ВИДЕО: Заев ја злоупотребува позицијата и државните ресурси – со владини возила оди на партиски митинг во Битола

Оние кои цела една деценија обвинуваа за злоупотреба на државните ресурси во партиски предизборни цели, во пракса всушност го спроведуваат токму тоа и на најеклтантен начин покажуваат како тие ја претвораат државата во алатка на партијата.

Zaev-kola-miting-SDSM-BitolaСамо неколку часа откако министерот без ресор Роберт Поповски на прес-конференција денеска во Владата најави дека на овие локални избори никој немало да користи државни ресурси за партиски потреби, премиерот Зоран Заев со владини возила пристигна на вечерашниот митинг во Битола.

-Во пресрет на изборите, Владата донесе Декларација за слободни и фер избори. Усвоивме и дистрибуиравме прецизни упатства за начинот на постапувањето на премиерот, министрите во Владата и на сите останати државни функционери за забраната за користење на државните ресурси како возила, опрема и останато за време на изборната кампања, рече Поповски.

И додека Поповски од една страна ја замајува јавноста дека забраната за мешање на државни и партиски активности е еден од главните услови за одржување на фер и демократски избори, премиерот Заев го прави токму спротивното од она за што денеска Поповски говореше.

Прецизните упатства за начинот на постапувањето на премиерот и некористењето на државни возила очигледно не се дистрибуирани ниту до самиот Заев, а не пак до останатите државни функционери.

Вечерашниот пример со појавувањето на Заев со владини возила на партиски митинг во Битола претставува класично мешање на партијата и државата, и воедно потврде дека она што го ветува Владата се само декларативни заложби, бидејќи во пракса со спроведува токму спротивното.

Расте незадоволството во СДСМ: Меѓусебна тепачка во битолскиот огранок на партијата на Заев (ФОТО)

Расте незадоволството во битолскиот огранок на СДСМ во пресрет на локалните избори закажани за 15-ти октомври. Довчерашните закани и нетрпение помеѓу од членството преминаа во физичка пресметка помеѓу самите членови на владејачката партија.

Тепаниот Зоран Х. со Зоран Заев на протест на СДСМ

Имено, Зоран Х., истакнат активист на СДСМ од Битола, вчера полпладне бил физички нападнат од како што самиот вели, „одредени лица по нарачка на висок фунционер на партија“.

-Ми се заканија дека ќе ме следат во чекор и дека ќе завршат со мене заради мојот стаус кој засегна некои луѓе. Животот ми е загрозен максимално од таа багра на рекетари и осуденици. Пријавив до надлежните институции, но превземам мерки и за моја безбедност, како и безбедност на моето семејство.

zoran-h64

Тој додава дека сите последици кои во иднина би настанеле, доколку повторно биде нападнат ќе ги сноси нарачателот и притоа порачува дека неговите роднини и пријатели нема да седат мирни и ќе се реагира одбранбено.

tepac640

Низ битолската чаршпија се коментира дека напаѓачот на Зоран Х. е Зоран П., кој исто така е истакнат активист на СДСМ од овој град и близок до раководството на партијата.

СДСМ одби да дебатира за планот на Владата да досели мигранти во Битола

И покрај најавата за инклузвниост и транспарентност, дебати за секое важно прашање во државата СДСМ како на централно така и на локално, одбива и бега дебата за прашања кои ги засегаат сите граѓани на државата.

Советникот од ВМРО-ДПМНЕ во Општина Битола, Благој Шаклевски на Фејсбук одбиле да дискутираат неприфаќање на Нацрт-Стратегијата и Акцискиот План за бегалци и странци 2017-2027 од Советот на Општина Битола, а после тоа ја напуштиле и седницата. Тој пиша и дека гласот на мнозинството Битолчани сепак ќе се чуе – Заклучокот за неприфаќање на советот е изгласан од Советот и ќе биде испратен до Царовска и Владата.

Фејсбук статус на Благој Шаклевски, советник на ВМРО-ДПМНЕ во Општина Битола:

Откако не поддржаа да се дискутира за НЕПРИФАЌАЊЕ на Нацрт-Стратегијата и Акцискиот План за бегалци и странци 2017-2027 од Советот на Општина Битола, советниците на СДС и нивната коалиција ја напуштија седницата.

Претходно во неуспешен обид да се “исперат” процедурално поднесоа “контра” заклучок во кој буквално го цитираа контроверзниот “демант” на министерката Мила Царовска дека кампови за бегалци немало да има.

