Тригодишното црвосување на македонското национално ткиво по украински рецепт – СДС како диво месо 2014-2017 година

Од непризнавањето на парламентарните избори во 2014 година, преку пораз на изборите во 2016 година, до мандат во 2017 година. Сесрдна поддршка на некои амбасади, многу Соросови пари, шарена променада, криза, загрозување на безбедноста и на унитарноста на државата, флертување со тиранските апетити, купени албански гласови и, најлошо од сѐ – преку ништење на македонскиот народот до уништување на Македонија. По овој редослед СДС низ годините еволуира од безидејно во исфрустрирано чудовиште со привидно чувство на моќ

Од парламентарните избори во 2014 година Македонија имаше ретка можност три години да тапка во место, одвреме-навреме враќајќи се неколку чекори назад во развојот на демократијата со една цел – СДС да се дограби до власт по секоја цена и без да се почитува волјата на народот изразена на парламентарни избори.

Цената на „по секоја цена“, секако, ја плати народот. Од својот џеб и по неговиот грб. Но, да одиме со ред.

СДС не ги призна резултатите од двојните парламентарни и претседателски избори во 2014 година и реши да не влегува во Собранието. Сѐ додека Договорот од Пржино не им обезбеди „полувласт“ со техничка влада, пратениците на СДС нишаа врата и земаа плата.

tema246-sdsm-3godini-2На улица ги извадија студентите, кои, божем, излегле за своите права, па децата средношколци, политички се ангажираа, исто така, за своите права. На улица правда бараа и хонорарците, но во заднината и овој пат се наѕираа контурите на розата-тупаница.

Улицата стана место и за пресметка и за собирање членство за новите политички амбиции меѓу Албанците, се злоупотреби судскиот процес „Монструм“.

Следната година почна со невидена ароганција на немоќната гладна опозиција – Заев го уценува Груевски со тајно снимени телефонски разговори, кои ги добил од странски служби. Власта, пак, поднесе кривична пријава за „шпионажа и насилство на претставници на највисоки државни организации“.

tema246-sdsm-3godini-3Во февруари со фанфари СДС почна со објавување монтирани аудиоматеријали. Организира и собир во Универзалната сала во Скопје, а го чепнаа и Бранко Црвенковски, колку да се сети да седи мадро.

На 2 мај партијата одржа конгрес во Куманово.

38 повредени полицајци со бекатон-плочки, метални прачки и шишиња, руиниран државен имот, искинато македонско знаме и три ефективни и 11 условни затворски казни – епилогот на насилните протести на 5 мај пред Владата. Луѓето беа дојдени подготвени. Дојдоа да ја предизвикаат полицијата да има немири и да претстават дека полицијата го тепа народот.

tema246-sdsm-3godini-4Уште беше свежа крвта на осумте полицајци што го положија животот на 9 мај во Куманово во полициската акција против терористичка група во населбата Диво Насеље, кога СДС на 17 мај организира протест во Скопје, на кој доби „поддршка” од 113. косовска бригада, на кој се слушаа скандирања „УЧК, УЧК“, се вееја знамиња на Голема Албанија. Поддршката за 113. бригата е, всушност, поддршка за терористите што беа разбиени во Куманово, бидејќи најголемиот број од нив беа членови на оваа расформирана бригада. Луѓето со кои се прегрнуваше Заев беа поддржувачи на терористите во чијашто акција за разбивање загинаа осумтемина македонски полицајци.

Два милиона Македонци видоа како струмичкиот градоначалник бара мито од 200.000 евра од сограѓанин, бизнисмен.

Договорот од Пржино од 2 јуни требаше да даде основа за надминување на кризата со предвремени избори на 24 април 2016 година. Сведоци сме дека тој договор не успеа.

„По 60 дена протесно кампување, се расформира Кампот на слободата пред зградата на македонската влада, се собираат шаторите, столовите…“. Опозицијата зад себе остави штета од еден милион денари. Кампот се растури по договорот за законско решение со кое 100 дена пред секои избори на сцена ќе настапи преоден премиер.

Во септември 2015 година опозицијата се врати во Собранието, а потоа во владата седнаа технички министри и заменици-министри, се воведе терминот „вето од дополнителниот заменик-министер“, нови функции, лик и ингеренции на ДИК, СЈО, па нови закони за да може сето тоа да функционира…

Во меѓувреме Заев си ја практикува старата навика – си лаже. Официјален Израел испрати остар демант по интервјуто на Заев по средбите во Израел. Средбата со Заев била „куса и куртоазна“.

Специјално јавно обвинителство и Катица Јанева. Иако требаше да биде независно тело, игра по променливите правила на СДС.

tema246-sdsm-3godini-5

Годината приврши со нов стрес – „Фабрика за афери“.

„Фалсификуваните пасоши“ од минатата година на идентичен начин добија продолжение – со откривање фалсификувани лични карти. Брзата акција на обвинителството „ја подели“ полицијата – откри фабрика за изработка на документи кај членови на СДС, блиски до Заев и до министерот Спасовски, кој молчи иако на функцијата дојде со најава за решавање на овој случај.

Термините „редефинирање“, „кантонизација“ и „федерализација“ ја обележаа годината во која Македонија го преживеа најголемиот удар на државноста. Резултатите од изборната игра од 365 дена нѐ внесуваат во година на долги преговори. Трипати договарани, двапати одложувани избори, целата година беше подготовка за изборниот инженеринг во кој е втурната државата со крајна цел – нејзино дефинитивно разнебитување и газење врз Македонецот со барања за откажување од државните симболи и од името.

tema246-sdsm-3godini-6

СЈО не даде одговор за тоа кој прислушувал и каде исчезнаа 500.000 разговори. СЈО не даде одговор ниту каде ги троши парите додека Јанева бараше Собранието, кое не го признава, да ѝ го продолжи мандатот.

Преку обид за воведување секојдневна улична демократија, неколку пати беше избегнат отворен судир меѓу граѓаните, но и заземање институции. Главна улога имаа продолжената рака на СДС и финансиерот Сорос, лажниот граѓански концепт „Шарена револуција“.

По неколкуте протести пред Уставниот суд се најави обид за заземање на институцијата, по што се организираше друга група, која дежураше пред објектот. Меѓу двете насобрани толпи беше поставено силно полициско обезбедување, додека актуелниот технички министер во МВР ја предводеше групата што насила сакаше да урне еден од столбовите на државата. Како иницијална каписла за насилство беше искористена одлуката за аболиција кога насилството организирано се излеа прво пред народната канцеларија на претседателот на РМ, а потоа секојдневно беа напаѓани институции, споменици, културни обележја од лажниот граѓански сектор, кој потоа си најде свое место на пратеничките листи на СДС. Не смее да се заборави дека со почетокот на насилствата, палењата и кршењата, Зоран Заев спомнуваше украинско сценарио.

tema246-sdsm-3godini-7

Кон крајот на јуни кога беше исцениран обид за уривање на споменик спроти Собранието за да се предизвика отворен судир со полицијата. И додека траеше уништувањето на институциите со боење и со кршење, во што отворено учествуваше СДС, на годишнината од „Диво Насеље“ демонстрантите им посакаа на полицајците „Куманово да ви се деси“.

Првите обиди за ескалација на состојбата се покажаа преку незаконското ангажирање на „алфите“ кога Јанева од влегувањето во МВР направи спектакл, но и со дејствувањето на незаконските кадровски решенија на сите нивоа воопшто.

ДИК, под раководство на Чичаковски од СДС, со објавувањето на непрочистените списоци добиени од МВР под техничко министерување на Спасовски беше во функција на „фантомизирање“ на гласачите иако на него се најдоа многу звучни имиња од СДС.

tema246-sdsm-3godini-8

Изборите предвидени за 24 април се одржаа на 11 декември, а изборниот циклус заврши со јавниот спектакл на ДИК за одлуката за прегласување на едно место во тетовско Теарце.

