Џафери се обидува да ги замолчи пратениците на ВМРО-ДПМНЕ кои обелоденија криминали на ДУИ

Talat-Dzaferi

Талат Џафери денес се обиде да го замолчи пратеникот Антонио Милошоски кој од собраниската говорница почна да ги изнесува информациите за сторен криминал на градоначалниците од ДУИ.

Во моментот кога Милошоски се обиде да ја објасни потребата од носењето на законот за двојазичност дека е со цел да се сокријат криминалите и неспособноста на ДУИ пред своите гласачи, Џафери најпрво започна да му упаѓа во дискусијата за на крај во неколку наврати да му го исклучи микрофонот со што му го ускрати правото на збор на пратеникот, едно од основните демократски права во Собранието на Република Македонија.

СЕ ПАЗАРИЈА ЗА ЛОКАЛНИТЕ: ДУИ ќе гласа за Шилегов и Димитриевски, СДСМ за Арифи, Бејта и Дехари

dui-sdsm

Зоран Заев и Али Ахмети договорија СДСМ и ДУИ освен на централно да коалицираат и на локално ниво на изборите на 15 октомври, за клучните општини за двете партии, објави порталот „Пост.мк“.

Како што пишува порталот, според информации од високи функционери од двете партии, СДСМ не номинира свои кандидати за Чаир, Тетово, Гостивар и Кичево,  додека ДУИ не излезе со кандидати за Скопје и Куманово.

Ова значи дека социјалдемократите уште во првиот изборен круг ќе гласаат за Висар Ганиу, Теута Арифи, Невзат Бејта и Фатмир Дехари. Интегративците пак, во првиот изборен круг своите гласови ќе им ги дадат на Петре Шилегов и на Максим Димитриевски.

Партијата на Али Ахмети првпат не оди со свои кандидати ниту во Битола, Охрид и Гази Баба.

СДСМ, во Струга номинира свој кандидат. За Струга се ќе зависи кои од кандидатите за градоначалници ќе поминат во вториот изборен круг,  бидејќи  во трката за градоначалник влегуваат ВМРО-ДПМНЕ, ДУИ, Алијансата за Албанците, Беса и ДПА.  Ако кандидатот на СДСМ не помине во вториот круг, социјалдемократите ќе го подржат кандидатот од владината коалиција кој ќе ја продолжи изборната трка, односно или Рамиз Мерко од ДУИ или Зијадин Села од Алијансата за Албанците.

Впечатливо е дека првпат во плурална Македонија партии од македонскиот и од албанскиот политички блок, за локални избори коалицираат уште во првиот изборен круг.

Според досегашната пракса, соработката меѓу македонските и партиите на Албанците за Скопје, Чаир, Тетово, Куманово, Гостивар… била во решавачкиот, втор изборен круг.

Карактеристика пак, на последните локални избори во 2013 година беше  етничкото гласање во Струга и во Кичево.

Милошоски: Денес здравството го води човек кој што не верува дека треба да е министер за здравство

Antonio-Milososki-Sobranie

Пратеникот од ВМРО-ДПМНЕ Антоиот Милошоски денеска од собраниската говорница истакна дека  здравството денес го води човек кој што не верува дека треба да е министер за здравство.

-Дали ова значи дека министерот за здравство во моментов не е ниту министер за здравство, ниту градоначалник или си води кампања на терен додека некој им говори на студентите по медицина дека имаме добар предлог кои што ќе подобри некои работи во здравството. Или пак министерот  Таравара кој на прес-конференција премиерот Заев кажа дека е многу задоволен од  неговата работа не верува дека овој предлог закон е добар или не е спремен да го брани или не го прочитал, истакна Милошоски.

Тој потенцираше дека во овие 100 дена од новата Влада можевме да се увериме каква неодговорност се случуваше во здравството.

Хаосот во здравството не запира: И ќотек се добива на болничка постела

Bolnica-Policija

Нови ужасни сведоштва за условите и односот на Клинички центар се споделуваат деновиве. Порталот Мкд.мк објави сведоштво на човек кој бил натепан во болничка постела. Од ден на ден кулминираат хаосот и ужасите во здравството Таравари и Заев. Саша Цветковиќ за Мкд.мк раскажува дека неговиот внук бил физички нападнат, добил вербални закани од непознато лице, а по куса препирка бил физички нападнат и крвнички претепан во болничката постела.

