Груевски: Декларацијата за заеднички настап на претстојните локални избори е вовед за нова победа на изборите

Nikola-Gruevski

На граѓаните на Република Македонија потребен им е напредок, потреби се чекори кој ќе го направат животот подобар, потребни се решенија. За да се случи тоа неопходно е дејствување. Чесно, посветено и секогаш со граѓаните, ова денеска го изјави лидерот на ВМРО-ДПМНЕ Никола Груевски при потпишувањето на декларацијата за заеднички настап на претстојните локални избори на коалицијата предводена од ВМРО-ДПМНЕ.

-Политичките партии, потписници на оваа декларација за заеднички настап на престојните локални избори денес одлучно застануваме заеднички, за на граѓаните да им ја понудиме најдобрата кадровска и програмска понуда. Она што не обединува, Македонци, Албанци, Турци, Срби, Роми, Власи, Бошњаци, и сите останати е потребата за напредок. Тој напредок ќе го понудиме, тој е е желба за подобар живот.  Оваа декларација за коалициски настап е вовед во нова победа на престојните избори, рече Груевски.

Тој истакна дека се базираме на концептот на развој и напредок на Македонија, подобар стандард на граѓаните, но пред се визијата за Македонија која нема да запира и назадува, туку ќе продолжи на патот кон просперитетот, работата и реализацијата на нови дела и проекти, кон унапредување на локалната самоуправа како севрис на потребите и барањата на граѓаните.

-Со нас е проверено дека можеме и знаеме. Ние покажавме дека нашата заедничка визија знаеме да ја преточиме во многу работа од која резултатот се решени комунални и инфраструктурни проблеми, нови водоводи, канализации, училишта, градинки, патишта и 10.359 реализирани ветувања за општините и граѓаните. Овие резултати покажуваат дека стоиме зад тоа што го говориме, дека граѓаните може секогаш да се потпрат на ВМРО-ДПМНЕ и политичките партии кои стојат зад оваа декларација. Овие резултати ветуваат дека тоа што ќе го понудиме и на овие локални избори ќе биде преточено во нови километри асфалт, нови цевководи, нови објекти, нови подобрени услуги за граѓаните. Затоа слободно може да кажеме дека оваа не е само декларација потпишана само помеѓу политички партии, туку е декларација потпишана со граѓаните, која својата верификација ќе ја добие на 15 октомври со една убедлива победа на локалните избори, вели Груевски.

Тој потенцираше дека овие локални избори не се само обични избори за градоначалници и локални совети, ова се избори за Македонија.

-Во минатиот период владата  покажа неспособност да се справуваат со проблемите на граѓаните. Погледнете ги штетите во само три месеци, пад на економијата индустриското производтсво, пад на просечните плати, растот на трошоците за живот и цените на производите, кампања против инвеститори и хаос во секој ресор на нивното работење. Тоа е одраз не само на нивното незнаење, туку и на нивната катaстрофална кадровска политика. Сега гледаме дека истото го прават и во пресрет на локалните избори. На тоа ние ќе одговориме одлучно со најдобрите кандидати, со најдобрите визии, идеи и проекти во интерес на граѓаните. Нашата понуда посветеност, одговорност и знаење ќе биде најдобриот одговор на хаосот и неизвесноста која СДС ја предизвика, рече Груевски.

Тој изјави и дека Македонија ќе се врати на патот на успехот и развојот. Тој пат ќе го одиме ние заедно со граѓаните. Пред нас престојат нови победи. Овие победи ќе ги добиеме заедно со граѓаните, со многу работа и грижа за народот и државните интереси. Овие избори се ново утро за Македонија, каде заеднички, сложно, обединето ќе продолжиме да работиме за граѓаните и за државата, да се вратиме на патот кој значи стабилост и сигурност. Секогаш сме за работа, проекти, решавање на проблеми, секогаш на прво место ни е државата, на страната на Македонија.

Модераторот Роберт Велјановски истакна дека декларација е печат на еден заеднички концепт кои граѓаните ќе го препознаат и кој нуди нова визија за унапредување на општините кои треба да ги води локална власт која директно ќе ги решава предизвиците, потребите и барањата на граѓаните.

-Ние одлучно застануваме на патот на штетните политики кои со само три месеци директно задираат во државните интереси и интересите на граѓаните без разлика на нивната етничка, верска или идеолошка припадност. Нашата посветеност, одговорност и знаење ќе бидат најдобриот одговор со кои ќе се спротиставиме на деструктивноста и неспособноста на нашиот политички опонент и тоа ќе го сториме на демократски и фер избори на кои граѓаните јасно ќе ја препознаат и потврдат разликата, рече Велјановски.

