ВМРО-ДПМНЕ: Владата на СДС работи со манипулации, создавање на хаос и демонстрирање на бандитизам кој станува нивна главна одлука

VMRO-DPMNE-kamen

Заев со амнестија ги лаже затворениците и ги злоупотребува во предизборни цели. Мавтањето со предлог закон за амнестија кон прекршителите на законот, сторители на кривични дела не е ништо друго туку изборна корупција и кохетирање со затворениците пред избори, велат од ВМРО-ДПМНЕ.

Преку случајот на ослободувањето на Бајруш Сејдиу и Агим Красниќи се покажа дека кога сака СДС и Заев не им е потребна амнестија за ослободување туку тоа се прави преку кршење и злоупотреба на законот. Зоран Заев е нечесен кон луѓето кои се по затворите. Тој сака да ги искористи како гласачка машинерија, а во реалноста тој ќе ги измами и оваа категорија на граѓани. Владата на СДС работи со манипулации, создавање на хаос и демонстрирање на бандитизам кој станува нивна главна одлука, се вели во соопштението од ВМРО-ДПМНЕ.

Оттаму посочуваат дека ова граѓаните ќе го казнат СДСМ на 15 октомври.

ВЛАДАТА ОСЛОБОДУВА КРИМИНАЛЦИ: По Красниќи пуштен на слобода и Бајруш, на Заев му требаат пред изборите

Zaev-Verusevski-Krasniki_Bajrus

Осуденици за тешки кривични дела излегуваат од затвор во пресрет на локалните избори. Владата ги ослободува, а за возврат очекува нивна помош во правење на изборни нерегуларности на локалните избори. Зоран Заев и Владата по ослободувањето на Агим Красниќи од затвор, на слобода го пуштија и Бајруш Сејдиу.

Вчера на пладне од затворот во Штип, дома за Куманово си замина Сејдиу, кој повеќе од шест години е во затвор за перење пари, насилство, злосторничко здружување и фалсификување.

Сејдиу е пуштен по молба за прекин на казната, а со дозвола на директорот на Управата за извршување санкции. Сејдиу доби привремен отпуст до четврти октомври, а како што официјално е наведено од медицински причини.

Бајруш Сејдиу е осуден на казна затвор од 12 години. Во придружба на полицијата често беше носен на прегледи и интервенција во Клиничката болница во Штип.

Ова е втор затвореник со звучно име како привремено го напушта штипскиот затвор. Неодамна, на викенд беше пуштен Кондовецот Агим Красниќи, осуден за изборни насилства, но тој не се врати назад во затворот.

Прв пат по девет години, Агим Красниќи, познат по кондовската опсада на Скопје, влезе во своето село Кондово на 8 септември. Неговите соселани му посакаа добредојде, со пароли на кои што пишуваше „Добредојде команданту”, јавија медиумите на почетокот на месецов.

Красниќи заедно со својата седумчлена вооружена дружина беше уапсен во 2008 година за нерегуларности и предизвикување инциденти за време на тогашните парламентарни избори, поседување оружје и злосторничко здружување. Вкупно им беа изречени преку 50 години затвор.

Красниќи од Кондово, водач на Кондовската група, која се поврзуваше со повеќе кривични дела, беше приведен после неколкудневното држење на Скопје под опсада и закани за во оружен напад од Кондово кон главниот град. Красниќи ја одлежа казната во Штипскиот затвор, каде и се венчаше со својата избраничка.

Во минатото Красниќи важеше за многу близок до претседателот на ДПА, Мендух Тачи.

Мицкоски до Кирацовски: Вистинската анкета ќе биде на денот на изборите – ВМРО-ДПМНЕ ЌЕ БИДЕ СИГУРЕН ПОБЕДНИК

Mickoski-Samo-Vistina

Генералниот секретар на ВМРО-ДПМНЕ, Христијан Мицкоски во денешната дебата во емисијата „Само вистина“ на телевизијата Канал 5, на генералниот секретар на СДСМ, Александар Кирацовски му порача дека вистинската анкета ќе биде на денот на изборите.

-Денот на изборите беше на 11 декември кога на народот на Зоран Заев му порача „Господине Заев вие сте минато, бидејќи дадовте збор“. Заев за жал не го испочитува тоа, но повторно ќе кажам, тоа е момент кој внатрепартиските органи на Социјал-демократскиот сојуз треба да одлучат, посочи Мицкоски.

