Средба Груевски-Мета: Притворот за Едмонд Темелко е доказ за политички притисок и нечовечки третман

Претседателот на ВМРО-ДПМНЕ Никола Груевски денес заедно со генералниот секретар на ВМРО-ДПМНЕ Христијан Мицкоски и членот на извршниот комитет на ВМРО-ДПМНЕ Александар Николоски оствари средба со претседателот на Република Албанија Илир Мета.

На средбата се разговараше за македонско албанските односи, за актуелната политичка состојба и за стратешките приоритети на Република Македонија.

Соговорниците ги реафирмираа заложбите за отворена економска и политичка соработка меѓу двете држави базирана на принципиелна основа.

Груевски посочи дека во поглед на остварувањето на приоритетот за влез во НАТО значајна е поддршката на сите земји членки на алијансата вклучително и поддршката на Република Албанија, а воедно тој посочи постојат заеднички предизвици за напредок на патот кон Европската Унија, во чие надополнување соработката е добредојдена.

Воедно Груевски запознавајќи го својот соговорник за актуелните случувања во државата го отвори и случајот со притворот на Едмонд Темелко кој е единствениот Македонец по потекло градоначалник во Република Албанија. Тој истакна дека одлуката за притвор е резултат на политички притисок и не е заснована на правни принципи. Воедно Груевски изрази загриженост за неговата здравствена состојба која е влошена, и која е доказ за нечовечко однесување и постапување спрема човекот кој е борец за човекови права и градоначалник во општина во Албанија.

Груевски посочи дека од соседните држави треба да се очекува политика на заемно почитување и придонес за зајакнување и исполнување на приоритетите. Таквата политика ќе доведе до релаксирање на атмосферата и градење на доверба која е потребна за економски и политички напредок на регионот. Занимавањето и потенцирањето на етноцентристички теми и идеи не придонесуваат за развој на добра атмосфера и меѓусебна доверба.

Јанчев: Ја водев најтешката битка во животот – Кавадарци ќе стане убаво место за живеење

Кандидатот на ВМРО-ДПМНЕ за градоначалник на Кавадарци, Митко Јанчев, ги освои изборите со 1642 гласови пресност пред противкандидатот Бетиани Китев од СДСМ, кој вторпат губи на локални избори во Кавадарци.

Победата на Јанчев е недвосмислена. Тој им благодари на сограѓаните и поддржувачите и им вети дека Кавадарци ќе стане убаво место за живеење.

Ѓорчев: Вчера се случија нерегуларни и насилнички избори, доставивме видео и фото материјали од нерегуларностите

Република Македонија во текот на вчерашниот ден ги имаше најнерегуларните и нај недемократските избори во историјата на независна Македонија и никогаш во последниве 27 години немало понасилни избори и немало избори со поткуп и насилство, вели на денешната прес-конференција Влатко Ѓорчев од ВМРО-ДПМНЕ.

-Забележани и документирани се огромен број на нерегуларности како и индиции за поткуп, закани и уцени вклучувајќи и од полициски службеници. Уште од рано изутрина беше прекршен изборниот молк, а постојат и сериозни докази дека биле полнети изборните кутии со така наречениот бугарски воз во повеќе општини во државата. ВМРО-ДПМНЕ до меѓународните претставници до ОБСЕ и ОДИХР достави видео и фото материјали за голем број од забележаните нерегуларности, потенцира Ѓорчев.

Тој додава и дека медиумите вчера објавиле снимка од која се гледа како активист од СДСМ во Штип дава поткуп на граѓанин.

-МВР и државните институции на СДСМ не реагираа и го премолчеа овој поткуп, а целата полиција беше на располагање на СДСМ и полициски припадници физички им се закануваа на гласачите кои не се од СДСМ да излегуваат од својот дом, рече Ѓорчев.

Ѓорчев на пресот го објави видеото каде припадник на МВР се заканува на гласач во Бутел да не излегува на гласање и кажа дека луѓето сакаат дома да ги тепаат, во куќен двор.

