Заев и СДС само лично се богатат: Ги излажаа граѓаните и на толку задолжувања не е исполнето ниту едно ветување

Од ВМРО-ДПМНЕ обвинуваат дека СДС им ветуваа на граѓаните живот и плата од 500 евра, а граѓаните добија само сиромаштија, покачување на акциза, покачување на даноците, милионски задолжувања и хаос во институциите.

-Заев и СДС ги излажаа граѓаните. Ветуваа 500 евра просечна плата, а платата откако дојдоа на власт се намалуваше. Заев и СДС ги излажаа и докторите. Ветуваа 100.000 денари плата за докторите специјалисти, а кога дојде ред да се спроведе им го свртеа грбот на докторите. Заев и СДС државата ја задолжија над 600 милиони евра, а со новиот Буџет во 2018 Македонија ќе биде задолжена над 1 и пол милијарда евра. И на толку задолжувања сепак нема ниту просечна плата од 500 евра, ниту 100.000 денари плата за докторите, изјави Емилија Александрова од ВМРО-ДПМНЕ.

Александрова кажа дека очигледно СДС вешто ги изманипулира граѓаните, а за сметка на тоа си ги полнат своите лични сметки по примерот на газда Кочо Анѓушев.

-Додека СДС и Заев се луксузираат и ги распродаваат националните интереси, граѓаните чекаат СДС да ги исполнат ветувањата за 500 евра плата, 100.000 денари плата за докторите, повисоките пензии. Ветувањата на СДС се само еден куп лаги. Граѓаните веќе се свесни дека се излажани од СДС и дека нема да исполнат ниту едно ветување, изјави Александрова.

СМОГ НАМЕСТО ЖИВОТ: Цели градови се гушат во смог, ветувањето на СДСМ за чист воздух доживува фијаско

Во недостаток на идеи, главно ветување на кандидатите за градоначалници на СДСМ пред локалните избори беше чистиот воздух, но без никакви конкретни мерки како би дошло токму до тој почист воздух. Но, не само што нема ништо од чистиот воздух кој беше ветуван, туку во најголем дел од градовите во Македонија, би можело да се каже и дека е ризично да се излегува од домовите.

Во текот на вчерашниот ден најзагадени градови во Република Македонија беа Битола и Скопје, каде концентрацијата на ПМ 10 честички беше на доста високо ниво.

Во Битола тие изнесуваа 340 мг/м3, додека во скопско Лисиче тие изнесуваа 228 мг/м3.

Наместо конкретни мерки за справување со загадувањето, градоначалникот на Скопје, Петре Шилегов, кој и самиот призна дека нема целосен план за справување со овој проблем, реши да удри директно по џебот на граѓаните, со најава дека ќе се поскапува паркингот во Скопје.

-Една од мерките што ја замисливме е скалесто покачување на паркирањето во центарот за оваа зима и намалување на јавниот билет, додека не дојдеме до состојба на бесплатен јавен превоз, изјави Шилегов.

Од градот Скопје наведоа дека сите мерки за справување со загадувањето се во фаза на предвидување и планирање.

-Планот предвидува краткорочни и среднорочни мерки во однос на загадувањето. Планираме уште зимава да воведеме забрани за градежни активности во најзагадените делови на градот. Предвидуваме и нови политики во јавниот превоз и промоцијата на велосипедизмот, пишаа од градот Скопје.

Но, место кои навистина ќе помогнат за почист воздух, денеска видовме како се сечат дрва во скопската населба Чаир, додека пак градоначалникот кажа дека не знаел дека тоа се правело, иако е под негова ингеренција.

Експертската јавност коментира дека празното ветување со кое СДСМ дојде до гласови на изборите, сега им се удира од глава. Како што велат тие, СДСМ ветуваше чист воздух, но без никаков план и мерки како до тоа би дошле, што може да се види сега.

Инаку освен Скопје и Битола, големо е загадувањето и во другите градови и населени места во Македонија.

Захарова ги демантира лагите: Москва не му спрема атентат на Заев (ВИДЕО)

За Русија изјавата на Македонскиот премиер со која се најавува одговор на Москва на македонскиот влез во НАТО е штетна.

