Тимоти Лес не отстапува: Голема Албанија, Голема Србија и Голема Хрватска со поделба на Македонија како решение за Балканот

timoti-les

Тимоти Лес, поранешен политички секретар во амбасадата на Обединетото Kралство во Скопје, и натаму предизвикува внимание во јавноста откако ја објави својата анализа во „Фореин полиси“, во која заговара формирање голема Србија, Хрватска и Албанија, пишува Дневник.

Притоа за Македонија тој го препорачува рецептот албанското малцинство да добие форма на независност, односно федерализација, а потоа спојување со матичната држава Албанија. Тоа што особено ги запали страстите на Балканот е што се смета дека преку него, всушност, Велика Британија го подготвува теренот за ваква политика.

Лес, кој сега ја раководи агенцијата „Нова Европа“, вели дека во прекројувањето на границите има три сценарија. Прво и најдобро би било за регионот да решат Велика Британија, Германија, Франција, Русија и Турција со надворешна помош на САД. Што за ова мислат народите чија судбина би требало да ја кројат големите сили, овој бивш политички британски секретар не го интересира. Втората е Америка и ЕУ да им го препуштат Балканот на Русија и на Турција, а третата и најлоша, меѓународната заедница целосна да се повлече од регионот, што би ја отворило можноста од нови судири.

Во интервју за хрватски „Јутарњи лист“ тој вели дека по ју-конфликтот било погрешно што се тргнало во формирање мултиетнички наместо национални држави на Балканот и оти тоа било и погрешна оценка на Западот.

– На Балканот нема услови за создавање успешни мултиетнички држави во кои тамошните граѓани, без разлика на националноста, би имале еднакви права, сигурност и економски можности. Тоа е регион во кој постои недостиг од демократска традиција и уставен либерализам, кој на малцинствата им дава самодоверба и доверба во институциите на државата – вели Лес.

Тој притоа истакнува дека „Западот не е во состојба да ги спречи малцинските народи во обидите да се поврзат со матичните држави“. „Босанските Срби одржаа референдум за Дејтон со поддршка на Русија, а од Западот немаше посериозна реакција“, вели поранешниот политички секретар во британската амбасада во Скопје.

Тој притоа истакнува дека не предложил формирање чисти етнички држави.

„Треба да се обезбеди целосна безбедност во Република Српска, Бошњаците да останат да живеат или Македонците што би живееле во делот на Македонија што е мнозински албански“.

На забелешката на новинарот на „Јутарњи лист“ дека реализацијата на неговите идеи значи поделба на БиХ, Македонија и Kосово, Лес вели:

– Тие држави и онака се де факто поделени, така што поделбата што ја спомнувате не е условена со реализација на моите идеи. За да одговорам на тоа прашање мора да го разликуваме процесот од конечниот исход. Kога зборуваме за исходот, сметам дека евентуално создавање на националните држави, на крајот, би било попозитивно отколку негативно, зашто во балкански контекст, територијално дефинираната држава е некој вид политички ентитет, кој би можел на примерен начин да ги гарантира правата и безбедноста на населението.

Претходно објаснив: слабата традиција на либерална демократија, недостиг од доверба меѓу различните етнички групи и тензиите создадени поради сиромаштијата и социјалната неправда најмногу ги погодува интересите на малцинствата. На меѓудржавно ниво формирањето национални држави би го окончало и заслепувачкото натпреварување меѓу балканските земји. Погледнете, односите меѓу Србија и Хрватска, Србија и Албанија или меѓу Албанија и Грција се функционални и ниту една од тие земји на претендира на територии од другата држава, а населението не се плаши дека ќе почне војна. За разлика од тоа малцинските народи во Босна, Македонија, на Kосово чувствуваат несигурност. Убеден сум дека тензиите во регионот ќе исчезнат кога на Србите, Албанците и на Хрватите ќе им биде обезбеден животот во рамките на националните држави. Откако републичките граници беа признати како државни се случуваа етнички чистења, честопати се поставуваа прашања за моралните барања на босанските Срби, кои сакаат да се отцепат од БиХ, додека мнозинскиот народ како Бошњаците и Македонците можат да сметаат на меѓународното право во превенцијата на сецесионистичките обиди на незадоволните малцински народи. Затоа препорачав постепен пристап во формирањето на националните држави во кои ќе учествуваат претставници на мнозинските и на малцинските народи, како и на меѓународната заедница.

