Груевски: Во последните години бевме предмет на операција на надворешни центри со цел промена на власта

Nikola-Gruevski-Sobranie

ВМРО-ДПМНЕ беше на власт речиси 11 години. Направи многу реформи и крупен исчекор напред во секоја сфера. Се решија многу проблеми, се работеше многу и се добија и многу позитивни резултати, за многумина над очекувањата. Македонија немала власт со поголем учинок и напредок од оваа во овој период, истакна на собраниската седница претседателот на ВМРО-ДПМНЕ Никола Груевски.

-Сепак, во последните неколку години очигледно бевме предмет на операција на надворешни центри со цел промена на власта. И покрај тоа, на последните избори, народот гласајќи ни даде најголема доверба. Но, со понатамошни напори, и покрај јасната победа, и покрај долгогодишниот воспоставен принцип на коалицирање на победник со победник, помеѓу партијата со најголем број освоени гласови во земјата, и партијата со најголем број гласови од албанската заедница во Македонија, со прекршување на овој принцип, кој беше јавно баран токму од оние кои го прекршија, како и со понатамошни чекори спротивни на деловникот, законот и уставот при изборот на претседател на Собранието, и особено спротивни на вољата на мнозинството народ, со примена на аргументот на силата и моќта, се издејствува ново мнозинство, а наскоро и нова влада. Непринципиелно, на сила и недемократски. ВМРО-ДПМНЕ и коалицијата за подобра Македонија направија се што е во наша моќ до моментот до кој не беше јасно дека одејќи понатаму Македонија и граѓаните во неа ќе имаат многу поголема штета отколку корист. Личните и партиските интереси, повторно ги ставивме под државните интереси, посочи Груевски.

Според него, главна причина за надворешната операција била токму нивната политика во однос на името.

-Главната причина за оваа надворешна операција беше нашата политика во однос на барање на фер решение за проблемот со името, кое не го добивме, и како резултат на тоа се уште не ја добивме заслужената покана за членство во НАТО и преговорите за влез во ЕУ, кои беа и ќе останат стратешка цел на ВМРО-ДПМНЕ. Сепак, покрај оваа стратешка цел, стратешка цел е и фер решение, а не наметнато решение кое ќе не обезличи како народ, како нација и како држава. Од новото  мнозинство  се очекува поинаков пристап по ова прашање. Времето ќе покаже кој бил во право, додава Груевски.

АГЕНТОТ ПЕТРУШИЌ ТВРДИ: Во воздухот се чувствува барут, ќе има нова војна на Балканот (ВИДЕО)

Jugoslav-Petrusic

Сите знаат дека борбени единици влегле и во Македонија, како и во Бујановац и во Прешево. Тоа веќе не е никаква тајна, вели Петрушиќ

Југослав Петрушиќ, српско-францускиот агент и поранешен припадник на Легијата за странците, е убеден дека на Балканот ќе има нова војна. Тој нагласува дека во воздухот се чувствува барут и дека нов конфликт е неизбежен. Тој го коментира однесувањето на премиерот на Албанија, Еди Рама, во последно време и повиците за создавање  „Голема Албанија“.

– Еди Рама треба да предизвика гнев за да направиме грешка. Во врска со „Голема Албанија“, сите треба да знаат дека албански воени единици веќе влегоа сѐ до Улцињ. Се шетаат и црногорската полиција не ги чепка. Сите знаат и дека борбени единици влегле и во Македонија, како и во Бујановац и во Прешево. Тоа веќе не е никаква тајна – вели Петрушиќ.

Погледнете го интервјуто.

ВИДЕО: „Глобал“ потопен, попушти осуммилионскиот криминален проект на Заев

Zaev-Global

Поплавите кои попладнево ја зафатија Струмица не го поштедија ниту трговскиот центар „Глобал“, чија внатрешност беше поплавена по обилните врнежи, покажува оваа видео снимка.

Поплавени куќи, улици и поројот „Крушевска Република“ се само дел од сликите кои денес може да се забележат низ Струмица поради поројните врнежи од дожд.

Потопен е и трговскиот центар „Глобал“, познат во јавноста по криминалот на лидерот на СДСМ, Зоран Заев тежок 8 милиони евра, за што беше аболициран од тогашниот претседател бранко Црвенковски и е единствениот аболициран политичар во Македонија.