Тој го осуди потегот на Заев кој пред граѓаните на Македонија пред одржувањето на парламентарните избори во декември минатата година истакна дека доколку загуби на изборите, макар и за еден глас, ќе си поднесе оставка, но тоа никогаш не го направи.

-За денот на изборите, ќе видиме која анкета била во право и кој не бил во право. Граѓаните ќе бидат тие кои ќе ја испорачаат вистинската анкета. Јас ви гарантирам дека граѓаните повторно ќе му кажат на Заев дека треба сериозно да размисли да го испочитува дадениот збор во декември месец, за време на парламентарните избори 2016 година, истакна Мицкоски, додавајќи дека треба да се почека онаа вистинската анкета на денот на изборите.

Генералниот секретар на ВМРО-ДПМНЕ појасни дека партијата на овие избори влегува максимално мобилизирана по вертикала – од долу, нагоре.

-Од Месните комитети до врвот на партијата, до Извршниот комитет, апсолутно сме мобилизирани. Присутни сме секојдневно на терен, тоа може да се потврди од секојдневните комуникации со граѓаните, со активистите на партијата, со поддржувачите на партијата, но и оние кои се критичари, посочи Мицкоски.

Напомена дека ВМРО-ДПМНЕ е во комуникација со сите граѓаните на Република Македонија без разлика нивната национална, верска или партиска определба.

Мицкоски вели дека ВМРО-ДПМНЕ ќе биде сигурен победник на локалните избори.

Анкета на „Димитрија Чуповски“: Груевски дупло појак од Заев, ВМРО-ДПМНЕ со убедлива предност пред СДСМ во пресрет на локалните избори

institut-dimitrija-cupovski

ВМРО-ДПМНЕ има огромна предност пред СДСМ во пресрет на локалните избори кои ќе се одржат на 15 октомври. Според анкетата на институтот „Димитрија Чуповски“, 28,4 отсто од гласачите би гласале за ВМРО-ДПМНЕ доколку утре се одржат избори, а за СДСМ би гласале 18,1 процент.

Според анкетата, најголема доверба ужива претседателот на ВМРО-ДПМНЕ, односно 29,2 отсто, а премиерот Зоран Заев има само 14,8 проценти доверба од граѓаните.

Анкетата е спроведена од 13 до 16 септември. Испитувањето на јавното мислење е направено телефонски, а партиципирале 1.124 испитаници.

-Анкетата беше спроведена со цел да се измерат генералните перцепции во пресрет на локалните избори закажани за 15 октомври. Оваа анкета беше спроведена на ниво на цела Република Македонија и притоа беа земени сите демографски карактеристики, се вели во соопштението од Институтот Димитрија Чуповски.

Заев ги лаже Албанците пред избори, за неуставниот закон за употреба на јазиците ќе се одлучува по изборите

zaev-albansko-zname

Науставниот закон за употреба на јазиците нема да се донесе пред изборите. Сега е само прво читање, намерно темпирано од страна на Заев за да ги излаже Албанците и да ги добие нивните гласови пред изборите.

Зоран Заев ги доведува во заблуда сите граѓани на Република Македонија. Тој си поигрува со чувствата и на Албанците и на Македонците. Неуставниот закон за јазици иако беше протуркан во Собрание, нема да дојде на дневен ред за гласање пред изборите. Имено, истиот сега е само прво читање, а следното ќе биде дури после локалните избори. Ова е намерно темпирано од страна на новиот премиер, кој има јасна цел да ги излаже Албанците за да ги добие нивните гласови пред изборите.

Заев намерно одлучи да оди со две читања, а законот можеше да помине и со едно. Така само купува време. Кога веќе одлучи да го подметне законот со европско знаменце, Заев можеше да одлучи и да помине истиот во само едно читање. Но, тој одлучи законот да оди со две читања за да си купи време пред претстојните избори.

Законот е неуставен, дури и да се донесе по изборите тој че биде соборен на Уставен суд.

Симона Груевска Маџовска, универзитетски професор,  во емисијата „Топ тема“ изјави дека се сретнале со Заев и иако се добивало впечаток дека со законот се воведува двојазичност и иако ќе имало двојазични печати на сите институции, de facto двојазичност нело да има на цела територија.

