Мукоски: СДСМ со законот за јазиците прави јазична федерализација на државата

Mukoski-Sobranie-na-RM

Сакам да ги прашам моите колеги од СДСМ дали воопшто размислиле каков закон воопшто панираат да носат? Ако ВМРО-ДПМНЕ и јас се ставам тука бидејќи и во 2008 и 2012 бев пратеник на два пати се донесе закон за унапредување на правата на етничките заедници, како може да зборувате дека ВМРО-ДПМНЕ  е против Албанците, прашува пратеникот Крсте Мукоски од ВМРО-ДПМНЕ.

-Меѓутоа тие закони во себе имаа елементи кои што ги гарантираат правата на сите заедници и тоа се европски признати права и кои што за жал нашите Македонци кои живеат надвор од оваа држава ги немаат никаде. Со овој закон правиме јазична федерализација и зошто во 111 дена трите прашања кои што не се решени 30 години и особено договорот со Бугарија и она што следува за името го продавате, прашува Мукоски.

Тој вели дека СДСМ се откажал од македонскиот народ, јазик и нашето малцинство во пиринска Македонија.

Фирмите се борат за опстанок, бизнисмените пред колапс – големо е разочарувањето од 100 дена влада!

Van-Hool-Fabrika

Стартот на новата влада не ги даде очекуваните резултати кај бизнисмените, а фирмите се борат за опстанок. Економијата е се поблиску до рецесија велат од комората на северозападна Македонија. Тоа го покажуваат и бројките. Во вториот квартал од годинава БДП бележи негативен раст, а регистриран е и нов пад на прометот во индустријата. Странските инвестиции се преполовени.  Бараат државата да донесе конкретна стратегија и мерки   кои ќе генерираат повисоки стапки на раст, зголемена конкуретност на домашните фирми, извоз и ќе отворат  нови работни места.

– Потребни се конкретни мерки за развој на домашнотот производство, за зголемен извоз, а со тоа ќе се отворат и нови работни места и дирекно ќе се влијае на стапката на невработеност. Потребна е стратегија на долг рок која ќе помогне за повисок економски раст и тоа од 5 проценти годишно повисоки минимална и просечна плата кај работниците – смета Неби Хоџа- претседател на комора на северозападна Македонија

Проценките на комората се дека Македонија годинава ќе ја заокружи со раст на економијата не поголем  од еден процент.

-СДС и Заев ја водат Македонија кон економски крах и ја туркаат државата во банкрот. Во овие 100 дена од владеењето на СДС, се забележува пад на индексот на промет во индустријата. Во јули годинава во однос на јули лани, на домашниот пазар се бележи опаѓање од 3% односно 2.5% на странски пазари- оценува и ВМРО-ДПМНЕ.

-За прв пат се бележи  пад на просечната плата за 0.7%.Откако СДС e на власт за прв пат после долго време имаме пад на индустриското производство за 2,2%.Огромен е падот и на градежништвото за месец јуни од дури 25 %.Расипничката влада на СДС, поради катастрофалните економски политики кои ги води во изминатиот период, успеа да ја повлече економијата во надолна линија.Неодговорната влада на СДС, за само 100 дена владеење расипнички потроши над 350 милиони евра што по основ на аукции на државни хартии од вредност, што по основ на трошење на девизните резерви. Од граѓанските  пари не се реализираше ниту еден проект.

СДС и Заев  потрошија точно 57.470.439 евра на стоки и услуги. На сметка на граѓаните, преку тендери црпат пари од државната каса за семејните фирми, вработуваат партиски пријатели и купуваат скап мебел за своите кабинети. Овие расипнички потрошени пари на луксузирања ќе треба да ги враќаат идните генерации.

Како се приближува периодот за локалните избори, така СДС драматично се задолжува.

Владата на Заев, во вторник најави ново задолжување за 60 милиони евра, каде долгот на граѓаните ќе се искачи на 280 милиони евра. Ваквото забрзано задолжување предизвикува сомнеж кај граѓаните дека СДС ќе троши пари за поткуп на гласови и корумпирани избори.

Се повикуваат надлежните институции и ДИК како дел од изборниот процес, да внимаваат и да не дозволат СДС  да поткупи гласови.

