Ивчева: Командантите на ДУИ се враќаат во владата

Natalija-Ivceva

Командантите на ДУИ се враќаат во владата, напиша на Фејсбук политикологот Наталија Ивчева.

Командантот Вентили, поточно Садула Дураку откако од 2002-ра до 2006-та го оправи земјоделието, сега ќе ја оправа екологијата. Во меѓувреме Липково го направи Лас Вегас. Нека им е „со среќа“, на македонските земјоделци новиот министер командант Вентили.

Уште еден командант влегува во владата. Хазби Лика. Порано беше заменик министер за внатрешни работи и градоначалник на Тетово. ,,Успех до успех“, и на двете позиции.

За Бујар Османи велат дека е на право место. Место каде повеќе се збори, а помалку се работи. Отсекогаш бил многу добар за зборење, а ни малку успешен за работа.

Велат Ахмети ги мести министрите наспроти коалициониот партнер. За СДСМ се знае дека се неработници, па и тој оди со такви, за да нема колизија и дисхармонија во владата.

Тешко на владата во која Рамиз Мерко ќе биде реформатор (ФОТО)

Ramiz-Merko

Некои од медиумите на големо пишуваат за новиот состав на владата која лидерот на СДСМ, Зоран Заев пробува да ја формира. Според некои од нив, поранешниот градоначалник на Струга Рамиз Мерко ќе добие министерско место.

Изборот на Мерко наиде на негодувања кај новинарите, но и кај македонската јавност.

-Тешко на владата во која Рамиз Мерко ќе биде реформатор…, напиша на својот Фејсбук профил новинарката, Душица Мрѓа.

Dusica-Mrgja-Ramiz-Merko

Дали Бејли ја составува новата Тиранска влада во Македонија?!

bejli-sdsm

Најавите на лидерот на социјалдемократите, Зоран Заев беа дека денеска ќе се знае составот на идната Влада. Но, тоа не се случи. Додека Заев преговараше со лидерот на БЕСА, Билал Касами, Али Ахмети, претседателот на ДУИ, беше на средба со американскиот амбасадор, Џес Бејли на која се разговарало на истата тема – формирање на новата влада. На средбата во американската амбасада во земјата претходеше разговор меѓу Заев и Ахмети.

По ова Ахмети побрза во американската амбасада за да види што имаат од таму да му кажат.

А Касами и Заев ништо не се договориле. Имало, како што рече Заев напредок во разговорите, но не и договор. За БЕСА пак нема напредок – има принципи од кои тие не отстапуваат, како рокови за донесување на некои закони, како на пример законот за јазицит, како и редефинирањето на државата.

Bejli-Ahmeti

Зошто Ахмети побрза на средба со Бејли?! Оваа денешна средба отвори многу прашања. Кои принципи Бејли му го кажа на Ахмети?! Дали токму Бејли е составувачот на новата влада во земјата – тиранската влада во Македонија. Не е новина мешањето на Бејли во македонските политички случувања.

Да потсетиме што објави  „Стандард“ во април :

Американскиот амбасадор во Македонија Џес Бејли уште во вторникот 11 април се сретнал со Зоран Заев. Бејли во просториите на СДСМ стигнал околу 17 часот со своето службено возило, опкружен со телохранители. Во негова придружба биле уште неколку службеници од Американската амбасада. Во таа прилика со Заев е договорен, поточно аминуван, план на насилно преземање на местото на претседател на Собранието, а потоа и противуставно конституирање на Влада, која би ја спровела на дело „Тиранската платформа“, направена од страна на Еди Рама.

Обидот за пуч договорен помеѓу Бејли и Заев, а реализиран во четврток 27 април со нелегален избор на Талат Џафери за претседател на Собранието претходните недели во своја колумна го најави Љубомир Фрчковски, водечкиот стратег на СДСМ – пишува медиумот.

Сега Бејли повторно стапува на сцена. А што бара Али Ахмети денеска на баци рака кај американскиот амбасадор?!

БРАВО ЦРПКО: Уредувањето на албанскиот јазик како втор официјален ќе биде еден од првите приоритети на новата влада

Ali-Ahmeti-albanski-jazik

Уредувањето на албанскиот како втор официјален јазик ќе биде еден од првите приоритети на новата влада. Ова го потврди и лидерот на ДУИ Али Ахмети.

-Сигурно и од голема важност е да се даде порака дека ова е почеток на многу очекуваните реформи почнувајќи од тие во судството, но не заборавајќи дека оваа земја е во потполна стабилност почитувајќи ги и етничките заедници, што значи дека не треба да се заборави Охридскиот договор, не треба да се заборави статусот на албанскиот јазик како што е определен со Охридскиот договор и со Уставот на РМ.

Вака одговара Ахмети на прашањето- кои ќе бидат првичните задачи на новата влада во која партиципира и неговата партија.

