Амир Елези: Победата во општина Теарце ни ја украдоа истите крадци кои ја крадат нашата иднина

Благодарение на сите вас кои застанавте до нас, се чувствувам многу горд на огромната поддршка, определувањето и придонесот. Се соочивме со државната полиција која што се постави во служба на партијата, со подземјето кое се уште го задушува и го плаши сиромашниот народ, и со класичното купување на гласовите. Победата во општина Теарце ни ја украдоа истите крадци кои ја крадат нашата иднина. Секогаш на страната на праведните, на оние со достоинство, на оние кои не го продаваат својот народ по секоја цена, вели Амир Елези од БЕСА за вчерашните избори.

 (Albportali.com)

Касами: На овие избори ДУИ загуби и стана огранок на СДСМ

Во Македонија згасна една партија на Албанците и сега ДУИ слободно може да се смета за огранок на СДСМ, вечерва изјави претседателот на Движењето БЕСА, Билал Касами, додавајќи дека ако се земат предвид гласовите на Албанците ова партија има двојно повеќе гласови во споредба со ДУИ.

-ДУИ се трансформира во огранок на СДСМ, рече Касами додавајќи дека оваа партија вечерва згасна и СДСМ стана суверен за повеќето Албанци. „ДУИ веќе ја нема, но затоа има еден огранок на СДСМ“.

Касами кажа дека победата на ДУИ е поради коалицијата со СДСМ, и затоа побара предвремени парламентарни избори.

Претседателот на Движењето БЕСА го призна поразот во Тетово и Чаир, и им се заблагодари на симпатизерите на БЕСА и Алијансата за Албанците, кои максимално беа посветени.

-ДУИ победи со гласовите на СДСМ, но ние победивме во сите општини со гласовите на Албанците, рече Касами.

БЕСА ДО ЗАЕВ: Со каква машина ги перете криминалите и корупцијата на кандидатите од ДУИ

Зеќирија Ибрахими од Движењето БЕСА денеска од Собраниската говорница обвини дека владата на лидерот на СДСМ, Зоран Заев е полна со корупција и криминал.

Тој го праша Заев каква машина за перење има со која ги пере корумпираните и инкриминираните.

– Господине Заев, граѓаните сакаат да знаат зошто Катица Јанева досега нема покрената ниту една тужба за ниту еден висок експонент на ДУИ, туку таа се занимава со периферни лица од Кичево. Дали сте ги опростиле тие или таа нема доволно информации? – прашува Ибрахими.

Во низата прашања кои пратеникот на БЕСА ги постави до претседателот на СДСМ, тој праша и каква порака испраќа Заев денеска и дали од неговиот избор за влада произлегува дека луѓето можат да крадат, да бидат корумпирани и да прават што сакаат зашто на крај Заев би ги направил функционери и ќе им опростел.

-Ако вашиот партнер вчера ви го наметна името на првиот човек на Парламентот и ако денес ви ги наметна министрите со кривични досиеја, дали произлегува дека вашата влада е заробена од ДУИ?- праша Ибрахими, додавајќи дека на оваа партија никој не и верува, освен Заев.

Касами: Нема да гласаме за оваа Влада

Лидерот на партијата Беса, Билал Касми денеска на прес конференција соопшти дека неговата партија нема да учествува во Владата.

– Оваа одлука е на Централното претседателство и Централниот совет на партијата, рече Касами.

Тој го обвини мандатарот Заев дека не бил подготвен да го потпише договорот, за како што вели, заедничко владеење и да ги прифати нивните принципи.

– Беса нема да биде во новата Влада бидејќи мандатарот не беше подготвен за заедничко владеење и за тоа да потпише заеднички договор. Ќе продолжиме да бидеме конструктивен фактор во Република Македонија, заштитник на правата на Албанците, но и интересите на сите граѓани. Беса ќе ја поддржи секоја иницијатива на новата Влада која ќе биде во интерес на Албанците и државата, истакна Касами.

На новинарско прашање дали Беса во Собранието ќе гласа за состав на новата влада, Касами рече „како што тргнале со овие предлози од ДУИ, тешко дека ќе гласаме“.