Ваквото сценарио, во кое Македонија се турка кон банкрот, граѓаните ќе ја казнат. На 15 октомври ќе кажат НЕ за СДС, НЕ за Заев- стои во соопштението на ВМРО ДПМНЕ.

СДСМ најави ново задолжување од 60 милиони евра, вкупно 400 милиони евра за само 3 месеци на власт

SDSM-pari-kriza

Премиерот на Република Македонија Зоран Заев, кога ја презентираше својата прогама „План за живот во Македонија“ меѓу оние работи кои ги вети, беше и она дека Македонија нема да се задолжува. Како и многу други ветувања и ова едно од оние кои Владата предводена од Зоран Заев не е исполнето, новата власт досега ја задолжи државата за 340 милиони евра, а се припрема и ново задолжување од скоро 61 милион евра.

Според проспектите објавени денеска за аукцијата во вторник, најавено е ново задолжување. Предвидено е да се земат 15 годишни обврзници вредни 1.110.000.000 денари, 12 месечни обврзници вредни 600.000.000 денари и 12 месечни обврзници вредни 2.035.000.000 милиони денари. Тоа се вкупно 3,745 милијарди денари или 60,89 милиони евра.

Граѓаните се гневни што парите од буџетот место да одат за продуктивни проекти кои би донеле подобар живот за нив, за остварување на ветувањата за повисоки плати, како што велат тие одат за досега единствените инвестиции на новата власт, а тоа се вработувањата на партиските војници и кадрите од невладините организации финансирани од Сорос.

Инаку ова задолжување на Владата на СДСМ е само едно од низата задолжувања кои досега ги имаше нова власт во Македонија, тие за само три месеци ја задолжија државата за 340 милиони евра, а со новото задолжување кое го спремаат тоа ќе достигне 400 милиони евра.

Уште поголем страв кај економските експерти, покрај задолжувањето е и односот на власта кон странските компании, тие во минативе три месеци на сите начини тераат негативна камања против нив. Македонија во минатите години со економските реформи и политики кои ги направи Владата предводена од ВМРО-ДПМНЕ, стана една од најатрактивните земји за привлекување на странски инвестиции, а најавата за менување на даночната политики, како и откривањето на деталите од договорите, кои секаде во светот се чуваат во тајност, како што се говори не само што нема да донесе нови инвестиции кои веќе ба скоро договорени, туку и ги тера сегашните инвеститори да размислуваат на заминување, со што многу луѓе ќе останат без работа и егзистенција.

Од ВМРО-ДПМНЕ порачаа дека недомаќинското работење на Владата го увиделе веќе граѓаните. Од таму велат дека Владата на ВМРО-ДПМНЕ изгради ПЕТ-центар, а вкупната инвестиција изнесуваше 16 милиони евра. Станува збор за најсложен здравствен објект изграден во историјата на Република Македонија, за кој е обезбедена најсовремена опрема. ПЕТ- центарот овозможи примена на најсовремена метода за рано дијагностицирање на болести, нивно следење, лекување, како и следење на успешноста на терапијата.

-Неспособната влада на СДС расипнички потроши над 350 милиони евра преку задолжување и повлекување на девизните резерви за само 100 дена. За овие пари можеше да се изградат дури 21 ваков објект со најсовремена здравствена опрема. Јавноста се увери во неспособноста и расипништвото на владата на СДС. Потрошија три месеци и 350 милиони евра, а единствено од тоа резултат е набавката на мебел, лешници, фстаци, дебели хонорари за шарени револуционери, твитер ликови, анонимни поети и пропаднати комедијанти, истакнуваат од ВМРО-ДПМНЕ.

Попоски: За разлика од Македонија, Бугарија си ги заштити своите интереси

Nikola-Poposki-govor

Пратеникот Никола Попоски од ВМРО-ДПМНЕ денес до министерот Никола Димитров, за којшто во тек е интерпелација во Собранието, му посочи дека неколкуте отворени прашања кои што останале како нерешени кога Попоски бил министер за надворешни работи, Димитров и Заев оставиле да бидат во полза само на бугарската страна.

