Димитров: Нема македонска нација, јазик и држава пред 1944 година

Во интервјуто дадено за бугарскиот портал „INFORMO“ бугарскиот професор Божидар Димитров, директор на Национален историски музеј во Бугарија, истакнува дека полека се чувствуваат промените од Договорот за добрососедство потпишан помеѓу Бугарија и Македонија. Тој објаснува дека е започнат процесот на промена на македонските учебници по историја и дека историјата е многу јасна и децидна, а тоа е дека македонизмот не постои, македонската нација, јазик и држава пред 1944 година не постоеле и дека се создадени во 1944 година од страна на Југословенската комунистичка партија.

Прашан дали со договорот ќе настапи промена во учебниците и дали ќе има генерално признавање на заедничките корени помеѓу двете држави. Димитров вели:

– Историски дискусии тешко можат да се водат, бидејќи историјата е јасна. Тоа ние е јасно не само на нас, туку и на научниците од целиот свет. Факт е дека до 1944 година нема македонска нација, јазик и држава. Сето тоа е создадено 1944 година од Југословенската комунистичка партија, со што е исполнета една оодлука на Комитерната од 1934 година. Од тогаш навака многу е јасно каква е историјата.

Димитров дополнува дека договорот за добрососедство ќе почне да се реализира и ќе има придвижување, кога ќе биде одобрен од парламентот на двете држави, тоа ќе се случи многу брзо, според него.

– Уште пред да влезе во сила има некои позитивни чекори, на пример веќе има одлука од учебниците да се избрише изразот „бугарски фашистички окупатор“ и т.н. Односно лошите зборови за бугарите да бидат избришани од учебниците, а по натаму ќе видиме што ќе биде. Не треба да ги брзаме работите и да сакаме договорот да дејствува пред тој да е ратификуван од парламентите од двете држави, истакна Димитров.

Ваквите шовинистички изјави за негирање на посебноста на македонската држава, јазик и нација се интензивираа во бугарските научни кругови по склучувањето на договорот за добрососедство помеѓу Македонија и Бугарија.

Милчин до Заев: И песната „Тиквешко негде, в некое село…“ ли ќе ја заборавиме?

Поранешниот директор на канцеларијата на фондацијата „Отворено општество“ на Сорос во Скопје, Владимир Милчин, на Фејсбук жестоко удри по политиките на премиерот Зоран Заев и Владата, со кои се предвидува од спомениците и историските учебници да се исфрли терминот „бугарски фашистички окупатор“.

„И песната која почнува со „Тиквешко негде, в некое село…“ ќе ја заборавиме? Чии униформи носеле убијците? На кој јазик биле изговарани командите? Кој ќе потпише тотална амнезија? Кој ќе прости без да слушне извинување?“, напиша Милчин на Фејсбук.

Ваквата реакција на Милчин доаѓа по изјавата на премиерот за бугарската телевизија БТВ дека ставот на македонската историографија дека во Втората светска војна овде имало „бугарски фашистички окупатор“ е шовинистички кон Бугарија и токму затоа треба да се сменат учебниците.

Песната која ја цитира Милчин е напишана од славниот македонски поет Славко Јаневски, и е посветена на дванаесетте младинци од кавадаречкото село Ваташа, кои на 16 јуни 1943 биле стрелани  од страна на бугарската војска, под изговор дека им помагале на партизаните.

Во нивна чест, Славко Јаневски ја пишува песната „Цветови“, која Милчин ја цитира во својата полемика за намерата од историјата да се избришат злосторствата на бугарскиот окупатор во овој период.

Освен што со години беше прв човек на Соросовата фондација „Отворено општество“, која директно финансиски ги поддржа протестите на Шарената револуција и на СДСМ, Миличин беше и еден од иницијаторите и водачите на таканаречената Шарена револуција. Неговата реакција за менувањето на историјата доби поддршка од повеќе активисти на Шарената револуција, новинари, професори, истакнати општественици.

