СДСМ пред избори ветуваше плати од 500 евра, а сега граѓаните добиваат намалување на платите секој месец

Zaev-plan-za-zivot
Откако неспособниот Тевдовски седна на министерската фотелја бруто домашниот производ се намали за 1.8 проценти. Просечната плата која СДС ветуваше дека ќе стане петстотини евра се намали за 0.7 проценти.

Првиот месец по доаѓањето на СДСМ на власт, наместо зголемување на просечната плата, нели Зоран Заев ни кажуваше дека просечната плата ќе порасне на 500 евра, имаме 0,7 отсто намалување во јуни во споредба со мај.

-Значи само во еден месец, во месец јуни во споредба со мај, бруто платата се намали за 0,7 отсто според официјалниот податок на Заводот за статистика. Тоа укажува дека ветувањата се една работа, но она што се случува подоцна во реалноста и на терен кога доаѓа СДСМ е друга работа. Не само што нема зголемување на просечната плата, туку започна и тренд на намалување. По подолг период, просечната плата во Македонија од еден во друг месец се намалува и тоа е загрижувачки податок, рече Груевски.

Заев ги излажа граѓаните дека ќе има просечна плата од 500 евра и веќе им го испланирал и трошењето на тие пари како да бидат.

Просечната бруто и нето плата втор месец по ред паѓаат. Вработениот во јули земал 400 денари пониска плата во однос на мај!

Во јули просечната бруто плата изнесува 33.228 и е помала за 0,5 отсто или за 281 денар во однос на јуни, додека во однос на мај е помала за 412 денари.

Во јули просечната нето плата изнесувала 22.671 денар и е за 0,6 отсто или за 137 денари помала од просечната нето плата во јуни, или за 218 денари помала од нето платата во мај.

По подолг период платата во Македонија се намалува од месец во месец, а ова е втор месец по ред.

ВМРО-ДПМНЕ: Владата на СДС работи со манипулации, создавање на хаос и демонстрирање на бандитизам кој станува нивна главна одлука

VMRO-DPMNE-kamen

Заев со амнестија ги лаже затворениците и ги злоупотребува во предизборни цели. Мавтањето со предлог закон за амнестија кон прекршителите на законот, сторители на кривични дела не е ништо друго туку изборна корупција и кохетирање со затворениците пред избори, велат од ВМРО-ДПМНЕ.

Преку случајот на ослободувањето на Бајруш Сејдиу и Агим Красниќи се покажа дека кога сака СДС и Заев не им е потребна амнестија за ослободување туку тоа се прави преку кршење и злоупотреба на законот. Зоран Заев е нечесен кон луѓето кои се по затворите. Тој сака да ги искористи како гласачка машинерија, а во реалноста тој ќе ги измами и оваа категорија на граѓани. Владата на СДС работи со манипулации, создавање на хаос и демонстрирање на бандитизам кој станува нивна главна одлука, се вели во соопштението од ВМРО-ДПМНЕ.

Оттаму посочуваат дека ова граѓаните ќе го казнат СДСМ на 15 октомври.

ЛАГИ ОД НАШИ ПАРИ: Министерството за пропаганда на Роберт Поповски најми 50 пропагатори да лажат за средба која не се случила

Vladini-propagatori

Не стивнуваат реакциите во јавноста откако Владата предводена од Зоран Заев предзивика невиден скандал со лажни трвдења дека македонскиот премиер вчера остварил средба со американскиот претседател Доналд Трамп, во рамките на состанокот посветен на реформа на Обединетите нации што го организираше претседателот Трамп.

Министерството за пропаганда на Роберт Поповски најми дури 50 пропагатори, платени со народни за да ги лажат македонските граѓани за средба која воопшто не се случила.

Вчера попладне, македонскиот интернет-простор речиси беше преплавен од постови и твитови на лица кои воглавно се вработени во владиниот сектор за информирање со јавноста, кој е под палка на Роберт Поповски, а кои лажно лиферуваа информации дека Заев остварил средба со Трамп.

Сепак, на лагата и се кратки нозете и излезе на виделина дека немало никаква средба на Заев со Трамп, туку само ракување од половина секунда, кое го фотографира, верувале или не,шефот на македонската дипломатија, Никола Димитров.

