Милошоски: Со истрајност и правни аргументи, пратениците на ВМРО-ДПМНЕ оневозможија гласање на неуставниот Закон за јазици

Со истрајност, деноноќни дискусии и правни аргументи, пратениците на ВМРО-ДПМНЕ успејаа да го оневозможат гласањето за неуставниот Закон за јазици, кој спротивно на собранискиот Деловник со злоупотреба на Европското знаменце и без јавна дебата, владата на Зоран Заев сакаше нетранспарентно да го протурка во Собранието како тесно-партиски предизборен договор за гласачко поткусурување и за покривање на владините економските неуспеси, рецесијата, големото задолжување, лагата за платата на лекарите, лагата за младинската гаранција од 10.000€, падот на индустриското производство, конфликтот на интереси на високи владини функционери и нивните тендери, како и неуспешноста на градоначалниците на Чаир, Куманово и Тетово!

• Сериозните прашања од национален интерес заслужуваат сериозна јавна дебата, демократска процедура и уважување на Уставот и на реалните потреби на сите граѓани на Македонија , без разлика на нивната етничка, партиска припадност или социјален статус.
• Опозицијата е легитимен претставник на најголем дел од граѓаните и власта тоа не смее арогантно да го игнорира. Целта на ниту еден закон не треба да биде краткорочниот ефект на изборите, туку долгорочните придобивки за добробит на државата.
• Сега Граѓаните се на потег, да гласаат  за своите реални потреби, без да бидат манипулирани со предизборни партиски контроверзни закони кои носат поделба и стереотипи, наместо обединување и развој. Граѓаните на Македонија на 15-ти октомври ќе гласаат за својата општина и за нашата заедничка татковина! Да живее Македонија! , пишува пратеникот Антонио Милошоски на социјалната мрежа Фејсбук.

ИСТЕЧЕ ВРЕМЕТО: Дебатата за Законот за јазиците ќе продолжи по локалните избори

Собранието на Република Македонија попладнево ја прекина работата по 15. седница и ќе продолжи по локалните избори.

Пратениците денеска шести ден во рамки на 15. седница дебатира по Предлог законот за употреба на јазиците, во прво читање.

Џафери рече дека ја прекинува дебатата согласно неговата најава дека Парламентот нема да работи на почетокот на кампањата за изборите, но и, како што рече, да нема чувство дека некој по секоја цена сака да постигне некоја цел.

– Како резултат на дебатата произлезе дека од интерес на граѓаните, да не кажам на дел од граѓаните, е и потребата за носење и на соодветниот закон којшто е во редовна постапка за којшто се надевам ќе продолжиме исто така со успешна и плодна конструктивна дебата, рече Џафери.

Се надевам, дополни, дека никој од учесниците оваа ситуација нема да ја користи во предизборни цели и во кампања. А тоа најдобро ќе го ценат, ќе го покажат и ќе го решат граѓаните на РМ, потенцираше Џафери, кој воедно на учесниците на изборите им посака мирна успешна предизборна кампања.

Во тек на шестдневната расправа за законот во Собранието опозициската ВМРО-ДПМНЕ обвини дека законот е неуставен и побара да биде повлечен. Смета дека со постапката за негово носење е прекршен собранискиот Деловник со цел во пресрет на локалните избори да се реализира договор меѓу коалициските партнери од власта.

Од мнозинството, пак, истакнаа дека законот е уставен, не го нарушува унитарниот карактер на државата и ќе овозможи заокружување на Охридскиот рамковен договор.

Петар Атанасов од СДСМ во тек на денешната расправа рече дека сите пратеници од албанските политички партии кажуваат дека има потреба од ваков  закон, но оти ВМРО-ДПМНЕ немале храброст да го затворат ова прашање.

– Ајде да го затвориме последното големо прашање од Охридскиот рамковен договор и заедно да градиме една единствена заедничка мултикултурна и демократска граѓанска Македонија, наведе Атанасов.

Според Никола Мицевски од ВМРО-ДПМНЕ, носењето на законот не е од практична причини за употреба на јазиците од страна на етникумите во Македонија, туку, како што рече, поради предизборниот период и она што е ветено како договор и основа за коалицирање помеѓу партиите од владејачкото мнозинство.

