ЗАЕВ ВО НЕБРАНО: Беса нема да ја поддржи кандидатурата на Џафери за претседател на Собранието

BESA

Движењето БЕСА соопшти дека нема да  поддржи Талат Џафери да биде кандидат за претседател на Собранието на РМ зашто смета дека кандидатурата е наметната. Предлогот, наведува движењето БЕСА, е на тројката СДСМ-ДУИ-Алијанса на Албанците, доставен денеска во Собранието и јавно соопштен.

БЕСА посочува дека имале нивни предлог-кандидат „со кредибилитет и без корупција, криминалност и прекршување на законот“ и тоа го направиле, како што наведува, „во име на перспективата на земјата и на реформските и интеграциските процеси“, но нивниот предлог не бил земен предвид од трите наведени партии. Тоа, според БЕСА, значи дека меѓу кандидат на БЕСА и на ДУИ, СДСМ одлучил да биде со ДУИ.

– Ако со ДУИ почнува првата алка на реформите, тогаш ви благодариме, но ние не сме за такви реформи. Партијата што десет години по ред му служеше на Никола Груевски и заедно со него се главните виновници за оваа криза, кои зад себе оставија монтирани политички процеси, сиромаштија, иселување, оддалечување од евроинтеграциските процеси, „Скопје 2014“ и др., не може да донесе реформи. Ако ние и притоа веруваме дека тие може да бидат реформатори, ова значи дека не си веруваме ни самите себеси, истакнаа од БЕСА на прес-конференција во Собранието.

Интервју на Груевски за ХРТ: Има 2 начина да се реши кризата – Заев да прифати или предвремени избори или понудата на ВМРО-ДПМНЕ

Gruevski-HRT

Лидерот на ВМРО-ДПМНЕ Никола Груевски имаше интервју за Хрватската Радио Телевизија.

Интервјуто Ви го пренесуваме во целост.

Господине Груевски како ја коментирате актуелната политичка ситуација во Македонија, дали е тоа државен удар?

-Па на некој начин државен удар е кога после изборите ќе се донесе платформа во друга држава, а ќе се однесува на вашата држава, во случајот на нашата држава, Република Македонија. Кога таа платформа не е изнесена пред граѓаните на избори и кога граѓаните не се согласуваат, кога таа платформа е спротивна на Уставот на државата и кога политичарот кој што ја прифаќа таа платформа е уценет. Граѓаните не гласаа за таа платформа, тие не знаеја за таа платформа само месец или два пред изборите дека Зоран Заев ќе прифати таква платформа, и со таа платформа мнозинството Македонци ќе се однесат во опозиција со цел малцинството Македонци и мнозинството Албанци во Македонија да ја донесат таа платформа. Така гледано може да се каже дека е еден вид на државен удар.

Зошто за вас е спорна т.н. албанска платформа, нели вие потпишавте нешто слично во 2008 година?

-Не, воопшто не. Тоа е многу различно. Ова што сега се прави е спротивно на Уставот на Македонија. Се оди кон бинационална држава, се занемаруваат другите етнички заедници во Македонија, како што се Турците, Ромите, Србите, Бошњаците, Власите, Хрватите зошто да не? Така што сите се ставаат во една споредна позиција, а се фаворизира само една, се фаворизира албанската етничка заедница, а тоа се прави неуставно, тоа се прави без да се најави на изборите, со платформа потпишана во друга држава под покровителство на друг премиер, на премиерот Еди Рама, што вчера беше потврдено и од една од партиите која учествуваа таму, партијата БЕСА, која јавно кажа дека целата идеја и целото пишување на платформата било под покровителство на државата, Република Албанија.

Колку всушност за вас е проблем Специјалното Јавно Обвинителство во моментот, кое ќе работи на криминалите од аферата со прислушувањето. Многу кажуваат дека вие сте против тоа, затоа што ви е страв од апсење.

-Тоа нема врска со ова што се случува сега, и тоа е еден од изговорите на СДСМ како да му објасни на народот зошто ВМРО-ДПМНЕ не го прифаќа ова. ВМРО-ДПМНЕ му понуди друга алтернатива на СДСМ, а тоа е своите 51 пратеник да ги даде на СДСМ и заедно со нивните 49 да има 100 пратеници со кои што ќе формира влада. Ако сакаат премиер нека Зоран Заев, но да се откажат од платформата направена во Тирана.

Се зборува дека Претседателот Ѓорѓе Иванов пробуда го остави ВМРО-ДПМНЕ на власт со помош на политичката криза.

