Димовски: Таравари е одличен избор, но дел од останатите кадри имаат низа афери, пријави и скандали зад себе

Arben-Taravari

Илија Димовски од ВМРО-ДПМНЕ во дебата за програмата и составот на Владата рече дека пратениците од неговата партија и од Коалицијата ќе учествуваат активно во работата на Собранието, и во комисиите и на седниците, на добрите потези ќе одговараат со поддршка, а на лошите со остра критика и спротивставување, а на коректноста со коректност.

Осврнувајќи се на програмата на новата влада Димовски рече дека мандатарот иако најавувал одредени работи, не останал цврст во своите ветувања, како намалување на бројот на министрите во владата и нови луѓе, професионалци и познати и признати во својата област.

Оцени дека со чест на исклучоци на неколку кандидати, за министри се поставени класични партиски кадри, а дел од нив имаат низа афери, пријави и скандали зад себе.

Поддршка искажа за кандидатот за министер за здравство Арбен Таравали, кој има кадровски потенцијал и како личност, според својата биографија, заслужува да биде дел од предлозите за министер.

– Но, за жал, не го делиме впечатокот за целата влада – рече Димовски.

Оцени дека новата влада има исклучително мал и, со чест на исклучоци, слаб економски тим, а од друга страна, има огромен број кандидати министри без ресор, што според Димовски, е голем пропуст.

ДЕМИРИ ЗА НОВАТА ВЛАДА: Ќе биде со краток рок, ДУИ ги чува силите за локалните избори

Alajdin-Demiri

Од ДУИ сметаат дека тројката Теута Арифи, Изет Меџити и Невзат Бејта е највредното во партијата

Кога ќе се погледнат имињата на новите министри, очигледно е дека тие немаат никаков капацитет да ги спроведат реформите кои се потребни. Повеќе од јасно е дека оваа влада ќе биде со краток рок, убеден е поранешниот дипломат Алајдин Демири.

Тој во разговор за Телеграф.мк ги објаснува причините зошто СДСМ и ДУИ се решиле за, како што вели, ваков лош кадар. Демири е убеден дека ДУИ се чува за локалните избори, додека пак поради предолгото време поминато во опозиција СДСМ останал без квалитетни луѓе во своите редови.

- Ако зборуваме за новата влада дали има капацитет да го спроведе она што го вети, реформи и со кои луѓе би го направила, може да се каже дека е со ниско ниво. Ниско е бидејќи СДСМ долго време е во опозиција и човечкиот капацитет се растури, а пак ДУИ поради долгото време поминато во власта тешко можеше да најде луѓе што не се вмешани во криминал и во корупција – нагласува дипломатот за Телеграф.мк.

Според него, очигледно е дека во ДУИ повеќе размислуваат за локалните избори и ги сметаат за многу позначајни работи отколку изборот на владата.

– ДУИ своите сили ги чува за изборите за градоначалници бидејќи им е јасно дека оваа влада ќе има краток век. Тие сметаат дека тројката Теута Арифи, Изет Меџити и Невзат Бејта е највредното во партијата, но јас не сум убеден во тоа – додава Демири.

Милошоски: Главното прашање е што сака да сокрие Зоран Заев во предлог програмата на новата Влада?

Antonio-Milososki

ВМРО-ДПМНЕ смета еден ден е недоволен за анализа на владината програма и дека мора да се остави повеќе време за пратениците и јавноста да добијат подобар увид во составот на владата, плановите за работа на идната Влада и главните проекти.

– Што сака да сокрие Зоран Заев во предлог програмата на новата Влада и во предлог листата за нејзини кандидати? е суштинското прашање што се поставува откако е обелоденет шверцерскиот обид на СДС да се даде само еден ден, првпат во историјата на Македонија за анализа и разгледување на предлог програмата и на листата на кандидати за новата Влада, рече попладнево на прес-конференција Антонијо Милошоски, член на Извршниот комитет на ВМРО-ДПМНЕ.

Според него, начинот на кој Заев се обидува да го скрати времето за анализа на програмата што ја нуди и нејзиниот кадровски состав на идната Влада е краен недемократски чин. На пратениците коишто не се дел од собраниското мнозинство, рече тој, не им се остава ниту минимум време за квалитетна подготовка на дискусија за или против новиот состав и новата програма на новата Влада.