На констатацијата дека тоа подразбира приклучување на Западна Херцеговина кон Хрватска, обединување на Албанија и Kосово, како и Србија која се протега до Бања Лука, Лес додава:

– Речиси така. Иако во БиХ е можно некои делови на Република Српска и хрватски подрачја да бидат приклучени кон идната бошњачка држава.

МАКЕДОНИЈА, БИХ И KОСОВО ЦЕЛОСНО ДИСФУНКЦИОНАЛНИ ДРЖАВИ

Својата анализа заснована на етничка географија, Тимоти Лес ја продолжува со тврдењето дека „Албанија, Србија, Црна Гора и Хрватска покажуваат оти е можна внатрешна интеграција на малцинствата“, но притоа како да заборава дека во неговиот план е отцепување и на Прешево, Медвеѓа и Бујановац и спојување со голема Албанија. Затоа, пак, вели дека „во Босна, Македонија и на Kосово постојат незадоволни национални малцинства на етнички хомогени подрачја чии стремежи предизвикуваат перманентни тензии…, а сите три држави се целосно дисфункционални“.

 

ОД ИДЕЈА ДО РЕАЛИЗАЦИЈА: Ова е картата по која Заев сака да ја федерализира Македонија

zaev-karta-golema-albanija

Нешто чудно се случува на Балканот: албански дипломати во Грција фатени со документи и памфлети кои заговараат голема Албанија; Заев најавува кантони, федерализација и двојазичност; Радикалната албанска емиграција со отворена поддршка на СДСМ и Заев; Во Тирана на мала врата се формира „Голема Албанија“ преку „Унија на албански општини во регионот“

karta-golema-albanija-1

Грчките медиуми ја објавија мапата според која лидерот на СДСМ, Зоран Заев, партнерски со Албанците од регионот сака да ја кантонизира Македонија. Во службено возило на Албанската амбасада во Атина, на почетокот од месецов, грчките власти пронашле документ со кој се заговара стратегијата за создавање на голема Албанија. Во прилог на документот пронајдени се и мапи, на кои може да се забележи дека стратегијата на Албанците е покрај делови од Грција да се најде и скоро половина од Македонија, вклучително со Куманово и Скопје.

Во багажникот на автомобилот на албанските дипломати, грчките власти пронашле пропагандни материјали, памфлети и книги кои требало да се делат на албанските студенти во Грција. Најдени се илјадници памфлети кои заговараат „Голема Албанија“. Дипломатите се уапсени и против нив се води судски процес.

karta-golema-albanija-2

Безбедносните служби на Грција се во паника поради овие откритија, а медиумите ги објавуваат скорешните изјави на самопрогласениот претседател на Илирида, Фасим Лато, кој вели дека во фаза е формирање на армија на Албанците од Албанија, Косово, Македонија, Црна Гора и Грција.

Едно село, еден кантон: „Голема Албанија“ е програмска водилка за Заев и СДСМ

И додека Грција ги апси оние кои ја заговараат идејата за „Голема Албанија“, во Македонија покрај тоа што тие слободно се шетаат, ја уживаат и поддршката на најголемата опозициска партија и нејзиниот лидер Зоран Заев.