-Најдобро за тоа ќе си даде објаснување, господинот Иванов, но она што сакам да го кажам е дека само народот е тој што една партија може да ја донесе и да ја одржи на власт. ВМРО-ДПМНЕ се потпира на граѓаните, се потпира на народот, на својата платформа и она што го понуди на изборите на народот.

Кој стои зад Зоран Заев? Овој настап е прилично самоуверен и морам да Ве прашам дали ја разбравте пораката која ви ја пренесе Могерини?

-Ако народот стои зад него тој ќе прифати да одиме на предвремени избори заедно со локалните избори во месец мај оваа година, па нека излезе со таа платформа пред народот и да покаже дека народот стои зад таа. Доколку излезе со таква платформа на локалните избори заедно со парламентарни и народот тоа го прифати ние тогаш не би имале ништо против. Инаку она што го кажа госпоѓата Могерини го разбравме исто како што го разбираме и тоа што го кажуваат стотици илјади граѓани на Македонија секој ден.

За крај, како ќе се реши оваа политичка криза. Секако, сите стравуваат од она најлошото. Компромис засега нема, но дали е можен?

-Постојат два начина да се реши кризата кои ние јавно ги понудивме- едно е да има предвремени избори во месец мај заедно со локалните на кои Заев ќе излезе со оваа платформа, а вториот начин е Заев да ја прифати понудата на ВМРО-ДПМНЕ, да се откаже од платформата, а да добие малцинска влада со поддршка на ВМРО-ДПМНЕ.

 

ПРЕДАВНИКОТ АГИМ ЗАЕВ: Порталите на албански веќе објавуваат ресори кои СДСМ ги отстапува на ДУИ

Ahmeti-Zaev-so-kecinja

Порталите на албански јазик веќе објавуваат ресори кои СДСМ ги отстапува на ДУИ. Албанскиот портал Журнал ја дознава листата на понудата на лидерот на СДСМ, Зоран Заев за Али Ахмети во врска со поделбата на фунциите.

Претседател на парламент
Заменик премиер за имплементација на охридскиот договор
Заменик премиер за евроинтеграции
Министер за правда
Министер за Надворешни работи
Министер за здравство
Министер за образование и наука
Министер за труд и социјална политика
Министер за економија
Управа за јавна безбедност ( во рамките на МВР)
Управа на царини или на УЈП

Сакаат влада со Заев и по цена на платформата – Kрилото од ДУИ за коалиција со СДСМ отстапи од двојазичноста

Teura-Bejta-Medziti

Предлогот за албанскиот јазик е камен на сопнување меѓу преговарачките тимови на СДСМ и ДУИ за да бидат прифатени гаранциите кои на лидерот на ДУИ, Али Ахмети, му ги испратил лидерот на СДСМ, Зоран Заев, за тој да ги добие десетте пратенички потписи од ДУИ за состав на влада, дознава „Дневник“.

И додека СДСМ е оптимист дека испратениот документ до ДУИ гарантира брзо собирање потписи за формирање влада, од Мала Речица се повоздржани, особено поради понудата за албанскиот јазик за која, како што велат, е отворено прашање за кое се разговара.

Ахмети со писмениот документ од Заев синоќа требаше да го запознае Зијадин Села од „Алијансата за Албанците“ и со тоа, како што неодамна најави потпретседателката на ДУИ и преговарач, Теута Арифи, да почнат консултациите со партиите потписнички на албанската платформа за евентуална владина коалиција со СДСМ.

Kако што веќе објавиви весникот, дел од пакетот писмени гаранции за влада, СДСМ, освен предлогот за унапредување на албанскиот јазик, се и продолжување на мандатот на СЈО, ЕУ и НАТО-определбата и спроведувањето на препораките од извештајот на Прибе.

Висок функционер на ДУИ, иако не ја открива содржината на предлогот за јазикот, потврдил за „Дневник“ дека од СДСМ не го добиле тоа што го барале, односно во писмените гаранции нема понуда за официјализирање на албанскиот јазик на цела територија. Барањето на ДУИ и на потписниците на албанската платформа е „постигнување целосна јазична еднаквост, употребата на албанскиот јазик во сите нивоа на власта и гаранција за неговата примена како фундаментално и уставно право. Уставот на Република Македонија треба да утврди дека македонскиот јазик и неговото кирилско писмо и албанскиот јазик со неговото писмо се официјални јазици во Република Македонија“.