За Портпаролката на Министерството за надворешни работи на Русија, Марија Захарова изјавата на Заев е дел од апсурдните вести кои што доаѓаат од светот во Москва. Сугестијата македонскиот премиер дека Русија му подготвува атентат е „неоснована инсинуација што им штети на билатералните односи“.

Заев: Очекувам жестока реакција од Русија затоа што сакаме во НАТО

– Сметаме дека ваквите изјави се неосновани и ние овие американски фрази ги сметаме за обид за публицитет и како обид за напад на односите меѓу Македонија и Русија. Ваквите хорор приказни се обид за покривање на инволвираноста на балканскака земја во НАТО затоа што тие не се во алијансата се уште. Токму поради тоа во Македонија беше испровоцирана политчката криза. Русија никогаш не се мешаше во внатрешнтие работи на Република Македонија.

Според Захарова наводите на Заев во интервју за црногорска Прва телевизија од 5 ноември дека аналитичари го предупредиле оти по Мило Ѓукановиќ сега тој е на ред да се обидат да го ликвидираат „повеќе личат на рекламна кампања на некој што сака да се претстави како жртва“.

Гласноговорничката на руското МНР реакциајта за Македонија ја објавии на Твитер“ каде порача: „Изјавите како таа на македонскиот премиер Зоран Заев се штетни за руско-македонските односи и се во спротивност со декларираната подготвеност на Скопје да промовира конструктивни врски со нашата земја“.

На одговорот од Москва, преку соопштение се јави и Владата на Република Македонија, каде нагласуваат дека Зоран Заев во интервјуто за црногорскиот медиум во ниту еден момент не ги доведува укажувањата за ликвидација кон него во било каква релација со Руската Федерација.

Славески до Тевдовски: Не кажавте дека ќе ги покачувате даноците пред изборите, а излажавте за поврат на ДДВ-то

Многу од проектите за подобар живот кои ги ветуваше сегашната Влада не ги исполнува, но затоа исполнува мерки кои не ги вети, а се на директен терет по буџетот на граѓаните. Еден од таквите примери е зголемувањето на акцизата на нафтата за 3 денари, што значи дека со се данокот граѓаните ќе плаќаат најмалку 3,54 поскапа нафта по литар.

Во дебата на Телевизија 24, поранешниот министер на финансии Трајко Славески му порача на сегашниот министер дека во нивните програми немало ветувања за вакви покачувања, како на акцизите, така и на даноците, туку имало ветување за поврат на ДДВ-то, нешто што сега го нема.

-Една од ударните мерки најавувани и за време на кампањите и во предизборните програма, во програмата на Владата беше наводно враќањето на 15 проценти од данокот на додадена вредност кој што сите ние го плаќаме купувајќи производи и услуги. Некако како да се заборави, изјави Тевдовски.

Славевски му порача на Тевдовски дека граѓаните проектите на власта ги очекуваат од првиот ден, а не дека очекуваат пилот проекти какви што најави Тевдовски во дебатата.

Зоран Заев ги излажа македонските граѓани, од јануари ќе се зголемат даноците

Зоран Заев на седницата во Собранието кога ја превзема функцијата премиер во неговото експозе изјави дека ќе бидат намалени даноците и дека ќе се стреми да има повеќе пари кај граѓаните. Тој вети дека семејните буџети ќе бидат поголеми, а давачките намалени. Но тој ги излажа граѓаните. За само 5 месеци, граѓаните имаат помали плати, поголеми трошоци, а ќе се зголемат и даноците.

– Паралелно ќе работиме и на враќање на парите кај граѓаните и намалување на трошоците на живот. Владата ќе воведе нов систем “Повеќе пари кај граѓаните“. На граѓаните ќе им се враќаат по 15 проценти од платениот ДДВ во фискалните сметки, со исклучок на данокот на луксузни производи. Семејните буџети ќе ги зголемиме и со тоа што ќе бидат намалени повеќе давачки, изјави Заев во неговото експозе.

