Пап: Македонија секојдневно ги живее лагите на СДС и Зоран Заев, младите секојдневно живеат во една голема лага

Oliver-Pap-pred-Vlada

СДС лаже, континуирано бесрамно и на очиглед на сите. СДС како за се досега излажа, и уште еднаш докажа дека нивните зборови не се ништо освен празни ветувања. СДС ги излажа младите и во изминатите 100 дена не направи ништо со што би им се подобрил животот, кажа денеска во изјава пред Владата Оливер Пап од УМС на ВМРО-ДПМНЕ.

Пап кажа дека СДС на младите им ветуваше младинска гаранција и сигурност, но само како предизборна реторика. Тој потенцираше иднината на државата односно младите се измамени и разорчарани од предизборните лаги и манипулации на СДС.

-Стефан Богоев и Ивана Туфегџиќ седнаа во собраниските фотељи ги добија посакуваните функции како и финансиски бенефиции и заборавија на ветувањата кои ги имаа кон младите. Поминаа 100 дена од неспособната влада на СДС, а за младите нема ни „В“ од загарантираните вработувања. Проектот Младинска гаранција кој го ветуваа СДС магично го снема, изјави Пап.

Пап вели дека СДС вети дека од буџетот ќе одвои 8.8 милиони евра за овој проект, за младите да останат во државата. Според него не само што не ги одвоија овие пари со ребалансот, туку напротив скратија 1.5 милијарди денари наменети за образование со новиот ребаланс, ставка која е од витално значење за младите и иднината на државата.

-Македонија секојдневно ги живее лагите на СДС и Зоран Заев, младите секојдневно живеат во една голема лага. На јавноста веќе одамна и е јасно дека гаранцијата дадена од СДС не вреди ништо, зборот на Заев, Богоев и Туфегџиќ не вреди ништо. Младите на 15-ти октомври нема да го дадат својот глас за лагите и манипулациите на СДС. Младите нема повторно да дозволат да бидат излажани од Заев и СДС, изјави Пап.

НОВ СКАНДАЛ: Свиркачи објавуваат криминална одлука со која Владата на Заев му помага на Анѓушев и неговите фирми да се богатат

Zaev-Angjusev-pari-dokument

Диверзификација на капиталот додека се владее

Како некој што се борел со срце за промена на власта преку глава ми е веќе од сите пијавици кои гледаат да бутнат некое милионче повеќе за сметка на сите нас кои се мачевме да дојдеме до подобар резултат за да го бутнеме режимот.

Таквите го девалвираат секој наш макотрпен напор и затоа подобро е партијата веднаш да се свести и да реагира, наместо граѓаните да не плукаат по улици и да не обвинуваат дека сме протестирале и сме се бореле само за да се богатиме.

Јас ниту сум се борела за тоа, ниту се борам. Се борев затоа што верував во животот и се борев за да се вработам бидејќи сум сигурна дека имам капацитет да помогнам со труд и знаење и чесно да си ја одработам платата.

Молчев кога во владата влегуваа шарените револуцинери. Си велев дека е во ред, иако никогаш не биле дел од партијата. Протестираа со нас, се организираа и плукаа по режимот. Знам дека преку невладините добиваа и надомест за тоа, но немав против да влезат во владата, бидејќи ангажманот во невладините не е постојан, па и тие заслужуваа вработување, исто како и јас.

Молчев кога договорите ги потпишувавме преку кумот на генералниот секретар Рашковски , кој патем и никогаш не придонел нешто за партијата.

Молчев и кога почнаа да излегуваат аферите за Кочо Анѓушев, кој исто така не е член, ниту бил член. За претседателот Заев и за неговите фирми никогаш нема да зборувам затоа што и да заработи нешто повеќе неговото семејство, партијата се финансирала од тие пари.

Затоа во иднина ќе ги објавувам сите документи кои верувам дека побргу ќе не отрезнат и ќе ни го обелат образот пред јавноста. Еве токму еден од нив.

Raskovski-dokument-Angjusev-Drenovo

Владата на седница на 29 август донесе одлука за пренамена на земјоделско земјиште во градежно земјиште. Тоа се 23 дена откако беа распишани изборите и откако владата практично е ограничена и не смее да носи вакви одлуки. Кога се распрашав зошто е тоа така, ми стана јасно. Зад фирмата која учествува во целата работа стои кој ако не Кочо Анѓушев.

