ФОТО: Во Штип активисти на СДСМ вршат поткуп пред избирачко место за гласање

СДСМ продолжува со поткуп, закани и насилство и на денешниот ден кога се одвива вториот круг гласање од локалните избори.

Активисти на СДСМ денес на терен во Штип делат пари за поткуп меѓу граѓани. При директни средби, парите им се даваат на рака и се врши притисок да гласаат за кандидатот на СДСМ.

 

Борче Горгиевски од СДСМ ветил проширување на автопазарот во Триангла

Борче Горгиевски од СДСМ играјќи двојна политика, едно ветува а друго прави. Дознаваме дека веќе се договорил со сопстввениците на автопазарот кои се од скопски Чаир дека ќе го прошири автопазарот на истата локација кој се наоѓа во скопската населба Триангла.

За сметка на тоа тој ќе добие финансии кои му се од корист во неговата изборна кампања. Иако во јавноста ветуваше дека ќе се направат анализи за локацијата на пазарот, тој веќе се договорил за негова надргадба.

-Ако ова е вистина дека пазарот ќе се проширува, тоа ќе биде катастрофа. Ние ќе се спротивставиме на тоа, вели жител на Триангла.

Дополнително во скопско Маџари Владата има план за изградба на нова населба за мигранти.

Борче Георгиевски од СДСМ ветил албански паралелки во училиштето во Стајковци

Канидатот за градоначалник од СДСМ за Гази Баба ветил отворање на албански паралелки во основното училиште СВ Кирил и Методиј во селото Стајковци. Ова ветување им го дал на албанците во Сингелич и Ченто, а дополнително ветил и бесплатен превоз за учениците кои не можат да си обезбедат превоз.

Имено жителите на Ченто и Сингилеч се пожалиле на недостаток на простор во училиштата, а Борче Горгиевски за да ја добие поддршката ветил времено решение преку префрлање на паралелките во училиштето СВ Кирил и Методиј во скопско Стајковци. Во суштина тоа преставува лошо решение и за жителите на Стајковци, но и за Ченто и Сингелич бидејќи не се работи на трајно решавање на проблемот туку негово ставање под тепих и затскривање.

Георгиевски тоа го ветил пред првиот круг на изборите со главна замолница да не се дознае во неговото Стајковци бидејќи таму жителите се остро против такво решавање на проблемот.

-Тоа не решение, туку дополнително оптоварување на училиштето, бидејќи нема ниту простор, ниту ресурси да го издржи товарот, а искрено верувам дека со ова не се среќни ниту жителите на Ченто, бидејќи ова е е решение кое трајно им го решава проблемот, вели жител на скопско Стајковци кој ни го раскажа проблемот.

Инаку за кандидатот Борче Горгиевски познато е дека ветил и кратење од парк шумата и зеленилото во Гази Баба за изградба на куќи каде ќе се доселат жители на Чаир и Ченто, а воедно по првиот ден по одржаните избори изјавил дека како глувци ги вадел луѓето да гласаат за него. Слично ветување за албанските паралелки дал и кандидатот на СДСМ за Бутел Велимир Смилевски кој пак им ветил на албанците во Бутел дека ќе отвори албански паралелки и во ОУ Климент Охридски во Бутел 1 и во училиштитето Ацо Шопов населено место Радишани.

Борче Георгиевски ветил 800 плаца за куќи на косовски инвеститори

Борче Георгиевски од СДСМ ветил 800 плаца за градба на куќи на жители од Чаир, Топанско Поле и Сарај во Гази Баба, а за возрат да ја добие поддршката на ДУИ за овие локални избори. Ивеститори се косовски бизнисмени кои подоцна би ги продале куќите. Главно заинтересирани имало од Чаир, Топанско Поле и Сарај.

За можни локации се парк шумата во Гази Баба, со што би се скратил еден дел од самиот парк, а втората можна локација е на потегот меѓу Маџари и Јурумлери.

Веќе имал и првични средби со инвеститори, а за сметка на тоа побарал поддршка. Ветувањето е дека земјиштето ќе го даде за по едно евро за метар квадратен.

