Алмакос: Во Тетово, Струга и Чаир неважечките ливчиња го определија победникот

Околу пет проценти е бројот на неважечки гласачки ливчиња во општините Тетово, Струга и Чаир во вториот круг од изборите. Овие рекордни бројки во споредба со другите општини, ги зголемија сомнежите во јавноста дека можеби биле фалсификувани избори и дека победникот го одредија неважечките ливчиња, кои се во далеку поголем број од разликата меѓу кандидатите.

На пример, во општина Тетово, разликата меѓу Теута Арифи и Билал Касами е 1.000 гласови, додека бројот на неважечки ливчиња е околу две илјади гласови, односно 4,5 отсто од вкупниот број на гласови.

Во Струга, околу 4 отсто од вкупниот број на гласови, односно повеќе од 1.000 гласови се покажаа како неважечки, додека пак разликата помеѓу Рамиз Mерко и Зијадин Села е помалку од 800 гласови.

Во Чаир бројот на неважечки гласачки лифчиња е пет пати поголем од разликата помеѓу двата кандидати. Неважечки гласачки ливчиња во оваа општина имало 3,5 отсто, односно околу 1.100 гласови, додека разликата меѓу Висар Ганиу и Зеќирја Ибрахими изнесува 200 гласови.

По секој изборен циклус, на избирачките места се појавуваат неважечки ливчиња, но ќе остане мистерија како се постигна рекорден број на неважечки гласачки ливчиња токму во Тетово, Струга и Чаир.

ГРУПНО ГЛАСАЊЕ: Газета Експрес објави скандалозни фотографии за изборни нерегуларности во албанските средини (ФОТО ГАЛЕРИЈА)

Во секој изборен циклус, дури и на овие локални избори што се одржаа на 15 октомври, во Македонија имаше докази за купување на албански гласoви од граѓаните од страна на политичките партии, за групно гласање, што претставува сериозно прекршување на изборниот процес, пишува Газета експрес. Оваа практика не престанува, иако постојат негирања, сепак не значи дека немало такви случаи, се заклучува во текстот.

Ова е потврдено и од овие слики на партиски милитанти од владејачките групи кои гласаат заедно со избирачите, што е една од најсериозните повреди на изборниот процес, пишува во текстот на Газета експрес. Државната изборна комисија и управниот суд затворија очи пред сите овие нерегуларности.

Данев: Управниот суд подлегна под систематскиот притисок од СДС и СЈО

Вчера се виде целта на политичката инструментализација на СЈО и монтираните истраги. Управниот суд подлегна под систематскиот притисок од СДС и СЈО и не дозволи прегласување во ниту едно избирачко место, вели драган Данев од ВМРО-ДПМНЕ.

-Имено ВМРО-ДПМНЕ до Управниот суд поднесе 24 тужби за 45 избирачки места за изборни нерегуларности, додека судот не дозволи прегласување во ниту едно избирачко место. Ваквото делување на Управен е заради оркестрираниот притисок од страна на двоецот СДС/СЈО. Имено СЈО во монтирана постапка во предизборниот период покрена постапка против пет судии во Управниот суд, заради нивно слободно судско уверување, додека Судскиот совет под влијание на СДС надвор од секаква правна логика им го одзема судскиот имунитет, потенцираше Данев.

Тој додава дека ДИК и Управниот суд беа под страшен притисок како и целата администрација. ДИК и Управниот суд одеа по линија на помал отпор и одлучија да замижат пред очигледниот фалсификат на овие избори само за да не станат предмет на натамошен прогон на политичкото обвинителство на Заев. Вакво насилство, притисоци и закани немало и не смее да се повторат.

-Целата јавност преку доказите и фактите кои беа објавени во медиумите виде дека на изборите во недела беше направен најголемиот изборен фалсификат во независна Македонија. Беше извршено полнење на кутиите со однапред заокружени ливчиња за СДС, со методот на т.н. бугарски воз, доказ за тоа се гласачките ливчиња од Карпош најдени во изборни кутии во Охрид, ливчињата од Велес најдени во Струмица, од Врапчиште во Гостивар, но и со записник утврдените недостатоци на гласачки ливчиња во Гевгелија и Берово. Граѓаните видоа дека станува збор од фалсификат од мегаломански размери кога во Ресен беа најдени гласачки ливчиња со ист сериски број, што индицира на двојни ливчиња. Сето ова е фото и видео документирано, поткрепено со докази и записници, за што медиумите редовно објавуваа, рече Данев.

