Груевски: Граѓаните да се потсетат какви и кои реформи биле направени кога владеел СДСМ

Gruevski-pred-Vlada

На конгресот на СДСМ гледам стари лица што ги изгубија изборите во 2014 и 2016 година и на некој начин успеја да дојдат на власт, дадоа сериозни и крупни ветувања поради што луѓето со право имаат очекувања, оцени денеска лидерот на ВМРО-ДПМНЕ, Никола Груевски.

– Ги гледам горе доле истите луѓе коишто ги препознаваме од нивното владеење по корупција, криминал, неработење, лажни ветувања, манипулации, лажни информации, обвинувања на противникот наместо фокус и концентрација на нови проекти и на нешто што ќе го подобри животот на народот. Се фокусираат на опонентите за да ги оцрнат и да фрлат лаги и невистини врз нив, рече Груевски, одговарајќи на новинарско прашање по официјалното пуштање на германската инвестиција за производство на индустриски и технички текстил – Лутекс во погоните на „Нонча Камишева“ во Велес.

Тој посочи дека СДСМ секогаш кога доаѓа на власт ветува реформи и сами се нарекуваат реформска влада. Но, нагласи, ние не се сеќаваме на ниту една реформа од СДСМ.

– Секогаш со фамфари доаѓаат во владата и кажуваат какви се не реформи ќе направат, каков живот ќе донесат, како ќе биде подобро, рече Груевски и побара од граѓаните да се потсетат какви и кои реформи биле направени кога владеел СДСМ.

Груевски: Почнува со работа ПЕТ центарот во Скопје, капитален проект во македонското здравство

Gruevski-cestitka

Претседателот на ВМРО-ДПМНЕ Никола Груевски на социјалната мрежа Фејсбук објави дека денес почнува со работа со пациенти уште еден објект од огромно значење за македонското здравство. Се заокружува ПЕТ Центарот во Скопје кој што преставува капитален проект во македонското здравство, пишува Груевски.

-Пред само една недела се потпиша договор за градба на нов клинички центар во Скопје која ќе следи и за која се обезбедени средства, а денес имаме завршен проект, односно почнува со работа со пациенти, се заокружува ПЕТ Центарот во Скопје кој што преставува капитален проект во македонското здравство.

Станува збор за најсовремен, најсложен и единствен објект од ваков тип не само во Македонија туку и во поширокиот регион.

Секоја фаза од развивање на ПЕТ Центарот беше одобрена и сертифицирана од Меѓународната агенција за атомска енергија. Најсовремената дијагностика во ПЕТ Центарот ќе овозможи прецизна дијагноза, како и прецизно следење дали е ефикасна терапијата кај пациентите со малигни заболувања. Ваквата инвестиција ќе спаси многу човечки животи.

Објектот каде се простира Центарот опфаќа вкупна површина од 2500 м2. Вкупната инвестиција е околу 16 милиони евра.

Се располага со опрема за производството на радио фармацефтици и посебен дел со циклотрон во кои за прв пат во Македонија ќе се произведуваат радио изотопи. Се располага и со оддел за дијагностика во кој е предвидено приемното одделение за пациенти, приемна амбуланта, простор за апликација на радио фармацефтикот, кој е со специфична форма и има строго дефинирана заштита.

Стручниот кадар кој е ангажиран во установата има завршено обука во Универзитетската клиника Св. Орсола при Универзитетот во Болоња. Со изградбата на овој напреден ПЕТ Центар Македонија влегува во нова, понапредна фаза, во медицината. Ова е проект кој беше предвиден во нашата програма и претставува уште едно реализирано ветување. Овој центар останува на Република Македонија и ќе значи ниво погоре во медицинската заштита за пациентите. Центарот ја става земјава на повисоко ниво на светската здравствена мапа и го подига нивото за давање на здравствени услуги и најсовремена дијагностика, како и врвна научно-истражувачка работа, пишува Груевски на Фејсбук.

Груевски: Македонија веднаш да добие покана за НАТО и да почне преговори со ЕУ

Gruevski-izjava

Да се упати покана на Македонија за членство во НАТО веднаш и да се започнат преговорите за членство во ЕУ, побара денеска лидерот на ВМРО-ДПМНЕ Никола Груевски.

