ВИДЕО: СДСМ се избрука, не може да обезбеди мнозинство – Талат збесна, ги фрли листовите и си замина

Talat-Dzaferi-Sobranie

Талат Џафери даде пауза од половина час со иронична порака до СДСМ да се обидат да обезбедат мнозинство за итната седница која што ја бараа за автопатите Миладиновци-Штип и Кичево-Охрид.

–  Почитуваното мнозинство да си обезбеди мнозинство до тогаш, им порача Талат Џафери на СДСМ и нервозно го напушти спикерското столче.

ВИДЕО: Заев ја заборави маката на земјоделците – Еве што ветуваше пред изборите, а што кажува сега

Zaev-miting-lagi

За да ги придобие нивните гласови, Зоран Заев на земјоделците во предизборието им се претстави како човек кој ја разбира нивната мака

-Вие сте мојот народ, а јас имам работено земјоделие и ја знам земјоделската мака, истакна Заев пред изборите на 28.11.2016.

Истиот Заев после изборите, како и за многу други работи, ја промени политиката и сега освен што не ја разбира земјоделската мака, тој сосема ги запостави земјоделците. Заев вели дека на земјоделци треба да им се каже дека нема да им се даде субвенции.

-Треба да им кажеме дека оваа година немаш бе брат субвенции оти си на ист обем на производство од лани, истакна Заев на 16.09.2017.

Милошоски: Неуставниот закон за двојазичност се носи за да се прикрие корупцијата и неспособноста на функционерите на ДУИ

Antonio-Milososki-govor

Пратеникот на ВМРО-ДПМНЕ Антонио Милошоски на денешната собраниска седница, истакна дека неуставниот јазик за двојазичност се носи за да се прикријат корупцијата и неспособноста на функционерите на ДУИ.

-Кој има потреба од носење на неуставен закон, дали имаат потреба некои пратеници кои што земале или не земале пари да гласат за ваков закон, дали тие пратеници се од СДСМ или не се тоа не знам, но едно знам дека ова не е потребата на граѓанинот Албанец, не е главната потреба. Знам дека ова е потребата на некој функционери Албанци за да ја покријат својата неспособност или корупција. Градоначалникот на Чаир Изет Меџити има земено 14% провизија за плоштадот Скендербег, 450 илјади евра има земено Изет Меџити, рече Милошоски.

Потребата на неуставниот закон не е за обичниот Албанец туку за да се покрие непособноста на функционерите на ДУИ.

-Потребата за овој закон е како Теута Арифи да покрие тоа што нејзиниот сопруг стана врховен судија, додека многу Албанци заминаа во странство да бараат леб. Како Изет Меџити зема 450 илјади евра за плоштадот Скендербег, како може еден градоначалник да земе пари и да се кити со нив. Потребата да се донесе неуставен закон има еден градоначалник кој што бугарска фирма градеше плоштад и истата префрли 450 илјади евра на фирма од Дебар, по  барање на градоначалникот Изет Меџити. Потребата е на Теута Арифи која што не успеа Албанците во Тетово да ги заштити од канцероген чад, потенцираше тој.

Милошоски на крајот истакна дека овој неуставен закон ќе падне на Уставен суд, но ќе предизвика кавга и нема да се збори за реалните потреби на Албанците во Македонија.

ВИДЕО: После овој говор на Трајчо Димков пратениците на СДСМ избегаа од Собранието со наведнати глави

Trajco-Dimkov-govor

Пратеникот Трајчо Димков од ВМРО-ДПМНЕ од Собраниската говорница им одджа предавање на пратениците од СДСМ во врска со погубната и платеничка политика што ја водат и им посочи да се откажат од Законот за употреба на јазиците.

ВИДЕО: Анѓушев призна дека управителите се само кукли, а тој одлучувал за астрономските бизнис зделки на неговите фирми

Angjusev-Telma

Кочо  Анѓушев во вчерашното гостување во емисијата „Топ Тема“ на Телма призна дека тој е оној кој одлучува во неговите фирми, а не управителите. Во врска со тендерот на ЕЛЕМ во вредност од 2.6 милиони евра, на кој една од пријавените фирми беше фирмата на вицепремиерот „Фероинвест“ и за кој беше прозиван од јавноста и партијата ВМРО-ДПМНЕ за судир на интереси, и злоупотреба на службената положба, под притисок на јавноста не го зема тендерот.

„Јас не се повлеков од тендерот, него дозволив едноставно да не го добијам и тоа беше мојата морална димензија во тој тендер.“ Рече Анѓушев, вчера во „Топ Тема’ при што јавно кажа дека не се управителите тие кои што одлучуваат за дејствувањето на неговите фирми, туку лично тој.