– Ние долг временски период разговаравме со Бугарија, разгледувавме алтернативи и консултиравме историчари, консултиравме претставници од СДСМ кои за некои од овие прашања имаа најрадикални позиции. Процесот беше во ракмите на 5 до 6 отворени прашања и во однос на тие прашања Македонија треба да го заштити својот интерес и Бугарија да го заштити својот интерес, а сега имаме резултат кој што е 6:0 во корист на бугарската страна, рече Попоски.

СВИТКАНА КИЧМА НА ДЕЛО: Хаос и политика на понижување во меѓународните односи во првите 100 дена на Димитров и СДСМ

Dimitrov-Zaev-Srbija-Grcija-Bugarija

Сто дена хаос и понижување во меѓународните односи. Спорниот договор за добрососедство со Бугарија, дипломатскиот скандал со Србија, празно ветување за брз влез во НАТО и Европската Унија, нарачување цвеќиња од 5.000 евра е епилогот од првите 100 дена на Владата на СДСМ и министерот за надворешни работи, Никола Димитров.

Во првите 100 дена од владеењето на СДСМ надворешната политика на Македонија значително се промени. Од ВМРО-ДПМНЕ тврдат дека СДСМ сега води политика на неспособност, хаос, лаги и понижување.

-Сведоци сме дека владата на СДС одбра политика на понижување. Политика на попуштање на се и сешто и национално понижување, се вели во денешното соопштение од ВМРО-ДПМНЕ.

Претседателот на ВМРО-ДПМНЕ, Никола Груевски истакна надворешната политика на Република Македонија е без никаков концепт и е базирана исклучиво на рушење на достоинството на државата и константно понижување.

-Нашата надворешна политика е без никаков концепт и базирана исклучиво на рушење на достоинството на нашата држава и константно понижување. Градењето на добрососедски односи е посебна приказна. Се случи една од најголемите дипломатски кризи со соседна Србија, а со Бугарија потпишавме договор кој предвидува обврски само на македонска страна. Ревидирање и бришење на учебниците по историја е еден од условите кои Зоран Заев ги прифати, а беа предложени од Бугарија, и тоа ќе стане актуелно и неизбежно за една до две години од сега доколку овој договор биде ратификуван во нашиот парламент. Дали некој мисли дека односите може да се подобруваат само со отстапки од наша страна? Одговорот е не! Со ваквиот пристап само се отвораат вратите и можностите за нови блокади во иднина, доколку не бидат исполнети барањата на Бугарија во врска со договорот.

Првото нешто што го направи министерот за надворешни работи, Никола Димитров од Владата на СДСМ беше потпишувањето на договорот за добрососедство со Бугарија.

Груевски посочи дека премиерот Зоран Заев и СДСМ прифатиле дека Гоце Делчев и сите македонски револуционери биле бугарски револуционери, а Илинденското востание било заедничко.

-Со тоа што прифати дека Гоце Делчев и сите македонски револуционери биле бугарски револуционери, а Илинденско востание било заедничко, и сме имале заедничка историја со бугарите. Дека на 11-ти октомври 1941 година имало граѓански конфликт на идеолошка осова помеѓу бугарското население во Македонија.  Исто така не се ни обиде да издејствува признавање на македонскиот јазик, за кој нашиот сосед нема аргументи само со нас да го ословува со фразата ,,согласно уставот,, и со ниту една друга земја тоа не го прави. Ете така заев гради добрососедство. Којзнае што уште ја чека државата во идните предизвици со името и идентитетот?, праша Груевски.

Веднаш по потпишувањето на договорот Софија ја заостри реториката по ова прашање. Министерот за одбрана на Бугарија и претседател на националистичката ВМРО-БНД, Красимир Каракачанов за Гоце Делчев вели дека нема зашто да се делиме околу него, бидејќи било евидентно оти е Бугарин.

Тој исто така истакна дека Илинденското востание е најорганизираното бугарско востание во бугарската историја.

По Каракачанов се огласи и европратеникот од истата партија, Ангел Џамбиски кој посочи дека целта на Илинденското востание била да нема граници од Охрид до Црно Море.

-Ние немаме интерес од граница на Деве Баир, ние немаме интерес од граница на Ќустендил. Ние имаме интерес да го довршиме делото на востанието од 1903 година кое беше од Охрид до Црно Море, за да нема граница од Охрид до црно Море-изјави Џамбаски.