МИНИСТЕРСТВО ЗА СМРТ И НАСИЛСТВО: На Заев и Таравари поважна им е власта од претепаниот пациент во болничка соба

Zaev-Taravari

Резултатот од катастрофалните политики на антиреформската влада на СДС и неспособниот министер за здравство Таравари веќе јавноста го гледа, изјави на денешната прес-конференција Марија Андоновска од ВМРО-ДПМНЕ.

-Како што известија медиумите пред некој ден во Клиниката за кардиологија се случи невиден скандал, претепан беше пациент, во болничка соба, во болнички кревет. Хаосот во здравството сега го чуствуваат пациентите. Откако го промени директорот на клиниката за кардиологија, реномираниот доктор Сашко Кедев и на негово место го именуваа Беким Поцеста, клиниката за кардиологија од здравствена установа се претвори во дувло за насилстство. Пациентите со право прашуваат дека во здравствените институции сега освен за своето здравје треба да стравуваа и за својот живот и да не станат жртви на насилници, истакна Андоновска.

Таа потенцираше дека Клиниката за Кардиологија, министерството за здравство и Владата на СДС се обидуваат да го заташкаат овој случај и затоа молчат. Ниту има информации, ниту има одговорност од првиот човек на Клиниката, ниту има расчистување на ова срамно дело.

-Според доброинформирани извори Зоран Заев го премолчува ова скандалозно тепање на пациенти само за да не ја изгуби поддршката од партијата од која доаѓа министерот за здравство Таравари. Очигледно поважна им е власта од тоа што бил претепан еден пациент во болничка соба. Во здравството допрва ќе се случуваат скандалите. За жал жртви од тоа ќе бидат пациентите. Неспособноста и политикантството влегоа во здравството. Оставката на министерот за здравство Таравари и директорот на клиниката за кардиологија е најмалку што може сега да направат овие уништувачи на здравствениот систем во државата. Одговорнсота за нивните погрешни политики допрва ќе следи. Граѓаните ќе ги казнат на престојните избори и на тој начин ќе го најават крајот на оваа епидемија во здравстениот систем кој секој ден го разорува здравството и грижата за пациентите,
 заврши Андоновска.

Бебињата масовно умираат, но за СДСМ коалицијата е поважна од животите на децата: Таравари е заштитен поради коалицијата Заев и Села

Zaev-Sela-Taravari-bebinja

Низа трагедии ја потресоа Македонија. Бебиња и мали деца масовно умираат, но премиерот Заев бега од одговорност, а од истата го лиши и министерот за здравство Арбен Таравари.

Заев го штити министерот кој доаѓа од редовите на партијата на Зијадин Села, бидејќи без нив тој ќе го загуби мнозинството во македонското Собрание.

Пратениците на ДУИ не му беа доволни на Заев за да дојде на власт, па во тоа му помогна Села. Овие партии заедно едвај направија мнозинство од 62 пратеника.

СДСМ со освоени 49 пратеници беше далеку од формирање на мнозинство. ДУИ кои имаат 10 пратеници не беа доволно, па затоа Села со само 3 влезе во нивната коалиција за да направат Влада. Оваа математика е доволен доказ дека Заев не смее да побара од Села било какво разрешување, ако не сака да го загуби тенкото мнозинство.

Сега, дури и по цена на детските животи, Заев ја штити коалицијата со партискиот лидер на Таравари, Села. Очигледно за сите овие тројца политичари, политиката е поважна од трагедиите.

Три новороденчиња починаа на Клиниката за гинекологија и акушерство

Пациентката И.М. била хоспитализирана на 21 август на Клиниката за гинекологија и акушерство поради болки во абдоменот. Истиот ден е породена со царски рез во 27. недела со тројка, по претходно прснат воденик и пролабирана (испадната) папочна врвца и со цел да не биде прекинат доводот на кислород, веднаш е извршено породување.

Со семејството во неколку наврати од страна на персоналот на Клиниката било разговарано, со цел да се објасни состојбата на новороденчињата, третманот и можните шанси за преживување и веќе следниот ден е констатирана смрт на сите три.

Освен што го заштити Таравари, Заев застана во одбрана и на новата директорка на ГАК, Викторија Јовановска, која е блиска пријателка на неговата сопруга.

