Груевски: Крајната цел е името – Дојде тоа време Заев договара ново име на државата

Претседателот на ВМРО-ДПМНЕ Никола Груевски пред речиси еден месец предупредуваше дека крајната цел со носењето на Зоран Заев и СДСМ е власт е промена на името на Република Македонија Груевски нагласува дека власт на СДСМ е марионетска, донесена од други од надвор, а историјата покажува дека секоја марионетска власт има краток век на живот.

-Заев е донесен да изработи промена на името и идентитетот, а сега сето ова се прави за да му се даде подлога дека има легитимитет меѓу луѓето, со поткуп и со присилни гласови, се со цел да му дадат легитимет и храброст да продолжи во ветеното понатаму. Целта на сето ова што ни се случува е промена на името на државата, јазикот, нацијата, промена на идентитетот. Тој всушност зборуваше за редифинирање на државата, тоа се шест точки. Првата точка е промена на името и идентитетот, втората точка е договорот со Бугарија, третата точка е носење на мигранти во Република Македонија и нивно доселување тука, четвртата точка е двојазичност на цела територија со неуставен закон, петтата точка е зголемување на даноците и шестата точка е редифинирање на бракот, тој да не е заедница на еден маж и една жена, туку да се легализираат хомосексуалните бракови и да им се даде можност да посвојуваат деца, изјави Груевски.

Заев од Словенија го потврди она што Груевски го кажуваше. Тој од Словенија порача дека Македонија влегува во обид, кој што, како што кажа, ќе биде последен, со конечна цел, решавање на проблемот кој што Грција го има со нашето уставно име.

НА ПРЕДАВНИКОТ МУ СЕ БРЗА: Заев се надева дека конечно ќе го смени името

НА ПРЕДАВНИКОТ МУ СЕ БРЗА: Заев се надева дека конечно ќе го смени името

Македонија влегува во обид кој што се надевам дека ќе биде последен, со конечна цел, решавање на проблемот кој што Грција го има со нашето уставно име, изјави премиерот Зоран Заев како одговор на новинарско прашање по средбата со премиерот на Словенија, Миро Церар.

– Ова е навистина актуелно прашање и во Македонија. Логично беше по завршувањето на локалните избори, да се направи нов обид за решавање на овој суштествен или чувствителен проблем, кое што го има Република Грција со нашето уставно име, а кое истовремено е пречка за нашите интегративни процеси. Процесите веќе почнуваат, на 20 или 21 ноември очекуваме да се направи првата средба помеѓу преговарачите од двете земји, со медијаторот Метју Нимиц. Во ноември очекуваме тие преговори да се интензивираат – рече Заев.

Тој истакна дека Македонија гради пријателски односи со Грција и во пријателска атмосфера и додаде дека тој верува дека може да се најде решение на спорот.

– Ние во Македонија се обидуваме да изградиме национален консензус, сите, претседателот на државата, Владата, опозицијата, но во функција на наоѓање решение, а не на негово одложување – додаде Заев.

Димитров: Подготвени сме за формирање комитет за ревизија на учебниците по историја меѓу Македонија и Грција

Македонија е подготвена да разгледа предлог за формирање комитет за ревизија на учебниците по историја меѓу Македонија и Грција, доколку е на паритетна основа, изјави министерот за надворешни работи Никола Димитров.

– Ние немаме против и апсолутно сме спремни да разгледаме таков предлог. Балканот е многу оптоварен со историја и кога две земји решиле да се зближат и да надминуваат разлики, да градат мостови, корисно е да учиме од искуствата на други земји како Франција и Германија, Германија и Полска. Се додека е тоа на паритетна основа и двострано и се додека историјата ја оставаме на историчарите, а политиката на политичарите – вели Димитров на новинарско прашање на прес-конференција во Скопје со неговиот црногорски колега Срѓан Дармановиќ.