Тој вели и дека доказите и фактите за изборен криминал сепак не беа доволно за ДИК и Управен да го пребродат стравот и наместо под притисок да одлучуваат по словото на законот.

-Управниот суд и ДИК наместо согласно закон одлучуваа под притисок и сугестија на власта. ВМРО-ДПМНЕ ги предупредува и потсетува сите оние кои за потребите на СДС вршат изборен криминал и ги изигруваат законите, дека со враќањето на демократијата во Републиката ќе се врати и правната држава, а сите прекршители на законите ќе одговараат согласно закон. Одговорност за овие изборни криминали ќе има и мора да има, изјави Данев.

СДСМ вршеше поткуп и во Центар, Гази Баба, Карпош – Груевски открива колку чинеле гласовите на скопјани (ВИДЕО)

Анализирајќи го првиот криг од локалните избори во гостувањето во ТВ Алфа лидерот на ВМРО-ДПМНЕ стави акцент на масовното поткупување глассачи, какво што не забележано досега во Македонија.

-На овие избори имаше масовен поткуп на гласачи поддржан од полицијата. Во многу општини активисти на СДСМ одеа од куќа на куќа, а нив го следешеполициско возило, коешто се паркираше пред куќата додека тие влегуваа во куќата и го вршеа поткупот. Често пати не доаѓаа ниту со различни возила, туку активистите на СДСМ се превезуваа во возилото на полицијата. Тоа го немало никогаш вио Македонија. Се случувале во минатите години поткупи во одредени реони, каде што живее мошне сиромашно население, одредени етнички групи… Сега го имаше масовно, насекаде, го имаше во главниот град, го имаше во Центар, го имаше во капиштец, го имаше во Тавталиџе, Карпош, Гази Баба.

Груевски на ТВ Алфа (1 дел)

Вечерва добив информација дека полицијата не реагирала на обид за поткуп во Јурумлери.

Одредени наши информации говорат дека СДСМ во овие избори вложи околу 20 милиони црни пари, најголем дел од нив во поткуп, помал дел во официјалната кампања.

Поткупот беше број еден – поткуп со заштита на полицијата. Последните денови поставивме т.н. народни стражи, тоа беа наши членови кои требаше да се движат по улиците, маалата, реоните, селата, градовите, каде што очекувавме дека ќе има поткуп, затоа што тој веќе беше започнат. Поткупот започна десетина-дванаесет дена пред изборите.

Што се случуваше, имавме една ситуација во Прилеп. Влегуваат поткупувачите, полицијата паркирана пред куќата, нашите луѓе пристапуваат кон куќата и довикуваат „Каде одите, што носите во кесите, сакате поткуп да извршите“. Им пристапува полицијата, им бара лични карти, ги одвраќа, не им дозволува да пристапат. И потоа истото се случува пред друга куќа.

Во Центар одеа од врата на врата. најмалата цена за два гласа беше 50 евра, а достигнуваше и 100 евра. Во руралните општини поминуваа поевтино, со 1000-1500 денари.

Ваков поткуп не се случил досега во Република Македонија.

Сево ова е документирано, но невозможно е буквално се да се документира.

Груевски на ТВ Алфа (2 дел)

ДО 17 ЧАСОТ: Гласале 49,14 отсто од граѓаните со право на глас

49,14 од граѓаните со право на глас го оствариле своето право до 17 часот. Во СКопје гласале 50,58 отсто од граѓаните. Ова се официјални податоци од Државната изборна комисија. Наскоро детални податоциза излезност по општини.

Груевски: Граѓаните со својот глас ја заштитија демократијата, нерегуларностите и незаконитостите беа присутни и денеска

Лидерот на ВМРО-ДПМНЕ, Никола Груевски заедно со сопругата Боркица денес го оствари своето право на глас.

-Сакам во оваа прилика да им се заблагодарам на сите граѓани кои денес излегоа да го остварат своето право на глас и со тој чин ја заштитија демократијата во Република Македонија и покажаа грижа за своите граѓани и своите општини. Сакам да се заблагодарам на сите граѓани и се надевам на едни успешни избори, односно избори кои ќе бидат најдобри за Република Македонија. Исто така, сакам да нотирам дека низ целиот изминат период имаше видливи нерегуларности и незаконитости низ целиот период на кампањата вклучително и денес, но за тоа ќе информираме кога ќе дојде време, рече Груевски по гласањето.