Ставот на Милчин го поддржаа:

Билјана Секуловска, новинар на „Нова ТВ“

Југослав Петровски, уметник, активист и учесник во Шарената револуција

Ристо Лазаров, писател и поранешен директор на „Телма“

Тито Беличанец, универзитетски професор во пензија и подржувач на СДСМ

Горазд Чаповски, музичар, „Мизар“

Милчин: Откако ќе ги изеде своите деца, револуцијата ќе се изеде себеси

Реакциите на Милчин кон политиките на владата почнаа вчера, кога тој констатираше дека во Македонија револуцијата ги јаде своите деца.

-Откако ќе ги изеде своите деца, револуцијата ќе се изеде себеси, напиша вчера вечер на својот Фејсбук профил поранешниот директор на Сорос фондацијата во Македонија, Владимир Милчин.

Во друг пост, Милчин се прашува дали Заев ќе му каже на Ахмети да престане со шверцувањето геноцид во држава која не постоела.

-Нека побара извинување од државите кои владееле на територијата на РМ. Ги преќекори сите граници!, пишува Милчин.

На горенашишаното со свој коментар се јави Бранко Героски, уредник на порталот Плусинфо и весникот Слободен печат.

-Не, сега децата ќе ја изедат револуцијата, напиша Героски.

Случајот со Милчин не е изолиран, секојдневно активисти на СДСМ и луѓе кои учествуваа во шарената револуција жестоко се спротиставуваат на политиките на владата. Таков беше примерот и со аналитичарот Сашо Орданоски и актерот Петар Арсовски.

Ивор Мицковски: Ахмети повторно ја актуелизира Тиранската платформа

Ахмети повторно ја актуелизира Тиранската платформа и ќе барал Собранието на Македонија да ги осуди злосторствата, или како што тој го нарекува, геноцидот врз Албанците од пред 104 години, ова во свој Фејсбук сатус го напиша Ивор Мицковски, потенцирајки дека политичарите си играат со историјата.

Ахмети: Ќе предложиме резолуција за геноцидот направен врз Албанците пред 104 години

Ахмети: Ќе предложиме резолуција за геноцидот направен врз Албанците пред 104 години

Посмртни останки на албански жртви од масакри од 1913 година, па сè до Втората светска војна кои беа пронајдени во гробници денеска беа погребани во Зајас, Кичево.

Организацискиот Совет за откривање на злосторствата врз Албанци организира пренесување посмртни останки на жртви на геноцидот врз Албанци во Меморијалниот центар „Мајка Тереза“ во Зајас.

По барање на Организацискиот совет за откривање на злосторствата врз Албанците во минатиот век, Али Ахмети, како иницијатор на активностите за расветлување на геноцидните злосторства врз Албанците, одржа говор пред присутните при што побара солидарност од Македонцит бидеќи, наведе, и врз нив имало злосторства. Затоа ќе инсистираме да се носи резолуција во Парламентот за осуда на геноцидот кој е направен врз Албанците пред 104 години. Нека не се плаши никој бидеќи нема да бараме надомест бидејќи нивните животи не можат со ништо да се надоместат, рече меѓудругото Ахмети.

Краток говор одржа и вицепремиерот Хазби Лика кој истакна дека со почитувањето на овие жртви се порачува да не се повторат вакви злосторства.

Обраќање имаше и министерот за дијаспора во Владата на Албанија Пандели Мајко кој истакна дека „овие луѓе се убивани зато што едноставно зборуваа албански“ и се заблагодари на македонската власт што овозможи да се одбележи овој настан.

Градоначалникот на општина Кичево Фатмир Дехари истакна дека како општина ја поддржале иницијативата од самиот почеток бидејќи, наведе, тие луѓе го заслужуваат ова почитување. Обраќања имаа и градоначалникот на Србица, Р. Косово Беким Јашари како и поглаварот на ИВЗ Сулејман Реџепи.

На настанот во Меморјалниот центар „Албанска мајка“ во Зајас кај Кичево присуствуваа членови на владиниот кабинет од редовите на ДУИ како и пратеници од ова партија и други граѓани.

