Срамота! Новата влада го избрка Самсоненко од Вардар

sergej-samsonenko-proslava-640x336

Животот кој беше најавуван од новата владеачка гарнитура очигледно може да преставува смрт за спортот во Македонија. Само по три месеци откако СДСМ и Зоран Заев дојдоа на власт, најголемиот инвеститор во македонскиот спорт и човекот чии инвестиции испишаа златни букви во македонскта спортска историја, Сергеј Самсоненко денеска објави дека заминува од трите клуба во кои беше сопственик, ФК Вардар, РК Вардар и ЖРК Вардар.

Самсоненко во отворено писмо кажа дека одлуката колку и да е тешка ја донел, а таа е дека по крајот на оваа година заминува во вардаровото семејство.

-Ова е последна сезона во која јас, Сергеј Самсоненко, како инвеститор вложувам во сите три спортски клуба во Македонија. По оваа сезона, ќе ги вратам трите клуба на поранешните сопственици во одлична состојба, со шампионски титули, добар ранкинг и без долгови, пиша во писмото Самсоненко.

Инаку Сергеј од новата владеачка гарнитура и од членството на СДСМ цело време беше етикетиран како „подржувач на режимот“, дел од нив дури и пробаа да го оспорат успехот на Вардар кога ја освои Лигата на шампионите во ракомет, бидејќи сопственик на клубот бил токму Самсоненко.

-Овие кои уриваат, навредуваат, плукаат и се закануваат… завршија уште една работа – го натераа Самсоненко да го напушти шампионискиот Вардар и, секако, Македонија. Заминуваат и исчезнуваат сите успешни и оние кои нешто создале, остануваат само заштитените. Кој е следниот? Толку од успешните, од шампионите и од градителите… се дел од коментарите по социјалните мрежи.

Министерот за култура Роберт Алоѓозовски беше само еден од оние кои го навредуваа сопственикот на Вардар, тој на Твитер Самсоненко го нарекуваше „Куртоненко“, како „гласен подржувач на поразениот режим“.

Медиумите пак под контрола на СДСМ и Сорос цело време отворено пишуваа против рускиот сопственик на Вардар, тие дури и го обвинија дека тој спрема војна во Македонија. Во моментите пак додека Вардар со инвестициите на Самсоненко секој ден се повеќе и повеќе растеше, Јани Макрадули од Катица Јанева побара да му го замрзне имотот на Самсоненко.

Сергеј Самсоненко во Македонија пристигна во 2006 година, по што неколку години подоцна тој почнува со своите инвестиции во спортот и прави вистинска револуција и од финансиски аспект, во бројот на инвестирани средства, како и до спортската инфраструктура. Тој прво го презема ЖРК Вардар, каде веднаш почна да носи ракометарки кои се светски докажани и за кратко време од локален клуб кој кубуреше во нашата прва лига, направи европски бренд, кој веќе 3 години по ред игра на Фајнл-форот во женската Лига на шампиони.

Потоа тој влезе во РК Вардар, па на крај и во последниот клуб од семејството каде тој инвестира, а тоа е фудбалскиот клуб Вардар, клубови кои пред тој да стане сопственик не можеа долго време ниту да помислат на успесите кои ги имаат.

Викендот на втори и трети и јуни цела Македонија беше сплотена во едно, а тоа поддршката за тимот кој токму тој викенд стана европски првак во ракомет. Никој никогаш најверојатно нема да ги заборави головите на Лука Циндриќ и Иван Чупиќ за пласнам во финалето и освојувањето на европскиот трон. Калибар на играчи кои пред Самсоненко да почне да инвестира во ракометот во Македонија, немаше да може ниту да ги замислиме во некој наш клуб.

Сите вечно ќе го паметат и пречекот на ракометарите на плоштадот, спортска радост која македонскиот клупски спорт доста долго време ја немаше осетено.

