ЌЕ ПОЧЕКАМЕ ЗА ЖИВОТ: Воздухот во големите градови загаден и опасен по здравјето – одговорните молчат

Воздухот во Скопје, Битола и тетово вечерва е опасен по здравјето на граѓаните. Додека граѓаните го дишат канцерогениот воздух, одговорните власти се кријат и не превземаат никакви мерки за подобрување на квалитетот на воздухот.

Нивото на ПМ10 честичките вечерва во скопско Лисиче изнесува енормно високи 406 милиграми на метар кубен. Ситуацијата е алармантна и во Битола, каде се евидентирани речиси 300 милиграми на метар кубен ПМ 10 честички, како и Тетово со 273 милиграми на метар кубен.

И додека граѓаните се гушат во канцерогениот воздух, актуелната власт која 10 години ја обвинуваше претходната власт околу воздухот со цел да придобие политички поени, сега истите тие се кријат од одговорност и никаде ги нема.

Илјадници луѓе секојдневно се трујат поради неспособноста на властите да се справат со проблемот со загадениот воздух. Човечки животи се губат поради неспособноста на властите да се справат со загадениот воздух. ПМ 10 честитичките се најсериозниот убиец на здравјето на граѓаните.

Загадувањето убива во Скопје

Болестите на респираторниот систем се најчестата причина за хоспитализација на населението во Скопскиот регион, покажува анализата на Центарот за јавно здравје – Скопје.

Имено, 13,9 отсто од вкупниот број на случаи на болничко лекување се должат на овие заболувања.

Неоплазмите се втората најчеста причина за прием во болница со учество од 13,5 отсто во вкупниот број на хоспитализации. Болестите на циркулаторниот систем, стојат на третата позиција со индекс од 13,4 отсто.

Болничкиот морбидитет во Скопскиот регион покажува највисока специфична стапка на болничко лекување за болестите на респираторниот систем од 14,6/1.000 жители, што е под стапката за земјите од Европскиот регион (2010) од 18,4/1.000 жители.

Болестите на циркулаторниот систем, I00-I99, со специфична стапка на болничко лекување
од 14,1/1.000 жители во Скопскиот регион, се исто така под специфичната стапка на отпусти.

Загадениот воздух ни ги крати животите за 4 години

Проф. д-р Драган Ѓорѓев од Институтот за јавно здравје предупредува дека Скопје е водечки град во Европа според загадувањето со помалите и поопасните ПМ 2.5 честички и дека во Скопје секој трет умира од загадениот воздух. Во просек, аерозагадувањето го крати животниот век за најмалку 4 години.

Загадувањето на воздухот во Скопје, Битола, Тетово, Куманово и ширум Македонија не е само криза, туку е елементрана непогода како пожар или поплава. Полоша непогода дури од поплавата во Стајковци каде, за жал, загинаа 21 граѓанин. Светска Банка проценува дека во Македонија од загадениот воздух гинат 1.350 граѓани годишно, што значи дека ни се случуваат над 60 „Стајковци“ годишно. Во просек четворица граѓан(к)и гинат дневно заради загадениот воздух. Намерно го користам терминот „гинат“ бидејќи тие се жртви на оваа елементарна непогода. Светска Банка ја рангира Македонија на петто место во Европа според најмногу смртни случаи заради загадување со ПМ честички, со што се прави економска загуба од €253 милиони годишно или 3.2% од БДП.

ПМ10 претставуваат мали честички со дијаметар од 10 микрометри кои се пет до десет пати помали од дијаметарот (дебелината) на човечкото влакно. Според Агенцијата за заштита на животна средина на САД, честичките помали од 10 микрометри се уште поопасни бидејќи се вгнездуваат длабоко во белите дробови и можат да навлезат дури и во крвотокот и да предизвикаат негативни здравствени ефекти како предвремена смрт кај лица со срцеви и белодробни заболувања, неправилно работење на срцето, влошена астма и намалена функција на белите дробови. Најновите истражувања покажуваат дека загадениот воздух предизвикува и деменција и алцхајмер.

Чувствителни групи со претходно постоечки белодробни или срцеви заболувања, како и стари лица и деца се особено ранливи. Децата се најосетливата група, затоа што имаат организам во развој и побрзо дишат, а со тоа и побрзо внесуваат загадени материи во телото. Според анализа на Институтот за јавно здравје при Министерството за здравство, секое второ дете кое побарало лекарска помош во 2015 година имало респираторни проблеми. Аерозагадувањето го намалува имунитетот на децата и ги прави подложни на хронични болести. На пример, во Пелагонискиот регион до 2012 година имало преку 200 деца заболени од малигни тумори. Во последните шест месеци уште пет деца заболеле од рак во Битола и граѓаните во Битола вперуваат прст кон загадениот воздух како главен фактор.

Проф. д-р Драган Ѓорѓев од Институтот за јавно здравје предупредува дека Скопје е водечки град во Европа според загадувањето со помалите и поопасните ПМ 2.5 честички и дека во Скопје секој трет умира од загадениот воздух. Во просек, аерозагадувањето го крати животниот век за најмалку 4 години.