Имено станува збор за пренамена на земјиште со која неговата вредност неколкукратно се зголемува. Станува збор за земјиште на кое треба да се гради ХЕЦ Тополка со придружни објекти. Фирмите кои стојат зад сето ова се Energy delivery solutions и Hidro holding односно Мали Хидроелектрани Тополки ДОО сега регистрирана на бул.Свети Климент Охридски број 30, во управната зграда на Фероинвест на Кочо Анѓушев. Управител на МХЕ е братот на Кочо Анѓушев, Тодор Анѓушев. 

Ваквата алчност за пари не може да се скрие со поставување на сопствениот брат за управител. Судир на интереси постои и нас ќе не плукаат по улици ако не се избориме против ова. Не знам дали Кочо Анѓушев лично гласал и дали бил присутен на таа седница, но не можам да гарантирам дека не разговарал со другите министри и не ги убедил да изгласаат една ваква одлука која што ќе му донесе екстра профит на него и брат му.

Ете ја погоре одлуката на Влада, па нека повели Анѓушев и нека објасни.Ова е извадок од веб страницата на Фероинвест во кој јасно стои кој е управител на МХЕ.


Извор: Justpaste.it

НЕВИДЕНО РАСИПНИШТВО: Рашковски на државна сметка шета низ светот, никој не кажува колку чини тоа негово задоволство!

Raskovski-Aerodrom

Откако генералниот секретар на Владата Драги Рашковски ја вработи бабата како претседател на второстепена комисија, со четири куфери од Истанбул отпатува за Њујорк. Несвојствено е за генерален секретар да биде дел од владина делегација особено што неговиот делокруг не е меѓународна политика, туку организациона работа во владата.

Очигледно Рашковски на државна сметка оди да се прошета во Њујорк неколку дена порано од присуството на македонската делегација на генералното собрание на Обединетите нации каде ќе присуствува премиерот Зоран Заев.

Dragi-Raskovski-na-aerodrom

Непотизмот на новата владеачка гарнитура предводена од Зоран Заев и СДСМ повторно се покажува на дело. Владиниот генерален секретар Драги Рашковски, си ја поставил бабата за претседател на второстепената владина комисија.

Елена Начевска, мајка на Вероника Начевска (сопругата на Драги Рашковски) е именувана за претседател на на Комисијата за жаби. За именувањето на мајката на сопругата на Рашковски за претседател на второстепената владина комисија, Владата неодамна информираше преку соопштение кога беа објавени 67. нови функционери и директори на органи, државни управи и казнено поправни установи.

Покрај Начевска за претседател,  за член на Комисијата за жалби беше именувана Марија Спиреска. Со поставувањето на својата баба за претседател на оваа Комисија, Рашковски на дело го покажува непотизмот во Владата на Заев и СДСМ.

Јавноста претходно беше запознаена дека Дејан Костиќ, кој како што веќе е познато е кум на Рашковски, ќе ги работи сите правни работи во Владата, како што се кадровски смени, решенија, свикување седници, изготвување инфоформации и други работи кои веќе ги работеа вработени во Владата, но сега ќе бидат под ингеренции на неговата адвокатска канцеларија. Тоа претставува двоен трошок што директно оди на штета граѓаните, кои се уште ги чекаат големите ветувања на Заев кои ги даде пред изборите, а сега ретерира од нив.

-Непотизмот секогаш бил главна карактерна особина на СДС, но Драги Рашковски ги надмина сите непотистички потези на СДС. Овој документ покажува дека Владата на Република Македонија, преку генерелниот секретар Драги Рашковски, го овластила адвокатот Дејан Костиќ, кој е кум на Драги Рашковски да свикува управни и надзорни одбори, да оди по институции, да ги притиска, да се однесува некултурно, буквално да дивее по македонските институции, да навредува и омаловажува. Значи кумот на Драги Рашкоски се прави газда по македонските институции. Срамно, недостоинствено и неодговорно. Само затоа што Рашковски му е кум. Па кај го има ова? Па кој е должен да го трпи ова самоволие? Што се замислуваат овие луѓе од владата? Ќе следува одговорност за секого кој покажува вакво самоволие, обвинија од ВМРО-ДПМНЕ.