Борче Георгиевски во минатото има кривична пријава за фалсификување на патни исправи а сега е кандидат за градоначалник на СДСМ во општината Гази Баба

Сѐ повеќе информации кои ја доведуваат во прашање регуларноста на изборите: Бугарски воз во Росоман, пронајдени 4 ливчиња плус

Покрај тоа што кампањата помина во крајно нефер и нерегуларни услови, владеачката СДСМ ја стави државата и полицијата во партиска служба, сега се повеќе информации се појавуваат дека голем број на нерегуларности и прекршувања на изборниот законик, до редакцијата на Журнал стигна „бугарски воз“ имало на гласањето во Росоман.

Според нашите информации има сериозни сомненија дека имало „бугарски воз“ при гласањето, бидејќи најдени се четири ливчиња плус. Ова е само еден од многу примери каде во прашање се доведува регуларноста ова локални избори во Република Македонија.

Инаку, што е „бугарски воз“? Бугарски воз е политички поим со којшто се означува злоупотреба на правото на гласање со цел да се издејствуваат изборни резултати во сопствена полза. Карактеристично за гласањето со „бугарски воз“ е тоа што едно лице гласа на повеќе гласачки места во корист на својата опција и така создава резултат што не одговара на вистинското расположение во гласачкото тело. Ваквиот поим најчесто се користи делумно на Балканот, а се инспирира од недемократските избори во Бугарија кон крајот на 20 век.

Локомотивата (организаторот) некако зема празно ливче, и на него го заокружува редниот број на посакуваната партија. Потоа, тоа ливче го предава на некој гласач, кој зема празно ливче, истото го става в џеб, а заокруженото го пушта во гласачката кутија. Потоа, празното ливче се предава на локомотивата, кој одново го заокружува посакуваниот реден број, па повторно го предава ливчето на некој друг гласач. Постапката продолжува на ист начин понатаму, при што со сигурност се знае дека гласачите ќе „гласаат“ за посакуваната партија.

Големиот број на неважечки ливчиња, каде граѓаните не гласале за ниту еден кандидат, иако на прв поглед не треба да претставуваат закана за регуларноста, сепак до нашата редакција пристигна видео, како може да се тргне мастилото од пенкалото до ливче со материјал каков што е изборниот лист, а тоа е премногу лесно, само со користење на запалка за околу 5 секунди.

Со ова навистина се поставува прашањето дали токму ова е причината поради нетипично големиот број неважечки гласачки ливчиња, кои ги има околу 50.000.

ВАЖНО: Упатство за гласање на утрешните локални избори

За локалните избори кои ќе се одржат утре, избирачот може само еднаш да се појави на гласачкото место за остварување на своето избирачко право.

Избирачот добива две гласачки ливчиња (за избор на членови на Совет и за избор на градоначалник).

За локалните избори во Град Скопје и општините во Скопје, избирачот добива четири гласачки ливчиња (за избор на членови на Совет на општина, за избор на градоначалник на општина, за избор на членови на Совет на Град Скопје и за избор на градоначалник на Град Скопје).

За гласањето на локалните избори, избирачот се потпишува во изводот од Избирачки список наменет за локалните избори.

Гласачкото ливче се откинува од кочанот на блокот по нумерички редослед, му се става печат на предната страна и потоа му се дава на избирачот.

Гласањето се врши тајно, зад параван.

Избирачот гласањето за избор на градоначалник на општина и на Град Скопје го врши на тој начин што го заокружува редниот број пред името и презимето на кандидатот, а за членови на совет на општина и Град Скопје го заокружува редниот број пред подносителот на листата за која се определил.

Преклопеното гласачко ливче избирачот го става во соодветно обележаната кутија за гласање.

Гласање за друго лице е забрането, освен во случаите предвидени во членот 112 од Изборниот законик, односно избирачот кој има физички недостаток или е неписмен и поради тоа не може да гласа на начин утврден со овој Законик, со себе има право да доведе лице кое ќе му помогне при гласањето. Ако избирачот не доведе со себе лице кое ќе му помогне при гласањето, тогаш избирачкиот одбор ќе определи друго лице од редот на избирачите.

Лицето кое ќе му помага на друго лице при гласањето не смее да биде од редот на членовите на избирачкиот одбор, претставниците на подносителите на листите или од редот на набљудувачите. Лицето не смее да влијае врз одлуката на избирачот, а при гласањето може да помогне најмногу на двајца избирачи кои се со физички недостаток или се неписмени. Овој начин на гласање се забележува во записникот број 16.