-Припадник на МВР се заканува на човек што има 60-65-70 години и му вика не искачај од дома. Што му фали на припадникот на МВР? Ништо! Кога тој се однесува вака, во сред Скоје, пред камера, можете да замислите што се случува по помалите градови, што се случува по помалите улици што се случува по селата и по населбите, каде што нема камери. Дома им се закануваат на луѓето дека ќе ги тепаат. Здрав, прав човек од 35-40 години се заканува на човек што има 60-65-70 години, дека дома ќе го тепа и него и син му, изјави Ѓорчев.

Ѓорчев напомена дека вака фунционирало МВР насекаде низ државата, дека вака полициски службеници им се заканувале на граѓаните да не излегуваат на гласање и дека оваа појава била масовна низ цела Македонија.

-Во Визбегово, во истата општина Бутел, со фотографија е документирано делење шеќер, зејтин и други материјали до граѓаните, од страна на локален лидер за време на изборниот молк и изборниот ден. Значи, зборуваме за носење на товари материјали, шеќер, зејтин, брашно и други материјали од страна на локален лидер на СДСМ документирано со фотографија и никому ништо. Пријавено реакција никаква, изјави Ѓорчев.

Ѓорчев напомена дека на вчерашниот изборен ден исто така граѓаните виделе и што значи за вработените во државната и јавна администрација кога СДСМ е на власт.

-Во аудио снимка објавена во медиумите слушнавме како таткото на кандидатот за градоначалник од СДСМ се заканува дека во еден ден може да бидат отпуштени над 1.100 луѓе во Драчево од работа, само ако не гласаат за СДСМ, изјави Ѓорчев.

Ѓорчев кажа дека оваа снимка е доказ каков притисок бил вршен врз граѓаните за да гласаат за СДСМ.

-Знаете за што зборуваме тука? Зборуваме за отпуштање на 1.100 луѓе од Драчево, за 1.100 луѓе од Драчево нивно отпуштање, како во транзицијата, изјави Ѓорчев.

Ѓорчев напомена дека во текот на вчерашниот ден врз граѓаните бил правен системски и психолошки притисок со цел втерување на страв за да не излезат на гласање.

-На само три часа пред затварањето на избирачките места беа искршени преку 40 надгробни плочи на православните гробишта во село Брњарци, Општина Гази Баба. Сликите се загрижувачки и многу зборуваат за оваа власт, изјави Ѓорчев.

Ѓорчев кажа дека забележан е и спречен обид за „бугарски воз“ во Општина Чаир, а дека информации а извршен „бугарски воз“ имаат од повеќе места.

-Полициските припадници рамо до рамо со партиските активисти на СДСМ вршеа притисок и во Македонска Каменица, Новаци, Могила, Кавадарци, Штип и во сите општини каде што имаше втор круг. Во Могила и Новаци им беше кажувано на луѓе за кои што се мислеше дека нема да гласаат за СДСМ: „Не излегувајте на гласање, од понеделник не доаѓајте на работа. Ако било кој од вашето семејство излезе, во понеделник не доаѓајте на работа“. Тоа им беше кажувано на луѓе вработени во РЕК. Могила и Новаци, општини во кои секогаш победувал ВМРО-ДПМНЕ, општини во кои што водеше ВМРО-ДПМНЕ, изјави Ѓорчев.

Тој напомена дека ова се само мал дел од нерегуларностите кои биле направени во текот на вчерашниот ден, напомена и дека сите овие информации биле и се проследени до меѓународните набљудувачи, ОБСЕ и ОДИХР.

-За сите овие нерегуларности, МВР и државните институции молчат и не реагираат, затоа што се под целосна контрола на СДСМ и се извршители на изборниот криминал. Демократијата и правната држава вчера беа погребани во Република Македонија. СДСМ покажа дека нема намера да спроведува фер и демократски избори и дека сака да спроведува целосна контрола врз институциите, за целосен и тотален притисок врз граѓаните, изјави Ѓорчев.