Беса поцврста во преговорите од ДУИ: Сега и Касами бара писмени гаранции од Заев

Не отстапуваме од принципите што писмено му ги доставивме на мандатарот и ако тој ги прифати, ќе бидеме дел од владата, но за тоа бараме на документот да биде потпишан мандатарот Зоран Заев, велат од Движењето Беса

Доколку Kасами не е подготвен на отстапки од црвените линии, за кои бара потпис од Заев, речиси е извесно дека новата влада ќе биде без Беса, односно на „Илинденска“ ќе седнат СДС, ДУИ и „Алијансата за Албанците“, анализира денешен „Дневник“. Тактизирањето на Беса го одложи екипирањето на владиниот кабинет и очекувањата се дека Заев ќе ги достави до Собранието составот и владината програма најверојатно в понеделник.

– Сметаме дека принципите за кои бараме Заев да ги прифати се за доброто на државата и оти со тоа ќе придонесеме новата влада да биде реформска. Чекаме дали Заев ќе се потпише на документот. Без целосно прифаќање на нашите принципи, во владата да нема лица осомничени во истрагите на СЈО, рокови за гласање на законот за албанскиот јазик, отворање на темата за редефинирање на државата и балансирано владеење, нема ни преговори за поделба на ресорите. Впрочем ако нема принципи, зошто би останале во политиката – вели висок функционер на Беса.

Тој додава дека има шанси за компромис само за распределбата на министерските позиции, но додава дека остануваат на ставот за контрола на владеењето, односно во секој ресор да има преставници од сите партии што ја сочинуваат владата.

Очекувањата се дека с` ќе биде јасно по средбата меѓу Заев и Kасами, која требаше да се одржи вчера попладне, откако немало поместување меѓу двете партии по телефонскиот разговор меѓу двајцата лидери откако Заев се врати од Брисел.

Претходно на Бихаќска, Заев се сретна со лидерите на ДУИ и на ДР-ДПА, Али Ахмети и Зијадин Села.

Од Беса повторуваат дека ако не постигнат договор со СДС, Беса како опозиција ќе ги поддржува сите реформски проекти на владата и прашањата што се битни за Албанците. Според функционерот, партијата с` уште не одлучила дали ќе ја гласа новата влада ако остане во опозиција.

Од СДС велат дека разговорите со Беса продолжуваат и оти се прават напори викендов да се комплетира владиниот кабинет.

– Преку разговорите ќе видиме дали Беса ќе отстапи. Веруваме дека до крајот на денот ќе биде јасно дали ќе има договор за влада.- вели функционерот.

Од исходот на разговорите меѓу Заев и Kасами ќе зависи и конечната распределба на ресорите меѓу СДС, ДУИ и Алијансата за Албанците, како и дали викендов предлогот за влада ќе влезе во Собранието.

– С` зависи од преговорите. Сакаме с` што може да се стори за владата да има поддршка од 67 пратеници. По преговорите со Беса ќе разговараме и со коалициските партнери од нашата коалиција – вели функционерот.

Исходот од преговорите меѓу Заев и Kасами го чекаат и Али Ахмети и Зијадин Села за конечно да се пребројат министерските позиции со кои ќе раководат ДУИ и Алијансата за Албанците, иако начелно ресорите веќе се распределени. Меѓу лидерите се усогласуваат и кандидатите за министерските позиции.

Села повтори дека „Алијансата“ ќе гласа за новата влада и оти ќе ~ даде време дали ќе ги реализира барањата на Албанците, во спротивно, ќе ја напуштат владата.

Според начелната поделба на ресорите, од тоа што е досега познато, СДС ќе ги предводи ресорите одбрана, МВР, култура, за каде што се споменуваат Радмила Шеќеринска, Оливер Спасовски, Едмонд Адеми, Драган Тевдовски за финансии, Никола Димитров за надворешни работи, а за труд и социјала во игра се Мила Царовска и Фросина Ташевска Ременски.

Партијата на Ахмети ќе ги задржи министерствата со кои и претходно раководеше, со исклучок на ресорот образование, кој најверојатно ќе оди за Беса ако биде дел од владата. Ова значи дека вицепремиерското столче за Рамковниот договор останува кај ДУИ, како и ресорите локална самоуправа, животна средина, правда и економија. Информациите од ДУИ се дека Ахмети неколкупати ја менува листата со имиња за министерските позиции поради несогласувањата меѓу двете крила во ДУИ. Неофицијално има нетрпение меѓу крилата што преговараа за влада со ВМРО-ДПМНЕ и за влада со СДС. Од една страна отпор има Теута Арифи и Изет Меџити како директни преговарачи со СДС да бидат министри и, од друга страна, дека не може преговарачите за влада со ВМРО-ДПМНЕ, меѓу кои и Артан Груби, сега да се дел од владата на СДС. Најсигурни имиња за извршната власт засега се Хазби Лика како претставник на военото крило, но и Бујар Османи и Лирим Шабани.

