Данев: Не ја потценувајте интелигенцијата на народот и тргнете го европското знаменце од Законот за јазиците!

Расправа за законот за јазиците во Собранието продолжи и денеска. Пратеникот од редовите на ВМРО-ДПМНЕ, Драган Данев смета дека новата влада и начинот на донесување на овој закон е  крајно несериозна и неадекватна.

-Oвој закон се носи врз основа на демонстрирање на една политичка сила односно имаме 62 пратеници, имаме парламентарно мнозинство, можеме и во моментот ќе го донесеме ова законско решение. Ова законско решение мој став е дека треба да се донесе консензуално, со сите пратенички групи и во една широка стручна дебата. Широка општествена дебата. Јас сум убеден и тоа е мојата перцепција, а тоа е перцепцијата и на поголем број граѓани со коишто секојдневно комуницираме и ние и комуницирате и вие го знаете тој став, се обраќам на пратениците од владејачкото мнозинство, дека недоволно беше консултириана стручната јавност во нашата држава и не беа земени во предвид нивните забелешки. Инаку лично сум за максимална употреба на мајчиниот јазик на секој граѓанин во Република Македонија без исклучок на никој. Притоа мора за да се тоа спроведе да биде испочитуван Уставот на Република Македонија на којшто сите сме обврзани да го почитуваме и да го браниме, не само да го почитуваме и унитарноста на Република Македонија којашто е загарантирана со сите уставни елементи односно со Уставот на Република Македонија и сите законски и подзаконски акти кои што се на сила на Република Македонија, потенцираше Данев.

Пратеникот Данев за поставување на европското знаменце на законот за јазиците додаде:

-Законот за јазици се поставува апсолутно или набрзина. Значи се пробиваат сите рокови, се пробиваат сите процедури за да дојде овој закон во Собрание пред локалните избори и во недостаток на аргументи вистински на овој закон му се става европско знаменце. Јас за граѓаните на Република Македонија, бидејќи поминаа многу дена од првичните разгледувања и дебатирања во однос на овој закон во Собранието на Република Македонија еве што пропишува Деловникот на РМ на Собранието во однос на закони на кои се става европско знаменце. Вели вака: Кога предлогот на закон содржи одредби со кои се врши усогласување со правото на Европската Унија во воведот е наведуваат и податоци за изворниот акт на Европската Унија под назив, број, и датум. Со предлогот на закон се поднесува изјава за усогласеност, потпис на надлежниот министер и јасно наведување, Внимавајте! На правниот акт на Европската Унија со кои е извршено усогласувањето. Јас таков правен акт од Европската Унија или популарно наречена „директива“ до сега не видов визави овој закон и ако се осврнам на одредени дискусии и одредени погледи и установишта на стручната јавност, целата македонска јавност веќе е сведок дека ова е навистина една сериозна неаргументираност во однос на ставањето на тоа европското знаме. Веќе целата македонска јавност знае дека Европската Унија или државите во Европската Унија секоја поединечно си го решава прашањето за употребата на јазиците. Така да навистина ако сакаме да зборуваме со факти и ако сакаме да зборуваме со аргументи барем ако ништо друго можеме во наредните фази да го тргнете ова европско знаменце и барем како –така да го ставите во оваа дискусија во некои правни шини и не омаловажувајќи ја интелегенцијата на граѓаните на Република Македонија. Зборувам за сите граѓани, како за Македониците, Албанците, Турците, Србите, Бошњаците и сите граѓани на Република Македонија кои што не се спомнати како етнички заедници, додаде Данев.

Груевски: Пет месеци како владее СДСМ, а нема ниту еден проект – секој ден тортури, застрашувања и манипулации

Претседателот на ВМРО-ДПМНЕ, Никола Груевски денеска во Облешево порача дека кандидатот на таа партија за градоначалник на општината Чешиново-Облешево е човек кој нема да ги изневери жителите.

-Пет месеци во Македонија ништо не се случува во делот на проекти. Нема нови инвестиции, нема нови проекти, нема нови спортски сали, нема нови училишта. Тука се догради мултифункционалното игралиште кое го почнавме во март. Во времето на ВМРО-ДПМНЕ имавме секојдневно нови објекти, дали тоа беа градинки, дали тоа беа училишта, дали водоводни мрежи, канализациски мрежа, игралишта итн. Сега пет месеци, апсолутно ништо, истакна Груевски.