По потпишувањето на договорот со Бугарија следуваше дипломатскиот скандал со Србија.

Македонија беше обвинета од Србија дека незаконски била прислушувана српската амбасада во Скопје.

Во екот на тој скандал, единствено нешто што Владата на Заев изјави е дека Република Македонија развива пријателски однос со сите соседни земји.

-Република Македонија развива пријателски односи со сите соседни земји. Во врска со конкретниот случај, не носејќи избрзани заклучоци, ги поздравуваме најавите од официјален Белград за заштита на пријателските односи и за враќање на состојбите во вообичаени рамки, соопшти Владата во екот на дипломатскиот скандал со Србија.

При последната средба на Димитров со неговиот грчки колега, Никос Коѕиас, Македонија беше наречена „северна земја“.

Коѕиас рече дека ја сакаат оваа северна земја и во НАТО и во Европската Унија, но ќе треба сето тоа да се оствари врз основа на правилата на ЕУ и НАТО.

Освен тоа, Димитров нема никаков проблем со евентуално уривање на споменици на македонските херои и историски личности, бидејќи како што рече, живееме во 21 век.

На прашањето што ќе направи новата Влада во однос на симболите и скулптурите на Александар Македонски кои побудуваат чувства кај граѓаните на Грција, Димитров одговори дека ова е 21 век и дека не смее да се гради политика врз историски личности од пред 2 илјади години.

– Историјата треба да е учител, но не и затвор. Ќе се држиме до спогодбата од 1995 година. Двата народа ќе живеат посплотено само во добрососедски односи.

Пратеникот од ВМРО-ДПМНЕ и поранешен министер за надворешни работи истакна дека Република Македонија недоволно стои и се држи до својот најсилен аргумент во билатералните односи, а тоа е пресудата од меѓународниот суд на правдата во Хаг.

-Република Македонија во моментов недоволно стои и се држи до својот најсилен аргумент во нашите билатерални односи, а тоа е пресудата од меѓународниот суд на правдата во Хаг. 2008 година кога Грција спротивно на времената спогодба стави вето на поканата за членство на Македонија во НАТО ние поднесовме тужба во судот во Хаг, каде што имав чест да бидам застапник на Република Македонија заедно со еден поголем дипломатски и правен тим. И во 2011 година добивме пресуда, едногласна пресуда доколку се иземе гласот на грчкиот судија во која што беше одлучено дека Грција нелегално и со прекршување на времената спогодба ја блокирала Република Македонија за да добие покана за членство во НАТО, истакна Милошоски.

Тој додаде дека новата влада го занемарува овој аргумент, а министерот Димитров и премиерот Заев не бараат од Грција и меѓународната заедница да ја призае пресудата од врховниот судски орган на Обединетите Нации, односно судот во Хаг.

Освен потпишувањето договори, дипломатски скандали и тестирање на ново име, Министерството за надворешни работи, предводено од Димитров, си објави и оглас за барање на прибирање на понуди за набавка за надворешни и внатрешни саксиски растенија и цвеќиња, цветни аранжмани и одржување на истите.

Според објавата на Електронскиот систем за јавни набавки се работи за договор со проценета вредност од 305.700 денари или околу 5.000 евра.

Министерот за надворешни работи во владата на СДСМ Никола Димитров, покрај петте илјади евра за цвеќиња ќе потроши и 2,6 милиони денари за набавка на странски весници, иако новата влада најавуваше дека ќе штеди.

СО ЗАЕВ ГО ДОПРЕВМЕ ДНОТО! Не ја даваме својата татковина Македонија!

zaev-sdsm

Копнееме по здрава демократија и вистинска правна држава. Ова што ни се случува е лудило, хаос и насилство над разумот и над правото и правдата.

Зоран Заев со неколку остри, брзи предавнички, неуставни и незаконски, авторитарно и на своја рака повлечени потези, однадвор и одвнатре ги матира Република Македонија и македонскиот народ. Но таа нагло вивната „ѕвезда опашарка Заев” интензивно согорува пред наши очи и бргу ќе ја снема од ова политичко небо! Време е да си го вратиме човечкото и национално достоинство и нормалниот општествен живот во својата татковина.

