега е само прво читање, а следното ќе биде дури после локалните избори. Ова е намерно темпирано од страна на новиот премиер, кој има јасна цел да ги излаже Албанците за да ги добие нивните гласови пред изборите.

Заев намерно одлучи да оди со две читања, а законот можеше да помине и со едно. Така само купува време. Кога веќе одлучи да го подметне законот со европско знаменце, Заев можеше да одлучи и да помине истиот во само едно читање. Но, тој одлучи законот да оди со две читања за да си купи време пред претстојните избори.

Законот е неуставен, дури и да се донесе по изборите тој че биде соборен на Уставен суд.

Симона Груевска Маџовска, универзитетски професор,  во емисијата „Топ тема“ изјави дека се сретнале со Заев и иако се добивало впечаток дека со законот се воведува двојазичност и иако ќе имало двојазични печати на сите институции, de facto двојазичност нело да има на цела територија.

– Исто така не’ убеди и ни рече дека она што тука е многу непрецизно напишано, а јас како лингвист можам да реагирам на лоша терминологија, нејасни  термини што се подразбира, лошо срочени реченици итн од кои ние читајќи го буквално, знаејќи ги политичките преговори… Кога читаме добиваме впечаток  дека се работи за албанскиот јазик како службен на целата територија на Република Македонија и дека сите државни институцииќе бидат должни да обезбедат, печатите ќе им бидат двојазични на сите институции… Овде ни даде гаранција премиерот дека, верувам дека ќе имам можност и за прецизирање и за некоја измена како е напишано, ни гарантираше дека не станува збор за албанскиот како службен на цела територија на Македонија, истакна професорката која гостуваше на Топ Тема на Телма телевизија.