Галијашевиќ: Намерата на Западот е од Македонија да се направи нова Босна и Херцеговина, поделена на кантони

Galijasevic-Golema-Albanija

Заканите за формирање на големи држави на Б алканот  мора да се сфатат многу сериозно. Најпогодена од намерата за создавање на „Голема Албанија“ во прв момент ќе биде Македонија, а потоа Црна Гора и југот на Србија.

Повиците за големи држави значат отворен судир на Балканот, вели за Телеграф.мк, Џевад Галијашевиќ, политички аналитичар од Босна и Херцеговина и експерт за тероризам.

Според него, сите случувања на Балканот, па и последните во Македонија, се добро смислени и се производ на Западот, кој ги има Албанците за најверен сојузник.

Што се однесува на Македонија, намерата е од земјата да се направи нова Босна и Херцеговина, поделена на кантони. Наивно е да се поверува дека Албанците сами ја туркаат оваа замисла. Најголема поддршка имаат од Германија, која се плаши од руското влијание на Балканот, кое станува сѐ поголемо. Албанците треба да бидат еден вид геополитичка брана – вели Галијашевиќ во разговор за Телеграф.мк.

Според него, сега не е погоден момент да се отвораат прашањата за големи држави, туку регионот треба да се сврти кон решавање на внатрешните работи.Тој е сигурен дека идеите за големи држави на Балканот не се замрени,но оти тоа е многу опасно.

Отворањето на албанското прашање ќе го отвори прашањето на Србите, Хрватите, Бошњаците, а тоа којзнае каде ќе води – додава Галијашевиќ.

Руски „Известија“ предупредува: Во јуни почнува процесот на формирање на Голема Албанија

Vojska-Golema-Albanija

Угледниот руски портал Известија.ру предупредува дека по вонредните избори на 11 јуни во Приштина на власт ќе дојдат екстремни националисти кои сериозно ќе започнат со процесот на формирање на Голема Албанија, а една од најважните функции во новата влада на Косово ќе ја добие воениот злосторник, .

Рускиот портал истакнува дека предизборните истражувања предвидуваат победа на екстремно-националното движење „Самоопределување“ кое отворено се залага за одржување на референдум за соединување на Косово и Албанија.

Како што предвидуваат аналитичарите, наведува Известија, значајна функција на Косово ќе добие и воениот злосторник и лидер на Алијансата за иднина на Косово, Рамуш Харадинај.

Извештајот наведува дека заканите за Голема Албанија биле едена од главните теми во разговорот помеѓу Путин и Александар Вучиќ кој пред 3 дена го имале во Пекинг.

Споменатиот портал објаснува дека партијата „Самоопределување“ е еден од главните фаворити за победа на предвремените избори на Косово и додава дека политичката програма на таа партија содржи и директен повик за соединување на Косово со Албанија и одржувае на референдум за тоа прашање.

– Ако предизборните прогнози се точни, нашата партија ќе победи на изборите и ќе одлучува кој ќе биде новиот премиер. Нашиот главен кандидат е поранешниот претседател на движењето – Албин Курти, изјавил за рускиот портал шефот на прес службата на Самоопределување.

– Падот на владата на Иса Мустафа може да се објасни на само еден начин, а тоа е заради американскиот притисок над косовските албанци и за да ја забрзаат реализацијата на проектот Голема Албанија. Можното враќање на Рамуш Харадинај во политиката значи поагресивни планови на Косово кон односите со Србија и Македонија, изјавил за Известија директорот на Балканскиот центар за меѓународна соработка, Виктор Колбановски.

Српскиот аналитичар пак, Драган Станоевиќ за порталот истакнал дека ослободувањето на Харадинај е поврзано со предверемените извори на Косово.

– Харадинај е воен злосторник и криминалец како и познат заговорник на идејата за Голема Албанија. Поставувањето на такви луѓе на водечки позиции на Косово е најава за почеток на судирите. Впрочем, шефот на албанската заедница во Прешевската долина веќе најави дека овие области ќе се спојат со Косово, истакнал Станоевиќ.

Важно е да се напомене, пишува овој руски портал, дека политичката криза на Косово предизвикува засилување на националните чувства на Албанските жители. Известија заклучува дека реализацијата на проектот Голема Албанија е само почеток на „нова југословенска криза“.