Со тоа :

1. Битолските советници на СДС избраа наместо Битолчани да бидат портпароли на Мила Царовска

2. Битолските советници на СДС станаа директни соучесници во погубните планови на Зоран Заев кои носат сериозни демографски, социо-економски и безбедносни ризици за Битолчани и сите граѓани на Република Македонија

3. Битолските советници од СДС со предложениот заклучок (“демант”) индиректно обвинија дека актуелниот претседател на ОО на СДС, Битола, пратеникот Васко Ковачевски ЛАЖЕЛ кога од парламентарна говорница потврди дека на граничниот премин Меџитлија ќе има прифатен центар за Бегалци.

Секој одговара за своите постапки … ама има моменти и МОМЕНТИ кога место да тераш “политика”‘ треба да си само човек.

Гласот на мнозинството Битолчани сепак ќе се чуе – Заклучокот за НЕПРИФАЌАЊЕ е изгласан од Советот и ќе биде испратен до Царовска и Владата.

Со ова ништо не е завршено, ова е само почеток на една долготрајна борба на Битолчани – за себе, за своите семејства и за својот *град.

 

Молотовите коктели во Битола се сценарио на СДСМ за креирање етнички тензии

СДСМ продолжува со очајните обиди да креира меѓуетнички тензии во напнатиот постизборен период со кој се соочува Македонија. Последен во низата е инцидентот со фрлени молотови коктели во Битола, кој според наши извори е дел од сценариото на СДСМ за креирање на етнички тензии.

Поголем број на медиуми известија дека утрово околу 4 часот оштетена е фасадата, влезната врата и еден прозорец од објектот на Националната установа Музеј на албанската азбука со седиште во Битола.

Од СВР Битола посочуваат дека настанот е регистриран и поставено е обезбедување на објектот со цел непречено да се изврши истрагата за овој случај.

Според првичните информации, утрово во 4 часот непознати лица фрлиле шишиња со запалива течност (Молотови коктели) и притоа ги оштетиле влезната врата и прозорецот на вториот кат од Музејот, како и спомен-плочата на Музејот. Повеќе детали околу истрагата ќе бидат соопштени по добивањето на конкретни информации.

Според наши извори, овој инцидент е масло на СДСМ во обидот да креира меѓуетнички тензии со цел да ги претстави Македонците во негативно светло кои ги извршиле овој чин и го нарушуваат соживотот. Ова е само уште еден обид на СДСМ во ваков сензибилен период да подгрее етнички тензии.  Пред неколку дена,  сдсмовските портали беа фатени на дело како преку спинувани вести за напад врз девојка од албанска националност подгреваат етнички тензии.

Дополнително, во текот на вчерашниот ден низ медиумите се појави насока од централата во која СДСМ им порачува на своите членови да се фокусираат со најомразувачки коментари од албански профили кон граѓаните кои секојдневно протестираат и партијата ВМРО-ДПМНЕ.

 

Милошоски: Граѓаните нема да дозволат СДСМ да ја продаде Битола како што го продаде Кичево и Струга

Битола секогаш била и ќе биде столбот на Република Македонија, оваа година изборите ги водиме во зима, затоа што Заев и Шекеринска се плашеа да излезат на избори на 5 јуни, затоа за 10 дена нема бегање од изборите, ова не се фантоми ова се битолчани, две години ги трпевме да ја кодошат државата, ја дестабилизираа, фрлаа со бои, но со бои тие можат само да станат молери, а не политичари, изјави Антонио Милошоски носител на кандидатската листа во ИЕ 5, на големиот митинг во Битола.

-Затоа од овде порачуваме на 11 декември ќе победи народот, а не фантоми, во програмата „Реално“, Битола е приоритет и затоа ќе се изгради голема спортска сала, со базен, со ватерполо терен, како и со гимнастичка сала, овој проект ќе чини 13 милиони евра. Во Битола ќе се воведе гасот како енергенс во домаќинствата, ќе се изгради и топлификација за да можат граѓаните да се загреваат на гас, ќе се реновира и болницата. ВМРО-ДПМНЕ ќе го решава проблемот со воздухот во Битола, ќе им помогне во почиста околина, но доколку само ако бидеме сојузници меѓу себе. Пред три години сведоци сме на опожарениот планинарски дом Копанки дека домот ќе биде обновен и заедно тој ќе стане центар на цела Битола, истакна Милошоски.

-Ќе изградиме и експресен пат до Меџитлија, како и реконструкција на патот Битола-Демир Хисар, приоритет во следните четири години ни се отворање на нови 70.000 работни места. Оние кои што ветуваат шарени лаги да ги потсетиме дека не така одамна во 2006 година имавме невработеност од 38 проценти, а денес имаме 24 проценти на невработеност, вели тој.