За изградба на убава, цврста, стабилна и функционално хармонична зграда „што ќе допира до облаците”, со која и во која ќе бидат пресреќни сите нејзини корисници, а надворешниот свет ќе запира пред неа за да је гледа, да ја проучува како највисока културолошка и општествена доблест и да и’ се восхитува, а потоа за неа и за нејзините вредности и нејзината посебност да раскажува надалеку – е потребен врвен архитект, исклучително надарен, поткован со највисоки стручни знаења од архитектурата, градежништвото и од разни други мултидисциплинарни области, длабоко запознаен со историјата на архитектурата и со нејзините најважни развојни фази, појави и дострели во минатото, како и со нејзините најактуелни современи трендови и насоки во светот, и пред се’ човек умен и разумен, стрплив и трпелив, што за таа сложена задача со почит и со доверба е одбран од луѓе рамни на себеси во секоја смисла, човек способен да презема и да се носи и со најтешка индивидулана одговорност за проектот, но и сосема отворен, толерантен и готов за инспиративна колегијална работа со голем и комплексен тим соработници од најразновидни специфични сфери, за сите заедно да ја остварат највисоката градителска цел – убаво, респектабилно, функционално и на секој начин препознатливо архитектонско дело.

Таков благороден уметник, архитект-градител, никогаш не брза хистерично веќе наредниот ден по преземањето на обврската, без долгоречен и јасно, во секоја насока проучен и обмислен прецизен план, да натрупа арматури, бетон и цигли, „па што испадне”, туку пред воопшто и да ги направи првата скица и првиот постудиозен нацрт и да го започне својот проект, доаѓа на самото место на планираната градба за да види in situ што има таму од старите културолошки наслојки и објекти, не за утредента да довлечка багери и булдожери, грубо да ги урне и да ги срамни со земја за да направи нова амбиентална tabula rasa на која со него и со неговите идеи ќе започне светот, туку затоа да види на кој начин би можел тие стари вредни објекти и наслојки да ги вгради во својата творечка визија, или дури тој самиот авторски да се вгради во творечката визија на своите претходници, и не само да ги поврзе во природен континуитет времињата минати и сегашни, туку и да им ја искаже заслужената почит на бројните генерации градители кои со иста таква одговорност и грижа настојувале да го облагородат и да го осмислат просторот со убавина, функционалност, духовност и други хуманистички вредности

Така е и со државата. За изградба на убаво организирана, достоинствена, здрава, цврста и стабилна, функционална држава по мера на човекот, потпрена врз долгите, столетни и милениумски општохуманистички но и посебни национални искуства, држава пред која со восхит ќе го задржуваат својот здив и својот поглед соседните и најдалечните земји, пријателите и оние што не се тоа, за да се чудат и да се восхитуваат на таа единствена општествена градба, до подробности обмислена и најрационално и праведно структурирана за задоволување на сите сопствени животни и граѓански потреби, но и за успешна надворешно-политичка комуникација и соработка и соодветна врамнотежена економска размена со надворешниот свет – за изградба на таква држава е потребен навистина голем, пред се’ исклучително општопризнаен чесен и достоинствен човек, со никаква морална, етичка, или не дај Боже криминална дамка или каква и да е друга срамотна афера и дубиоза на својот општествено-политички и граѓански лик; умен државник, водач со визија и со најреспектабилно знаење, особено од сферата на политиката и политичката економија, човек на кој на прво место му се идеалите на доброто, просперитетот и достоинството на татковината и на неговиот народ, човек што одлично ги познава и највисоко ги вреднува длабоката национална историја и култура врз чии темели, поставувани низ епски драматични луњи и невремиња е создавана и создадена државата, човек за кој на сите им е познато дека има својство на освестен хуманист и космополит, но пред се’ и над се’ голем непоколеблив патриот кој никогаш, под никакви условувања, закани и уцени во интерес на туѓи државни, политички, воени или криминални интереси, нема да ги предаде и да ги продаде највисоките национални вредности и стојности на својата држава и на својот народ.