Пред само една недела Заев говорејќи пред албанската дијаспора во Швајцарија заговараше двојазичност и федерализација на Македонија по скоро истата мапа. Моментот кој во изминатиот период не го забележавме е дека Заев сака да даде автономија на секое албанско село.
-Првиот чекор што мора да го направиме е да направиме уште поголема децентрализација, да ги создадеме регионите. Треба да бидеме растеретени дали има некоја делба по проценти или математики, не. Гледам овде во Швајцарија едно село е кантон и тоа село си одлучува за самото село – рече Заев пред албанската дијаспора.

karta-golema-albanija-zname

Македонските медиуми објавија факти дека СДСМ, всушност, ја украле програмата од српската партија ДВЕРИ, која важи за екстремно десничарска и е голем непријател на големоалбанските тенденции. Она што СДСМ не го украде од ДВЕРИ е идејата за кантонизација која, без да кршат авторските права на српската партија – јасно презентирана на страницата 164 од нивната програма:

-Ќе воведеме политички општини со различни надлежности, во зависност од големината и изградените капацитети и моќта да генерираат сопствени приходи, или со поделба на надлежностите на задолжителни и изборни – стои во Програмата на опозицијата.

СДСМ предвидува трансферирање на дел од надлежностите на полицијата околу одржување на јавниот ред и мир и сообраќајот од централната на локалната власт. Со други зборови, Заев заговара формирање на локални полиции во Тетово, Гостивар, Дебар, Кичево, Струга, Липково и Арачиново.

Според експертската јавност во Македонија, овие програмски политики на СДСМ и Заев, нужно водат до разнебитување на Македонија. Фазите се следни: ќе почне со кантонизација, ќе продолжи со федерализација, ќе заврши со отцепување на деловите од Македонија каде што живеат Албанци.

-Дводомен парламент, кантонизација, на балканските простори, познавајќи ја блиската историја – водат кон физичка поделба на државата. Господинот Зоран Заев треба да биде свесен и да му биде јасно дека со ваквите изјави и со оваа политика која ја спроведува, тој гази низ сите оние жртви кои низ историјата го дале својот живот за Македонија. И на крајот, гази врз луѓето и семејствата кои се завија во црно во 2001 година, кои се бореа за да не се случува токму тоа што го нуди господинот Заев – вели историчарот Никола Србов, кој го анализира историскиот контекст на обидите за федерализација на државата.

Најекстремните албански елементи со поддршка на Заев

Претседателот на албанската емиграција од Македонија, Муса Љамалари, во вчерашното интервју за “Вечер” ги откри своите врски со лидерот на СДСМ Зоран Заев и нивната заедничка борба за двојазичност и федерализација на Македонија. Љамалари и Заев се сретнале неколкупати, ги усогласиле своите ставови и заеднички припремале стратегија на делување.
-Јас ја гледам Македонија, за подобро и за тебе и за мене да го има тој белгиски модел на федерализација. Германија е федерална држава, Швајцарија е кантонизирана, во Ирска има регионализација. Сега мислам дека тука е подобро да се федерализира за сите да влеземе со некои вредности – рече Љамалари во интервјуто за „Вечер“.

Претходно, лидерот на албанската дијаспора на социјалните мрежи се закануваше дека доколку не победи Заев, изборите ќе бидат прекинати.

-Овој ја има најтешката задача. Овој има благослов од господ. Ќе победи убедливо!!! Доколку не победи, изборите ќе бидат прекинати!! Ви кажувам со време!! Да живее СДСМ – напиша Љамалари објавувајќи фотографија од Зоран Заев, човекот за кој тој јавно вели дека е спасител (месија) на Албанците.

Мала врата за „Голема Албанија“

Дека пронајдените документи кај албанските дипломати, поддршката на СДСМ од албанската емиграција, ветувањата за федерализација, и албанските знамиња на митинзите на СДСМ не се случајност – потврдува и Унијата на албански општини која беше формирана во Тирана.
Ваквата унија која беше формирана на голем државен празник во Албанија, според балканските медиуми е увертира на формирањето на„Голема Албанија“. Покрај Тирана, во оваа унија влегоа и Тетово, Приштина, Улцињ и Прешево кои важат за главни градови на Албанците во Македонија, Косово, Црна Гора и Србија – сите градови дел од идејата за „Голема Албанија“.
Македонски претставник во “Голема Албанија” беше градоначалничката на Тетово, Теута Арифи, која го потпиша овој договор.