– Затоа со овој чин во вода паѓаат најавите за транспарентност и отчетност на СДС и коалиционите партнери од новото собраниско мнозинство. СДС одлучи да го понижи и да го деградира Собранието и само како лицемерие денес можеме да ги слушнеме претходните лажни ветувања на СДС дека Собранието го гледаат како коректив на власта која што треба да биде конструктивен критичар на нејзиното однесување. Од првиот ден СДС покажува недемократски тендеции, рече Милошоски.

Посочи дека ладите и мандатарите и во 2002 и во 2006-та, и во 2008-ма, 2011-та и 2014-та година секогаш давале минимум 12 дена простор и време за јавна дебата за разгледување и анализа на владините програми и предложените кандидати за министри и дека секогаш – не само парламентарната опозиција, туку и јавноста, стручната фела, новинарите и граѓаните ова време го користеле за градење на своите аргументи, за или против за предложените проекти или предложениот состав на новите влади.

– За жал, гледаме дека СДС се откажува од оваа демократска традиција и со тоа покажува дека нема демократски капацитет на првиот тест за СДС за отчетно и транспарентно работење. Заев изгледа дека има многу што да сокрие во новата програма или има многу што да сокрие во персоналниот состав или биографиите на кандидатите за министри во новата Влада, штом нема демократски капацитет на јавноста да и даде повеќе од само еден ден за анализа на новата предлог програма и кандидатите за министри пред изборот на новата Влада. Да се закаже седница за само еден ден, во најмала рака е срамен и недемократски чин кон јавноста и кон Собранието. Кратко и јасно, тоа што сака Заев да го сокрие е дека неговата влада е антиреформска, рече Милошоски на прес-конференцијата.

Во предложената листа на кандидати, како што рече, може да се открие првата голема лага на СДС.

– Во октомври 2015 година Шекеринска јавно говореше и презеде обврска дека бројот на министри во владата на СДС нема да надмине повеќе од 20, а веќе утре имаме предлог за нова Влада кој што брои 26 министри. Толку држат ветувањата на СДС, толку од реформите на оваа антиреформска влада која, за жал, не е подготвена ни за подолг период критика од еден ден дадено време за анализа на проектите и кадровскиот состав, додаде Милошоски.

Ванковска: Владата како место за вдомување на сè и сешто

Vankovska-SDSM

Професорката по политички науки Билјана Ванковска не остана имуна по објавувањето на составот на идната влада. Вели, не е разочарана, едноставно не ни очекувала нешто подобро.

Vankovska-status

-Можеби не сме демократија, ама сме богата држава кога можеме да си дозволиме куп вицепремиери и 7-8 министри брз ресор! Владата како место за вдомување на сè и сешто, а уште не ни стасале до другите позиции… Јас не сум разочарана – не ни очекував нешто подобро од партии кои не сфатија дека тие не се важни, а дека општиот интерес налагаше мала и компетентна, експертска влада – напиша Ванковска на својот Фејсбук профил.

За составот и бројот на министри реагираа повеќемина. Голем дел од нив важат за големи поддржувачи на социјалдемократите.

„Во Центар“: Нова влада за промена на името

Vasko-Eftov-Vo-Centar-1

Новинарот Васко Ефтов во емисијата „Во центар“ вели дека приоритетите на владата која лидерот на СДСМ, Зоран Заев се обидува да ја направи е по секоја цена Република Македонија да влезе во НАТО. Тоа би значело и промена на името.

Според Ефтов, постојат најмалку три сценарија како Македонија до крајот на годината да стане членка на НАТО. Како што вели тој, и американскиот Амбасадор Џес Бејли сака по секоја цена Македонија да влезе во Алијансата за да ги покрие сите активности во изминатите две години.

– Првото сценарио е да биде организиран референдум во Република Македонија. Тоа значи, 50 плус 1 отсто од гласачите во Република Македонија, односно близу 900 илјади луѓе да гласаат позитивно на тој референдум. Тоа е тешко остварливо и таа опција се помалку е актуелна и се помалку е во игра за решавање на проблемот со името, истакнува Ефтов.