Таков благороден државник не се јавува како ѕвезда опашарка која доаѓа од никаде, болснува само кратко, преку ноќ, со брзинска револуција и преврат, и особено не денес, во 21 век, кога народните социјални и други револуции се најдалечно историско минато, а пак новите се само дизајниран, бојадисан (портокалов, розов или „шарен”) производ на обмислени и најбогато финансирани меѓународни заговори. Тој и таков благороден човек расте постапно во својот народот и со својот народот, вреднувајќи го секој свој човек, секој поединец, без оглед на националност, раса, политичко, верско или какво и да е друго определување, но вреднувајќи го и секое драго камче, секоја нежна тревка, секоја дробна капка вода на својата земја и секое и најмало делче на своето сакано небо. Таков човек се вика патриот и може да се овенча со титулата државник, зашто не е само помоден подлизурко на некои и на нечии минливи егзибиционистички и авантуристички идеи однадвор, туку вистински претставник на својата држава и нација, подеднакво модерен и актуелен во своето и во сите наредни времиња.

Таков благороден државник кога ја презема власта, најнапред се опкружува, не со распашана тајфа сомнителни и кримогени типови прибрани кој од каде, туку со најврвни стручњаци од сите области, независно од нивната партиска, политичка или каква и да е друга припадност и определеност, непоткупливи, професионално проверени и докажани во домашната и меѓународна јавност, со истите оние високо морални, етички и хуманистички својства што го красат и него самиот, далеку од секоја примисла на каква и да е криминална или антидржавна дамка и сенка на својот граѓански лик.

Таквиот државник-домаќин седнува со тие свои најодбрани соработници, длабински ги проучува претходните текови во државните работи, внатрешни и меѓународни, до последниот цент се запознава со постојните финансиски прилики и очекувања. Заедно со својот тим ја констатира општата состојба во државата, а кога таква реална слика е создадена, официјално и’ се обраќа на јавноста и со сето тоа ја запознава, зацртувајќи ги основните назнаки за целите и за натамошниот развој на општествено-економските планови што треба да се спроведат, и достоинствено бара и од народот со општ консензус да го поддржи во тие настојувања, стоејќи зад нив со својата одговорност. Но тоа не е возможно да се направи како во експрес-лонец, во најкус можен рок од неколку дена, па нека се и 100 дена, но во секој случај создавање на таа и таква длабинска објективна слика не е возможно преку ноќ. Тоа подеднакво важи и за меѓународните односи.

Затоа само сосема хистеричен човек, неразумен и апсолутно неспособен да ја врши највисоката власт во државата, како квислиншкиот премиер Зоран Заев, веќе наредниот ден по доаѓањето на тоа место, по неотповикливите налози на своите бројни надворешни и домашните големоалбански уценувачи, на своја рака итно превзема најрадикални внатрешни и меѓународни потези и активности, манијакално брзајќи да ги реализира од денес до утре, „зашто се нема време”, божем веќе наредниот ден ќе влеземе во НАТО и ќе ги започнеме преговорите за прием во ЕУ. Според таквото хистерично однесување и невидено панично забрзување на сите најважни и највитални процеси во државата за кои секогаш е потребно соодветно време и општ национален консензус, веднаш се виде неговото тотално политичко лудило и избезуменост, неговиот најприземен, „шарен” уличарски дилетантизам, но пред се’ и над се’ до крај се разголи неговиот најбеден предавнички карактер од самото морално дно.

За жал, токму ова, најлошото, најстрашното, најбедното не’ задеси нас во Македонија со појавата на Зоран Заев.

Околу однадвор издизајнираната и импортирана „шарена револуција”, за која веќе знаеме се’, се насобра најразличен свет, од оние обични, па и добронамерни, чесни, но излажани и заведени луѓе, само желни за квалитетни општествени промени, до ултра-левичари, полу-левичари, пара-левичари, анархисти, љубопитни денгуби, па оние сосема дезориентирани и животно неуспешни типови, „бунтовници без причина”, лудаци, неранимајковци, насилници, уверени и неуверени социјалдемократи и шовинистички интриганти, од „наднационални”, „надвременски” и „надграѓански” будали и тепајмајковци до најобични уличарски штеточини, и особено до оние бескрупулозни дебели кариеристи, кариеристи од сите видови, што во тие матни води си ја почувствуваа својата единствена, прва и последна шанса за брз лов на кожени фотелји и работни места. Да се урива „режимот”.