Ако „Алијансата за Албанците“ влезе во извршната власт, ќе раководи со вицепремиерската позиција за евроинтеграции и министерството за здравство, за каде што се споменува генералниот секретар Арбен Таравари.

БЕСА по средбата со Заев: Нема договор, разговараме за принципите од кои не отстапуваме!

Заврши средбата на Зоран Заев со претставиците на БЕСА, по која Заев изјави дека е оптимист дека до недела ќе се објави составот на идната влада.

Според него сеуште траат разговорите и негува надеж дека до недела се ќе се знае.
Од друга страна од БЕСА велат дека нема договор и дека разговараат за принципите.
-Сега за сега само за принципите, не отстапуваме од нив, а нашите принципи ги знаете, рекоа од БЕСА.

СЕ ПОМАТИЈА СМЕТКИТЕ: Еве зошто, сепак, се уште ја нема новата влада

Тешко му оди на Заев со поделената ДУИ и антагонизмот помеѓу Ахмети и Kасами

И покрај првичниот оптимизам дека во понеделник (денес) владината програма и составот на владиниот кабинет ќе бидат доставени до Собранието, проценката е дека за СДСМ ќе биде успех ако мандатарот Зоран Заев успее да ја стокми владата за 10 дена, како што првично најави.

Извори од партиските тимови брифираат дека тешко одат преговорите, особено поради нетрпението во албанскиот блок. Проблем е антагонизмот помеѓу ДУИ и Беса, од една страна, и нетрпението помеѓу двете крила во партијата на Али Ахмети, од друга страна. Интересот на ДУИ, Беса и „Алијансата за Албанците“ е да бидат во владиниот кабинет и поради тоа Заев ќе треба да се помачи за да ги задоволи апетитите на трите партии.

По средбата Заев – Ахмети и на претставници на СДСМ и Беса, за денеска или утре се најавува средба и со „Алијансата за Албанците“. И од СДСМ и од Беса изјавија дека засега на маса се само принципите на владеењето. Ниту една страна не открива кои се, односно за какви принципи станува збор. Освен принципите на кои треба да се темели новата влада, на маса е ставена и поделбата на ресорите.

Официјално, од партиите не коментираат како течат преговорите. Учесници на преговорите брифираат дека СДСМ од потенцијалните владини партнери бара во владиниот кабинет да нема лица опфатени со истрагите на СЈО, но и да нема партиска заштита на владини функционери ако во иднина бидат предмет на истрага на Специјалното обвинителство. Социјалдемократите бараат од владините партнери да прифатат истрага за потеклото на парите на партиите.

Иако информациите се дека и ДУИ и Беса се конструктивни во врска со СЈО, сепак преговорите за влада ги одолжува партијата на Ахмети, од чии редови е можно да има засегнати од истрагите на Специјалното обвинителство. Судирот помеѓу двете крила на ДУИ е дали на министерските позиции да бидат поранешни министри или за новиот владин кабинет да се оди со нови неизвалкани кадри. Токму пред ваква дилема е и лидерот Ахмети, притиснат од барањата на двете крила. Неофицијално, дополнителен притисок врз Ахмети е и навестувањето од СДСМ дека во владата би било добро да бидат некои од функционерите што директно беа вклучени во преговорите со социјалдемократите, како Теута Арифи и Изет Меџити.

Но, спротивставеното крило во ДУИ има голем отпор поранешни министри и заменик-министри и во новата влада да предводат некои од ресорите. „Дневник“ веќе објави дека е можно во новата влада Ахмети да не предложи ниту еден функционер на ДУИ кој бил дел од која било претходна влада и оти лидерот ќе оди со целосно нов тим на „Илинденска“. Потпретседателот на ДУИ, Невзат Бејта, вчера индиректно ни го потврди тоа иако се огради дека тој може да зборува само за своите ставови.

– Во новата влада ДУИ треба да партиципира со угледни и луѓе, кои имаат репутација во општеството. Иако ДУИ има големо членство, ако нема такви личности, зошто да не, нека бидат луѓе што се надвор од партијата. Kонечно, треба да се расчисти со функционерите што државата ја доведоа до ова дереџе – ни изјави Бејта.