Пред извесно време во Зајас и во други места во Кичево беа откриени гробници на жртви од масакри врз Албанци од 1913 година до Втората светска војна.

„Македонски манифест“ со отворено писмо до Владата: Зошто албанските партии го решаваат спорот со името?

Македонски манифест сака да ја сподели со Владата на Република Македонија својата размисла во врска со темата: Албанските партии и спорот со името со Грција.

Нивното отворено писмо го пренесуваме во целост:

Цврсто сме убедени дека што се однесува до Името, за него како есенцијален проблем, наметнат од надвор и однатре со најгруби средства на присила, имаат повод да се изјаснуваат и да го решаваат единствено Македонците по род. Тоа затоа што Името е колективен архетип, идентитет, историја и меморија исклучиво на Македонците. Вклучително од тоа произлегува дека истото е  и нивна и болка и рана која крвари сега. Се разбира, добродојдена е секоја добронамерна помош во овој навистина идентитетски и мачен спор, но  не и учество во него со задни намери, мимикрија, иронија и умисла за некоја своја крајна добивка.

Навистина е невкусно, на пример, нашиот евроинтегративец, Бујар Османи, во таа смисла да тврди дека новата влада ја добила апсолутно довербата на народот да го реши еднаш за секогаш тој проблем, а притоа отворено да повикува на промена и на другите идентитетски симболи и знаци на македонскиот народ и држава како што се: знамето, химната и други. А тоа од своја страна значи план за систематско бришење на сите знаци на македонскиот колективен идентитет. Во прилог на тоа зборува и непризнавањето на автентичното македонско име од страна на владата во Тирана, иако тоа е признаено од вкупно 138 држави во целиот свет. Таканаречената, со геноциден мирис, Тиранска платформа што ја изготви таа во соработка на ЦИА за деструктивните потреби на албанските политички партии кај нас се вклопува во истиот план за докусурување на македонскиот колективен идентитет, национален суверенитет и држава.

Македонскиот манифест, ако некому, вклучително и на нашата актуелна влада, не му е јасно, потсетува дека Името над кое сега се наднесени толку многу и надворешни и внатрешни мршојадци, по дефиниција не е политичко, туку, чисто онтолошко прашање, прашање на македонското колективно битие. На никој друг. Сите други, ако немаат намера искрено да помогнат, нека ги тргнат грабливите раце од него. Засекогаш!

Македонски манифест

Поради македонска историја и национализам – Тозија ја цензурира ТВ серијата „Македонија“?! (ДОКУМЕНТИ)

Нападот кон серијата „Македонија“ и кон „Јадран Филм“ од страна на директорот на Агенцијата за филм на Македонија, Горјан Тозија, не е поради доцење на проектот или поради финансии како што тој тврди, туку е поради наводното присуство на македонски национализам и присуството на македонска историја во филмот – тврди во писмена изјава хрватскиот продуцент Борис Грегориќ, пишува Република.

„Тозија намерно го одолговлекуваше проектот, за подоцна да не обвини нас за одолговлекување“, вели Грегориќ во неговата изјава.

Во прилог на изјавата, Грегориќ достави и „Вибер“ комуникација со Тозија, во која тој му вели дека филмскиот проект „Македонија“ може да продолжи, но од филмот треба да се исфрлат „националистички“ елементи затоа што тие и наштетувале на Македонија. За ова, во пораката која ја доставува Грегориќ, Тозија се консултирал со министерот Алаѓозовски а ќе се консултирал и со Заев.

Ваквото барање на директорот на Агенцијата на филм, доаѓа токму во периодот кога Македонија го потпишува договорот за добрососедство со Бугарија и ги интензивира преговорите со Грција за промена на името. Сево ова наведува дека поради обврските кон двете земји, Владата не дозволува да се сними овој филм.

Официјалната причина поради која Тозија денеска побара стопирање на овој филмски проект е поради доцнење на реализацијата на серијата и дека институција со која што тој раководи поведе постапки пред сите надлежни институции поради очигледните прекршувања на потпишаниот договор од страна на видео продукцијата „Јадран филм“ за реализација на играна серија „Македонија“.