ВАЖНО: Упатство за гласање на утрешните локални избори

За локалните избори кои ќе се одржат утре, избирачот може само еднаш да се појави на гласачкото место за остварување на своето избирачко право.

Избирачот добива две гласачки ливчиња (за избор на членови на Совет и за избор на градоначалник).

За локалните избори во Град Скопје и општините во Скопје, избирачот добива четири гласачки ливчиња (за избор на членови на Совет на општина, за избор на градоначалник на општина, за избор на членови на Совет на Град Скопје и за избор на градоначалник на Град Скопје).

За гласањето на локалните избори, избирачот се потпишува во изводот од Избирачки список наменет за локалните избори.

Гласачкото ливче се откинува од кочанот на блокот по нумерички редослед, му се става печат на предната страна и потоа му се дава на избирачот.

Гласањето се врши тајно, зад параван.

Избирачот гласањето за избор на градоначалник на општина и на Град Скопје го врши на тој начин што го заокружува редниот број пред името и презимето на кандидатот, а за членови на совет на општина и Град Скопје го заокружува редниот број пред подносителот на листата за која се определил.

Преклопеното гласачко ливче избирачот го става во соодветно обележаната кутија за гласање.

Гласање за друго лице е забрането, освен во случаите предвидени во членот 112 од Изборниот законик, односно избирачот кој има физички недостаток или е неписмен и поради тоа не може да гласа на начин утврден со овој Законик, со себе има право да доведе лице кое ќе му помогне при гласањето. Ако избирачот не доведе со себе лице кое ќе му помогне при гласањето, тогаш избирачкиот одбор ќе определи друго лице од редот на избирачите.

Лицето кое ќе му помага на друго лице при гласањето не смее да биде од редот на членовите на избирачкиот одбор, претставниците на подносителите на листите или од редот на набљудувачите. Лицето не смее да влијае врз одлуката на избирачот, а при гласањето може да помогне најмногу на двајца избирачи кои се со физички недостаток или се неписмени. Овој начин на гласање се забележува во записникот број 16.

Заради обезбедување на тајноста на гласањето, на денот на изборите на гласачките места, овластените претставници на подносителите на листите, овластените набљудувачи, членовите на изборните органи и избирачите не смеат да користат мобилни апарати, фотоапарати и други средства за снимање на изборниот материјал и на избирачите кога гласаат. (МИА)

Анкета на „Димитрија Чупоски“: ВМРО-ДПМНЕ и нивните кандидати за градоначалници со најголема поддршка меѓу граѓаните

ВМРО-ДПМНЕ се уште ужива најголем рејтинг кај граѓаните. Тоа го потвдри Институтот Димитрија Чупоски кој направи анкета на јавното мислење на репрезентативен примерок од од 850- 1200 испитаници, од 04 до 06 октомври оваа година.

-Анкетата се спроведе на ниво на цела држава и поедничено во неколку општини кои беа предмет на нашата анализа. Во предвид беа земени демографските карактеристики, вклучително пол и возраст, припадност кон етничка заедница, а исто така беше направена поделба и според руралните и урбани места на живеење. Во приказот достапен за јавност направена е споредба меѓу кандидатите на двете најголеми партии СДСМ и ВМРО-ДПМНЕ, освен на прашањето за вкупните рејтинзи на политичките партии на ниво на држава каде се вклучени сите политички субјекти, информираат од институтот.

Дека ќе гласаат за ВМРО-ДПМНЕ на претстојните избори се изјасниле 38,6 % од испитаниците. За СДСМ поддршка би дале 21,8 %.

Од кандидатите за градоначалници на Скопје, највисок рејтинг има актуелниот градоначалник и кандидат на ВМРО-ДПМНЕ, Коце Трајановски. Дека за него ќе гласаат се изјасниле 36,2%, а за неговиот противкандидат од СДСМ, Петре Шилегов ќе гласаат 26,1% од граѓаните.