На Зијадин Села сега му пречи и договорот за нов клинички центар Оставете коментар за објавената вест Од кого: Коментар: *Внесете го кодот во празното поле Проблем за Заев е како во иста влада да ги седне ДУИ и Беса, кои и не кријат дека не се поднесуваат. По средбата меѓу партиските тимови на СДСМ и Беса, информациите се дека партијата на Билал Kасами на маса ги ставила своите принципи за учество во владата. СДСМ и Беса се усогласени дека во новата влада не треба да има инкриминирани функционери во истрагите на СЈО.

Беса инсистира ако во владата има функционери што допрва ќе бидат под истрага од СЈО, веднаш да се повлечат. Партијата на Kасами бара одлуките во владата да се носат со консензус, односно рамноправно партнерство на партиите што ќе бидат дел од владиниот кабинет. Во однос на распределбата на ресорите, Беса бара балансирана власт, односно во сите ресори да има функционери од сите партии, и за меѓусебна контрола, но и да не се претворат министерствата во испостави на некоја од партиите.

Токму балансираното владеење, велат од Беса, може да биде компромисот за нивното барање за еднаков број министерства со ДУИ. Освен принципите за владеењето на новата влада, на маса е и првичната распределба на ресорите меѓу партиите. Kако што веќе објавивме, албанскиот блок може да смета на осум ресори. Понудата за ДУИ е четири министерства плус две вицепремиерски позиции, додека Беса и Алијансата би добиле по едно министерство.

По првичните информации дека ДУИ ќе ги добие ресорите економија, образование, локална самоуправа и животна средина, како и вицепремиерските за Рамковниот договор и евроинтеграциите, сега апетитите на интегративците се да го добијат ресорот транспорт и врски, но во игра е и Министерството за одбрана. Позициите на СДСМ се дека ДУИ ќе треба да избере помеѓу економија и транспорт и врски, но не и двете.

Ако, пак, интегративците инсистираат на ресорот одбрана, тогаш ќе останат без вицепремиерското за евроинтеграции, но ќе добијат министерство без ресор. Неофицијално, Беса типува на Министерството за правда, кое засега треба да му припадне на СДСМ. За Беса, правда е битен ресор, бидејќи токму тоа Министерство ќе го предложи законот за употребата на албанскиот јазик. За „Алијансата за Албанците“ се споменува Министерството за здравство.

Извор: Дневник

Албанските партнери на Заев не се откажуваат од Тиранската платформа, бараат редефинирање

Албанските коалициони партнери на Зоран Заев, наспроти гаранциите на лидерот на СДСМ за добивање на мандатот од формирање на Влада, не се откажуваат од Тиранската платформа и ги повторуваат своите барања за редефинирање на државата.

Првиот човек на Движењето БЕСА, Билал Касами, веднаш по денешната средба со Заев гостуваше во дебатна емисија на ТВ 21, каде што изјави дека во ниту еден момент не било прифатено од страна на албанските партии да се воздржат од албанската платформа.

На средбата што се одржа денес, тој и Зоран Заев не дискутирале дали БЕСА ќе учествувале или не во владата. За тоа што гарантира Заев при добивањето на мандатот од Иванов, Касами експлицитно  рече дека условите се утврдени во албанската платформа.

-Во ниту еден момент не беше прифатено од страна на албанските партии да се воздржат од албанската платформа. Политички барања на партијата ќе се реализираат во рамките на Уставот на Република Македонија, како и за унапредување на правата на граѓаните, вклучувајќи ги етничките Албанци во Македонија. Ова имплицира редефинирање на Македонија, рече Касами.

Oвој став на Билал Касами доаѓа по добивањето на мандатот на Зоран Заев за формирање влада од страна на претседателот Ѓорге Иванов.

БЕСА му порача на Заев: Редефинирањето на државата е услов за коалицирање (ВИДЕО)

Движењето БЕСА преку својот претставник Амир Елези му порача на Зоран Заев дека редефинирањето на Македонија е услов партијата да влезе во коалиција со СДСМ.