Ѓорчев кажа дека токму затоа ВМРО-ДПМНЕ излегува со седумте барања кои сметаат дека се основен предуслов за враќање на демократијата и владеењето на правото во државата.

1.Организирање на предвремени парламентрани избори согласно Пржинскиот модел кои ќе бидат спроведени од техничка Влада, на исти начин како што беа организирани парламентарните избори на 11 декември 2016 година.

2.Итна смена на директорот на Агенцијата за аудиовизулени и медиумски услуги, и избор на директор на оваа значајна институција по предлог на опозицијата.

3.Оставка и разрешување на претседателот на ДИК, Александар Чичаковски. Враќање на старото законско решение, во време на Влада на ВМРО-ДПМНЕ, кога претседателот на ДИК беше од редовите на СДСМ, од редовите на опозицијата. Сега истото решение за кое ВМРО-ДПМНЕ имаше демократски капацитет, нека го спроведе и оваа влада што носи под наводници демократија, живот и слобода. Нека го дадат истото она што беше пред пет години.

4.Итна истрага и вештачење со наше учество на уредите за прислушкување на УБК, заради основано сомнение дека полицијата врши прислушкување на најмалку 100 лица од редовите на ВМРО-ДПМНЕ.

5.Итно и без пролонгирање завршување на судењето за случајот Поткуп, во кој Заев на очиглед на целата јавност бара мито во висина од 200 илјади вера..

6.Основање на специјално јавно обвинителство кое ќе има ингеренции за расчистување на изборните нерегуларности од изборите во 2016 и изборите во 2017 година, како и на злоупотребата на целокупниот државен апарат во изборни цели за изборите во 2017 година.

7.Ослободување на лицата кои што се во притвор и прекинување на процесите против граѓаните, за случувањата на 27 април 2017 година.

-Демократијата ќе се врати, ВМРО-ДПМНЕ ќе победи, ВМРО е константа која што трае 124 години и во добро и во лошо. Ќе победи Република Македонија. Тогаш овие прекршители на законите, сите оние кои што им се закануваа и ги заплашуваа граѓаните дека ќе ги тепаат во нивните дворови и во нивните домови ќе одговараат согласно законите, изјави Ѓорчев.

ВМРО-ДПМНЕ излезе со 7 барања: Нови предвремени парламентарни избори кои ќе бидат спроведени од техничка Влада

Покрај тоа што не ги признаваме овие избори за фер и демократски, ВМРО-ДПМНЕ бара итно враќање на демократијата и достоинството во земјата, истакна лидерот на ВМРО-ДПМНЕ Никола Груевски и посочи 7 барања.

Бараме:

1.Организирање на предвремени парламентрани избори согласно Пржинскиот модел кои ќе бидат спроведени од техничка Влада, на исти начин како што беа организирани парламентарните избори на 11 декември 2016 година. Ајде Заев ако си толку силен и јак, да одиме на избори. Ако ние можевме да спроведеме избори по овој модел, најмалку што можеш е и ти да се согласиш да одиме на избори по истиот тој модел.

2.Итна смена на директорот на Агенцијата за аудиовизулени и медиумски услуги, и избор на директор на оваа значајна институција по предлог на опозицијата.

3.Оставка од претседателот на ДИК, Александар Чичаковски, враќање на старото законско решение и избор на претседател на ДИК од редовите на опозицијата, бидејки под плаштот на независен експерт, всушност се инсталираше личност која не работеше правично и чесно, туку по инструкции на друг.

4.Итна истрага и вештачење со наше учество на уредите за прислушкување на УБК, заради основано сомнение дека полицијата врши прислушкување на најмалку 100 лица од редовите на ВМРО-ДПМНЕ

5.Итно и без пролонгирање завршување на судењето за случајот Поткуп, во кој Заев на очиглед на целата јавност бара мито во висина од 200 илјади вера.