Со оваа изјава на Анѓушев се легитимираат сите прозивки од ВМРО-ДПМНЕ и јавноста за судир на интереси во случајот тендери на ЕЛЕМ, во кои „Фероинвест“ се јави како понудувач. Со што се потврдува дека Анѓушев е тој кој одлучува и во „Фероинвест“ и во владата.

– За да се оправда самиот себеси и криминалната врхушка се обидува да ја изманипулира македонската јавност со смешни образложенија дека тој не е управител на фирмата „Фероинвест“, туку дека управител е друго лице, а тој е само сопственик, изјави СлевчеТрпевски од ВМРО-ДПМНЕ, во врска со наводите на Анѓушев.

Трпески продолжи дека: Ова е скандал од огромни размери. Сите независни правни експерти го осудија вицепремиерот Анѓушев, кој додели тендер сам на себе во висина од 2.6 милиони евра.

Со својата изјава Анѓушев ги потврди сите обвинувања, за можен криминал во тендерската постапка, како што призна самиот тој не дозволил да не го добие, што значи дека има целосна контрола врз процесите и врз двете страни на постапката, и државата чиј репрезент е ЕЛЕМ и сопствената фирма „Фероинвест“.

ВИДЕО: Палчо го посипа со боја Героски иако тој дојде со „татко му“ Милчин и со Алфите на „ферка“

Palco-Gero

Главниот медиумски стратег на СДСМ Бранко Героски и поранешниот прв човек на градската организација на СДСМ, Љупчо Палевски, верувале или не, закажаа тепачка за денес во 12 часот. Палевски најпрво го предизвика Героски, а тој пак прифати…

Со мало задоцнување, вооружен со силна придружба од новинари од Слободен печат, но и поранешниот прв човек на Сорос, Владимир Милчин, Героски се појави на закажаното место.

"

Палевски во меѓувреме објави на Фејсбук дека Героски дошол со Алфи, кои седеле во кафулето спроти „Манда“ и чекале да видат што ќе се случи.

Палевски му пријде на Героски и побара од него да му се извини за навредите што ги изнел за него, а откако овој немо го гледаше неколку мига, Палевски му истури жолта и црвена боја, како што рече, во манир на Шарената револуција што самиот ја измислил. Боите, рече Палевски, ги избрал намерно, за и Геро еднаш да биде обележан во националните бои на Македонија.

Фејсбук страната Видео Вести вршеше лајф стримиг на закажаната „ферка“и неколку пати се вклучуваа во живо пред почетокот на „двобојот“

ВИДЕО: Младите на маргините – СДСМ ветуваше младинска гаранција, ништо од тоа не реализира

SDSM-mladi-lazni-proekti

СДС кој ветуваше брда и долини за младите и студентите, уште веднаш им го сврте грбот и заборави на се што ги излажа. СДСМ не даде поддршка на Законот за издавање на вредносни бонови-ваучери, а со тоа ги спречи студентите да добијат 18.600 денари за набавка на компјутери, обвини претседателот на Унијата на млади сили на ВМРО-ДПМНЕ, Владимир Нелоски,

Законот за издавање на вредносни бонови-ваучери кој го поднесе ВМРО-ДПМНЕ, а го одби СДСМ, предвидува редовните студенти од семејства чии месечни приходи не го надминуваат износот од две просечни месечни нето плати, а кои за прв пат се запишуваат во трета и четврта  година на студии на високо образовните установи во Република Македонија да добијат бесплатни компјутери.

– Дополнително бонови-ваучери во овој закон е предвидено да им бидат доделени на сите студенти кои се евидентирани како лица со посебни потреби а се запишани во било која година на студии на високо образовните установи во Република Македонија. Ова предвидува еден вид на продолжување на проектите кои ги спроведуваше Владата предводена од ВМРО-ДПМНЕ во изминатите години во насока на подобрување на животот на студентите и младите во Република Македонија. Преку проектите за издавање на бесплатни ваучери кои беа спроведени од ВМРО-ДПМНЕ, 5.243 студенти им беше овозможено да земат бесплатни таблет компјутери, додека пак 28.319 студенти добија ваучери за набавка на персонален компјутер, истакна Нелоски.

Посочи дека СДСМ и после 100 дена откако управуваат со Владата, не само што не отпочнаа ниту еден корисен проект за младите и државата, туку  нанесоа и неизмерна штета.

– СДСМ лицемерно од една страна ветуваше поддршка и грижа за младите и студентите, а од друга страна крати финансиски средства наменети за нив. СДСМ со новиот буџет скрати 21 милион евра наменети за Министерство за образование со кој беше предвидено да се изградат нови средни училишта, нови основни училишта, нови спортски сали, нови универзитети, потоа да се изградат студентски домови, лаборатории и така натаму. Со ова, СДСМ уште еднаш го сврте грбот на младите и на студентите, потенцира Нелоски.