– Западот, поддржувајќи ја Тирана, Приштина и албанските малцинства во земјите од регионот, наскоро би можел да резултира со нови конфронтации, кои би можеле да прераснат во воени судири, заклучува Известија.

Чилиманов: Проектот за голема Албанија може да доведе до долга и крвава борба

Golema-Albanija-na-kamera

Гледаме дека политичкиот ментор на албанската платформа, Еди Рама, зборува за обединување на голема Албанија. Тоа секако дека е опасност, пред с`, за Македонија и секој обид за исполнување на едeн таков проект може да доведе до долга и крвава борба, предупредува Чилиманов

„Исходот на кризата зависи од дејствата што ќе ги преземе СДСМ и неговите албански коалициски партнери. Доколку настојуваат за создавање власт спротивно на законите и на Уставот, протестите ќе продолжат со уште поголема сила. Зависи и од етничките провокации на албанските партии што се во коалиција со СДСМ, а тие постојано поставуваат нови и нови услови. На пример, еден од пратениците, кој беше претепан за време на нередите во Собранието на 27 април, најави дека како градоначалник на етнички мешаниот град Струга ќе тргне многу Македонци од службите во градот, а на нивно место ќе постави Албанци. Ваквите искази предизвикуваат гнев кај народот и ги засилуваат протестите“, вели новинарот и аналитичар Цветин Чилиманов во интервју за бугарската агенција „Монитор“. Во опсежниот разговор, тој, меѓу другото, зборува за политичките случувања во земјата, протестите низ целата република, активностите и влијанието на Џорџ Сорос, мигрантските движења на Балканот…

„Прифаќајќи ја aлбанската платформа, лидерот на СДСМ, Зоран Заев, им вети многу работи на етничките Албанци, кои не можат да бидат исполнети. Тој направи и нешто поопасно – на своите македонски поддржувачи им рече да не се нервираат затоа што од ВМРО-ДПМНЕ ќе го спречат во исполнување на таквите ветувања бидејќи нема да има двотретинско мнозинство во парламентот. Така тој го распали албанскиот национализам, но потоа вели дека нема да ги исполни ветувањата што им ги дал. Тоа лесно може да доведе до политичка радикализација во двата етнички табора, до напрегнатости и инциденти. Гледаме дека политичкиот ментор на aлбанската платформа, Еди Рама, зборува за обединување на голема Албанија. Тоа секако дека е опасност, пред с`, за Македонија и секој обид за исполнување на едeн таков проект може да доведе до долга и крвава борба“, предупредува Чилиманов.

Тој нагласува дека нестабилната ситуација произлегува од фактот што повеќето од етничките Македонци гласаа за ВМРО-ДПМНЕ, но мнозинството е формирано од СДСМ и партиите на Албанците, со што е погазено правилото за коалирање победник со победник. За изборот на Талат Џафери за претседател на Собранието вели дека е незаконски затоа што седницата беше завршена и немаше како да започне нова ниту, пак некој ги броеше гласовите, немаше дебата, на другите партии не им беше дозволено да предложат свој кандидат.

„Протестното движење на граѓанската иницијатива „За заедничка Македонија“ се појави по прогласувањето на албанската платформа – радикален документ напишан во канцеларијата на премиерот Еди Рама. Таа предвидува многу законски и уставни промени за да се регулираат меѓуетничките односи, со што ќе натежне страната на двонационална држава и ќе се намали политичката власт на Македонците и на другите малцински групи на сметка на Албанците. Тоа предизвика гнев кај народот. Може да се каже дека ВМРО-ДПМНЕ го поддржува основното барање на протестантите за нови избори и отфрлање на aлбанската платформа“, вели Чилиманов.

Потсетува дека Џорџ Сорос инвестирал повеќе од 100 милиони евра во македонските невладини организации и медиумски проекти, а во Фондацијата „Отворено општество“ има голем број интелектуалци од комунистичката ера, новинари и соработници на полицијата. Нивните активности се засилуваат секогаш кога на власт е ВМРО-ДПМНЕ.