6.Основање на специјално јавно обвинителство кое ќе има ингеренции за расчистување на изборните нерегуларности од изборите во 2016 и изборите во 2017 година, како и на злоупотребата на целокупниот државен апарат во изборни цели за изборите во 2017 година.

7.Откако се виде дека масовно се ослободуваат сторители на тешки кривични дела, бараме итно ослободување на лицата кои се во притвор и прекинување на процесите против сите граѓани за случувањата на 27 април 2017 година, рече Груевски и додаде:

„Ајде да видиме кој е за демократија, правда и слобода а кој не е. Кој е силен, а кој не е силен. Кој е во право а кој не е во право. Ако Заев има барем минимум доблест и човечко достоинство треба веднаш и без одлагање да ги прифати сите овие 7 точки. Подаваме рака пред да е предоцна. Македонија оди во лош правец, а хунтата на Заев ја турка во опасно сценарио, сериозни ризици и големи опасности“.

Ова не е новина, додаде Груевски, нам, на ВМРО-ДПМНЕ ваков изборен грабеж и вакви изборни нерегуларности, ваков терор ни се случи и на изборите во 2004 година, кога беше украдена демократијата а изборите беа фалсификувани. „После тој изборено насилство во 2004 година, ВМРО-ДПМНЕ ја освои огромната доверба на народот и во 2006 година победи на парламентарните избори! Оваа денешна битка, битка за Македонија, тукушто почна. Времињата ќе се променат, Македонија мора да победи“.

Груевски: ВМРО-ДПМНЕ ги намали даноците на најниско ниво во светот, додека СДСМ ветува ново зголемување на истите

Живееме во едно време кога СДСМ не можејќи да го победи ВМРО-ДПМНЕ примени темни и мрачни методи, примени заплашувања, притисоци, уцени и многу поткуп кој беше карактеристика во првиот круг од локалните избори, а на тој начин сакаа да речат дека народот ги поддржува и дека имаат други планови со Македонија и потребно им е на нив и на нивните спонзори да изгледаат како спонзори, вели претседателот на ВМРО-ДПМНЕ Никола Груевски на вечерашниот митинг во Чешиново Облешево.

Тие велат дека ќе ја ре- дефинираат Македонија и тоа веќе го започнаа, а јас ќе ви кажам шест точки со кои што тие сакаат да ја редефинираат Македонија: Првата за која објавија дека веќе започнува после изборите е промена на уставното име и идентитетот на Македонците, втората е Договорот со Бугарија, третото е Законот за двојазичноста, потоа доселување на мигрантите, петтото е зголемување на даноците, како и легализација на хомосексуалните бракови и тие да можат да посвојуваат деца. Тие вршат и поткуп во секоја куќа и населено место, информациите велат дека тие потрошиле 20 милиони евра во поткуп на македонските гласачи, но јас ќе им порачам дека нема да не скршат, рече Груевски.

Тој додава и дека зголемувањето на даноците не го кријат туку се фалат дека ќе ги зголемат даноците.

-ВМРО-ДПМНЕ ги намали до тој степен даноците што имаме најниски даноци во светот и тоа е добро за секој човек бидејќи повеќе пари остануваат во неговиот џеб или на контото на неговата фирма, а сега новата влада се фали дека ќе го зголеми персоналниот, данокот на добивка како и ДДВ. Денес слушнав изјава на потпретседателот на Владата, Анѓушев, вели дека „зголемувањето на даноците нема да биде на штета ниту на граѓаните ниту на компаниите, дури и од корист ќе им било“, потенцира Груевски.

Тој додава дека видовме како СДСМ спроведуваат избори и им порача дека нема да ги скршат и дека секој оној кој тргнал против својот народ лошо завршил.