Во меѓувреме владата на СДСМ и Заев за само 5 месеци ја задолжи државата за 431 милиони евра, а од државните резерви стопија 180 милиони евра со што вкупната бројка на задолжување на државата изнесува 611 милиони евра. Владата на СДСМ потроши неверојатни 611 милиони евра, без ниту еднаш да им објасни на македонските граѓаните на што точно се потрошија тие пари, бидејќи никој од нив не виде никаков бенефит.

Исто така за изминатите 5 месеци додека СДСМ е на власт падна индустриското производство а почна да паѓа и просечната плата. СДСМ ја турна државата во рецесија и направи пораст на инфлацијата, а крати од капитални проекти кои генерираа приходи во повеќе индустриски гранки.

Сето тоа предизвика огромна буџетска дупка која што мора да биде покриена, а таквото покривање владата на СДСМ го направи со покачување на даноците. Прво на удар е покачување на акцизите на горивата кои што ќе растат 3.54 денари по литар гориво од 1 јануари 2018 година.

Министерот за финансии Драган Тевдовски денеска од прес конференција во министерството за финансии изјави дека ќе се зголемуваат цените на горивото и даноците на граѓаните.

-Зголемување на акцизата на нафтата за 3 денари. Во моментов препораката на ЕУ е акцизата за нафтата да изнесува 0,33 евроценти, а во Македонија изнесува 0,20 евроценти. Една од главните причини е заради заштита на животната средина, намалување на загадувањето. За нас ова ќе донесе дополнителни приходи во Буџетот . Очекуван ефект е од 1,6 милијарда денари од акцизата и 350 милиони денари кај ДДВ-то, рече Тевдовски.

Зголемувањето на даноците ќе предизвика зголемување на цените на производите, а први ќе бидат прехранбените проекти. Со поголемите трошоци стопанствениците ќе почнат да ги намалуваат платите на работниците. Тоа ќе доведе до зголемување на сиромаштијата.

Граѓаните секојдневно ќе имаат поголеми трошоци за живот кои нема да можат да ги покријат со намалувањето на нивните плати. Тие стравуваат дека ваквата лоша економска политика ќе ги донесе на работ на егзистенција и се загрижени како ќе успеат да ги прехранат своите семејства.

Ѓорчев: Албанците ќе се разочараат од СДСМ, ВМРО-ДПМНЕ ќе гради мостови кон албанскиот електорат

Првите што ќе се разочараат од оваа Влада се албанците рече на вчерашното гостување на топ тема членот на ИК на ВМРО-ДПМНЕ, Влатко Ѓорчев.

-Голем број на општини за жал вака како што се поставија работите, средините каде што живеат албанците добија лоши градоначалници. Го имаме Тетово каде што не е решено водоснабдување, ситуацијата со депонијата сите ја знаеме. Во Струга депонијата не само што не е решена туку и возухот е канцероген. Општина Гази Баба не доби градоначалник кој што ќе ги решава овие работи. Не дај боже да се случи некоја поплава ќе видиме која ќе биде фијаското на реакција или во Гази Баба или во Јегуновце, вели Ѓорчев.

Според него имало добар дел на компетентни, квалитетни градоначалници кои за жал не биле гласани во дел од Албанскиот електорат. Тој посочи дека имало добар дел од албанците кои гласале за ВМРО-ДПМНЕ, и тоа е добро и е за поздравување. Посочи дека во периодот кој што следува ќе се артикулираат политичте пораки и политичките понуди кон албанците од страна на ВМРО-ДПМНЕ.

Ристовски: Ова ли е животот кој го донесе СДСМ?

Спиро Ристовски од ВМРО-ДПМНЕ во своето гостување во дневникот на ТВ Нова го коментираше настапот на премиерот Заев каде и обзнани на јавноста дека против двајца членови на владата на Република Македонија.

Ристовски вели дека е поразително и скрандалозно што актуелниот премиер кој е поставен, а не избран само за да ја одигра својата улог,а што тој обзнанува истраги на Основното Јавно Обвинителство. Тоа што тој знае за истражната постапка која според законот мора да бида тајна е доволен податок дека тој е нарачател на истрагите во ОЈО и во СЈО. Со ова премиерот ја докажа спрегата која тој ја има со обвинителствата додаде Ристовски.