„Во последните три години мрежата на Сорос е во партнерство со американската амбасада во Скопје и европските дипломати што се лево ориентирани“, предупредува Чилиманов и дополнува дека поради тоа се намалува поддршката на Македонците за членство кон ЕУ и НАТО.

Во однос на мигрантската криза Чилиманов вели дека јасно е дека Сорос, лево ориентираните политичари и невладини организации во Европа се обидуваат да ги држат границите отворени. „За Македонија тоа е безбедносен ризик, како и за цела Европа. Многу малку од бегалците остануваат во Македонија. Тие заминуваат во Германија, Австрија, Франција, Шведска и Велика Британија, со што предизвикуваат длабоки поделби во европскиот политички систем и враќање на национализмот“, нагласува Чилиманов во интервјуто за бугарски „Монитор“.

Извор: Дневник

Колумна на Ирена Радовановиќ: Голема Албанија преку ИД на Балканот?

Irena-Radovanovikj

ЗАПЛАШУВАЊЕ ИЛИ РЕАЛНА ОПАСНОСТ?

Самата појава на Вилијам Вокер на Балканот не мириса на добро. А згора на тоа кога истиот тој Вокер ќе изјави дека работи на обединување на сите Албанци, знајте дека „Дип стејт“ подготвува црно сценарио на овие простори. Дека овде се сака да се поттикне каков било конфликт што ќе овозможи спречување на руското влијание, јасно беше уште пред две години кога рускиот претседател Владимир Путин ја спомна Македонија дека низ неа ќе минува главната траса на „Турскиот тек“. По оваа изјава на Путин, следуваа бомбите на Заев, следуваше шарената револуција, вмешување на странците, обид за тргнување на ВМРО- ДПМНЕ од власта која сега финишира. На политичката криза во Македонија како да ~ нема крај. Македонија долго време ја тресе политички земјотрес со цел таа да го изгуби името, а Македонците идентитетот со помош на локалните потрчковци на западните. Вистинско чудо е како македонските граѓани одолеваат на провокациите и досега ниту имаме братоубиствена граѓанска војна ниту, пак, меѓуетнички конфликт. А од надвор од петни жили посакуваат тоа да ни се случи. Преку војна полесно ќе ја остварат целта. И преку крвопролевање многу е полесно да дојде до реализација на голема Албанија зад која стојат типови како Вилијам Вокер. На разочарување на непријателите на Македонија, нас тука, 2 милиона топтан, ниту ни се војува ниту ни се плаче.
Имајќи предвид дека на просториве се шетаат ликови кои како волци кружат околу пленот Македонија, не може да се исклучи дека една од варијантите како тие да ја остварат целта е вмешување на ИД на Балканот. Не треба да се занемари фактот дека во Македонија, во Kосово, Албанија и БиХ, има многу кои се на боиштата во Сирија или, пак, вратени од таму.

Kако тоа го прави „Дип стејт“ пред две ипол години го објасни Златко Диздаревиќ, новинар и дипломат, кој 35 години бил присутен на Блискиот Исток. Тој тогаш изјави дека со мирна душа и ладна глава може да каже дека ИСИЛ во техничка смисла е производ на западната политика, што, пак, и не е некоја новост ако се каже. Според него, на ИСИЛ не би му наштетиле бомбардирањата како што може да му наштети кога би се тргнало по трагата на парите што ги зема од нафтените полиња во Ирак. Kој тоа го плаќа и транспортира и преку кои банки? Тоа, вели Диздаревиќ, никој не го испитува, а прашањето е зошто? ИСИЛ е организиран фактор за дестабилизирање на Блискиот Исток и растурање на цврстите режими кои не се во интересот на корпоративниот Запад. Тука одамна опозицијата поддржана од странците сака да прикаже дека и Македонија е под режим.

За Диздаревиќ, ИСИЛ е само фарса. Според него, ЦИА има на список со 17.000 луѓе кои учествувале во сите операции на Блискиот Исток, како, на пример, соборувањето на Гадафи и воената операција во Мали, а потоа истите заминале во Сирија.