За ова прашање како што посочи Димитров станало збор на неговата средба со Коѕијас во Њујорк, како можност историчари-експерти да почнат да разговараат за ова прашање.

Од Владата ни демант, ни одговор: Кое е новото име кое Заев рече дека се договара со Грција?

Во интервју за црногорскиот медиум – АнтенаМ, кое беше објавено пред неколку дена, Заев излезе со изјава дека се бара ново име на државата, промена на историјата и македонските топоними. И покрај тоа што поминаа веќе неколу дена од овие тврдења на премиерот, од Владата нема никаква дополнителна информација околу овие важни национални прашања, ниту за тоа кое е новото име кое се договора како можна опција за решавање на долгогодишниот спор со јужниот сосед.

Во иста насока како и изјавите на Заев одат и оние на високиот претставник на Стејт департментот Хојт Брајан Ји, кој деновиве истакна дека решавањето на прашањето на спорот со името е досега на највисоко ниво и најблиску до изнаоѓање решение.

– Има уште многу работа да се заврши, и тоа од двете страни. Ќе има преговори и јас сум оптимист дека ќе има решение затоа што расположението и во Грција и во Македонија е на највисоко ниво од кога било досега – истакнал Ји во Центарот за меѓународни односи во Вашингтон.

Кој е тој предлог и какво е тоа решение за спорот со името кое го знаат и Заев и Хојт Ји, а не го откриваат, јавноста може само да се прашува и да нагаѓа.

Интересно е тоа што во истиот период со овие изјави доаѓаат и информациите кои велат дека до крајот на месецов медијаторот Нимиц ќе излезе со нов предлог, односно нова иницијатива за решавње на спорот за името на Република Македонија. Грчките медиуми јавуваа дека грчката Влада очекува потези на „добра волја“ од соседната земја, како преименување на скопскиот аеродром или отстранување на споменици и статуи.

На ваква разврска, во која решение за името ќе се бара зад затворени врати и во која Македонија ќе треба да ја „свитка кичмата“, а Заев ќе треба сето тоа да го спроведе, на неколку пати предупредуваше лидерот на ВМРО-ДПМНе, Никола Груевски.

Тој во неколку наврати при своите обраќања до јавноста излезе со тврдења дека ова е марионетска власт донесена однадвор за конечна промена на името и идентитетот.

– Заев е донесен да изработи промена на името и идентитетот, а сега сето ова се прави за да му се даде подлога дека има легитимитет меѓу луѓето, со поткуп и со присилни гласови, се со цел да му дадат легитимет и храброст да продолжи во ветеното понатаму. Тој всушност зборуваше за редифинирање на државата, тоа се шест точки. Првата точка е промена на името и идентитетот, втората точка е договорот со Бугарија, третата точка е носење на мигранти во Република Македонија и нивно доселување тука, четвртата точка е двојазичност на цела територија со неуставен закон, петтата точка е зголемување на даноците и шестата точка е редифинирање на бракот, тој да не е заедница на еден маж и една жена, туку да се легализираат хомосексуалните бракови и да им се даде можност да посвојуваат деца, изјави Груевски.

„Диферњуз“: „Целосно ќе се уништи планот Скопје 2014“со цел Макдонија да влезе во НАТО

Под наслов „ПЈРМ на 11-12 јули 2018 влегува во НАТО, прашањето за името во рацете на Коѕиас и Сириза“, грчкиот портал „диферњуз“ објавува текст во кој тврди дека постои утврден распоред за решавање на проблемот кој Грција го има со уставното име на Република Македонија.

Според порталот, кој се повикува на доверливи извори во грчките дипломатски кругови, Македонија, според распоредот, прво ќе ги повлече статуите и „целосно ќе го уништи планот Скопје 2014“ со цел да влезе во НАТО.