-Ние ВМРО секогаш остануваме со вас, рамо до рамо да ги победиме и да ги поразиме, ВМРО од секогаш била со народот и во добро и во лошо, сега се тешки времиња, но ќе дојдат нови. Красниќи на слободна, а Едмонд Темелко, човек кој што е борец за човекови права на Македонците во Албанија, единствен градоначалник надвор од границите на Македонија, тој во затвор. Убијците на децата во Смилковското езеро ќе ги пуштаат на слобода, а дедото за кубење коса, четири години затвор, изјави Груевски.

Тој кажа дека немилите настани кои се случени на 27 април биле немили сцени кои не требало да ги има, но дека биле намерно испровоцирани. Тој кажа и дека кога гледаат колку криминалци се ослободуваат од затвор и гледаме како се апсат овие луѓе тоа е неправда и најави дека целосно ќе се застане зад нив.

-Во оваа општина во 2006 кога дојдовме на власт имаше 560 вработени, а на крајот на 2016 беа регистрирани 1570 вработени и тоа е скоро три пати повеќе вработени лица во Чешиново Облешево. Во иднина ќе обезбедиме и бесплатен здрав оброк за секое дете од прво до петто одделение во училиштата, а со тоа и родителите ќе заштедат повеќе пари. Општината ќе овозможи и стекнување на сопствен дом на сите граѓани за само по едно евро за квадрат како почетна цена, а освен тоа и укинување на комуналиите за градење на куќа.  Нудиме концепт во кој ќе нема неасфалтирана улица и ќе има парк во секое маало, изјави Груевски.

Митевски: Целосно ја променивме сликата за нашата општина – победа на 29 октомври за да ја продолжиме успешната приказна

Кандидатот за градоначалник на општина Македонска Каменица од ВМРО-ДПМНЕ, Дарко Митевски порача дека таа партија мора да победи на 29 октомври на локалните избори, за да се продолжи успешната приказна за Македонска Каменица.

Митевски им се заблагодари на сите оние кои гласаа за него и советничката листа на ВМРО-ДПМНЕ.

-Ние како сериозна локална самоуправа изминатиот период работевме за сите граѓаните. Партиската припадност не беше на прво место. Денес многумина сограѓани од Македонска Каменица велат дека тоа било грешка, ама ние имавме повисоки цели, Каменица да биде општина на сите граѓани, успешна и просперитетна. Ние целосно ја променивме сликата за нашата општина, истакна Митевски.

Потенцира дека сите граѓани на општината се сведоци на уредениот градски плоштад и современиот градски пазар.

-Сите сме сведоци на асфалтирани улици во централните средини, сите сме сведоци на километрите локални патишта кои ги изградивме во секоја една селска средина. Сме сведоци на новата водоводна мрежа која што ја имаме. Исто така, сме сведоци на новите тротоари, новото осветлување, новите улици. Исто така, ние во Македонска Каменица сме сведоци на новата куќа на спортот, на новиот дневен центар за децата со посебни потреби и на овој прекрасен културен дом кој го изградивме заедно со поддршка од Владата на Република Македонија, посочи Митевски.

Нагласи дека во изминатиот период локалната самоуправа работела и на многу проекти во руралните средини во Македонска Каменица.

Митевски потенцира дека општината од 2009 година навака вложувала во спортот и оти тоа донело резултати.

-Сите треба да се запрашуваме, што добивме откако СДС дојде на централната власт? Да пренесеме на каменичани: Каде е стариот закон на рударите што го ветуваа? Се уште добиваме сметки за радиодифузна такса иако кажуваат дека ќе ги укинале. Десет пати беа да се сликаат на одронот на магистралниот пат Каменица – Кочани, и после шест месеци истиот проблем сто и еден камен немаат поместено. Го стопираат проектот за пат Македонска Каменица – Паланка за кој што Владата на ВМРО-ДПМНЕ имаше обезбедено финансиски средства од Светска банка, истакна Митевски додавајќи дека резултатот од работата на СДСМ е празни ветувања и штетни договори за македонскиот национален идентитет.