Неговиот 28-годишен внук веќе седум дена е на Универзитетската клиника за кардиологија во Скопје. Семејството на Кирил Божиновски нема никакви замерки за однесувањето на персоналот и за нивната професионалност.

-Но вчера, во еден часот по полноќ, во болничката соба влегло лице на возраст од околу 30-35 години, син на хоспитализирано лице што се наоѓало во истата соба, ја почнува Цветковиќ својата приказнa.

Гостинот легнал да спие на креветот помеѓу својот татко и внукот Кирил, кој се разбудил од гласното зборување и го замолил гостинот да биде потивок. Кирил веднаш добил закани и на албански и на македонски јазик, а по куса препирка добил и ќотек во болничката постела. Цветковиќ вели дека персоналoт повикал полиција, која по доаѓањето го затекнала напаѓачот во просторијата. Напаѓачот почнал да се кара и со полицајците, им се заканил со пиштол и избегал, пишува порталот.

-Внукот е сега преместен во соба 318, каде што го продолжува лекувањето. Како граѓанин на оваа држава, како човек што гласаше за промени, апелирам до сите надлежни органи да преземат мерки и да спречат во иднина вакви работи да не ни се случуваат, вели Цветковиќ и најавува можна тужба против болницата, која дозволила ваков јавашлук и безредие, и против насилникот.

ВМРО-ДПМНЕ: Владата на СДС расипнички потроши 350 милиони евра, со овие пари можеше да набават дури 7.000 болнички возила кои ќе спасуваат животи

VMRO-DPMNE-Soopstenie

Едно возило на брзата помош чини околу 50.000 евра со  комплетна опрема.  Во изминативе три месеци, неспособната влада на СДС на чело со Заев од девизните резерви и од распишаните аукции на државни хартии расипнички потроши 350 милиони евра. СДС со овие пари можеше да набави дури 7000 болнички возила кои ќе спасуваат животи и ќе им беа од корист на граѓаните, се наведува во соопштението на ВМРО-ДПМНЕ.

Од партијата велат дека нови болнички возила нема, нови болници нема, а ги нема ни парите на граѓаните.

-Енормните задолжувања што ги прави расипничката и неодговорната власт на СДС не им носат ништо добро на граѓаните. Ова е време кога болниците стануваат синоним за страв и ужас, а граѓаните ги плаши и самата помисла на лекар додека здравството тоне во очај и мизерија. Здравството запаѓа во катастрофална состојба поради неспособноста на СДС и Таравари а последиците и штетите ги трпат пациентите, се наведува во соопштението.

Од ВМРО-ДПМНЕ истакнуваат дека СДС и Таравари треба да сносат одговорност за неспособноста, која чини човечки животи.

-Секојдневно умираат новороденчиња на Клиниката за гинекологија, а СДС и Таравари смислуваат беспредметни соопштенија за замајување на јавноста. Додека секојдневно умираат новороденчиња на Клиниката за гинекологија СДС и Таравари смислуваат сооштенија до јавноста како наводно се било во ред и било постапено по сите протоколи и правила. Уште колку смртни случаи се потребни за Таравари и СДС да сфатат дека мора да понесат одговорност и да си одат? Таравари и Заев поставија за директори криминалци, митаџии и луѓе со сомнително минато кои единствена цел им се нивните бизнис интереси. Со министерот за трагедии Таравари и Заев нема добри денови за македонското здравство и затоа колку побрзо си заминат толку подобро ќе биде за сите зошто во спротивно пациентите ќе трпат огромни штети, а Македонија ќе брои изгубени животи, стои во соопштението.

Како што се наведува во соопштението од ВМРО-ДПМНЕ заради ваквата неодговорност, неработа и безчувствителност граѓаните ќе го казнат СДС  на претстојните локални избори на 15-ти октомври.

Ахмети бара албанскиот да биде за меѓународна употреба – Ќе значи ли тоа промена на Уставот?

