БЕСА и Алијанса обвинуваат: Оливер Спасовски вршел притисок за советници во Гостивар да сменат страна

Советниците од коалицијата Алијанса за Албанците и Движењето Беса обвинуваат дека го изгубиле мнозинството во Советот на Општина Гостивар затоа што министерот за внатрешни работи, Оливер Спасовски, ургирал советници да ја променат страната. Со тоа градоначалникот, Арбен Таравари, не би ја имал поддршката од Советот, затоа што мнозинството би било предводено од советниците на ДУИ.

-Чувствуваме морална обврска да ве информираме дека до вчера имавме обезбедено мнозинство од над 16 советници за конституирање на Советот на Општина Гостивар, па затоа за денес инициравме одржување на конститутивна седница. Но, вчера во доцните часови, во Гостивар престојувал министерот за внатрешни работи на Македонија, Оливер Спасовски, и злоупотребувајќи ја неговата функција, успеал преку закани и уцени да ги натера општинските советници од помалите партии да преминат на страната на губитниците на изборите, велат од двете партии.

Од тие прачини, додаваат, ја напуштиле седницата.

-Ние советниците од редовите на Алијансата за Албанците и Движењето Беса, оценивме дека е неразумно да бидеме дел од крајно манипулираната конститутивна седница, па затоа ја напуштивме истата, информираат од БЕСА и од партијата на Зијадин Села.

Ѓорчев: СДСМ направи изборен фалсификат, и затоа само тие и ДУИ ги признаваат овие избори

Во денешната емисија на Топ Тема на телевизија Телма, гостуваше Владимир Ѓорчев, член на Извршниот Комитет на ВМРО-ДПМНЕ. Тој истакна дека и во двата круга од локалните избори, атмосферата била тензична и несвојствена за Република Македонија. Според него никој граѓанин не памети вакви избори каде што не преовладувал разумот туку насилството, заканите, поткупот и големо присуство на полиција на гласачките места во сите општини. Тој додаде дека моментално во Македонија има ситуација каде што од пет политички партии, три политички партии не ги признаваат изборите, од кои една од нив е владин коалиционен партнер на СДСМ.

– Имаме ситуација внатре во Македонија, каде што изборите не ги признава ВМРО-ДПМНЕ, изборите не ги признава БЕСА, изборите не ги признава владина учесник Алијанса на Албанците. Луѓе партиципиенти во владата на Зоран Заев не ги признаваат резултатите. И не само што не ги признаваат резултатите, туку објаснуваат за бројни злоупотреби. Значи освен СДСМ и ДУИ никој не ги признава резултатите,рече Ѓорчев.

Ѓорчев обвини дека изборната победа на ВМРО-ДПМНЕ била украдена. Ѓорчев додаде дека СДСМ со помош на МВР организирала голем изборен фалсификат и во вториот круг од локалните избори во голем број на општини.

-Нас победата во Штип ни е украдена, нас победата во Виница ни е украдена, нас победата во Македонска Каменица ни е украдена, нас победата во Чешиново Облешево исто така ни е украдена, нас победата во Могила и Новаци ни е украдена и во голем број други општини, додаде Ѓорчев.

Според него, СДСМ на овие локални избори направила голем изборен инжинеринг и покажала големо непочитување на волјата на граѓаните, со што СДСМ помогнала и учествувала во враќал на криминалот, насилството, рекетот, а граѓаните веќе ја почувствувале небезбедноста во градот Скопје и сите општини.

Јакимовски: За изборните нерегуларности мора некој да одговара

Сакам да зборуваме многу објективно, ние кои што ги водиме партиите алудираме и да ја водиме државата, сакам како граѓани да се погледнеме и да се прашаме: Дали изборите во 2017 се подобро организирани од 2016 година? Дали се по фер и демократски? Има господ и има јавност- овие избори се по нефер и по недемократски и со огромни пропусти во однос на она што било во 2016 година, ова го потенцираше претседателот на ГРОМ и поранешниот градоначалник на Карпош Стевчо Јакимовски во гостувањето на емисијата „Алфаскоп“.