– Преговараме за јазикот и с` уште нема краен резултат за да се изјасниме. Правиме закон кој ќе биде во рамките на Уставот и на Рамковниот договор – вели за „Дневник“ функционер на ДУИ.

Впечатокот е дека крилото на ДУИ кое е наклонето за влада со СДСМ е подготвено на отстапки за јазикот бидејќи првичното барање е целосна еднаквост на двата јазика на сите нивоа. Неофицијално, крилото блиско до СДСМ ќе треба да ги убеди лидерот Ахмети и групата поблиска до ВМРО-ДПМНЕ да прифатат унапредување на албанскиот јазик во рамките на Уставот. Ова ќе значи дека на Централното претседателство допрва ќе се кршат копјата дали да се прифати понудата на СДСМ или Заев ќе извиси за потписите на интегративците. И други функционери од ДУИ потврдуваат дека предлогот за јазикот е далеку од барањата и очекувањата.

Според извори од ДУИ наклонети за коалиција со СДСМ, нема отворени прашања со социјалдемократите кога станува збор за продолжување на мандатот на СЈО, за ЕУ и НАТО-интеграцијата, за спроведување на извештајот на Прибе.

Но, од другото крило навестуваат дека за СЈО ќе дадат целосна поддршка доколку СДСМ гарантира дека ќе има нови судења за случаите „Сопот“, „Монструм“, „Бродец“, „Диво Насеље“, и тоа спроведени од меѓународни истражни тимови и судските процеси заради транспарентност да одат во живо на телевизија.

Несогласувања меѓу двете крила кои допрва ќе се разгледуваат на Централното претседателство, како што дознаваме, има и за други прашања од албанската платформа.

Kрилото наклонето кон СДСМ омекнува и кога станува збор за усвојување резолуција во Собранието со која се осудува геноцидот врз албанскиот народ во Македонија во периодот 1912-1956. Сега од таму истакнуваат дека резолуцијата би можела да гласи дека се однесува на сите народи, а не само на Албанците. За другите прашања од албанската платформа допрва ќе се разговара меѓу ДУИ и СДСМ.

Ахмети на средба кај Села, Беса чека покана

Од ДУИ велат дека сè уште нема информација кога Ахмети ќе закаже состанок на највисокиот партиски орган. Јасно е дека Централното претседателство на ДУИ нема да заседава додека Ахмети не се консултира за писмените гаранции од Заев со „Алијансата за Албанците“ и со Беса како потписници на албанската платформа.

Ахмети синоќа требаше да се сретне со Села и да му го презентира предлогот на Заев за владина коалиција, но и да го запознае со текот на преговорите меѓу ДУИ и СДСМ.

Беса сè уште нема покана од Ахмети за средба. Поради нетрпеливоста меѓу ДУИ и Беса, можно е партијата на Билал Kасами за преговорите меѓу ДУИ и СДСМ да биде информирана од социјалдемократите.

Грчева: Ако има коалиција помеѓу СДСМ и ДУИ, сигурен победник на наредните избори е ВМРО-ДПМНЕ

Solza-Grceva-Vo-Centar

ДУИ ќе го чека еден болен процес. Можеби ќе се саможртвува бидејќи локалните избори се многу клучни и ВМРО е многу појак на терен во западна Македонија, онаму каде што тие очекуваат градоначалници. До сега ВМРО ги прелеваше своите гласови кај ДУИ, сега тоа ќе го нема, вели Солза Грчева во гостувањето на емисијата на Васко Ефтов.

ДУИ, додава таа, не може да победи на локалните избори без ВМРО и мислам дека локалните ќе бидат уште полоши од парламентарните. Факт е дека тие се врзани со ВМРО за успех на локалните избори.

Во општини како што се Тетово, Чаир, Студеничани, Липково евентуално Струга таму е битно да влезе некој од партијата БЕСА или некој друг кој е против кандидат на ДУИ во втор круг и ДУИ ќе ги губи тие избори. Тука е проблемот на ДУИ, ДУИ нема капацитет сам да ги добие тие избори. СДСМ со тие гласови кои му беа натоварени како контингенти не може да му помогне на ДУИ бидејќи станува збор за ист квантум на гласови само прераспределен. Проблемот на ДУИ е дека без гласовите на ВМРО не може да победи во Чаир, Теово,  Гостивар, се надоврзува Васко Ефтов.

-Ако има коалиција меѓу СДСМ и ДУИ мислам дека ВМРО и БЕСА ќе победат на следните избори. Тоа е мојата теза оние кои нема сега да формираат влада ќе бидат победници на следните избори. ДУИ тоа го гледа но самиот се поставува во неможна ситуација, тие сами влегоа во лоша политичка разврска, вели Грчева.