Според неофицијалните податоци од апликацијата МојВоздух во 2016 година, најзагадена општина во Македонија е Тетово со 269 денови со надминување на среднодневна гранична вредност на ПМ 10 честички која изнесува 50 микрограми на метар кубен (50mg/m3). Следуваат Гази Баба со 157 денови, потоа Кичево со 144 денови, Лисиче – 137 денови, Ректорат (УКИМ) со 124 и Куманово со 123 денови. Дозволениот број на надминувања годишно е 35 денови.

Героски до Заев: Покачувањето на даноците ли е лекција за економија која ја ветуваше?

Преку текст со наводна критика кон Зоран Заев и политиките на Владата, уредникот на ПлусИнфо Бранко Героски сака да се прикаже како објективен новинар кој не штеди никого.

Ваквиот обид е неуспешен бидејќи Героски нема храброст да распали по Заев како што тоа би го сторил доколку премиерот беше од редовите на ВМРО-ДПМНЕ – но сепак останува фактот дека дури и за најголемите перјаници на СДСМ меѓу новинарите, ова што го прават Заев и Владата на СДСМ нема врска ниту со економија, ниту со она што беше најавувано во предизборието.

Во текстот насловен „Друже Заев, да си ја повториме лекцијата!“ провладиниот Героски пишува:

„И јас се сеќавам на спектакуларната изјава на премиерот Зоран Заев, човек со бекграунд на успешен бизнисмен, кој во кампањата за локалните избори рече дека СДСМ ќе одржи лекција по економија и дека ќе оди со концептот „повеќе пари кај граѓаните“. И токму затоа, она што се случува деновиве, мене, најблаго речено, ме збунува“

Героски немаше да биде толку збунет, туку во најмала рака бесен и лут, ако на место Заев владата ја имаше ВМРО-ДПМНЕ. Но Александар Обрадовиќ, сопственикот на Слободен Печат каде уредник е Героски, е добар пријател и помагач на Заев, па ваквата емотивна состојба на Героски е дури и разбирлива.

Понатаму Героски вели:

-На пример, не можам да сфатам како тоа зголемувањето на акцизата на дизелот, кој учествува со 64 отсто во вкупната потрошувачка на горива, ќе донело повеќе пари кај граѓаните, а ќе ги насекирало богатите, оти сиромашните ионака не возеле автомобили (?!). Такво објаснување чувме од човек од ресорот финансии.

Исто така, не ми е јасно како е можно со години да трубиме дека имаме прекубројна и неефикасна администрација, која го оптоварува стопанството, а сега одеднаш да се ветува зголемување на платите во здравството, во образованието, во јавниот сектор, пишува Героски.

Отворениот поддржувач на СДСМ вели дека не му е јасна ниту работата со субвенциите.

– Да бидам искрен, мене тој концепт со субвенциите никогаш не ми се допаѓал и се уште мислам дека тој механизам повеќе го умртвува отколку што го заживува производството на храна. Но, еве, не полемизирам, да не се правам експерт за сѐ и сешто. Ама, факт е дека на луѓето им беа ветени субвенции во износ од 160 милиони евра годишно, а во буџетот за 2018 година се испланирани само 138 милиони. Зошто? 

И уште нешто. Многу важно. Кога сегашната власт беше опозиција, многу се зборуваше за кратењето на непродуктивните расходи, за кои се тврдеше дека изнесуваат неколку стотици милиони евра на годишно ниво. И јас сум убеден дека навистина зборуваме за толкави суми. Сега, кога полемизираме за зголемената акциза за дизелот, зборуваме за потег што во државната каса ќе донесе одвај 30 милиони евра годишно. Па добро, што стана со оние „стотици милиони“ непродуктивни трошоци? Се скратија?

На крај Героски заклучува дека сето она што СДСМ го зборуваше во предизборието било голема лага. Но, бидејќи новинарот потсвесно кон Заев сака да гледа како кон „другарот“ Тито, наместо  да каже отворено дека СДСМ пласирале лаги и предизборни манипулации, тој овие лажни ветувања на Заев ги ословува со „скршнување од патот“.

„Мислам дека е време, друже Заев, да си ја повториме лекцијата – кога социјалдемократите беа во опозиција, ветуваа поскромни буџетски зафаќања од реалниот сектор на економијата (за да има повисоки плати за работниците), кратење на непродуктивните трошоци, повеќе капитални инвестиции и општо – повеќе пари за граѓаните. Натаму одиме? Да не сме скршнале малку?

Со ваквата мека критика, односно со „контролирана реакција“, Героски и СДСМ сакаат да се релативизира темата за изборните лаги на СДСМ, тема која инаку има бурен потенцијал. СДСМ и Героски мислат дека доколку тие сами се критикуваат себеси „ќе ја издишат“ евентуалната бурна реакција на јавноста. Но, како што тоа досега се покажало – едноставно не е можно и прашање на време е кога граѓаните ќе им кажат на СДСМ дека им се потрошил кредитот и дека народот не пие нафта, особено со покачена акциза.

