Бјелајац: Албанците не гласаа за Заев случајно, кај нив секогаш е или милум или силум

Mile-Bjelajac

Македонските граѓани се чувствуваат измамени и издадени од лидерот на СДСМ, Зоран Заев. Ова во дебатна емисија на РТРС го вели Миле Бјелајац, српски историчар и политиколог одговарајќи на прашањето зошто Заев не формира власт со Македонците, зошто тоа мора да бидат три албански партии?

-Ако аналитичарите приметија овие претходни денови, нему (на Заев) мнозинската групација во Парламентот, значи ВМРО-ДПМНЕ му понуди лојална соработка да направи малцинска влада и да има техничка соработка за да не дојде до ситуација да мора да го исполнува она што и’ го ветувал на албанската страна, првенствено се однесува на оваа тиранска платформа. Тој тоа го одби, но јас верувам дека кога би се направила една анкета меѓу македонскуите граѓани, кои чувствуваат и малку измамени и издадени од својот лидер, дека тие би дале една таква опција, рече Бјелајац.

Коментирајќи зошто голем број на албански гласови завршиле на контото на Заев и СДСМ, Бјелајац рече:

-Се кажува дека се во прашање некаде околу 70 илјади гласови кое од албанското бирачко тело преминале во СДСМ. Но, морам да кажам и јавно изговорам дека Албанците не прават ништо случајно и да во таа нација последните децении постои таа некоја т.н. национална дисцпиплина  “или милим или силум“ и дека тука картите се поделени и дека тие постапуваат онака како што се договориле.

Силјановска: Гласавме за програми, а не за идни платформи

Gordana-Siljanovska

Универзитетската професорка Гордана Силјановска смета дека она што сега се случува на политичката сцена во Македонија е сосема невообичаено, со постфестум креирани политички платформи да настапите во формирање на влада.

– Очекував партиите кои би биле костур на идната влада да се повикаат на своите програми, бидејќи ние гласавме за програми на изборите, а не за идни платформи. Не дадовме поддршка за да може потоа да смислуваат. Но тоа е македонската реалност – изјави Силјановска.

Силјановска додава дека не знае што ќе се случува понатаму, бидејќи очигледно во македонската политика има многу ирационалност, а сите сме оставени на она што постојано се критикува во годишните извештаи за напредокот на Македонија.

– Тоа е феноменот на партитократија. Повторно сме ние во рацете, не на партиите туку во рацете на партиските елити, да не речам лидери. Се соочуваме со уставен и правен феномен, лидери на четирите политички партии. Тоа е надвор од владеењето на правото – вели Силјановска.

Груевски: СДСМ е губитник, колку треба да немаш интегритет за секој ден да зборуваш дека си победник?

zaev-svednata-glava-sdsm

Јас на граѓаните во многу наврати им предочив дека доколку нема јасна победа со 63 пратеници тоа ќе биде можност кризата да биде продолжена, тоа го сакаат некои сили, рече лидерот на ВМРО-ДПМНЕ, Никола Груевски на Тв Нова.

-Тоа не се случи затоа што некои работи се изместија со многу фактори. Сега кризата продолжува само се менуваат одредени фази има одредени разлики но продолжува и тоа не е добро. Нам ни требаат пред избори со јасна победа. Ако изгубиме со еден пратеник ние нема да играме како СДСМ со националните интереси, затоа што така  и државата ќе губи. Ние тоа нема да го правиме како СДСМ, ќе се бориме во парламентот но нема да бидеме како нив. Изгубија па излегоа на прослава и до ден денес тоа го зборат. Колку треба да немаш интегритет за секој ден да зборуваш дека си победник. Нека има избори да видиме кој ќе победи нека одбере народот. Но потоа да се овозможи да се формира влада и да се остварат целите, рече Груевски.

СДСМ КУПУВА ГЛАСОВИ СО 3.200.000 ЕВРА: Шилегов и Николовски дале по 500.000 евра во двете џамии во Теарце

silegov-kece-pari-dzamija

Новинарот Миленко Неделковски на својт Фејсбук профил објави дека СДС(без М) синоќа оставиле по 500.000 евра во две џамии, односно дека за прегласувањето во Теарце вкупно ќе платат 3.200.000 евра.

„СДС, односно Спасовски со службено возило на МВР и Николовски со службено возило на МЗШВ, синојка однеле и оставиле по 500.000 евра во двете џамии во Теарце.

Буџетот на СДС за ова гласачко место за ова прегласување е 3.200.000 евра. Кеш.“, напиша Неделковски.

milenko-nedelkovski-fb-tearce

Колумна на Ирена Радовановиќ: Албанците гласаа за Заев за да имаат почист воздух

irena-radovanovik-albanci-zaev

Опозицски приказни за граѓанство

Додека ни се продава приказната за „граѓанскиот“ концепт на Заев, преку медиуми блиски до СДСМ, не е мал бројот на оние Албанци кои сè почесто ги прашуваат Македонците дали би учеле албански и зошто не сакаат да учат.