Покрај инвестициите директно во трансфери на играчи и тренери во клубовите Сергеј Самсоненко направи големи инвестиции во македонскиот спорт и во она кое што не секој го приметува, меѓутоа на долги стази секогаш носи резултати, а тоа инфраструктурата, со која Вардар доби услови на работа како и скоро секој голем европски клуб. За тоа токму говореа и ракометарите кои доаѓаа во Вардар дека вакви услови за работа и играње нема никаде во Европа кога сме кај ракометот.

ФК Вардар прв пат после 14 години помина едно коло во Лигата на шампионите и тоа со победа против шведски Малме, кој пред тоа имаше низ години со настапи во групните фази од европските натпреварувања.

Прв пат во историјата на македонскиот фудбал, ФК Вардар доби модерен тренинг камп, тренинг камп каков што имаат најголемите светски клубови како Барселона, Реал Мадрид, Јувентус и останатите европски великани.

Услови какви што досега немале ниту едни млади фудбалери осетија младите фудбалерите на Вардар, од оние најмладите до они кои веќе тропаат на вратата на првиот. Сергеј Самсоненко во Скопје изгради ултра модерна фудбалска академија, која ја користат само младите фудбалери.

Покрај женскиот и машкиот ракометен колектив на Вардар придобивки од Самсоненко имаа и други спортски колективи, како што е кошаркарскиот клуб МЗТ Скопје. Салата Јане Сандански Сергеј ја зема за да изгради сала за своите ракометни колективи и стариот и руиниран објект доби сосем нов изглед, стана една од најмодерните сали во светот, со сите стандарди на меѓународните спортски федерации.

Човекот кој направи вистинска револуција во македонскиот спорт, за новата власт и медиумите кои се под нејзина контрола беше презентиран како се најлошо, беше обвинет дека ќе правел војна, беше навредуван. А Сергеј Самсоненко на македонскиот спорт му донесе само радости и историски успеси

Жерновски да упати јавна благодарност и извинување до Самсоненко

vardar

Го повикувам градоначалникот Жерновски доколку има доблест да излезе на прес и јавно да му се заблагодари на г-динот Сергеј Самсоненко за изградбата на капиталниот проект во општина Центар, бидејќи е единствениот проект за овие 3 години од владеењето на Жерновски со оваа општина, напиша на својот ФБ профил советничката на ВМРО-ДПМНЕ во Општина Центар, Елена Петковска.

-Би сакала да го запрашам дали не се срами кога пред година ипол излезе на прес и обвинуваше дека изградбата на Академијата за дечиња е раскрчмување на државниот капитал ? Во минатото кога градежното земјиште се продаваше во затворена просторија во четири очи по багателни цени, како што е примерот со земјиштето за изградба на Рамстор, оваа локација каде сега се изгради овој грандиозен проект за млади фудбалски надежи беше отуѓувањето спроведено по пат на јавно наддавање, каде г-динот Сергеј ја купи оваа градежна парцела нешто повеќе од пола илион евра, од кои 40% завршија во буџетот на општина Центар односно приход од 220.000 евра, напиша Петковска.

 Таа додава дека Академија по светски стандард е изградена во центарот на Скопје, грандиозен проект, прекрасна инстиуција за развој на сите млади фудбалски индивидуи и развој на спортот за здрави спортски навики на младите генерации.

-Две осветлени фудбалски игралишта, соблекувални по највисоки стандард, предавална за теортска и спортска настава, просторија каде што ќе можат родителите за прв па да ги следат своите дечиња како работат и тренираат во најсовремени услови по свески стандарди кои ги имаат најголемите европски клубови.  Додека некој како Жерновски се обидуваѓе да манипулира со јавноста и да обвинува за раскрчмување на државен капитал, други инвестираат во капитални проекти во општина Центар, со кои може да се гордееме !, напиша Петковска.

Вардар јуниор лига: Академија 1 продолжува да „дели лекци“

Vardar-Junior-1

Екипата на Академија 1 во рамките на Вардар јуниор лигата во 6 коло одиграно викендов ја победи Општина Кисела Вода Вардар со 14-4, продолжувајќи суперорно во својата генерација 2004/05. Тие се лидери на табелата со 11 бода, од 6 натпревари.