Славески до Тевдовски: Не кажавте дека ќе ги покачувате даноците пред изборите, а излажавте за поврат на ДДВ-то

Многу од проектите за подобар живот кои ги ветуваше сегашната Влада не ги исполнува, но затоа исполнува мерки кои не ги вети, а се на директен терет по буџетот на граѓаните. Еден од таквите примери е зголемувањето на акцизата на нафтата за 3 денари, што значи дека со се данокот граѓаните ќе плаќаат најмалку 3,54 поскапа нафта по литар.

Во дебата на Телевизија 24, поранешниот министер на финансии Трајко Славески му порача на сегашниот министер дека во нивните програми немало ветувања за вакви покачувања, како на акцизите, така и на даноците, туку имало ветување за поврат на ДДВ-то, нешто што сега го нема.

-Една од ударните мерки најавувани и за време на кампањите и во предизборните програма, во програмата на Владата беше наводно враќањето на 15 проценти од данокот на додадена вредност кој што сите ние го плаќаме купувајќи производи и услуги. Некако како да се заборави, изјави Тевдовски.

Славевски му порача на Тевдовски дека граѓаните проектите на власта ги очекуваат од првиот ден, а не дека очекуваат пилот проекти какви што најави Тевдовски во дебатата.

Зоран Заев ги излажа македонските граѓани, од јануари ќе се зголемат даноците

Зоран Заев на седницата во Собранието кога ја превзема функцијата премиер во неговото експозе изјави дека ќе бидат намалени даноците и дека ќе се стреми да има повеќе пари кај граѓаните. Тој вети дека семејните буџети ќе бидат поголеми, а давачките намалени. Но тој ги излажа граѓаните. За само 5 месеци, граѓаните имаат помали плати, поголеми трошоци, а ќе се зголемат и даноците.

– Паралелно ќе работиме и на враќање на парите кај граѓаните и намалување на трошоците на живот. Владата ќе воведе нов систем “Повеќе пари кај граѓаните“. На граѓаните ќе им се враќаат по 15 проценти од платениот ДДВ во фискалните сметки, со исклучок на данокот на луксузни производи. Семејните буџети ќе ги зголемиме и со тоа што ќе бидат намалени повеќе давачки, изјави Заев во неговото експозе.

Во меѓувреме владата на СДСМ и Заев за само 5 месеци ја задолжи државата за 431 милиони евра, а од државните резерви стопија 180 милиони евра со што вкупната бројка на задолжување на државата изнесува 611 милиони евра. Владата на СДСМ потроши неверојатни 611 милиони евра, без ниту еднаш да им објасни на македонските граѓаните на што точно се потрошија тие пари, бидејќи никој од нив не виде никаков бенефит.

Исто така за изминатите 5 месеци додека СДСМ е на власт падна индустриското производство а почна да паѓа и просечната плата. СДСМ ја турна државата во рецесија и направи пораст на инфлацијата, а крати од капитални проекти кои генерираа приходи во повеќе индустриски гранки.

Сето тоа предизвика огромна буџетска дупка која што мора да биде покриена, а таквото покривање владата на СДСМ го направи со покачување на даноците. Прво на удар е покачување на акцизите на горивата кои што ќе растат 3.54 денари по литар гориво од 1 јануари 2018 година.

Министерот за финансии Драган Тевдовски денеска од прес конференција во министерството за финансии изјави дека ќе се зголемуваат цените на горивото и даноците на граѓаните.

-Зголемување на акцизата на нафтата за 3 денари. Во моментов препораката на ЕУ е акцизата за нафтата да изнесува 0,33 евроценти, а во Македонија изнесува 0,20 евроценти. Една од главните причини е заради заштита на животната средина, намалување на загадувањето. За нас ова ќе донесе дополнителни приходи во Буџетот . Очекуван ефект е од 1,6 милијарда денари од акцизата и 350 милиони денари кај ДДВ-то, рече Тевдовски.

Зголемувањето на даноците ќе предизвика зголемување на цените на производите, а први ќе бидат прехранбените проекти. Со поголемите трошоци стопанствениците ќе почнат да ги намалуваат платите на работниците. Тоа ќе доведе до зголемување на сиромаштијата.

Граѓаните секојдневно ќе имаат поголеми трошоци за живот кои нема да можат да ги покријат со намалувањето на нивните плати. Тие стравуваат дека ваквата лоша економска политика ќе ги донесе на работ на егзистенција и се загрижени како ќе успеат да ги прехранат своите семејства.

ИЗВРШИТЕЛИТЕ ХАРААТ: Наместо „омекнат“ однос, над 76.000 граѓани и над 36.000 фирми со блокирани сметки!

Половина од активните компании и десетици илјади граѓани се со блокирани сметки и покрај воведувањето на нови, помеки правила за извршителите. Формирана е граѓанска иницијатива која бара целосна ревизија па дури и укинување на концептот на извршители.

76.432 граѓани и 36.021 компанија со блокирани сметки

Според последните податоци на Народната Банка (НБРМ) кои се однесуваат на јуни вкупниот број на граѓани со блокирани сметки достигнал 76.432 а на компании 36.021.

Податоците покажуваат дека заклучно со јуни вкупниот број на блокирани сметки изнесувал 255.037. Од нив 194.832 на граѓани, а 60.205 на компании.