А зошто тие да не бараат од Македонците да учат албански кога тоа го бара Македонец, лидер на една од најголемите македонски партии. Тој двојазичноста ја стави на маса, заедно со кантонизацијата. Примамлива понуда за оние Албанци на кои им се побитни нивните политички права од економијата, а таквите не се малку. За Заев гласаа речиси 70.000 Албанци. Дојдоа дури и од други држави. Што значи, етничкото ги мотивира да гласаат за него, а не граѓанското. Албанците не гласаа за тоа што Заев им ветил почист воздух, туку сакаат да ги видат Македонците како зборуваат албански и како нивните општини стануваат сè понезависни од централната власт. Додуша и воздухот ќе им биде почист кога ќе се затвораат во кантони во кои ќе нема Македонци.

„Граѓанската“ приказна, која сака да ни ја продаде опозицијата, фино ја дообјасни британскиот дипломат Тимоти Лес. Според него, на Балканот се враќа национализмот, а кога ќе избледи влијанието на Западот, ќе настапи нова ера на немири кои ќе резултираат со прекројување на денешните граници, вели Лес. Тој истовремено предупредува дека Русија почнала да го користи своето влијание за да го фрустрира процесот на евроинтеграцијата поттикнувајќи ги малцинствата во своите барања за сепаратизам. Замислете, Русија ги поттикнува малцинствата на сепаратизам, а гледаме дека во Македонија токму потезите на САД со помош на СДСМ и албанските партии, не доведоа до состојба денес да расправаме дали сме за или против федерализација на државата. Kолку добро ни мисли САД да не се навраќаме многу далеку, како, на пример, 1948 и нивниот однос кон тамошните жители во егејскиот дел на Македонија. Доволно е само да се потсетиме на времето од 2001 година, па наваму. А и две години претходно, односно во 1999 година, кога им дозволивме да прават што сакаат со воздушниот и со просторот на земјата и на државата со цел да ја спроведат акцијата бомбардирање на СРЈ. И верувавме дека со тоа ќе ги придобиеме симпатиите на Западот предводен од САД. Примивме 350.000 бегалци, кои две години подоцна ни се „заблагодарија“ за гостопримството заедно со ОНА помогната од ОВK, а сето ова поддржано од Западот. Западните демократии во чии устави, нели, граѓанинот е на пиедесталот, а не припадникот на етничката заедница, ни го стокмија Рамковниот договор, со кој нè обележаа како племенски заедници. Потоа ни ја скроија територијалната реорганизација. А ден пред референдумот во 2004 година САД не признаа под уставно име.

Опиени од признавањето не видовме дека државата ни се подели по етничка линија токму таква каква што посакуваше едно малцинство, а која сè поочигледно му одговара на Западот. Тактиката на поддршка на едни наспроти други или раздели па владеј, добро ја спроведоа и добивме едно малцинство, кое му е полојално на САД и на некои околни држави отколку на државата во која неговите припадници се родиле, израснале, се образувале.

И така денес дојдовме до идејата на Тимоти Лес за поделба на Македонија. Тој, всушност, сака да не реши по брза постапака. Па му предлага на Вашингтон да помогне државата што побрзо да се федерализира, па потоа да се присоедини западниот дел на Македонија кон Албанија.

Токму поради ваквите сценарија, ВМРО- ДПМНЕ побара на изборите да се гласа за Македонија. Но, за жал, голем број од Македонците гласаа за Заев. Му дадоа глас на човекот кој решил да ја докрајчи Македонија. Kому побитно му беше рушењето на Груевски, по цена да ја сруши и државата.

Предизборното ветување на Заев за Албанците, ги крена до плафон барањата на албанските партии за влез во владата. Дел од условите на ДУИ, Алијансата за Албанците и Беса се: целосна еднаквост на Албанците со Македонците под што тие подразбираат поделба на државата и влез во НАТО (под што тие подразбираат промена на името на државата. Останатиот декор како барањата за СЈО како уставна категорија, и Албанец на местото шеф на државата, премиер или претседател на Собранието се само некаква панделка на целиот пакет.

А сè ќе беше поинаку наместо Заев, на чело на опозициската партија стоеше човек кој ќе го личи да биде патриот и кој никогаш не би се пазарел со државните и националните интереси.

Дали има време за спас на Македонија?

Пишува: Ирена Радовановиќ за Дневник

Додовска: Очекувањата на СДСМ се сведуваат на теоријата на фантомски гласови која тие ја промовираа

ivanka-dodovska-tv-nova

Универзитетската професорка Иванка Додовска вели дека очекувањето на СДСМ за промена на бројот на мандати се сведува на теоријата на фантомски гласови, која патем ја промовираше СДСМ.