-Заев или ќе се коцка до крај, кај него е карта во еден правец, исто и со Радмила може да се коцка заедно со Заев до крај. Кај ДУИ не е таква работа-нож до коса за да мора да се продава ваму или таму, но начинот на кој оди оваа политичка разврска ги прави најголем губитник, вели Ефтов.

-Тие се свесни и тоа го прават сами на себе. Мене не ми е  многу јасна таа нивна логика, затоа што тие го гледаат растењето на БЕСА, заклучува Грчева.

Арифи, Меџити и Бејта го убедуваат Ахмети прво да му даде потписи на Заев, па потоа да договараат влада

DUI-Pretsedatelstvo

Најтесното раководство на ДУИ понеделникот требаше да расправа и да се позиционира за предлогот на СДСМ лидерот Зоран Заев прво да добие поддршка за нов мандатар, за потоа двете парти да ги почнат суштинските преговор за нова влада, дознаваме од преговарачките тимови

Потпретседателската тројка Теута Арифи, Изет Меџити и Невзат Бејта ќе треба да го убеди лидерот Али Ахмети, но и крилото на ДУИ наклонето за коалиција со ВМРО-ДПМНЕ, дека реформска влада е можна само со СДСМ, како што впрочем бил впечатокот по средбата со партиското раководство на социјалдемократите Радмила Шекеринска, Оливер Спасовски и Рената Дескоска.

Без оглед какава ќе биде одлуката на најтесното раководство на ДУИ, за да има полн легитимитет, ќе треба да помине и на највисокиот партиски орган Централното претседателство. Токму во Претседателството се очекува да се кршат копјата меѓу двете крила во ДУИ. Потпретседателската тројка ќе треба да го убеди прво лидерот Ахмети, но и сопартијците дека треба да му дадат потписи на Заев, иако партискиот став изнесен од портпаролот Бујар Османи е дека ДУИ ќе донесе една одлука и за влада и за мандат. Со други зборови, тоа значи дека засега Заев не може да добие потпис од ДУИ само за да го добие мандатот, туку тоа ќе биде сторено тогаш кога ќе бидат договорени и условите за формирање влада, што од гледна точка на ДУИ подразбира СДСМ да ја профати албанската платформа договорена во Тирана, коментира „Дневник“.

Не се открива дали и какви гаранции на првата средба меѓу СДСМ и ДУИ испорачале социјалдемократите за Ахмети да му испорача десет пратенички потписи за мандатот на Заев. Дали станува збор за писмени гаранции на социјалдемократите за програмата на ДУИ и албанската платформа. Тоа што се открива е дека првата средба била на принципиелни основи и дека допрва ќе следат суштински преговори меѓу двете страни за владина коалиција.

Од ДУИ известуваат дека засега нема информации кога ќе заседава Централното претседателство. Оттаму велат дека Ахмети ќе го свика највисокиот партиски орган кога Заев ќе достави предлог за владина коалиција со СДСМ.

Движењето Беса и „Алијансата за Албанците“ иако веќе ги ветија своите потписи за мандат на Заев, вчера не одговараа дали по првата средба меѓу СДСМ и ДУИ имало средба или контакти со партијата на Ахмети како потписници на албанската платформа или средба со претставници на СДСМ.

Партискиот портпарол на СДСМ, Петре Шилегов информира дека по првата средба меѓу СДСМ и ДУИ во тек се внатрепартиски консултации.

Паралелно, додека течат преговорите меѓу СДСМ и ДУИ за евентуална владина коалиција, од партијата на Никола Груевски вчера повторно ги потсетија интегративците дека влада прават победничките партии од двата блока.

Латас: Ако ДУИ прави коалиција со СДСМ, на ВМРО-ДПМНЕ му дава „карт бланш“

Ahmeti-Zaev-so-kecinja

Ако ДУИ прави коалиција со СДСМ, на ВМРО-ДПМНЕ му дава „карт бланш“, единствена македонска партија која треба да ги брани интересите на милион и кусур Македонци, вели новинарот Драган Павловиќ- Латас во емисијата „Од наш агол на МРТ“.