Грегориќ од друга страна одговара дека токму Тозија е човекот кој побарал одлагање на проектот откако ја преземал директорската позиција.

– Со господинот Тозија, директор на Агенцијата за филм на Република Македонија се договорив да го преземам проектот како главен продуцент и дури после неговото „зелено светло“ потпишав договор со Јадран Филм и примив хонорар, во исто време тој неколку пати ме праша „дали ме платиле?“, што ми беше чуден сигнал. Целосно се невистинити тврдењата на господин Тозија дека не сме се договориле за се, особено затоа што тој лично ги договори сите термини за снимање за јас како човек од доверба на Тозија (со кого почнав да соработувам во 1980), почнам да ја снимам серијата. – вели Грегориќ во писмото.

Грегориќ додава и дека се во неколку наврати во целиот период, се среќавал со Тозија – кој му викал да се искористи шансата што поскоро, да се земат парите за филмот.

-На почетокот на Септември сакав да дојдам во Македонија и да ги започнам припремите за снимање, за што го известив господин Тозија, но од негова страна само добивав пораки дека сеуште не е време, да се стрпам, по што дури следниот месец дојдов во Скопје. Наеднаш тој почна да зборува дека не сака повеќе да разговара со оние со кои до вчера седеше заедно и се договараше околу филмот и дури и ме предупреди дека случајно можеби и јас би заглавил зад решетки, што е јасна закана за продуцентот и авторот на серијата. Лично ми рече: „Земете ги парите додека можете“, за после неколку дена да ме нападне затоа што сме ја снимале серијата, а што треба да правиме? Од се ова е јасно дека господинот Тозија се обидува да не измами сите нас, но и институциите на Република Македонија и македонската јавност. – вели Борис Грегориќ во изјавата.

За сите прашања околу случајот „Република“ разговараше и со директорот на Агенцијата за Филм, Горјан Тозија. Тој не негира дека имал комуникација преку „Вибер“ со Грегориќ, но не замоли да му ја пратиме пораката која ни ја испрати хрватскиот продуцент за да може да ја потврди нејзината автентичност.

Во исто време, директорот на Агенцијата и понатаму тврди дека единствената причина за барањето на раскинување на договорот за филмот е поради доцнењето на проектот и според него големата сума.

Тозија не извести дека во текот на утрешниот ден ќе ни испрати детален одговор на изјавата на Грегориќ и потврда за „Вибер“ комуникацијата.

Инаку, веќе излезе трајлерот за серијата „Македонија“ и тој може да се види на youtube.

Делев: За само една година Македонија ќе биде задолжена за повеќе од 1,3 милијарди евра

Во Емисијата „Алфаскоп“ на Алфа Телевизија гостуваше Христијан Делев, поранешниот заменик министер за економија во владата на ВМРО-ДПМНЕ. Делев дискутираше за предлог Буџетот за 2018 година при што истакна дека Македонија оваа година ќе има рекордно задолжување, со што веќе се става знак прашалник дали ќе можеме да го сервисираме долгот, според Делев Македонија во изминативе 27 години се задолжила вкупно за 5.6 милијарди евра, а сега за само една година СДСМ ќе ја задолжи за неверојатни 1.3 милијарди евра.

-Максимумот со кое што Македонија може да се задолжи го надминуваме. Со овие задолжувања што веќе се направени ние влегуваме во една опасна зона каде што веќе ќе се стави знак прашалник дали ке имаме капацитет и можност да ги сервисираме тие долгови, истакна Делев.

Според Делев власта се задолжува без притоа да реализира барем еден реален проект.

-Еве сакам да напоменам со овој предлог Буџет и со досегашното искуство од новата влада, за денот кога владата ќе слави една година од превземањето на власта, Македонија ќе биде задолжена повеќе од 1,3 милијарди евра. Ако земеме во предвид дека Македонија за 27 години максимум се задолжила 5,6 милијарда евра, сега само за една година се задолжува над 1,3 милијарди евра што е енормен скок на задолжувањето а притоа непродуцирајќи ниту еден реален проект, заклучи тој.