Посочува дека втората варијанта е Македонија да влезе под условите кои се договорени со времената спогодба, односно да се реализира она што не беше направено на самитот на НАТО во Букурешт.

– Втората варијанта е под името „поранешна југословенска Република Македонија“, Македонија да стане членка на НАТО. Всушност, изминатите четири или пет години постои онаа пресуда на Хашкиот суд. Раководството или официјалната политика на Република Македонија бараше под таа референца, како што е содржана во времената спогодба да станеме членка на НАТО. Односно, да се реализира тоа што не беше направено на самитот на НАТО во Букурешт, објаснува Ефтов.

Според него, третата варијанта е Македонија да влезе во Алијансата под референцата FYROM, што и одговара на Грција.

– Третата варијанта е под референцата FYROM, која и одговара на Грција. Притисокот кој сега се врши врз Зоран Заев е под референцата FYROM, која одговора на Грција, Република Македонија да стане членка на НАТО, посочи Ефтов.

Вели дека влегувањето е многу важно за американскиот амбасадор Џес Бејли, бидејќи како што вели, на тој начин ќе ги покрие сите законски или незаконски активности кои ги правеше изминатите години.

– Тоа е важно бидејќи американскиот амбасадор, Џес Бејли по секоја цена сака Македонија да стане членка на НАТО. На тој начин, сите активности на Бејли, законски или незаконски, сака да ги покрие сите активности кои ги правеше изминатите години. Тоа е по секоја цена ВМРО-ДПМНЕ и Никола Груевски да ги симне од власта во Република Македонија и да направи влада меѓу СДСМ и ДУИ, потенцира Ефтов.

Касами: Нема да гласаме за оваа Влада

Kasami-BESA

Лидерот на партијата Беса, Билал Касми денеска на прес конференција соопшти дека неговата партија нема да учествува во Владата.

– Оваа одлука е на Централното претседателство и Централниот совет на партијата, рече Касами.

Тој го обвини мандатарот Заев дека не бил подготвен да го потпише договорот, за како што вели, заедничко владеење и да ги прифати нивните принципи.

– Беса нема да биде во новата Влада бидејќи мандатарот не беше подготвен за заедничко владеење и за тоа да потпише заеднички договор. Ќе продолжиме да бидеме конструктивен фактор во Република Македонија, заштитник на правата на Албанците, но и интересите на сите граѓани. Беса ќе ја поддржи секоја иницијатива на новата Влада која ќе биде во интерес на Албанците и државата, истакна Касами.

На новинарско прашање дали Беса во Собранието ќе гласа за состав на новата влада, Касами рече „како што тргнале со овие предлози од ДУИ, тешко дека ќе гласаме“.

Ивчева: Командантите на ДУИ се враќаат во владата

Natalija-Ivceva

Командантите на ДУИ се враќаат во владата, напиша на Фејсбук политикологот Наталија Ивчева.

Командантот Вентили, поточно Садула Дураку откако од 2002-ра до 2006-та го оправи земјоделието, сега ќе ја оправа екологијата. Во меѓувреме Липково го направи Лас Вегас. Нека им е „со среќа“, на македонските земјоделци новиот министер командант Вентили.

Уште еден командант влегува во владата. Хазби Лика. Порано беше заменик министер за внатрешни работи и градоначалник на Тетово. ,,Успех до успех“, и на двете позиции.

За Бујар Османи велат дека е на право место. Место каде повеќе се збори, а помалку се работи. Отсекогаш бил многу добар за зборење, а ни малку успешен за работа.

Велат Ахмети ги мести министрите наспроти коалициониот партнер. За СДСМ се знае дека се неработници, па и тој оди со такви, за да нема колизија и дисхармонија во владата.

Тешко на владата во која Рамиз Мерко ќе биде реформатор (ФОТО)

Ramiz-Merko

Некои од медиумите на големо пишуваат за новиот состав на владата која лидерот на СДСМ, Зоран Заев пробува да ја формира. Според некои од нив, поранешниот градоначалник на Струга Рамиз Мерко ќе добие министерско место.