Прашање е дали и кај нас нема да се појават некакви екстремисти кои ќе сакаат калифат на Балканот, а преку кои, односно преку војна, овој регион толку многу ќе заслабне, што оние од „Дип стејт“ буквално ќе си прават што сакаат. А преку проектот за голема Албанија ќе имаат секогаш сигурни играчи на Балканот и ќе оневозможат да се шири руското влијание. Што поголема голема Албанија, толку подобро и за нив.

Дека ЦИА обучува бунтовници, пред неколку години објави и „Њујорк тајмс“. Во текстот на овој американски весник пишуваше дека ЦИА ги вооружувала бунтовниците во светот (од Ангола преку Никарагва до Kуба) во текот на 67 години колку што постои оваа американска разузнавачка агенција. Но, резултатите од интерното истражување спроведено од ЦИА покажало дека тоа не влијаело на исходот на конфликтите. Навистина чудно, да спроведуваш иста тактика 67 години, а таа да не носи резултати? Или, пак, носи резултати, со тоа што ќе се создаде хаос и проблем кој потоа треба некој да го решава. Одвреме-навреме некој екстремист ќе се закани дека ИД има намера да формира калифат на Балканот. За какви крволочни животни се работи, доволно говорат фотографиите на обезглавените жртви со кои е преплавен интернетот. Дали тие слики некој сака да ги гледа и на Балканот?

Kако и да е, работата не мириса на добро. Тимоти Лес, конгресменот Рорабакер, Хашим Тачи, Еди Рама и сега Вилијам Вокер говорат за прекројување на Балканот, односно создавање голема Албанија. Ако локалното население не е расположено за војување, секогаш ќе се најдат некои борци на ИД кои лесно може да го запалат регионот.

Пишува: Ирена Радовановиќ за Дневник

„Информер“: Албанците му се закануваат на Заев – Ти дадовме пари за голема Албанија, сега направи ја!

Albanci-zakani-Zaev

На албанскиот платеник, лидерот на СДСМ, Зоран Заев, му се закануваат неговите финансиери, пишува Информер.рс.

Според Информер, Албанците од Швајцарија, од кои Заев зел пари за да со Албанците направи коалиција и да ја прифати тиранската платформа, му се закануваат со хаос, доколку, според договорот не направи република Илирида во Македонија.

Како што се наведува, албанската дијаспора, која му дала големи пари на Заев за време на кампањата минатата година, се надевала дека веднаш после изборите, во декември 2016 година нивната влада ќе биде формирана.

Тие очекувале дека досега ќе биде спроведен барем дел од тиранската платформа, односно дека албанскиот јазик ќе се изденачи со македонскиот, дека ќе се смени грбот и знамето на земјата.

Меѓутоа Албанците не сметале на побуна на Македонците, поради што Заев не успеа да состави влада досега, па станале нервозни. Доказ за тоа е пораката која извесен Агрон Џафери од Швајцарија ја испрати на државниот секретар на СДСМ и најблизок соработник на Заев,Оливер Спасовски.

-Оливер, ти и Заев треба да ја кажете вистината во парламентот за она што се договоривме. Што треба сега ние Албанците да чекаме вие од СДСМ да кажете? Доаѓавте во Швајцарија да молите за коалиција, а сега се правите будали. Лажете на телевизија, па сакате и нас Албанците да не лажете. Ги прифативте точките од декларацијата за да имате мнозинство во собранието, што е сега проблем?Мислите дека ако ги лажете Македонците, можете и нас Албанците. Мислите дека ние Албанците од Швајцарија имаме пари да даваме на Заев, за да не лаже? Ајде кажете во парламентот што треба, за да не дојдеме пак во Куманово. Да живее Илирида – гласи пораката која ја добил Спасовски.

„Обзервер“: Прекројување на границите на Балканот – Македонија ќе го изгуби северозападниот дел

John-Schindler

Мешањето на Русија во случувањата на Балканот може да ги внесе сиромашните членови на заедницата преку работ, што ја загрозува цела југоисточна Европа, а Западот мора да ја поправи штетата која ја нанесе за време на распадот на Југославија, оценува американскиот експерт за безбедност и поранешен аналитичар на Националната безбедносна агенција НСА, Џон Шиндлер.