Новата година почна со потпишувањето на тиранската платформа на албанските партии од Македонија на чело со Еди Рама. СДС никогаш јавно не се откажа од овој срамен документ, а Заев не гледаше ништо лошо во него.

За сето ова време на лудило за Пендаровски, Фрчкоски, Најчевска, Рашковски народот беше „безмозочно стадо овци, кое треба да се преваспита со неколку шамари“, Едмонд Адеми посакуваше крвави улици, а за Чомовски инсистирањето на концептот „македонскиот како единствен службен јазик“ беше фашизоиден. (Р.Р.)

Илиевски до Богоевски: Кога постоела проценка за ризик, зошто не го изведовте државниот удар во 2 попладне?

Богдан Илиевски еден од иницијаторите на „За заедничка Македонија“ и Павле Богоевски, актуелен пратеник од СДС и активист во Шарената револуција повторно ги соочуваат аргументите во дебатната емисија „Само вистина“ во рамките на вестите на Каналт 5 телевизија.

Жестока расправа се водеше за случувањата на 27 април во Собранието на Република Македонија, но и за изборот на Талат Џафери.

Богдан Илиевски постави логично прашање, кое се наметна неколку дена по настаните во Собранието, по изјавата на Артан Груби дека коалицијата на СДС и албанските партии имала сознанија од странски разузнавачки служби дека нешто се подготвува и дека присуството на Али Ахмети на седницата во четвртокот претставува ризик. Истата информација ја потврди и Зоран Заев во интервјуто на Топ тема на Телма.

-Доколку постоела проценка за ризик, јас не сум ја знаел таа проценка, зошто, имајќи ги тие информации предвид, не го изведовте истото во два попладне, праша Илиевскии уште еднаш го осуди насилството

„Винер Цајтунг“: Државен удар во Македонија под покровителство на САД и на ЕУ

Новиот македонски претседател на парламентот, етничкиот Албанец пратеникот Талат Џафери, ја презеде функцијата во средата и првата  своја работна средба ја имаше со амбасадорот на ЕУ во земјата.

Но, постојат два недостатоци: Прво, Џафери беше висок офицер во македонската армија пред тој да дезертира во почетокот на 2001 година  во УЧК каде беше познат под името “Командант Форина” – нему му се препишува одговорност за извршен масакр  во заседа од страна на УЧК на осум на полицијци и припадници на армијата. Дури и неговото краткорочно назначување за министер за одбрана во 2013 година предизвика насилни протести, пишува во својата анализа за случувањата во Македонија австрискиот дневен весник „Винер Цајтунг“, еден од најпознатите весници во Европа, кој важи за најстар весник кој се уште се печати.

Wiener-Zeitung-Puch-Makedonija

Второ, начинот на кој Џафери е избран за нов спикер на парламентот беше јасно незаконски : Процесот на изборот на 27 април од страна на пратениците на социјалистите и албанските партии се одржа по завршувањето на редовната парламентарна седница надвор од пленарната сала, и само со 59 од потребните 61 гласови. Од САД и ЕУ, Џафери беше прогласен како нов претседател на парламентот, еден (етнички Албанци) Вработените во Секретаријатот достави – исто така нелегално – документи потребни за Службениот весник, докази за  “законскиот избор” со печат и потпис. Толку од “правните вредности”, кои САД и ЕУ  ги пропагираат – и еден предвкус на владеењето на правото во земјата под зголеменo албанско влијание.

Парламентарните избори во декември 2016 не ја решија политичката криза во земјата, но без мешање на САД и ЕУ, конзервативната ВМРО-ДПМНЕ ќе продолжеше како најсилна парламентарна партија со нејзиниот долгогодишен партнер албанската партија ДУИ од нивната претходна коалициска влада. Сепак, Вашингтон и Брисел работат со години за пад на Владата, бидејќи таа не работи во согласност со нивните насоки (на пример, во однос на не-учество во ембаргото кон Русија или гасоводниот руски проект “Турски поток”).

Германската канцеларка Ангела Меркел е лута, бидејќи таа лажеше: Често зборуваше дека  илегалните имигранти (попозната како “бегалци”) не може да се запрат – но мала Македонија покажа дека тоа може со леснотија само ако сакате. Официјално, меѓу другото, корупцијата се наведува како главна причина за  од надвор направената промена на власта. Ова да се исклучи во една балканска земја, ќе биде нереално. Сепак под Конзервативната Влада барем за разлика од минатото  остана и нешто за луѓето. Економските успеси на претходната влада, се гледаат од економски податоци и зголемување на животниот стандард.

И покрај масовната  западна изборна помош излегоа втори на парламентарните избори, социјалистите сакаат по десет годишно отсуство со сила до власт. Дури и по цена на спроведувањето на т.н. Тиранска платформа, на која сите партии на етничките Албанци во Македонија се договорија како услов за влез во Владата.

Отпорност на претседателот и мнозинството на населението

Оваа листа на барања на албанската заедница беше донесена во декември 2016 година на средба свикана од страна на албанскиот премиер Еди Рама на етнички албански лидери во Тирана. Тоа вклучува голем број на мерки со цел подобрување на статусот на Македонските албанци од етничка група како државовторна нација и всушност де факто федерализација на земјата. Со тоа  не се задоволија албанските аспирации. Нивната крајна цел и понатаму останува иста со децении: отцепување во насока на Голема Албанија.

Македонскиот претседател Ѓорге Иванов ја гледа имплементација на платформата од Тирана како неуставна и одби да го именува претседателот на социјалистите, Зоран Заев за мандатар кој ќе формира влада. Тој беше поддржан од страна над  200.000 демонстранти кои непартиски се организирани  , кои доаѓаат од сите сфери на животот и помалите етнички малцинства – Од почетокот на март тие мирно протестираат за зачувување на Македонија.

27 април упаднаа наводно како одговор на изборот на претседателот на Собранието – една група на насилници проследени со некои демонстранти во Парламентот. Не е јасно кој стои позади и кој е   двигател на инцидентот. Западните медиуми веднаш ги идентификуваа како поддржувачи на поранешната владејачка партија ВМРО-ДПМНЕ. Тоа е малку веројатно, бидејќи оваа активност само и наштети на партијата.

Cui bono? Само очекуваната Владина коалиција може да има корист. Сепак, не може да се исклучи дека настаните – од “парламентарните избори” до упадот во парламентот се  лажирани спектакли од ЕУ и САД. За комунистите патот е отворен, конзервативците се повлекуваат во име на понатамошниот мир и под меѓународен притисок, а ЕУ и САД ја добиваат нивната „режимска промена“.

Мирка Велиновска: Лакрдија е да го гониш народот, а да ги штитиш пучистите

ДРЖАВЕН УДАР

Влегувањето на народ во Собранието, па и тепањето, се реакција на збир од криминални акции во континуитет на божемните разумни и „храбри“ избалансирани и „модерни“ кобајаги политичари.

Хорското осудување на насилството и троа ќотек за превратниците и криминалците во одела и заштитени со имунитет, е тешка провокација за да се обескуражи народот, кој е нападнат фронтално и кој се брани инстинктивно од уништување. Безобразно е и арогантно политичарите што се покажаа сосема неспособни и недораснати да се справуваат со местенки, фингерајки и кризи сега да глумат разумни луѓе со авторитет и интегритет, кои ќе ја повикуваат жртвата на разум и мирноќа, додека секакви стрвинари ја черечат уште жива. Да повторам. Македонскиот народ е тој што се огради со бетонски ѕид од сите што со години учествуваат во разнебитувањето и крчмењето на Македонија и има право да се срами од своите таканаречени државотворни политичари, кои се покажаа како диво месо на националниот организам. Ниту еден колективитет не ја срами државата и не ~ нанесува штета на својата држава со своите постапки. Оние што тоа го прават се политичарите. Македонија во континуитет ја мивкосуваат домашни и странски бандити маскирани во цивили. Сега сме доведени до крајот. Се води борба за живот.