ВЛАДАТА СЕ ПРАВИ НАУДРЕНA, ШАРЕНИТЕ ПРАВАТ ПАРИ: Никој не кажува како се напредува од дивеење и уништување на институциите до вработување во нив

sareni-pred-vlada

Последниве денови јавноста е разбранува од информациите кои стигнуваат од сите страни, а се однесуваат на вработување на речиси сите учесници  во платеничката шарена револуција. А никој од Владата не сака да одговори по кој критериум се вработувани „шарените револуционери“. Сега испаѓа дека Шарената револуција била интервју за работа, а Владата биро за вработување шарени револуционери. Најгласните и најшарените од оние кои неколку месеци тормозеа по улиците викајќи „Ружна ви е владата“, денес утринското кафе со колегите го пијат на „Илинденска“. Им беше ружна додека не се вработија во „ружната влада“. Сега, освен што ќе се пофалат овде-онде со вкусната чорба од ружната влада, никаде ги нема да спомнат рушење, како повторуваа додека сквернавеа. Лани, од април до одморите, потоа се разидоа по плажите.

Ако тргнеме од најсвежиот пример, последен згрижен од шарените е братот на Ермира Мехмети и еден од најистакнатите членови на борбената единица на Шарена револуција, командосот Замир Мехмети. Тој, ниту помалку, ниту повеќе доби директорска фотелја во Телеком.

Оддолжувањето на СДСМ кон „граѓанскиот сектор“ и независните загрижени граѓани започна уште пред изборите, откако СДСМ на листите за пратеници ги стави Павле Богоевски и Ивана Туфегџиќ, едниот истакнат член на Шарената револуција, а другата предводничка на Студентскиот пленум.

–Богоевски беше еден од најактивните учесници на „Шарената револуција“, која причини сериозна материјална штета од неколку стотици илјади евра на објектите низ центарот на Скопје и го блокираше центарот на Скопје повеќе од два месеци. Сега се гледа дека тоа го правел од чисти лукративни причини, односно за 900.000 денари од ФООМ и загарантирано пратеничко место на листата на СДСМ, напиша порталот Журнал во една анализа посветена за Павле Богоевски.

Според порталот, од тие 900.000, 184.000 денари Богоевски ги донирал за СДСМ.

И Ивана Туфегџиќ донирала пари во СДСМ. Таа успеала да донира 101.900 денари во момент кога била невработена.

И Бубо Каров, кој на јавноста и е познат како „Цацко“ се вработи во државна институција. Тој откако гласно протестираше против ВМРО-ДПМНЕ стана надворешен советник на министерот без ресор задолжен за комуникации, отчетност и транспарентност, Роберт Поповски.

Министерството за култура на Роберт Алаѓозовски вдоми двајца новинари кои работата ја добија благодарение на протестирањето против ВМРО-ДПМНЕ.

Петрит Сарачини стана советник во Министерството, а од неодамна во тимот на Алаѓозовски е и Нора Шаќири, која претходно на Фејсбук бараше работа од Зоран Заев.

Таа од Заев побара да ја вработи, откако поранешниот новинар Мухамед Зекири се вработи во СДСМ, а потоа стана и пратеник од таа партија.

Дел од Шарената револуција, а сегашен директор е Стојанче Павловски, кој покрај „уличната школа“ од Шарена револуција, има само средно образование.

СДСМ и Заев го разрешија Маестро Зоран Џорлев, музичар со високо меѓународно реноме за Павловски, кој има завршено само средно градежно училиште.

СДСМ под државна капа стави и други партиски членови, активисти на Сорос, како и лица кои се познати од „Шарената револуција“, кои причинија огромна материјална штета на објекти низ Скопје, како што се Зоран Бојаровски, Бојан Маричиќ, Влатко Васиљ, Дане Талески, Марјан Забрчанец, Никола Наумовски, Петар Арсовски, Ѓунер Исмаил, Бранимир Јовановиќ и многу други.

Ружна им беше Владата додека не се вработија во неа: Шарените од улица на функција, способните седат дома без работа

Sareni-profiteri

Шарената револуција била интервју за работа, а Владата боро за вработување шарени револуционери. Најгласните и најшарените од оние кои неколку месеци тормозеа по улиците викајќи „Ружна ви е владата“, денес утринското кафе со колегите го пијат на „Илинденска“. Им беше ружна додека не се вработија во „ружната влада“. Сега, освен што ќе се пофалат овде-онде со вкусната чорба од ружната влада, никаде ги нема да спомнат рушење, како повторуваа додека сквернавеа. Лани, од април до одморите, потоа се разидоа по плажите.