Според претседателот на УМС, токму затоа младите како и секогаш, така и овој пат беа извисени од страна на СДСМ. Тој додаде дека затоа на 15 октомври СДСМ ќе бидат казнети за сите лажни ветувања и лицемерни политики.

Сто дена лаги, неспособност, хаос и понижување

Сто дена партизација, кадровски дебакл, незаконско работење и уривање на институциите. Сто дена укинување и блокирање на проекти, економско тонење, задолжувања, неработење и непромислени и површни потези. Ова е тоа што го трпеше Македонија и граѓаните на Македонија изминативе 100 дена. Ова е тоа што Зоран Заев на прес-конференција полна со полувистини и голи фрази, свесно го премолча. Ова е резиме на начинот на кој што СДСМ владее.

– Младите луѓе беа измамени. Им ветуваа младинска гаранција односно понуда за работа по завршување на образованието, но тоа не се има случено. Наместо тоа, сега сме сведоци на обид за релативизација на тоа ветување, па наместо вработување по студиите, сега веројатно ќе одат со некоја понуда за пробна привремена практикантска работа, иако и тоа не е сигурно, потсети Груевски на суровата манипулација на СДСМ со младите.

Младинската гаранција ја ветуваше Радмила Шекеринска, заменик на Заев во партијата, а актуелен министер за одбрана.

Младите ги излажа и министерот за внатрешни работи Оливер Спасовски од СДСМ.

Младите на СДСМ бесрамно ги лажеше и нивниот лидер Стефан Богоев, актуелен кандидат за градоначалник на општина Карпош.

Со лаги за оваа тема и ветување кое секако нема да се реализира, во предизборието излезе и актуелната министерка за труд и социјална политика, Мила Царовска.

На оваа тема ветувања даваше и Александар Кирацовски, актуелен генерален секретар на СДСМ, а поранешен дополнителен заменик министер во МИОА.

Владата на СДСМ нема концепт, наместо проекти нанесува само штета!

-Владата на ВМРО-ДПМНЕ отвораше многу градинки. Владата на СДС очигледно нема намера да продолжи во таа насока. СДС скрати цели 44 милиони денари од парите наменети за Универзитет „Свети Кирил и Методиј“, во буџетот има 10 милиони денари помалку  за Универзитет „Свети Климент Оридски“ – Битола, 21 милиони денари помалку за Унивезитет „Гоце Делчев“ – Штип, 26 милиони денари помалку за Универзитет „Мајка Тереза“, 54 милиони денари помалку за Универзитет за информатички технологии во Охрид, 75 милиони денари помалку за изградба на новите објекти на ФИНКИ и Факултетот за физичка култура, 105 милиони денари помалку за изградба на училишни спортски сали во основни училишта.  Ова е истиот СДСМ кој ветуваше развој на образованието, инвестиции во образованието, подобрување на образованието и грижа за студентите и нивниот стандард. Владата на СДС скрати цели 155 милиони денари за изградба и реконструкција на студентски домови, истиот СДС кој секоја недела одеше во студентските домови и даваше изјави дека таму е катастрофална состојбата. Владата предвиде 15 милиони денари помалку за преведување и печатење на стручна литература, со ова СДС крати од квалитетно образование на младите кои според логиката на СДС  нема потреба да учат од нови и квалитетни учебници преведени од најголемите светски автори од англиски, франциски, германски јазик, рече Груевски и додаде дека оваа Влада на СДС нема концепт за развој на образованието.

Уште во првата недела почнаа со укинување и кратење без никаква идеја за развој. Без да направи сериозна анализа и да ги праша граѓаните што мислат, Владата го укина екстерното тестирање, наместо негова надградба и унапредување како еден од механизмите за подигнување на објективноста и оценувањето, само заради тоа што мислат дека со тоа ќе соберат некој ситен политички поен.  По укинувањето на екстерното на ред дојде и предлогот за укинување на наставните програми и учебници по математика и природни науки, по кои се учи во основното образование во нашата земја веќе три учебни години и стопирање на нивното воведување во средното образование од септември годинава. 

За жал, основниот белег на стоте дена влада на СДС беше негрижата и индиферентноста кон проблемите. 

Милошоски: Пратениците на ВМРО-ДПМНЕ и Коалицијата утре ќе поднесат предлог закон за зголемување на пензиите, СДС да не го попречува

Milososki-pres-pratenici

Пратениците на Коалицијата „За подобра Македонија“ утре ќе поднесат предлог закон во Собранието на Република Македонија за зголемување на пензиите за 650 денари на околу 300.000 пензионери во државата, информираше Антонио Милошоски, член на ИК на ВМРО-ДПМНЕ, на денешната прес-конференција.