Изборот на Мерко наиде на негодувања кај новинарите, но и кај македонската јавност.

-Тешко на владата во која Рамиз Мерко ќе биде реформатор…, напиша на својот Фејсбук профил новинарката, Душица Мрѓа.

Dusica-Mrgja-Ramiz-Merko

Дали Бејли ја составува новата Тиранска влада во Македонија?!

bejli-sdsm

Најавите на лидерот на социјалдемократите, Зоран Заев беа дека денеска ќе се знае составот на идната Влада. Но, тоа не се случи. Додека Заев преговараше со лидерот на БЕСА, Билал Касами, Али Ахмети, претседателот на ДУИ, беше на средба со американскиот амбасадор, Џес Бејли на која се разговарало на истата тема – формирање на новата влада. На средбата во американската амбасада во земјата претходеше разговор меѓу Заев и Ахмети.

По ова Ахмети побрза во американската амбасада за да види што имаат од таму да му кажат.

А Касами и Заев ништо не се договориле. Имало, како што рече Заев напредок во разговорите, но не и договор. За БЕСА пак нема напредок – има принципи од кои тие не отстапуваат, како рокови за донесување на некои закони, како на пример законот за јазицит, како и редефинирањето на државата.

Bejli-Ahmeti

Зошто Ахмети побрза на средба со Бејли?! Оваа денешна средба отвори многу прашања. Кои принципи Бејли му го кажа на Ахмети?! Дали токму Бејли е составувачот на новата влада во земјата – тиранската влада во Македонија. Не е новина мешањето на Бејли во македонските политички случувања.

Да потсетиме што објави  „Стандард“ во април :

Американскиот амбасадор во Македонија Џес Бејли уште во вторникот 11 април се сретнал со Зоран Заев. Бејли во просториите на СДСМ стигнал околу 17 часот со своето службено возило, опкружен со телохранители. Во негова придружба биле уште неколку службеници од Американската амбасада. Во таа прилика со Заев е договорен, поточно аминуван, план на насилно преземање на местото на претседател на Собранието, а потоа и противуставно конституирање на Влада, која би ја спровела на дело „Тиранската платформа“, направена од страна на Еди Рама.

Обидот за пуч договорен помеѓу Бејли и Заев, а реализиран во четврток 27 април со нелегален избор на Талат Џафери за претседател на Собранието претходните недели во своја колумна го најави Љубомир Фрчковски, водечкиот стратег на СДСМ – пишува медиумот.

Сега Бејли повторно стапува на сцена. А што бара Али Ахмети денеска на баци рака кај американскиот амбасадор?!

БРАВО ЦРПКО: Уредувањето на албанскиот јазик како втор официјален ќе биде еден од првите приоритети на новата влада

Ali-Ahmeti-albanski-jazik

Уредувањето на албанскиот како втор официјален јазик ќе биде еден од првите приоритети на новата влада. Ова го потврди и лидерот на ДУИ Али Ахмети.

-Сигурно и од голема важност е да се даде порака дека ова е почеток на многу очекуваните реформи почнувајќи од тие во судството, но не заборавајќи дека оваа земја е во потполна стабилност почитувајќи ги и етничките заедници, што значи дека не треба да се заборави Охридскиот договор, не треба да се заборави статусот на албанскиот јазик како што е определен со Охридскиот договор и со Уставот на РМ.

Вака одговара Ахмети на прашањето- кои ќе бидат првичните задачи на новата влада во која партиципира и неговата партија.

Ние не бараме ништо што е надвор од Охридскиот договор и надовор од Уставот на РМ, вели Ахмети и додава:

„Злоупотребата на политички партии за дневно-политички цели дека Али Ахмети кажал пред 10 години: „Прашањето на албанскиот јазик е завршено и дека албанскиот јазик е официјален“, јас никогаш не сум рекол такво нешто. Сум кажал дека албанскиот јазик и статусот се уште не се завршени, има аванцирање на албанскиот јазик во Македонија, но не е комплетно, статусот на албанскиот јазик ќе се уреди со Закон како што бара и самиот Охридски договор и Уставот на РМ- јазикот кој што го зборуваат над 20% од граѓаните исто така е официјален јазик.“