Колумнистот на њујоршкиот „Обзервер“ пишува дека НАТО мора да и помогне на југоисточна Европа од агресивни потези, како на пример обидот за државен удар во Црна Гора пред неколку месеци и укажува на опасност од кризата во Македонија.

-Ширум поранешна Југославија, НАТО и ЕУ инсистираа за зачувување на внатрешните граници на пропаднатиот комунистички режим, иако тие претставуваат бирократски хир на комунистичките функционери, а не етничка реалност, наведува Шиндлер и оценува дека таквиот пристап бил осуден на пропаст.

Тој смета дека Јосип Броз Тито ја држел Југославија „со комбинација на харизма, политички талент и многу непријатна тајна полиција“, што не го поседуваат ниту НАТО, ниту ЕУ.

-Дојде време Западот да го признае својот неуспех и на југоистична Европа да и го даде она што навистина и е потребно, нормални држаци – нации со кохерентни граници, пишува Шиндлер и додава дека за тоа е потребно да се преправи мапата на Тито.

Тој ја опишува БиХ како „псевдо-држава која никогаш не заздравила од катастрофата која траеше од 1992 до 1995 година“ и додава дека „милијарди долари западна помош исчезнале благодарение на големата корупција и криминал“.

-Република Српска нека и се придружи на Србија, како што одамна сака, пишува Шиндлер и напоменува дека никој не може да објасни рационално зошто границите на Србија од времето на комунизмот може да се менуваат, а на БиХ не може.

Колумнистот на „Обзервер“ наведува дека на етничките Хрвати од западна Херцеговина треба да им се дозволи да се приклучат кон Хрватска и потсетува дека поголемиот број на локални Хрвати веќе имаат хрватски пасоши.

Шиндлер смета дека на останатиот дел од БиХ треба да и се овозможи да оди по својот пат и по забрзана постапка да биде примена во НАТО и ЕУ.

-Западот мора да се откаже од фантазијата дека долгорочен мир на Балканот може да биде постигнат со изолирање на Србија, наведува колумнистот напоменувајќи дека Белград треба да направи компромиси и да го признае Косово како независна држава.

Според Шиндлер „Голема Албанија доаѓа во секој случај“ и „подобро е тоа да се постигне под мирни услови.“.

Тој смета дека на Косово треба да му се дозволи да се соедини со Албанија, додека на Србија треба да и припадне регионот на северна Митровица, а на Косово Прешевската долина. Колумнистот наведува дека српските верски локации во Косово треба да бидат ставени под заштита на ОН и прогласени за екстратериторијални.

Шиндлер вели дека најголема загуба во прекројувањето на мапата на Балканот ќе има Македонија и дека Скопје, во замена за губењето на северозападниот дел од земјата кој е повеќе населен со Албанци, треба пред сите да добие покана за членство во ЕУ и несебична помош од Западот.

Колумнистот на „Обзервер“ оценува дека Путин на Балканот моментално се обидува да предизвика проблеми, но дека од Москва може да се очекува соработка во размена на териториите на Балканот доколку Кремљ биде третиран како рамноправен партнер.

-Дури кога Западот ќе прифати дека народите во југоисточна Европа може да постигнат мир, тогаш кога ќе живеат во кохерентни нации – држави како Германија, Полска, Данска, тогаш може да очекуваме дека Балканот ќе се смири и дека ќе почне да ги решава сериозните проблеми како сиромаштија, криминал и корупција кои се провлекуваат уште од Југославија и нејзиниот насилен распад, заклучува Шиндлер.

РЕГИОНОТ ЗОВРИВА: Етничкиот оган се потпалува, се буди митот за „Голема Албанија“

Navivaci-transparenti-Golema-Albanija

За Албанците во овој момент најзначајна е Македонија и затоа се постави на маса прашањето со тиранската платформа. Таа е отворена закана за стабилноста на Македонија и за нејзината унитарност, вели Џевад Галијашевиќ за Телеграф.мк

„Голема Албанија“ е реална опасност или мит? Познавачите на состојбите на Балканот различно го толкуваат ова прашање, но се согласуваат дека Балканот полека зоврива. Политичари од регионот веќе отворено прекројуваат граници и повикуваат на соединување. Според експертите, граѓаните со право се загрижени бидејќи сеќавањата од војни сѐ уште се свежи и оти е потребно да се апелира на смирување на тензиите, а не на нивно потпалување.