-Не е битно кој добил, а кој изгубил, сега зборуваме за државата, за 25 години прв пат се случува да ливчиња од една општина има во друга, а на сето тоа јавно сакам да ја прашам француската амбасадорка ако во Париз најдете ливче во Лион или во Марсеј дали тие ваши избори ќе бидат регуларни и дали после една секунда претседателот на ДИК се уште ќе остане претседател? Граѓанската опција за Македонија ГРОМ поднесе кривична пријава за злосторничко здружување до одделението за организиран криминал против државната комисија, одговорното лице на државната комисија, против печатницата и не случајно за прв пат се менува печатницата „Киро Дандаро“ и се печати во „Полиестердеј“ кој што е близок до СДСМ. И вие за да најдете избирачко ливче од една општина во друга тоа значи или некој тоа компјутерски го средил во ДИК или тоа некој физички во печатницата од едно место на друго е внесено ливчето од еден во друг кочан и така тој кочан е направен и залепен со цел да се направи бугарски воз, вели Јакимовски.

Тој додава дека за сето ова мора да се има истрага и мора да се утврди кој е тој што ги мешал картите на денот на изборите.

-Сосема друго прашање се притисоците, уцените, заканите, да не се разбереме погрешно јас ги признав изборите во Карпош , но сега зборуваме за државата Република Македонија, затоа што ние имавме циркузи цели три години и некој кој го бараше МВР сега испаѓа дека истото им требало за да стои пред куќите каде се делеле пари и се купувале гласови. Дема МВР и алфите служеле да вршат закани и уцени на граѓани да не гласаат за опозицијата, а тоа се случи и во мојата општина во ромскиот дел на Злокуќани. Тоа значи дека ние имаме груба злоупотреба на институциите на институциите на Македонија и морам да ви кажам денес имаме нов кваликатив за разлика од 2014 кога СДСМ не ги признаа изборите денеска имаме и две албански партии кои што не ги признаваат изборите и најголемата забелешка ја упатуваат кон МВР, потенцира Јакимовски.

ОБСЕ го потврди бугарскиот воз низ цела држава – за 922 ливчиња има несовпаѓање со бројот на гласачи што гласале

Низа нерегуларности и прекршувања го одбележаа целиот изборен процес, а констатирани се и огромен број на неправилности во првиот и вториот круг од локалните избори. Неправилности се констатирани и во Извештајот на ОБСЕ.

Меѓу другото, во Извештајот се наведува: „Резултатите на националното ниво во првиот круг покажаа несовпаѓање од 922 меѓу предадените гласачки ливчиња и гласачи што гласале на изборите за градоначалник како и разлика од 310 во изборите за општинските совети.“

Ова е сигурна потврда за она што и досега се обвинуваше- присуство на појавата Бугарски воз.

Недостаток на едно ливче на повеќе избирачки места или едно ливче повеќе потврдува дека се случувал ваков вид на прекршување и нерегуларност. Според ОБСЕ во Македонија има несовпаѓање на 922 ливчиња што е алармантна бројка кога е во прашање релевантноста на изборните резултати.

ВМРО-ДПМНЕ: Полицијата и надлежните институции останаа неми на експлицитни видео и фото материјали од кои се гледа целиот криминал извршен од СДС

Изминативе локални избори беа најнедемократските и најнерегуларните избори во историјата на независна Македонија. Изборите во целост поминаа во знакот на уцените и поткупот на гласачи во скоро сите општини во државата, а граѓаните беа предмет на закани од страна на полициски службеници пред сопствените домови, велат од ВМРО-ДПМНЕ.

Медиумите, но и граѓаните на социјалните мрежи објавија безброј докази за насилството од страна на партиските активисти на СДС, кои во придружба на полицијата им се закануваа на граѓаните да не излегуваат да гласаат. Полицијата наместо да ги штити граѓаните во текот на вчерашниот ден ги напаѓаше и физички им се закануваше. Снимката од Бутел, каде полициски службеник му се заканува на граѓанин да не се осмелува да излезе од својот двор, видеото со поткуп на граѓани во Штип, аудио снимката од Зоре Темелковски како се вели дека ќе избрка 1100 луѓе од работа за само еден ден доколку не излезат да гласаат се доказ како функционираше СДС и какви избори имаше Република Македонија, се вели во реакцијат аод ВМРО-ДПМНЕ и се додава:

„Злоупотребата на полицијата во Кавадарци, Могила, Новаци и Македонска Каменица, но и поткупот на гласачи на ден на избори во Визбегово од страна на партиски шеф на СДС во Бутел се еклатантен пример за нефер избори и бришење на границата помеѓу државата и партијата. Полицијата и надлежните институции останаа неми на ваквите експлицитни видео и фото материјали од кои се гледа целиот криминал извршен од СДС, а со помош на државните органи, кои се под целосна контрола на власта. Институциите се узурпирани. Демократијата е уништена. Токму затоа ВМРО-ДПМНЕ излезе со 7 барања кои ќе ја вратат демократијата во државата и ќе влијаат на враќање на слободата кај граѓаните“.