Ако тргнеме од најзвежиот пример, последен згрижен од шарените е братот на Ермира Мехмети и еден од најистакнатите членови на борбената единица на Шарена револуција, командосот Замир Мехмети. Тој, ниту помалку, ниту повеќе доби директорска фотелја во Телеком.

Оддолжувањето на СДСМ кон „граѓанскиот сектор“ и независните загрижени граѓани започна уште пред изборите, откако СДСМ на листите за пратеници ги стави Павле Богоевски и Ивана Туфегџиќ, едниот истакнат член на Шарената револуција, а другата предводничка на Студентскиот пленум.

Богоевски беше еден од најактивните учесници на „Шарената револуција“, која причини сериозна материјална штета од неколку стотици илјади евра на објектите низ центарот на Скопје и го блокираше центарот на Скопје повеќе од два месеци. Сега се гледа дека тоа го правел од чисти лукративни причини, односно за 900.000 денари од ФООМ и загарантирано пратеничко место на листата на СДСМ, напиша порталот Журнал во една анализа посветена за Павле Богоевски.

Според порталот, од тие 900.000, 184.000 денари Богоевски ги донирал за СДСМ.

И Ивана Туфегџиќ донирала пари во СДСМ. Таа успеала да донира 101.900 денари во момент кога била невработена.

И Бубо Каров, кој на јавноста и е познат како „Цацко“ се вработи во државна институција. Тој откако гласно протестираше против ВМРО-ДПМНЕ стана надворешен советник на министерот без ресор задолжен за комуникации, отчетност и транспарентност, Роберт Поповски.

Министерството за култура на Роберт Алаѓозовски вдоми двајца новинари кои работата ја добија благодарение на протестирањето против ВМРО-ДПМНЕ.

Петрит Сарачини стана советник во Министерството, а од неодамна во тимот на Алаѓозовски е и Нора Шаќири, која претходно на Фејсбук бараше работа од Зоран Заев.

Таа од Заев побара да ја вработи, откако поранешниот новинар Мухамед Зекири се вработи во СДСМ, а потоа стана и пратеник од таа партија.

 

Дел од Шарената револуција, а сегашен директор е Стојанче Павловски, кој покрај „уличната школа“ од Шарена револуција, има само средно образование.

СДСМ и Заев го разрешија Маестро Зоран Џорлев, музичар со високо меѓународно реноме за Павловски, кој има завршено само средно градежно училиште.

СДСМ под државна капа стави и други партиски членови, активисти на Сорос, како и лица кои се познати од „Шарената револуција“, кои причинија огромна материјална штета на објекти низ Скопје, како што се Зоран Бојаровски, Бојан Маричиќ, Влатко Васиљ, Дане Талески, Марјан Забрчанец, Никола Наумовски, Петар Арсовски, Ѓунер Исмаил, Бранимир Јовановиќ и многу други.

НОВИ БОМБНА БИЗНИСИ: Владата ќе го продава преостанатиот дел на Телеком, Скопски Водовод повторно на удар!

Шилегов

Владата на СДСМ планира да го продаде преостанатиот удел на државата во Македонски телеком.

Според наши извори со овој потег треба да се постигнат две цели, прво да се покрие економскиот хаос кој СДСМ го создаде во изминатиот период, а второ доколку може да се договори неколку милиони евра кои би завршиле во партиската каса, т.н. Црквата.

Втората работа е планирана да се изведе според истиот шаблон како во 2006 година кога се продаваше ЕСМ и да се спакува како нов „бомбона бизнис“. Јавноста тогаш споменуваше дека тројца највлијателни политичари во Владата на СДСМ инкасирале близу 9 милиони евра за лични и партиски цели.

Како потсетување, според информацијата дадена од страна на Богоевски за Американската комисија за хартии од вредност (СЕЦ), пред повеќе од две и пол години, самиот потврдил дека бил вклучен како посредник во корумпирањето и притоа ги обезбедил клучните документи и мејлови, поради што СЕЦ “ја сфаќа вознемиреноста” кај обвинетите од неговото сведочење. Од документот може да се види дека Богоевски барал и добил привремен статус на заштитен сведок, бидејќи не сакал да се знае неговото учество во ова својство во процесот во Македонија.