Kога политичарите не се способни

Ние населението на Македонија, Македонците, сме горди на себе, горди сме на Дурловски, Дамовски и Илиевски, на Петрушевски, Јовановски, Kлимовски, Бошњаковска, Ивона и на сите други водачи и учесници во движењето ,,Жолто-црвена Македонија“. Повикот на апатичните и неспособни политичари и Соросовите медиумски платеници, полицијата и судството да ги откриеле и казнеле оние што во Собранието тепаа заштитени со имунитет криминалци, фашисти и квислинзи е тешка лакрдија, која се одигра своевремено и во Струга, кога очи в очи со народниот гнев се најде Владо Бучковски и пред тоа кога со таков народен гнев се сретна Љубе Бошковски по арачиновската дубара во 2001 година. Безобразно е вината за вартоломејската ноќ во Собранието да им се лепи на водачите на Народниот фронт за Заедничка Македонија, кои немале контрола врз настаните, а не на оние што со своите ,,политики“ и процедури дозволија вака да ескалираат работите. Народот кротко очекуваше расплет на кризите што ги имплантираа американските и европските амбасадори по налог на своите влади веќе две години. Верувајќи дека македонските политичари знаат и умеат да ги заштитат државата и интересите на своите граѓани. Ама се покажа дека во Македонија сега нема способни и одважни политички дејци што ќе го пресечат Гордиевиот јазол. Државната политика е сведена на,,купи ден – продај“ стратегија. Никој од постојните нема таков капацитет или, што би рекол Никола Груевски, толку можат. Само, да расчистиме. Вакво искрено признание за слабо бабуле може да биде некаква олеснителна околност доколку стои во сивито на секој од нив пред да истрча на избори како кандидат за народен претставник. За да знае избирачот дека стоката што е изнесена на тезга има фелер. На пример, кусоглед е, плашлив, сметкаџија, кариерист, митаџија или сл. Признание за лична слабост и ограничени способности е крајно несоодветно и штетно кога се дава среде отпочната битка. Особено откако се мантра 24/7 дека постои партија што немало да дозволи растурање на Македонија, а сите гледаме дека ниту една државна институција со која раководат не дејствува според Уставот и законите. Државното обвинителство дури се дрзна да не го ферма ни шефот на државата, кој побара од обвинителите да си ја вршат уставната должност во третирањето на превратниците. Kому не му е јасно дека паликуќата, растурачот, силеџијата и убиецот не ги вршат своите дела по процедура и демократски? Затоа и не можете со нив да се справите демократски и процедурално. На агресивен канцер не одите со седативи и аналгетици. На гангрена не одговарате со чајче и мелем. Пучистот и криминалецот и воениот злосторник не го каните на дијалог, па уште разумен да бил. Дајте, не обидувајте се да нè правите улави и ваши соучесници во злосторот против Македонија и Македонците! Здравиот разум е со нас, а богами и Светиот дух. Не играјте си со нашата добра волја и желба за мир и соживот. Не спречувајте го народот да се самоорганизира за одбрана на сопственатиот дом и земја. Ако сегашниве политичари самите велат дека немаат сила за борба, оставете граѓаните сами да си изберат способни меѓу нив.

Маскираните

Ноќта кога превратниците како циркусантска дружина во циркуска шатра си избираа спикер и паралелен врховен командант, иако се знаеше и беше очекувано како дејство по сценариото, превентивно не дејствуваше ни Ѓорге Иванов (се јави со исплакната шаблонска изјава дури по настаните), ни вмровските пратеници. А по настаните, наместо полицијата да ги изведе пучистите од Собранието со лисици на раце и да ги одведе на сослушување пред да му врачи на Обвинителството материјал за покренување обвинение, вистинските виновници направија народот да биде лошото момче и главна приказна во пропагандната офанзива да стане ,,енигмата“ кои биле неколкутемина маскирани тепачи. Kои сака нека се, дури и вметнати провокатори да се, тоа не го менува фактот дека народниот гнев беше испровоциран од една квислиншка банда, која глуми легална партија, и дваесетина членови на мафијашка, злосторничка, балистичка организација под закрила на ЕУ и ЦИА со своите команданти шака евро-атлантски амбасадори.
Нам сега не ни се потребни раскажувачи на епови, не ни се потребни салонци со ограничени ментални способности, кои се нудат да нè бранат и штитат до последна демократска процедура. Ако уште не знаат, противниците и непријателите на Македонија не фермаат ни демократија, ниту почитуваат процедура. Дрски се и затоа успеваат. Затоа, според непријателот и неговите карактеристики, се организира и видот на одбраната. Просто кажано, на гомнарот со гомнарска цевка. На терористот се оди агресивно и со сите средства. На пучистот на самото место, како по турскиот обид за преврат, прво народот ја практицира народната правда го клекнува, го тепа воспитно и соблекува до гаќи, па полицијата го презема организирано и го води на исповед пред истражител, па го држи во притвор до судење и го праќа во затвор. Тоа е процедура во вонредна состојба. И е демократска оти превратниците се антидемократите. Постои и уште една процедура што Македонците ја применија во Втората светска војна. Вооружен народ собран в ноародноослободителен фронт кој дејствува секаде илегално, а организирано и ништи петоколонаши, предавници, двоцевкаши ,,неутрални“ од почетокот до крајот на борбата. Нормално, во таква ситуација сосема е можно покрај сувото да гори и суровото, оти сè се одвива брзо и со кренати емоции. Така е запишано и во Библијата кога Мојсие и поробениот еврејски народ му објавија НОБ на фараонот и Египет. Врз Македонците се врши етапен геноцид од божем цивилизираниот дел од светот. И тие не го прифаќаат мирно тоа. Оние што ова не го гледаат се или глупави или слепи.

Има ли друго чаре?

Затоа, овие што повикуваат на разумно однесување треба итно да се вразумат и скурдепсаат. Македонците се гневни, а ќе станат и насилни, оти токму таквите политичари во име на божем разумот, виткаат кичма пред насилници и криминалци, пред сила и закани, вадејќи се дека сме мали, слаби и толку нè бивало. Вистината е дека нив толку ги бива, а поради тоа народот се срами, па се потценува и губи самодоверба. Да го исправам Груевски, Македонија не стана држава за мајтап поради гневот на Македонците што им удрија ќотек на неколкумина бедници, ниту зашто втрчаа во Собранието во кое се одвиваше преврат и се инсталираше албанска држава. Стана за мајтап уште кога преку пржинската платформа тој се согласи на Зоран Заев да му ја предаде власта, а на Џес Бејли организацијата на изборите, судството, обвинителството. А сега ни нуди повторно процедурална борба за одбрана на фронтално нападнатата држава со ,,псефалоџисти“ и ,,рикаунтинг“ тактика. Така вмровците го избраа Црвенковски фалсификаторот за претседател. Е, па, кога стигнавме до каде што нè доведоа етапно, плански од почетокот на осамостојувањето на Македонија до денес, и СДСМ и ВМРО-ДПМНЕ, принудени сме самите да си се организираме, браниме и одбраниме. На нивните сценарија за крај на Македонија и уништување на македонскиот народ преку двовластие како во Либија, Авганистан, Ирак или Сирија, ќе одговориме со народен фронт, со комитлак, гемиџилак, партизански, со народни милиции, виетнамски напади, слободни територии и народна власт. Нема друго чаре. Ако актуелните политичарски „заедници“ и „друштва“ не се способни за антифашистичка борба или се инфицирани со вирусот на западниот фашизам, народот не сака да биде инфициран со таков ,,разум“. Што би рекле некои ,,или сте со народот или сте против народот и неговата држава“. Па бујрум, изберете си процедура што ви одговара! Јас веќе еднаш опоменав дека политички и единствен валиден фактор во Македонија сега се македонскиот народ и лојалните граѓани на земјава. Сè друго е тиња и смет, кои ќе се чистат генерално како што е ред, а после поплава.