– Исто така не’ убеди и ни рече дека она што тука е многу непрецизно напишано, а јас како лингвист можам да реагирам на лоша терминологија, нејасни  термини што се подразбира, лошо срочени реченици итн од кои ние читајќи го буквално, знаејќи ги политичките преговори… Кога читаме добиваме впечаток  дека се работи за албанскиот јазик како службен на целата територија на Република Македонија и дека сите државни институцииќе бидат должни да обезбедат, печатите ќе им бидат двојазични на сите институции… Овде ни даде гаранција премиерот дека, верувам дека ќе имам можност и за прецизирање и за некоја измена како е напишано, ни гарантираше дека не станува збор за албанскиот како службен на цела територија на Македонија, истакна професорката која гостуваше на Топ Тема на Телма телевизија.

Груевски: Нашите градоначалници ги чека тешка задача, за секоја општина ќе имаме посебна програма и концепт за развој

Gruevski-tribina-Konrad-Adenauer-1

Претседателот на ВМРО-ДПМНЕ, Никола Груевски на денешната Политичка академија која ја организираа Кондар Аденауер и институтот „Павел Шатев“, се обрати до кандидатите за градоначалници на ВМРО-ДПМНЕ кои ќе ја имаат одговорноста да го спроведат она што го има во програмите на ВМРО-ДПМЕ.

– Најголемите резултати во животот најчесто се постигнуваат со едноставни средства и искажување на вообичаени одлики. Имајте доверба во себе, затоа што ќе ја имате довербата од народот, ветувајте го она што се сигурни дека ќе го направите, така ќе ја имате самодовербата и довербата од народот подоцна. Како што Ганди велеше „Бидете промента која сакате да ја видите“. Ние, никогаш не ветуваме дека ќе решиме се, свесни сме дека има уште многу работа, и ние знаеме како понатаму, граѓаните со нас се на сигурно, порача Груевски.

Тој напомена дека нивните противници ќе ветуваат чуда и волшебни решенија, бидејќи тие немаат друг избор. И тие немаат образ да останат на зборот, и тоа го покажаа во минатото безброј пати, а во последните три месеци триесет пати го сменија зборот, го погазија кажаното, се демантираа, потенцираше Груевски.

– Кога на национално ниво ветуваа, а не остваруваа, тоа ќе биде пресликано и на локално ниво. Народот е мудар и знае да разликува што е реално и остварливо, а што не е, и уште поважно народот знае кој држи до зборот а кој не, кога ќе ветиме остваруваме. Ние оставаме за нас да говорат делата, кои се гледаат, чувствуваат, посетуваат, користат, кои помагаат, изјави Груевски.
Тој на кандидатите за градоначалници им порача дека ги чека тешка и одговорна работа.

– За секој град за секоја општина ќе имаме конкретна програма. Таа програма ќе биде концептот за развој на секое место на живеење. Конкретни и одмерени проекти кои ќе бидат реализирани, а ве уверувам дека секој од градоначалниците ќе ја има мојата поддршка, но и мојот притисок секое ветување да биде остварено. Приоритет ќе биде развој на локалната економија. Поддршка на компаниите и овозможување на подобри услови за стопанисување. Зајакнување и формирање на повеќе индустриски зони кои ќе обезбедат повеќе приходи и повеќе работа за луѓето, тоа одлично тргна во претходниот мандат треба да продолжи. Секоја општина која што ја нема треба да ја создаде индустриската зона, секоја општина која што ја има, а се веќе распродадени локациите, треба или да ја прошири или да формира нова индустриска зона. Затоа што тоа е основната работа која што е потребна на граѓаните на Република Македонија, нови работни места, кои не може да ги има ако еден градоначалник не обезбеди обезбеди услови во инфустриска зона, изјави Груевски.

Груевски: За секој град, за секоја општина ќе имаме конкретна програма, концепт за развој на секое место на живеење

Gruevski-tribina-Konrad-Adenauer

Лидерот на ВМРО-ДПМНЕ, Никола Груевски на денешната Политичка академија која ја организираа Кондар Аденауер и институтот „Павел Шатев“, се обрати до кандидатите за градоначалници на ВМРО-ДПМНе кои ќе ја имаат одговорноста да го спроведат она што го има во програмите на ВМРО-ДПМЕ.