-Сметам дека прегласувањето кое треба да се одржи на едно избирачко место, според прифатената тужба од СДСМ од страна на Управниот суд, во конкретниов случај во избирачко место во Теарце во ништо нема да го промени финалниот исход кој го освоија политичките партии на изборите на 11 декември. Се работи за избирачко место каде што сите политички партии имаат свои поддржувачи и свои стандардни гласови. За да се случи било каква промена во освоените мандати во шестата изборна единица хипотетички би требало сите гласачи да гласаат само за СДСМ, со што би освоиле 400 гласа и би успеале да го променат изборниот резултат. Таква можност се исклучува бидејќи на 11 декември СДСМ освои помалку гласови од коалицијата предводена од ВМРО-ДПМНЕ т.е. околу 80 гласови. Очекувањето за промена на бројот на гласови се сведува на теоријата на фантомски гласови која патем да ве потсетам ја промовираше СДСМ, вели Додовска за Курир.

ВМРО-ДПМНЕ: Мнозинството во ДИК му ја задоволи желбата на Заев за фалсификување на волјата на граѓаните (ВИДЕО)

nikola-todorov-pres-vmro-nov-1

Мнозинството во ДИК му ја задоволи желбата на Заев запролонгирање на кризата и што е уште поопасно за пролонгирање на кризата преку обид за постизборен инженеринг. Преку обид за постизборен инженеринг да се фалсификува волјата на гласачите и волјата на мнозинството. Мнозинството во ДИК одлучи да не верува на јавно дадените искази на сите членови на изборната комисија, кои јавно пред целата македонска јавност изјавија дека ја виделе и констатирале дека Фатиме Сулејмани го искористила своето право на глас и не ` дозволиле тоа да го стори уште еднаш.

Оваа одлука којашто ја донесе мнозинството на ДИК е скандалозна и нема никаква врска со правото ни со правдата. Оваа одлука на мнозинството на ДИК само му помага на Зоран Заев да го исполни својот план за постизборен инженеринг и за фалсификување на волјата на граѓаните, рече членот на ИК на ВМРО-ДПМНЕ, Никола Тодоров на прес-конференцијата што се одржа по прифаќањето на приговорот на Беса.

Тој се осврна на уште еден приговор по којшто треба да одлучува ДИК.

Ова е исто така уште еден скандалозен приговор поднесен од СДСМ. Станува збор за ИМ 2011 во Теарце. Најпрво нè убедуваа дека станувало збор за т.н. бугарски воз. На крајот целата јавност виде дека нема ништо од тоа. Сите се уверија дека нема ништо од бугарски воз. Сепак има можност мнозинството на ДИК да му удоволи на Заев за пролонгирање на кризата и обид за постизборен инженериг.

Се провлекува дека на тоа избирачко место иако не е основан приговото на СДСМ, сепак била нарушена тајноста на гласањето на тоа избирачко место.

Ова воопшто не е точно. Има повеќе избирачки места во Македонија, преку 20, на кои гласал само еден гласач.

Јас ќе се осврнам на само едно тоа е избирачкото место 0640 во Демир Хисар во петата избирачка единица. На ова гласачко место гласал само еден граѓанин. тој еден граѓанин гласал за СДСМ. Целата изборна комисија и сите набљудувачи знаат кој е тој граѓанин, затоа што само еден граѓанин гласал и тој еден граѓанин гласал за СДСМ. Ова е јавен податок и е објавен на официјалната страна на ДИК.

nikola-todorov-pres-vmro-nov

Дали ова значи дека и овдека на ова избирачко место 0640 во Демир Хисар е нарушено тајноста на гласањето? Не. Одговорот е не. Затоа што на овој начин не се нарушува тајноста на гласањето, исто како и во случај кога некој член на избирачкиот одбор помага на некој гласач на кој што му е потребна помош при гласање да гласа. Заради ова избирачките одбори или членовите на избирачките одбори имаат потпишано изјава за чување на тајност на податоци. Тие се должни овие информации кои што ќе ги дознаат кои што се поврзани со гласањето да не ги соопштат на никој. Затоа апелираме до мнозинството на ДИК да не подлегнува под било какви барања на било кого особено не на Заев и на неговите желби за пролонгирање на кризата и за постизборен инжињеринг.

ДИК не смее да биде соучесник во обидот на Заев да направи пост изборен инжињеринг во Република Македонија и да ја фалсификува волјата на граѓаните. Ако мнозинството на ДИК одлучи да биде соучесник во постизборниот инжинеринг преку носење на скандалозни и против законски одлуки за тоа мора да има одговорност. Апелирам до ДИК да работи по закон да ги стави на страна сите други нивни политички ставови и било какви убедувања единствено што треба да прави ДИК е да работи по закон а не по налог на било кого.