ПУКАЈТЕ КОЛКУ САКАТЕ: СДСМ го озаконува пукањето по улици!

Министерството за внатрешни работи на чело со Оливер Спасовски од СДСМ, го озаконува пукањето по улиците низ Македонија.

Имено, од МВР има само молк за тоа што ДУИ синоќа со истрели од огнено оружје славеше на плоштадот Скендер бег. Во одбрана единствено на својот коалиционен партнер во Владата, ДУИ, на СДСМ воопшто не им е грижа за безбедноста на граѓаните.

КУРИР уште утрово испрати прашања до МВР со цел да биде информирана македонската јавност, но од МВР одговор нема.

-Дали се идентификувани лицата кои вчера вечерта пукаа од огнено оружје на плоштадот Скендербег? Колкумина се приведени?

-Колку парчиња оружје се одземени и дали оружјето било и претходно користено за кривични дела?

-За колку време се очекува да заврши вештачењето?

Додека не одговараат на прашања на  КУРИР, МВР за медиум близок до СДСМ испрати ваков одговор:

„Се преземаат мерки и активности за расчистување на случајот. Кога ќе биде расчистен, јавноста ќе биде известена“ велат од МВР.

Граѓаните се уплашени и загрижени, но полицијата под водство на Спасовски не превзема ништо за да ги заштити, па тие секако стравуваат за својата безбедност и своите животи.

Со игнорантскиот и незаинтересиран однос на МВР, се испраќа порака до насилниците дека секој може да пука каде сака, а ако  е близок до СДСМ за тоа нема да одговара.

Испукаа цели шаржери, а МВР не превзема ништо

 

Десетина од славениците на победата на Ганиу и на ДУИ синоќа испукаа цели шаржери во воздух и покрај тоа што имаше полициско присуство на прославата. Еден од приврзаниците пред да почне да зборува Ганиу во негова непосредна близина испука цел шаржер, а неколку куршуми удрија во долниот дел од катот на плоштадот Скендер бег по што деланки бетон паѓаа врз кандидатот, но и врз вицепремиерот Бујар Османи.

Амир Елези: Победата во општина Теарце ни ја украдоа истите крадци кои ја крадат нашата иднина

Благодарение на сите вас кои застанавте до нас, се чувствувам многу горд на огромната поддршка, определувањето и придонесот. Се соочивме со државната полиција која што се постави во служба на партијата, со подземјето кое се уште го задушува и го плаши сиромашниот народ, и со класичното купување на гласовите. Победата во општина Теарце ни ја украдоа истите крадци кои ја крадат нашата иднина. Секогаш на страната на праведните, на оние со достоинство, на оние кои не го продаваат својот народ по секоја цена, вели Амир Елези од БЕСА за вчерашните избори.

 (Albportali.com)

Јанчев: Ја водев најтешката битка во животот – Кавадарци ќе стане убаво место за живеење

Кандидатот на ВМРО-ДПМНЕ за градоначалник на Кавадарци, Митко Јанчев, ги освои изборите со 1642 гласови пресност пред противкандидатот Бетиани Китев од СДСМ, кој вторпат губи на локални избори во Кавадарци.

Победата на Јанчев е недвосмислена. Тој им благодари на сограѓаните и поддржувачите и им вети дека Кавадарци ќе стане убаво место за живеење.

Ѓорчев: Вчера се случија нерегуларни и насилнички избори, доставивме видео и фото материјали од нерегуларностите

Република Македонија во текот на вчерашниот ден ги имаше најнерегуларните и нај недемократските избори во историјата на независна Македонија и никогаш во последниве 27 години немало понасилни избори и немало избори со поткуп и насилство, вели на денешната прес-конференција Влатко Ѓорчев од ВМРО-ДПМНЕ.

-Забележани и документирани се огромен број на нерегуларности како и индиции за поткуп, закани и уцени вклучувајќи и од полициски службеници. Уште од рано изутрина беше прекршен изборниот молк, а постојат и сериозни докази дека биле полнети изборните кутии со така наречениот бугарски воз во повеќе општини во државата. ВМРО-ДПМНЕ до меѓународните претставници до ОБСЕ и ОДИХР достави видео и фото материјали за голем број од забележаните нерегуларности, потенцира Ѓорчев.

Тој додава и дека медиумите вчера објавиле снимка од која се гледа како активист од СДСМ во Штип дава поткуп на граѓанин.