Посочи дека нова Влада досега има само завршено некои работи кои веќе биле почнати од ВМРО-ДПМНЕ, или ги стопираат проектите на претходната Влада. Според Груевски, во моментот има целосно замирање на градбите.

-Гледајќи да го сокријат тоа нивно неработење покажаа дека се големи неработници. Практично цело време ни продаваат ветер и магла, ни продаваат живот, ни продаваат воздух, ни продаваат нешто што го имаме, рече Груевски, додавајќи дека на граѓаните не им е потребно тоа, бидејќи веќе го имаат, посочувајќи дека на граѓаните им требаат капитални проекти.

Тој нагласи дека на граѓаните им требаат ветувањата кои СДСМ ги даде пред изборите. Лидерот на ВМРО-ДПМНЕ истакна дека СДСМ само лаже, потенцирајќи оти тие се во можност да ветат се пред избори, но потоа не остваруваат ништо.

-Ќе видите после една година што ќе мислат луѓето за нив, кога ќе видите колку многу луѓе се излажани, кога ќе си кажат помеѓу себе кому што му било ветено, па кога ќе видат дека иста работа била ветена на којзнае колку луѓе. Тоа е СДСМ, нечесно. А на Заев не му излегува зборот „чесни“. Кој си ја има мувата на капата… Цело време зборува за чесни политичари, дошле на власт сега чесни политичари. Замислете Заев и чесни политичари заедно. Па ќе донеле чесни политичари на локално ниво. Сега чесниот Заев ќе донел чесни политичари на локално ниво. Демагогија до демагогија, лаги до лаги, посочи Груевски.

Вели дека СДСМ сега се фали оти ќе ги зголеми даноците, иако претходната влада предводена од ВМРО-ДПМНЕ успеа да ги намали даноците и да доведе Македонија да има најниски даноци во светот. За тврдењата на владините претставници дека тоа нема да биде на штета на граѓаните, Груевски праша на чија штета ќе биде зголемувањето.

-Тоа е потценување на народот. Класично ве потценуваат. Јас не можам да ви опишам како ве потценуваат. Во било која друга држава една Влада да каже дека ќе се качат даноци, се тресе земјата. Кога ќе качат даноци паѓаат Влади. Овие овде кај нас се фалат дека ќе ги качат даноците и викаат „сега излезете гласајте за нас“, потенцира Груевски.

Според него, СДСМ постојано зборува за демократија, а кај народот влева страв со притисоци, закани и како што рече, полицијата стана партнер со криминалците. Груевски вели дека масовно се делат пари за поткуп, а институциите молчат затоа што се вмешани во овие работи. Тој појасни дека градоначалникот на општина Штип, Илчо Захариев секој ден бил следен од три цивилни возила, како и оти финансиската полиција влегла во општината уште првиот ден по првиот круг од локалните избори.

-Секој ден тортура, секој ден застрашувања, секој ден манипулации и истото се случува на други места. Тони Трајковски од Гази Баба ми кажува дека во Јурумлери секој ден исти човек дели пари, „пријавуваме, јавуваме, зборуваме, полиции, но никому ништо“. Тоа е така зашто полицијата ја ставија во партиски цели. Во Новаци им се закануваа дека ќе ги избркаат од РЕК Битола, а во скопски Бутел, полицијата, активистите на СДСМ и криминалното подземје се едно, исповрзани и во најголемо партнерство. И каде и да одам ми кажуваат дека се случуваат истите работи. Истите работи ги прават насекаде, појаснува Груевски.

Порача дека СДСМ со ваквото делување нема да успее да ги скршат. Вели дека марионетските влади не траеле долго, зашто тие работеле само за туѓи интереси, а не за интересите на граѓаните. Груевски им порача на граѓаните дека ВМРО-ДПМНЕ секогаш ќе биде покрај народот и секој со биде со нив.

Лидерот на ВМРО-ДПМНЕ истакна дека СДСМ работи на тоа да ги исплаши сите оние кои покажале дека си ја сакаат татковината, правеле документарни филмови за македонските дејци или учествувале во изградба на спомениците на македонските херои.

-Красниќи на слобода, Едмонд Темелко во затвор. Едмонд Темелко е човекот што е еден од најголемите борци за човековите права на Македонците и единствен Македонец градоначалник во друга држава. Тој е затвор, а Красниќи на половина од издржувањето на казната на слобода, рече Груевски.