Личност бр. 1 која можеше до крај да го исхистеризира и да го обедини сето тоа „шаренило без придавка” беше безобѕирниот и подмолен социопатски и криминален водач Зоран Заев, уценет од разни страни и на разни начини, и готов на се’, особено на безочно предавство. За него апсолутно никогаш нема да има поинакви зборови, а времето и народот ќе му судат, нему и на неговата предавничка клика, до последниот (нека не се лажат дека ќе има оправдувања со „партиска заповедна одговорност” и слични глупости), зашто со неколкуте најстравотни, вртолумни деструктивни потези, и само во неколку дена, Заев тотално и најбедно ни ја понижи нацијата, ни ја расшрафи државата, ни ја раздаде татковината на меѓународниот дивјачки алчен панаѓур, и не’ фрли на коленици.

Со Зоран Заев го допревме дното. Го видовме и тоа најцрно црно зло во сиот негов бес и разурнувачко лудило. Така не постапуваат благородни градители и архитекти на државата, така не се гради ништо, така само се урива и се уништожува создаденото од генерации и генерации вредни луѓе. Овој најстрашен национален стрес што го доживеавме и што сеуште секојдневно го проживуваме поради неговото лудило и предавство е клучен момент за целосно разбудување! Сега ни е навистина доста!

Крајно време е силно да се оттурнеме од тоа дно до кајшто, давејќи не’ безмилосно, не’ потона Зоран Заев, и додека сеуште имаме здив во душата и сила во телото енергично да изнурнеме, да испливаме на површина од овој мрачен и болен хаос на самоуништување, да вдишеме нова надеж и да си го вратиме човечкото и национално достоинство и нормалниот општествен живот во својата татковина Република Македонија.

Македонија е рајска градина – затоа така безмилосно и безобѕирно се грабаат да ни ја земат!

Но душата на македонскиот народ е нашиот најголем и неуништлив потенцијал.

Бескрајно да си ја сакаш татковината – тоа е нешто најнормално, најчовечко и најубаво.

Бескрајно да си го сакаш својот народ – тоа е нешто најблагородно и најсвето.

Бескрајно да си го сакаш својот мајчин јазик – тоа значи да си ја сакаш својата божествена дарба, својата Песна над песните!

Да сториме се’ и да дадеме се’ од себе за да не дозволиме подмолни грабежливци да ни го откраднат сето тоа и да го уништат – тоа е најголемиот дедовски и татковски завет што не можеме и не смееме никогаш да го изневериме и да го препуштиме на ваквата зла судбина што и’ ја наменил Зоран Заев со својата предавничка клика и со своите големоалбански партнери.

Послушајте го овде нашето топло македонско срце како чука. Зарем ќе дозволиме тоа да ни го одземат и да ни го уништат? (Јордан Митев: „Изгрејсонце во Македонија”)

https://www.youtube.com/watch?v=mpgPCmuIn_I 

Пишува: Алдо Климан за Република

ДИК има налог да ги руши референдумите: Мигрантите се прашање кое не заслужува одговор (ВИДЕО)

Migranti-SDSM-DIK

СДСМ, референдумите во општините за населување на мигранти ќе ги рушат преку Државната изборна комисија, односно ќе сакаат да спречат изјаснување на граѓаните по ова прашање- дали се „ЗА“ или „Против“ населување на мигранти во нивната општина. ДИК има налог од новата власт предводена од Заев и СДСМ да донесе одлука дека не смее да има референдуми. Членовите на ДИК ризикуваат кривична одговорност.

Толкувањето на членовите на ДИК било дека нема технички можности за такво нешто, што е сосема неоправдано, бидејќи одржувањето на локалните избори со себе повлекува инфраструктура и техничка поддршка и логистика, која треба да се искористи и за одржувањето на референдум против одлуката на владата за доселување на мигранти.

Постои законска обврска, референдумите да се закажат во рок од 40 дена што се совпаѓа со првиот круг од локалните избори. На овој начин, дополнително ќе се заштеди, бидејќи и референдумите и локалните избори ќе бидат на ист трошок.

И од иницијативата „Будење“, поради кратење на трошоците, велеа дека е добро референдумите да се одржат на истиот ден како и првиот круг од локалните избори.

Охрид, Куманово, Кавадарци, Битола, Прилеп, Кочани, Радовиш, Гази Баба, Карпош, Ѓорче Петров, Центар, Аеродром, Неготино, Дојран, Богданци, Гевгелија и Штип, се 17-те општини во кои граѓаните бараа референдум.