Вели дека за време на изборната кампања во Македонска Каменица секојдневно имало инспекции и полиција. Потсети дека скршен бил и месен штаб во местото Тодоровци. Според него, имало и преместување на работници, па некои од нив наместо во Македонска Каменица, работеле во Берово.

-Се оди до степен, кандидатот за градоначалник од СДС и се јавил на самохрана мајка во јавната администрација и ја прашал „Дали мисли од понеделник да оди на работа?“. Е овде се поминати сите човечки градиници. Ќе поминат и избори ама лошите постапки и зборови не поминуваат, посочи Митевски.

Костовски до Смилевски: На кој начин ќе ги доделувате плацевите кои ги ветувате за гласови на криминални структури?

За разлика од вас кој за гласови ветувате парцели на територија на Бутел, имате ветено над 1.000 парцели а според моите информции на повеќе лица една парцела, тука се ќе оди според законот  и врз основа на лицитација, одговара Дарко Костовски од ВМРО-ДПМНЕ на репликата на Велимир Смилевски од СДСМ во рамки на тв дебатата на МРТ на кандидатите за градоначалник на Општина Бутел.

-Може да се привлечат да лицитираат сите инвеститори. Вие се фативте само за еден дел, на кој начин ќе се доделуваат плацовите на компаниите. Повторно јас ќе ве прашам, на кој начин ќе ги доделувате плацовите кои ги ветувате за гласови и тоа не на луѓе од Бутел, туку од Чаир, Сарај, дури и на луѓе надвор од нашите граници. На кој начин ќе ги дадете плацовите кои ги ветувате на некои криминални структури кои надвор од нашата држава дојдоа специјално за овие избори да работат за вас со автомобили од 150.000 евра, го праша Костовски својот противкандидат.

Милошоски: ВМРО-ДПМНЕ секогаш ќе се залага за да ги застапува македонските национални и државни интереси

Човек не мора да е премногу политички искусен за да му е јасно дека господинот Заев не е поставен за премиер за да ја подобри економијата или да ги зголеми платите во здравството или да даде 10 илјади младинска гаранција на студентите. Тој е поставен затоа што е уценет и преку таа уцена со неговите зборови треба да ја свитка кичмата во однос по некои национални прашања за кои што ВМРО-ДПМНЕ држеше достоинствен став, потенцира Антонио Милошоски од ВМРО-ДПМНЕ.

-Немаме ништо против компромиси со соседите, но да не бидат само на наша штета. Затоа и за договорот со Бугарија ние и честитаме на владата во Софија како ги настапувала своите интереси, но не можеме да го кажеме тоа за владата во Република Македонија. Гледаме дека во соседна Грција главната анализа на договорот со Грција е начинот на кој што тој е склучен, без референдум во краток временски период со отстапки само од македонска страна и верификација од нашата влада. Сметаме дека ако кон еден сосед покажете таква попустливост затоа што сте уценет и ставен на премиерското место само за редефинирање на државата, тогаш логично е и другиот сосед и Албанија и Косово да го побараат истото од вас. И сега ние очекуваме Грција да притиска и да бара Македонија да биде страната која што ќе ги направи сите отстапки на своја штета, а еднаш се склучува договор и потоа истиот да трае следните 50 или 100 години, истакна Милошоски.

Тој додава и дека ВМРО-ДПМНЕ ќе се залага за застапување на македонските национални и државни интереси.

-Во однос на овие прашања треба да имаме една црвена линија преку која што без разлика на политичката припадност не треба да поминеме бидејќи решаваме прашања кои што влијаат и на државата и на сегашните и идните генерации. Треба да бидеме достоинствени како народ да се почитуваме и да имаме едно заедништво во националните интереси и така ќе не почитуваат повеќе и соседите. Ако девизата е да се свитка кичмата за да не сака соседот, тогаш Македонија ќе биде страната која секогаш ќе ја витка кичмата и нема да има никаков почит од соседите кои што си имаат свои интереси спроти нашата држава, вели Милошоски.