Заев и пропагаторите на Роберт Поповски, платени со народни пари се обидоа да ги излажат македонските граѓани дека тој остварил средба со претседателот на САД, на која дури и било разговарано за неколку битни теми. Сепак, реалноста е дека за половина секунда ниту здраво не може да се каже.

-Заев, како што информираат од неговиот Кабинет, на средбата изразил поддршка за неговата иницијатива преку Декларација да се поддржат реформите предложени од генералниот секретар на ОН, информираа сдсмовските медиуми кои само станаа соучесници во лажењето на македонските граѓани и кои доколку имаат доблест, треба да се извинат за ваквите лаги.

На видеото објавено од „China Xinhua News“ може да се види дека на 1:21 претседателот Трамп пристигнува да се поздрави со политичарите, а премиерот Заев од позадина чека за да се поздрави со претседателот на САД. Поздравувањето или како што тоа го нарекува премиерот Заев, „средбата“ со Трамп трае едвај половина секунда, а министерот Димитров фотографира.

Веќе следната секунда Трамп со поздравува со друга личност. Навистина е интересно како успеал Заев да разговара со Трамп за половина секунда, и притоа на средба да изрази „поддршка за неговата иницијатива преку Декларација да се поддржат реформите предложени од генералниот секретар на ОН“.

ГИ ВРАБОТИЈА ЗА ДА ГО ЛАЖАТ НАРОДОТ

Се­кто­рот за ин­фор­ми­ра­ње на јав­но­ста со 50 ли­ца пре­ку еден цен­тар ќе ги ко­ор­ди­ни­ра си­те ин­фор­ма­ции што ќе ги да­ва­ат вла­ди­ни­те те­ла. Со дру­ги збо­ро­ви, се фор­ми­ра ми­ни­стерс­тво за про­па­ган­да, кое, во се­кој слу­чај, ќе са­ка да пла­си­ра са­мо по­зи­тив­ни ин­фор­ма­ции за вла­да­та, а, во исто вре­ме, ќе ги бло­ки­ра ми­ни­стерс­тва­та и дру­ги­те ин­сти­ту­ции да да­ва­ат на­вре­ме­ни ин­фор­ма­ции, кои мо­жат да ѝ на­ште­тат, пишуваа дел од медиумите нарекувајќи го ваквиот центар министерство за пропаганда со кое ќе раководи Роберт Поповски.

Бубо Каров, Петар Арсовски, Ѓунер Исмаил, Никола Наумовски, Мирослав Грчев, Петрит Сарачини, Нора Шаќири, Зоран Бојаровски, Бојан Маричиќ, Дане Талески, Марјан Забрчанец, Бранимир Јовановиќ, Дарко Лешоски, Влатко Васиљ, Јована Аврамчевска, се само дел од владините платеници кои плукањето по претходната влада го наплатија со државна плата.

Наместо да работат во интерес на граѓаните, од кого се платени, истите овие лица работат само во функција на пропагандата на Роберт Поповски, меѓу кои дел од нив да шират лажни вести и да ја лажат јавноста за средба која воопшто не се случила.

ЗАЕВ ПОВТОРНО ИЗЛАЖА: Немало средба со Трамп, само ракување од половина секунда, кое го фотографира Димитров (ВИДЕО)

Zaev-Tramp-Dimitrov

Во Њујорк сум за Генералното Собрание на ОН. На средбата со претседателот Donald J. Trump предмалку изразив поддршка за неговата иницијатива преку Декларација да се поддржат реформите предложени од генералниот секретар на ОН. Посакав успешен старт на реформите на организацијата на ОН, вака Заев на социјалните мрежи се пофали дека остварил средба со претседателот на САД. Вистинско прашање е како успеале толку да разговараат за помалку од една секунда?

Премиерот на Македонија, се обиде да ги излаже македонските граѓани дека остварил средба со претседателот на САД, Доналд Трамп на која било разговарано за неколку битни теми, но реалноста е дека за пола секунда ниту здраво не може да се каже.

На видеото објавено од „China Xinhua News“ може да се види дека на 1:21 претседателот Трамп пристигнува да се поздрави со политичарите, а премиерот Заев од позадина чека за да се поздрави со претседателот на САД. Поздравувањето или како што тоа го нарекува премиерот Заев, „средбата“ со Трамп трае едвај половина секунда, а министерот Димитров фотографира.