Ристовски вели дека тој неможе да има такви доверливи информации од ова е очигледно дека обвинителствата во Македонија се целосно под негова контрола. Во гостувањето во дневникот на ТВ Нова Спиро Ристовски разговаше и за покрената постапка против поранешниот градоначалник на оптина Ѓорче Петров од редовите на ВМРО-ДПМНЕ, Сокол Митровски. Тој истакна дека е катасрофално што денес еден од учесниците во вооружениот грабеж на Про Кредит банка јавно им се заблагодарува за своето ослободување на Зоран Заев и Ахмети, а поранешен генерал кој го бранеше Скопје е таргет на политички реваншизам на СДСМ. Тој ги прокоментира и ослободувањето на Бајруш Сејдиу и Агим Красничи како и бракањето од работа на социјално ранливи категории на граѓани од работа во општина Карпош и додаде дека сите овие популистички дејствувања само ќе го зголемат гневот кон СДСМ кај граѓаните. За крајот запраша ова ли е животот кој го донесе СДСМ?

ПРЕДИЗБОРНИ ЛАГИ: Ниту „Фени“ одблокиран, ниту „Југохром“ рестартиран – Работниците револтирани!

Ниту „Фени индустри“ е одблокирано, ниту „Југохром“ е рестартиран, единствено работниците се изреволтирани. Велат дека тоа се само предизборни ветувања и стравуваат оти може да ги загубат работните места.

Сметките на „Фени индустри“ се уште се блокирани иако вицепремиерот за економски прашања, Кочо Анѓушев неодамна изјави дека Владата е посветена на изнаоѓање решение за проблемот со Фени.

Причината која компанијата ја наведе поради блокираните сметки се ниските цени на фероникелот на светските берзи. Оттаму велат дека преговорите со една банка не дале резултат и таа побарала блокада на сметката.

Анѓушев неодамна изјави дека Владата е посветена на изнаоѓање решение и оти интензивно разговараат со сопственичката структура и менаџерскиот тим на Фени, но од тоа нема никаков резултат.

– Владата е посветена на изнаоѓањето решение, интензивно разговараме и со сопственичката структура и со менаџерскиот тим на „Фени“ да изнајдеме решение како овој проблем да биде решен. „Фени“ е голем индустриски капацитет, истакна Анѓушев.

Посочи дека Владата може да помогне на краток рок, во рамките на своите капацитетит, но, долгорочно решение мора да понудат сопствениците и менаџерскиот тим на комбинатот.

Празните ветувања на СДСМ и Анѓушев влеваат паника кај вработените кои стравуваат дека може да ги загубат работните места.

Фени работи на одржлив минимум, а секој ден имало присуство на извршители во компанијата. Според пишувањата на медиумите, веќе се почнало со мерење на геометри со кое се врши мерење и обележување на земјиштето.

Царинска управа им ги одзела одобренијата за увоз и извоз на „Фени индустри“. Оваа ситуација е алармантна ако се земе фактот дека сметката на банката е блокирана и компанијата нема покритие за банкарската гаранција која служи како доказ дека има начин да се платат давачките. Вработените се скептични и исплашени  бидејќи за да се извадат повторно овие одобренија потенцираат дека треба многу време и процедурата е многу долга.

Вработените немаат голема надеж  дека „Фени“ ќе почне повторно да извезува и увезува. Инаку, од царинска Управа потврдуваат дека дел од одобренијата за увоз се одземени, но тие тврдат дека не на „Фени“ туку на фирмата „Нова Логистик“ која го врши транспортот за комбинатот.

Неофицијално се дознава дека дел од вработените во „Фени“ почнале да си бараат нова работа а други веќе си дале оставки.

Инаку актуелниот вицепремиер  Кочо Анѓушев е сопственик на компанијата ЕДС која го снабдува „Фени“со електрична енергија. Јавноста се сомнева дека Фени намерно се уништува за непријателски да се преземе од стана на луѓе блиски на актулениот премиер Зоран Заев.

Доколку „Фени“ отиде во стечај македонската економија ќе доживее намалување и голем удар зашто таа компанија учествува со голем дел во градењето на Бруто домашниот производ на Република Македонија.