-Доколку овој закон се усвои во Собранието до поддршка на уште само 10 пратеници покрај Коалицијата „За подобра Македонија“ тогаш од февруари идната година пензионерите ќе добијат 650 денари повеќе како што беше пракса додека ВМРО-ДПМНЕ раководеше со владата на Република Македонија. Со Предлог законот за дополнување на Законот за пензиското и инвалидското осигурување се предвидува во 2018 година за сите видови на пензии без разлика дали се повисоки или пониски согласно со овој закон да се усогласат на начин што вкупниот износ за исплата на пензиите од декември 2017 година ќе се зголеми за 5% и ќе се подели со вкупниот број на корисници на пензија кои што ја оствариле заклучно со декември 2017 година.

Ова е уште еден проект, рече Милошоски, еден предлог закон кој што беше ветување во нашата предизборна програма и сакаме да бидеме чесни кон граѓаните и пензионерите кои што гласале за Коалицијата „За подобра Македонија“, но исто така како што гласале и за други политички партии но очекуваат подобар животен стандард и да понудиме закон за повисоки пензии.

-ВМРО-ДПМНЕ во изминатите години од своето владеење ги зголеми пензиите на сите пензионери во државата. Најниската пензија се зголеми за 105%, значи ако се сеќавате 2006 година најниската пензија беше 4.330 денари, а 2016 година најниската пензија достигна 8.890 денари. Ако ги земеме просечните пензии, просечната пензија во 2006 година изнесуваше 7.680 денари, додека на крајот на 2016 година просечната пензија стигна до 13.750 денари. Затоа сметаме дека само со реално 5 процентно зголемување на пензиите може да имаме нивен раст. Влада предводена од господинот Заев продолжи онаму каде што застана во 2006 година, да манипулира дека прилагодувањето на пензиите значи нивно зголемување, без да покаже реален капацитет, буџетски капацитет и економски политики на реален начин да ги зголеми пензиите.

Пензионерите, додаде тој, во овој момент со право се чувствуваат изманипулирани и излажани, бидејќи ги знаат своите сметки, и ги знаат своите месечни приходи и пензии.

-Ги повикуваме пратениците од Социјал-демократскиот сојуз да не ги попречуваат пензионерите да го добијат она што стана како пракса во државата кое што покажа капацитет да ги зголемува пензиите за 5% до 2016 година. Се надеваме дека Социјал-демократскиот сојуз конечно ќе се охрабри и во Собранието ќе покаже конструктивност во интерес на сите граѓани. Она што посебно сакам да го истакнам е дека во овие комплицирани политички моменти во Република Македонија наместо да се гласаат неуставни предлог закони кои што го разделуваат и подвојуваат општеството како што е законот за двојазичност, подобро е да се гласаат уставни и корисни закони како што е предлог законот за покачувањето на пензиите бидејќи тоа ќе им користи и на пензионерите Македонци, Албанци, и Турци, и пензионерите Роми, Срби, Власи и Бошњаци и ќе им користи на нивните внуци, подвлече Милошоски и додаде:

„Кога станува збор за граѓаните на Република Македонија сметаме дека пратениците треба да покажат сплотеност по однос на интересот на граѓаните. Коалицијата „За подобра Македонија“ има 51 пратеник и за да помине законот за зголемени пензии со 5% реално покачување потребни се уште 10 пратеници. Ги повикуваме, доволни се само пратениците кои што исто така се кандидати за градоначалници господинот Шилегов, господинот Стефан Богоев, господинот Бочварски, Бетиан Китев, господинот Зеќири Ибраими, Зијадин Села и уште неколку други да го поддржат овој закон и пред пензионерите во нивните општини и градови каде што се кандидираат да покажат реална способност и волја да се покачи стандардот на пензионерите“.

ЗА ОВА ЛИ ГЛАСАВТЕ? 100 дена понижувања, нeспособност и лаги од Заев и СДСМ (ВИДЕО)

Za-ova-li-glasavte

Што крие договорот со Бугарија кој од страна на нашите соседи беше примен со огромно задоволство, а макдеонсакта јавност се уште не е во целост запознаена со неговата содржина. Што всушност потпиша Заев во Бугарија е само едно од многуте прашања за кое тој остана должен во првите 100 дена од кога е на власт.

ВИДЕО: СДСМ-овска ХИСТЕРИЈА

Histerija-SDSM-Karpos

Погледнете го хистеричниот „социјалдемократ“ и поранешен претседател на ОО Карпош, Анте Поповски како урла на презентацијата на удбанистичкиот план за Карпош 4 и не сакаше да го слушне објаснувањето на раководителот на урбанизам.