Мирка Велиновска за Дневник

Словенечки „Каварна Хајек“: Кога ќе те претепа сопствениот народ, не можеш да бидеш херој, може само да си предавник

Денот на борбата против окупаторот, 27 април 2017год., кој во Словенија ги разгорува духовите поради својата измисленост и невистина, во Македонија стана вистински Ден на борба против окупаторот. Долго се готвеше, скоро три години, од кога социјалдемократите (СДСМ) почнаа со незаконските придобиени снимени телефонски разговори, од сеуште неразјаснети извори и автентичност, да ја руши легитимно избраната македонска власт. Десно ориентирана, составена од министри од редовите на македонската партија ВМРО-ДПМНЕ и партијата на албанците во Македонија ДУИ. За да би можеле вистински да ја разбереме генезата на сегашните настани во македонското Собрание, мора да погледнеме малку поназад во минатото, пишува во својата анализа словенечкиот портал „Каварна Хајек“ за случувањата во Македонија.

Од самото осамостојување на Македонија, македонските албанци учествуваа во составување на Влада на РМ, ги имаа сите права за употреба на својот мајчин јазик, култура, застапеност во локалните институции. Македонија за западните демократски држави, кои го мереа секој чекор на новонастанатите демократии, важи за пример кој треба да се следи во однесувањето со малцинствата, мултикултурен рај, »оаза на мирот на Балканот«.

Slovenecka-analiza-za-Makedonija

-Помеѓу мнозинството на македонскиот народ и малцинствата Албанци (исто и Роми, Срби, Власи и Турци) немало поголеми тензии и конфликти. Се до 2001-ва година, кога вооружениот конфликт помеѓу Србите и Албанците на Косово се прели во Македонија, каде се формираше паралелна паравојска на терористичката формација УЧК и почна да ја напаѓа Државата, и кога Западот (поточно Клинтоновата администрација и подредената ЕУ) тие албански терористи ги призна за »борци за слобода« и на крајот на конфликтот на државата Македонија им го наметна Охридскиот договор, со кој сите малцинства во Македонија, кои се над 20% од вкупното население, добија широки права за употреба на мајчиниот јазик, процентна застапеност во локалните, регионалните и државните институции, и посебни поовластувања. Се разбира тие права им припаднаа само на Албанците, кои по нивно биле 25% и како малцинство добија најголеми права во Европа, неспоредливо повеќе со правата на било кој малцински народ пошироко во регионот. При составивањето на секоја Влада важеше непишаното правило дека Владата се составува од победничките партии од македонскиот и албанскиот блок. Се до минатиот декември, кога на предвремените парламентарни избори победи ВМРО-ДПМНЕ на македонската и ДУИ на албанската страна, стои во анализата,

Македонија последните години ја води двоецот ВМРО-ДПМНЕ и ДУИ. Мирно, без посебности, во согласност и хармонија, низ карпите на светската економска криза, со фактички невообичаени високи економски параметри на раст, со многу странски инвестиции, раст на БДП, пад на степенот на невработеност. Само поради вештачки наметнатиот спор околу името и ветото од соседна Грција, Македонија останува пред затворени врати на НАТО и ЕУ, која секоја година и дава препорака за прием, и во исто време ја условува со нови и нови измислици, зошто се уште не смее да пристапи со преговори, зошто се уште не може да стане членка.

-Барем така мислевме. Во позадина всушност дејствува Џорџ Сорос, кој во Македонија востановува цврста мрежа за рушење на држави, системи, па и на ЕУ.Во Македонија активното Отворено Општество, кое со години го водеше Владимир Милчин, агент на македонската УДБА, шпиун на поранешниот систем, основа и со пари напои преку 85 невладини организации со позната агенда-мултукултурност, права на ЛГБТ, права на малцинствата. Невладините организации, поединци, партии и медиуми, Сорос и неговото Отворено Општество ги обезбедуваа со пари. Во моментот кога Македонската држава херметички ја затвори својата јужна граница за »бегалците«, »мигрантите« и исламските освојувачи на европскиот континент, кога Македонската држава која не е членка на ЕУ ја одбрани шенгенската а во исто време и европската граница, Соросовите организации ги активираа своите платеници, да започнат со рушење на легитимно избраната власт, пишува „Каварна Хајек“.

Тие најпрво го поддржаа лидерот на социјалдемократите Зоран Заев при објавувањето на незаконско придобиените, можеби и монтирани снимени телефонски разговори на владеачките политичари, новинари, познати и јавни личности; се со намера да кај гласачите предизвикаат незадоволство, револт и превземање на власта.

-Кога ниту тоа не го постигна саканиот ефект, македонската јавност пред се скептично гледаше на сите овие случувања и не веруваше во ”чесните”намери на Заев (аболициран криминалец, осуден поради корупција како градоначалник на Струмица), Сорос ги активираше платените демостранти, да си играат т.н. шарена револуција-со своите протести, кога во Скопје со боја ги фарбаа спомениците и зградите, уништуваа државен имот-сподбудуваа »обични« граѓани, да им се придружат во протестите и така, во одредено време, да бараат предвремени парламентарни избори, за да победат социјалдемократите, и секако да ја отворат границата со Грција за да може исламската инвазија непречено да продолжи. Во исто време пратениците на СДСМ, непосредни наследници на КП на Македонија, ја бојкотираа работата на Парламентот и година и пол не се појавуваа на седниците (а нормално плати примаа), ја одбиваа понудата на владеачката партија да си ги одмерат силите на предвремени избори. Соросовите марионети, социјалдемократите, ЕУ-бирократите и активните амбасадори беа сигурни дека Македонците (после целата пропаганда од скоро три години) на декемвриските предвремени парламентарни избори ќе ја изберат левата опција и агендата ќе биде исполнета. Но не беше така, стои во анализата.

На изборите, иако со два пратеника повеќе,повторно победи, веќе десетти пат по ред, ВМРО-ДПМНЕ.

-Социјалдемократите беа втори, но за нив не гласаа само Македонци, туку и Албанци (се разбира на штета на »своите« албански партии, кои поради тоа освоија десет пратенички места помалку). Претседателот Иванов мандатот го додели на Груевски, претседателот на ВМРО-ДПМНЕ, но тој не беше успешен во преговорите за коалиција со својата досегашна партнерска партија ДУИ. Всушност ДУИ, како што стана јасно веднаш по изборите, веќе почна да пактира со социјалдемократите, кои на албанските партии им вети до сега нешто незамисливо-државотворност. Државотворност, која води конфедерализација на државата. Тие ветувања Албанците на состанокот кај премиерот на соседната држава Албанија Еди Рама ги преточија на хартија и ја именуваа Тиранска платформа. Сомнително слична на сите планови на Призренската лига-Голема Албанија. Албанците би составиле нова влада, која би ја водел Зоран Заев, корено посегнаа по основите на Македонската држава. Република Македонија би станала »држава на Македонците и Албанците«, албанскиот јазик би бил службен јазик на целата територија на Р. Македонија (сега е службен јазик таму каде што Албанците се повеќе од 20%), новата влада би ги сменила сите државни симболи, знамето, грбот и химната, за да би биле »повеќе во согласност со двонационалниот карактер«. И на крајот-новата влада би отпочнала веднаш преговори со соседна Грција за промена на името. Какво би било новото име, тоа го препуштам на имагинацијата на читателот, се вели во текстот.