Веќе следната секунда Трамп со поздравува со друга личност. Навистина интересно како успеал Заев да разговара со Трамп за половина секунда некаде.

-Во Њујорк сум за Генералното Собрание на ОН. На средбата со претседателот Donald J. Trump предмалку изразив поддршка за неговата иницијатива преку Декларација да се поддржат реформите предложени од генералниот секретар на ОН. Посакав успешен старт на реформите на организацијата на ОН, Заев на Фејсбук напиша дека за поздравот кој траеше помалку од една секунда успеал да разговара на овие теми со Трамп.

Инаку честа да биде фотограф на “средбата“ на премиерот Заев и Трамп, ја имаше министерот за надворешни работи, Никола Димитров.

Зад Санос се кријат бизнис интереси на власта: Заев најави субвенции за фирма со 3 вработени – малверзациите со данокот значи голем профит за поединци

Zaev-Sanos

„Планот за живот во Македонија“ на Зоран Заев, од план за живот за сите се претвори во план за живот за поединци, бизнис партнери на премиерот Заев. Веќе неколку дена ги разоткриваме скандалите поврзани со филмската измама на Владата предводена од СДСМ и фабриката „САНОС“. Според економските експерти овде за работи за обид за малверзација со ДДВ-то, што ќе значи голем профит за поединци, со пари од државната каса, пари на граѓаните на Македонија.

Премногу нелогичности има околу овој проект кој помпезно го најави премиерот Заев пред нешто помалку од 2 месеци. Веќе пишувавме за нелогичностите околу бројот на вработени со бројот на автобуси кои треба да се произведат.

Позади оваа измама стои бизнис игра на моќници од власта кои сакаат да избегнат плаќање данок, е ставот на економските експерти. Познавачите на приликите сметаат дека овде има сериозен сонмеж за финансиска малверзација. Имено постои можност дека се работи за разработена мрежа каде компанијата набавува половен автобус и врши репарирање и потоа низ царината ги извезува како нов производ по што прави од државата фиктивен поврат на ДДВ со што се оштетува народниот буџет.

Полни раце работа ќе има Јавното обвинителство и даночните инспектори, вели експертската јавност. Тие ќе треба да утврдат како е можно фирма со тројца вработени да произведе толкав број на автобуси, ќе треба да проверат дали се купени автобуси кои се репарираат како нови и дали постои извос и дали ќе биде побаран поврат на ДДВ. Едноставно, даночните инспектори ќе треба да проверат дали овој помпезно најавен проект на Зоран Заев е само една обична перална на пари.

Дека има сериозно индиции за измама преку која има за цел на криминален начин да дојде до пари од државната каса, пари на граѓаните на цела Македонија, е и фактот дека во разговор со поранешен вработен во фабриката „ФАС 11 Октомври“ дознавме дека најголемиот дел од опремата за производство е продадена и таму нема никаква шанса да се направи нов автобус.

Според неговите зборови, само во производствениот сектор, каде бил и тој вработени биле 1.800 луѓе, кои годишно произведувале 1.600 автобуси, значи во просек по помалку од еден автобус од работник. Како паралела сега оваа компанија има вкупно тројца вработени, значи во просек еден вработен сам треба сега да произведе 23 автобуси. Покрај тоа во моментов во индустриската зона Бунарџик работи и фабриката „Ван Хул“, која исто така произведува автобуси за извос, во која пак работат повеќе од 800 работници.

Инаку, Зоран Заев во фирмата со само тројца вработени и без опрема за производство, промовираше произведени автобуси, за извос од државата, тука почнаа одмотувањето на клопчето околу можните криминални дејности поддржани од премиерот во оваа фабрика. Зоран Заев, откако најави дека ќе ги крати субвенциите за земјоделците, но за разлика од кај нив изгледа е спремен финансиски да ги усреќи своите бизнис партнери, тој при посетата на „САНОС“ најави дека државата ќе помога во таа фирма.