-Политичкиот момент е дека ние сѐ уште немаме мандатар. Да почекаме претседателот на државата да му го додели мандатот на претседателот на СДСМ. Тогаш нека дојдат со понуда за БЕСА, барем како што велат дека сакаат да нѐ имаат во Влада, тогаш ние ќе одлучиме што е подобро за Албанците во Македонија. Ние ќе имаме внатрешна дебата со членството, но сигурно дека одлуката ќе биде донесена во највисоките инстанци, а тоа е централното претседателство. Движењето БЕСА постојано, имајќи ја предвид единствената цел која е да се промени и реформира системот тука. Но, што имаме ние како услови? Да, го имаме редифинирањето – вели Елези.

Тој додава дека исто така го имаат и тоа дека тие не го делат криминалот врз етничка основа.

-Ние велиме не на инкриминираните претставници на ДУИ кои се прават како да се реформатори. Ние велиме да, договорот треба да биде транспарентен за публиката и јавноста и дореден со рок, како и тоа што е најважно можеби, најкоренитата промена за Албанците во Македонија, редефинирањето -повторува Елези.

Информер: Терористите на ОВК подготвуваат војна во Македонија

Терористите на Ослободителната војска на Косово(ОВК), подготвуваат кравави судири во Македонија, тврдат разузнавачки извори од Македонија, пишува српски Инфромер.

Тие наведуваат дека албанските екстремисти, откако во четвртокот навечер граѓаните го спречија создавањето албанска влада, почнале да се мобилизираат и планираат напади како оние во Куманово 2015 година кога за малку предизвикаа граѓанска војна.

Според информациите, терористите се собираат во околината на Тетово, а се очекува и упад на Албанци од Косово.

Намера им е да ги нападнат полициските и војните пунктови и да го разгорат судирот.

-Се сомневаме дека албанските екстремисти планираат нешто слично на она што го изведоа во Куманово во мај 2015 година. Тогаш милитантите на ОВК од Македонија и од Косово ја нападнаа полицијата. Борбите траеја пет дена, а убиени се 8 полицајци – потсетуваат македонските разузнавачки служби за Информер.

Тие додале дека лидерот на најголемата Алабанска партија ДУИ, Али Ахмети, кој е во коалиција со Социјалдемократскиот сојуз на Македонија, Зоран Заев, има богато искуство во паравоените структури.

учк2

-Не треба да се заборави дека Ахмети бил основач на ОВК и поранешен командант на нејзината фракција во Македонија, Ослободителната народна армија(ОНА), која ја предизвика војната во 2001 година. Тоа значи дека има искуство во мобилизирање на милитанти и сосема е сигурно дека ќе има можности да ги вооружи. Тој уште пред два месеца се сретнал со албански оперативци од Тирана, па сигурни сме дека крвав план, сличен на кумановското сценарио, постои- наведуваат извори од безбедносните структури во Скопје.

Како што истакнуваат, Ахмети истоврмено е во врска со старите соборци од ОВК и ОНА.

Меѓу нив е и Талат Џафери, поранешен командант на ОНА, кој во четвртокот, Заев се обиде да го постави за претседател на Собранието.

учк3

-Бидејќи Албанците во Македонија имаат подршка на Тирана и Приштина, како и Запад, не е тешко повторно да се собере ОНА, што веќе е во тек. Имаме податоци дека им се придружуваат и помлади генерации на Албанци – нагласуваат македонските разузнавачи.

Според нив посебно опасно е тоа што на паравоените формации им се приклучуваат и припадници на една од најмладите партии воМакедонија, албанската Беса, која се формираше во ноември 2014 година.

-Неа ја основаа припадници на разни невладини организации, кои себе си се нарекуваат албанска интелектуална елита, но всушност се партија со изразени исламистички карактер. Тоа се луѓе спремни за џихад во секој момент, а имаат блиска врска со Партијата за правда и развој (АКП) на турскиот претседател Реџеп Таип Ердоган. Исто така ги финансира директно режимот од Анкара, но и Саудиска Арабија, позната по поддршка на терористи – објаснуваат експертите.

Тие препупредуваат дека со такво засилување албанските терористи можат да предизвикаат многу покрвав судир од оној што беше во Куманово, каде има најмногу Албанци, а можеби и во целиот регион.

-Ново Куманово може да доведе по поширок судир, сличен на оној од 2001 година. Проблем е меѓутоа  што овојпат не би се завршил брзо, туку би се проширил на цел Балкан. Албанците очигледно не се откажуваат од идејата за Голема Албанија, па поради тоа загрозени се и Србија, Црна Гора и Грција – наведуваат безбедносните служби за Информер.