Голем дел од граѓаните ќе останат без работа, а локалните шпедиции ќе треба да стават клуч на врата. „Фени Индустри“ има и директни и индиректни ефекти врз економијата од кои има бенефит и државата и граѓаните. Директно 850 луѓе би останале без работа, додека околу 4.000 индиректно би биле погодени од згаснувањето на овој гигант.

Слична е ситуацијата и со Југохром.

Фабриката од Јегуновце нема да се рестартира, потпишан е само меморандум за соработка. Најавите на Владата, дека комбинатот Југохром, повторно ќе почне со работа, според многумина се само предизборни манипулации со граѓаните. Претставници на владата и вработените во комбинатот потпишаа само меморандумот за соработка, додека пак засегнатите очекуваа Југохром да се рестартира.

На три дена пред локалните избори Владата и „Југохром“ потпишаа договор дека на оџаците на  тетовската фабрика конечно ќе бидат вградени  филтри. Прашањето на „Југохром“ ги засега сите во полошкиот регион, граѓаните, вработените во фабриката, раководството и газдите, па затоа се отвора прашањето дали овој  договор не можеше да почека барем за понеделник. Во изборните програми, сите кандидати бараат решенија токму за металуршкиот комбинат, односно за загадувањето на воздухот во Тетово и регионот, коментираат медиумите.

 „Југохром“ останува под клуч нема да работи ниту еден ден без филтри, гарантираат од компанијата. Систем за отпрашување на сите печки го чини металуршкиот комбинат 12 милиони евра.

Од синдикатот на компанијата очекуваат што поскоро работниците да се вратат на работа бидејќи тие се дома речиси цела година, а фабриката е под клуч.

Од „Еко герила“ порачаа владата јавно да го објави договорот што го потпишаа со комбинатот и бараат гаранција дека фабриката нема да работи без филтрите.

Инаку на неколку пати Југохром го прекршуваше рокот за местење на филтри  по што во прашање им беше доведена интегрираната дозвола за работа, потребна на еден ваков индустриски гигант.

Околу 800 вработени на комбинатот останаа на улица откако „Југохром“ целосно го запре производството на 2 ноември минатата година. Раководството на комбинатот одлучи да ја спроведе одлуката на Испекторатот за животна средина за затворање на фабриката поради непочитување на крајниот рок за изградба на филтер станица кој истече на 30 октомври 2016 година.

Работниците, Македонци и Албанци, останаа без работа, а нивните семејства без приходи, откако Југохром беше затворена со тврдење дека таа го загадува градот и ги труе тетовчани.

Сепак неговото затворање не придонесе за намалување на аерозагадувањето, иако комбинатот на протестите против загадениот воздух, беше често посочуван како еден од најголемите загадувачи на воздухот во Полошкиот регион.

И еколошките здруженија реагираа на најавите на Владата, дека комбинатот Југохром во Јегуновце, ќе почне повторно со работа. Ова се велат, обични предизборни манипулации со граѓаните. Поставувањето филтри, што е и услов за рестартирање на Југохром, е процес кој бара време и невозможно е да биде готов на пролет.

ВМРО-ДПМНЕ: СДС ги излажа пензионерите – нема покачување на пензиите

СДС се свесни за изборниот пораз и се обидуваат својата неспособност да ја скријат со лажни соопштенија и обвинувања кон ВМРО-ДПМНЕ. Ниту едно обвинување кон ВМРО-ДПМНЕ не може да го скрие фактот дека пензионерите оваа година токму од владата на СДС не го добија планираното покачување на пензиите од 5% на пензиите, реагираат од ВМРО-ДПМНЕ.

-СДС не може да го скрие фактот дека ги излажа пензионерите. Наместо подобар живот како што ветуваше им го укинува законското покачување на пензиите. Покрај тоа во четири ипол месеци не реализираа ниту еден проект за доброто на пензионерите. Откако е СДС власт, трошоците за живот се зголемуваат, а платите и пензиите се намалуваат. Во такви околности пензионерите не знаат како ќе го истуркаат месецот и дали ќе успеат да ги покријат трошоците за сметки, лекови и храна. Фактите говорат дека во време на владата на ВМРО-ДПМНЕ пензиите беа покачувани 11 години во континуитет. Пензионерите за време на ВМРО-ДПМНЕ добиваа 8.200 денари повеќе, а СДС сака да ги излаже со мизерни само 2.000 денари за цела година, стои во реакцијата на ВМРО-ДПМНЕ.