„Прашањето за името на ПЈРМ влегува во финална линија, и на самитот на НАТО на 11-12 јули 2018 година во Брисел, ќе има дефинитивно решение за името што ќе и овозможи на поранешната југословенска Република Македонија да влезе во Aлијансатa“, пишува порталот и додава дека доколку се се одвива според планот, тоа ќе има и симболика, затоа што ќе се случи точно 10 години од ветото на Грција на самитот на НАТО во Букурешт во 2008 година.

Прво, според „диферњуз“, до февруари треба да има видлив напредок. Потоа, во април следната година Европската комисија ќе го претстави извештајот за напредокот во проширувањето, со барањето на Македонија да добие датум за почеток на пристапните преговори.

Порталот наведува дека со цел да се стигне до таму, новиот градоначалник на скопската општина Центар, Саша Богдановиќ, кој доаѓа од владејачката СДСМ, соопшти дека ќе формира комисија која ќе го опфати целокупното работење на проектот „Скопје 2014“.

Грчки дипломатски извори изјавиле дека прашањето за Скопје се враќа во центарот на дипломатијата и се очекува да ја стави под тест доследноста на владејачкото мнозинство и главната опозиција.

Во текстот, што МИА веќе го пренесе, натаму се потсетува на неодамнешната изјава на шефот на грчката дипломатаија, Никос Коѕиас, дека прашањето за името треба да се реши во првата половина од 2018 година и оти ако не се реши, ќе има големи потешкотии. Ако се реши, потребни се три до четири месеци бирократска процедура во ОН. Така, треба да се реши до крајот на 2018 година, затоа што 2019 ќе започне со избори за претседател во Македонија, а потоа, летото и во Грција ќе има избори.

Според луѓе кои неодамна разговарале со Коѕиас, тој лично сака да се реши прашањето за Скопје, во рамки на поширок контекст, според кој Атина мора да ги затвори сите отворени фронтови за да се фокусира на средување на грчко-турските односи.

Тоа, сепак, не е лесна задача со оглед на тоа што министерот за одбрана Панос Каменос, чија партија Независни Грци е коалициски партнер во Владата, постојано ги повторува неговите црвени линии, истакнувајќи дека е против секое име кое ќе го содржи терминот Македонија и оти за договор за името треба да се спроведе референдум.

Грчкиот медиум потсетува дека одлуката на Советот на политички лидери од 1991 година, со која не се прифаќа терминот Македонија, веќе е надмината со промена на политиката во 2007-2008 година кога Атина прифати сложено име.

Според „диферњуз“, Вашингтон смета дека прашањето треба да се затвори. Улогата на „супервизор“ на балканските прашања во моментов ја има заменик-помошник државен секретар за европски и евроазиски прашања Хојт Брајан Ји, „иако, политички, регионот го следи потпресетаделот Мајк Пенс“.

Според добро информирани извори, пораката што ја пренел американксиот дипломат, е дека Скопје, заедно со унапредување на дијалогот меѓу Белград и Приштина и решавањето на нерешениот спор со Уставот на Босна и Херцеговина се прашања на кои мора да се работи во следните шест месеци.

Порталот тврди дека Никос Коѕиас и и неговиот македонски колега, Никола Димитров, ќе изберат „задкулисни контакти за надминување на препреките“ и оти веќе постои „процес на два паралелни патишта“.

Првиот пат, кој што е суштината на мандатот на Метју Нимиц, ќе вклучува дискусии околу името и опсегот на употреба, каде што е очигледно дека тешкотијата лежи во обемот и толкувањето на ерга омнес.

Искусните набљудувачи веруваат дека промена на уставното име на Македонија ќе биде многу висока бариера и можеби ќе треба да се бараат повеќе „креативни решенија“.

Вториот е за изведените придавки, кратенки и трговски имиња. Изведените придавки го вклучуваат идентитетот и јазикот, елементи кои го допираат јадрото на “македонизмот” и иредентизмот на Скопје, пишува порталот, потсетувајќи дека Коѕиас постојано истакнува оти иредентизмот мора да престане.