Зоран Заев и неговите социјалдемократи се спреми сето тоа да го исполнат само да дојдат на власт. Сето тоа го заменија за албански гласови. Албанците, за прв пат во историјата на модерна Македонија, дадоа околу 10000 гласови за македонска партија. Поради ветувањата на Заев. Македонците, кои во декември гласаа за Заев, не знаеа за тие негови ветувања. Кога се се дозна, Македонците, кои гласале за Заев, Македонците, кои гласале за ВМРО-ДПМНЕ, и Македонците, кои воопшто не гласале, почнаа спонтано да се собираат за да ја зачуваат својата Држава и против разнебитување на државата, за која се бореле столетија наназад. Не смееме да замижиме пред фактот дека, давањето на поголеми права и државотворност на албанскиот народ во Македонијае само прв чекоркон федерализација и отцепување односно присоединување кон двете албански држави (Албанија и Косово), што ќе значи исполнување на планот за Голема Албанија.

-Спонтаното собирање, именувано Четврти Илинден, со парола ЗА ЗАЕДНИЧКА МАКЕДОНИЈА, на улиците на Скопје, Битола, Охрид, Прилеп, Струмица и Кичево (на улиците на повеќе-40 градови во Македонија) тече веќе 60 дена. Иако на почетокот се чинеше, дека тоа движење е пред се поддржано од ВМРО, на улиците излегоа млади и стари, членови на НОБ, АСНОМ и приврзаници на историското ВМРО, уметници, интелектуалци, мажи и жени, Македонци, Бошњаци, Турци, Роми, Власи, Срби. Во одбрана на Македонија. Во одбрана на државата Македонија таква, каква што е сега. 60 дена мирно протестираа со транспаренти и песна, во поворки од илјади, десетилјади, вкупно двестаилјади ги имаше. Секој ден, од понеделник до петок, точно од пет попладне.

И шеесетиот ден, 27 април 2017 год., во 17 часот кога сите демостранти беа собрани пред Собранието, пратеник од албанската партија на говорницата на Македонскиот Парламент ја запеал химната на државата Р.Албанија. И пратениците на СДСМ и на албанските партии, со поддршката на странските амбасадори и претставниците на »меѓународната заедница« (пред се од левичарски држави, исто и од Словенија) по завршувањето на седницата на парламентот, надвор од деловникот и законите, избраа нов претседател на парламентот, поранешен командант на терористичката воена организација УЧК Талат Џафер. Пред само 16 години УЧК под водство на истиот тој Џафери, масакрира осум Македонци, полицајци и војници во служба на Македонија. Очигледната провокација, химната на Албанија интонирана во Македонскиот Парламент и нелегалниот избор на поранешниот терорист за претседател на Македонскиот Парламент, кај мирните демонстранти ја прели чашата. Демонстрантите, спонтано влегоа во парламентот, да ја превземат институцијата во свои раце и да се соочат со своите крвници, со своите предавници, со луѓето што го продадоа својот сопствен народ за грст златници за власт, за интересите на тие што со години ги плаќале, се вели во анализата.

-Дали насилството е оправдано и може да се прости? Секако дека не. Но е разбирливо, Гнев, бес, немоќ, кој во Македонците се собира во последните три години, се преточи во спонтани протести и ескалираа со случувањата во народниот парламент. На тоа и сметаа. Само така можеа да го прикријат нелегалното, надвор од деловникот, уставот и законот, устоличување на претседател на парламент, на тој начин се обидоа да го прикријат своето предавство. Но Народот, Македонскиот Народ не се дава. Следеше нов мирен марш, овојпат пред канцеларијата на представникот на ЕУ. Затоа што точно таа ЕУ, во чие име Федерика Могерини и Јоханес Хан го честитаа и легитимизираа изборот на Талат Џафери, носи дел од вината за настанатата ситуација, се вели во текстот.

Исто така се виновни и амбасадорите на странските држави во Македонија, кои очигледно и без срам се мешаа во внатрешните работи на суверена држава, во која се акредитирани.

Кога бараа да се избере влада по нивен вкус.

Кога на денот на изборите ја посетија државната изборна комисија.

Кога бараа дијалог, а не сакаа да се сретнат со претставниците на народот, кој на улиците два месеци порачуваше дека Тиранската платформа не може да биде прифатена.

Мора да бидеме свесни дека меѓу нас се луѓе кои се подготвени да го продадат својот сопствен народ и својата тешко заслужена држава за грст трошки од богатата (Соросова) трпеза.

Но секој народ има граница на толеранцијата и која лесно може да дојде до точка, кога сам ќе ги земе работите во свои раце. 27 април 2017г. Така стана вистински Ден на борба против окупаторот.

Протестите во Македонија нема да престанат. Македонците нема да дозволат, домашните предавници и туѓите вазали на богаташот со перверзен план за уништување на Европа, да им ја земат нивната држава. Смирување на страстите е можна само со нови предвремени парламентарни избори, на кои граѓаните на Република Македонија ќе се изјаснат дали се за или против Тиранската платформа.

»Да се преброиме«, велат Македонците, »колку сме, толку сме, токму сме«.

Ѓорчев: СДС изврши обид за државен удар, ги погази Уставот и законите – мора да сноси одговорност

СДС изврши обид за државен удар. СДС го погази Уставот, законите и деловникот за работа на Собранието на Република Македонија. СДС ја погази демократијата во обидот да го прогласи Талат Џафери за Претседател на Собранието. Одговорност за ваквото антидржавно однесување мора да има. СДС изврши политичко насилство кое подоцна резултираше со физичко насилство, истакна на денешната прес-конференција Влатко Ѓорчев од ВМРО-ДПМНЕ.

Во продолжение следува интегрален текст од прес-конференцијата на Ѓорчев

Ниедно насилство не смее да се оправдува, но СДС има најмалку право да ги прогласува за терористи народот и граѓаните на Македонија кои 60 дена мирно протестираа и без ниту еден инцидент го изразуваа своето несогласување со Тиранската платформа и распродавањето на државните и националните интереси.

Одговорност за насилството мора да има. Не смее пратеник, па макар бил и Зоран Заев да издава наредби за да се пука во Собранието на Република Македонија. Тоа е невиден преседан не само во Македонија туку било каде во светот. Дали Зоран Заев е свесен за последиците од пукањето доколку некој куршум или рикошет завршеше во некој од граѓаните? Дали полицискиот службеник кој го послушал Зоран Заев е свесен дека тој не смее да постапува по партиски наредби, туку единствено согласно законот и процедурите?

Одговорност мора да има. Целата јавност беше сведок како Зоран Заев отпочна со реализација на црното сценарио од Тиранската платформа. Целата јавност беше сведок на срамниот и шверцерски обид да се заобиколи Уставот, законите и деловникот на Собранието на Република Македонија. Секое кршење на законите и процедурите води во насилство и анархија. Зоран Заев беше свесен за тоа. Зоран Заев свесно одлучи да ги испровоцира и предизвика граѓаните, реализирајќи го овој срамен чин после 18 часот, во времето кога веќе два месеци пред Собранието мирно протестираат стотици илјади граѓани од иницијативата „За Заедничка Македонија“. Зоран Заев се надеваше дека доколку се излие револтот на граѓаните, на таков начин ќе го покрие политичкото насилство на СДС.

Еве кои се одредби ги прекрши СДС во обидот да си прогласи свој Претседател на Собранието на Република Македонија.

Конститутивната седница има легитимен претседавач согласно Уставот и Деловникот. Член 63 од Уставот вели дека Конститутивната седница ја свикува претседателот на Собранието од претходниот состав и само доколку не се закаже конститутивна седница во предвидениот рок, пратениците сами се состануваат и го конституираат Собранието на дваесет и првиот ден од денот на завршувањето на изборите.

Член 9 од Деловникот на Собранието вели:

(1) Доколку првата седница на Собранието не ја свика претседателот на заминување, а ја свика седницата се одржува на дваесет и првиот ден од завршувањето на изборите, во 10,00 часот, а ја свикува најстариот по години избран пратеник, ако и тој одбие да ја свика, тоа право преминува редоследно на наредниот по години избран пратеник, се до избраниот пратеник кој ќе се согласи да ја свика првата седница. Во овој случас седницата беше свикана од досегашниот Претседател Трајко Вељановски во претходниот состав, а актуелен пратеник. Значи сосема легитимно и согласно уставот и законите и деловникот.