-Најголемите резултати во животот најчесто се постигнуваат со едноставни средства и искажување на вообичаени одлики. Имајте доверба во себе, затоа што ќе ја имате довербата од народот, ветувајте го она што се сигурни дека ќе го направите, така ќе ја имате самодовербата и довербата од народот подоцна. Како што Ганди велеше „Бидете промента која сакате да ја видите“. Ние, никогаш не ветуваме дека ќе решиме се, свесни сме дека има уште многу работа, и ние знаеме како понатаму, граѓаните со нас се на сигурно, порача Груевски.

Тој напомена дека нивните противници ќе ветуваат чуда и волшебни решенија, бидејќи тие немаат друг избор. И тие немаат образ да останат на зборот, и тоа го покажаа во минатото безброј пати, а во последните три месеци триесет пати го сменија зборот, го погазија кажаното, се демантираа, потенцираше Груевски.

-Кога на национално ниво ветуваа, а не остваруваа, тоа ќе биде пресликано и на локално ниво. Народот е мудар и знае да разликува што е реално и остварливо, а што не е, и уште поважно народот знае кој држи до зборот а кој не, кога ќе ветиме остваруваме. Ние оставаме за нас да говорат делата, кои се гледаат, чувствуваат, посетуваат, користат, кои помагаат, изјави Груевски.

Тој на кандидатите за градоначалници им порача дека ги чека тешка и одговорна работа.

-За секој град за секоја општина ќе имаме конкретна програма. Таа програма ќе биде концептот за развој на секое место на живеење. Конкретни и одмерени проекти кои ќе бидат реализирани, а ве уверувам дека секој од градоначалниците ќе ја има мојата поддршка, но и мојот притисок секое ветување да биде остварено. Приоритет ќе биде развој на локалната економија. Поддршка на компаниите и овозможување на подобри услови за стопанисување. Зајакнување и формирање на повеќе индустриски зони кои ќе обезбедат повеќе приходи и повеќе работа за луѓето, тоа одлично тргна во претходниот мандат треба да продолжи. Секоја општина која што ја нема треба да ја создаде индустриската зона, секоја општина која што ја има, а се веќе распродадени локациите, треба или да ја прошири или да формира нова индустриска зона. Затоа што тоа е основната работа која што е потребна на граѓаните на Република Македонија, нови работни места, кои не може да ги има ако еден градоначалник не обезбеди обезбеди услови во инфустриска зона, изјави Груевски.

Груевски кажа дека економската приказна која ја градевме толку долго и успешно на национално ниво која донесе многу работни места, ќе ја пресликаме и на локално ниво. Економијата е нашиот прв приоритет, потенцираше Груевски.

-Ќе се инвестира и во градба на водоводи и канализациони системи. Поудобниот живот на граѓаните и решавањето на проблемите во секојдневието ќе биде задача на секој градоначалник. Градењето на нови паркови, игралишта и сали за младите исто така ќе биде дел од работата која ќе донесе подобар живот. Инвестициите во животната средина, создавање на зелени појаси исто така ќе биде дел од понудата. Најважно секој градоначалник потребно е да има отворен и одговорен однос спрема граѓаните, секогаш достапни, со чесен и искрен однос, изјави Гуревски.

Груевски порача дека покрај реализирањето на програмата, покрај исполнувањето на се она што било ветено, исклучително значајно за секој граданочалник, не само во кампањата, потоа е да има соодветен и коректен однос со луѓето, да ги сослушува, да бара максимум начини да им помогне. Тој кажа дека дури и во оние моменти кога нема да успее, а луѓето видат дека дава максимум од него да се потруди да им помогне, граѓаните ќе го вреднуваат тоа.

-Затоа не заборавајте две работи, да го исполните ветеното и да останете на земја со луѓето, да не се возвишите и да помислите дека сега сте избрани, и дека готово е, времето поминува, односот со луѓето е она што ќе се запомни, она што ќе ви биде важно, ќе ви биде пресудно на наредните избори. Во нас е одговорноста, бидејќи граѓаните во огромно мнозинство нам ни веруваат. Овие избори се одлука за секој еден граѓанин и за неговата иднина. За тоа кој има остварливи решенија на проблемите! Со ВМРО-ДПМЕ е сигурно. Секогаш со работливост, секогаш за инвестиции, секогаш  за нови работни места, нови водоводи, подобар живот. Секогаш за Македонија, изјави Груевски.