Поповски, пак, повтори дека е за закон за јазици, но оти е против постапката и одлуката за негово носење од страна на парламентарното мнозинство. Од сите, како што рече, неиздржани аргументи, најмногу го загрижувал и го смета за најопасен аргументот дека Европската унија  така налага.

– Да не ја злоупотребуваме ЕУ. Ако веќе ја ставаме ЕУ во оваа корелација  не може да го избегнеме фактот дека не постои заедничка политика за јазична употреба во рамки ЕУ, рече Поповски.

Реплицирајќи му, Томислав Тунтев од СДСМ  наведе дека е факт оти ЕУ нема заедничка политика во однос на јазиците, но дека ЕУ нема ниту заедничка политика  во однос на  образованието, а Владата на ВМРО-ДПМНЕ вовела екстерно тестирање виз-а-ви европските искуства. Значи, потенцираше, ние можеме  да ги земаме искуствата без оглед дали ЕУ има или нема заедничка  политика затоа што ЕУ како заедница на независни суверени држави решила кои  ќе се областите за кои ќе има заедничка политика. Очигледно ова не е, но тоа не значи дека не е регулирано во тие држави. Напротив, Белгија, Финска, Естонија, Франција, Шпанија, Италија.. секаде се модели каде на еден или на друг начин го регулираме ова прашање, но таму немало конфликт во 2001 година и Рамковен договор во чии рамки се движиме овие години, рече Тунтев.

Во бројните реплики на Поповски од неговите сопартијци, меѓу останатото беа упатени критики за финансиските импликации на законот, кој, според нив, е дискриминаторски во однос на другите малцински заедници.  Македонија, како што наведоа, со овој закон ќе биде единствена унитарна држава која ќе донесе закон за употреба на два службени јазика без за тоа да има реална основа.

Костов: Законот за јазици е закон само за албанскиот јазик и ги кине рамките на Охридскиот договор

Нема историски услови и причини за воведување на двојазичност или повеќејазичност во Република Македонија, вели во вечерашносто отворено студио Сотир Костов, поранешен јавен обвинител, аналитичар и колумнист.

– Овој Закон прво има еуфимистичко име, односно не го нарекуваме со вистинското име, туку го нарекуваме како Закон за употреба на јазиците, а јасно е дека е Закон за употреба на албанскиот јазик во една држава која се вика Република Македонија. Овој Закон доколку е уставно заснован, а не е, ги кине рамките на Охридскиот договор. Да не заборавиме тој договор е рамковен, а што Заев од Швајцарија ни порача дека ова 21 век и дека ќе ги крши рамките, тогаш ова е фактурата која ни ја испорача – вели Костов.

Тој додаде дека во Макединија живеат и други етникуми и не се само Албанците и посочи дека со овој Закон за јазици сакаат да се воведе и трета држава во регионот во која официјален и државен јазик ќе биде албанскиот, покрај Албанија и Косово.

Јовановски: Никој не одговори зошто на Законот за јазиците се става европско знаменце

Пратеникот Крсто Јовановски од ВМРО-ДПМНЕ од собраниската говорница предлагачите на Законот за јазици треба да бидат храбри и да излезат на говорницата за да ја објаснат потребата за донесување на овој закон и зошто се носи со европско знаменце.

-Никој не одговори зошто европско знаменце. Никој не одговори овдека зошто на Комисија за европски прашања, а не на Комисија за политички систем. Од друга страна, колегата Џафери нас ни објасни дека негово право било на која комисија ќе го даде. Добро е во тој контекст што не го даде овој закон на Комисијата за земјодество, водостопанство и шумарство, па таму ќе разговаравме во однос на субвенциите за овој закон, посочи Јовановски.

Тој додаде дека парламентарното мнозинство треба да биде подготвено дека кога ќе сака да донесе некој закон, ќе има конструктивна критика.

Милошоски: Неуставниот закон за јазици е тука за да рашири магла, за Анѓушев и Мерко да си ги покријат криминалите (ВИДЕО)

На денешната седница во Собранието каде точка на дневен ред е Законот за јазиците, говореше пратеникот на ВМРО-ДПМНЕ, Антонио Милошоски. Тој напомена дека меѓу другите, овој закон го предложиле вицепремиерот Кочо Анѓушев, министерот без ресор Рамиз Мерко.