(2) Пратеникот кој ја свикал првата седница, тоа е Трајко Вељановски, претседава со седницата на Собранието (во натамошниот текст: претседавач), додека новоизбраниот претседател или еден од потпретседателите не ја преземе должноста.

Бидејќи Конститутивната седница беше свикана во предвидениот рок, како што сите знаеме, од претседателот на претходниот состав тој и претседава со неа, токму како што вели став 2 од Член 9 од Деловникот. Само доколку претходниот претседател не ја свикаше Конститутивната седница, а ја свика тогаш согласно одредбите седницата ќе ја свикаше најстариот пратеник и истиот ќе претседаваше со неа. Во овој, деветти состав на Собранието најстар по возраст пратеник е пратеникот Бранко Маноиловски од ДУИ.

Согласно кажаното, целосно нелегитимна, противуставна и противделовничка е улогата на Ферид Мухиќ како претседавач, кој всушност не е ниту најстар пратеник во овој состав на Собранието, ниту пак беше најстариот пратеник во салата, ниту пак има деловничка оправданост за друг претседавач на Конститутивната седница освен досегашниот претседавач Трајко Вељановски. Преседан е произволното одредување и назначување на претседавач вон секаква деловничка процедура!

Член 68 од Деловникот го уредува времетраењето на седниците:

(4) Седница на Собранието се одржува во времето од 11,00 до 18,00 часот, со пауза од еден час, ако претседателот на Собранието, за одделни седници поинаку не одлучи.

Бидејќи поинаку не беше одлучено, ниту договорено, претседавачот на Конститутивната седница 20. продолжение од истата, одржано на 27.04.2017 година, деловнички го затвори во 18,00 часот и ги извести пратениците, медиумите и јавноста дека следното продолжение ќе се одржи утредента, со почеток во 11,00 часот. Одржувањето на следното 21. продолжение беше договорено по претходна консултација со сите политички партии.

Оттука, обидот да се глуми ново продолжение на Конститутивната седница е нелегитимно и претставува кршење на одредби од Деловникот и Правилниците за работата на Собранието кои се однесуваат за свикување и организирање на ново продолжение на седница. Собраниската служба ги реализираше сите предвидени чекори и обврски за свикување на следното 21. продолжение. Беше испочитувана процедурата во електронскиот систем е-Парламент, со нотификација која ја добиваат сите пратеници на своите службени имеил адреси. Така се свикува седница, а не со станување од место. Воедно, е-Парламент системот поврзан со официјалната веб страница на Собранието го евидентираше 21 продолжение на Конститутивната седница за 28.04.2017 година во 11,00 часот што беше видливо за медиумите и граѓаните.

Законот за Собрание предвидува јавноста на седниците. Во конкретниот случај немаше пренос на седницата, ниту пак имаше соодветен превод, а Талат Џафери си се обраќаше исклучиво и само на албански јазик.

Членот 80 од деловникот јасно укажува дека не смее една точка да се затвара, додека не се исцрпат дискусиите по неа. Ниту еден член од Деловникот не може и не смее да се толкува изолирано од останатите членови. Член 78 не може да се толкува без да се има во предвид член 80, што значи редоследот на точките од утврден дневен ред може да се менува единствено по завршен претрес на отпочната точка по која тече расправата.

Во целокупната историја на работењето Собранието на Република Македонија, на одржани илјадници седници, со илјадници и илјадници точки по кои пратениците расправале, не постои ниту еден пример, никогаш во ниту еден случај, кога во тек на расправа по некоја точка, расправата била прекината и се преминало на друга точка од утврден Дневен ред. Затоа таков пример не беше споменат и посочен од пратениците кои упорно настојуваа да се прекине отпочнатата расправа и да се премине на следната точка.

Со актот на СДС се суспендираше и правото на комисијата и други пратеници да дадат свој предлог за Претседател на Собранието. Со актот на СДС се суспендираше правото на комисијата и на други пратеници во Собранието на Република Македонија да дадат свој легитимен законски и деловнички предлог за Претседател на Собранието.

Член 22 вели

(1) Кандидат за претседател на Собранието може да предлага Комисијата за прашања на изборите и именувањата или најмалку 20 пратеници.

(2) Пратеник може да биде предлагач само на еден кандидат за претседател на Собранието.

Со преминување на точка 4, беше суспендирано правото на сите останати пратеници да предложат свој кандидат за претседател на Собранието, како и правото утврдено со деловникот Комисијата за прашањата на изборите и именувањата да даде предлог!

СДС тотално ги погази и одредбите кои се однесуваат на евидентните листи кои се изготвуваат за седниците. Сведоци сте дека секогаш има евидентна листа на која секогаш пратениците се потпишуваат за присуство, а тоа го немаше.

Член 30 гласи: Пратеникот кој е спречен да присуствува на седницата на Собранието, е должен за тоа да го извести претседателот на Собранието до почетокот на седницата. Таква работа немаше.

Член 32 гласи: За присуство на пратениците на седниците се води евидентен лист што е отворен во текот на одржување на седницата, кој што сега го немаше, а на крајот од работниот ден се предава на претседателот на Собранието, што сега не се случи.

На импровизираното нелегитимно продолжение немаше пријавување на присутни ниту отсутни пратеници, ниту постои било каков евидентен лист!!

СДС тотално ги погази и одредбите кои се однесуваат на утврдувањето на неопходниот кворум за работа на Собранието.

Член 95 вели: Собранието може да одлучува ако на седницата присуствува мнозинство од вкупниот број пратеници. Собранието одлучува со мнозинство гласови од присутните пратеници, а најмалку со една третина од вкупниот број пратеници, ако со Уставот не е предвидено посебно мнозинство. Претседателот на Собранието го соопштува бројот на пратениците што гласале “за”, “против” или “воздржано”, како и бројот на пратениците што се присутни. Дали некој прочита број на присутни пратеници? Апсолутно не. Претседателот на Собранието може да определи да се утврди бројот на присутните пратеници со броење. Што не беше случај. Утврдениот број на присутни пратеници се смета за точен сé додека претседателот или еден пратеник, чие барање го поддржуваат најмалку десет пратеници, не побара повторно да се утврди бројот на присутните пратеници.

На импровизираната, нелегитимна седница не беше утврден кворум, воопшто не постоеа услови кворумот да биде утврден, така што се доведува во прашање бројот на пратеници во салата и кворумот за работа!

Политичкото насилие на СДС го погази и член 107 кој вели: За работата на седницата на Собранието се водат стенографски белешки. Каде е стенографот? Составен дел на стенографските белешки се и не одржаните говори на пратениците што на седницата во текот на претресот писмено се приложени со ознака дека говорот не е одржан на седницата. Стенографските белешки за работата на седницата на Собранието се чуваат во документацијата на Собранието, во електронски дигитален формат и во тврда копија. Сега ги нема.  Стенографските белешки се објавуваат на Интранет (внатрешна мрежа на Собранието) и на веб страницата на Собранието (Интернет).

Не постојат стенографски белешки од оваа импровизирана, нелегална и фиктивна седница!!

СДС направи преседан и ги погази сите одредби кои се однесуваат и на самиот чин на гласање.

Член 96

(1) Јавното гласање се врши со употреба на технички средства или со кревање рака. Технички сретства се дугмињата кои ги има пред секој пратеник со гласање За, Против или Воздржан.

(2) Начинот за употреба на техничките средства се уредува со акт што го донесува генералниот секретар на Собранието.

Службата која раководи со техничките средства беше изолирана, немаше можност за гласање со технички средства како што е вообичаено!!

Во конкретниот случај СДС фиктивно си го утврди бројот на пратеници кои гласаа за нелегитимниот предлог, без утврдување на гласови за, против и воздржани, спротивно на Член 26.