На сите митинзи албански знамиња

karta-golema-albanija-vesnik

Албанските знамиња станаа неизбежен декор од сите митинзи на опозициската СДСМ. Во скоро сите градови во Македонија, дури и во градовите каде што скоро и да не живеат Албанци како Прилеп, Велес, Кавадарци, Македонска Каменица се појавуваат албански знамиња кои ги веат активистите на СДСМ.

Последен е примерот со Ѓорче Петров каде на 26-ти месецов се развеаја албански знамиња во Домот на културата.

Таму каде што не веат знамиња, создаваат провокации. Членови на СДСМ вчера во Гостивар се обиделе да предизвикаат инцидент – со албански знамиња во рацете членовите на СДСМ се обиделе да се уфрлат на митингот на ВМРО-ДПМНЕ и Коалицијата „За подобра Македонија“ и да провоцираат.

Според присутните на митингот, ова е одраз на силен кукавичлак и нема да дозволат да бидат испровоцирани.

– Вечерва со нас овде по гостиварските улици имаме членови на СДСМ кои се со албански знамиња. Да ги поздравиме, сакаат провокации, немири, но тоа како поминува времето е одраз на силен кукавичлак. Знаат дека на 11 декември со силен и драматичен удар ВМРО-ДПМНЕ ќе ги порази, истакна Валентина Божиновска која е презентер на митинзите на владејачката партија.

Заев ја отвори пандорината кутија: Во Тирана на мала врата формирана „Голема Албанија“

zaev-so-kece

Планот на Зоран Заев за кантонизација ја отвори пандорината кутија. Овој план од ден да ден делува се пореално со оглед на тоа што во Тирана е формирана Унија на албански општини во регионот. Ова претставува увертира во планот за кој се залага и Заев, а тоа е формирање на Голема Албанија.

Во Тирана на мала врата формирана „Голема Албанија“. По  повод обележувањето на независноста на Албанија и Денот на албанското знаме во Тирана е формирана Унија на албански општини во регионот.

Во Унијата покрај Тирана, влегуваат и Приштина, Тетово, Улцињ и Прешево.

tirana-golema-albanija

Како што пренесува Топ Канал од Приштина и МИА, поврзувањето на овие 5 општини има за цел да се утврдат механизмите за меѓусебна соработка, во делот на урбанизмот, животната средина, културата, инвестициите.

Договрото за соработка го потпишале градоначалникот на Тирана Ерол Вељак, на Приштина Шпенд Ахмети, на Тетово Теута Арифи, на Улцињ Назив Чунг и на Прешево Шчиприм Арифи.

Каде е овде Македонија?

Лидерот на опозицијата Зоран Заев, пред неколку недели во Швајцарија во сала преполна Албанци најави дека треба да се отвори прашањето за Рамковниот договор, и повеќе од тоа, да се оди преку него.

-Охридскиот рамковен договор не е договор. Мора да одиме преку Охридскиот рамковен договор, оти тој е рамка некоја. Зошто во 21- век, 25 години независна Македонија да има рамки на ограничување. Не, ќе веруваме во еднаквоста и рамноправноста и ќе му помогнам на мојот сограѓанин Албанец, вели Заев.

Според ветувањето на Заев, идната федерализација или кантонизација на државата, чиешто име дополнително ќе се одредува, има три фази, кои етапно ќе се воведуваат во следните неколку години.

Прва фаза

Со првата фаза е опфатена воведување на целосна двојазичност на целата теротироија на државата. Односно употреба на албанскиот јазик како официјален јазик, пред сѐ во безбедносниот сектор и во институциите, во полицијата и во армијата.

Обраќањето на Заев пред албанската дијаспора во Берн предизвика лавина од реакции кај македонската јавност. Заев и пред албанската дијаспора отворено говори за еднаквоста при употреба на јазиците, односно воведување на двојазичност на целата територија на Република Македонија.

Втора фаза

Во втората фаза е предвидено поделба на државата по федерални единици, кантони, односно развивање на општините во „понапреден систем на самоуправување“. Во оваа фаза би требало да се одвива и административно поврзување на федералните единици.

Трета фаза

Третата фаза од распадот на државата е отцепување на делови преку локани референдуми на шесте кантони и нивно припојување кон соседни држави. Намерата на Заев, не е нова, тој го подготвува теренот за ова сценарио подолго време.