Вели дека СДСМ пред изборите ветуваа 500 евра просечна плата во Македонија, но таа сега се намалува. Посочи дека СДСМ ветуваше нови инвестиции, но засега во Македонија нема влезено ниту една нова странска инвестиција. Рече дека сите економски параметри покажуваат оти економијата во Македонија тоне.

Претседателот на ВМРО-ДПМНЕ истакна дека СДСМ не заборави да го склучи, како што рече, штетниот договор со Бугарија.

-Ако се усвои во Парламентот, Република Македонија планира да се откаже од своето малцинство во Бугарија. Да се откажеме од македонскиот јазик и да прифатиме дека ние не сме имале историја до ’45 година, туку дека сме биле дел од бугарската историја. Дека 1941, кога македонскиот народ се кренал против фашистите, не било востание на Македонците против фашизмот, туку дека било интерен конфликт помеѓу различните групи на бугарското население во Македонија и дека Илинденското востание не било македонско, туку било бугарско. Во тој правец планираат да ги дотераат учебниците, истакна Груевски.

Побара одржување референдум за договорот со Бугарија за да се види дали народот го поддржува тој договор или не. Според него, СДСМ има шест точки преку кои ќе ја редефинира државата. Тоа се промена на името и идентитетот, договорот со Бугарија, носење мигранти од Азија и Африка и нивно трајно населување, зголемување на даноците, двојазичност на целата територија, легализација на хомосексуални бракови.

Груевски во говорот појасни дека кога ВМРО-ДПМНЕ дојде на власт во општина Чешиново-Облешево имало вкупно 560 вработени, а кон крајот на 2016. година таа бројка била 1.570. Најави дека со победата на ВМРО-ДПМНЕ, децата од прво до петто одделение во сите општини, вклучувајќи ги и оние во Чешиново-Облешево ќе добијат бесплатен оброк.

-Општината Чешиново-Облешево и Горанчо Зашов ќе овозможат можности за граѓаните за стекнување со сопствен дом, оние кои го немаат. Да добијат земјиште со симболична цена од едно евро по метар квадратен за градба на куќа и да бидат или ослободени или со силно намалени комуналии за таа градба. Нудиме концепт во кој нема да има неасфалтирани улици и каде ќе се трудиме да правиме парк во секое маало. Се ветува и доизградба на останатиот дел од водоводната мрежа, најави Груевски.

Што добивме од владеењето на Заев: Наместо да воведе, реализира и зголемува, СДСМ укинува, стопира и намалува

Ниту еден проект за добро на граѓаните, ниту една капитална инвестиција, само многу лажни ветувања, штетни одлуки и укинувања. Ова се карактеристиките на досегашното владеење на СДСМ на чело со Зоран Заев – вели лидерот на ВМРО-ДПМНЕ, Никола Груевски во своите обраќања пред народот на митинзите кои се организираат по повод претстојните локални избори.

Премиерот Заев се однесува како да не е на власт. 4 ипол месеци е во фотелја, а се уште се однесува како во опозиција.  Дополнително, по пржинските договори, Заев имаше свои министри во Владата, што значи дека цели две години министер на СДСМ нема спроведено ниту еден добар чекор за македонските граѓани.

Граѓаните не можат да посочат на ниту една позитивна работа од нивното владеење. СДСМ наместо да воведе-укинува, наместо да реализира-стопира, наместо да зголемува-намалува и наместо да исполнува ветувања, смислува нови лаги.

Удар по грбот на младите

Во предизборието СДСМ ветуваше низа проекти за младите. Откако седна на премиерското столче, Заев заборави на сите овие ветувања.

Голем дел на студенти од надворешноста оваа година немаат можност да студираат и да стекнат образование. Владата на Заев ги укина дисперзираните студии и со ваквата одлука им го ускрати правото на студирање на многу млади луѓе кои немаат средства да патуваат и престојуваат во други градови и директно се влијае на изумирање на градовите. Со ваквата одлука, идните студенти се изложуваат на дополнителни трошоци, а втората опција им е поради недостаток на финансии да се откажат од студирањето.

Укинувањето на дисперзираните беше една од првите мерки на Владата на Зоран Заев, кој ветуваше живот за студентите, а со одлуката за укинување на дисперзираните студии, Владата на СДСМ директно удри по младите, кои директно по себе ја чувствуваат штетата.