Заев со уште петмина во средината на јули 2008-ма година за случајот „Глобал“ заврши во притвор за криминал тежок над 8 милиони евра. Аболицијата на Заев со која практично прекина гонењето беше потпишана од Бранко Црвенковски на 3 август 2008 година и трае до денес.

АПЛАУЗИ ЗА ИВАНОВ: Македонскиот претседател во Москва пречекан со воодушевување (ВИДЕО)

Ivanov-precekan-so-aplauzi-vo-Moskva

Иванов беше пречекан во Москва со сите почести

Македонскиот претседател Ѓорге Иванов во Москва беше пречекан со сите почести.Тој пред пристигнувањето на средбата со Владимир Путин доживеа аллаузи и воодушевување од граѓаните кои беа собрани.

По средбата со Путин на која беше истакнато дека Русија одблиску ја следи состојбата во Македонија, и дека единствено решение за кризата е почитувањето на Уставот, законите и деморкатските принципи.

Таравари: Побаравме од Заев двојазичноста да биде експресна, тој апсолутно ги прифати барањата (ВИДЕО)

Arben-Taravari

Генералниот секретар на Движењето за реформи во ДПА, Арбен Таравари во гостувањето во емисијата „Програм 200“ на Алсат-М телевизија истакна дека од лидерот на СДСМ Зоран Заев побарале двојазичноста да биде експресна.

-Двојазичноста да биде експресна, што е можно побрзо да се прават измените во изборниот законик. И тој е заинтересиран да го реши ова, прифаќа да се прават такви измени….Разговаравме како да ги промениме имињата на улиците каде живеат мнозинство Албанци. Замислете, во Гостивар центарот се вика „Маршал Тито“, а повеќето од младите не знаат кој е тој. Имавме согласување за повеќето од точките кои ги дискутиравме, истакна Таравари.

Тој вели дека за овие прашања со Заев разговарале околу час и половина и дека лидерот на СДСМ апсолутно ги прифатил барањата и точките.

-Дури поставивме рокови во кое време треба да се реализираат за да создадеме взаемна доверба дека во иднина ќе функционира оваа коалиција, ако функционира зошто да нема соработка, додава генералниот секретар во паријата на Зијадин Сила.

Пред два дена претседателот на ДР-ДПА Села, одговарајќи на новинарско прашање соопшти дека откажувањето од Тиранската платформа би било како да се откаже од иднината на своите деца.

-Сто пати сум кажал дека јас не се откажувам од декларацијата на Албанците, затоа што е исто како да се откажувам од иднината на моето дете. Секако дека ќе инсистирам на платформата, одговори Села.

Меѓу другото лидерот на ДР-ДПА остави простор и за уцена најавувајќи дека доколку не се исполнат неговите барања после 100 дена ќе ја преиспита поддршката на новата влада.

-Едно нешто е сигурно, јас кажав и ќе повторам, без разлика дали ќе бидеме и ние физички дел или со други зборови дали ќе имаме министри или не, може и да немаме, ние ќе ја гласаме новата Влада и се разбира после 100 дена ќе го преиспитаме нашиот глас, додаде Села.

ВИДЕО: Еве како пратеници на СДСМ напаѓаа полициски службеници во Собранието

SDSM-nasilstvo-Sobranie

По завршувањето на собраниската седница на која се дебатираше за Предлог-законот за стечајните работници, вечерта на 1-ви јули 2010-та година во Собранието се случи инцидент во кој пратеници од редовите на СДСМ со туркање, притискање и влечење нападнаа полициски службеници од Собранието.

Ситуацијата кулминираше кога опозициските пратеници излегоа да се сретнат со стечајците на влезот од собраниската зграда. Според МВР, инцидентот настанал околу 21 часот кога пратениците Владо Бучковски и Весна Бендевска вербално и физички се обиделе да се пресметаат со полицискиот службеник С.Ж., кој имал задача да го фотодокументира случувањето пред влезот на Собранието каде се собрале околу 20 стечајци.

Бучковски и Бендевска прво вербално го нападнале полицаецот во цивилка со зборовите “кој си ти да не снимаш” и го истуркале во внатрешноста на зградата, попречувајќи го во извршувањето на службените задачи. Внатре им се придружиле и други пратеници кои му се обратиле со погрдни зборови.

Министерството за внатрешни работи тогаш изрази згрозеност од инцидентот кој се случи пред и во зградата на Собранието на Р. Македонија, а во кој вербално и физички беа нападнати и попречени во извршувањето на нивната работа полициски службеници.