Џевад Галијашевиќ, експерт од Босна и Херцеговина, смета дека заканите за формирање „Голема Албанија“ треба да се сфатат сериозно и дека ова првенствено е насочено кон дестабилизација на Македонија, а подоцна и кон другите држави од регионот. Според него, изјавите на Еди Рама воопшто не се случајни.

Dzevad-Galijasevic

За Албанците во овој момент најзначајна е Македонија и затоа се постави на маса прашањето со тиранската платформа. Таа е отворена закана за стабилноста на Македонија и за нејзината унитарност. Откако ќе ја постигнат таа цел, Албанците во втората фаза ќе се свртат кон југот на Србија и кон Улцињ во Црна Гора. Секако, откако претходно ќе се „ослободат“ од Србите на северот на Косово – нагласува Галијашевиќ за Телеграф.мк.

Покрај премиерот на Албанија, со провокативните изјави се истакна и министерот за надворешни работи Бушати, но и локалните власти во Бујановац, општина на југот на Србија. Рама не ја исклучи можноста Албанија да се соедини со Косово, додека пак Јонуз Муслију го додаде Ниш како дел од „Голема Албанија“.

Дека идеите  за големи држави не се мртви се покажа и пред неколку дена кога на фудбалски натпревар среде Скопје беше пуштен дрон со знамето на „Голема Албанија“ и идејните творци, Иса Болетини и Исмалил Џемаили.

Zname-golema-Albanija-na-dron-vo-Cair

Тоа го потврдува и последниот извештај на ЦИА за Балканот. Во него се наведува дека Албанците планираат да ги нападнат Србија, Македонија и Црна Гора, а Хрватите заедно со Бошњаците ќе ја заземат Република Српска. ЦИА уште предупредува дека ако не се спречат екстремните идеи и проекти, Балканот би може да стане нов генератор за глобална нестабилност.

Golema-Albanija

Со ваквите тврдења не се согласува Бљерим Бечај, политички аналитичар и професор од Приштина. Според него, „Голема Албанија“ повеќе е мит отколку реална опасност.

- Ваквите приказни ги измислуваат неспособните политичари од регионот кои на таков начин сакаат да ги прикријат сопствените слабости и неможноста да ги спроведат реформите што ги бара Европската Унија. Со таквите изјави политичарите сакаат да дојдат или да останат на власт. Физичко обединување нема да има, тоа е мит. Сите заедно ќе бидеме дел од една голема заедница каква што е Европската Унија – смета Бечај.

Драматично предупредување на ЦИА: На Балканот му се заканува крвава војна

UCK-Albanci

Во наредните 12 месеци НАТО пактот на Балканот би можел да се распадне со што во регионот ќе дојде до крвава војна – сите против сите.

Ова драматично предупредување се наведува во строго доверливиот извештај на американската шпионска агенција ЦИА кој минатата недела е доставен до амбасадата на САД во Белград.

Како што се наведува во извештајот, американските агенти дошле до доверливи информации дека Албанците сериозно планираат да го реализираат проектот „Голема Албанија“ и дека се спремаат за координиран напад на Србија , Македонија и Црна Гора.

Аналитичарите на ЦИА проценуваат дека напад на албанските екстремисти на Србија, Хрватите и Бошњаците сосема сигурно ќе го искористат за агресијата на Република Српска, со што неминовно би предизвикало интревенција на Русија и праќање на ново модерно оружје на Србите.

ЦИА исто така проценува дека во случај на општа балканска војна прдршка на Србија ќе и даде Грција на која исто така е под заканува од проектот „Голема Албанија“ но и на Бугарија. Ако не се запрат екстремните идеи и проекти, Балканот би можел да стане нов генератор за глобална нестабилност – се предупредува во извештајот.

– Проценката на ЦИА за која вие зборувате е сосема можна. Јасно е дека албанските лидери сакаат да ја искористат кризата во Македонија, од каде што соссема сигурно ќе тргне дестабилизацијата на Балканот. Причините за зајакнати активности на сепаратистите се јасен негативен став за НАТО за војска на Косово, но проценката дека дијалогот Белград-Приштина го забавува и загрозува т.н. „големоалбански сон“. На Албанците им се брза и тие преземаа мерки да во конечниот вооружен конфликт се изборат за своја цел – вели Миомир Стојановиќ. бивш шеф на БИА.