Заради обезбедување на тајноста на гласањето, на денот на изборите на гласачките места, овластените претставници на подносителите на листите, овластените набљудувачи, членовите на изборните органи и избирачите не смеат да користат мобилни апарати, фотоапарати и други средства за снимање на изборниот материјал и на избирачите кога гласаат. (МИА)

Груевски: Овие избори ќе бидат многу повеќе од локални избори, граѓаните бараат одговри на голем број прашања

На денешниот централен митинг на ВМРО-ДПМНЕ во Кочани, пред граѓаните се обрати и претседателот на партијата, Никола Груевски. Тој порача дека во целата оваа работа што се случува, во целото ова помрачување, во една таква атмосфера, освен како што кажа тој овие избори пред нас се локални, на кои што ќе се бираат градоначалници и советници, ова се избори на кои народот треба да го даде своето мислење за помрачувањето што ни се случува во овие четири месеци.

Тој напомена дека граѓаните бараат одговори за падот на просечната плата, за договорот со Бугарија, за неуставниот закон за јазиците, за падот на индустриското производство и на прометот во индустријата, за лажните ветувања дека ќе ги вработеле младите , дека ќе имало младинска гаранција.

Груевски: Декларацијата за заеднички настап на претстојните локални избори е вовед за нова победа на изборите

На граѓаните на Република Македонија потребен им е напредок, потреби се чекори кој ќе го направат животот подобар, потребни се решенија. За да се случи тоа неопходно е дејствување. Чесно, посветено и секогаш со граѓаните, ова денеска го изјави лидерот на ВМРО-ДПМНЕ Никола Груевски при потпишувањето на декларацијата за заеднички настап на претстојните локални избори на коалицијата предводена од ВМРО-ДПМНЕ.

-Политичките партии, потписници на оваа декларација за заеднички настап на престојните локални избори денес одлучно застануваме заеднички, за на граѓаните да им ја понудиме најдобрата кадровска и програмска понуда. Она што не обединува, Македонци, Албанци, Турци, Срби, Роми, Власи, Бошњаци, и сите останати е потребата за напредок. Тој напредок ќе го понудиме, тој е е желба за подобар живот.  Оваа декларација за коалициски настап е вовед во нова победа на престојните избори, рече Груевски.

Тој истакна дека се базираме на концептот на развој и напредок на Македонија, подобар стандард на граѓаните, но пред се визијата за Македонија која нема да запира и назадува, туку ќе продолжи на патот кон просперитетот, работата и реализацијата на нови дела и проекти, кон унапредување на локалната самоуправа како севрис на потребите и барањата на граѓаните.

-Со нас е проверено дека можеме и знаеме. Ние покажавме дека нашата заедничка визија знаеме да ја преточиме во многу работа од која резултатот се решени комунални и инфраструктурни проблеми, нови водоводи, канализации, училишта, градинки, патишта и 10.359 реализирани ветувања за општините и граѓаните. Овие резултати покажуваат дека стоиме зад тоа што го говориме, дека граѓаните може секогаш да се потпрат на ВМРО-ДПМНЕ и политичките партии кои стојат зад оваа декларација. Овие резултати ветуваат дека тоа што ќе го понудиме и на овие локални избори ќе биде преточено во нови километри асфалт, нови цевководи, нови објекти, нови подобрени услуги за граѓаните. Затоа слободно може да кажеме дека оваа не е само декларација потпишана само помеѓу политички партии, туку е декларација потпишана со граѓаните, која својата верификација ќе ја добие на 15 октомври со една убедлива победа на локалните избори, вели Груевски.

Тој потенцираше дека овие локални избори не се само обични избори за градоначалници и локални совети, ова се избори за Македонија.

-Во минатиот период владата  покажа неспособност да се справуваат со проблемите на граѓаните. Погледнете ги штетите во само три месеци, пад на економијата индустриското производтсво, пад на просечните плати, растот на трошоците за живот и цените на производите, кампања против инвеститори и хаос во секој ресор на нивното работење. Тоа е одраз не само на нивното незнаење, туку и на нивната катaстрофална кадровска политика. Сега гледаме дека истото го прават и во пресрет на локалните избори. На тоа ние ќе одговориме одлучно со најдобрите кандидати, со најдобрите визии, идеи и проекти во интерес на граѓаните. Нашата понуда посветеност, одговорност и знаење ќе биде најдобриот одговор на хаосот и неизвесноста која СДС ја предизвика, рече Груевски.