– Јас само едно знам, дека Груевски мирно спие затоа што се иде на негова вода. Ако отиде во опозиција, тоа е единствена македонска партија која се грижи за интересита на Македонците, мнозинството Турци, мнозинството Роми, мнозинството Власи, мнозинството Бошњаци… Како и да е, тој ќе добие барем 100 илјади гласа повеќе на наредните избори, штом ја премине бројката од 500 илјади, тој има 61 пратеник. Груевски не може никој да го притвори, затвори или неговата група да ја отера во затвор во нареди две години. И да го суди и осуди СЈО, и да ги брка по судови, барем две години се постапките. До тој момент, тој е невин човек, вели Латас.

Груби: Доколку СДСМ ја прифати платформата, нема никакви пречки за коалиција

Artan-Grubi-DUI

Доколку СДСМ ја прифати заедничката платформа на партиите на Албанците, во која е вклучено и официјализирањето на албанскиот јазик , ќе нема друга пречка за формирање коалиција, изјави во вторникот шефот на кабинетот на челникот на ДУИ Али Ахмети, Артан Груби во емисијата 200 на ТВ АлсатМ.

Во вторникот продолжија меѓупартиските разговори, или преговорите, меѓу претставниците на СДСМ, кој на предвремените парламентарни избори од 11-ти декември освои 49 мандати во 120-членото Собрание, па десетте пратеници на ДУИ се од исклучителна важност за обезбедување солидно парламентарно мнозинство, вклучително и со другите албански партии застапени во парламентот, кое би го поддржало челникот на социјалдемократите Зоран Заев за следен мандатар за составување влада и веројатен премиер.

Претходно поранешниот премиер и лидер на ВМРДО-ДПМНЕ, Никола Груевски која обезбеди 51 пратеник не успеа да постигне договор со својот долгогодишен коалициски партнер Али Ахмети за формирање натполовично, или просто мнозинство, во Собранието за поддршка на кабинетот министри предложен од него. Конкретните точки по кои не дојде до договор, официјално не ги соопштија и двете партии.

„Не гледам причина зошто да не прифатат (СДСМ –з.р). Верувам дека тоа ќе го сторат и не гледам причина зошто ниту еден Македонец да не ја прифаќа оваа платформа која помага за социјална кохезија, за граѓанска еднаквост и е добра за Република Македонија. Преговорите ќе завршат брзо,доколку се прифати овој конструктивен дух и ако постои подготвеност да се рефлектираат овие потреби“, изјави Артан Груби

Работните групи на СДСМ и на ДУИ, по средбата во понеделникот, продолжија со внатрепартиски консултации за конкретизирање на преговарачките позиции, но на сите повици од новинарите не дадоа одговор кога би се одржала следната средба

СДСМ и натаму јавно не го соопштува својот став за платформата што ја потпишаа партиите на Албанците во Македонија. Портпаролот на социјалдемократите, Петре Шилегов, одговарајќи на новинарски прашања во вторникот рече дека очекува посетата на еврокомесарот Јоханес Хан која е најавена за четврток, „да ја потврди изборната волја за промени“.

Од ВМРО-ДПМНЕ во соопштението објавено по средбата меѓу Никола Груевски и амбасадорката на Организацијата за безбедност и соработка во Европа (ОБСЕ) во Скопје, Нина Соумалаинен, предупредија дека партиите кои ќе формираат влада без оваа партија како „победничка“ на изборите, ќе „мора да ја преземат одговорноста за проблемите кои ќе произлезат“.

„Секоја партија која носи одлука за формирање коалиција без партијата која добила најмногу гласови и најголема поддршка од народот на изборите, треба да знае дека во исто време носи одлука да се соочува со проблеми во иднина својствени на ситуации кога се игнорира волјата на мнозинството граѓани“, порачаа од ВМРО ДПМНЕ

Во соопштение се наведува дека принципот кој беше воспсотавен под притисок на ДУИ и меѓуанродниот фактор – „победник со победник“ – „не може да се примени според потребата.

Притоа од ВМРО-ДПМНЕ сугерира, за да се избегнат трошоците, новите избори да се одржат заедно со локалните, односно пролетва.

СДСМ, ДУИ, ДПА, БЕСА и Села ќе треба да ги проголтаат сите меѓусебни навреди и да ги погазат сите принципи за да обезбедат мнозинство

Site-albanci

СДСМ, ДУИ, БЕСА и Зијадин Села изминатиов период жестоко се напаѓаа и навредуваа, но сега се во состојба да проголтаат се’ што кажале и да ги погазат сите принципи со цел да формираат парламентарно мнозинство и составување на Владата. Зоран Заев очигледно нема никакви принципи кога станува збор за доаѓање на власт.