Ако се земе предвид дека заклучно со 31 декември 2016 годна во државата имало вкупно 71.519 активни деловни субјекти, тоа значи дека во првата половина од годинава биле блокирани сметките на околу половина од вкупниот број активни фирми во Македонија.

Извршителите веќе го „омекнаа“ односот кон должниците

На 1 јануари стапија во сила новите, помеки правила по кои постапуваат извршителите. Со нив се воведе засилена контрола на работењето на самите извршители; писмена опомена пред принудна наплата; вонсудска постапка за комуналните сметки; кратење на роковите за продажба на недвижностите; но и за иселување на должниците; можност да се продаваат предмети при стечај; еднократно поднесување на барање за алиментација; електронска комуникација со државните органи.

Ова значи дека заостанатите сметки за комуналии (струја, вода, парно, телефон, каблеска) веќе не одат на нотар или на суд како до сега туку директно кај извршител. Со тоа треба да се избегнат дополнителните трошоци.

Јавните, комуналните и претпријатијата кои нудат други услуги ќе мора најпрвин да се обидат да го наплатат заостанатиот долг преку извршител, а дури потоа да почнат судска постапка. Со овие измени граѓаните ќе добијат можност да се раздолжат уште во првата фаза, кога нема дополнителни судски, банкарски и други трошоци.

Извршителите наплаќаат по околу 100 милиони евра годишно

Комората на извршители на Македонија (КИРМ) се уште го нема објавено годишниот извештај за 2016-та. Според оној за 2015-та сите извршители заедно наплатиле 107 милиони евра. Имало вкупно 154.522 барања за наплата, а постапката била успешно завршена кај 52.439 случаи односно кај 33.95%.

Процесот на наплата најчесто трае подолго од една година (во 2015-та тоа биле 22.899 барања). Само 16.729 биле решени за помалку од три месеци.

Според извештајот најмногу пари биле наплатени во Скопје – нешто над 59 милиони евра, а најмалку во Кочани, Берово, Виница и во Делчево – во сите четири града заедно нешто под 2 милиони евра. Поголемиот дел од должниците биле фирми, а значително помал граѓани.

Извршителите беа воведени пред една деценија

Извршителите беа воведени пред една деценија. За овој период наплатиле вкупно 830 милиони евра, најмногу или речиси 128 милиони евра во 2013-та, потоа по 107 милиони евра во 2014-та и 2015-та; а најмалку или 20 милиони евра во 2006-та, првата година од нивното функционирање.

Во Македонија во моментов има 99 извршители. Превидено е воспоставување на вкупно 132, оттука 35 места се непотполнети.

Вкупниот број на вработени во извршителските канцеларии во 2015-та бил 625 односно секој извршител во просек имал по нешто над 5 ангажирани помошници и дополнителен персонал.

„Но пасаран“ – иницијатива за укинување на извршителите

Конфедерацијата на синдикални организации и граѓанската иницијатива „Но пасаран“ неодамна побараа пратениците да свикаат итна седница на која ќе го укинат законот за извршување и ќе го вратат законот од пред 10 години кога извршителите се водеа како државни службеници.

„Приватните извршители се приватен еснаф кој се богати од арачот на народот. Како може долг од 1.000 од 2.000 денари да стане 10.000, 20.000 денари. Каде одат останатите пари? Дали тие се нивен личен профит? Овде се работи за чисто богатење, чиста буржоазија која не кореспондира со социјалниот карактер на Република Македонија која е дефинирана како социјална држава согласно Уставот“ велат од граѓанската иницијатива „Но пасаран“.

Од синдикатот и здружението бараат и ревизија на нотарската комора.

ВЕТУВАЊАТА ЗА ЖИВОТ ЗАБОРАВЕНИ: Младите бараат работа, а Заев им ветува воздух

Ветениот живот за младите изгледа ќе остане само уште едно од многуте лажни и неисполнети ветувања на Владата на СДСМ, младите коментираат дека наместо големите ветувања кои ги добија од премиерот Зоран Заев во предизборниот период за парламентарните избори, добиле само едно големо разочарување. Тие велат дека сега Заев како да ја потценува интелегенцијата и главно ветување му е чист воздух, а без никако план како тоа би го исполнил.

Во својот „План за живот во Македонија“ премиерот Зоран Заев гордо најавуваше дека ќе ги врател назад во државата младите кои се иселиле, но како и кога се во прашање најголемиот дел од ветувањата на СДСМ ова е премногу далеку од исполнување. Тоа барем го покажуваа податоците и бројот на младите кои се иселиле од држвата во првите три месеци од владеењето на СДСМ. Досега новата Влада нема реализирано ниту еден проект за младите, што како што велат самите млади е поразително за една држава.

Според податоците во првите три месеци од владеењето е СДСМ од Република Македонија се иселиле 20.000 млади лица. Експертите велат дека со моменталните политики на новата власт нивниот број само ќе расте, бидејќи не гледаат начин како младите би се мотивирале да останат во државата.

Пред скоро една година Шеќеринска гордо се фалеше дека тие имале план како да ги задржат младите во Македонија, планот кој очигледно е само еден од многуте неуспешни планови и лаги на СДСМ.