По овие три дечиња, на ГАК почина уште едно новороденче. Министерството за здравство молчеше додека не почна притисокот од јавноста.

Откако докторите ја вратиле дома, малата Анастасија почина

Голема трагедија се случи и во Охрид. Почина малата Анастасија Маркоска која била донесена на детското одделение при медицински центар Охрид со симптоми на малаксаност. Според информациите, лекарите го враќале дома детето за на крај родителите да ја донесат својата ќерка мртва. Одговорот на Таравари за оваа трагедија гласеше „Формирана е комисија“!

Новороденче почина во кичевска болница

На охридската гинекологија била примена мајка во својата 30-та недела од бременоста. Детето родено во таа гестациска недела по правило се пренесува во Скопје во инкубатор. За транспортот на вакви комплицирани случаи, постои веќе воспоставен протокол, кој најверојатно не бил испочитуван од страна на вработените во охридската болница, поради што состојбата на бебето се влошила некаде пред Кичево.

Бебето е префрлено во кичевската болница, каде два часа се обидувале да го реанимираат, но за жал не успеале.

Почина седуммесечно бебе во Струга

7-месечното девојче од Струга било донесено без знаци на живот на детското одделение во овој град, објави телевизија Алсат. Според директорот на болницата, Асим Муса, бебето имало тешка вродена болест на главата, а состојбата деновиве се влошила. Детето било донесено на детското одделение во Струшката болница. Лекарите им предложиле на родителите да го хоспитализираат, но родителите не прифатиле и го вратиле дома.  По кратко време детето повторно било донесено, но овој пат мртво.

Бебе од Гевгелија и новороденче од Гостивар починаа на Детска клиника

Четиримесечно новороденче од Гевгелија со респираторен инфект и тежок малформативен синдром со засегнувања на повеќе органи – срце, белите дробови…, почина денеска на Одделот за интензивна нега при Клиниката за детски болести.

Ова денеска го истакна директорката на Клиниката за детски болести, Катерина Ставриќ, која рече дека и новороденче од Гостивар донесено на Клиниката во тешка здравствена состојба и кое веднаш било ставено на респиратор починало денеска.

– Ова е терциерна установа. Сите најтешки случаи доаѓаат тука. Ние докторите и покрај тоа што имаме можности од опрема и знаење не секогаш можеме се да излечиме. Се случува тешки деца и да починат. Тоа се тешки деца кои престојуваат во интензивна нега на машини. Голем дел од нив преживуваат со овие можности и со несебичната заложба на докторите и на сестрите, но не секогаш тоа е возможно, посочи Ставриќ.

Таа рече дека новороденчето од Гевгелија од самото раѓање е донесено на Клиника со проблеми, престојувало на интензивна и тогаш стартно, било на респиратор. Со подобрување на состојбата, посочи таа, е пренесено на Одделот за интензивна нега.

Мајката на починатото бебе се сомнева дека се работи за лекарска грешка

Родителите на четиримесечното доенче кое почина на скопската Детска клиника се сомневаат дека станува збор за лекарска грешка. Бебето пред два дена било хопситализирано со белодробна инфекција. Иако било приклучено на апарати, здравјето не му се подобрило, пишува Република.

Според лекарите инфекцијата го потикнала мулти-малформацискиот синдром од кој боледувало бебето– слабо срце и оштетени бели дробови. Прогнозите да преживее биле мининални, затоа што со овој синдром, како што велат лекарите, бебињата не живеат повеќе од една година. Но мајката на бебето која не сакаше да зборува пред камерите рече дека се сомнева на лекарска грешка. Доенчето, како што наведе, тешко голтало и повеќе пати било лекувано на неонаталниот оддел, пишува порталот.

Смртта стана невидлива за невладините под контрола на СДСМ

Каде е сега активистот Огнен Јанески да му испорача ЦРВЕН КАРТОН на Таравари како што тоа го направи на поранешниот министер  Тодоров?

Каде е сега Мирјана Најческа која пишуваше секојдневно за лошата состојба во здравството и дека за секоја смрт одговара министерот. Или сепак овие критики само се однесуваа на министрите од ВМРО-ДПМНЕ?

Симница и Гостивар во грч и страв од епидемијата беа на погреби, Таравари си тераше посета во странство со изјава од хотелот

Наместо веднаш да излезат со информации за јавноста, смртта на таткото и синот од село Симница, беше мистерија. Надлежните молчеа, граѓаните на Гостивар живееја во страв бидејќи не знаеја од што починаа нивните сограѓани.