Ние не бараме ништо што е надвор од Охридскиот договор и надовор од Уставот на РМ, вели Ахмети и додава:

„Злоупотребата на политички партии за дневно-политички цели дека Али Ахмети кажал пред 10 години: „Прашањето на албанскиот јазик е завршено и дека албанскиот јазик е официјален“, јас никогаш не сум рекол такво нешто. Сум кажал дека албанскиот јазик и статусот се уште не се завршени, има аванцирање на албанскиот јазик во Македонија, но не е комплетно, статусот на албанскиот јазик ќе се уреди со Закон како што бара и самиот Охридски договор и Уставот на РМ- јазикот кој што го зборуваат над 20% од граѓаните исто така е официјален јазик.“

Груевски: Во 2006-та од СДСМ наследивме буџет од само 3 милиони евра, Владата веднаш беше блокирана поради заостанати долгови

Gruevski-izjava

Обвинувањата од страна на СДСМ дека наводно ќе сме им оставеле празен буџет, имено вистината е сосема различна од тоа. На почетокот од оваа недела како што слушнавме и во јавноста во буџетот имаше средства во износ од 180 милиони евра и ова е сумата која што ја има на салдото на буџетот, вели претседателот на ВМРО-ДПМНЕ Никола Груевски.

-Од нив дел по одлуката на Уставен суд ќе одат за субвенции на земјоделците, а тоа се околу 50 милиони евра, така што оставаме огромни средства на новото мнозинство кое што деновиве ја преговара владата. За разлика од 2006 кога влеговме во владата имаше само 3 милиони евра и десетици подготвени извршувања на тужби добиени од други компании кои со месеци чекале кога ќе влезе новата влада тогаш да ги активираат. Само што влеговме во владата иако имаше 3 милиони евра, за десетина дена се активираа десетици и десетици извршни решенија на судски решенија што ги имала владата и владата беше блокирана, тоа е СДСМ, а ова денес е ВМРО-ДПМНЕ и тоа е разликата, потенцираше Груевски.

Тој исто така истакна дека него го загрижува тоа што СДСМ се уште не составиле влада и не влегле во владата, а веќе бараат изговори за нивното неработење кое што ќе следува и за нивната неспособност.

-Тие уште од сега почнуваат со лажни вести, а што ли ќе остане кога ќе влезат во владата и какви ли не лажни вести ќе слушаме секој ден за да имаат алиби за тоа што немаат никаква сериозна програма и план за тоа што ќе го работат. Да споменам и дека буџетскиот дефицит годинава е само околу еден процент што е еден од најниските буџетски дефицити во историјата на Македонија, рече Груевски.

Костов: Големи се апетитите околу распределбата на функциите за новата Влада

Sotir-Kostov-TV-Nova

Апетитите околу распределбата на функциите за новата Влада се големи. СДСМ не е долго на власт, БЕСА е нова партија и таа е гладна за власт, од ДУИ веќе знаат што е власт . Од денеска започнати се најтешките процеси што еден мандатар ќе ги има за да дојде до одлука за составување на Влада од причина што помеѓу коалициските партнери  има „плус и минус“, „деструктивно и помалку деструктивно“, смета политичкиот аналитичар Сотир Костов.

Во интервју за ТВ НОВА тој потсети на слоганите на политичките партии и искоментира дека меѓу нив има такви што се контрадикторни една со друга.

„СДСМ одеше на избори со слоганот „Да го вратиме животот во Македонија“, БЕСА одитде на избори со „редефинирање на Македонија“. Се прашувам кој кого ќе убеди да го прифати неговиот слоган? Од ДУИ порачаа „Одлучуваме заеднички“ и не ме убедија. Ако беше така во никој случај немаше да го погазат непишаното правило за коалиција на победник со победник. Тие не сакаа да одлучуваат заедно со победникот на овие избори“, рече Костов.

ВИДЕО: Богоевски нема да гласа за владата на Заев

Pavle-Bogoevski

Гости во дебатната емисија „Само вистина“ во Дневникот на Канал 5 денеска беа Богдан Илиевски, еден од организаторите на Граѓанското движење за заедничка Македонија и Павле Богоевски, пратеник од СДС, еден од организаторите на Шарената револуција.

На постојаното инсистрање на Богоевски дека не го признава легитимитетот на претседателот Ѓорге Иванов, Илиевски возврати со прашањето дали ќе гласа за валадата која ќе биде составена со мандат доделен од нелегитимен претседател.

Илиевски: Дали сметаш дека Ѓорге Иванов е нелегитимен претседател на Република Македонија?

Богоевски: Да.

Илиевски: Дали ќе гласаш за владата на која ѝ е доделен мандат од претседателот кој не е легитимен за тебе?

Богоевски: Не.

АЛБАНЦИТЕ КОНТРА ЗАЕВ: Тиранската платформа е жива и ќе биде спроведена во програмата на идната влада (ВИДЕО)

Tiranska-platforma-vladina-programa

Зоран Заев вчера поднесе гаранции до претседателот Ѓорѓе Иванов со кои тој, меѓу другото, требаше да гарантира дека нема да ја прифати Тиранската платформа како услов за владино коалицирање, а веднаш потоа замина во движењето Беса на консултации за владина програма.