-Сметајте на директни повластици од државата за секое ново работно место, за секој нов продукт, за секое ново производство. Идеите, што ги наметнувате и при ваквите прилики, широкоградо со широко раширени раце, ќе ги пречекаме за да ги поддржиме, а со тоа да обезбедиме пласман и на оваа фабрика и на многу други фабрики ширум Македонија, изјави Заев при посетата на „САНОС“.

Уште една информација која можеби потврдува дека високи чинители од власта се вмешани во овој крајно сомнителен бизнис е сведочење на човек кој живее близу фабриката, кој вели дека се навистина зачудени како фабриката преку ноќ успеала да произведе автобуси, кога како што велат тие во фабриката со години нема ниту еден човек. Еден очевидец на случувањата во „САНОС“ ни потврди дека неколку дена пред посетата на премиерот Заев во фабриката, на паркингот на фабрикат имало паркирани автобуси. Тој ни потврди и дека во последно време таму почнале да се вртат луѓе од власта.

-Нема никој со години во фабриката, ниту се слуша звук или гледа активност, се зачудивме кога излегоа дека произвеле автобуси. Често се вртат луѓе кои ги гледаме на телевизија и се дел од Влдата, изјави граѓанин кој секојдневно ги гледа активностите на „САНОС“, активности кои како што вели и ги нема

Премиерот Зоран пред неполни два месеци се појави на по се изгледа фиктивен настан, каде најави производство 0 нови високо туристички автобуси, а како што објави Телевизија Алфа освен чуварот и еден џип со белградски таблици, дворот зјае празен.

Освен бројка на вработени потребна е инвестиција во машини. Состојбата на САНОС е поприлично лоша. Во 2003/2004 година неа ја купи бизнисменот Славе Распашковски за околу 1,5 милиони евра со цел да го обнови производството на автобуси и да врати на работа поголем број од поранешните работници. Оттогаш имаше неколку безуспешни обиди за рестарт на фабриката.

Последната понуда за продажба на САНОС била во 2005-та година од Волво, но не била постигната согласност поради превисоката цена која ја побарал управникот Распашковски.

Молк има и во Царината од таму не кажуваат дали се извезени или не автобусите, кои сметаат дека е неверојатно да се произведе автобус во таа фабрика.

Заев ги лаже Албанците пред избори, за неуставниот закон за употреба на јазиците ќе се одлучува по изборите

zaev-albansko-zname

Науставниот закон за употреба на јазиците нема да се донесе пред изборите. Сега е само прво читање, намерно темпирано од страна на Заев за да ги излаже Албанците и да ги добие нивните гласови пред изборите.

Зоран Заев ги доведува во заблуда сите граѓани на Република Македонија. Тој си поигрува со чувствата и на Албанците и на Македонците. Неуставниот закон за јазици иако беше протуркан во Собрание, нема да дојде на дневен ред за гласање пред изборите. Имено, истиот сега е само прво читање, а следното ќе биде дури после локалните избори. Ова е намерно темпирано од страна на новиот премиер, кој има јасна цел да ги излаже Албанците за да ги добие нивните гласови пред изборите.

Заев намерно одлучи да оди со две читања, а законот можеше да помине и со едно. Така само купува време. Кога веќе одлучи да го подметне законот со европско знаменце, Заев можеше да одлучи и да помине истиот во само едно читање. Но, тој одлучи законот да оди со две читања за да си купи време пред претстојните избори.

Законот е неуставен, дури и да се донесе по изборите тој че биде соборен на Уставен суд.

Симона Груевска Маџовска, универзитетски професор,  во емисијата „Топ тема“ изјави дека се сретнале со Заев и иако се добивало впечаток дека со законот се воведува двојазичност и иако ќе имало двојазични печати на сите институции, de facto двојазичност нело да има на цела територија.

– Исто така не’ убеди и ни рече дека она што тука е многу непрецизно напишано, а јас како лингвист можам да реагирам на лоша терминологија, нејасни  термини што се подразбира, лошо срочени реченици итн од кои ние читајќи го буквално, знаејќи ги политичките преговори… Кога читаме добиваме впечаток  дека се работи за албанскиот јазик како службен на целата територија на Република Македонија и дека сите државни институцииќе бидат должни да обезбедат, печатите ќе им бидат двојазични на сите институции… Овде ни даде гаранција премиерот дека, верувам дека ќе имам можност и за прецизирање и за некоја измена како е напишано, ни гарантираше дека не станува збор за албанскиот како службен на цела територија на Македонија, истакна професорката која гостуваше на Топ Тема на Телма телевизија.