Жителите на околните места од Горна и Долна Ѓоновица, Маврово, Ростуше како и градот Гостивар беа вознемирени од  настанот со трагичен епилог каде што животот го загубија две машки лица на возраст од 50 и 23 години кои се во роднинска врска и се презиваат Мифтари.

ЛИПКОВО 2001-ВА ЌЕ МУ СЕ ДЕСИ: Командант Вентили го остава Заев без капка поддршка

Zaev-Komandant-Ventili

Министерскиот список кој од Мала Речица пристигна на „Павел Шатев“ ја растера маглата пред очите на поддржувачите на политиката на Зоран Заев.

На социјалните мрежи не се воздржуваат од коментари во кои го потсетуваат лидерот кого го поддржуваа дека во владиниот кабинет ќе седнат волци во јагнешка кожа. Заев можеби не памти, но новинарите Саше Димовски, Огнен Чанчаревиќ, Јорданка Ивановска Јоци, шарениот Замир Мехмети, кој е и брат на поранешната интегративка Ермира Мехмети, аналитичарот Бранимир Јовановиќ и други, многу добро се сеќаваат на вешот што го вадеше Заев за интегративците, но и на 2001, конфликтот, браната во Липково.

Komandant-Ventili-FB-Branimir Komandant-Ventili-FB-Hugo Komandant-Ventili-FB-Joci Komandant-Ventili-FB-Ognen Komandant-Ventili-FB-Zamir

КОЈ ОД КОЈ ПОБЕТЕР: Заев ги објави своите министри

Zaev-pres-Programa

Лидерот на СДС, Зоран Заев, вечерва по состанокот на Централниот одбор на СДСМ  го соопшти предлогот за состав на новата влада, кој како што рече, треба да биде прифатен и од Собранието.

Радмила Шекеринска – одбрана

Оливер Спасовски – внатрешни работи

Никола Димитров – надворешни работи

Драган Тевдовски – финансии

Рената Десковска – образование

Горан Сугаревски – транспорт и врски

Љупчо Николовски – земјоделство

Мила Царовска – труд и социјална политика

Дамјан Манчевски – информатичко општество и администрација

Роберт Алаѓозовски – култура

Едмонд Адеми – без ресор

Кочо Анѓушев – без ресор

Роберт Попоски – без ресор

Зорица Апостоловска – без ресор

Зоран Шапуриќ – без ресор

Самка Ибраимовски – без ресор

СЕ ПОМАТИЈА СМЕТКИТЕ: Еве зошто, сепак, се уште ја нема новата влада

Ahmeti-Zaev-so-kecinja

Тешко му оди на Заев со поделената ДУИ и антагонизмот помеѓу Ахмети и Kасами

И покрај првичниот оптимизам дека во понеделник (денес) владината програма и составот на владиниот кабинет ќе бидат доставени до Собранието, проценката е дека за СДСМ ќе биде успех ако мандатарот Зоран Заев успее да ја стокми владата за 10 дена, како што првично најави.

Извори од партиските тимови брифираат дека тешко одат преговорите, особено поради нетрпението во албанскиот блок. Проблем е антагонизмот помеѓу ДУИ и Беса, од една страна, и нетрпението помеѓу двете крила во партијата на Али Ахмети, од друга страна. Интересот на ДУИ, Беса и „Алијансата за Албанците“ е да бидат во владиниот кабинет и поради тоа Заев ќе треба да се помачи за да ги задоволи апетитите на трите партии.

По средбата Заев – Ахмети и на претставници на СДСМ и Беса, за денеска или утре се најавува средба и со „Алијансата за Албанците“. И од СДСМ и од Беса изјавија дека засега на маса се само принципите на владеењето. Ниту една страна не открива кои се, односно за какви принципи станува збор. Освен принципите на кои треба да се темели новата влада, на маса е ставена и поделбата на ресорите.

Официјално, од партиите не коментираат како течат преговорите. Учесници на преговорите брифираат дека СДСМ од потенцијалните владини партнери бара во владиниот кабинет да нема лица опфатени со истрагите на СЈО, но и да нема партиска заштита на владини функционери ако во иднина бидат предмет на истрага на Специјалното обвинителство. Социјалдемократите бараат од владините партнери да прифатат истрага за потеклото на парите на партиите.