„Решение со кое би се избрале словенски термини за идентитет и јазик можеби ќе понуди излез, иако ова е најчувствителното прашање“, заклучува „дирефњуз“.

Заев: До крајот на месецов средби со медијаторот Нимиц

Верувам дека до крајот на ноември ќе се случат први средби со медијаторот за името Метју Нимиц, можеби не со мене, можеби дури не и со министерот за надворешни работи Никола Димитров, но со преговарачките тимови на двете земји барем да се видат позициите и да се направи чекорот понатаму.

Ова го истакна премиерот Зоран Заев во интервју за Македонската радио телевизија, нагласувајќи дека македонската Влада дури официјално го поканила Нимиц после локалните избори да дојде во земјава со нови идеи за надминување на проблемот со името.

– За мене доаѓа период на решавање на проблемите и треба да ги решаваме мудро, заштитнички кон државата и да и дадеме иднина на Македонија. Рековме тоа прашање ќе го решаваме заедно со опозицијата и со сите клучни фактори во државата, претседателот, Парламентот, Владата и јавноста, но во функција на изнаоѓање на решение, а не на блокирање или одложување на овој проблем, посочи Заев.

Верувам, нагласи, дека имаме убав моментум што генерално се случува во регионот, посебно во Македонија.

– Треба да го искористиме и да изградиме пријателство со сите. Може да биде само добро олеснување со мудри паметни политики, да чекориме напред, заради тоа што шансата за влез во НАТО е голема работа за Македонија. Тоа носи пари за граѓаните, добра економија и стабилност и сигурност на Македонија и на регионот, потенцира Заев.

Во интервјуто Заев говори и за евроинтеграциите, почетокот на преговорите со ЕУ, состојбата во регионот.

Коѕијас: Македонија е дар од Бога, но избрала погрешен кум

Шефот на грчката дипломатија Никос Коѕијас изјави дека разликите за името не значат дека Грција е против постоењето на Македонија, но смета дека освен името, главен проблем со неа е иредентизмот.

– Всушност во односите меѓу Атина и Скопје има два проблема, првиот е досегашната неодговорност, а вториот е чувството на Македонија дека Грција не го сака нејзиното постоење. Јас тоа со моите изрази на афинитет го порекнувам, но тие не сакаат да слушаат, дека нивната земја е дар од Бога, но проблемот е што избрале погрешен кум. Разликите во името не значат дека Грција не го сака постоењето на оваа држава, како и дека има какви било планови за нејзина реогранизација или дезинтеграција, вели Коѕијас во изјава за урденици за надворешна политика во грчките медиуми – пренесува МИА.

Најавува дека Македонија и Грција ќе формираат комитет, кој ќе направи ревизија на учебниците и ќе се обиде да ги надмине несогласувањата во однос на историскиот контекст.

Коѕијас посетува дека ваков комитет веќе е формиран меѓу Грција и Албанија и оти досега се решени споровите за тоа што во двете земји се изучува во десет од 12 одделенија, но дека двете преостанати се најтешки во контекст на историјата и географијата.

– Ќе создадеме таков комитет и за Македонија. Немаме ништо против да погледнеме во нашите книги и ако во нив има нешто погрешно, немам ништо против да биде коригирано, рече Коѕијас.

Тој смета дека всушност е добро што Македонија постои и нагласува дека доколку Атина и Скопје ги решат проблемите ќе имаат забрзана и одлична соработка, поради сличностите меѓу нив, особено со северна Грција.

ГРЦИЈА ТРИЕ РАЦЕ: Заев најави влез во недозволена постапка за решавање на името!

„Градењето на пријателството со Грција кое што го имавме сите овие месеци наназад дополнително мене лично и другите министри во Владата не охрабрува дека треба да влеземе во клинч на решавање на овој проблем“, изјави Заев.