Тој говореше зошто тие имаат потреба од овој закон, карање меѓу Македонци и Албанци, меѓу политички партии и стереотипи.

-Затоа што против господинот Мерко, сегашен министер, се води постапка за 6 милиони евра проневера за улично осветлување во Струга, наменски формирана фирма Сити Лајт, која што во моментот на тендерот, нема исполнето ниту еден од условите вреден 6 милиони евра, изјави Милошоски.

Тој напомена дека сега е поважно Мерко да им каже дека Антонио не ги сакал Албанците, а да се тргне курсот од неговиот криминал.

-Заедничкиот интерес на Анѓушев и Мерко е тендери, милиони, кеш и пари. Не потребата на граѓаните на Македонија. Овој неуставен закон е тука за да рашири магла, пред избори треба да се гласа, за да се направи политички пазар, не за да донесе поквалитетен живот, туку некој да си ги покрие криминалите кои што ги направил или што има намера да ги прави, изјави Милошоски.

Груевски: Законот за јазици е неуставен, а односот на Заев и СДСМ кон Албанците е нечесен

Според сите истражувања на јавното мислење најбитната работа за Албанците е економијата, отворањето на нови работни места, зголемување на животниот стандард и зголемувањето на платите и пензиите, ова претседателот на ВМРО-ДПМНЕ Никола Груевски го истакна вечерва во емисијата „200“ на телевизија Алсат.

-ВМРО-ДПМНЕ нема ништо против употребата на јазиците на сите етнички заедници во Македонија вклучувајќи ја и албанската, впрочем во 2008 се донесе законот за употреба на јазиците и се донесе во време кога ВМРО-ДПМНЕ ја водеше Владата, но она што ние не се залагаме да се случи е да не се донесе закон кои што ќе биде против уставен и кои што подоцна може да падне на уставниот суд. Имено од она што ние можеме да го видиме во овој период СДСМ и Зоран Заев одат на таа карта да пред локалните избори понудат закон за албанскиот јазик со кои што се зголемуваат правата на начини на кои што се спротивни на Уставот и тоа што го планираат по локалните избори откако ќе ги измамат и ќе ги поддржат веројатно поголем број на Албанци или ќе го корегираат тоа или ќе го донесат па Уставниот суд ќе го поништи, тоа е нечесно и не е фер кон Албанците, тоа е некоректно, потенцираше Груевски.

Тој вели дека засега првата фаза од овој закон предложен од СДСМ и ДУИ е неуставен, тој вели и дека доколку втората фаза е уставна тие како партија ќе го поддржат овој закон за јазиците.

-Ние се противиме да се донесе закон за јазиците кои што е неуставен, ние сакаме се да е согласно со уставот, а во овој дел огромен дел од законот е неуставен и нашите пратеници секој ден го потенцираат тоа во детали и посочуваат што е неуставно, вели Груевски.

Милошоски: Неуставниот закон за двојазичност се носи за да се прикрие корупцијата и неспособноста на функционерите на ДУИ

Пратеникот на ВМРО-ДПМНЕ Антонио Милошоски на денешната собраниска седница, истакна дека неуставниот јазик за двојазичност се носи за да се прикријат корупцијата и неспособноста на функционерите на ДУИ.

-Кој има потреба од носење на неуставен закон, дали имаат потреба некои пратеници кои што земале или не земале пари да гласат за ваков закон, дали тие пратеници се од СДСМ или не се тоа не знам, но едно знам дека ова не е потребата на граѓанинот Албанец, не е главната потреба. Знам дека ова е потребата на некој функционери Албанци за да ја покријат својата неспособност или корупција. Градоначалникот на Чаир Изет Меџити има земено 14% провизија за плоштадот Скендербег, 450 илјади евра има земено Изет Меџити, рече Милошоски.

Потребата на неуставниот закон не е за обичниот Албанец туку за да се покрие непособноста на функционерите на ДУИ.

-Потребата за овој закон е како Теута Арифи да покрие тоа што нејзиниот сопруг стана врховен судија, додека многу Албанци заминаа во странство да бараат леб. Како Изет Меџити зема 450 илјади евра за плоштадот Скендербег, како може еден градоначалник да земе пари и да се кити со нив. Потребата да се донесе неуставен закон има еден градоначалник кој што бугарска фирма градеше плоштад и истата префрли 450 илјади евра на фирма од Дебар, по  барање на градоначалникот Изет Меџити. Потребата е на Теута Арифи која што не успеа Албанците во Тетово да ги заштити од канцероген чад, потенцираше тој.