ПРОВОКАЦИЈА ВО ЧАИР: Дрон со знаме на голема Албанија леташе на дуелот Шкупи – Вардар (ФОТО)

Zname-golema-Albanija-na-dron-vo-Cair

Дрон со знаме на голема Албанија се појави на дуелот меѓу Вардар и Шкупи кој денеска се игра на стадионот во скопски Чаир. Дронот леташе над стадионот, во близина на околните згради кои се непосредно до стадионот. Тоа се случуваше на средината од првото полувреме.

Додека леташе знамето, навивачите на Шкупи со овации го поздравуваа, додека навивачите на Вардар упатија свирежи.

Сепак, поради силниот ветер, дронот сосе знамето одлета во крошните на дрвјата и се заглави.

Дуелот засега е во корист на Вардар. Во 20. минута Џонатан Балотели постигна гол за водство на Вардар од 1:0.

Инцидент со слично сценарио се случи пред неколку години во Србија, кога на дуелот со Албанија на стандионот во Белград слета дрон со истото знаме на голема Албанија.

ЗОШТО ЗАПАДОТ ГО ШТИТИ СВОЕТО МИЛЕНИЧЕ: Еди Рама ќе прави голема Албанија – НАТО и ЕУ ни да писнат

Rama-Ilirida-EU-NATO

Откако албанскиот премиер, Еди Рама, лидер на Социјалистичката партија, ја фрли регионалната политичка нуклеарна бомба наречена „тиранска платформа“, ниту еден официјален претставник на Брисел тој дестабилизирачки потег уште го нема осудено. Всушност, Брисел одбра да го штити своето милениче, кое германската канцеларка Ангела Меркел го промовира како свој патрон на Западен Балкан.

Својата заштитничка улога кон ликот и делото на Рама ЕУ ја продолжи и во 45-те дена опозициска револуција во Албанија, предводена од лидерот на демократите Љуљзим Баша, кој го крена гласот против корупцијата и за тоа го обвини токму премиерот Рама. Изминатите денови во Тирана се изнаредија од ред до ред важни европски политички фаци: Германецот Зигмар Габриел, министер за надворешни работи од редовите на СПД, потоа неговиот холандски колега Берт Kоендерс, шефицата на европската дипломатија, Федрика Могерини, Kнут Флекенштајн, европарламентарец од германската СПД…Дел од нив беа и во Скопје. Но, за разлика од скопската мисија, кога како за главен виновник за политичката криза го прогласија претседателот Иванов и ВМРО-ДПМНЕ како партија која не ги почитува демократските вредности, главната порака по средбите во Тирана е дека опозицијата треба да се врати во парламентот, дека таму е местото за решавање на проблемите, а не на улица.

Но, проблемот е што ЕУ не сака да види дека за танго се потребни двајца, па така не најде зборови за осуда или барем предупредување до Рама. Проблемот во Албанија е што опозицијата не се ни пријави за парламентарните избори во јуни, иако поминаа сите рокови, па тоа би значело дека сегашниот премиер би одел на избори сам. Дали и на ова Европа ќе затвори очи? Дипломатски извори велат дека е очигледно оти Еди Рама ја има поддршката од ЕУ, но тие сметаат дека клучна ќе биде реакцијата на Америка, „која до сега на чуден начин ја нема“.

Америка не се огласи ни откако неодамна Рама ја фрли втората политичка нуклеарка, кога за левичарскиот „Политико“ во интервју кажа дека не може да исклучи обединување меѓу Албанија и Kосово. Ако се земе предвид и тиранската платформа, во која се заговара федерализација на Македонија, никој не бил појасен во барањето создавање голема Албанија од сегашниот албански премиер.