Ново Лисиче Вардар се уште чека кикс на лидерот, и заостанува два бода. Тие во ова коло со 8-2 го победија тимот на Академија 2.

На табелата води Академија 1 со 11 бода, Ново Лисиче Вардар има 9, Оптина Кисела Вода вардар 4 и Академија 2 е без бодови.

Обидувајќи се да им се обезбедат повеќе натпревари на девојчињата од генерацијата 1998/99, Ракометната Академија Вардар им обезбед одигрување на дополнителни натпревари. Овој викенд нивни противници беа младинските екипи на Вардар од истата старосна генерација. Победи Вардар со резултат 27-12, но најважно е девојчињата од Ракометната Академија да имаат што е можно повеќе натпревари преку кои би собирале искуство. Претходно Академија 1 и Академија 2 одиграа и натпревари со девојчињата од РК Раднички Белград кога овие гостуваа во Скопје.

Кај најмладите ракометари, родени 2006 – 2009 година имаше и најмногу одиграни натпревари, вкупно 6. Лидерот Академија 3 останува на врвот со огромна предност во однос на другите екипи. Академија 3 одигра два натпревари и двата ги доби со убедлива предност. Прво беше победен Ѓорче Петров Вардар со 12-3, а потоа и Општина Кисела Вода Вардар 2 со 8-2.

Вардар јуниор лига: Шампион конечно ја победи Академија 2

Vardar-Junior

По две нерешени средби меѓу екипите на Шампион Вардар и Академија 2 во Вардар јуниор лигата, тимот на Шампион Вардар конечно се радуваше на триумф. Тие победија со 21-20 во 5 коло на генерацијата 1998/99 во меч одигран викендов во Скопје.

Суперорноста која досега ја покажуваше Академија 2, овој викенд не беше на истото ниво. Тие се „провлекоа” и на следниот натпревар во истата група, само против Академија 1, што го добија со 20-19.

Екипата на Шампион Вардар загуби на првиот натпревари викендов и тоа од Академија 1 со 13-21.
На табелата води Академија 2 со 16 бода, Шампион Вардар има 8, а Академија 1 е трета со 6 бода.

Во генерацијата 2004/2005 изненадување е поразот на лидерот Академија 1 чии ракометари загубија со 9-13 од Академија 2. Досега Академија 1 беше единствен тим без загубен натпревар, но и покрај ова останува на првото место со 10 бода, од 6 натпревари.

Академија 3 загуби од ГРК Гостивар Вардар со 4-7.

На табелата води Академија 1 со 10 бода, Академија 2 и Академија 3 имаат по 5 бода, а ГРК Гостивар Вардар има 4 бода.

Кај најмладите ракометари, родени 2006 – 2009 година имаше и најмногу одиграни натпревари, вкупно 6. Лидерот Академија 3 останува на врвот со огромна предност во однос на другите екипи. Академија 3 одигра два натпревари и двата ги доби со убедлива предност. Прво беше победен Ѓорче Петров Вардар со 12-3, а потоа и Општина Кисела Вода Вардар 2 со 8-2.

ФУДБАЛ: Прилеп, Велес и Пробиштип се радуваат на вклучувањето во Вардар Јуниор Лигата

vardar

Како што најавивме, на почетокот на месец април, стартува вториот дел од сезоната на Вардар Јуниор лигата. Нашиот клуб ја прошири лигата со неколку нови единици, па на досегашните осум, се придружија и екипи од Прилеп, Пробиштип и Велес.

Тони Наумоски, тренерот на децата од Прилеп, задоволен од преговорите потенцираше дека најдобро од сè е тоа што децата ќе добијат повеќе натпревари и поголема можност за напредување.

„Најбитно е тоа што нашите дечиња ќе ги почувствуваат придобивките од оваа соработка. Вардар е големо име во нашата држава и со тоа што ќе се натпреваруваме во Јуниор лигата, децата имаат поголем мотив за борба и за напредување. Поголемиот број на натпревари кај овие генерации е многу битен момент и сметам дека со оваа соработка ќе овозможиме тие да се надградуваат“ изјави Наумоски.