Во Битола, додаде Милошоски, во 2006-та година биле пријавени вкупно 27.000 како вработени лица, а денес во 2016-та година таа бројка изнесува над  33.000 граѓани, а со тоа сме успеале за 6.000 места да ја зголемиле вработеноста во овој град. -Но затоа нас ни треба стабилна Влада, на 11 декември не ни треба само победа нас ни требаат 63 пратеници за политички стабилна Република Македонија, рече Милошоски.

-Радмила Шекеринска деновиве зборуваше за просечна плата од 30.000 денари, но да ве потсетам дека кога таа беше вицепремиер просечната плата изнесуваше 11.000 денари. Таа ветуваше во 2002 година вработување во секое семејство и затоа наследивме огромна невработеност бидејќи се залагаше за огромна вработеност. Заев цело време не тормози, ни предизвикува тензии и не држи во заложништво, но јас би му порачал да се согласат и тој и Шекеринска на една политичка работа, тој што ќе победи да му подаде рака и да му честита на победникот, за да престанеме веќе да го малтретираме народот, а тоа е во интерес на целата држава, потенцираше Милошоски.

Тој исто така му порача на Заев дека тука до Саат кулата има седум имиња на револуционери кои што загинаа за Битола и затоа нема да ви успее да ја продадете Битола како Кичево и Струга, граѓаните не сакаат дестабилизација, не сакаат двојазичност, не сакаат кантонизација и затоа тоа ќе го покажат на 11 декември.

Груевски најави 2 нови инвестиции во Битола: Најмалку 260 директни нови работни места

Две нови компании ќе инвестираат во Битола, најави Никола Груевски, лидерот на ВМРО-ДПМНЕ и носител на кандидатската листа во ИЕ4, на митинг во Битола.

-Турска компанија која се занимава со метало-преработувачка индустрија одлучи да инвестира во зоната Жабени. Инвестицијата е од 8 милиони и 600 илјади евра и планираат најмалку 110 нови работни места. Тие веќе имаат купено земја во Жабени, а градбата ќе започне за некој месец, следната година, а стартувањето со производство најдоцна една година потоа.

На оваа инвестиција, додаде Груевски, работеше министерот Џери Наумоф по потекло од битолско и двајца од кабинетот на претседателот на Владата, Данчо Николовски и Слободан Тодоровски, кои заслужуваат честитки.

-Втората инвестиција е нова грчка компанија „Пластики“. Денес не извести дека оваа грчка компанија од областа на производството на изолациони и пластични материјали кои се употребуваат во градежни производи, дека донеле и финална одлука за инвестирање во Биотла со планиран број на вработени, најмалку 150 лица и инвестиција вредна 2 милиони евра. Тие ќе ја реализираат инвестицијата во браунфилд објект наредната година, подвлече Груевски и додаде дека овие две инвестиции се заедно 10 милиони и 600 илјади евра и нови најмалку директни 260 работни места.

СНИМКА ОД ДРОН: Масовна посетеност на митингот на ВМРО-ДПМНЕ во Битола (ВИДЕО)

Голема посетеност на вечерашниот митинг на коалицијата „За подобра Македонија“ предводена од ВМРО-ДПМНЕ во Битола.

На снимката направена со дрон од страна на телевизијата Нова се гледа дека битолчани вечерва изглегле во голем број.

Погледнете ја атмосферата документирана од птичја перспектива:

Милошоски: Шекеринска успеа да му направи сопка на Црвенковски, следен е Заев (ВИДЕО)

На 11 декември СДСМ ќе си ја добијат пораката од народот, две години го држеа народот во заложништво, сакаа да ја дестабилизираат државата со настаните во Куманово, тој фрлаше боја, а таа што сака да му биде вицепремиер му помагаше, но граѓаните на Демир Хисар знаат дека со фрлање бои се станува молер, а не политичар, изјави Антонио Милошоски носител на кандидатската листа во ИЕ 5, на вечераниот митинг во Демир Хисар.

-СДСМ уште пред да почнат изборите се откажаа од Демир Хисар и нивниот кандидат го ставија на далечното 14 место. Во Демир Хисар ќе направиме прочистителна станица, ќе го обновиме и реконструираме патот до Битола кој што го користат многу луѓе. Ние не ветуваме нереални работи и завиткани проекти во целофан какви што нудат СДСМ. СДСМ ако дојде на власт ветуваат просечната плата од 30.000 денари, а во нивното време на владеење просечната плата изнесуваше 8.000 денари. ВМРО-ДПМНЕ за разлика од СДСМ нуди реални проекти. Минималната плата во времето на СДСМ беше 6.000 денари, а сега кога не се на власт ветуваат минимална плата од 16.000 денари, да беше така Заев и фамилијата зошто не им даваат плата од 30.000 денари во нивнитеседум фирми во Струмица? Оваа лага завиткана во целофан на СДСМ е нереална лага и многу опасна игра, ние знаеме, памтиме кога СДСМ беше на власт во 2006 година бројот на невработени беше 38 проценти невработеност, а денес со макотрпни маки и заложба на ВМРО-ДПМНЕ успеавме да ја намалиме невработеноста на 24 проценти. А нашата цел и желба за во иднина е да донесеме многу странски инвестиции и да отвориме дополнителни 70.000 нови работни места, истакна Милошоски.