Груевски: Крајната цел е името – Дојде тоа време Заев договара ново име на државата

Претседателот на ВМРО-ДПМНЕ Никола Груевски пред речиси еден месец предупредуваше дека крајната цел со носењето на Зоран Заев и СДСМ е власт е промена на името на Република Македонија Груевски нагласува дека власт на СДСМ е марионетска, донесена од други од надвор, а историјата покажува дека секоја марионетска власт има краток век на живот.

-Заев е донесен да изработи промена на името и идентитетот, а сега сето ова се прави за да му се даде подлога дека има легитимитет меѓу луѓето, со поткуп и со присилни гласови, се со цел да му дадат легитимет и храброст да продолжи во ветеното понатаму. Целта на сето ова што ни се случува е промена на името на државата, јазикот, нацијата, промена на идентитетот. Тој всушност зборуваше за редифинирање на државата, тоа се шест точки. Првата точка е промена на името и идентитетот, втората точка е договорот со Бугарија, третата точка е носење на мигранти во Република Македонија и нивно доселување тука, четвртата точка е двојазичност на цела територија со неуставен закон, петтата точка е зголемување на даноците и шестата точка е редифинирање на бракот, тој да не е заедница на еден маж и една жена, туку да се легализираат хомосексуалните бракови и да им се даде можност да посвојуваат деца, изјави Груевски.

Заев од Словенија го потврди она што Груевски го кажуваше. Тој од Словенија порача дека Македонија влегува во обид, кој што, како што кажа, ќе биде последен, со конечна цел, решавање на проблемот кој што Грција го има со нашето уставно име.

НА ПРЕДАВНИКОТ МУ СЕ БРЗА: Заев се надева дека конечно ќе го смени името

Енергетиката последна на листата за финансирање на владата – Кој сака од државата да направи целосно енергетско зависна?

Енергетиката очигледно не е на планот за развој на оваа влада. СДСМ во Предлог-буџетот за 2018 година кој го достави до Собранието на Република Македонија, во делот на енергетиката е целосно рестриктивен, без нови проекти и кратење на проекти предвидени од претходната власт на ВМРО-ДПМНЕ.

Имено во Буџетот не се предвидува стратегија за инвестициони вложувања кои би извршиле позитивно влијание врз електро-енергетскиот систем во функција на намалена зависност од увоз на електрична енергија.

Нема пари ни за проектот за топлификација на Битола, кој беше во програмата на ВМРО-ДПМНЕ. Оттука се гледа дека наводните заложби на владата за заштита на животната средина и подобрување на квалитетот на воздухот се всушност само манипулација за граѓаните пред избори.

Предлог-буџетот не предвидува ни изградба на нови термо блокови, како ни подобра искористеност на постојните преку инвестиции во нови јагленокопи. Имено во програмата на опозициската ВМРО-ДПМНЕ беше предвидено изградба на нова термо централа во делчевско со предвидени јагленокопи во делчевско и пехчевско, но и инвестиции во нови јаглено копи во битолскиот крај кои ќе гио продолжат енергетскиот век на РЕК Битола, проекти кои доколку се реализираа во целост ќе ја решеа енергетската зависност на Република Македонија од увоз на електрична енергија во одредени периоди од годината, со што се доаѓа до заклучок дека енергетската независност на државата и не е на прв план на оваа влада.

СДСМ исто така не предвидува ни изградба на малихидроцентрали, кои го искористуваат хидропотенцијалот на малите водотеци, но исто така нема ни подршка, ни можност за користење на други алтернативни начини на добивање на енергија.

Во пределот на гасификацијата на земјата, која во изминатиов период интензивно почна да се спроведува и имаше планови за брза гасификации очигледно ќе се забави. Имено освен продолжувањето на изградбата на двата крака за транспорт на гас кон Неготино-Битола и Тетово-Гостивар, не се предвидени никакви нови инвестициски вложувања, а се потребни. Нема средства за дистрибуција на гас во Скопје. Нема средства барем за проект за нови когенеративни постројки, за што е направена студија за 3 постројки со капацитет над 100 MW.