ВИДЕО: Ова не е битка за власт, ова не е битка за Никола Груевски, ова е битка за ВМРО, битка за Македонија

Ако мислеа дека со фабрикувани избори и организиран изборен инжињеринг ќе не поразат, ќе не срозат, и ќе го поразат духот на Македонците, им порачувам дека притаснале на копче кое само не активира да нашиот организам почне да работи со 120 осто капацитет, изјави лидерот на ВМРО-ДПМНЕ на денешната Свечена академија по повод Денот на македонската револуционерна борба.

  – Сите можеби некогаш и оправдано скептици, како и сите оние кои подлегнале на пропагандата ги повикувам да ја видат суштината и големата слика, и да се приклучат на ВМРО во оваа тешка битка. Битка која само заедно и обединети можеме да ја победиме. Ова не е битка на индивидуалци, или лидери. Тоа е минлива категорија, ова е битка на еден народ за опстанок, за идентитетски и економски опстанок. Храброста, патриотизмот, љубовта, самопрегорот ги добиваш од раѓањето па се до формирањето на личноста и карактерот и на нив не влијаат никакви притисоци. Ние со нашиот карактер и нашиот слободарски дух сме се родиле и не ги менуваме по ни една цена, рече Груевски.

Нивната порив и ниска страст ќе помине, додаде Груевски и нагласи дека ова што денес го прават нема да се заборави.

– Солзите на детето и жената кои го гледаат таткото и мажот како е тепан од разулавена толпа на глутница квазијунаци не ви ги забораваме. Скршените черепи ќе заздрават, ама нема да се заборават. Запалените возила и запалените куќи нема да ги избиршат нашите спомени и нашиот непокор. Одземените покачувања на пензиите ќе ви се паметат. Заканата за укинивање на субвенциите за земјоделецот кој нема да има повисок принос од претходната година, се ваш пораз. Намалената просечна плата, намалениот извоз, индустриско произвоство, девизни резерви, и севкупно економија, денес го загрижуваат и притискаат народот, но за некое време ќе нагазат на вашите плеќи, нема да се заборави. Лагите кои им ги пласиравте на младите ќе ви се вратат како бумеранг. Сликата како го спуштате македонското знаме, го кинете и поганите вечно ќе е во нашите глави. Вашите пораки за Куманово да се деси сладострастието во кое уживавте додека херои се збогуваа со најголемиот дар од Бога – животот, вечно ќе звонат во нашите уши. Нема да ви заборавиме што Делчев и Даме, Карев и Алексанров и Ченто и Кузман, ги правите дека не се бореле за Македонија. Тивкиот плач на таткото кој е скршен затоа што ослободувате убијци на деца ќе пишти во нашата душа!, рече Груевски.

Тие пискотници, крикови, мрачни слики, ќе сведочат за едно мракобесие, и ќе бидат најдобар медиум кој ќе придонесе ова што го прават да не се заборави, и за некое време да се исправи неправдата! Кога неправдата е на сила, единствен одговор е непокорот. И стремежот правдата да се врати! И правдата ќе се врати.