-Имаме план како младите да останат тука во Македонија, тука да формираат семејство, тука да најдат работа, тука да ја градат својата иднина. ВМРО-ДПМНЕ и Груевски имаа десет години да го сторат тоа. Да понудат пристоен живот и еднaкви шанси за сите, но тоа не го сторија. Тие сметаат дека најважно од сѐ е да ги полнат своите џебови и сметки низ рајските острови, изјави лани во ноември Шекеринска.

Пред две години пак премиерот Заев, за чие владеење од само три месеци како што веќе пишавме се отселиле 20.000 млади луѓе, оние кои треба да бидат двигатели на општеството, пред граѓаните ветуваше дека ќе ги враќал и оние веќе се иселени од државата.

-Ќе ја нормализираме нашата земја, ќе ги вратиме институциите, ќе отвориме квалитетни работни места за да го вратиме овој моќен извор во земјата, младата популација, и заедно да ја градиме иднината на нашето општество, изјави Заев во октомври 2015 година.

СДСМ пред изборите им ветуваше брда и долини на младите и студентите, а веднаш откако дојде на власт заборави на се она што го излажа пред изборите и им го сврте грбот на младите. СДСМ не даде поддршка на Законот за издавање на вредносни бонови-ваучери, а со тоа ги спречи студентите да добијат 18.600 денари за набавка на компјутери, кој беше само еден од многу проекти на Владата на ВМРО-ДПМНЕ за младите.

Младите велат дека се чувствуваат изневерени и разочарани од лагите кои ги слушале од Зоран Заев, Шеќеринска и СДСМ, кои цело време го обвинуваа ВМРО-ДПМНЕ дека работи против младите, а како што самите млади велат, во периодот на ВМРО-ДПМНЕ за младите било направено, многу повеќе од било кога. Младите добија многу поволности, како што се бесплатен автобуски и железнички превоз за студентите и средношколците, бесплатна посета на театри, на музеи, како и на многу други културни настани. Еден од најголемите проекти за младите беше и ослободувањето на фирмите од плаќање придонеси за лица до 29 години, со што младите многу полесно доѓаа до работно место.

Заменикот на Зоран Заев во партијата и сега министер за одбрана во Владата на СДСМ, Радмила Шеќеринска лажно ветуваше и младинска гаранција за граѓаните, која младите се уште ја чекаат, но новата власт заборави на ова веднаш откако седнаа во фотелјите, а младите се плашат дека ова ќе биде само уште една од многуте лаги искажани од Шеќеринска и Заев.

-Проектот гаранција за млади ќе значи дека државата ќе им гарантира на сите млади граѓани во Македонија, дека веднаш во завршувањето на образованието, во рок од 4 месеци или ќе може да го продолжи образованието, или ќе добие понуда за работа, или да добие можност за практика, обука или тренинг, со кои што ќе се прилагоди на потребите на некое работно место кое што е на располагање, пред изборите лажно ветуваше Шеќеринска.

Младите се разочарани и од односот на оние кои треба да бидат нивни претсавници и да ги штитат нивните права, а во минативе 3 месеци ги нема никаде. Голем дел од нив коментираат дека Стефан Богоев, кој сам се претставува како другар на сите млади, дека другарот ги напуштил за да си стане градоначалник, тие се разочарани и што гласните за време на Шарената револуција Павле Богоевски и Ивана Туфегџиќ сега ги нема никаде и молчат за сите лоши политики на СДСМ.

Од ВМРО-ДПМНЕ обвинија дека Влата која ветуваше брда и долини за младите, сега одбива закони за подобрување на нивниот живот. Законот за издавање на вредносни бонови-ваучери кој го поднесе ВМРО-ДПМНЕ, а го одби СДСМ, предвидува редовните студенти од семејства чии месечни приходи не го надминуваат износот од две просечни месечни нето плати, а кои за прв пат се запишуваат во трета и четврта година на студии на високо образовните установи во Република Македонија да добијат бесплатни компјутери.

– Дополнително бонови-ваучери во овој закон е предвидено да им бидат доделени на сите студенти кои се евидентирани како лица со посебни потреби а се запишани во било која година на студии на високо образовните установи во Република Македонија. Ова предвидува еден вид на продолжување на проектите кои ги спроведуваше Владата предводена од ВМРО-ДПМНЕ во изминатите години во насока на подобрување на животот на студентите и младите во Република Македонија. Преку проектите за издавање на бесплатни ваучери кои беа спроведени од ВМРО-ДПМНЕ, 5.243 студенти им беше овозможено да земат бесплатни таблет компјутери, додека пак 28.319 студенти добија ваучери за набавка на персонален компјутер, истакна Владимир Нелоски, претседателот на УМС на ВМРО-ДПМНЕ.

СДС ветија проект дека по завршувањето на образованието секој млад човек од државата ќе биде вработен, ќе има шанса да го продолжи образованието или пак да оди на дообучување. Поминаа повеќе од 100 дена, ништо од ова, изјави на прес конференција Филип Ѓеорѓиев од ВМРО ДПМНЕ.