Дисперзираните студии беа укинати без никаква јавна дебата. Не беа прашани ниту професори, ниту студенти, а ни нивните родители. Оваа одлука ја донесоа Зоран Заев и Рената Десковска, од која како универзитетски професор се очекуваше да има барем трошка чувство во корист за студентите.

СДСМ одби да даде вредносни ваучери за студентите! Законот за издавање на вредносни бонови-ваучери кој го поднесе ВМРО-ДПМНЕ, а го одби СДСМ, предвидува редовните студенти од семејства чии месечни приходи не го надминуваат износот од две просечни месечни нето плати, а кои за прв пат се запишуваат во трета и четврта година на студии на високо образовните установи во Република Македонија да добијат бесплатни компјутери.

Овој закон единствено е во интерес на студентите кои што досега во два наврати додека беше претходната власт, добиваше вредносни ваучери за набавка на компјутери и компјутерска опрема. СДСМ не покажа интерес дури ни во оваа насока да им помогне на младите. Дополнителен удар за студентите беше тоа што со ребалансот на буџетот што СДСМ го усвои скрати над 155 милиони денари планирани за студентските домови. На студентите им беше скратен еден оброк во домовите, што ќе падне како нов трошок на нивни терет. Во студентските домови од минатата недела нема ниту вода за пиење.

СДСМ ги брка странските инвеститори и со тоа им ускратува на младите неколку илјади работни места.

Младинската гаранција остана само уште една во низата лаги на СДСМ.

Платите и пензиите одат надолу

Ако некој поверува во предизборните ветувања на СДСМ, со сигурност очекуваше просечна плата од 500 евра и повисоки пензии. Платите и пензиите во моментов се намалени. Министерката за труд и социјална политика, Мила Царовска, дрско си дозволи обие да манипулира со пензионерите претставувајќи им го законското порамнување како покачување.

Ширење омраза

Ширењето на омраза е исто така нешто кое го одбележа периодот на владеење на СДСМ. Наместо да понудат проекти и да сработат нешто, челниците на новата Влада макотрпно работат на пресметка со противниците. Тие неоправдано обвинуваат, навредуваат, критикуваат со цел гневот на јавноста да го насочат кон спротивната страна иако граѓаните својот револт оправдано го насочија кон оние кои сега седат на „Илинденска“ без да спроведат нешто.

Чекорите кои ги превзема новата влада се од штетен-поштетен. Се потпишуваат договори со соседни земји кои целат кон тоа да ја избришат македонската историја, економијата тоне, државата се тера во банкрот. Се условуваат и субвенциите за земјоделците, полицијата и судот под притисок насилно се пресметуваат со неистомислениците на Заев. Инвеститорите се бркаат со цел уште поголемо богатење на Заев и неговите најблиски соработници. Во здравството се случуваат огромни трагедии за кои никој не понедува одговорност. Во секој сектор само неуспеси и огромна штета на македонските граѓани.

Лидерот на ВМРО-ДПМНЕ, Никола Груевски овој период на владеење на СДСМ го дефинира како помрачување!

-Тие се уште веруваат дека без народ може да се владее. Затоа сега на 15-октомври ќе им се покаже дека народот е тој што дава власт во оваа земја и дека народот е тој што одлучува кој ќе ја води државата и на централно и на локално нив. Подготвивме документ, нова ера за наредните 10 години откако ова помрачување ќе почне да заминува, а ќе почне да заминува на локалните избори на кои народот ќе го даде своето мислење за градоначалници и советници. Ама ќе го даде своето мислење и за помрачувањето, за рушењето на економијата, за незаконското работење и насилничко работење на таканаречената влада која мисли дека против волјата на народот вечно ќе владее, за одењето против волјата на народот, порача Груевски на синоќешниот митинг.

ВМРО-ДПМНЕ: Владата на СДС работи со манипулации, создавање на хаос и демонстрирање на бандитизам кој станува нивна главна одлука

Заев со амнестија ги лаже затворениците и ги злоупотребува во предизборни цели. Мавтањето со предлог закон за амнестија кон прекршителите на законот, сторители на кривични дела не е ништо друго туку изборна корупција и кохетирање со затворениците пред избори, велат од ВМРО-ДПМНЕ.