Во новите единици се најде и Борец од Велес. За оваа соработка тренерот Драган Здравковски изјави дека максимално го подржуваат проектот и дека големо е задоволството што во иднина ќе бидат дел од него.

„Големо е задоволството да се биде од Вардар Јуниор лигата. Ова е наша прилика да бидеме дел од проект кој во иднина многу ветува. Со самото тоа што децата ќе имаат повеќе натпревари, ќе биде подобро за нивно развивање. И не само тие, овој проект е добар и за тренерите, бидејќи се вклучени голем број на семинари за обука. Тука се и летните кампови, кои исто така нудат можност за дечињата да се развијат, да се дружат, едноставно да созреат. Ние веќе ги запознавме децата со овој проект и тие едвај чекаат да почнат натпреварите, бидејќи таму ќе можат да се докажат и да ја зголемат нивната лична афирмација“, потенцираше Здравковски.

Последната единица која се приклучува во овој пролетен дел е од Пробиштип. Ивица Глигоровски, тренерот на овие дечиња, истакна дека има позитивно мислење за оваа соработка и смета дека ваков проект е од голема важност за нивниот регион.

„Ние за прв пат почнуваме соработка со Вардар, а од тоа што го гледав досега и од тоа што го слушав од тренерите кои веќе се натпреваруваат, можам да извлечам само позитивно мислење. Овој проект е многу битен за нашиот регион, бидејќи самите натпревари се со повисок квалитет, а дечињата ќе можат да напредуваат. Ние работиме во интерес на нив и од таа причина ја почнуваме соработката, со цел да им овозможиме поголем број на натпреварувања и можност за напредок. Сепак Вардар е бренд и исто така најтрофеен клуб, а тоа придонесува борбата и талентот на децата да биде истакнат во Јуниор лигата“, истакна Глигоровски.

Се бројат деновите пред стартот на Вардар Јуниот лигата. Наредниот викенд, односно на 2 и 3 aприл, со премиерен турнир кој ќе се одржи во Скопје ќе почнат натпреварувањата. Во склоп на овој турнир ќе се оддржи и семинар, со кој ќе се презентираат насоките за тренерите. Желбата на нашиот клуб е една, а тоа е најдобрите меѓу овие дечиња во иднина да бидат регрутирани во соодветните возрасни категории.

Извор: www.fkvardar.mk

 

Агенда на Груевски: Отворање на камп на Вардар, па посета и средби со жители на Неготино

Gruevski-Samsonenko-Vardar

Претседателот на Владата на Република Македонија, Никола Груевски, денеска ќе присуствува на пуштање во употреба на Спортски тренинг камп на ФК „Вардар“ во Општина Гази Баба.

Почетокот на настанот е предвиден за 12:00 часот. Тренинг кампот е граден според најмодерни европски стандарди. Истиот е реализиран преку моделот на јавно приватно партнерство и е прв од ваков вид во Македонија, објави ФК Вардар вчера на својот официјален клупски сајт.

Кампот ќе има две фудбалски терени, од кои еден со вештачка трева, 16 соби за играчите на македонскиот првак, три апартмани, просторија за теоретска и видео анализа, како и ресторан за фудбалерите.

Исто така, премиерот Груевски денеска ќе оствари посета на Општина Неготино.

Агендата на настани е следна:

– во 13:30 часот, ќе присуствува на поставување камен темелник на индустриската зона „Неготино“ кај Црвени Брегови;

– во 14:00 часот, ќе изврши увид во градежните активности при изградба на пат за село Криволак (Делница: од спој со пат R-107 до центарот на село Криволак);

– во 14:20 часот, ќе оствари средба со жителите на село Криволак;

– во 14:50 часот, ќе оствари посета на компанијата „Ролопласт“ и

– во 15:55 часот, ќе оствари средба со жителите на село Долни Дисан.