Тој изјави и дека Македонија ќе се врати на патот на успехот и развојот. Тој пат ќе го одиме ние заедно со граѓаните. Пред нас престојат нови победи. Овие победи ќе ги добиеме заедно со граѓаните, со многу работа и грижа за народот и државните интереси. Овие избори се ново утро за Македонија, каде заеднички, сложно, обединето ќе продолжиме да работиме за граѓаните и за државата, да се вратиме на патот кој значи стабилост и сигурност. Секогаш сме за работа, проекти, решавање на проблеми, секогаш на прво место ни е државата, на страната на Македонија.

Модераторот Роберт Велјановски истакна дека декларација е печат на еден заеднички концепт кои граѓаните ќе го препознаат и кој нуди нова визија за унапредување на општините кои треба да ги води локална власт која директно ќе ги решава предизвиците, потребите и барањата на граѓаните.

-Ние одлучно застануваме на патот на штетните политики кои со само три месеци директно задираат во државните интереси и интересите на граѓаните без разлика на нивната етничка, верска или идеолошка припадност. Нашата посветеност, одговорност и знаење ќе бидат најдобриот одговор со кои ќе се спротиставиме на деструктивноста и неспособноста на нашиот политички опонент и тоа ќе го сториме на демократски и фер избори на кои граѓаните јасно ќе ја препознаат и потврдат разликата, рече Велјановски.

Анкета на „Павел Шатев“: ВМРО-ДПМНЕ со убедлива предност пред СДСМ

Во рамките на проектот „Избори 2017“ во кој ќе бидат спроведени и објавени серија на истражувања на јавното мислење како на национално, така и на локално ниво, Институтот Павел Шатев ја спроведе втората национална анкета на јавно мислење.

Во периодот помеѓу 9-12 Септември 2017 година Институтот Павел Шатев спроведе телефонска анкета на 1230 испитаници со цел да ги утврди перцепциите на македонските граѓани кон повеќе актуелни политички прашања. Во истражувањето спроведено на ниво на Република Македонија, беа опфатени сите шест изборни единици, како и повеќе демографски карактеристики на населението вклучително пол и возраст, а исто така беше направена поделба и според руралните и урбани места на живеење при што Скопје е земено како посебна целина.

ЗАКАНИ, УЦЕНИ И ПОТКУП: СДСМ ќе ги загуби локалните избори, спасот се гледа во МВР и масовна корупција

Ангажман на полицијата во функција на СДСМ на изборите и користење државниот буџет за поткуп на гласачи за да им дадат поддршка на претстојните изборите ќе бидат главните адути на Зоран Заев и неговата партија, кои според анкетите се соочени со пораз на локалните избори закажани за 15-ти октомври.

Поставувањето на Оливер Спасовски за прв човек во МВР, кој воедно беше и генерален секретар и потпретседател на СДСМ, треба да обезбеди строга партиска контрола врз полицијата, како и притисоци врз граѓаните својот глас да го дадат за партијата на Заев. Тоа го открива и swot анализата во штабот на СДСМ во Кисела Вода.

-Ова е swot анализа, до која дојдовме, односно swot анализа која што тие самите ја објавија а се однесува на анализа на слаби и силни страни на секоја партија која што ја прават во рамки на свој општински комитет. Јавно, дрско и брутално СДС како главна полуга на овие избори го истакнува користењето на полицијата во функција на изборите. Погледнете, прва работа која е наведена е контролата и употребата на МВР во изборни цели. Ова е тежок скандал, ова е противправно делување и ова е криминал, изјави вчера претседателот на Изборниот штаб на ВМРО-ДПМНЕ, Спиро Ристовски.

Spiro-Ristovski

 

 За ова, рече Ристовски, некој треба да одговара и мора да одговара. За ова некој ќе одговара.