– Македонија предолго се држи надвор од НАТО и од Европската унија. Предолго Грција не дозволи да започнат преговорите со ЕУ и да ја добиеме поканата за членство во НАТО. Уште во 2008 година Македонија ги исполни условите за да ја добие поканата за НАТО, а тоа сите граѓани го знаат. Тоа се стопираше на Самитот на НАТО, а следната година веќе дојде препораката од Европската комисија до Европскиот совет за започнување на преговорите за полноправно членство во Европската унија. Оттогаш поминаа 7-8 години како Македонија се држи надвор од НАТО. Тоа не е добро, рече Груевски, одговарајќи на новинарско прашање по посетата на општина Ресен.

Тој апелираше до членките на НАТО и ЕУ да ги започнат преговорите согласно договорот од 1995 година според кој, како што рече, нема никаква пречка да се започнат преговорите, а прашањето со јужниот сосед да се решава во од.

Најдобро и најкорисно е, како што рече, особено по оваа политичка криза што се случи во Македонија да се најде начин и сили да се разговара и со соседна Грција.

– Да се упати поканата на Македонија за членство во НАТО веднаш, годинава и да се започнат преговорите за членство во ЕУ. Тоа ќе даде нова сила, нова енергија и верувам дека многу од негативните процеси што се случија во минатиот период немаше да се случат доколку во 2008 година, кога ги исполнивме сите услови за членство во НАТО, ја добивме поканата, станевме членка на НАТО и доколку во 2009 кога Европската комисија првпат кажа дека сме ги исполниле условите за да ги почнеме преговорите и ги почневме, работите ќе одеа во една подобра насока, рече Груевски.

Поучени од сето тоа, како што рече, се надевам дека и земјите членки на НАТО и земјите членки на ЕУ ќе дадат можност за да се започнат веднаш годинава преговорите. Потсети дека нема никакви пречки според договорот од 1995 година. Тој, како што рече, е меѓународен договор потпишан под покровителство на Обединетите нации, додека прашањето со Грција потоа во една помирна атмосфера може да се продолжи да се разговара и да се бараат решенија прифатливи за двете страни.

Николовски: ВМРО-ДПМНЕ е најдобар партнер на Албанците во Македонија кои сакаат заеднички да ја градиме оваа држава

Aleksandar-Nikoloski-Faktor

Александар Николовски од ВМРО-ДПМНЕ гостуваше во емисијата „Фактор 24“ со Горазд Чомовски на ТВ 24 Вести. За време на интервјуто Чомовски третираше различни теми на кои не се задржа предолго и потемелно поради ограничувањето во време за разговорот со Николовски.

Новинарот во текот на интервјуто напати постави нејасни прашања кои беа на работ на нелогичноста и недокажаноста, како што е прашањето/констатацијата дека за време на мандатот на владата на ВМРО-ДПМНЕ и ДУИ училишта и улици биле двојазично именувани.

„Тоа е дел од овој мит кој што се создава, меѓу неколкуте митови кои што се создаваат за ВМРО-ДПМНЕ, а тоа е обидот да се портретира ВМРО-ДПМНЕ како антиалбанска партија.“ вели Николовски и продолжува:

„ВМРО-ДПМНЕ нема ништо против Албанците во Република Македонија, напротив доколку сакаат заеднички да ја градиме Македонија е нивни најдобар партнер. Но исто така ВМРО-ДПМНЕ нема никогаш да се согласи да работи на штета на Уставот и законите во Република Македонија и на штета на Македонците и другите етнички заедници во Република Македонија.“

Груевски: Нема да се повлечам од лидерската позиција – СДСМ имаат страв од ова раководство, затоа што знаат дека ќе ги губат наредните избори како што ги изгубија и сите досега

Gruevski-Ohrid-1

Не планирам да се повлечам од лидерската позиција. Ние на последните избори победивме и освоивме најмногу гласови во Македонија и имам долг кон сите граѓани што не поддржаа и што гласаа за нас да продолжиме да се бориме за една добра иднина за Македонија, изјави лидерот на ВМРО-ДПМНЕ Никола Груевски одговарајќи на новинарско прашање по посетата на Институтот за филм во Охрид.