Змејковски: Нема да дозволиме фалсификувани избори

narpd-pred-dik-so-zname

Свое обраќање пред насобраните граѓани пред ДИК имаше и Борис Змејковски, кој порача дека нема да се дозволи изборен фалсификат.

-Вие сте сведоци дека не само две години се води тортура, од една единствена кујна на платеници на Република Македонија. Тие го продадоа името. Тие ги створија тешките услови за да влезиме во ЕУ и НАТО. Кој им дозволи да ја менуваат територијалната поделба на Македонија? Ние имаме проба уште еднаш да ги украдат изборите во земјава. Видоа дека народот не им дава поддршка, удрија на полицијата. Нас нè има многу. Ќе се соберат 500 илајади луѓе. Нема да дозволиме фалсификувани избори, рече пред насобраните граѓани Борис Змејковски.

ПРАВЕН ПРЕСЕДАН НА ДИК: Почна реализација на сценариото за кражба на изборите!

dik-cicak

Преку правен преседан во Државната изборна комисија (ДИК), започна реализација на сценариото за кражба на изборите од страна на СДСМ и БЕСА, кои со приговори во чисто албански средини сакаат да ја украдата волјата на мнозинството македонски гласачи.

Надвор од Изборниот закон, ДИК презеде улога и за прв пат побара вештачење, кое е истражна мерка што им стои на располагање на органите на истрагата, каков што не е ДИК.

Денешниот преседан на ДИК во пракса значи дека во иднина секој што излегол да гласа може да се потпише во Избирачкиот список различно од потписот во личната карта и тоа да стане основа за масовни оспорувања на Избирачкиот процес, кој ќе биде блокиран преку илјадници барања за вештачења. Споменатата жена Фатиме Сулејмани имала трага и на прстот и личната карта и фотографијата се поклопувале.

Членот на ДИК, Сашо Срцев по продолжението на седницата на ДИК исто како и дел од неговите колеги реагираше на начинот на која Фатиме Сулејмани била донесена во ДИК, односно без нивно барање туку од страна на претставник на СДСМ, тоа според него покажува дека случајот е претходно подготвуван.

– Начинот на кој беше повикана Фатиме Сулејмани не ми е јасен затоа што кој и кога ја повика и врз основа на која одлука таа дојде овде. Ова е спремна работа однапред, рече Срцев во дебата за понатамошната постапка во случајот.

-Предлагам да ми посочите одредба, бидејќи работиме согласно законот сакам да ми се објасни и врз која основа и одредба од законот ние ќе носиме одлуки. Веќе ако се вештачи, а јас не сум за тоа тука спаѓа и полиграфското вештачење кое го предложи и колешката. За да се дојде на избирачко место основна работа е лична карта и биометриска патна исправа и без тоа не може да се гласа од самиот факт дека треба да се спореди фотографијата која за прв пат се најде во избирачкиот список, како и адресата и не ми е јасно како дошле тие со нејзина лична карта или патна исправа за да гласа. Јас морам да ви упатам дека потписот кој што го дава МВР е сосема различен од оној на хартија, значи тоа е посебна постапка а ние земавме да утврдуваме и цениме потпис. Ве молам прочитајте ја одредбата за да можам да гласам, изјави Сашо Срцов.

Тој потенцираше и дека ДИК направи три повреди.

-За гласање на гласачко место 003961 во изборната единица 6 ДИК направи три повреди: Прво разгледува приговор кој не е потпишан, а кој е точно утврден со правилникот. Второ носи без одлука да се повикуваат одредени лица без одлука на ДИК и третиот прекршок надвор од правилникот законот а тоа е вештачењето, истакна Срцов.

НЕИЗВЕСНО ДО КРАЈОТ: Mожно сценарио на СДСМ, со уважување на приговорите да се направи изборен инжинеринг и да се поништи волјата на граѓаните

dik-sednica-1

Можното сценарио на поразениот СДСМ е на крајот да се уважи еден од приговорите, со кој практично ќе биде поништена волјата на граѓаните.

Досега во ДИК се одлучува според закон и единствено СДСМ ги поддржува неоправданите приговори на БЕСА.  Тоа не ја исклучува можноста на крајот да излезе на површина изборниот инжинеринг со кој ќе се уважи макар и еден приговор, со кој ќе се поништи волјата на граѓаните и ќе се овозможи прегласување и покрај немањето на аргументи.

Засега Комисијата отфрли две пријави на Беса како неоснована. Во моментов Комисијата е на пауза и се чека да се смират страстите седницата да продолжи.  Откако ќе бидат разгледани пријавите на Беса, треба да се разгледуваат и оние на СДСМ. Досега се одбиени две пријави на БЕСА.

Засега е нејасно кога седницата ќе продолжи. Рокот до кога Комисијата треба да донесе одлука истекува денеска.