НОВА ИЗМАМА: Газда Заев и газда Кочо го одложија тендерот за ЕЛЕМ по изборите, за да избегнат уште покатастрофален пораз

Zaev-Angjusev

АД ЕЛЕМ наверојатно ќе го поништи тендерот за набавка на гумени ленти за транспорт на кој во козорциум со турска фирма учествуваше компанијата „Фероинвест“ на вицепремиерот Кочо Анѓушев. Откако јавноста дозна за криминалниот тендер, Заев и Анѓушев проценија дека во овој момент доделувањето на тендерот на компанијата на вицепремиерот може да им нанесе штета во пресрет на локалните избори, па се одлучуја тендерот на ЕЛЕМ да го одложат по изборите.

И покрај бурните реакции во јавноста „Фероинвест“ на Анѓушев не се откажа од тендерот во државната компанија.

Според официјалното соопштение од ЕЛЕМ вчерашната аукција завршила делумно успешно, бидејќи за 4 од вкупно пет лота е понудена цена повисока од планираната. Прифатена е понудата само за еден лот , која што е дадена од српската фирма Репро-Опрема.

-Комисијата за јавни набавки на АД ЕЛЕМ ќе ја утврди фактичката состојба и во текот на следната недела ќе се изјасни за следните чекори. Една од законските можности е да се прифати понудата која е прифатлива за компанијата, а за другите четири да се поништи тендерот и да се распише нов, соопшти ЕЛЕМ.

Упатените коментираат дека ова е само нова измама на газда Заев и газда Кочо. Наместо фирмата во сопственост на вицепремиерот да се повлече од тендерот на државната компанија ЕЛЕМ, премиерот се договорил со вицепремиерот, сега да се поништи тендерот и да се објави нов кој ќе заврши после изборите, и тогаш фирмата на вицепремиерот Анѓушев да го добие тендерот.

Премиерот Заев оценил дека пред локалните избори овој тендер му нанесува штета на политички план. Сега пред јавноста вицепремиерот Анѓушев треба да одглуми незадоволен, а по изборите да се заврши работата со договорените 2.6 милиони евра за фирмата на Анѓушев.

Од Фероинвест по завршувањето на аукцијата, тврдат дека компанијата не го добила тендерот, а изнесените дезинформации во јавноста лошо влијаеле на фирмата.

Вицепремиерот Анѓушев остана на ставот дека нема ништо спорно во случајот, но премиерот Зоран Заев деновиве даде симптоматична изјава со која ги повика медиумите будно да го следат процесот.

Опозициската ВМРО-ДПМНЕ исто така реагираше за учествувањето на компанијата Фероинвест на државен тендер и го повика Јавно обвинителство дапочне стапка за утврдување на одговорност за тоа како се влијаело и под кои услови тендерот паднал во рацете на фирмата на Анѓушев.

Владата станува бизнис картел: Заев со поддршка за Анѓушев да го зголеми капиталот од 23 на 30 милиони евра

Премиерот Зоран Заев му дава поддршка на вицепремиерот за економски прашања Кочо Анѓушев, капиталот на својата компанија „Фероинвест“ да го зголеми од 23 на 30 милиони евра.

-Не можеме да очекуваме дека деловните луѓе предложени од Коморите, како што е господинот Анѓушев, дека ќе ги пушти да пропаднат компаниите. Да, може тој е сопственик, но тоа е македонска компанија, која што дава плата овде и праќа даноци. Нивните амбиции колку што знам јас, како што ја видов таа компанија, од 23 милиони евра се во во наредниот период да стигнат до 30 милиони евра, изјави Заев.

Компанијата Фероинвест претходно доби тендер од ЕЛЕМ. Тендерот го доби само 10 дена по назначувањето на Драган Миновски за генерален директор на ЕЛЕМ. Вредноста на доделениот тендер изнесува 165 милиони денари со ДДВ или 2.6 милиони евра.

На 15 август 2017 година новоназначениот директор Миновски заедно со новиот комерцијален директор Марјанчо Николов, поранешен пратеник на СДСМ од Велес, донеле одлука по јавна набавка бр.01-125/2016 со предмет на набавка Транспортни ленти за ПЕ Рудник. Од вкупно предвидените 258.300.000 денари за оваа набавка повеќе од половината односно 140.086.090 денари без ДДВ му се доделени на конзорциумот составен од „Фероинвест“ од Македонија и Озербанд од Турција кои добиле 3 од 5-те предвидени лота за оваа набавка.

Инаку Анѓушев одби да одговори дали ќе се повлече од сопствеништвото на „Фероинвест“.