-МВР и државните институции на СДСМ не реагираа и го премолчеа овој поткуп, а целата полиција беше на располагање на СДСМ и полициски припадници физички им се закануваа на гласачите кои не се од СДСМ да излегуваат од својот дом, рече Ѓорчев.

Ѓорчев на пресот го објави видеото каде припадник на МВР се заканува на гласач во Бутел да не излегува на гласање и кажа дека луѓето сакаат дома да ги тепаат, во куќен двор.

-Припадник на МВР се заканува на човек што има 60-65-70 години и му вика не искачај од дома. Што му фали на припадникот на МВР? Ништо! Кога тој се однесува вака, во сред Скоје, пред камера, можете да замислите што се случува по помалите градови, што се случува по помалите улици што се случува по селата и по населбите, каде што нема камери. Дома им се закануваат на луѓето дека ќе ги тепаат. Здрав, прав човек од 35-40 години се заканува на човек што има 60-65-70 години, дека дома ќе го тепа и него и син му, изјави Ѓорчев.

Ѓорчев напомена дека вака фунционирало МВР насекаде низ државата, дека вака полициски службеници им се заканувале на граѓаните да не излегуваат на гласање и дека оваа појава била масовна низ цела Македонија.

-Во Визбегово, во истата општина Бутел, со фотографија е документирано делење шеќер, зејтин и други материјали до граѓаните, од страна на локален лидер за време на изборниот молк и изборниот ден. Значи, зборуваме за носење на товари материјали, шеќер, зејтин, брашно и други материјали од страна на локален лидер на СДСМ документирано со фотографија и никому ништо. Пријавено реакција никаква, изјави Ѓорчев.

Ѓорчев напомена дека на вчерашниот изборен ден исто така граѓаните виделе и што значи за вработените во државната и јавна администрација кога СДСМ е на власт.

-Во аудио снимка објавена во медиумите слушнавме како таткото на кандидатот за градоначалник од СДСМ се заканува дека во еден ден може да бидат отпуштени над 1.100 луѓе во Драчево од работа, само ако не гласаат за СДСМ, изјави Ѓорчев.

Ѓорчев кажа дека оваа снимка е доказ каков притисок бил вршен врз граѓаните за да гласаат за СДСМ.

-Знаете за што зборуваме тука? Зборуваме за отпуштање на 1.100 луѓе од Драчево, за 1.100 луѓе од Драчево нивно отпуштање, како во транзицијата, изјави Ѓорчев.

Ѓорчев напомена дека во текот на вчерашниот ден врз граѓаните бил правен системски и психолошки притисок со цел втерување на страв за да не излезат на гласање.

-На само три часа пред затварањето на избирачките места беа искршени преку 40 надгробни плочи на православните гробишта во село Брњарци, Општина Гази Баба. Сликите се загрижувачки и многу зборуваат за оваа власт, изјави Ѓорчев.

Ѓорчев кажа дека забележан е и спречен обид за „бугарски воз“ во Општина Чаир, а дека информации а извршен „бугарски воз“ имаат од повеќе места.

-Полициските припадници рамо до рамо со партиските активисти на СДСМ вршеа притисок и во Македонска Каменица, Новаци, Могила, Кавадарци, Штип и во сите општини каде што имаше втор круг. Во Могила и Новаци им беше кажувано на луѓе за кои што се мислеше дека нема да гласаат за СДСМ: „Не излегувајте на гласање, од понеделник не доаѓајте на работа. Ако било кој од вашето семејство излезе, во понеделник не доаѓајте на работа“. Тоа им беше кажувано на луѓе вработени во РЕК. Могила и Новаци, општини во кои секогаш победувал ВМРО-ДПМНЕ, општини во кои што водеше ВМРО-ДПМНЕ, изјави Ѓорчев.

Тој напомена дека ова се само мал дел од нерегуларностите кои биле направени во текот на вчерашниот ден, напомена и дека сите овие информации биле и се проследени до меѓународните набљудувачи, ОБСЕ и ОДИХР.

-За сите овие нерегуларности, МВР и државните институции молчат и не реагираат, затоа што се под целосна контрола на СДСМ и се извршители на изборниот криминал. Демократијата и правната држава вчера беа погребани во Република Македонија. СДСМ покажа дека нема намера да спроведува фер и демократски избори и дека сака да спроведува целосна контрола врз институциите, за целосен и тотален притисок врз граѓаните, изјави Ѓорчев.

Ѓорчев кажа дека токму затоа ВМРО-ДПМНЕ излегува со седумте барања кои сметаат дека се основен предуслов за враќање на демократијата и владеењето на правото во државата.