Дека ова не се само паушални изјави на политичар, говори и фактот што ова што сега се случува е планирано подолг временски период и е создавана подолго време. Ако се потсетиме на изјавите на Љубомир Фрчковски, кој беше кандидат на СДСМ за претседател, кој јавно кој ја промовираше визијата за премиер Албанец.

Претставникот на албанската дијаспора, Муса Љамалари, веднаш по средбата со Заев дека нивна најголема заложба е федерализација на Македонија и дека за тоа разговарале и договарале со Заев.

-Сите знаат дека јас се залагам за федерализација на Македонија, се разбира, тоа не го кријам, имав средба со Заев, му ја искажав поддршката, а гледајте потоа, овие новите албански партии се приклучија на протестите, рече Љамалари.

Неговите медиумски мегафони пак и пишуваа и ја поддржуваа идеја за федерализација. Героски неодамна пишуваше дека е време да се разговара за деталите како да се федерализира Македонија споменувајќи кантонални влади, посебни полиции и судови комплетно ставајќи се на страната на албанските радикалисти.

geroski-federalizacija

-Имено, тврдам дека прашањето за обликот на уредувањето на заедничката држава не е целосно исцрпено со Охридскиот договор и со Уставот и дека сосема е можно во периодот што претстои идеите за федерално уредување да се наметнат како многу сериозен предизвик за  сите. Знам дека ова звучи без малку како ерес, но тоа е поради погрешното мислење дека  Охридскиот договор одлучно и темелно го затвора тоа крупно прашање, кое беше актуелно во  првата деценија од македонската самостојност и поради кое во почетокот на втората деценија  се водеше неколкумесечна валкана војна, пишуваше Героски.

Покрај сето горе споменато, СДСМ веќе идејата за двојазичност, која како крајна цел би донела федерализација, ја запиша и во својата изборна програма, па на еден „демократски“ начин и ја сервира федерализацијата на граѓаните на Македонија.

sdsm-programa-dvojazicnost

Со ова веќе нема ниту една дилема дека планот на опозицијата е не само двојазичноста во цела Македонија од градинка, туку и редефинирање со федерализацијата како крајна цел. Затоа тие предлагаат низа мерки кои се вовед во федерализирање на државата. Зад т.н. толеранција и соживот од мали нозе на СДСМ и Заев се крие официјализирањето на албанскиот јазик како службен јазик на цела територија на РМ. По теркот како што вети и самиот Заев дека секое македонско дете во РМ ќе учи албански јазик. Тоа е клучниот проект на СДСМ и Заев и ако веќе веруваат во него покоректно кон граѓаните на државата е да ја напишат отворено вистината а не да се кријат зад веќе видените фрази и флоскули, сметаат експертите.

СДСМ нуди отворање и редефинирање на организацијата на безбедносните структури, моделот на образованието, културната политика, образованието и локалната самоуправа.

Дека и Албанците, заедно со Заев и Сорос ја кројат оваа идеја е фактот што Владимир Милчин инаку доскорешниот прв човек на Сорос во Македонија, мината недела беше е одликуван „за заслуги за унапредување на Албанците“ од косовскиот претседател Хашим Тачи.

vladimir-milcin-hasim-taci

Во своето обраќање, Хашим Тачи ја оцени Ослободителната војска на Косово (УЧК) како најважен национален проект и „најуспешна политичко-воена организација на 20. век“. Тоа, посочува Тачи пред присутните, „не би било возможно без вас, вашата жртва и братска помош“.

– Денешната церемонија е знак на благодарност кон борците и војниците кои ги дадоа животите во правичните битки на ОВК, за оние кои се бореа и кои пружиле отпор во нејзините редови- додаде Тачи, кој изрази благодарност на политичките активисти кои на време имале потребна визија, смисла и подготвеност да се ориентираат кон заштита на националните интереси, пренесува Република.