Од партијата потсетуваат дека покрај покачување на пензиите владата на ВМРО-ДПМНЕ за пензионерите донесе и низа поволности како банско климатската рекреација, бесплатен превоз со воз за пензионери, 50% попуст за посета во културните институции, слободен превоз со градските автобуси во главниот град.

-Животот кој го носи СДС значи укинувања, беда и сиромаштија. Пензионерите и сите граѓани добро ја знаат разликата кој работи за нивно добро, а кој спротивно на нивните интереси. Тие нема да дозволат да бидат излажани. На 15-ти октомври СДС ќе ја добие казната за своите лаги и манипулации, велат од ВМРО-ДПМНЕ.

ЗАЕВ ГИ ИЗЛАЖА МЛАДИТЕ: Владата на СДСМ не реализирала ниту еден проект за младите

По преземањето на власта, Зоран Заев и СДСМ ги извисија младите иако во предизборната кампања им ветуваа мед и млеко.

Но, засега Владата на СДСМ не покажа никаков интерес за младите и за нивните проблеми.

Во овие четири и пол месеци од доаѓањето на Заев на премиерската функција не е реализиран ниту еден проект кој би можел да ги подобри условите за живот на младите.

Тоа доведе и до масовно иселување на младата популација, па така во овој период се иселија 31.170 млади на возраст од 18 до 37 години. Најголемиот дел од нив се од Струмица, Куманово, а има и од Скопје.

Пред скоро една година Шеќеринска гордо се фалеше дека тие имале план како да ги задржат младите во Македонија, планот кој очигледно е само еден од многуте неуспешни планови и лаги на СДСМ.

-Имаме план како младите да останат тука во Македонија, тука да формираат семејство, тука да најдат работа, тука да ја градат својата иднина. ВМРО-ДПМНЕ и Груевски имаа десет години да го сторат тоа. Да понудат пристоен живот и еднaкви шанси за сите, но тоа не го сторија. Тие сметаат дека најважно од сѐ е да ги полнат своите џебови и сметки низ рајските острови, изјави лани во ноември Шекеринска.

Пред две години пак премиерот Заев, пред граѓаните ветуваше дека ќе ги враќал и оние веќе се иселени од државата.

-Ќе ја нормализираме нашата земја, ќе ги вратиме институциите, ќе отвориме квалитетни работни места за да го вратиме овој моќен извор во земјата, младата популација, и заедно да ја градиме иднината на нашето општество, изјави Заев во октомври 2015 година.

СДСМ пред изборите им ветуваше брда и долини на младите и студентите, а веднаш откако дојде на власт заборави на се она што ги излажа пред изборите и им го сврте грбот на младите. СДСМ не даде поддршка на Законот за издавање на вредносни бонови-ваучери, а со тоа ги спречи студентите да добијат 18.600 денари за набавка на компјутери, кој беше само еден од многу проекти на Владата на ВМРО-ДПМНЕ за младите.

Заменикот на Зоран Заев во партијата и сега министер за одбрана во Владата на СДСМ, Радмила Шеќеринска лажно ветуваше и младинска гаранција за граѓаните, која младите се уште ја чекаат, но новата власт заборави на ова веднаш откако седнаа во фотелјите, а младите се плашат дека ова ќе биде само уште една од многуте лаги искажани од Шеќеринска и Заев.

-Проектот гаранција за млади ќе значи дека државата ќе им гарантира на сите млади граѓани во Македонија, дека веднаш во завршувањето на образованието, во рок од 4 месеци или ќе може да го продолжи образованието, или ќе добие понуда за работа, или да добие можност за практика, обука или тренинг, со кои што ќе се прилагоди на потребите на некое работно место кое што е на располагање, пред изборите лажно ветуваше Шеќеринска.

Од сите овие ветувања денес може да се забележи само игнорирањето на младите, кои како да не постојат за СДСМ и Владата на Зоран Заев.