Преку случајот на ослободувањето на Бајруш Сејдиу и Агим Красниќи се покажа дека кога сака СДС и Заев не им е потребна амнестија за ослободување туку тоа се прави преку кршење и злоупотреба на законот. Зоран Заев е нечесен кон луѓето кои се по затворите. Тој сака да ги искористи како гласачка машинерија, а во реалноста тој ќе ги измами и оваа категорија на граѓани. Владата на СДС работи со манипулации, создавање на хаос и демонстрирање на бандитизам кој станува нивна главна одлука, се вели во соопштението од ВМРО-ДПМНЕ.

Оттаму посочуваат дека ова граѓаните ќе го казнат СДСМ на 15 октомври.

ВМРО-ДПМНЕ: Шекеринска и СДС наместо да се занимаваат со шпекулации, да го слушнат гласот на граѓаните и во најкус рок да овозможат одржување на избори

Радмила Шекеринска е политичар кој македонската јавноста го знае по една од најголемите измами во историјата на демократска Македонија – „Бонбона бизнисот“, велат од ВМРО-ДПМНЕ.

Во продолжение следува интегрален текст од реакцијата на ВМРО-ДПМНЕ на изјавите на Радмила Шекеринска во емисијата „Само вистина“ на Канал 5.

Шекеринска е политичарот кој е најредовно казнуван од страна на македонските граѓани на избори.

Шекеринска е политичар со најголем изборен пораз во македонската историја.

Шекеринска е политичар без образ, кој не испушта прилика за нова лага и манипулација.

Лага се инсинуациите на Шекеринска дека ВМРО-ДПМНЕ пратил и платил било кого од граѓаните кои протестираа и влегоа во Собранието на 27-ми април, кои СДС ги разгневи и испровоцира со своето антидржавно и антинационално делување.

Шекеринска најгрубо лаже и ги манипулира граѓаните, обидувајќи се да создаде слика во јавноста дека ВМРО-ДПМНЕ на било кој начин учествувал во организирање на протестите од 27-ми април.

Шекеринска наместо да лаже кај ќе стигне, треба да се погрижи да ги објасни на јавноста изјавите на Зијадин Села, човекот од кого зависи идната  влада на СДС, кој тврди дека не се откажал од Тиранската Платформа, која ја загрозува унитарноста на државата.

Шекеринска и СДС наместо да се занимаваат со шпекулации и замајување на јавноста треба да го слушнат гласот на граѓаните и во најкус можен рок да овозможат одржување на локални избори, кои се редовни и неопходни, а со нив и парламентарни.

Милошоски: СДСМ најавува манипулативни „реформи“ во образованието

Пратеникот Антонио Милошоски на социјалната мрежа Фејсбук пишува дека уште неформирана влада, а СДСМ без образ ги најавува манипулативните „реформи” во образованието.

Според изјавата на Манчевски од СДСМ, објавена од Милошоски, СДСМ драстично ќе ги зголемеле платите во образование кои, според Манчески, изнесувале 12-14.000 денари.

Имено, во 2006 година платите во образованието изнесуваат 17.000 денари, а во 2016 година 22.300 денари.

Илиоски: Земјоделците знаат дека единствено ВМРО-ДПМНЕ се грижи за нив, на Заев и СДС никогаш не им биле важни

На Заев и СДС никогаш не им биле важни земјоделците, па ни сега. Заев и криминогеното раководство на СДС ја одбраа тиранската платформа како надеж дека ќе формираат влада и ќе се спасат од кривична одговорност, наместо да се одлучат за почитување на волјата на народот и деблокирање на државата со одржување нови избори, изјави на денешната прес-конференција Зоран Илиоски од ВМРО-ДПМНЕ.

 Според Илиоски, на Заев му била поважна тиранската платформа.

– Да не му беше поважна тиранската платформа на Зоран Заев заедно со новите парламентарни ќе се одржеа на 7 или најдоцна до 14 мај. На овој начин, граѓаните директно ќе кажеа што мислат за редефинирањето на државата и тиранската платформа, а Македонија ќе излезеше од кризата во којашто СДС ја држи – додаде тој.

Пратеникот на ВМРО-ДПМНЕ смета дека земјоделците знаат дека единствено ВМРО-ДПМНЕ се грижи за нив и за подобрување на нивниот стандард.

– За разлика од СДС кој за време на нивното владеење имаше издвоено нула евра за субвенции, за време на владеењето на ВМРО-ДПМНЕ како субвенции на земјоделците им се доделени преку една милијарда евра. Земјоделците знаат дека ВМРО-ДПМНЕ ќе стори сѐ за да ја надмине деструктивноста на СДС и да се валоризира соодветно нивниот труд, односно да ги добијат заслужените субвенции. Пари во буџетот за субвенции има. Истите се програмирани и треба да бидат исплатени во законски предвидениот рок – рече Илиоски.