1.Организирање на предвремени парламентрани избори согласно Пржинскиот модел кои ќе бидат спроведени од техничка Влада, на исти начин како што беа организирани парламентарните избори на 11 декември 2016 година.

2.Итна смена на директорот на Агенцијата за аудиовизулени и медиумски услуги, и избор на директор на оваа значајна институција по предлог на опозицијата.

3.Оставка и разрешување на претседателот на ДИК, Александар Чичаковски. Враќање на старото законско решение, во време на Влада на ВМРО-ДПМНЕ, кога претседателот на ДИК беше од редовите на СДСМ, од редовите на опозицијата. Сега истото решение за кое ВМРО-ДПМНЕ имаше демократски капацитет, нека го спроведе и оваа влада што носи под наводници демократија, живот и слобода. Нека го дадат истото она што беше пред пет години.

4.Итна истрага и вештачење со наше учество на уредите за прислушкување на УБК, заради основано сомнение дека полицијата врши прислушкување на најмалку 100 лица од редовите на ВМРО-ДПМНЕ.

5.Итно и без пролонгирање завршување на судењето за случајот Поткуп, во кој Заев на очиглед на целата јавност бара мито во висина од 200 илјади вера..

6.Основање на специјално јавно обвинителство кое ќе има ингеренции за расчистување на изборните нерегуларности од изборите во 2016 и изборите во 2017 година, како и на злоупотребата на целокупниот државен апарат во изборни цели за изборите во 2017 година.

7.Ослободување на лицата кои што се во притвор и прекинување на процесите против граѓаните, за случувањата на 27 април 2017 година.

-Демократијата ќе се врати, ВМРО-ДПМНЕ ќе победи, ВМРО е константа која што трае 124 години и во добро и во лошо. Ќе победи Република Македонија. Тогаш овие прекршители на законите, сите оние кои што им се закануваа и ги заплашуваа граѓаните дека ќе ги тепаат во нивните дворови и во нивните домови ќе одговараат согласно законите, изјави Ѓорчев.

Милион и пол евра префрлени на сметките на шарените и невладините пред изборите

Околу 94.827.136 денари или 1.541.905 евра, државни пари беа префрлени на сметките на невладините организации од 7 август до денес.

На крајот од предизборната кампања, за промоција на политиките на социјалдемократите, само за еден ден, на 26.10.2017 година, невладините зедоа речиси половина милион евра од државниот буџет кој сите ние го полниме.

Покрај парите на фондацијата Сорос, кои изнесуваат околу 4 до 5 милиони евра годишно, невладините се финансирани и од страна на државата во сличен износ, меѓутоа, тие (НВО) бараат уште поголема државна помош, а од Владата одговорија дека ќе има „плодна година“.

Финансирањето на граѓанските организации, вкупно по сите основи од државниот буџет, е на ниво од четири до пет милиони евра годишно, што е исто колку што дава и фондацијата СОРОС… Мора да се зголеми државното финансирање, за да нема повеќе обвинувања дека невладините се поддржани од странство, бидејќи тие всушност треба да се финансираат од државниот буџет, вклучувајќи ги и критички настроените, изјави Александар Кржаловски од МЦМС.

Со изјава и генералниот секретар на Владата на Република Македонија, Драги Рашковски.

Да се надеваме дека ќе имаме многу успешна буџетска година која ќе ни дозволи тие средства да се покачат, вели Рашковски.

За почеток на владеењето на СДСМ невладините се опарија 10 пати повеќе

Наместо вложувања и реализација на капитални проекти и добра кои ќе обезбедат повеќекратни сегашни и идни користи, парите на и онака аномаличниот буџет ќе продолжат да се трошат на шарени револуционери, невладини организации и на останати непродуктивни проекти.

Колку за споредба, невладините, од државниот буџет, примија 10 пати повеќе пари од вкупната вредност на сите префрлени субвенции на приватни претпријатија за периодот од 7ми август до денес.

Непродуктивните трошења продолжуваат и по други основи. За стоки и услуги, во погоре опфатениот интервал (07.08. -27.10. годинава) новата Влада потроши повеќе од 125 милиони евра. Државата нема пари за покачување на пензии, за градење на автопати, болници, училишта, итн., но има за ангажирање на шарени активисти и за партизирање на невладиниот сектор.

Македонија беше единствената земја каде што можеше бесплатно да си купиш боја, и плус, ако претходно ги оштетуваше државните објекти, сега ќе си земаш пари од државата.