-Овој проект насловен како младинска гаранција, се изгуби во приоритетните вработувања на луѓето од Шарената револуција. Наместо вработување на секој млад човек или шанса за дообразување и дообучување, младите имаа можност да видат дека сето тоа е лага и наместо нив се вработија твитерџии блиски до СДС, членови на Шарена Револуција, членови на Сорос. Стефан Богоев, Ивана Туфегџиќ, Зоран Заев најмногу им ветуваа на младите пред изборите. Односно, најмногу ги лажеа младите и ги извисија, истакна Ѓорѓиев.

Иако ветуваше брда и долини и за студентите, сепак ситуацијата е друга, на почетокот на студентската година студентите останаа без вода во студентските домови, нешто што е најосновно, но и неопходно.

Студентите не можеа да се напијат вода во домот “Кузман Јосифовски – Питу“, но не можеа ниту да водат сметка за хигиената или да се готви нивното јадење. Нервозата кај нив оправдано расте затоа што ова е само едно во низата кратења кои паднаа на нивни грб откако СДСМ и Заев дојдоа на власт.

Јавноста е згрозена од одлуката на Владата на СДСМ да ги храни своите министри со бадеми и морски плодови, а да го скратува оброкот во студентките домови на студентите.

Наместо подобар живот, студентите добија оброк помалку во домовите. Се уште студентите не добија ништо од најавите на СДСМ и Зоран Заев за подобар студентски стандард во периодот пред декемвриските избори ги зголемуваат маките на македонските студенти.

Со одлука на раководните структури од партијата на Зоран Заев, се предвиде укинување на појадокот за студентите кои годинава добиле легло во трите најголеми студентски домови во главниот град, домови “Гоце Делчев“, “Стив Наумов“ и “Кузман Јосифовски – Питу“. Отсега наместо вообичаените три оброци кои им следуваа, идните академски граѓани кои одлучиле да ги користат услугите на студентските домови, за истата цена која ја плаќале и досега, ќе добиваат само два оброци. Тоа значи дека трошокот за студирање станува поголем. Оброкот кој досега го покриваше државата, ќе мораат да го платат од сопствениот џеб.

Покрај оваа најнова мерка за „живот“, студентите ги паметат и не така одамна укинатите и стопирани мерки наменети за нив, како згаснувањето на дисперзираните студии, стопирањето на проектот 30/35 кој обезбедуваше финансиски поволности при студирањето за повозрасните граѓани со интерес за студирање, гласањето против законот за студентски ваучери за купување компјутери.

Младите гласно коментираат дека место да почне да работи за подобрување на нивниот живот, на животот на оние кои треба да ја градат иднината на државата, Заев и неговите кандидати за градоначалници тераат реторика на празни зборови, ветувања за некаков почист воздух, иако немаат никаков план како тоа да го направат. Тие на премиерот му порачуваат да не заборави дека најзагаден град во Македонија е Куманово, каде општинската власт е под контрола на СДСМ и Тетово, каде СДСМ даде поддршка за актуелната градоначалничка, кандидатката на ДУИ, Теута Арифи.

Што добивме од владеењето на Заев: Наместо да воведе, реализира и зголемува, СДСМ укинува, стопира и намалува

Ниту еден проект за добро на граѓаните, ниту една капитална инвестиција, само многу лажни ветувања, штетни одлуки и укинувања. Ова се карактеристиките на досегашното владеење на СДСМ на чело со Зоран Заев – вели лидерот на ВМРО-ДПМНЕ, Никола Груевски во своите обраќања пред народот на митинзите кои се организираат по повод претстојните локални избори.

Премиерот Заев се однесува како да не е на власт. 4 ипол месеци е во фотелја, а се уште се однесува како во опозиција.  Дополнително, по пржинските договори, Заев имаше свои министри во Владата, што значи дека цели две години министер на СДСМ нема спроведено ниту еден добар чекор за македонските граѓани.

Граѓаните не можат да посочат на ниту една позитивна работа од нивното владеење. СДСМ наместо да воведе-укинува, наместо да реализира-стопира, наместо да зголемува-намалува и наместо да исполнува ветувања, смислува нови лаги.

Удар по грбот на младите

Во предизборието СДСМ ветуваше низа проекти за младите. Откако седна на премиерското столче, Заев заборави на сите овие ветувања.

Голем дел на студенти од надворешноста оваа година немаат можност да студираат и да стекнат образование. Владата на Заев ги укина дисперзираните студии и со ваквата одлука им го ускрати правото на студирање на многу млади луѓе кои немаат средства да патуваат и престојуваат во други градови и директно се влијае на изумирање на градовите. Со ваквата одлука, идните студенти се изложуваат на дополнителни трошоци, а втората опција им е поради недостаток на финансии да се откажат од студирањето.

Укинувањето на дисперзираните беше една од првите мерки на Владата на Зоран Заев, кој ветуваше живот за студентите, а со одлуката за укинување на дисперзираните студии, Владата на СДСМ директно удри по младите, кои директно по себе ја чувствуваат штетата.