Иако информациите се дека и ДУИ и Беса се конструктивни во врска со СЈО, сепак преговорите за влада ги одолжува партијата на Ахмети, од чии редови е можно да има засегнати од истрагите на Специјалното обвинителство. Судирот помеѓу двете крила на ДУИ е дали на министерските позиции да бидат поранешни министри или за новиот владин кабинет да се оди со нови неизвалкани кадри. Токму пред ваква дилема е и лидерот Ахмети, притиснат од барањата на двете крила. Неофицијално, дополнителен притисок врз Ахмети е и навестувањето од СДСМ дека во владата би било добро да бидат некои од функционерите што директно беа вклучени во преговорите со социјалдемократите, како Теута Арифи и Изет Меџити.

Но, спротивставеното крило во ДУИ има голем отпор поранешни министри и заменик-министри и во новата влада да предводат некои од ресорите. „Дневник“ веќе објави дека е можно во новата влада Ахмети да не предложи ниту еден функционер на ДУИ кој бил дел од која било претходна влада и оти лидерот ќе оди со целосно нов тим на „Илинденска“. Потпретседателот на ДУИ, Невзат Бејта, вчера индиректно ни го потврди тоа иако се огради дека тој може да зборува само за своите ставови.

– Во новата влада ДУИ треба да партиципира со угледни и луѓе, кои имаат репутација во општеството. Иако ДУИ има големо членство, ако нема такви личности, зошто да не, нека бидат луѓе што се надвор од партијата. Kонечно, треба да се расчисти со функционерите што државата ја доведоа до ова дереџе – ни изјави Бејта.

На Зијадин Села сега му пречи и договорот за нов клинички центар Оставете коментар за објавената вест Од кого: Коментар: *Внесете го кодот во празното поле Проблем за Заев е како во иста влада да ги седне ДУИ и Беса, кои и не кријат дека не се поднесуваат. По средбата меѓу партиските тимови на СДСМ и Беса, информациите се дека партијата на Билал Kасами на маса ги ставила своите принципи за учество во владата. СДСМ и Беса се усогласени дека во новата влада не треба да има инкриминирани функционери во истрагите на СЈО.

Беса инсистира ако во владата има функционери што допрва ќе бидат под истрага од СЈО, веднаш да се повлечат. Партијата на Kасами бара одлуките во владата да се носат со консензус, односно рамноправно партнерство на партиите што ќе бидат дел од владиниот кабинет. Во однос на распределбата на ресорите, Беса бара балансирана власт, односно во сите ресори да има функционери од сите партии, и за меѓусебна контрола, но и да не се претворат министерствата во испостави на некоја од партиите.

Токму балансираното владеење, велат од Беса, може да биде компромисот за нивното барање за еднаков број министерства со ДУИ. Освен принципите за владеењето на новата влада, на маса е и првичната распределба на ресорите меѓу партиите. Kако што веќе објавивме, албанскиот блок може да смета на осум ресори. Понудата за ДУИ е четири министерства плус две вицепремиерски позиции, додека Беса и Алијансата би добиле по едно министерство.

По првичните информации дека ДУИ ќе ги добие ресорите економија, образование, локална самоуправа и животна средина, како и вицепремиерските за Рамковниот договор и евроинтеграциите, сега апетитите на интегративците се да го добијат ресорот транспорт и врски, но во игра е и Министерството за одбрана. Позициите на СДСМ се дека ДУИ ќе треба да избере помеѓу економија и транспорт и врски, но не и двете.

Ако, пак, интегративците инсистираат на ресорот одбрана, тогаш ќе останат без вицепремиерското за евроинтеграции, но ќе добијат министерство без ресор. Неофицијално, Беса типува на Министерството за правда, кое засега треба да му припадне на СДСМ. За Беса, правда е битен ресор, бидејќи токму тоа Министерство ќе го предложи законот за употребата на албанскиот јазик. За „Алијансата за Албанците“ се споменува Министерството за здравство.

Извор: Дневник

БЕСА му порача на Заев: Редефинирањето на државата е услов за коалицирање (ВИДЕО)

Elezi-BESA

Движењето БЕСА преку својот претставник Амир Елези му порача на Зоран Заев дека редефинирањето на Македонија е услов партијата да влезе во коалиција со СДСМ.