Според неговите тврдења, првиот состанок на двете страни се одржал во декември 2004 година, веќе во јануари 2005 година, како што стои, “Грците” им нуделе мито на македонските функционери, а работата кулминирала во мај истата година кога меѓу “македонската страна”, која била цел на поткупот – СДСМ во пакет со оваа продажба на државен имот размислува да го отуѓи и Скопски Водовод според планот кој веќе беше изготвен од владата на СДСМ предводена од Владо Бучковски. Намерата е ваквата продажба и подготовките да отпочнат веднаш после локалните избори доколку СДСМ добие свој градоначалник на Скопје.

Парите за поткупот биле пренесувани со возила на тогашни високи функционери на Владата, како би се спречило стопирањето и побезбедно пристигнување на „пратката“.

Според нашите сознанија, доколку Петре Шилегов стане градоначалник на Скопје, планот на СДСМ е во пакет со продажбата на преостанатиот дел на Македонски Телеком, да биде отуѓен и Скопски Водовод, според планот кој веќе беше изготвен од владата на СДСМ предводена од Владо Бучковски. Намерата е ваквата продажба и подготовките да отпочнат веднаш после локалните избори само доколку Шилегов стане градоначалник на Скопје.

ВМРО-ДПМНЕ: Додека Македонија ја носи кон банкрот, Владата на Заев не престана да се луксузира

Zaev-ministri

СДС со катастрофалната и расипничка политика во изминатиот период ја води државата кон економски крах и банкрот, обвинуваат од ВМРО-ДПМНЕ.

– Неодговорната влада на СДС за само 100 дена ги задолжи граѓаните за 350 милиони денари. Економијата тргна во надолна линија, а владата на Заев не престана со луксузирање и расфрлање со парите на граѓаните кои треба да ги враќаат идните генерации. СДС и Заев удрија врз граѓаните, кратејќи огромни суми на пари од буџетот кои беа наменети за подобрување на животот на секој Македонец. Ги излажа младите и студентите дека веднаш по завршување на образованието ќе бидат вработени. Пензионерите ги понижија со укинување на планираното покачување на пензиите кое наместо над 7.000 денари сега ќе изнесува околу 2.000 денари на годишно ниво. Владата објави војна кон странските инвеститори, свесно сакајќи да ги отргнат од инвестирање во Република Македонија. Капиталот кој планирале да го вложат во Македонија, сега ќе го преселат во Србија или некоја друга земја од соседството, велат од партијата.

Од ВМРО-ДПМНЕ потенцираат дека новата влада со сегашната економска политика ја носи Македонија во банкрот.

– Граѓаните видоа 100 дена лаги, неспособност, хаос и понижувања. Граѓаните на 15-ти октомври ќе ги казнат погубните и расипнички политики на СДС и Заев, пораќуваат од ВМРО-ДПМНЕ.

ВЛАДАТА СТАНА БИЗНИС КАРТЕЛ: Заев со поддршка за Анѓушев да го зголеми капиталот од 23 на 30 милиони евра

Zaev-Angushev

Премиерот Зоран Заев му дава поддршка на вицепремиерот за економски прашања Кочо Анѓушев, капиталот на својата компанија „Фероинвест“ да го зголеми од 23 на 30 милиони евра.

-Не можеме да очекуваме дека деловните луѓе предложени од Коморите, како што е господинот Анѓушев, дека ќе ги пушти да пропаднат компаниите. Да, може тој е сопственик, но тоа е македонска компанија, која што дава плата овде и праќа даноци. Нивните амбиции колку што знам јас, како што ја видов таа компанија, од 23 милиони евра се во во наредниот период да стигнат до 30 милиони евра, изјави Заев.

Компанијата Фероинвест претходно доби тендер од ЕЛЕМ. Тендерот го добива само 10 дена по назначувањето на Драган Миновски за генерален директор на ЕЛЕМ. Вредноста на доделениот тендер изнесува 165 милиони денари со ДДВ или 2.6 милиони евра.

На 15 август 2017 година новоназначениот директор Миновски заедно со новиот комерцијален директор Марјанчо Николов, поранешен пратеник на СДСМ од Велес, донеле одлука по јавна набавка бр.01-125/2016 со предмет на набавка Транспортни ленти за ПЕ Рудник. Од вкупно предвидените 258.300.000 денари за оваа набавка повеќе од половината односно 140.086.090 денари без ДДВ му се доделени на конзорциумот составен од „Фероинвест“ од Македонија и Озербанд од Турција кои добиле 3 од 5-те предвидени лота за оваа набавка.