Дисперзираните студии беа укинати без никаква јавна дебата. Не беа прашани ниту професори, ниту студенти, а ни нивните родители. Оваа одлука ја донесоа Зоран Заев и Рената Десковска, од која како универзитетски професор се очекуваше да има барем трошка чувство во корист за студентите.

СДСМ одби да даде вредносни ваучери за студентите! Законот за издавање на вредносни бонови-ваучери кој го поднесе ВМРО-ДПМНЕ, а го одби СДСМ, предвидува редовните студенти од семејства чии месечни приходи не го надминуваат износот од две просечни месечни нето плати, а кои за прв пат се запишуваат во трета и четврта година на студии на високо образовните установи во Република Македонија да добијат бесплатни компјутери.

Овој закон единствено е во интерес на студентите кои што досега во два наврати додека беше претходната власт, добиваше вредносни ваучери за набавка на компјутери и компјутерска опрема. СДСМ не покажа интерес дури ни во оваа насока да им помогне на младите. Дополнителен удар за студентите беше тоа што со ребалансот на буџетот што СДСМ го усвои скрати над 155 милиони денари планирани за студентските домови. На студентите им беше скратен еден оброк во домовите, што ќе падне како нов трошок на нивни терет. Во студентските домови од минатата недела нема ниту вода за пиење.

СДСМ ги брка странските инвеститори и со тоа им ускратува на младите неколку илјади работни места.

Младинската гаранција остана само уште една во низата лаги на СДСМ.

Платите и пензиите одат надолу

Ако некој поверува во предизборните ветувања на СДСМ, со сигурност очекуваше просечна плата од 500 евра и повисоки пензии. Платите и пензиите во моментов се намалени. Министерката за труд и социјална политика, Мила Царовска, дрско си дозволи обие да манипулира со пензионерите претставувајќи им го законското порамнување како покачување.

Ширење омраза

Ширењето на омраза е исто така нешто кое го одбележа периодот на владеење на СДСМ. Наместо да понудат проекти и да сработат нешто, челниците на новата Влада макотрпно работат на пресметка со противниците. Тие неоправдано обвинуваат, навредуваат, критикуваат со цел гневот на јавноста да го насочат кон спротивната страна иако граѓаните својот револт оправдано го насочија кон оние кои сега седат на „Илинденска“ без да спроведат нешто.

Чекорите кои ги превзема новата влада се од штетен-поштетен. Се потпишуваат договори со соседни земји кои целат кон тоа да ја избришат македонската историја, економијата тоне, државата се тера во банкрот. Се условуваат и субвенциите за земјоделците, полицијата и судот под притисок насилно се пресметуваат со неистомислениците на Заев. Инвеститорите се бркаат со цел уште поголемо богатење на Заев и неговите најблиски соработници. Во здравството се случуваат огромни трагедии за кои никој не понедува одговорност. Во секој сектор само неуспеси и огромна штета на македонските граѓани.

Лидерот на ВМРО-ДПМНЕ, Никола Груевски овој период на владеење на СДСМ го дефинира како помрачување!

-Тие се уште веруваат дека без народ може да се владее. Затоа сега на 15-октомври ќе им се покаже дека народот е тој што дава власт во оваа земја и дека народот е тој што одлучува кој ќе ја води државата и на централно и на локално нив. Подготвивме документ, нова ера за наредните 10 години откако ова помрачување ќе почне да заминува, а ќе почне да заминува на локалните избори на кои народот ќе го даде своето мислење за градоначалници и советници. Ама ќе го даде своето мислење и за помрачувањето, за рушењето на економијата, за незаконското работење и насилничко работење на таканаречената влада која мисли дека против волјата на народот вечно ќе владее, за одењето против волјата на народот, порача Груевски на синоќешниот митинг.

Груевски: Заев и СДСМ ветија зголемување на платата на 500 евра, а последниве два месеци таа почна да паѓа

На првиот митинг денеска на ВМРО-ДПМНЕ во Неготино, пред граѓаните се обрати претседателот на најбројната партија во Собранието, Никола Груевски, кој говореше за многуте неисполнети ветувања на СДСМ, а едно од нив е и она за покачувањето на просечната плата на 500 евра, тој напомена дека и тогаш велел дека тие лажеле и дека не ја кажуваат вистината.

– Кажав дека не оди тоа така, кажав и како оди. Е сега, во првите два месеци Заводот за статистика измери, каде што е нивни директор, не само што не расте, туку просечната плата почна да паѓа за 0,9 проценти, тоа е новото помрачување. Или еве да речеме девизните резерви, знаеа 2-3 милиони во некој период да паднат, за 3 месеци 170 милиони евра паднаа девизните резерви, никому ништо, тоа е новото помрачување, изјави Груевски.

Груевски зборуваше и за најавата дека ќе бидат зголемени даноците, тој кажа дека тие без срам го најавиле тоа, дека не е нешто што е начуено, дека ќе се зголемат даноците, пресоналниот данок на доход, данокот што се плаќа од секоја плата.