-Политичкиот момент е дека ние сѐ уште немаме мандатар. Да почекаме претседателот на државата да му го додели мандатот на претседателот на СДСМ. Тогаш нека дојдат со понуда за БЕСА, барем како што велат дека сакаат да нѐ имаат во Влада, тогаш ние ќе одлучиме што е подобро за Албанците во Македонија. Ние ќе имаме внатрешна дебата со членството, но сигурно дека одлуката ќе биде донесена во највисоките инстанци, а тоа е централното претседателство. Движењето БЕСА постојано, имајќи ја предвид единствената цел која е да се промени и реформира системот тука. Но, што имаме ние како услови? Да, го имаме редифинирањето – вели Елези.

Тој додава дека исто така го имаат и тоа дека тие не го делат криминалот врз етничка основа.

-Ние велиме не на инкриминираните претставници на ДУИ кои се прават како да се реформатори. Ние велиме да, договорот треба да биде транспарентен за публиката и јавноста и дореден со рок, како и тоа што е најважно можеби, најкоренитата промена за Албанците во Македонија, редефинирањето -повторува Елези.

ВИДЕО: Додека на Заев не му прилега да е патриот, албанските партии подготвени етнички да коалицираат за локалните избори

Zoran-Zaev

Кога се во прашање нивните национални интереси, Албанците се подготвени да настапат единствено, како и што застанаа зад тиранската платформа, која беше прифатена од лидерот на македонската опозиција Зоран Заев, документ што директно удира по темелите на унитарноста и на суверенитетот на Македонија.

Зоран Заев се чини треба да учи за патриотизам од своите партнери од албанскиот блок, кои покажаа дека кога се во прашање националните интереси за нив нема партија, а Зоран Заев никако не сака да слушне за понудата на ВМРО-ДПМНЕ, да ги добие сите 51 пратеник на таа партија за малцинска влада, само за да ја отфрли платформата, со што би се зачувала унитарноста на државата.

Реџаил Исмаили од ДУИ во гостувањето на телевизија „Алсат“, изјави дека тиранската платформа ги дефинира работите многу добро, а и процесот на соработка би требало да продолжи понатаму, а тоа важи и за следните локални избори.

Декларацијата ги дефинира работите многу добро, неслучајно е направена и тркалезна маса за да продолжи процесот на соработка и понатаму. Ние имаме места како што се Ресен Охрид, Долнени, потоа Битола, Велес, каде што немаме преставници, со исклучок на Велес и Охрид немаме претставници во општинските совети. И нам ни се наметнува ова прашање, ние како ДУИ и во минатото сме побарале соработка со албанските субјекти токму на оние места каде што Албанците се во мал број, да бидат застапени, да имаат свои претставници во општинските совети, изјави Исмаили.

Потврда дека Албанците се спремни да одат заеднички на локалните избори, за исполнување на својата агенда во нашата држава даде и Флакрон Беџети од Алијансата на Албанците. Тој како пример ги даде Кичево и Струга, каде ВМРО-ДПМНЕ и СДСМ излегоа заедно на изборите

Тоа се случило во Кичево и Струга и тоа се разбира дека ќе се случи меѓу нас во тие општини, извините што токму го земав случајот на Кичево или другите случаи, треба да бидеме внимателни да не излеземе со многу кандидати, изјави Беџети.

Голема помош во исполнување на својата Албанците добиваат и од лидерот на опозицијата Зоран, тој одамна кажа патриотизмот не личи на неговата партија СДСМ. Тој во гостување на Алсат во 2013 година кај тогаш новинарот, а сега пратеник од СДСМ Мухамед Зекири, кажа дека нема да направат повеќе грешка со глумење патриотизам.

Се обидовме во неколку наврати да играме на политики на патриотизмот, како партија што не ни приличи такво нешто И тука апсолутно загубивме. Чесно е да признаеме, за да бараме шанса за во иднина, за да не правиме вакви грешки. Од нас народот не очекува да глумиме патриоти. Ние сме државотворна партија. Ние сме партија што беше пример за мултиетничкиот соживот. Ние сме партија што ја стави на стабилни нозе оваа наша земја. Обидовајќи се да ќариме поени кај граѓаните играјќи на патриотски варијанти , како на пример со Законот за бранителите, Струга, Кичево, многу варијанти, не ни причат на нас социјадемократите. Луѓето очекуваат да бидеме за кохезивност, да бидеме сплотувачкиот фактор во оваа земја, изјави тогаш Заев.