-Стојам тука исправен пред вас и јавноста да ги разјаснам политиките на Владата. Фирмите имаат управители и менаџери и јас искрено немам време да комуницирам со нив. Ви порачувам на вас да се обратите, одговори Анѓушев на новинарско прашање.

Од ВМРО-ДПМНЕ посочуваат дека Анѓушев ја искористи својата функција за да си додели тендер сам на себе.

-Анѓушев се откажа од својата плата во висина од околу 1.000 евра но очигледно е дека своето домашно салдо го надоградува со милионски тендери и тоа во висина од 2.6 милиони евра, истакна Славче Трпески, член на ИК на ВМРО-ДПМНЕ.

Трпески вели дека за да се оправда самиот себеси и криминалната врхушка се обидува да ја изманипулира македонската јавност со смешни образложенија дека тој не е управител на фирмата „Фероинвест“, туку дека управител е друго лице, а тој е само сопственик.

-Ова е скандал од огромни размери. Сите независни правни експерти го осудија вицепремиерот Анѓушев, кој додели тендер сам на себе во висина од 2.6 милиони евра. ВМРО-ДПМНЕ предупредуваше за вакви „бонбона бизнис” намери на оваа влада, дека нивната примарна цел е само личен интерес и личното богатење со парите на граѓаните, а тоа се потврди и во изминатите 100 дена. ВМРО-ДПМНЕ уште еднаш го повикува надлежното Јавно обвинителство да отпочне постапка за утврдување на кривична одговорност дали и под кои услови тендерот е доделен на фирмата „Фероинвест“ која е во сопственост на вицепремиерот Кочо Анѓушев, вели членот на ИК на ВМРО-ДПМНЕ.

Заев во една прилика при посета на затворот „Идризово“ изјави дека нема судир на интереси во тоа што фирмата Фероинвест, во која што вицепремиерот Кочо Анѓушев е еден од сопствениците, учествува на тендер на ЕЛЕМ вреден 2,6 милиони евра.

-Драго ми е што медиумите ја водат оваа постапка и јавноста треба да знае за тоа. Но, дали тоа значи дека семејството Заеви што произведува ајвар, од нив не треба да набавува ниту една државна институција која има исхрана во заеднички мензи!? Фирмите во Македонија мора да работат, но важно е да се разграничи и да нема влијание при одлучувањето или во управување со фирмата, истовремено истото лице кое е во Владата. Како ќе привлечеме квалитетни луѓе од бизнис заедницата да помогнат во работата, ако од нив бараме да ги затворат фирмите и да ги отпуштат вработените, изјави Заев.

СЕ ПАЗАРИЈА ЗА ЛОКАЛНИТЕ: ДУИ ќе гласа за Шилегов и Димитриевски, СДСМ за Арифи, Бејта и Дехари

dui-sdsm

Зоран Заев и Али Ахмети договорија СДСМ и ДУИ освен на централно да коалицираат и на локално ниво на изборите на 15 октомври, за клучните општини за двете партии, објави порталот „Пост.мк“.

Како што пишува порталот, според информации од високи функционери од двете партии, СДСМ не номинира свои кандидати за Чаир, Тетово, Гостивар и Кичево,  додека ДУИ не излезе со кандидати за Скопје и Куманово.

Ова значи дека социјалдемократите уште во првиот изборен круг ќе гласаат за Висар Ганиу, Теута Арифи, Невзат Бејта и Фатмир Дехари. Интегративците пак, во првиот изборен круг своите гласови ќе им ги дадат на Петре Шилегов и на Максим Димитриевски.

Партијата на Али Ахмети првпат не оди со свои кандидати ниту во Битола, Охрид и Гази Баба.

СДСМ, во Струга номинира свој кандидат. За Струга се ќе зависи кои од кандидатите за градоначалници ќе поминат во вториот изборен круг,  бидејќи  во трката за градоначалник влегуваат ВМРО-ДПМНЕ, ДУИ, Алијансата за Албанците, Беса и ДПА.  Ако кандидатот на СДСМ не помине во вториот круг, социјалдемократите ќе го подржат кандидатот од владината коалиција кој ќе ја продолжи изборната трка, односно или Рамиз Мерко од ДУИ или Зијадин Села од Алијансата за Албанците.

Впечатливо е дека првпат во плурална Македонија партии од македонскиот и од албанскиот политички блок, за локални избори коалицираат уште во првиот изборен круг.