Одликувањето на Милчин не е изненадување. Минатата година организираше митинг на СДСМ на кое беа декларирани ставовите кои денеска се изборна платформа на СДСМ, двојазичност и промена на Уставот. На тој митинг присуствуваа и поддржувачи и членови на косовската бригада, на УЧК, како и нескриено се истакнуваа и симболите на Голема Албанија.

Protest-SDSM-Golema-Albanija

За потсетување, ви­стин­ски­от ор­га­ни­за­тор и на про­те­стот, а, ка­ко што се чи­ни, и на по­ли­тич­ка­та кри­за во земјата, беше Вла­ди­мир Мил­чин. Се­ка­ко, ту­ка беа и при­друж­ни­те во­ка­ли во форма на граѓански здруженија, а за­ед­нич­ко на си­те, вклучително и СДСМ, е тоа што, всуш­ност, си­те тие „се хра­нат“ од џе­пар­ла­кот од Со­рос, спо­ред ра­ка­та на Мил­чин.

Имајќи ги сите овие делчиња од сложувалката, кога ќе ги поврземе, се добива многу јасна и прецизна слика: Македонија повеќе од 2 години е држена во монтирана политичка криза, сите протести, сите пари слеани од Сорос, сите јавни изјави, сите НВО, новинарски текстови, сите навидум неопасни политички изјави…сето она што се случува во регионот, а за крај последниот договор за Унија на албански општини во регионот значи само едно, распарчување на Македонија, a Заев и СДСМ помагаат во реализирање на таа идеја.

golema-albanija

 

Колумна на Никола Србов: Голема Албанија и Тројанскиот коњ

Zaev-albansko-zname

По заклучоците донесени на Париската мировна конференција, на која се исцртуваше светската мапа по крајот на Втората светска војна, луѓето веруваа дека границите на државите се конечни и дека не е возможно нивно ново прекројување, изоставувајќи го од ова разединувањето и обединувањето на одделни федерации и сојузи. Дел од научната јавност посочила дека тоа е незапирлив процес, а по 70 години станавме сведоци на тоа што го говорела науката.

Јавноста треба да знае, а образовниот систем да нагласи некои факти што се есенцијални за нашето поднебје, со тоа ќе бидеме посвесни за нашето постоење и повеќе ќе го почитуваме тоа што го имаме, а идните генерации ќе бидат поподготвени. Тука би набројал само неколку од нив:

  1. Војните не се само дел од минатото, тие се одигруваат и денес, ќе се одигруваат и во иднина;
  2. ние временски и просторно не сме далеку од нив;
  3. граници се менуваат и изникнуваат нови држави во XXl век, ќе изникнуваат и во иднина;
  4. антагонизмот од Студената војна не е завршен и гледаме некоја втора студена војна, или првата не ни завршила, историјата ќе каже;
  5. доколку имало две балкански војни тоа не значи дека не може да има уште две;
  6. Европа е во мир 70 години и нема гаранција дека ќе биде уште толку во т.н. римски мир;
  7. човекот сѐ уште го нема пронајдено идеалното општествено уредување и во иднина ќе гледаме нови концепти и системи на општествено уредување. Едноставно, треба да сме свесни дека ништо не почнува од нас и не завршува со нас.

За разлика од некои потривијални точки на светската мапа, тука на Балканскиот Полуостров нештата се менуваат на дневна основа, секако, некој емисар од Запад надмено би констатирал „прости Балканци“ без да знае дека на овие простори секој еден потег има своја причина длабоко во историјата. За да се исполнат сите големодржавнички соништа на балканските народи би требало полуостровов да го триплираме, но повторно нема да бидат сите задоволни, едноставно, половина од поривот за големи држави доаѓа од потребата за ресурси и за територии, другата половина припаѓа на потребата да му се зграби нешто на соседот и да се покаже супериорност.