Дополнително не е предвидена ни модернизација на котларата во Клинички центар, а воопшто не се предвидени средства за реализација на Акциониот план за енергетска ефикасност, кој е усвоен од влада и прифатен од Енергетска заедница, еден од условите на пат кон ЕУ, а е дел од Стратегијата за енергетска ефикасност и е алатка за исполнување на Уредбата за смалување потрошувачка на енергија за 9% до крај на 2018.

Малиот број на проекти и големиот број на кратења наведува на тоа дека владата наместо да влијае на подобрување на енергетската независност на државата истата ја зголемува. Граѓаните по објавувањето на буџетот се прашуваат дали нкој свесно ја претвора Македонија во целосно зависна држава од увоз на електрична енергија.

За потстеување е дека Кочо Анѓушев, вицепремиер за економија во владата има фирма за трговија и увоз на електрична енергија, истата се јавува на пазарот како продавач на енергија и истата ќе има зголемена добивка доколку државната ЕЛЕМ има помало произвдство и ќе мора да се увезува струја од странство.

Колумна на Ламбе Арнаудов: Тотална распродажба заради ликвидација

Надвор од НОМО според член.0 став.0 алинеја.0 се подготвува спроведување на распоражба на незаконски стекнат имот од страна на трговското друштво со неограничена одговорност (за сега) запишано во судскиот регистар под име “Сојуз на дилери и сервисери на Македонија’’, скратено СДСМ со седиште на улица Бихачка ББ, непосредно до зградата на фирмата ќерка “Мелничко воденичарска работилница’’ со кратенка МВР и делумно е во сопственост на мајката фирма СДСМ чија основна дејност е мелење, пропуштање низ вода и обработка на субјекти.

Распродажбата на МВР не се однесува на делот кој веќе е продаден, со договор во четири очи на 15-ти и  29-ти октомври 2017 година. Останатиот најголем дел од оваа фирма е народен имот во сопственост на граѓаните и за среќа таа никако и никогаш повеќе нема да биде предмет на било каква расподажба.

Заради доспеани, а ненаплатени долгови од странски кредитори, надворешни инвестициски фондови и домашни доверители, а се во функција за опстојување на гореспомнатата фирма се распишува оглас за:

РАСПРОДАЖБА

На имот кој никогаш не бил во нивна сопсвеност или било каков друг вид на времено или трајно располагање за што е потребна  брза реализација на трансферот. Истовремено ги известуваме потенцијалните купувачи дека цените се извонредно поволни и многу ниски од разбирлива причина бидејќи стоката што е предмет на продажба е присвоена, насилно одземена и украдена од вистинските сопственици, нашите прадедовци, дедовци и татковци кои во своите оставински тестаменти, познавајќи не’ какви недомаќини сме не имаат целосно разбаштинето со што губиме секакво наследно и сопственичко право.

Напоменуваме, дека трговските спогодби ќе се склучуваат исклучиво во четири очи без тендер надгледувани од вујко Сем и блудницата Вавилонска со што се гарантира апсолутна дискреција за цената, вредноста и името на идните сопственици.

Предмет на распродажбата се следните артикли:

  1. Име. Го продаваме по багателни цени за докрај да ја обезвредниме неговата вистинска и непроценлива вредност, се со цел да не е конкурентно на светскиот пазар и да не ја загрозува монополската позиција за името во корист на друга фирма.
  2. Идентитет. Со оваа распродажба се елиминира со закон определениот наследник да нема право да ја оспори оваа расподажба на името и во некои поповолни услови на пазарот да си го врати во своја сопственост.
  3. Јазик. Со ова се елиминира секаква опасност од можен ризик за потпишување на документи со текст и правно дејство на јазик кој не постои.
  4. Историја. Осигурување на потполно изчезнување на докази за времено движење на имотот низ годините, десетолетијата, вековите се до денешен ден со што поимот имотен лист станува безвреден.
  5. Народ. Е, народ нема. Без овие предходни распродадени вредности народот ќе се врати во фаза на раја или уште полошо на модерни робови и ќе биде предмет на размена по принцип на првобитниот, најпримитивен вид на трговија, проста размена производ за производ.