„Нема да дозволиме никој да донесува одлуки без да го чуе нашиот глас за вакви суштински и болни прашања, никој не смее да ја погази волјата на народот и самоволно да одлучува во наше име“- порачуваат граѓаните.

И шефот на македонската дипломатија Никола Димитров во изјава за Дојче Веле вели дека Македонија е подготвена да прими мигранти.

Димитров за „Дојче веле“: Македонија е подготвена да досели мигранти! (ВИДЕО)

Dimitrov-migranti

Македонија е подготвена да досели мигранти, вели шефот на македонската дипломатија Никола Димитров во изјава за Дојче Веле.

Димитров, кој само пред неколку дена изјави дека никој до сега немал побарано од Македонија да стане земја дестинација за бегалци, сега самиот се понуди и вели дека нашата земја била подготвена да досели мигранти.

По ваквата скандалозна изјава на Димитров, излегува на површина самата стратегија предложена од Владата на СДСМ, Зоран Заев и министерството на Мила Царовска, во која стои дека до крајот на годината предвидено е почнување на 71 проект.

Во секторот „Домување“ се вели дека треба „да се идентификуваат и обезбедат парцели на државно земјиште на располагање за инвестирање во социјални станови“. Очекувањата на Владата и Министерството се „Достапни локации за изградба на социјални станови“.

Од општините се бара  „барем 100 единици – локации да станат достапни“, а иако не е одредено колкав ќе биде, буџетот се предвидува да биде обезбеден од државата и да биде 100 процентен.

Општините со кои не раководи СДСМ се кренаа против ваквата стратегија, прифајќајќи граѓаните на референдум да се изјаснат за идејата во Македонија да се населуваат мигранти.

НАД 100.000 РАЗЛИКА: Како се славеше Денот на независноста во времето на ВМРО-ДПМНЕ, во споредба со денешниот дебакл на СДСМ

Sporedba-VMRO-SDSM

Ненародната и предавничка влада на амбасадорите предводена од СДСМ денеска доживеа дебакл со прославата по повод Денот на независноста – 8 Септември.

Иако оваа интимна прослава се одржуваше во дворот на зградата на Владата и автобуси се носеа од други градови од Македонија, сепак СДСМ не успеа да го пополни просторот со луѓе.

Сликата беше многу поинаква во 2011 година, кога во организација на тогашната власт предводена од ВМРО-ДПМНЕ се прославуваше 20 години од независноста на Македонија.

Тогаш плоштадот Македонија беше преполн, а граѓаните во еден глас пееја македонски песни.

Proslava-8-Septemvri-sporedba

Заев не бил на мечот Македонија-Албанија бидејќи не знаел за кого да навива и за да не губи политички поени кај гласачите пред локалните избори

Zaev-Selfi-Skendija

Зоран Заев не беше на трибините на натпреварот меѓу Македонија и Албанија за да не загуби политички поени, велат вработени од владата во која се зборувало за оваа одлука.

Иако мечот се одигра во Струмица, Заев не се појави на трибините затоа што, како што дознаваме, сметал дека за кого и да навива ќе има загуба на политички поени, а тоа пред локалните не може и не смее да си го дозволи бидејќи ионака СДСМ заостанува зад ВМРО-ДПМНЕ.

Проценките рекле дека ако Заев навиваше за Македонија, односно доколку се радуваше на головите на Македонија, ќе беше снимен со камери, па Албанците ќе му се лутеа бидејќи се радува кога тие примаат голови.

Ако пак навиваше за Албанија ќе реагираа дел од поддржувачите на СДСМ за кои не е пријатно до толку да се умилкува на Албанците бидејќи сепак извршува функција премиер на Република Македонија.

Размислувал за опцијата да го гледа натпреварот заедно со Мухамед Зекири и да се радуваат на сите голови за после натпреварот да дадат изјава дека спортот е многу значаен и е добро да има квалитетни натпревари, без да кажат за кого навивале.

На крај, поради сите дилеми, Заев решил да оди на сигурно и да не се појави на трибините во неговата родна Струмица каде Македонија и Албанија одиграа 1:1.