golema-albanija

Од појавувањето на Приз­рен­ската лига, па сè до ден денешен кај Албанците опстојува големодржавничкиот сон наречен „Голема Албанија“. Кај секоја држава и народ постојат тенденции за територијално проширување, но истото мора во себе да има барем минимум историска оправданост, но кога таа изостанува, на сила стапува „политичката оправданост“ и „неопходност“. Во првата мапа на која се исцртани границите на „Голема Албанија“ од Македонија се вклучени градовите Гостивар, Тетово и Дебар. Неоправданоста на таа мапа е во тоа што во тој период во Тетово и во Гостивар од сите граѓани најмалобројни биле токму Албанците, кои немаат ни свои топоними за овие простори. Но мапата била водилка за териториите, кои преку висок наталитет треба да бидат албанизирани во иднина. Во претходните децении на овие територии, посочени од Призренската лига, доминантно стана албанското население, што значи успеале во својата стратегија во однос на демографската слика, им остана само да го материјализираат планот. Создавањето на Република Косово ги подгреа радикалните струи кај Албанците, кои помислија дека сега е моментот за остварување на сонот. Албанците го користат моментот и зграбуваат колку што можат, како ќе ја водат политиката и како ќе се постават останува на нив.

Албанците при кроењето на првичната мапа се повикувале на Косовскиот вилает. Проблемот во приказната им се појавува кога на пописните документи правени од османлиите ќе увидат дека на тие простори не биле мнозинство. Уште поголем проблем им се појавува доколку апетитите одат во обратен правец, тоа, всушност, и се случи, Србија, исто така, се повикуваше на Скопскиот вилает при својот мегаломански големодржавнички сон, кој заврши со губење територии.

И додека голем дел од македонските граѓани тврдат дека ова се еден куп глупости, заговори и политикантство, радикалниот елемент кај Албанците издаде нова мапа. Во новата мапа веќе не станува збор за Тетово, Гостивар и за Дебар, тие се ставени во делот на завршени работи, сега во мапата се вклучени повеќе од 50 проценти од територијата на Република Македонија. Сега цел се градовите: Струга, Охрид, Кичево, Битола, Прилеп, Велес, Крушево, Ресен, Куманово, во таа мапа е вклучен македонскиот амбар – Пелагонија и најголемите водни ресурси на Република Македонија со двете езера Охридско Езеро и Преспанско Езеро. Круната на сето ова треба да биде Скопје – главниот град на Република Македонија, кој заедно со целата негова околија е вклучен во мапата на „Голема Албанија“.

Комфорот што го чувствуваат жителите на Општините Центар, Карпош, Кисела Вода и на Аеродром мислејќи дека тие се сигурни во својот дом, е привиден. Доколку еден жител на Капиштец ја погледне мапата на проектот „Голема Албанија“, својот „сигурен“ дом ќе си го најде од таа страна на границата.

На крајот не е важно што бараат и за што се залагаат Албанците, да речеме дека тоа е нивно право и сакаат да заграбат што повеќе територии, на крајот од денот, треба да се прашаме што правиме ние за да ја зачуваме нашата држава, односно што прават поединци, кои преку ноќ овозможуваат сонот за „Голема Албанија“ да биде комплетиран. Проблемот се појавува кога тој што врши опсада ќе најде своја продолжена рака меѓу тие на кои е направена опсада, рака што ќе му ја отклучи вратата однатре, што е пострашно и од Троја.

Претседателот на СДСМ, Зоран Заев, кој има полоша улога и од Тројански коњ, во своето додворување кон Албанците ја става на распродажба цела територија на Република Македонија. Албанецот што сака да учи музичко, како што вели Заев, може да го оствари тоа право во средини каде што повеќе од 25 проценти од населението се Албанци, тоа го добивме од Рамковниот договор, притоа не се осврнува на фактот дека во тие средини Македонецот наидува на опструкции да се обраќа во административните установи на македонски јазик. Зоран Заев целејќи на албанските гласови ја растури половина партија што ја раководи, неговиот замислен концепт за граѓански партии во овој момент не е возможен по ниту еден параметар, но што знаат радикални левичари што е созревање и искуство, тие сметаат дека сѐ почнува од нив и со самото тоа одат во пропаст каде што ја влечат и државата.

При поделбата на Македонија во 1913 година повод, темел и оправданост на таа поделба соседите наоѓаа кај дел од Македонците, кои решиле да станат Срби, односно Бугари и Грци. Денес политиката што ја спроведува СДСМ ги претставува темелот и оправданоста за идната федерализација на Македонија.