-Пратениците немаат овластување да применуваат сила, да влечат, да туркаат, да пцујат и провоцираат, туку демократското и културно однесување наложува секоја поплака да ја пријават, а такво нешто во случајов немавме. Напротив бевме сведоци на анархија и насилство за кое колку и да се трудиме не можеме и не  треба да најдеме оправдување. Во најмала рака е чудно е како, според инволвираните успеале со ограничено движење го бркаат службеникот низ собранискиот хол, да го понижуваат, да го влечат и малтретираат. МВР цени дека за ваков вандализам не може и не смее да се бара никакво оправдување, реагираа тогаш од МВР.

По инцидентот, со реакција излезе и Полицискиот синдикат кој ги осуди случувањата.

– Синдикатот никогаш нема да отстапи од заштитата на полициските службеници кои чесно, совесно и професионално ги извршуваат службените задачи. Најостро го осудуваме инцидентот во Собранието и нападот врз полицискиот службеник, кој беше попречен во извршувањето на неговите задачи. „Инсистираме овој инцидент да биде целосно расчистен и одговорните да сносат соодветни санкции, порачаа од Синдикатот.

ВИДЕО: Мнозинството веќе нема да одлучува во Македонија, Заев договара консензуална демократија

Zaev-izjava

Претседателот на СДСМ Зоран Заев, со албанските коалициони партнери договара консензуална демократија, со што мнозинството веќе нема да одлучува во Македонија.

Заев по вчерашната средба со Зијадин Села во Тетово, одговарајќи на новинарско прашање за тоа кои се тие причипн за кои вели дека разговарале по секоја средба со партиите, изјавува дека консензуалност во одлучувањето било еден од тие принципи.

-Еве неколку, само ќе наговестам заради тоа што се уште се пеглаат до крај сите. ЕУ и НАТО, владењње на правото и правната држава, целосна реализација на Охридскиот рамковен договор, чесност, транспарентност и одговорност на власта, консензуалност во одлучувањето, меѓусебно градење на стратегијата на апртнерите пред секои важни одлуки, без разлика во Парламентот или во Владата, отчетност и дефинирање на едно општество за сите, рече Заев по средбата со Села.

Села: Не нè интересира што потпишал Заев – Не се откажуваме од Tиранската платформа (ВИДЕО)

Zijadin-Sela-pres-Tetovo

На денешната прес-конференција на претседателот на ДР-ДПА Зијадин Села, одговарајќи на новинарско прашање, соопшти дека не го интересира што и кому потпишува Зоран Заев, меѓу редови изјавувајќи и дека не го признава претседателот Ѓорѓе Иванов, обраќајќи му се со „некојси претседател“. За Села откажувањето од Тиранската платформа би било како да се откаже од иднината на своите деца.
Еден од новинарите го запраша Села: „Како го толкувате давањето на мандатот на Заев од страна на Иванов, и гарацијата којашто ја даде Заев на претседателот Иванов?“

Села на тоа одговори:

Јас не сум му претседател, колку што знам, на господинот Зоран Заев, јас сум претседател на Движењето за реформи – Демократска партија на Албанците. Ние никаква гаранција не сме потпишале што барал некојси претседател. И нема никогаш да потпишуваме гаранции кои некој ги барал.


Зборувајќи за тиранската платформа Села додава:

Сто пати сум кажал дека јас не се откажувам од декларацијата на Албанците, затоа што е исто како да се откажувам од иднината на моето дете. Секако дека ќе инсистирам на платформата.


Меѓу другото лидерот на ДР-ДПА остави простор и за уцена најавувајќи дека доколку не се исполнат неговите барања после 100 дена ќе ја преиспита поддршката на новата влада.

Едно нешто е сигурно, јас кажав и ке повторам,без разлика дали ке бидеме и ние физички дел или со други зборови дали ке имаме министри или не, може и да немаме, ние ќе ја гласаме новата Влада и се разбира после 100 дена ќе го преиспитаме нашиот глас.

ВИДЕО: Груевски пречекан со аплауз во новата зграда на Филхармонија

Gruevski-aplauz-Filharmonija

Претседателот на ВМРО-ДПМНЕ Никола Груевски придружуван од сопругата Боркица вечерва присуствуваше на концертот со кој свечено се отвори новиот објект на Македонската Филхармонија. Во полната сала Груевски беше пречекан со аплауз од присутните гости.

Македонската филхармонија, која е најстара институција од областа на музичко-сценската дејност во Република Македонија, новиот објект го добива по 73 години од постоењето.