(* клинч – Забранет зафат меѓу противниците во боксот, односно воопшто забранета, недозволена постапка)

Преговорите за името меѓу Скопје и Атина ќе се интензивираат по локалните избори најави денеска премиерот Зоран Заев. Тој потсети дека го повикал посредникот во разговорите Метју Нимиц да излезе со нови предлози и идеи за надминување на спорот за името.

Попродуктивни разговори за името по локалните избори очекува и пратеникот на грчката опозициска партија Нова демократија, задолжен за надворешна политика, Јоргос Кумуцакос. Коментирајќи ги резултатите од првиот круг од локалните избори во Македонија, Кумуцакос во интервју за АНА-МПА, изјави дека победата на СДСМ во првиот круг претставува позитивен тек на настаните и можност за натамошно подобрување на односите меѓу двете земји. Грчкиот пратеник изрази задоволство што во Македонија се подобрува атмосферата за решавање на спорот со името.

Самиот факт што националистот Никола Груевски загуби на локалните избори е позитивен тек на развојот на настаните. Сега во Скопје имаме многу посигурни и попродуктивни соговорници во однос на прашањето за името, вели Кумуцакос.

Дел од аналитичарите предупредуваат дека Македонија мора да биде претпазлива во тој процес, некои пак сметаат дека за името не треба воопшто да се преговара.

Официјална Атина преку шефот на дипломатијата Коѕијас во неколку наврати најави дека на почетокот на ноември ќе стартува со работа мешовитата комисија што ќе ја чисти историјата од иредентизам, информација која беше демантирана од нашите власти.

ВИДЕО: Предавството е договорено – Коѕиас повтори дека ќе има ревизија на учебниците во Македонија

Грчкиот шеф на дипломатијата, Никос Коѕиас уште еднаш повтори дека ќе има ревизија на учебниците во Македонија.

Комисијата која ја договориле со македонскиот колега Никола Димитров, според него, ќе почне со работа на 4 ноември.

Уште на 29 септември Коѕиас изјави мешовита грчко–македонска комисија ќе прави ревизија на македонските учебници по историја и „ќе ги вади сите примери кои според Атина се иредентизам“.

Во Институтот за национална историја на Република Македонија за ваквата иницијатива дознале од медиумите.

Максим Димитриевски купил куќа во Ханиоти во Грција за половина милион евра

СДСМ можеби не ги исполнува ветувањата дадени пред граѓаните за подобар живот, ветувања како што беше повисока просечна плата, која што откако дојде новата власт, после долги години падна, нема веќе покачување на пензиите, земјоделците ќе останат без субвенции. Сепак подобар живот дојде, но за лицата од раководството на партијата, како на пример Максим Димитриевски, кој си купил куќа од половина милион евра во Ханиоти, Грција.

Додека економијата паѓа, на граѓаните им се заканува голема сиромаштија, државата за четири месеци е задолжена за повеќе од 400 милиони евра, Максим Димитриевски изгледа се обогатил, па успеал да си купи и куќа во атрактивното туристичко место во Грција, куќа вредна половина милион евра.

Инаку Максим Димитриевски е познат и од минатото по низа инциденти кои ги предизвикувал и по својата арогантност и демонстрирање сила. Пред околу еден месец со обезбедување од 5-6 луге Максим Димитриевски, пратеникот на СДСМ и кандидат за градоначалник на Куманово и Марјан Даскаловски, претседател на СДСМ ОО Струмица и пратеник до 2016 влегле во ноќниот клуб Куба Либре во Охрид.

Тие во локалот биле гости на резервирано сепаре, каде според информациите кои ги добивме од гости во клубот, можеле да се забежелат скапи пијалоци кои ги пиеле двојката од СДСМ.

Инаку, Максим Димитриевски е познат по своето проблематично однесување, тој пред некое време нападна момче во ресторан, слуај кој медиумите под контрола на СДСМ, пробаа да го извртат и да го претстават Димитриевски како жртва, што беше демантирано од полицискиот извештај