Според досегашната пракса, соработката меѓу македонските и партиите на Албанците за Скопје, Чаир, Тетово, Куманово, Гостивар… била во решавачкиот, втор изборен круг.

Карактеристика пак, на последните локални избори во 2013 година беше  етничкото гласање во Струга и во Кичево.

НИ РАБОТА, НИ МЛАДИНСКА ГАРАНЦИЈА: Во првите 100 дена на Заев, над 20,000 млади си заминаа од Македонија

SDSM-Mladinska-garancija

„Планот за живот во Македонија“ со кој Заев ветуваше се и сешто пред изборите, по првите 100 дена откако е на власт, повеќе личи на план за богатење на неговиот потесен круг и масовно вработување на „шарените“. Тој гордо најавуваше дека ќе ги врател младите кои се иселиле од државата назад во Македонија, но како и што е случајот со најголемиот дел од неговите ветување и ова е далеку од исполнување. Така барем покажуваат моменталните податоци и бројот на младите кои се иселиле од државата во последните три месеци, откако на власт е СДСМ. Досега новата Влада нема реализирано ниту еден проект за младите, што како што велат самите млади е поразително за една држава.

Според податоците во минативе три месеци, период во кој на власт е СДСМ од Република Македонија се иселиле 20.000 млади лица. Експертите велат дека со моменталните политики на новата власт нивниот број само ќе расте, бидејќи не гледаат начин како младите би се мотивирале да останат во државата.

 

– Имаме план како младите да останат тука во Македонија, тука да формираат семејство, тука да најдат работа, тука да ја градат својата иднина. ВМРО-ДПМНЕ и Груевски имаа десет години да го сторат тоа. Да понудат пристоен живот и еднaкви шанси за сите, но тоа не го сторија. Тие сметаат дека најважно од сѐ е да ги полнат своите џебови и сметки низ рајските острови, изјави лани во ноември Шекеринска.

 Пред две години пак премиерот Заев, за чие владеење од само три месеци се отселиле 20.000 млади луѓе, оние кои треба да бидат двигатели на општеството, пред граѓаните ветуваше дека ќе ги враќал и оние веќе се иселени од државата.– Се повеќе луѓе сфаќаат дека е факт дека најголемиот дел од популацијата на Земјата е контролирана од 1 процент од луѓе кои се наоѓаат на врвот, но многумина не знаат ништо за нивната банкарска фирма во која се кријат, изјави Заев во октомври 2015 година.

Младите велат дека се чувствуваат изневерени и разочарани од лагите кои ги слушале од Зоран Заев, Шеќеринска и СДСМ, кои цело време го обвинуваа ВМРО-ДПМНЕ дека работи против младите, а како што самите млади велат, во периодот на ВМРО-ДПМНЕ за младите било направено, многу повеќе од било кога.  Тие добија многу поволности, како што се бесплатен автобуски и железнички превоз за студентите и средношколците, бесплатна посета на театри, музеи, како и на многу други културни настани. Еден од најголемите проекти за младите беше и ослободувањето на фирмите од плаќање придонеси за лица до 29 години, со што младите многу полесно доѓаа до работно место.Заменикот на Зоран Заев во партијата и сега министер за одбрана во Владата на СДСМ, Радмила Шеќеринска лажно ветуваше и младинска гаранција за граѓаните, која младите се уште ја чекаат, но новата власт заборави на ова веднаш откако седнаа во фотелјите, а младите се плашат дека ова ќе биде само уште една од многуте лаги искажани од Шеќеринска и Заев.

– Проектот гаранција за млади ќе значи дека државата ќе им гарантира на сите млади граѓани во Македонија, дека веднаш во завршувањето на образованието, во рок од 4 месеци или ќе може да го продолжи образованието, или ќе добие понуда за работа, или да добие можност за практика, обука или тренинг, со кои што ќе се прилагоди на потребите на некое работно место кое што е на располагање, пред изборите лажно ветуваше Шеќеринска.

Младите се разочарани и од односот на оние кои треба да бидат нивни претсавници и да ги штитат нивните права, а во минативе 3 месеци ги нема никаде. Голем дел од нив коментираат дека Стефан Богоев, кој сам се претставува како другар на сите млади, дека другарот ги напуштил за да си стане градоначалник, тие се разочарани и што гласните за време на Шарената револуција Павле Богоевски и Ивана Туфегџиќ сега ги нема никаде и молчат за сите лоши политики на СДСМ.