Пишува: Никола Србов за Република

ПРОВОКАЦИИ ОД КОСОВО: Eкстремисти во Приштина ќе удираат темел на „Голема Албанија”

Protest-Albanci

Иницијаторите планираат по Меморандумот, кој ќе биде потпишан на 16 јули, да организираат и референдум, кој е најавен за 28 ноември

Вековната идеја на Албанците на Балканот да живеат во една држава повторно заживеа. Секое споменување на „Голема Албанија“ внесува вознемиреност како во Македонија така и во Србија, Црна Гора и во Грција.

Токму грчките медиуми деновиве објавија дека следниот месец во Приштина ќе бидат удрени темелите на „Голема Албанија“.

Тоа ќе се случи на 16 јули кога Движењето за Обединета Албанија, Албанските националистички асоцијации и Листата за природна Албанија, зад кои стојат контроверзниот албански историчарКочо Данај и Тахир Велиу, ќе потпишат Меморандум за соработка чија цел е остварување на сонот за „Голема Албанија“.

Koco-Danaj

Главна цел е обединување на сите Албанци во една национална држава, за што овие две национални движења ќе подготват национална стратегија.

Со Обединета, Природна или Голема Албанија, како и да се нарекува, се предвидува обединување на Албанија, Косово, западниот дел на Македонија, јужниот дел на Србија (Прешевската Долина), дел од Црна Гора кај Улцињ и областа Чемерија во Грција.

Golema-Albanija

Иницијаторите планираат по Меморандумот да организираат и референдум, кој е најавен за 28 ноември.

Изминативе неколку години во Македонија имаше неколку иницијативи за т.н. Илирида со кои се повикуваа Албанците од регионот, од Македонија, Косово, Албанија и Јужна Србија да се обединат во една голема држава.

Spomenik-Orel-Topansko-pole

Главен иницијатор беше Мухамед Халили, кој е добро познат на политичката сцена во Македонија и веќе неколкупати има прогласено „Република Илирида“. Во 2008 година во Тетово беше потпишана и декларација за формирање собрание на републиката, како продолжение на референдумот за автономија од 1992 година.

Вајгл: Џихад и Голема Албанија стојат зад инцидентот во Куманово

Ivo-Vajgl

Некои од тие луѓе кои учествуваа во случувањата во Куманово, очигледно, многу професионално се бореле во терористички акции во Сирија и Ирак.

Ова во интервју за хрватскиот весник „Вечерњи лист“ го вели европратеникот Иво Вајгл, известувач за нашата земја во Европскиот парламент.

-Тие знаат со која идеја дошле во Куманово, а тоа е џихад и ширење на европско тло на радикалниот ислам. Дозволувам да се тука и други мотиви- Голема Албанија или поврзаност со домашната политичка сцена, иако тешко верувам во тоа да било кој е подготвен да превземе одговорност за смрт на осум полицајци, вели Вајгл за „Вечерњи лист“.

Фејсбук статус на Албанец: Не сакам Голема Албанија, поради тие глупости ми гинеа пријатели

Albanec-Status

На социјалната мрежа на Фејсбук, Албанец објави статус со кој го запали интернетот. Во статусот вели дека не сака Голема Албанија и дека сака да живее во домот каде што се родил, во Македонија, заедно со Македонците, Србите, Ромите, Турците и Власите.

Неговите пријатели и роднини ги изгубиле животите, како што вели, за нечии идеали за Голема Албанија. Тој нагласува дека тоа него не го интересира и дека „не трена политичарите и Америка да остваруваат корист од тоа што ќе се убиваме меѓусебно“. Сето тоа го нарекува „наметнато мразење и пропаганда која завела многу „несвесни борци“.

Тао нагласува дека само сака да живее убаво, да му се родат деца и да живеат во мир, каде секој на секого ќе му биде пријател, па дури и брат.

-Сакам да живееме среќно. И ќе се залагам за тоа додека сум жив, заклучува тој.

fb-status-500