Официјални реакции од Брисел (ЕУ и НАТО) нема, туку само реакција и тоа на новинарски прашања главно од српски новинари. Така, на барање на „Блиц“ да ја коментира изјавата на Рама за обединување на Kосово и Албанија, портпаролката на ЕK, Маја Kоцијанчич изјавила: „Соработката со сите мора да биде рамноправна и најбитно е да се одржат добрососедските односи“. Значи, никаква осуда, а уште помалку закани со воведување какви било санкции (за политичарите од македонската десница веќе се највени санкции од ЕУ) кон Рама заради неговиот вербален напад кој беше многу добро спакуван во интервјуто. Тој таму вели дека спојувањето меѓу Албанија и Kосово ќе биде реакција ако пропаднат европските перспективи за регионот, односно го става целиот регион на маса, а всушност во заднина ја истакнува ултимативната цел. Рама нагласува дека таа цел за една држава е на националистите, но ако земјата нема ЕУ-перспектива и нему не му останува ништо друго, туку да тргне кон остварување на таа цел, како една „отворена опција“.

– Никој не сака да бара мали сојузи, сите сакаат во големата унија. Но, ако нема надеж, нема перспектива, нема место, тогаш, секако, малите сојузи можат да се случат – објасни Рама.

На ваквиот остар тон од Тирана не реагираше ниту НАТО, каде што членка е Албанија, туку „некој претставник“ за српската агенција „Бета“ изјавил дека „НАТО е загрижен заради најновото влошување на безбедносните состојби на Западен Балкан“ и ставил до знаење дека „силно ги охрабрува лидерите во регионот да бидат на висината на своите одговорности и да продолжат на патот на дијалог и помирување“. Тој извор притоа нагласил дека НАТО и другите од меѓународната заедница имаат улога на давање поддршка, но оти решавањето на проблемите во регионот мора да се најде внатре во самиот Западен Балкан“. Секој аналитичар ќе се согласи дека изјави во кои отворено се најавува менување на границите, а тоа значи и можности за вооружени конфликти, изјавата која е провоцирана, а не е реакција, е премногу млака.

-Дали вашето молчење е знак на одобрување? – праша српскиот вицепремиер и министер за надворешни работи Ивица Дачиќ, кој рече дека изјавата на Рама е уште една потврда дека создавањето голема Албанија е заедничка платформа на сите Албанци.

Тој притоа ја праша меѓународната заедница како таа ќе реагирала доколку Вучиќ рекол оти е можно обеднување на Србија и Република Српска доколку не влезат во ЕУ.

– Сигурен сум дека сите ќе се согласеа и ќе речеа дека Србија го загрозува мирот. Затоа ги прашувам ЕУ, САД, Велика Британија и другите до кога ќе молчат кога некој ја загрозува Србија. Или молењето е знак на одобрување – прашува Дачиќ.

АНАЛИЗА НА „АМЕРИKАН СПЕKТАТОР“

До кога Америка ќе ја толерира Соросовата мрежа во Албанија?

„Американ спектатор“ во специјалната анализа за Албанија, за парите што ги добива од канабисот и за активностите на Сорос завчера објави нова анализа под наслов „До кога САД ќе ја поддржуваат социјалистичката мрежа во уметнички криминалната Албанија“. Очигледно дека авторот на анализата намерно го вметнал зборот „уметничка“ знаејќи дека премиерот Рама е сликар, кој откако стана премиер стана и познат сликар со изложби во Њујорк или во Хонг Kонг. И покрај тоа што по изборната победа на Трамп, Рама изјави дека „тоа ќе ~ наштети на Америка и на светот“, тој и понатаму користи голема американска помош преку програмите на УСАИД, наведува аналитчарот Виктор Гаетан. „Тој дури манипулира и со добранамерната американска амбасада, иако земјата ја носи кон дното додека од друга страна предизвикува хаос во соседна Македонја – наведува Гаетан.

Авторот на анализата го цитира професорот од Универзитетот во Њујорк, Шинаси Рама, кој не е во роднински врски со премиерот, кој потврдува:„Албанија тотално и целосно е корумпирана, криминална до коска, една мафијашка држава“. Професорот смета дека во последните 25 години албанската држава е пропаднат проект, експериментално глувче, а тука пред с` се мисли на дејанијата на администрацијата на Бил Kлинон и на Барак Обама.

Пишува: Христо Ивановски за Дневник