Инаку Анѓушев одби да одговори дали ќе се повлече од сопствеништвото на „Фероинвест“.

-Стојам тука исправен пред вас и јавноста да ги разјаснам политиките на Владата. Фирмите имаат управители и менаџери и јас искрено немам време да комуницирам со нив. Ви порачувам на вас да се обратите, одговори Анѓушев на новинарско прашање.

Од ВМРО-ДПМНЕ посочуваат дека Анѓушев ја искористи својата функција за да си додели тендер сам на себе.

-Анѓушев се откажа од својата плата во висина од околу 1.000 евра но очигледно е дека своето домашно салдо го надоградува со милионски тендери и тоа во висина од 2.6 милиони евра, истакна Славче Трпески, член на ИК на ВМРО-ДПМНЕ.

Трпески вели дека за да се оправда самиот себеси и криминалната врхушка се обидува да ја изманипулира македонската јавност со смешни образложенија дека тој не е управител на фирмата „Фероинвест“, туку дека управител е друго лице, а тој е само сопственик.

Zaev-Angjusev-pari

-Ова е скандал од огромни размери. Сите независни правни експерти го осудија вицепремиерот Анѓушев, кој додели тендер сам на себе во висина од 2.6 милиони евра. ВМРО-ДПМНЕ предупредуваше за вакви „бонбона бизнис” намери на оваа влада, дека нивната примарна цел е само личен интерес и личното богатење со парите на граѓаните, а тоа се потврди и во изминатите 100 дена. ВМРО-ДПМНЕ уште еднаш го повикува надлежното Јавно обвинителство да отпочне постапка за утврдување на кривична одговорност дали и под кои услови тендерот е доделен на фирмата „Фероинвест“ која е во сопственост на вицепремиерот Кочо Анѓушев, вели членот на ИК на ВМРО-ДПМНЕ.

Трпески посочува дека поради сето ова на 15-ти октомври граѓаните на Република Македонија ќе стават крај на ваквото криминално работење на владата на СДС.

Заев во една прилика при посета на затворот „Идризово“ изјави дека нема судир на интереси во тоа што фирмата Фероинвест, во која што вицепремиерот Кочо Анѓушев е еден од сопствениците, учествува на тендер на ЕЛЕМ вреден 2,6 милиони евра.

-Драго ми е што медиумите ја водат оваа постапка и јавноста треба да знае за тоа. Но, дали тоа значи дека семејството Заеви што произведува ајвар, од нив не треба да набавува ниту една државна институција која има исхрана во заеднички мензи!? Фирмите во Македонија мора да работат, но важно е да се разграничи и да нема влијание при одлучувањето или во управување со фирмата, истовремено истото лице кое е во Владата. Како ќе привлечеме квалитетни луѓе од бизнис заедницата да помогнат во работата, ако од нив бараме да ги затворат фирмите и да ги отпуштат вработените, изјави Заев.

Од „Фероинвест“ истакнуваат дека не само овој, туку се во план да добијат и други тендери. Велат дека и во иднина ќе учествуваат на сите јавни огласи каде има деловен интерес и каде може да понуди  свои производи.

Додека двајцата бизнисмени и политичари со неосновани оправдувања сакаат да ја замајуваат јавноста, законот за спречување на корупцијата е дециден.

ЗЛОУПОТРЕБА НА ВЛАСТА: Рашковски прави бизнис со адвокатската канцеларија на кумот, а бабата ја стави за претседател на владина комисија

Dragi-Raskovski-Vlada

Адвокатската канцеларија на Дејан Костиќ, близок на генералниот секретар Драги Рашковски очигледно е омилената канцеларија на владата на која и се исплаќаат дебели хонорари и кога треба и кога не треба. Оваа адвокатска канцеларија наплаќала услуги за кои нема никаква потреба да ги врши, односно да присуствува на управни одбори на државни институции, велат од ВМРО-ДПМНЕ.

Адвокатската канцеларија на Костиќ, според она што го објавија медиумите не само што наплатила  25 илјади денари за еден ден со фактурата со сериски број 053-11 од 2017 година за управен одбор на Јасен, туку наплатил и уште една фактура со државна институција овојпат во вкупен износ од 36 788 денари.