Иако претходно велеше дека „нема платформа, туку има владина програма“, која во обид да го амортизира незадоволството кај народот, ја презентираше својата програма, Заев вчера призна дека наскоро ќе биде составена владината програма во која ќе биде содржана и тиранската платформа.

Вчеравечер сите партии партнери на Заев на македонските Албанци во дебатна емисија потврдија дека Тиранската платформа е жива и дека таа ќе биде дел од владината програма што Заев треба да ја спроведе.

Реџаил Исмаили е пратеник на ДУИ. Тој дури на двапати потврди дека таа ќе е дел од владината програма.

„Секако дека е, јас ви кажав и претходно. Декларацијата е жива и ќе биде дел од програмата на новата влада“.


И партискиот функционер од Беса Љуљзим Алиу ги зацврсти ставовите на сите политички партнери на Заев дека тиранската платформа е жива.

„Без сомневање, да. Декларацијата на албанските партии е жива“.


Сирија Рашиди е пратеник од паријата на Села, директно прашан „дали е сè уште жива албанската платформа“, тој одговори „Секако дека е жива“. Притоа Рашиди нагласувајќи дека нема конечна одлука за учество во власта, партијата ќе го уценува Заев со исполнување на тиранската платформа.

„Ние немаме донесено дефинитивна одлука дали ќе бидеме или не дел од новата влада“- вели Рашиди.

Како што е познато, и досега, додека Заев лажеше дека не по стои тиранска платформа, неговите коалициски партнери не само што тоа го потврдуваат туку и ги открија сите детали што се бараат  со неа, како што се бинационална држава, прогласување на Македонците за геноциден народ, промена на името и симболите на државата и на македонскиот народ.

Могерини и Хан го поздравија доделувањето мандат на Заев, очекуваат брзо формирање влада

han-mogerini

Високата претставничка на ЕУ за надворешна политика и безбедност Федерика Могерини и еврокомесарот за проширување и соседска политика Јоханес Хан во заедничка изјава ја поздравија одлуката на претседателот Ѓорге Иванов да му додели мандат на лидерот на СДСМ Зоран Заев за формирање влада. Според оваа висока европска двојка, официјален Брисел очекува брзо формирање на влада која ќе биде посветена на реформите, јави дописникот на МИА.

– Ја поздравуваме одлуката на претседателот Иванов да му го даде мандатот за формирање влада на господинот Заев, како важен чекор во процесот на формирање на влада. Се надеваме дека овој конструктивен дух ќе продолжи да преовладува, така што земјата ќе може конечно да излезе од политичката криза. Сега очекуваме брзо формирање на влада која ќе биде посветена на спроведувањето на сите делови од договорот Пржино и Итните реформски приоритети, се вели во соопштението на Хан и Могерини.

Европската шефица на дипломатијата и еврокомесарот за преговори за проширување и  исто така во име на Европската унија повикаа на сплотеност на партиите во враќањето на Македонија на евро-атлантскиот пат и изразија подготвеност да ја поддржат навата Влада на чело со Заев.

– Ги повикуваме сите парламентарни партии да ги остават нивните поделби настрана и да работат заедно на заедничката агенда за реформи, за земјата да се врати назад на патот на евроатланската интеграција. Тоа е она што го луѓето сакаат и го заслужуваат. Ние сме подготвени да ја поддржиме новата Влада во нејзините реформски напори, потенцираат Хан и Могерини.

СДСМ наследува полн буџет од 180 милиони евра кеш за трошење, во 2006-та ВМРО-ДПМНЕ наследи само 1 милион евра и блокирана сметка

Pari-broenje

Доколку оваа недела СДСМ формира влада, овонеделниот пресек според информациите од министерството за финансии покажува дека СДСМ наследува полн буџет од над 180 милиони евра. Тоа се пари расположливи за трошење веднаш и инвестиции во разни развојни проекти.

Од почетокот на годината собрани се 57 милијарди денари од даноци и придонеси. Собрани се и 5 милијарди денари неданочни добивки.

Приходната и расходната страна се урамнотежени. Дефицитот е речиси анулиран и се движи околу 1 процент.

Во 2006-та година кога ВМРО-ДПМНЕ  дојде на власт околу три милиони евра  предвидени за годината веќе биле платени трошоци од  над два милиона евра. Остатокот од околу еден милион евра бил планиран за плати, наемнини и за надоместоци. Ова значи дека Владата немаше пари за плаќање на другите финансиски обврски, кои се натрупале во изминатите месеци. Причина се, како што  пишуваше „Дневник“, многуте судски решенија за присилна наплата на долгови кон фирми и граѓани направени изминатите години.

Кон крајот на август 2006-тата година по присилната наплата на доспеани долгови направени пред 2006 година сметката на Владата беше блокирана откако се активирале две решенија за присилна наплата на долг од околу 422.000 евра, побарување кон вработени од јавното претпријатие ГА-МА.