Тој потенцираше дека СДСМ веќе почна да игра на картата за дестабилизација и дигање на меѓуетничките тензии помеѓу Албанците и Македонците.

-Нас не ни се проблем националностите, нас не ништи економијата која ја предлагаат Зоран Заев и Радмила Шекеринска. На Зоран Заев како понов член во политиката треба да му биде јасно дека Рамила Шекеринска успеа да лизне еден претседател од СДСМ и да му направи сопка на Бранко Црвенковски, Радмила Шекеринска е таа што ќе му направи сопка и на Зоран Заев, тој ќе биде претседател на СДСМ до 11 декември, а од 12 декември СДСМ ќе бира нов претседател, а ВМРО-ДПМНЕ ќе го бира премиерот на Република Македонија, потенцираше Милошоски.

КАЛИОПИ „ГРМЕШЕ“ ВО БИТОЛА: Извонредна изведба на македонската химна (ВИДЕО)

Македонската поп дива Калиопи на вечерашниот голем митинг на коалицијата „За подобра Македонија“ предводена од ВМРО-ДПМНЕ во Битола ја испеа македонската химна.

Толпата народ во еден глас ја пееше националната химна заедно со Калиопи.

Битолчани во огромен број се собраа на градскиот плоштад за да дадат масовна поддршка на оваа Коалиција.

Погледнете ја изведбата на македонската химна од поп дивата.

Милошоски: Битола ќе добие современа спортска сала, базен, железничка и нов експресен автопат

Тука во Битола имаме можност да го отвориме регионалниот  изборен штаб за петтата изборна единица заедно со кандидатите за пратеници и да почнеме со претставувањето на нашата програма пред битолчани, изјави Антонио Милошоски носител на ИЕ 5.

-Би ја искористил можноста да кажам дека неколку проекти кои се обврзуваме ќе ги исполниме во иднина: Првиот проект е изградба на еден голем спортски центар во кој што ќе има сала со шест илјади седишта, а ќе има и затворен пливачки базен со ватер поло димензии, ќе има сала за боречки вештини како и една современа гимнастичка сала. Овој нов спортски центар мислиме дека ќе биде еден од најдобрите во Југозападниот дел на Македонија и достоен за големината на Битола и за спортот кој што тука секогаш имал корен. Втората работа како што знаеме пред неколку години како несреќен случај се запали домот копанки, иако не беше сосема регулирана сопственоста на овој планинарски дом ние раговаравме со ЕЛЕМ како препријатие кое што има посолиден буџет и се обврзуваме да го обновиме планинарскиот дом заедно со ЕЛЕМ за што имаме и рок и финансиска конструкција, вели Милошоски.

Тој исто така ја потенцираше и загаденоста на воздухот чистата животна средина. Милошоски рече дека работите не се решаваат со зборови и треба да се преземат капитални проекти. Додаде дека нивниот капитален проект е еден магистрален гасовод, кој што од Неготино ќе доаѓа до Битола, од Битола до Ресен и од Ресен до Охрид-Струга.

-Да направиме еден прстен, а првенствено да може да биде користен преку дистрибутивна мрежа и од стопанските субјекти и од домаќинствата.На тој начин ќе имаме и поевтина енергија и почист воздх, а тие што произведуваат ќе имаат поевтин ресурс по конкурентен на пазарот. На крајот тоа што исто така сметам дека е важно за Битола е експресен пат, од Битола до Меџитлија за да може овој експресен пат да служи за поголема комуникација и на луѓето но и на оние што произведуваат и извезуваат во соседната земја. Исто така патот ќе се поврзува и со индустиската зона Жабени, а ќе го обновиме и железничкото поврзување од Битола кон Грција а со тоа и кон Солун. Се на се за градот Битола имаме проекти кои се дел од реалната програма на ВМРО-ДПМНЕ, не ветуваме брда и долини, но тоа што ќе го запишеме во програмата сакаме да го оствариме бидејќи овие избори не се ни први ни последни, многу ни важи зборот, угледот, довербата на луѓето а досега истата сме ја оправдувале и ќе продолжиме во иднина да работиме така, потенцираше Милошоски.