Тој посочи дека во последно време ова прашање го отвораат многу опоненски партии и медиуми блиски до нив очигледно, вели, поради желба да дојде до смена на раководството во ВМРО-ДПМНЕ.

– Очигледно е дека имаат желба да дојде до промена во раководството на ВМРО-ДПМНЕ затоа што имаат страв од ова раководство, затоа што знаат дека ќе ги губат наредните избори како што ги изгубија и сите досега, рече Груевски.

Во овој контекст тој го отвори и прашањето за оставката на лидерот на СДСМ Зоран Заев кој, како што рече, како лидер на СДСМ ги изгуби последните два избори во 2014 и 2016 година.

– Последните два изборни порази се на чело со Заев, и во 2014 и во 2016. Тој и во двата наврата вети пред граѓаните дека ако ги изгуби изборите ќе си даде оставка. Се уште веројатно многумина ја очекуваат или оставката или објаснување зошто и во 2014 кога вети дека ќе се повлече ако ги изгуби изборите не се повлече и зошто во 2016 кога јавно кажа дека ако ги изгуби изборите ќе се повлече се уште не го прави тоа, рече Груевски.

Почнува изградбата на нова зграда на Драмскиот театар во Скопје, во Охрид ќе се гради театар, конгресен центар и катна гаража

Gruevski-Ohrid

Наскоро почнува изградба на нова зграда на Драмскиот театар во Скопје. Театар ќе се гради и во Охрид, но покрај театар, охриѓани во нивниот град ќе добијат и Конгресен центар и нова катна гаража.

-Со оглед на тоа што Драмскиот театар во Скопје се наоѓа во објект кој што е многу стар, ние предвидовме во нашата програма изградба на нова зграда односно нов современ театар. Во изминатиот период беше спроведена фазата на проектирање и избор на најповолен понудувач склучен е договор со фирмата која ќе го гради и до крајот на овој месец ќе имаме почеток на градба на нов театар. Финансиските средства се обезбедени, а градбата е предвидено да трае 3 години. За ова намена ќе се инвестираат 9,5 милиони евра. Ова е уште еден крупен проект во културата, истакна лидерот на ВМРО-ДПМНЕ Никола Груевски, одговарајќи на новинарско прашање по денешната посета на Институтот за филм во Охрид.

Тој потенцираше дека е предвидено и отворање на Конгресен центар во Охрид, кој ќе содржи најсворемени услови за разни видови на манифестации и настани, нешто што му недостасува на овој град.

-Па така преку ЕЛЕМ, преку нивната програма за инвестирање во проекти кои се нивна општествена одговорност, во изминатите месеци беше избрано идејно решение, а во моментот е распишан оглас за проектирање и ревизија кој ќе трае до втората половина до наредниот месец. Потоа треба да следи фаза на проектирање и избор на најповолен понудувач. Проценетата вредност е 16,5 милиони евра и овие пари се обезбедени од ЕЛЕМ и овој проект поради своето значење треба да биде наследен и реализиран. Кога сме кај ЕЛЕМ, тие инвестираат и во уште еден проект важен за Охрид и кој е дел од нашата програма, а тоа е нова катна гаража кај Билјанини извори. Проценетата вредност е 3,5 милиони евра, тендерот за проектирање и ревизијата се завршени, а следната недела следи електронска акуција, по изборот треба да почне да се гради.

Ќе се гради и тетарот во Охрид, најави Груевски и додаде дека во понеделник следи електронска аукција на избор на проектант.

Србов: Целта на СЈО е со оцрнување да предизвика фракции во ВМРО-ДПМНЕ до растурање на партијата

srbov-objasnuva

Не е целта само да се испрати ВМРО-ДПМНЕ во опозиција, што всушност и се случи со последниве неуставни настани во државава и во собранието, целта откако ќе се испрати во опозиција е целосно да се растури таа политичка партија, изјави во гостувањето во вестите на ТВ Нова политичкиот аналитичар Никола Србов.

„Тука гледаме прецизно избрани случаи кои посакуваа да се покрене некаква расправија внатре во политичката партија, со цел некако таа да се фрагментира, нешто што го гледавме во минатото“, вели Србов.

Тој додаде дека на цела јавност и е јасен планот на СЈО, односно раководството на ВМРО-ДПМНЕ со вакви конструирани случаи да се оквалификува како криминално, да се оцрни, со цел членството во некоја смисла да се побуни против раководството, што, според Србов, очигледно не им успева.