ВМРО- ДПМНЕ не успеа во рок од 20 дена да се договори со ДУИ, а според пишувањата на денешен „Дневник“, најголем дел од преговорите меѓу ВМРО-ДПМНЕ и ДУИ не успеал поради тоа што партијата предводена од Никола Груевски не отстапувала од ветеното за време на кампањата – дека нема да дозволи двојазичност на целата територија по цена на задирање во Уставот на Република Македонија. Двојазичноста, е и еден од клучните проблеми поради кои преговорите пропаднале.

-Според наши извори, на тоа се потрошени 95 проценти од времето во рок од 20 дена за преговори. Партијата на Али Ахмети предложила и инсистирала да се донесе законско решение со кое ќе се обезбеди двојазичност на целата територија, на што ВМРО-ДПМНЕ реплицирала дека нема тоа да го исполни образложувајќи кои се нејзините принципи поради кои нема да отстапи од конечната одлука. Дотолку повеќе што тоа е ветување што Зоран Заев и СДСМ им го дадоа на албанскиот електорат, односно беше отворено како прашање уште пред почетокот на кампањата кога Заев беше во посета на Швајцарија, објави Дневник.

СДСМ, ДУИ, ДПА БЕСА и Села, кои изминатиов период меѓусебно се навредуваа и напаѓаа, сега ќе треба да ги проголтаат сите меѓусебни навреди и да ги погазат сите принципи за да обезбедат мнозинство. Лидерот на СДСМ Зоран Заев ги навредуваше ДУИ дека се дел од тендерската коалиција со ВМРО-ДПМНЕ, а сега ги моли да влезат во коалиција со него.

-Отворивме две бомби од триесет и четирити, 37-те колку беа, за ДУИ без специјално двете и еве јавно кажувам, корумпиран е и делот на ДУИ и бегање од тоа нема. Заедно со ВМРО-ДПМНЕ делеле пари сопственост на Република Македонија и на граѓаните. За пусти пари е ова забегано општество не за нешто друго, секако моќта заради пари и нема дилеми тука, вели Заев во интервјуто за Нова ТВ.

И додека претходно за Заев ДУИ беше корумпирана, според високи партиски извори на Дневник од СДСМ раководството на СДСМ е подготвено да ги прифати сите точки од заедничката платформа на албанските партии и веднаш да направи министерски состав.

Кога станува збор за релацијата ДПА- СДСМ, односно Тачи- Заев, јавноста памети низа навреди и лични дисквалификации. Лидерот на ДПА Мендух Тачи, кој ја обелодени аферата со смс-пораките кои му ги праќал Зоран Заев со цел да ја собори владата на Никола Груевски, рече дека дека ако кажел сѐ, Заев ќе имал проблеми со семејството.

Движењето БЕСА, вчера ги обвини ДУИ и Али Ахмети дека немаат морален и политички капацитет да донесат било каква одлука.

– Недостатокот на одлука од страна на оваа партија зборува и за недостатокот на политички капацитет на овој субјект за да донесе било какви одлуки, оваа како резултат на моралната и политичката криза на оваа партија, се вели во наапдот на БЕСА кон ДУИ.

Од друга страна, лидерот на ДР- ДПА Зијадин Села во предизборието отворено ги напаѓаче Али Ахмети и Мендух Тачи.

-Изборите во декември ќе бидат добра можност за Албанците, бидејќи од политичката сцена ќе ги остранат Али Ахмети и Мендух Тачи, изјави за ТВ АлсатМ претседателот на движењето за реформи на ДПА, Зијадин Села.

После вакви низа навреди од лидерите кои сега се обидуваат да состават некакво парламентарно мноизнство, прашањето кое се поставува во јавноста е дали во ваква ситуација изборите не се единствениот излез од  новонастанатата ситуација.

ДУИ ја донесе одлуката – Македонија вечерва добива нова Влада

Ali-Ahmeti-izjava

ДУИ и Али Ахмети веќе ја донеле одлуката. Според информациите кои ги јавуваат голем број портали кои известуваат на албански јазик и важат за блиски до интегративците, веќе паднал договор за коалиција со ВМРО-ДПМНЕ и во текот на вечерта се очекува одлуката и официјално да биде потврдена од страна на највисокото партиско тело.

Согласно Статутот на ДУИ, Ахмети има овластување сам да донесе одлука, откако го одби токму од Централното претседателство.

За сега не се откриваат детали од договорот меѓу Груевски и Ахмети.

За информацијата се уште нема официјална потврда од ниту една од двете политички партии кои освоија најмногу гласови на изборите на 11 декември минатата година.