Ali-Ahmeti

Лидерот на ДУИ, Али Ахмети бара албанскиот јазик да биде за меѓународна употреба, а со самото тоа и смена на Уставот.

Ахмети во интервју за порталот Пост.мк вели дека законот е плод на компромис, но во иднина токму употребата на албанскиот јазик во меѓународна употреба е прашање кое очекува да се отвори.

„Што се однесува на јазикот, на пример, во меѓународната комуникација, албанскиот јазик е дискриминиран. Зошто албанскиот јазик да не се смета за еднаков и во меѓународната комуникација? Зошто албанскиот јазик да се забранува надвор од границите на Република Македонија? Но, ова се прашања кои можат да бидат отворени и да се разговара за нив“- вели Ахмети.

Премиерот Зоран Заев во изјава за истиот портал вели дека со Законот за албанскиот јазик се става точка на формалниот и легислативниот дел од Рамковниот договор

„Рамковниот договор значи рамномерна застапеност на сите и секаде во приватните компании, во јавните институции насекаде и тој дух се следи и треба да се следи, но преку ова правно решение на Законот за јазиците ние правно формално ги затвораме легално ги затвораме аспектите на охридскиот договор“- вели Заев.

Дел од експертите за законот веќе алармираа дека е надвор од Уставот.

Ефтов: Нема логика ВМРО-ДПМНЕ и ДУИ да не се договорат поради СЈО (ВИДЕО)

Vasko-Eftov

На ВМРО-ДПМНЕ многу полесно ќе му беше да ја минира работата на СЈО, доколку направеше коалиција со ДУИ, отколку во овој момент да ја прифати тоа да го прави како опозициска партија, изјави Васко Ефтов во својата емисија „Во Центар“.

-Ако некој се плаши од СЈО, повеќе може да ја блокира работата на СЈО како власт или како опозиција. Ако Груевски и ВМРО-ДПМНЕ се плашат од СЈО, тогаш многу пологично е да направат коалиција со ДУИ и од позиција на власт да ја минираат работата на СЈО, отколку да не се договорат за нова влада поради СЈО, нема логика, изјави Ефтов

Гостин во емисијата на Ефтов беше Слободан Близнаковски од ВМРО Народна партија, кој што кажа дека за секоја одлука за понатамошниот мандат на СЈО е потребно двотретинско мнозинство. Ефтов смета дека ВМРО-ДПМНЕ нема страв од СЈО, бидејќи доколку имаше страв многу полесно ќе направеше влада со ДУИ, со што немаше да дозволи структурата на СЈО да се претопи во Основното јавно обвинителство.

Ефтов се надоврза и на претставката за уставноста на СЈО која стои во фиоката на уставниот судија Јован Јосифовски, кој за време на мандатот на ВМРО-ДПМНЕ беше претседател на ДИК. Ефтов кажа дека се прават многу погрешни политички анализи околу улогата на СЈО, иако дефакто тоа е партиска институција, како што кажа тој.

-Уставен суд не расправа за СЈО, иако има претставка, иако таа претставка е кај господинот Јосифовски ако не се лажам, кој беше претседател на ДИК во мандатот на ВМРО-ДПМНЕ. Значи тој како известител пред Уставниот суд може кога сака да го отвори тоа прашање за уставноста на СЈО, но не го отвара. Многу фама, многу баук се прави околу тоа СЈО, мислам дека многу погрешни политички анализи се прават околу улогата на СЈО, иако дефакто СЈО делува на некој начин партиски, изјави Ефтов.

Ефтов се надополни и на политизираноста на судството откако Близнаковски обвини дека политиката е вмешана во Уставниот и дека таму има малку правосудство. Ефтов спомена и дека политичар со најмногу судски постапки е токму лидерот на СДСМ, Зоран Заев, партија со која ВМРО НП сака да влезе во коалиција

-Како и секаде во државата знаете, не можеме да вадиме само камчиња од мозаикот кои нас ни одговараат, ако има политика има секаде во државата политика, во секое судство, во секоја судска постапка. На крајот на краиштата, политичар со најмногу судски постапки, не сме јас и вие, туку тој со кој треба да коалицирате, односно вие сакате да коалицирате, изјави Ефтов.