Груевски: Целта на СЈО е уништување на ВМРО-ДПМНЕ во корист на СДСМ, преку лаги и измислици

Gruevski-Stip-avtopat

Случаите покренати од страна на СЈО се темелат на невистини и манипулации и имаат за цел политички прогон за раководството на партијата и мое лично, а со цел да се сврти вниманието на јавноста од актуелните случувања во политиката, изјави лидерот на ВМРО-ДПМНЕ Никола Груевски, кој денеска изврши увид на новата болница во градба во Штип.

– Денешната прес-конференција на СЈО само уште еднаш докажа дека целта на СЈО не е ниту правна разрешница ниту откривање на вистината, туку уништување на ВМРО-ДПМНЕ како партија како политички опоненет на нивната партија, партијата на СЈО-СДСМ. Обид да се разбие ВМРО-ДПМНЕ за да може СДСМ слободно во иднина да ги спроведува политиките за коишто се обврза пред своите партнери во владината коалиција и пред оние коишто ја поддржуваат, рече Груевски.

Според него, втората цел доколку ова не успее, е да се компромитира раководството на ВМРО-ДПМНЕ и негово компоромитирање како нејзин лидер.

– Нивната цел е барем да се искомпромитира раководството на чело со мене како претседател на партијата да не претстават дека сме правеле некои незаконски работи.Сето ова е неточно. Денеска беа искажани многу лаги, многу манипулации кои во иднина едно по едно ќе се докажат, рече Груевски.

Тој додаде дека ВМРО-ДПМНЕ целокупното  свое работење досега го заснова на закон и целото нејзино работење и  финанисрање го заснова согласно законите.

– Целосното финансирање на партијата е согласно закон и е идентично на финансирањето на СДСМ на ДУИ на ДПА на БЕСА и на сите други политички партии, нагласи Груевски.

Во однос на предметот на СЈО за изградба на двата автопата, рече дека се искажани лаги и инсинуации, но не и главната работа дека постапката за нивно градење е согласно посебен закон донесен од Парламентот и изгласан не само од пратениците од ВМРО-ДПМНЕ, туку и од ДУИ и од присутните пратеници на СДСМ за што, рече постојат листинзи со кои тоа може да се докаже.

За  поведениот случај во врска со финансирањето на партијата  подвлече дека станува збор  за финансирање на партијаста од членарини и донации со цел да се изгради  основната инфраструктура за  да се овозможи нормално функционирање на партијата.

– СДСМ доби наследство од штабови и објекти од поранешната комунистичка партија, а тоа се пари на народот. ВМРО-ДПМНЕ, пак, безмалку немаше ниту еден објект се ни беше или под кирија или слично и немавме можност да работиме нормално. Она што го направивме после 25 години беше поддршка на членството на партијата со членарини и донации коишто денес некој срамно се обидува да ги нарече перење пари. Со такви средства купени се штабови во поглемиот дел општини каде што делува ВМРО-ДПМНЕ со цел нормлано функционирање на партијата  и да стане вистински пандам на СДСМ којшто ги наследи тие штабови и којшто ужива во привлегиите на поранешната комунситичка партија во која вложуваат сите, посочи Груевски.

Тој појасни дека најголем дел од штабовите 95 проценти се ставени во функција освен 4-5 објекти за кои е потребна реновирање пред да се стават во употреба.

– За овие четири-пет објекта СЈО прави исинуации дека не биле партиски обележани и дека наводно се користеле за други цели, што не е е точно. Станува збор за 4-5 објекти за коишто е потребна дополнителна ентиерна интервенција внатре во објектот, истакна лидерот на ВМРО-ДПМНЕ.

Тој ги окарактеризира како неосновани обвинувањата дека партијата купувала ниви и земјиште.

Според него, се работи за купени објекти во рурални области како што е на пример Чешиново-Облешево каде што е купена куќа со поголем двор бидејќи така била понудена за продажба.

За изградбата на зградата на штабот на ВМРО-ДПМНЕ посочи дека станува збор за едноставен јасен случај на отстапување на земјиште во сопственост на партијата на приватен инвеститор кој за возврат им отстапил простории за самата партија. Груевски посочи дека и за ова прашање СЈО намерно го премолчува клучниот факт, факт што вели повторно го премолчува СЈО.