-Адвокатската канцеларија на Костиќ веројатно за само неколку часови ги заработиле овие пари, бидејќи за изготвување на пријава до централен регистар наплатил 7 080 денари, за административна такса наплатил 1 624 денари, за полномоштво 1 534 денари, за присуство на две седници на Управен одбор  21 240 денари и замислете за еден час давање напатствија 5 310 денари. Односно вкупно 36 788 денари народни пари залудно и сосема непотребно дадени на адвокатската канцеларија блиска до Рашковски. Вршењето и наплаќањето на вакви непотребни услуги, значи класично испумпување на средствата од буџетот. Ова веројатно се најбрзо и наслатко заработените над 500 евра на оваа адвокатска канцеларија, а прашање е уште колку пари на граѓаните завршиле во нивниот џеб, посочи Костовски.

Додаде дека ова сосема наликува на практиката на Зоран Заев од Струмица, каде што, како што рече, тендерите се користеа да се испумпуваат народни пари во џебовите на роднини, пријатели и бизнис партнери на кланот Заеви.

-Разликата е што сега ја применуваат истата на централно ниво. Уште колку вакви фактури со дебели хонорари и се доделени на омилената владина адвокатска канцеларија од државни институции, за услуги за кои немало никаква потреба? Зарем нема други адвокатски канцеларии во Македонија, па морало тоа да биде оваа и тоа за различни институции? Оваа е најдобриот показател на расипништвото на СДС. Тие за три месеци успеаа да потрошат 350 милиони евра а резултат од тоа за граѓаните нема. Гледаме дека резултатот од потрошените стотици милиони евра се набавките на луксузи, лешници, фстаци, морски плодови, но и исплатата на дебелите хонорари на лица како адвокатот Дејан Костиќ , човек од доверба на генералниот секретар Драги Рашковски, истакна Костовски.

Според него, многу скоро ќе дојде крајот на ова расипништво и недомаќинско работење, а со заминување на СДСМ од власт ќе се врати правната држава и секој индивидуално ќе одговара за незаконитостите што ги правел.

-Рашковски за директор на Бирото за јавни набавки, го назначи својот кумашин, Ѓорѓи Георгиевски, од Кочани, што покажува дека непотизмот во владата на СДС е начин на работа, а не исклучок. Јавно го повикуваме Драги Рашковски да им одговори на граѓаните, по кои услови е избран Ѓорги Георгиевски за директор на Бирото за јавни набавки? Дали тој бил најспособниот кадар? И кој го извршил неговиот избор? И дали негова единствена предност е тоа што е кумашин на Драги Рашковски? Граѓаните се во неверување од дрскиот непотизам манифестиран од страна на Рашковски. Ова е втор случај, како Рашковски си поставува свој близок, за раководител на државна институција. Рашковски пред само два дена за претседател на второ степената владина комисија за жалби ја назначи, Елена Начевска, мајка на неговата сопруга Вероника Начевска, истакна Костовски.

Тој потенцираше дека Драги Рашковски и СДС се однесуваат како државата да е нивна приватна сопственост, а институциите нивни приватни фирми.

-Ова е скандалозно однесување на Рашковски и владата на СДС, и за ваквиот однос на СДС кон државните институции ќе се сносат со политичка одговорност на претстојните локални избори. Лицемерието е главна одлика на СДС. СДС  во текот на изборниот период ветуваше отвореност на институциите за сите граѓани и професионализам во нивното водење, за сега да гледаме дека раководител во државна институции во владата на СДС се станува само доколку си близок роднина со некој од врхушката на власт. Граѓаните гледаат дека Рашковски и Заев под своја контрола ја ставаат целата држава. Граѓаните гледаат како Рашковски и Заев целосно ги уништуваат институциите, кои покажуваат дека немаат намера да работат за доброто на граѓаните, туку за својот личен комодитет и интересот на нивните фамилијарни-бизнис кланови, вели Костовски.

Тој рече дека граѓаните го гледаат овој бандитизам во управувањето со државата и ќе му стават крај на ваквиот бандитизам на СДС на 15-ти октомври, кога ќе кажат НЕ, за бандитизмот, непотизмот и неодговорноста.

Делев: Бркањето на странските инвеститори кои вработија 25.000 луѓе ќе им користи само на тајкуните на СДС и ќе ја намали просечната плата

Hristijan-Delev-pres

Пресот на владата за странски инвестиции беше уште еден класичен обид за манипулација на јавноста и нејзино дефокусирање од деструктивните економски политики на неспособната влада предводена од СДС, изјави на денешната прес-конференција Христијан Делев од ВМРО-ДПМНЕ.