Пап: Македонија секојдневно ги живее лагите на СДС и Зоран Заев, младите секојдневно живеат во една голема лага

Oliver-Pap-pred-Vlada

СДС лаже, континуирано бесрамно и на очиглед на сите. СДС како за се досега излажа, и уште еднаш докажа дека нивните зборови не се ништо освен празни ветувања. СДС ги излажа младите и во изминатите 100 дена не направи ништо со што би им се подобрил животот, кажа денеска во изјава пред Владата Оливер Пап од УМС на ВМРО-ДПМНЕ.

Пап кажа дека СДС на младите им ветуваше младинска гаранција и сигурност, но само како предизборна реторика. Тој потенцираше иднината на државата односно младите се измамени и разорчарани од предизборните лаги и манипулации на СДС.

-Стефан Богоев и Ивана Туфегџиќ седнаа во собраниските фотељи ги добија посакуваните функции како и финансиски бенефиции и заборавија на ветувањата кои ги имаа кон младите. Поминаа 100 дена од неспособната влада на СДС, а за младите нема ни „В“ од загарантираните вработувања. Проектот Младинска гаранција кој го ветуваа СДС магично го снема, изјави Пап.

Пап вели дека СДС вети дека од буџетот ќе одвои 8.8 милиони евра за овој проект, за младите да останат во државата. Според него не само што не ги одвоија овие пари со ребалансот, туку напротив скратија 1.5 милијарди денари наменети за образование со новиот ребаланс, ставка која е од витално значење за младите и иднината на државата.

-Македонија секојдневно ги живее лагите на СДС и Зоран Заев, младите секојдневно живеат во една голема лага. На јавноста веќе одамна и е јасно дека гаранцијата дадена од СДС не вреди ништо, зборот на Заев, Богоев и Туфегџиќ не вреди ништо. Младите на 15-ти октомври нема да го дадат својот глас за лагите и манипулациите на СДС. Младите нема повторно да дозволат да бидат излажани од Заев и СДС, изјави Пап.

ДАЛИ САНОС Е ПЕРАЛНИЦА ЗА ПАРИ: Каде се 70-те нови автобуси што ги најави Заев и како ќе ги произведат тројца вработени?

Zaev-Sanos

Владата на СДСМ ја продолжува праксата на сите претходни од минатото на таа партија, со договарање матни бизнис-зделки, а еден од примерите за матните бизнис-зделки на новата власт е фабриката „САНОС“, која како што кажа премиерот Заев произведува автобуси, а има само тројца вработени и погоните зјаат празни.

Во фабриката во која Зоран Заев пред неполни два месеци најави производство на 70 нови модерни туристички автобуси, oсвен чуварот и еден џип со белградски таблички, дворот зјае празен.

Заев кога беше во посета на оваа фабрика, позади која според информациите има многу матни игри, кажа дека е таму да се поклони пред работниците, кои според официјалните документи се три на број.

Јас денес со моето присуство овде, сакам да оддадам почит кон менаџментот на компанијата, но овде сум пред се да се поклонам пред овие работници, кои што во ова тешко време, со оваа традиција на оваа фабрика издржале и создале едни вакви прекрасни дела со кои јас, а верувам и цела Македонија, се гордее, како што се гордеат и тие – изјави Заев при посетата на фабриката „САНОС“.

Многу нелогичности има во овој проект, според одредени информации целта на овој проект е удирање по државната каса, т.е. стари автобуси се репарираат и се изнесуваат како нови, со што се ослободени од данок според законите.

За познавачите на ваквите прилики овде постои сомнеж за финансиска малверзација. Имено постои можност дека се работи за разработена мрежа каде компанијата набавува половен автобус и врши репарирање и потоа низ царината ги извезува како нов производ по што прави од државата фиктивен поврат на ДДВ со што се оштетува народниот буџет.