Она што може да се заклучи од анализите е предност на кандидатите за градоначалници од редовите на ВМРО-ДПМНЕ и Коалицијата за подобра Македонија. Нестандардните гласачите кои излегоа на минатите избори, а кои беа пасивни минатите изборни циклуси, многу веројатно е дека на овие локални избори нема да излезат да гласаат. Кај албанското гласачко тело постои револт кон партијата на власт СДСМ, поради коалицирањето со ДУИ кои ја перцепираат како партија која долги години е на власт. Постои и 2.8 осто скриени гласачи кои не го соопштуваат своето мислење, а веројатно на денот на избори да се определат за опзициската ВМРО-ДПМНЕ и Коалицијата за Подобра Македонија.

Кандидатите за градоначалници на ВМРО-ДПМНЕ со најголема поддршка во скопските општини Кисела Вода, Ѓорче Петров, Аеродром, Гази Баба, Бутел.

Кандидатите за градоначалници на ВМРО-ДПМНЕ уживаат најголема доверба и во поголемите градови ширум Македонија.

СДСМ не го почитува народот затоа што тој не ги донесе на власт: Народот сака партија и политичари кои држат до дадениот збор

Народот сака партија и политичари кои држат до дадениот збор. На нашите опоненти некој им кажал да одат со паролата „Зборот е збор“. Најверојатно нивните ПР куќи направиле истражување и дошле до заклучок дека една од најслабите точки им е тоа што народот е свесен дека не држат до дадениот збор. Народно кажано, дека лажат. Кога ќе дојдат избори ќе се изналажат колку што можат, а потоа ако нешто малку од тоа исполнат или ништо нема да исполнат. Им кажале тоа ви е слаба страна, народот го знае тоа, истражувавме, затоа одете со парола „Зборот е збор“. Ама народот е свесен, народот знае, народот памети. Памети кој во минатото тоа што го ветувал го реализирал. Ова го порача лидерот на ВМРО-ДПМНЕ, Никола Груевски, на партискиот митинг во Кисела Вода.

Во 2006 година, Кисела Вода имаше вработени вкупно 7420 луѓе. Денес во Кисела Вода има 15.200 вработени, тоа се 8000 нови работни места. Тоа е реализација. Нас не ни треба слоган „Зборот е збор“, затоа што делата говорат за нас, реализираното говори за нас. Тоа е ВМРО-ДПМНЕ, тоа е оваа Коалиција и само така може да оди напред. На овие избори нема да се гласа само за градоначалници и советници иако тоа е примарната работа. Народот има уште најмалку две причини да излезе и да гласа. Паралелно давајќи го гласот за градоначалник и советници да се изјасни и за две други работи. Првата е за помрачувањето што ни се случува во овие четири ипол месеци, за сето она што ја снајде Македонија и граѓаните откако на еден неуставен начин се избра претседател на Парламентот. Сега, на 15 октомври народот ќе каже што мисли за ова. Масовно, непоколебливо и сега. На 15-ти октомври моќта е во рацете на народот, секој да си каже што мисли за помрачувањето, за назначување на претседател на Собрание на насилнички начин. На 15-ти народот ја има шансата да го каже своето мислење за целокупното незаконско работење на СДСМ, за незаконието при вработувањата, отпуштањата, разрешувањата, за незаконските тендери, порача Груевски.

Лидерот на ВМРО-ДПМНЕ потенцира дека на изборите народот ќе се изјасни и за демонстрирањето на сила и насилие во Македонија.

– Демонстрацијата на сила е очигледна секој ден. Кривични пријави во првите 10 дена на над 10 кандидати за градоначалници од ВМРО-ДПМНЕ. Тоа е инструмент на политичка борба на СДСМ, покажува какво кршење на демокртатијата носат тие. Во Македонија прв пат имаме убиство на кандидат во кампања. Еден од кандидатите во Кичево, денеска подлегна повредите од испуканите куршуми, почина. Прв пат имаме скршен череп на кандидат за градоначалник и актуелен градоначалник. Имаме однесување кон кандидатите на ВМРО-ДПМНЕ со вперување на пиштоли во глава, имаме насилничко однесување од МВР кое се превори во партиска испостава. Имаме целосно кршење на демократијата. И уште ни говорат дека изборите ќе биле фер и демократски. Изборите веќе се гледа дека не се ниту фер, ниту демократски. Се кршат изборните правила со демонстрација на сила и насилство. Но, народот има шанса да го каже своето мислење за ВМРО-ДПМНЕ, против СДСМ, порача Груевски во Кисела Вода.