За претседател на Собранието е избран кандидатот кој добил мнозинство гласови од вкупниот број пратеници. Ако за претседател е предложен еден кандидат и ако при првото гласање не го добие потребното мнозинство гласови, се повторува целата изборна постапка.

Криминалната одлука на СДС не е објавена, ниту пак може да биде објавено нешто што е незаконско во Службен весник, иако Законот за Собрание и членовите 37 и 39 го предвидуваат тоа. Таа фиктивна одлука и формално правно не постои.

Таква незаконска одлука и не може да постои затоа што СДС во нивниот обид за државен удар ги исклучи службите на Собранието, чија работа е дефинирана со членот 40 од Закон за Собрание и членот 235 од Деловникот.

Сумарно прекршен е уставот на Македонија, прекршени се еден куп закони, прекршен е деловникот на Собранието на Република Македонија во еден куп свој членови и ставови.

За се ова одговорност мора да има! Насилството врз процедурите е исто така насилство врз демократијата.

Србов: Факт е дека со конфликтот СДСМ сакаше да го скрие ударот врз државата

Факт е дека пратениците од ВМРО два дена апелираа до СДСМ да не вршат противуставни дејства.
Факт е дека им беше одземено правото на говор на пратениците од ВМРО во Собранието.
Факт е дека ВМРО не го прекршуваше Деловникот.
Факт е дека незаконски се избра „претседател“ на Собранието.
Факт е дека се изврши пуч од страна на СДСМ.
Факт е дека СДСМ го прекрши и Уставот и Деловникот.
Факт е дека овој пуч можеа да го сторат пред 18:00 часот.
Факт е дека осмислено го направија во 18:00 часот.
Факт е дека сакаа да го испровоцираат народот кој пристигна токму во 18:00 часот.
Факт е дека СДСМ сакаше да дојде до конфликт.
Факт е дека позади конфликтот СДСМ сакаше да го скрие ударот врз државата.
Факт е дека СДСМ најдолно го изманипулира народот и неговите чувства за да ја продаде приказната надвор.
Факт е дека СДСМ извршуваат странско сценарио.
Факт е дека народот се спротиставува на тоа сценарио.
Факт е дека СДСМ сака да ја спроведе тиранската платформа.
Факт е дека народот кажа НЕ за тиранската платформа.
Факт е дека народот не се политичари.
Факт е дека народот реагира така како што реагира кога некој му ја загрозува државата.
Факт е дека народот е жртва.
Факт е дека народот не бираше партиски кого ќе избутка, беа удрени и пратеници од ВМРО.
Факт е дека никој не може да контролира толкава изреволтирана толпа.
Факт е дека бројот на полициски сили на протестите е континуирано ист.
Факт е дека два месеца немаше никаков инцидент на протестите.
Факт е дека никој не можел да предвиди кога СДСМ ќе прави пуч па соодветно на тоа и да го зголеми бројот на полицијата.
Факт е дека народот е секогаш во право.
Факт е дека народ поставува и симнува власт.

Ефтов: Јас не знам каде во светот со цвеќе и чиста демократија се спречува државен удар

Ако на ваков начин се изгласа Претседател на Парламентот надвор од закон, Устав и деловник, aко утре на ист таков начин се изгласа влада надвор од Устав, закони и правна процедура, tогаш која е гаранцијата дека во некоја сала, во некоја шупа или во нечија канцеларија внатре или надвор од Македонија нема да биде договорена или изгласана Илирида“, пишува на својор Фејсбук профил новинарот Васко Ефтов.

-Нема демократија кога народот влегува во Парламентот и кога тепа пратеници. Но има патриотизам кога се брани државата од испланиран и реализиран државен удар. Немало демократија 1944 кога се правела македонската држава, но имало патриотизам. Затоа вие кои вчера влеговте во Парламентот да ја браните државата не сте силеџии и криминалци, туку луѓе кои си ја сакаат својата држава. Да, тоа не беше манифестација на чиста демократија-но јас не знам каде во светот со цвеќе и чиста демократија се спречува државен удар, додава Ефтов.

Vasko-Eftov-drzaven-udar

ЦРНИТЕ СЦЕНАРИЈА СЕ ОБЗНАНИЈА: СДСМ и Албанците извршија државен удар во три чекори (ВИДЕО)

СДСМ и албанските партнери се обидоа насилно, спротивно од волјата на народот, да изберат претседател на Собранието и да формираат влада, за што предупреди „Република“ уште на 9 април годинава.

Како што поминуваше времето и како што се зголемуваше одѕивот на граѓаните на улиците низ државата против прифаќањето на тиранската платформа, така се намалија на минимум шансите Зоран Заев да формира влада спротивно на волјата на народот. Тоа го гледаат и неговите албански партнери, кои на СДСМ му донесоа повеќе од 70.000 албански гласови. Јасно се виде дека ова е единствена опција СДСМ да ја намали разликата во гласови со ВМРО-ДПМНЕ и да дојде на власт, а како противнадомест СДСМ во целост презеде обврска да ја реализира албанската платформа. Тие сега го држат Заев под притисок и уцена по секоја цена да направи влада.

sobranie nemiri 27 04 2017 (7)

Првиот чекор веќе беше изнесен во јавност – со кршење на Деловникот за работа на Собранието, кој во чл. 80 ст.2 вели дека расправата трае сѐ додека не сѐ исцрпи листата на пријавени за збор и со такво флагрантно кршење на Деловникот да се премине на втора точка на расправа, која би била избор на претседател на Собранието. Доколку СДСМ не успее во тоа, веројатно би оделе на варијантата што ја заговара Мерсел Биљали, а која подразбира формирање паралелни институции.

sobranie nemiri 27 04 2017 (4)

– Добро е мнозинството да размисли самото да избере претседател на Собранието и на Владата, во кои и да било простории. Таквата влада сигурно дека веднаш ќе биде признаена од ЕУ и од САД и тие фактички ќе ги прекинат сите врски со оваа постојната влада, министерствата и другите органи – најави Мерсел Биљали, еден од експонентите на Сорос блиски до СДСМ, кој понуди начин како да се заобиколи волјата на мнозинството Македонци и да се спречат дискусиите за штетните последици на прифаќањето на тиранската платформа.

Ова упатство Заев го искористи како прв чекор во реализацијата на државниот удар во Собранието на Република Македонија, а и ЕУ и САД побрзаа да го признаат легитимноста на негелитимно избраниот претседател на Собранието, Талат Џафери. Освен тоа, на целата предавничка епизода ѝ претходи најавата на Хојт Ли дека на 1 мај ќе ја посети земјата, а Талат Џафери, како што најави Заев, ќе го поздрави високиот гостин од спикерската позиција.

Од говорницата во Собранието најави дека претседател на собранието ќе се избере на ваков или на онаков начин.

Претседател на Собранието ќе биде избран во оваа сала, во друга сала, на скалите, во амфитеатар на Правниот факултет, во МАНУ – рече Заев во неговото излагање на говорницата, од каде што го повика преседавачот на седницата Трајко Вељаноски да не ги крши Деловникот, законите и Уставот на РМ и да дозволи продолжување на седницата и по 18 часот, да одзема право на збор во согласност со Деловникот доколку некој ја крши процедурата и да дозволи со пратенички потписи да се смени дневниот ред на седницата, односно со гласање да се дозволи да се премине на точката избор на претседател на Собранието.

Потоа на прес-конференција во Прес-центарот на Собранието, Заев го повтори овој став и нагласи дека не се откажува од спроведувањето на Тиранската платформа, во која тој не гледа „ништо лошо“.

Вториот чекор беше да се предизвика тепачка во Собранието и некој од пратениците на СДСМ да седне на местото на Велјаноски, да претседава со Собраниската седница, така што веднаш ќе се премине на гласање на претседател на Собаранието.