ДЕМИРИ ЗА НОВАТА ВЛАДА: Ќе биде со краток рок, ДУИ ги чува силите за локалните избори

Alajdin-Demiri

Од ДУИ сметаат дека тројката Теута Арифи, Изет Меџити и Невзат Бејта е највредното во партијата

Кога ќе се погледнат имињата на новите министри, очигледно е дека тие немаат никаков капацитет да ги спроведат реформите кои се потребни. Повеќе од јасно е дека оваа влада ќе биде со краток рок, убеден е поранешниот дипломат Алајдин Демири.

Тој во разговор за Телеграф.мк ги објаснува причините зошто СДСМ и ДУИ се решиле за, како што вели, ваков лош кадар. Демири е убеден дека ДУИ се чува за локалните избори, додека пак поради предолгото време поминато во опозиција СДСМ останал без квалитетни луѓе во своите редови.

- Ако зборуваме за новата влада дали има капацитет да го спроведе она што го вети, реформи и со кои луѓе би го направила, може да се каже дека е со ниско ниво. Ниско е бидејќи СДСМ долго време е во опозиција и човечкиот капацитет се растури, а пак ДУИ поради долгото време поминато во власта тешко можеше да најде луѓе што не се вмешани во криминал и во корупција – нагласува дипломатот за Телеграф.мк.

Според него, очигледно е дека во ДУИ повеќе размислуваат за локалните избори и ги сметаат за многу позначајни работи отколку изборот на владата.

– ДУИ своите сили ги чува за изборите за градоначалници бидејќи им е јасно дека оваа влада ќе има краток век. Тие сметаат дека тројката Теута Арифи, Изет Меџити и Невзат Бејта е највредното во партијата, но јас не сум убеден во тоа – додава Демири.

ЌЕ ИМА ЛИ ПРАВДА: За тројца министри од ДУИ се води истражна постапка

DUI-Mala-Recica

Тројца министри од ДУИ во новиот владин кабинет не ги разјаснија шпекулациите дека постојат сомненија за извршени криминални дела. Тоа се идните министри Рамиз Мерко, Бујар Османи и Садула Дураку, јавува телевизијата Алсат-М.Поранешниот градоначалник на Струга Рамиз Мерко е осомничен за злоупотреба на службената должност и е под истрага од страна на ОЈО. Мерко воедно е под истрага за злоупотреба на постапката при јавен повик.

Поранешниот портпарол и поранешен министер за здравство од редовите на ДУИ Бујар Османи, е осомничен за нелегални набавки во времето кога тој беше министер за здравство. Сомнежите се за проектот за реконструкција на Државна болница во износ од 400 илјади евра. Аферата беше објавена во „бомбите“ на СДСМ, а од извори во СЈО, Алсат-М дознава дека за овој случај е отворена предистражна постапка уште од пред една година.

Поранешниот министер за земјоделство и градоначалник на Липково, Садула Дураку, се дознава дека се уште не го исчистил досието за извештајот на Државниот ревизор, каде било констатирано дека за време на неговото раководење со Министерството за земјоделство, фалеле милиони евра. Дураку исто така е спомнат и во судските рочишта за случајот „Куманово“. Се шпекулира дека тој со наредба од Али Ахмети е испратен за преговори со „Кумановската група“, за дознавање на нивните мотиви.

Астеруд: Ахмети ќе ја внесува Македонија во НАТО и ЕУ без ниту една жена од ДУИ за министерка

Karolina-Ristova-Asterud

И, ете така, Али Ахмети ќе ја внесува Македонија во НАТО и ЕУ, кои од уста не ги вади, без жените Албанки, поточно,без ниту една жена од ДУИ за министерка, пишува на својот Фејсбук профил поранешната пратеничка од СДСМ, Каролина Ристова- Астеруд.

– Од шест места, ниту една, камоли две-три, па некако да го креневме општиот „рекорд“ од 4 на барем 5! Тоа е тој европски идентитет, онака, во ум, душа и срце, во најдестилираната форма. Не дека СДСМ и другите се многу понапред и дека се претегнале. Толку од реформскиот дух во тој дел, а сепак многу, многу индикативен! МЕГАРАЗОЧАРАНА!, напиша Астеруд.