Новиот објект вечерва беше отворен со концерт на кој како солист настапува Симон Трпчески под диригентство на Владимир Ашкенази од Русија.

Новиот објект на Македонската филхармонија се протега на површина од 12.400 метри квадратни. Располага со две сали, голема сала со капацитет 1.000 места и мала, повеќенаменска сала со капацитет од 310 места од кои 168 се фиксни седишта, 110 се телескопски и 32 се мобилни седишта.

Големата сала располага со најсовремени сценско технолошки системи што објектот го позиционираат во врвот на објектите од овој тип. Материјалите кои се употребени во големата сала и архитектонската пластика овозможуваат врвна акустика. Во составот на големата сала е содржано и студио со режија, опремено со комплетна, современа аудио и видео техника која ќе се користи за продукција и снимање на музичките настани. Во објектот се обезбедени сите предуслови за подготовка на програмата на институцијата, изградени се посебни простории за вежбање на солистите и индивидуалните групи, како и придружни и административни простории, сите функционално поврзани на три нивоа..

Објектот поседува и кафетерија, музичка продавница и паркиралиште за вработените. Во целиот процес на градбата на објектот се испочитувани сите програмски цели и барања на вработените во Филхармонијата.

Набавена е и комплетно нова опрема за музичарите, столчиња во зависност од типот на инструментот, стативи и држачи за инструментите, посебни шкафови за одлагање и чување на инструментите, држачи за партитурите и светлосни тела за нив.

На вечерашниот концерт ќе бидат изведени дела од Трајко Прокопиев – суита бр. 2 од балетот „Лабин и Дојрана“, Сергеј Прокофјев – концерт за клавир и оркестар бр. 3 во C-dur, оп. 26 и од Петар Илич Чајковски – симфонија бр. 5 во e-moll оп. 64.

Фото и Видео: Макфакс

ВИДЕО: Спасовски признава дека тиранската платформа е жива

rama-so-albanski-partii-od-makedonija-1

И генералниот секретар на СДС, Оливер Спасовски признава дека постои тиранската платформа и дека таа е жива и покрај гаранциите кои Зоран Заев ги достави до претседателот на државата за да го добие мандатот за формирање на влада.

Во тв дуел со Никола Тодоров од ВМРО-ДПМНЕ, прашан за тоа далли е жива тиранската платформа со тоа што албанските партнери на Заев потврдија дека таа постои и дека ќе биде имплементирана во програмата за влада, Спасовски потврди дека таа постои, но дека „ секој има свои ставови, но сите заеднички мора да се договориме за Република Македонија“.


Тодоров коментирајќи за тиранската платформа како основа за формирање на влада рече дека токму тоа ќее основата на владата.

-Оваа влада ќе биде заснована на таа тиранска платформа. Ќе видиме од програмата која ќе ја достават. Но, имаме ситуација со која 20 пратеника од албански блок, заземаат ист став по национално прашање. Целиот процес почна кога 20 пратеници го подрија мултикултурализмот во земјата со тоа. 100 пратеници се условени од 20 пратеници, и тука не зборам Албанци спроти Македонци, туку спроти сите други заедници. 20 пратеници имаат декларација заверена во кабинет на премиер на туѓа држава со мапа на голема Албанија. Премиер на туѓа држава диктира како ќе се направи влада во Македонија. Имаме ситуација во која се случи и сериозно ја продлабочи кризата во Македонија, и во неа има геноцид и се друго.

Според Спасовски, тиранската платформа била само „пропаганда“, за потоа да каже дека таа постои и е објавена.

-Изјави, платформи, декларации имаат политичките субјекти, но основа за владината програма е нашата програма. Што се однесува до тиранската платформа, тоа беше основа за пропаганда дека ВМРО- ДПМНЕ ја зачувува Македонија, а другите се предавници. Не слушнавме ниту збор за неа додека ВМРО- ДПМНЕ преговараше со ДУИ- рече Спасовски, но на прашање дека сите партии на Албанците во Македонија посочија дека не се откажуваат од неа, тој го потврди нејзиното постоење.

-Како декларација таа постои е објавена. Секој има свои ставови, но сите заеднички мора да се договориме за Република Македонија- вели Спасовски, кој се обиде да наметне теза дека нивната програма како основа ќе ги обедини коалициските партнери, иако албанските политички субјекти наглчасија дека тиранската платформа ќе биде дел од програмата на новата влада.