-Новата влада во паника од економскиот колапс денес излезе со апсолутно неточни информации во делот на странските инвестиции. Веселата Математиката според Рашковски е применета при пресметките. СДС нема концепт за странски инвестиции и апсолутно никакво познавање на проблематиката ниту регулативата што се занимава со странски инвестиции. На денешниот прес СДС сами се демантираат! Вкупната помош на сите странски компании во Македонија изнесува 25 милиони евра за над 20 компании за 10 години во зоните и исто толку надвор од зоните. 25 Милиони Евра за креирање над 25 илјади работни места плус огромна бројка на индиректни вработувања. СДС и владата не се способни да пресметаат државна помош, па во веселата математика се ставени и платите на генералниот секретаријат, ставени се средствата за градба на индустриски зони, технолошки зони и да биде апсурдот поголем најголема ставка е ДДВ кој според закон е повратен, СДС пресметува ДДВ по формулата на Тевдовски. Ако пресметаме бенефитот според формулата на СДС тогаш само една компанија во Македонија лоцирана во ТИРЗ 1 ќе има 30% опфат од целокупната економијата, потенцираше Делев.

Тој вели дека бркањето на странските инвеститори само ќе им користи на тајкуните на СДС, Бркањето на Странските инвеститори ќе ја намали просечната плата. Оваа погубна политика на СДС мора за престане, доколку оваа лудило продолжи Македонија ја чека економски колапс полош и од криминалната транзиција.

-Сакам јавно да го прашам вицепремиерот за економски прашања колку средства добива на годишно ниво за производство на електрична енергија. Јавноста треба да знае колку средства добиваат компаниите на Кочо Анѓушев. Влада која за партиски вработувања за само 100 дена потроши 340 милиони евра без притоа да привлече ниту една странска инвестиција и ниту еден капитален проект нема право да говори за економските политики на претходната Влада на ВМРО-ДПМНЕ. На СДС му пречи фактот што владата предводена од Никола Груевски преку привлекување на странски инвестиции успеа да креира 20 илјади нови вработувања и во услови на криза македонската економија да има раст на БДП. На СДС му пречи фактот што тие ќе останат запаметени како гробари на македонската економија и партија која еднострано во парламент без опозиција го изгласа законот за приватизација. Партија која преку криминалната приватизација остави 200 илјади луѓе на улица и ја врати македонската економија 50 години назад, истакна Делев.

Тој потенцираше дека нивното расипништво уште еднаш се покажа на дело преку нивната неспособност на веќе започнати или завршени преговори со преку шеесетина странски компании да успеат да ги убедат да инвестираат во Македонија. Ова Македонија ја чинеше загуба на преку 25 илјади работни места, преку 25 илјади млади луѓе кои би добиле свое работно место и би успеале да се осамосталат.

-Тие преку лоши кадровски политики, креирање негативна кампања насочена кон странските инвестиции, повлекување на економските промотори и одлуката да се објават договорите за субвенции со компаниите во слободните трговски зони успеа да ги истераат потенцијалните инвеститори од Македонија. Нивното најголемо пред изборно ветување беше токму просечната плата од петстотини евра. За само три месеци тие успееја со своите лоши економски политики да ја намалат просечната плата за 0.7 проценти. Единствен начин за просечната плата реално да се зголемува како што се зголеми во времето на ВМРО-ДПМНЕ од 12 илјади денари во 2006 на 22 илјади во 2016 година е преку нови вработувања. Како што се намалуваше невработеноста од катастрофалните 37 проценти во 2005 во времето на СДС на 22 проценти до крајот на последниот мандат на ВМРО-ДПМНЕ пропорционално растеше и просечната плата, рече Делев.

Тој вели и дека тоа е основен економски принцип, како што се намалува понудата на некое средство како што е во овој случај работната сила така расте цената која купувачот односно работодавачот треба да ја плати. Оваа влада нема познавање на основните економски принципи и забрзано ја движи македонската економија кон рецесија и еден огромен амбис. Граѓаните секојдневно гледаат како СДС со катастрофалните економски политики ја уништува македонската економија и токму поради ова на 15 октомври ќе ја казнат оваа неспособна влада.