ВМРО-ДПМНЕ денеска во соопштение обвини дека доколку СДС не се плашеше од гласот на Македонските граѓани и доколку на криминалецот Заев нивната волја му беше поважна од обврските кон нарко-дилерите и сите кои го негираат македонскиот идентитет, веќе ќе почнуваше кампањата за предвремените парламентарни и локални избори.
-Доколку криминогеното раководство на СДС имаше образ и одлучеше да ги праша граѓаните за Тиранската платформа, наместо постизборно да им ја подметне, веќе наголемо ќе течеа дебатите околу штетните последици од кукавичкото прифаќање на елементите од платформата. Доколку СДС наместо антидржавна и антинационална политика, донесеше демократска одлука да се оди на избори, на 7 или на 14 мај ќе се знаеше волјата на народот и Македонија ќе ја отвореше вратата за излез од политичката криза. Наместо храбра и државничка политика, криминалецот Заев одбра да се спасува од кривична одговорност и да ги прифаќа сите уцени, пишува во соопштението на ВМРО-ДПМНЕ.

Локалните избори кои требаше да се одржат мај оваа година, ќе бидат одложени сигурно. Денеска во Уставниот суд пристигна иницијативата за проверка за членовите з5 и 49 од Законот за локална самоурава, односно се бара укинување на одредбата со која се утврдуваше рокот за утврдување на термин за изборите, а со самото тоа се ограничуваше мандатот на советниците и градоначалниците. Ова барање е со цел да не се блокира работењето на општините во периодот додека да се одржат изборите.

Поделбата на општините клучна за колицијата меѓу СДСМ и ДУИ: Заев ги сака Арачиново, Студеничани и Чаир

zaev-ahmeti-albanci

СДСМ на локалните избори ќе оди со кандидати Албанци во некои од општините каде што мнозинство се Албанци, најави членот на Извршниот одбор на СДСМ, Едмонд Адеми. Наспроти ова, од партијата на Али Ахмети очекуваат соработка со СДСМ, а не директна изборна битка во трката за градоначалничките мандати, особено во Тетово, Гостивар, Чаир, Струга, Kичево и Скопје, пишува Дневник.

Од извори од ДУИ Дневник дознава дека соработката меѓу СДСМ и ДУИ за локалните избори била дел од пакетот договорен меѓу Ахмети и лидерот на СДСМ, Зоран Заев за новата владина коалиција, во спротивно, според ДУИ, ќе нема ни нова влада.

Од СДСМ, пак, тврдат дека меѓу Заев и Ахмети немало разговор за локалните избори.

Адеми во интервју за тетовска телевизија на албански јазик најави дека СДСМ ќе излезе со свои кандидати Албанци за локалните избори.

Не гледам никаков проблем да имаме кандидати Албанци во општините во кои Албанците се мнозинство. Тоа што е поважно за мене е да имаме квалитетни кандидати. Градоначалникот треба да биде добар. Помалку е важно дали ќе биде Албанец или од некој друг ентитет. Денеска имаме албански општини со градоначалници Албанци, но тие се нефункционални. Не кажувам дали ќе имаме или не кандидат Албанец, но постојат можности за тоа – вели Адеми.

Висок функционер на СДСМ за „Дневник“ потврди дека на локалните избори ќе номинираат кандидати за градоначалници Албанци, но дека сè уште не утврдиле во колку и во кои општини. Функционерот вели дека рано е да се каже дали за општините како Тетово, Гостивар, Чаир, каде што за избор на градоначалник во вториот изборен круг неопходни се гласовите на Македонците, СДСМ ќе оди на соработка со ДУИ и ќе излезе со кандидат Македонец или ќе номинира кандидати Албанци.

Од ДУИ брифираат дека е договорено за локалните избори да соработуваат со СДСМ бидејќи се коалициски партнери на централно ниво.

Природно е при изборот на градоначалниците да соработуваме со СДСМ, особено во општините во кои во вториот изборен круг решавачки се гласовите на Македонците – вели висок функционер на ДУИ за Дневник.

Според ДУИ, ова веќе е договорено меѓу Ахмети и Заев кога се договарала поддршката на ДУИ за новото парламентарно мнозинство. Неофицијално, Ахмети инсистирал дел од договорениот пакет да биде и соработка меѓу ДУИ и СДСМ за локалните избори и Заев со кандидати Албанци да не му чепка во ооштините во кои мнозинство се Албанците. Според изворот на весникот, во спротивно ќе нема ни соработка меѓу ДУИ и СДСМ на централно ниво, односно ќе нема ни влада.