Даночните инспектори ќе имаат полни раце работа, тие ќе треба да утврдат како е можно фирма со тројца вработен да произведе толку автобуси, дали се купени половни автобуси кои се репарираат како нови и дали постои извоз и дали ќе биде побаран поврат на ДДВ. Даночните инспектори ќе треба да проверат дали овој помпезно најавен проект на Зоран Заев е само една обична перална на пари.

Како што ни кажа поранешен вработен во производствениот сектор на „ФАС 11 Октомври“, во чии простории сега е оваа фабрика, само во производниот дел во фабриката биле вработени 1.800 луѓе, кои годишно произведувале 1.600 автобуси, значи во просек по помалку од еден автобус од работник. Како паралела сега оваа компанија има вкупно тројца вработени, значи во просек еден вработен сам треба сега да произведе 23 автобуси. Покрај тоа во моментов во индустриската зона Бунарџик работи и фабриката „Ван Хул“, која исто така произведува автобуси за извос, во која пак работат повеќе од 800 работници.

Освен бројка на вработени потребна е инвестиција во машини. Состојбата на САНОС е поприлично лоша. Во 2003/2004 година неа ја купи бизнисменот Славе Распашковски за околу 1,5 милиони евра со цел да го обнови производството на автобуси и да врати на работа поголем број од поранешните работници. Оттогаш имаше неколку безуспешни обиди за рестарт на фабриката.

Непотврдени се информациите дека сопственикот наследените машини од Фас 11 октомври ги продал како за старо железо. Од неколку стотина вработени се намалила на само 3.

Последната понуда за продажба на САНОС била во 2005-та година од Волво, но не била постигната согласност поради превисоката цена која ја побарал управникот Распашковски.

Ванковска: Заев безочно лажеше во говорот – Албанците не се определија за Македонија, чија иднина висеше на конец

Zaev-govor-Den-na-nezavisnost

Не ми се верува дека фалсификува историски факти и зборува како Македонците рамо до рамо гласале со Албанците за независна Македонија, револтирано реагира професорката Билјана Ванковска на говорот на премиерот Зоран Заев на вчерашната прослава на денешниот празник.

„Дури сега го слушнав говорот на премиерот од синоќешната прослава. Настрана партиските ноти, но не ми се верува дека фалсификува историски факти и зборува како Македонците рамо до рамо гласале со Албанците за независна Македонија!!! Дури и да е пригодно, да е политички коректно и згодно за нивната владина коалиција, тоа е лага! Факт е дека релативно ниската излезност на референдумот се должеше на организираниот бојкот на Албанците, кои ги послушаа своите тогашни лидери, и чекаа „интегрално решение на Албанското прашање“, и не се определија за Македонија, чија иднина висеше на конец. Треба да не’ радува што оттогаш Албанците во голем број сфатија дека интегрални решенија нема и дека нивната татковина е Република Македонија. Треба да се грижиме за младите генерации кои мораат да живеат заедно, но таа иднина ќе биде кревка ако се темели на фризирана историја“, пишува Вановска.

ТУПАНИЦАТА СЕ ПРЕТВОРИ ВО ШИПАК: Граѓаните вријат по социјалните мрежи за 100-те дена на СДСМ и владее огромна разочараност

SDSM-Sipak

Граѓаните вријат по социјалните мрежи за 100-те дена на СДСМ, владее огромна разочараност: „Тупаницата се претвори во шипак“, ни повисоки пензии, ни подобар живот. Ништо!!, се дел од статусите на граѓаните на социјалните мрежи.

Вовед познат, нереализирани проекти, ветувања, наспроти нив штетни потези, антидржавни, пад на пензиите, платите и индиректното производство, задолжување од 350 милиони за 100 дена Влада…

-Ни повисоки пензии, ни подобар живот. Ништо!!

-Раскарувањето со Србија, ползење под камшикот на Косово и Албанија, виткање на кичмата пред Грција! Шипак за добрососедство и гордост на Македонија.

-Сите невладини од СДС, сега станаа владини на СДС! Нема веќе невладини! Или си СДС или НЕ СИ!

-Чист подрум на Владата, запалени шуми низ цела Македонија, запалени депонии во Струга и Тетово. Толку од програмата!

-Од 100 дена влада на СДС видовме само лаги, понижување и најмногу нивната неспособност!, се дел од статусите на социјалните мрежи.