-Ги повикуваме чесните полицајци да не дозволат да бидат инволвирани во вакви активности, а сите оние од СДС коишто ќе посегнат по вакво нешто, по следните предвремени парламентарни избори догодина ќе одговараат. Ова е директно мешање на партијата и државата, и директно и експлицитно злоупотребување на полицијата во партиски цели на СДС. Еве колку вреди СДС, еве колку се силни. Воопшто не се, главен аргумент за избори не им е програма, не им е работа, туку употребата на полицијата! И тоа која полиција, онаа полиција на која СДС и посакуваше Куманово да им се деси, онаа полиција која ја каменуваа, тепаа, оние полицајци кои се дел од стотината полицајци кои СДС физички ги повреди и долготрајно ги понижуваше. За какви фер избори Заев зборува, кога во време кога држи прес со амбасадорот Жбогар за демократски избори, во штабовите на неговата партија заговараат употреба на полиција за избори.

Вториот сегмент е масовната корупција преку бизнис секторот и купување на гласови, односно употреба на државниот буџет во партиски цели на СДС, за да корумпираат гласачи, за да притискаат гласачи заради социјалната помош, заради субвенциите за земјоделците, заради платите и заканите од отпуштања.

-Срамно и недостоинствено. Ова е уште еден доказ колку се слаби и колку и тие самите се свесни дека народот не ги одобрува нивните штетни политики, па сега посегнуваат по злоупотреби од најголем вид. Сакаме ова да го истакнеме за да укажеме со какви услови се соочуваме, и јасно да претставиме дека СДС нема намера за фер и демократски избори. И бараме одговорност. На совеста на ДИК, јавното обвинителство и на меѓународната заедница е дали ќе реагираат на овој тежок, навистина тежок скандал, или ќе се обидат при очи да се прават дека ова не го гледаат. Истовремено сакаме да порачаме, на овие избори на СДС нема да му помогне ништо. Ниту бандитите кои ги подготвуваат за изборни манипулации, ниту нивната партиска полиција, ниту целиот државен буџет. Одиме напред. Нашата победа веќе се чувствува и ништо и ништо нема да може да ја спречи, потенцираше Ристовски.

СДСМ знае дека ќе ги загуби изборите, тоа го потврдуваат и анализите на „Павел Шатев“

Незадоволство од работењето на новата Влада предводена од СДСМ и Зоран Заев, и неспособност како главна карактеристика е оценката која ја даваат граѓаните. Ова резултира со вртоглав пад на СДСМ, покажуваат резултатите од најновата анкета на Институтот „Павел Шатев“.

Повеќе од половина од испитаните граѓани, 52.1.процент, одговориле дека не се задоволни од досегашната работа на новата Влада.

30.9. проценти сметаат дека неспособноста е главната карактеристика на новиот тим на „Илинденска“, додека за 15.3 проценти од анкетираните тие ја продале државата.

На прашањето, „Помеѓу СДСМ и ВМРО-ДПМНЕ кој има подобра партиска програма (без испитаници Албанци)“, високи 49.6 проценти одговориле ВМРО-ДПМНЕ.

ВМРО-ДПМНЕ води и во однос на партискиот рејтинг и довербата која ја има кај граѓаните. На претстојните локални избори, 37.8 проценти од анкетираните граѓани сметаат дека ВМРО-ДПМНЕ ќе победи, додека 20.7 отсто велат дека тоа ќе биде СДСМ.

Доколку следната недела има избори, гласот за ВМРО-ДПМНЕ би го дале 26.7 отсто од испитаниците, додека 18.8. за СДСМ.

Претседателот на ВМРО-ДПМНЕ Никола Груевски останува лидер на партија со најголема доверба кај народот. 27.2 проценти се изјасниле дека најмногу доверба имаат во него, додека на Заев му веруваат 15.6 отсто од испитаните граѓани.

Телефонската анкета на Институтот „Павел Шатев“ е спроведена помеѓу 29 август и 1 септември на 1250 испитаници со цел да се утврди перцепцијата на македонските граѓани кон повеќе актуелни политички прашања во Република Македонија. Во истражувањето кое беше спроведено на ниво на Република Македонија, беа опфатени сите шест изборни единици, како и повеќе демографски карактеристики на населението вклучително пол и возраст, а исто така беше направена поделба и според руралните и урбани места на живеење при што Скопје е земено како посебна целина.