Сето останато што не е предмет на овој договор за распродажба езера, реки, планини, рамнини, пасишта, шуми, рудни богатства, градови, села, патишта, стамбени згради, болници, фабрики и се друго останато автоматски ќе му припадне на купувачот по принцип плати четири носи се. Нашата парола е Задоволен купувач, наша обврска! Затоа побрзајте навалете цените се многу поволни.

Ние, вистинските законски сопственици, граѓаните на Република Македонија со чест и обврска кон нашите предци, заради наше избавување и грижа за идното потомство бараме од институциите на државата пред се од државниот правобранител веднаш да стави времена забрана на оваа срамна, бандитска и незаконска постапка за распродажба на се она што е свето за нашиот народ. Сепак свесни сме, дека од ова барање нема да има фајде, затоа што искуството не научило да не веруваме на празни соништа и на зборови на измамници.

Народе мој, сакам да те предупредам дека доаѓаат историско тешки, но и срамни времиња. Ќе ти треба голема смиреност, истрајност, здрав разум, вештина и заедничка храброст од сите. Предизвиците пред кој си исправен народ наш напатен се огромни. Ама, токму од напатените народи излегуваат силни и креативни личности. Длабоките лузни врежани во вашите души се непобитна потврда за тоа. Убаво знаеш дека народ не може никогаш да биде поразен, народ може само сам себе да се посрамоти. Сега е моментот да ја согледаш разликата помеѓу понудените реформи промена на систем и држава од една страна и татковината од друга која ти е род од прво колено.

Сега треба смело да им порачаш на џамбазите и праматарите да продолжат да продаваат свињи, магариња и бижутерија. Ова се премногу скапоцени вредности за да поминуваат низ вашите лепрозни раце. На вас кастрираните евнуси маскирани во некои политичари, колумнисти, советници, аналитичари, новинари и невладини активисти, боледувате од лесно пренослива болест и пред да го заразите граѓанството престанете со купување на честа на својот народ во замена за срамна понуда за подобар живот. Ветувањата за полни стомаци и дебели газови само можат да ти наштетат, тие авал не прават, тие главата ќе ти ја изедат.

Не рекле старите попусто “Ако среќа се огледаше во ситост, тогаш и воловите би биле среќни кога ќе се најадат слама’’. Сега е неопходно да застанеш храбро и да се спротиставиш енергично во одбрана од се’ што ти се подготвува. Еве ти несекојдневна прилика од публика каде што зборуваш за другите да се трансформираш во актер за кого со восхит ќе зборуваат. При тоа немој да заборавиш што и да направиш за татковината никогаш не е доволно. Направи го тоа веднаш. Утре е доцна. Сетнина нема.

Во спротивно ќе дојдат многу туѓинци кои прв пат ги гледаш чии јазици нема да ги разбираш, нивните традиции и обичаи нема да ги познаваш заради што ќе се чувствуваш странец дома. Многумина ќе бидат принудени да заминат, тие малку што ќе останат ќе бидат претворени во био роботи или модерни робови без чувство за радост и за тага кој ќе им работат на новопечените чорбаџии како аргати и измеќари. Ќе им ги уредуваат градините, ќе им ги чистат домовите, ќе им ги шетаат домашните миленици, ќе разнесуваат млеко и весници и ќе менуваат мелни пелени за возрасни. Ќе се претворите во редок ендемски примерок и ќе бидете управувани од туѓинци кои немаат никакво разбирање за вашиот начин на живот. Твојата Македонија и понатака ќе биде совршена интеграција на природните убавини, културно историски споменици, духовно наследство ама ти сето тоа нема да го гледаш, нема да го чувствуваш и нема да се радуваш затоа што тоа нема да биде твое и на него ќе гледаш како духовна пустелија.

Пишува: Ламбе Арнаудов за Свест.мк