Тој посочи дека граѓаните ќе се изјаснат и за секојдневните измами од страна на СДСМ, како филмската измама со САНОС, лажењето за состанок со Трамп, лагите за договорите со соседните земји и редица други. Груевски вели дека СДСМ не го почитува народот затоа што тој не ги донесе на власт.

Груевски: Граѓаните ќе се изјаснат и за насилието на СДСМ, помрачувањето, изборот на Џафери, филмските измами и лагите

Народот сака партија и политичари кои држат до дадениот збор. На нашите опоненти некој им кажал да одат со паролата „Зборот е збор“. Најверојатно нивните ПР куќи направиле истражување и дошле до заклучок дека една од најслабите точки  им е тоа што народот е свесен дека не држат до дадениот збор. Народно кажано, дека лажат. Кога ќе дојдат избори ќе се изналажат колку што можат, а потоа ако нешто малку од тоа исполнат или ништо нема да исполнат. Им кажале тоа ви е слаба страна, народот го знае тоа, истражувавме, затоа одете со парола „Зборот е збор“. Ама народот е свесен, народот знае, народот памети. Памети кој во минатото тоа што го ветувал го реализирал. Ова го порача лидерот на ВМРО-ДПМНЕ, Никола Груевски, на партискиот митинг во Кисела Вода.

-Во 2006-тата година, Кисела Вода имаше вработени  вкупно 7420 луѓе. Денес во Кисела Вода има 15.200 вработени, тоа се 8000 нови работни места. Тоа е реализација. Нас не ни треба слоган „Зборот е збор“, затоа што делата говорат за нас, реализираното говори за нас. Тоа е ВМРО-ДПМНЕ, тоа е оваа Коалиција и само така може да оди напред. На овие избори нема да се гласа само за градоначалници и советници иако тоа е примарната работа. Народот има уште најмалку две причини  да излезе и да гласа. Паралелно давајќи го гласот за градоначалник и советници да се изјасни и за две други работи. Првата е за помрачувањето  што ни се случува во овие четири ипол месеци, за сето она што ја снајде Македонија и граѓаните откако на еден неуставен начин се избра претседател на Парламентот. Сега, на 15-ти октомври народот ќе каже што мисли за ова. Масовно, непоколебливо и сега. На 15-ти октомври моќта е во рацете на народот, секој да си каже што мисли за помрачувањето, за назначување на претседател на Собрание на насилнички начин. На 15-ти народот ја има шансата да го каже своето мислење за целокупното незаконско работење на СДСМ, за незаконието при вработувањата, отпуштањата, разрешувањата, за незаконските тендери, порача Груевски.

Лидерот на ВМРО-ДПМНЕ потенцира дека на изборите народот ќе се изјасни и за демонстрирањето на сила и насилие во Македонија.

-Демонстрацијата на сила е очигледна секој ден. Кривични пријави во првите 10 дена на над 10 кандидати за градоначалници од ВМРО-ДПМНЕ. Тоа е инструмент на политичка борба на СДСМ, покажува какво кршење на демокртатијата носат тие. Во Македонија прв пат имаме убиство на кандидат во кампања. Еден од кандидатите во Кичево, денеска подлегна повредите од испуканите куѕршуми, почина.  Прв пат имаме скршен череп на кандидат за градоначалник и актуелен градоначалник. Имаме однесување кон кандидатите на ВМРО-ДПМНЕ со вперување на пиштоли во глава, имаме насилничко однесување од МВР кое се превори во партиска испостава. Имаме целосно кршење на демократијата. И уште ни говорат дека изборите ќе биле фер и демократски.  Изборите веќе се гледа дека не се ниту фер, ниту демократски. Се кршат изборните правила со демонстрација на сила и насилство. Но, народот има шанса да го каже своето мислење за ВМРО-ДПМНЕ, против СДСМ, порача Груевски во Кисела Вода.

Тој посочи дека граѓаните ќе се изјаснат и за секојдневните измами од страна на СДСМ, како  филмската измама со САНОС, лажењето за состанок со Трамп, лагите за договорите со соседните земји и редица други. Груевски вели дека СДСМ не го почитува народот затоа што тој не ги донесе на власт.