– Сето ова се манипулации со цел да не оцрнат пред народот затоа што народот гледа кој се бори за државата и за државните интереси, кој најмногу во својот мандат создаде за граѓаните, а кој уште од сега бара алиби за идното неработење и за лажните ветувања што ги дадоа  на граѓаните. Се што е направено направено е согласно закон, а се што се прави сега се прави со политичка цел.Тоа е обид за политички прогон за раководството на ВМРО-ДПМНЕ. Тие се исплашени од ова раководство на ВМРО-ДПМНЕ затоа што знаат дека независно што сега на сила се залепи таа коалиција што сега договара влада. ВМРО е силна и брзо ќе се врати на власт. Тоа ги плаши, а ги плаши и периодот што претстои во којшто имаат превземено тешки обврски и сакаат да го свртат вниманието наместо луѓето да гледаат што прават да се занимаваат со невистини работи прикажани од СЈО поврзани со ВМРО-ДПМНЕ, рече Груевски.

Попоски: Случајот „Траекторија“ е политички предмет базиран врз измислени работи, ќе го докажеме тоа

Nikola-Poposki

Случајот кои што СЈО го нарече „Траекторија“ е уште еден доказ дека се работи за обични извршители на Зоран Заев и СДС и тоа е уште еден политички предмет. Целиот случај е базиран врз измислени работи, првата работа со која се обидува да се криеира случај е наводно предизвикување на материјална штета од 155 милиони евра, штета не постои а целта на ваквата комуникација е да се привлече вниманието на јавноста, истакна Никола Попоски од ВМРО-ДПМНЕ.

-Се работи за капитален проект од кои имаат корист сите граѓани на Република Македонија, втората лага која е изнесена денес од страна на СЈО е дека не бил применет законот за јавни набавки. Во овој случај фактите велат дека Собранието уште во 2013-та година донесе закон за реализација на ифрастуктурни проекти за изградба на патната делница Миладиновци-Штип и патната делница Кичево-Штип врз основа законот на ратификација на договорот за економска и техничка соработка во областа на инфраструктурата, помеѓу владата на Македонија и владата на Кина. Овој закон за реализација на конкретниот проект како посебен ја исклучува примената на законот за јавни набавки и за овој закон би нагласиле дека расправаа и гласаа и пратениците на СДС и пратениците на ДУИ, рече Попоски.

Тој вели дека во третиот случај СЈО ги обвинува дека се разговарало само со една компанија и дека не била избрана најниската цена.

-Вистината е следна, склучени се меморандуми со две компании и тоа двете компании доставиле свои понуди и во 2013 е одбрана најниската понуда, би повториле дека се работи за политичка мотивација и истото ќе биде докажано во понатамошната постапка, вели Попоски.

Димитриев: Политичките памфлети за наводно незаконско работење на ВМРО-ДПМНЕ се неточни и ги отфрламе во целост

Emil-Dimitriev

ВМРО-ДПМНЕ е политичка партија која дејствувала, дејствува и ќе продолжи да дејствува врз основа на Закон и само врз основа на Закон и тоа е потврдено од сите институции надлежни за проверка на финансиското работење на политичките партии.

Ова го истакна Емил Димитриев на денешната прес-конференција на ВМРО-ДПМНЕ.

-Сите обиди и политички памфлети чија цел е да се претстави некакво наводно незаконско работење на ВМРО-ДПМНЕ, на раководството и членовите, се неточни и ги отфрламе во целост. Сиот имот на партијата е законски стекнат.

ВМРО-ДПМНЕ, додаде Димитриев, нема купувано ниви и ливади како што наведува СЈО, кое пак сака да ја дефокусира јавноста.

-Членовите на ВМРО- ДПМНЕ како и било кој друг граѓанин има законско право да уплати средства на партиската сметка и сме благодарни за секоја уплата, а истите се користени за партиски работи.

Од ВМРО-ДПМНЕ го повикаа СЈО да отвори постапка за финансирањето на СДСМ и порачаа дека ВМРО-ДПМНЕ нема да потклекне на ваквите манипулации.