– Колку и да погрешија, очигледно намерно испровоцирани од кршењето на уставот и законите, одкога се виде дека оваа власт спроведува селективна правда, и ослободува најтешки криминалци и убијци, стана јасно дека веќе е бесмислено да се бара одговорност од луѓето кои борејки се за својата земја, поведени од емоциите направија погрешен чекор на 27-ми април. Тие немаат толку мастило за родољубивиот народ од 27 април да го запишат на темните страни на историјата. Не! Тој сентимент, таа емоција, таа на срамен начин испровоцирана реакција која за жал доведе и до неоправдливо насилство во еден дел, но во основа беше длабоко патриотска – не може да ја сквернавите. Македонскиот граѓанин кој чекореше по македонските улици 80 дена со патриотизам, со крената глава и исправена кичма, секогаш ќе биде на СВЕТЛИТЕ СТРАНИЦИ НА МАКЕДОНСКАТА ИСТОРИЈА, и ќе сведочи за едно време во кое една генерација рекла НЕ, а тоа е траг кој не се брише! А оние луѓе кои ги малтретирате по притвори и затвори, ќе ја имаат нашата помош и подршка, и ќе дојде време кога ќе се осветли и тој дел! После секој Илинден, доаѓа нов Илинден! А вие сите ваши криминалци, убијци, дилери на дрога, силувачи, лопови, разбојници да ги ослободите – нема да го скршите нашиот дух. Духот на Македонецот е нескршлив. Нескршлив! Тој само може да се зацрвстува. А Македонецот може да станува само посилен! Ова не е битка за власт, ова не е битка на Никола Груевски, јас сум небитен, ова е битка на ВМРО, битка за Македонија!, рече Груевски.

Андонов: МВР призна дека го прислушкува целиот врв на ВМРО-ДПМНЕ

МВР призна дека го прислушкува целиот врв на ВМРО-ДПМНЕ. МВР ги потврди наводите на претседателот на ВМРО-ДПМНЕ, господинот Никола Груевски, дека МВР прислушкува над 100 луѓе од врвот на партијата, истакна Оливер Андонов на денешната прес-конференција.

„Тоа што го прави МВР е легално и со наредба од судот преку Јавното обвинителство, а токму обвинителството е тоа што ги води истрагите.” – Пишува МВР во одговор на прашањето : Дали ги следи комуникациите на врвот на ВМРО-ДПМНЕ? Ова е скандал и атак врз демократијата, плурализмот и слободната мисла. Ова е огромен скандал. Нема друга опозиција во светот чие раководство се прислушкува, а МВР тоа јавно го признава. Во исто време МВР се самодемантира, бидејќи пред само еден месец директорот на УБК во интервју за ТВ Телма кажа дека МВР повеќе не врши прислушување на комуникациите. Очигледно е дека МВР под раководство на СДС манипулира и со законските процедури и со граѓаните покрај другото и во врска со следењето на комуникациите како дел од посебните истражни мерки.

Полицијата, додаде Андонов, под контрола на СДС призна дека врши систематско следење на комуникациите на политичарите од ВМРО-ДПМНЕ.

-СДС врши политички прогон на сите неистомисленици и политички противници. СДС ја претвори МВР во алатка за пресметка со демократските сили во државата. СДС ја претвори МВР во партиска полиција, која наместо да работи за интересите на граѓаните, работи во интерес на СДС. СДС целосно ги има окупирано истражните органи, како што се Јавното обвинителство, МВР и финансиски истражните служби, како и судството и секако СЈО и ги употребува како алатки за преку нив да поткренува нарачани истраги и обвиненија за пресметка со политичките неистомисленици. СДС ја врати Република Македонија во 1949-та година, кога граѓаните за различен став од тој на комунистичката партија на власт беа казнувани со затвор, беа малтретирани и врз нивните семејства беше вршен прогон. СДС владее со истите недемократски методи, со уцени и закани, со помош на полицијата која е ставена во исклучива корист на партискиот врв, вели Андонов и додава:

„Бараме веднаш да се направи стручна експертиза, во која ќе бидат вклучени домашни и меѓународни експерти и кои ќе ја утврдат состојбата со следењето на комуникациите од страна на МВР. Кога СДС се дрзнува да го прислушкува раководството на ВМРО-ДПМНЕ, сигурни сме дека секојдневно се прават злоупотреби од секаков вид. Помина времето кога граѓаните подлегнуваа на притисоци. Граѓаните се охрабрени и достоинствено ќе си го заштитат своето право на глас, мисла и ќе застанат на страната на демократијата. Очигледно е дека борбата за македонската државност продолжува во континуитет и во современи услови“.