Милошоски на крајот истакна дека овој неуставен закон ќе падне на Уставен суд, но ќе предизвика кавга и нема да се збори за реалните потреби на Албанците во Македонија.

ВИДЕО: После овој говор на Трајчо Димков пратениците на СДСМ избегаа од Собранието со наведнати глави

Пратеникот Трајчо Димков од ВМРО-ДПМНЕ од Собраниската говорница им одджа предавање на пратениците од СДСМ во врска со погубната и платеничка политика што ја водат и им посочи да се откажат од Законот за употреба на јазиците.

Заев ги лаже Албанците пред избори, за неуставниот закон за употреба на јазиците ќе се одлучува по изборите

Науставниот закон за употреба на јазиците нема да се донесе пред изборите. Сега е само прво читање, намерно темпирано од страна на Заев за да ги излаже Албанците и да ги добие нивните гласови пред изборите.

Зоран Заев ги доведува во заблуда сите граѓани на Република Македонија. Тој си поигрува со чувствата и на Албанците и на Македонците. Неуставниот закон за јазици иако беше протуркан во Собрание, нема да дојде на дневен ред за гласање пред изборите. Имено, истиот сега е само прво читање, а следното ќе биде дури после локалните избори. Ова е намерно темпирано од страна на новиот премиер, кој има јасна цел да ги излаже Албанците за да ги добие нивните гласови пред изборите.

Заев намерно одлучи да оди со две читања, а законот можеше да помине и со едно. Така само купува време. Кога веќе одлучи да го подметне законот со европско знаменце, Заев можеше да одлучи и да помине истиот во само едно читање. Но, тој одлучи законот да оди со две читања за да си купи време пред претстојните избори.

Законот е неуставен, дури и да се донесе по изборите тој че биде соборен на Уставен суд.

Симона Груевска Маџовска, универзитетски професор,  во емисијата „Топ тема“ изјави дека се сретнале со Заев и иако се добивало впечаток дека со законот се воведува двојазичност и иако ќе имало двојазични печати на сите институции, de facto двојазичност нело да има на цела територија.

– Исто така не’ убеди и ни рече дека она што тука е многу непрецизно напишано, а јас како лингвист можам да реагирам на лоша терминологија, нејасни  термини што се подразбира, лошо срочени реченици итн од кои ние читајќи го буквално, знаејќи ги политичките преговори… Кога читаме добиваме впечаток  дека се работи за албанскиот јазик како службен на целата територија на Република Македонија и дека сите државни институцииќе бидат должни да обезбедат, печатите ќе им бидат двојазични на сите институции… Овде ни даде гаранција премиерот дека, верувам дека ќе имам можност и за прецизирање и за некоја измена како е напишано, ни гарантираше дека не станува збор за албанскиот како службен на цела територија на Македонија, истакна професорката која гостуваше на Топ Тема на Телма телевизија.

Заев ги доведува во заблуда и Албанците и Македонците: Законот за двојазичност нема да се донесе пред локални избори

Зоран Заев ги доведува во заблуда сите граѓани на Република Македонија. Тој си поигрува со чувствата и на Албанците и на Македонците.

Иако сакајќи да им се додвори на албанските гласачи се обиде да го протне Законот за двојазичност пред локалните избори, тоа нема да се случи. Во Собранието, пратениците расправаат за законот во прво читање, а второто читање, пред воопшто да се гласа за него, ќе биде после локалните избори.

Законот за јазици, кој многу професори и експерти го оценија како неуставен, влезе на главна расправа во Законодавниот дом.

Пред два месеци, пак, албанските медиуми пишуваа дека ставот на Зијадин Села е дека доколку во рок од 100 дена не се изгласа Законот за албанскиот јазик тој ќе ја напушти владината коалиција. Се поизвесно е дека Заев во обид да ја сочува владината коалиција и да го испорача ветеното ќе остане глув на изјавите и укажувањата на екпертската фела, но и на мислењето на граѓаните.