На поддршка од СДСМ за локалните избори пред с` инсистирал преговарачкиот тим на ДУИ со социјалдемократите, кои воедно се актуелни градоначалници на Тетово, Гостивар и Чаир, Теута Арифи, Невзат Бејта и Изет Меџити. Токму во интерес на преговарачката тројка било ДУИ да прави влада со СДСМ, сметајќи на поддршка од социјалдемократите за уште еден мандат во Тетово и Гостивар.

ДУИ со остар став за нови градоначалнички мандати

Интегративците, според првичните најави, не се очекува да истрчаат со нови имиња за кандидати за градоначалници во поголемите општини. Извесно е дека Невзат Бејта и на претстојните локални избори ќе влезе во трка за уште еден мандат во Гостивар, бидејќи ја има поддршката од гостиварскиот разгранок. Неофицијално, на повторна номинација за градоначалничката функција ќе оди и Теута Арифи за втор мандат во Тетово. Промени ќе нема и за Струга, Kичево и Липково, каде што како најсериозни кандидати повторно се споменуваат поранешниот градоначалник Рамиз Мерко и актуелните Фатмир Дехари и Садула Дураку. Иако чаирскиот градоначалник Изет Меџити ја има поддршката од разгранокот, тој за „Дневник“ изјави дека нема да оди на четврти мандат.

– Доста се три градоначалнички мандати. Ја имам поддршката од разгранокот, но во политиката секој треба да го знае моментот кога треба да се повлече. Оставам простор помлади кадри да претендираат за градоначалничката функција – вели Меџити. Интересно е како владините партнери СДСМ и ДУИ ќе одиграат за Струга и Kичево, каде што е неопходна соработка без оглед дали кандидатите за градоначалници ќе бидат Македонци или Албанци. На последните локални избори во 2013 година, карактеристично беше дека за Струга и за Kичево се гласаше етнички. За победата на доскорашниот градоначалник на Струга, Зијадин Села, и на градоначалникот на Kичево, Фатмир Дехар, и пресудни беа гласовите на сите партии на Албанците, но и гласањето на албанската дијаспора, која за изборите масовно дојде во земјава. И за претстојните избори од ДУИ брифираат дека, најверојатно, ќе се оди на етничка, наместо на поддршка од коалицискиот партнер.

Можно е Арачиново првпат да има градоначалник од СДСМ

Ако СДСМ реши во општините со мнозинство Албанци да оди со свои кандидати за градоначалници Албанци и доколку поддршката на граѓаните за локалните избори остане како таа за парламентарните, тогаш е можно Заев без проблем да ги добие Арачиново, Студеничани, а можеби и Чаир, пишува весникот.

На последните парламентарни избори СДСМ доби повеќе гласови од ДУИ во Арачиново, Студеничани, а во Чаир беше втор по Беса и пред ДУИ.

ЗАЕВ ВО НЕБРАНО: Беса нема да ја поддржи кандидатурата на Џафери за претседател на Собранието

BESA

Движењето БЕСА соопшти дека нема да  поддржи Талат Џафери да биде кандидат за претседател на Собранието на РМ зашто смета дека кандидатурата е наметната. Предлогот, наведува движењето БЕСА, е на тројката СДСМ-ДУИ-Алијанса на Албанците, доставен денеска во Собранието и јавно соопштен.

БЕСА посочува дека имале нивни предлог-кандидат „со кредибилитет и без корупција, криминалност и прекршување на законот“ и тоа го направиле, како што наведува, „во име на перспективата на земјата и на реформските и интеграциските процеси“, но нивниот предлог не бил земен предвид од трите наведени партии. Тоа, според БЕСА, значи дека меѓу кандидат на БЕСА и на ДУИ, СДСМ одлучил да биде со ДУИ.

– Ако со ДУИ почнува првата алка на реформите, тогаш ви благодариме, но ние не сме за такви реформи. Партијата што десет години по ред му служеше на Никола Груевски и заедно со него се главните виновници за оваа криза, кои зад себе оставија монтирани политички процеси, сиромаштија, иселување, оддалечување од евроинтеграциските процеси, „Скопје 2014“ и др., не може да донесе реформи. Ако ние и притоа веруваме дека тие може да бидат реформатори, ова значи дека не си веруваме ни самите себеси, истакнаа од БЕСА на прес-конференција во Собранието.