– На секој од вас што работи и што зема бруто плата, во неа има персонален данок 10 проценти, тие проценти ќе растат и за толку што ќе пораснат, толку ќе се намали платата, вашата плата. Ќе расте данокот на добивка, што значи на фирмите ќе им земат од добивката, наместо да им ја остават со таа добивка да градат нови фирми, нови капацитети и да има нови вработувања. Ќе расте она што се дава како придонес за здравствено осигурување и за пензиско осигурување и тука ги иштетуваат работниците, тоа е дел од бруто платата. Тоа е новото помрачување за кое говориме, изјави Груевски.

Груевски кажа дека во делот на градежништвото, се што беше крупен проект е запрено.

– Трите автопати големи што ги градиме ги запреа, овој од Демир Капија до Смоквица е завршен, јас отидов целосно завршен пат на крајот на мај, ни рекоа треба уште лентите да се нацртаат и сообраќајни знаци да се стават, колку време треба за тоа, до месец дена максимум, од тогаш поминаа четири месеци, абер нема од автопатот. Да не беше завршен ќе речеа трасата е промашена, ама не можат да речат, зошто завршено е, асфалтирано е, се е готово, како да кажат сега трасата е згрешена? И сега молчат, да помине уште едно 6-7 месеци, еве ние го изградивме автопатот Демир Капија-Смоквица, срамота. Тоа е помрачувањето, изјави Груевски.

Груевски напомена дека истото се случува и со автопатот меѓу Охрид и Кичево, меѓу Скопје и Штип, те некаде трасата промашена како што кажа Груевски, те некаде рокот, само наоѓаат некои причини да запрат, за да завршат работите после две години и да си ги прикажат како свои дела, а како што вели лидерот на ВМРО-ДПМНЕ, тоа е на грбот на народот. Груевски порача дека народот на 15-ти октомври ќе го даде судот за ваквото работење.

За Шекеринска морски плодови од 80.000 евра, за студентите трошки и вошки: Еден оброк помалку во студентските домови, храната богата со инсекти

На Владата на Зоран Заев не ѝ се скапи лешниците и морските плодови од над 80.000 евра со кои се гоштава министерката за одбрана, потпретседателка на СДСМ, Радмила Шекеринска, но затоа ѝ е луксуз третиот оброк на студентите кои ги користат услугите на мензите во студентските домови.

Hrana-menza-studentski-dom„Планот за живот во Македонија“ со кој Заев ветуваше се и сешто пред изборите, по првите 100 дена откако е на власт, повеќе личи на план за богатење на неговиот потесен круг и масовно вработување на „шарените“. Раководството на СДСМ јавно ветуваше дека ќе ги врателе младите во Македонија, но тоа не само што се уште не селучи, туку и на оние кои тука се образуваат во својата татковина им ускратија една работа на која сметаа изминативе години.

Па така, отсега наместо вообичаените три оброци кои им следуваа, идните академски граѓани кои одлучиле да ги користат услугите на студентските домови, за истата цена која ја плаќале и досега, ќе добиваат само два оброци. Тоа значи дека трошокот за студирање станува поголем. Оброкот кој досега го покриваше државата, ќе мораат да го платат од сопствениот џеб.

Дали директорот на Државниот студентски центар под чија надлежност се овие три домови, индивидуално оценил дека студентите немаат потреба од појадок, или пак, одлуката е изнудена поради кратењето на цели 1,5 милијарди денари од буџетот за образование, останува нејасно, бидејќи раководството на домот не одговори на нашите повици.

Во меѓувреме, студентите секојдневно го изразуваат своето незадоволство, особено на на социјалните мрежи. Неодамна се побунија и поради појавата на инсекти во храната која им се служи.

Околу 3000 студенти кои престојуваат во студентските домови ќе организираат протести доколку управата не ја промени одлуката да добиваат по три дневни оброци и доколку не се преземе ништо за подобрување на квалитетот на храната.

Студентите со кои разговаравме сметаат дека се изманипулирани од кадрите на СДСМ, како Стефан Богоев, Павле Богоевски и Ивана Туфегџиќ кои кон крајот на минатата година беа чести посетители во студентските мензи и кафулиња, ветувајќи драстични промени на стандардот по доаѓањето на власт.

Велат, животот кој им беше ветуван, најверојатно е живот во странство, не во Македонија.

Останува нејасно за идните академски граѓани кои решиле да ги користат услугите на студентските домови дали на некој друг начин ќе се надоместува укинатиот појадок или ќе треба да го плаќаат од сопствениот џеб. Ова е само дел од низата мерки кој се укинаа  во образовниот систем по формирањето на новата Влада.

ВИДЕО: Заев ја заборави маката на земјоделците – Еве што ветуваше пред изборите, а што кажува сега

За да ги придобие нивните гласови, Зоран Заев на земјоделците во предизборието им се претстави како човек кој ја разбира нивната мака

-Вие сте мојот народ, а јас имам работено земјоделие и ја знам земјоделската мака, истакна Заев пред изборите на 28.11.2016.

Истиот Заев после изборите, како и за многу други работи, ја промени политиката и сега освен што не ја разбира земјоделската мака, тој сосема ги запостави земјоделците. Заев вели дека на земјоделци треба да им се каже дека нема да им се даде субвенции.

-Треба да им кажеме дека оваа година немаш бе брат субвенции оти си на ист обем на производство од лани, истакна Заев на 16.09.2017.