За ваквиот начин на разврска Фрчкоски во својата најнова колумна јавно ја советува опозицијата.

– Вељановски ќе го фатите за ушите немиени и ќе го тргнете од седалото, ќе ја востоличите легитимно новата собраниска постава, а не да се глупирате со „почитување процедура“ – пишува Фрчкоски.

Второто сценарио подразбира насилна узурпација на столчето на претседавачот Трајко Велјановски, со што на негово место би дошол Талат Џафери.

Ова и се случи, но СДСМ не успеа да ги испровоцира пратениците од ВМРО-ДПМНЕ и Коалицијата за подобра Македонија, па не дојде до тепачка во Собранието.

Увертира во државниот удар што го изведоа СДСМ и албанските партии во Собранието на Република Македонија беше изведувањето на  албанската химна од говорницата. Химната ја испеа пратеникот Зеќирија Ибраими од Беса и додека пратениците од ВМРО-ДПМНЕ силно негодуваа, пратениците Албанци, меѓу кои и тие од СДСМ, застанаа за почит, а пратениците од СДСМ неалбанци премолчија.

По официјалниот деловнички завршок на денешната собраниска седница, пратениците на Заевата коалиција одбија да го напуштат парламентот. Иако свесни дека надвор пред законодавниот дом се одвива протестот на граѓаните од за заедничка Македонија, тоа не го спречи Заев надвор од Деловникот со своите пратеници да избере нелигитимен претседател на парламентот.

Претседателот на Собранието Трајко Велјановски прогласи крај на седницата, што наиде на отпор од пратениците на СДСМ, Беса, ДУИ и Алијансата на Села. Надвор од сите деловнички норми, со очигледна намера за спроведување на замисленото, Ферид Мухиќ како најстариот присутен пратеник од СДСМ и албанските партии меѓу клупите ја стави на дневен ред точката за избор на претседател на Собранието. Веднаш потоа, со 62 гласа за од коалицијата на Заев, Талат Џафери од ДУИ беше избран за незаконски претседател на парламентот. Во текот на незаконската процедура, пратениците на ВМРО-ДПМНЕ ја пееја химната на Република Македонија, онаа на која Заев и неговите албански партнери не се чувстуваат комотно.

Целата ситуација беше постојано пропратена со обид за мирно спречување на државниот удар од страна на пратениците на ВМРО-ДПМНЕ, кои скандираа дека во Собранието се врши пуч и предупредуваа на последиците од него.

Надвор од сите норми и востановени правила, скриен од своите, меѓу клупите, Талат Џафери даде заклетва за претседател на Собранието, а потоа се обрати прво на албански, па на македонски.

talat dzaferi (2)

Лидерот на СДСМ по ова, луцидно и испланирано, а со цел да се предизвика инцидент и да се префрли топката кај народот, во прес-центарот на Собранието, во 18.20 часот, кога граѓаните од За заедничка Македонија се токму пред Собранието, на граѓаните им го честита изборот на нелигитимно избраниот собраниски спикер.

Заев рече и дека изборот е извршен во согласност со сите деловнички норми, иако тој и неговата коалиција извршија упад во деловникот и извршија класичен државен удар со далекосежни последици.

sobranie nemiri 27 04 2017 (7)

Третиот чекор, опцијата за која Заев најмногу се залагал, е да го активира криминалното подземје и на тој начин да ги судри со протестантите на граѓанската иницијатива „За заедничка Македонија“ од чиешто присуство Заев има огромен страв и ги чувствува како најголема пречка за убрзување на процесот плашејќи се од граѓанската реакција.

sobranie nemiri 27 04 2017 (26)

Тоа и се случи.

Извор: Република.мк

Миленко Неделковски ги објави деталите од неуспешниот обид на СДСМ и „Тиранците“ да направат државен удар

Новинарот Миленко Неделковски на својот Фејсбук профил ги објави деталите од вчерашниот обид на албанољупците СДСМ и нивните „Тирански партнери“ да направат државен удар.

Неговата објава ја објавуваме интегрално:

За ДЕТАЛИТЕ од денешната Собраниска седница. За деталите во врска со неуспешниот државне пуч:

Во текот на денот, околу пладне, во таборот на “Тиранците“ имало дилема дали да се оди со план “А“ или со план “Б“:И двата плана им имале свои добри и лоши страни.

Планот “Б“ бил да се соберат во салата “Борис Трајковски“ и таму да си одржат свое конститутивно собрание. Оние што се спротиставиле на овој план сметале дека во таа сала е незаконско донесување на било какво решение. Особено, формирање на ново Собрание и избирање на нов Претседател. Едноставно таа одлука не само што би била еднострана, ами и неуставна и незаконска бидејки е донесена на место кое нема такви ингеренции. Плус, сето тоа би било без присаство на јавноста со помош на Собранискиот канал.

Планот “А“ подразбирал акција, односно државен пуч во главната собраниска сала.
Околу 16.00 во Собранието дошле сите пратеници освен Мендух Тачи и Али Ахамети.

Пратениците од ВМРО навремено биле предупредени што ќе
се случува од своите колеги од СДС, од неколкумина кои се свесни за катастрофата што следи, но се преуплашени јавно да реагираат. Па со пораки на мобилни алертираат.

Околу 17.20 часот Петре Шилегов добил задача да ги преброи “своите“. Но, традиционално бил летва пијан, па не му одело. Се збунивал после 20-тиот пребројан. Така таа работа на пребројување ја презел Оливер Спасовски околу 17.30 часот. Требал да се осигура дека се над 65 души.

Планот под работен наслов “Предлогот на Фрчко“, односно тегнењето за уши на Трајко Вељановски, бил следен: На истекот од седницата, некаде околу 17.40 или 17.45 (седницата трае до 18.00) за дискусија да излезе Радмила Шекеринска. Да предложи прекин на дебата и избор на нов претседател на Собранието. Нормално, јасно било дека таа работа Вељановски нема да ја дозволел, но требало веднаш до Шекеринска на говорницата да застане Оливер Спасовски, и да го побара истото со гестикулирање, викање, навреди. Потоа да притрчаат за асистенција Горан Мисовски, Љупчо Николовски и неколкумина други, да ги турнат од фотеља на патос Вељановски, и како во “светлите“ примери на Јужно Корејскиот парламент да заседнат на столчето на Председавачот. Да биде таму веднаш ставен нивниот најстар пратеник и веднаш да се преминело на гласање на нов спикер. Во првиот налет тоа требал да биде Олиевр Спасовски, а за некоја недела ДУИ да седне на тоа место.

Целото сценарио било предвидено да трае 10-тина минути. Да го претрка народот што стои пред Собранието. Да нема можност за било каква акција. За време на куражењето на своите пратеници денеска на “Тиранците“ им било кажувано дека пред Собрание нема повеќе од 600-700 луѓе.

Но, благодарејки на неколку свесни пратеници од СДС, ова сценарио е разбрано на време. За збор од ВМРО се јавуваат повеќемина. Излегуваат, и како премината преку Сахара пијат вода па и дебатираат (Трајко Вељановски му вели на Влатко Ѓорчев: “Додека пиете вода ви тече времето“! Овој одговара: “Нека тече“.). И семафорот означува 18.00 часот, па судијата означи крај на денешниот натпревар.

Утре има нов.

Во овие моменти во Собранието на Републка Македонија останати се 20-тина пратеници од коалицијата на ВМРО за да ја чуваат зградата. Да се осигураат дека сите од “Тиранците“ ќе го напуштат Собранието и дека нема да направат преврат на полноќ.
ВМРО и Коалицијат во моментов се на “мртва стража“ во Законодавниот Дом.

Инаку, на влезот за пратеници од кај домот на АРМ има повеќе ТВ екипи од Соросовите телевизии. Им било кажано околу 16.00 часот да бидат тука оти ќе имало ексклузива и радосна вест.

Толку.