Според него, СДС и аболираниот криминалец Зоран Заев се обидуваат на мала врата да ја протуркаат тиранската платформа.

– Затоа со недели ја релативизираат, а преку своите партиски експерти и медиуми го навредуваат народот и ја потценуваат неговата интелегенција. Народот јасно ја виде намерата на СДС да се добере до власт по секоја цена, по цена на распродажба на државните и националните интереси, по цена на коалиција со ликови кои не признаваат знаме, химна и име на државата, по цена да ги премолчуваат негаторските изјави упатени кон сопствениот народ.

Сега кога народот ја виде намерата на аболицираниот криминалец Зоран Заев, овој се обидува на секој начин да избега од соочување. Заев одбива упорно било какво решение кое води кон излез од кризата, се обидува да ја блокира државата и бега од избори. Кризата која аболицираниот криминалец Зоран Заев ја направи за сопствен спас, сака да ја искористи за да ги турка државата и народот  во дополнително неизвесен период.

Нема да може да избега од соочување со народот, исто како што нема да избега од одговорноста за криминалот во кој тој и неговите пајташи од раководството на СДС се до гуша заглавени.

Затоа народот е на нозе!

Затоа Македонија се буди! – заврши Илиоски.

НАСИЛНИКОТ СТАНА ЖРТВА: Медиумите на Сорос цел ден пласираа лаги за пратеникот-насилник, Максим Димитриевски од СДСМ

Во кумановскиот ресторан „Гарден Палас“, вчера рано утрото во 01.00 часот по полноќ, пратеникот на СДСМ, Максим Димитриевски, предизвикал тепачка при што физички нападнал момче на возраст од 23 години нанесувајќи му телесни повреди. Ваквиот насилнички чин на функционерот на СДСМ се обидоа да го затскријат и спинуваат медиумите под контрола на СДСМ/Сорос, кои од Димитриевски од насилник сакаа да направат жртва.

Лажните вести од медиумите на Сорос беа пласирани во текот на целиот ден, па така се редеа разно разни наслови: „Димитриевски нападнат од полицајци во цивилка“, „Пратеникот Димитриевски нападнат од полицајци во кафеана“, па дури и го прогласија насилникот Димитриевски за иден министер за одбрана „Цивилни полицајци (ќосиња) го нападнаа идниот Министер за Одбрана Максим Димитриевски“ и слични.

dimitrievski 1

dimitrievski 2

dimitrievski 3

dimitrievski 4Idniot-minister-za-Odbrana

Медиумите под контрола на СДСМ, а финансирани од Сорос, секогаш кога треба јавноста да се изманипулира за одредена вистина во хор ги објавуваат своите манипулации, така беше и сега.

Ваквите лажни вести и дезинформации беа демантирани од МВР, а во дневниот билтен на Министерството јасно пишува како се одвивал настанот.

„В.А. физички бил нападнат од страна на лицето М.Д. од Куманово, кој во два наврати му удрил тупаници во пределот на  лицето при што му нанел видливи повреди. Полициските службеници од СВР Куманово излегле на местото на настанот и констатирале дека оштетениот со своите пријатели бил гостин во ресторанот и на музиката им порачал одредена песна, но по кратко време кога музиката престанала, истиот се упатил кон оркестарот за да праша зошто запреле, и му се приближило лицето М.Д. кој исто така бил на семејна прослава, и во присуство на повеќе гости го удрил во пределот на лицето два пати со што му нанел телесни повреди. При превземање на потребните мерки и активности обезбедени се лица сведоци кои биле присутни за време на настанот кои го потврдуваат истиот. Пријавениот настан е расчистен и против сторителот М.Д. ќе биде поднесен соодветен поднесок.“, стои во билтенот на МВР.

Ваквите испади на хистерија и вандализам на функционери на СДСМ доаѓаат по големото противење на народот тие насила да формираат Влада врз база на Тиранската Платформа и спротивно на Уставот.

Вчера медиумите излегоа и со фотографии од тепаното момче, на кои се гледаат повредите во пределот на долниот дел од главата.

Maksim-SDSM-pretepal-momce-2 Maksim-SDSM-pretepal-momce-1

Нападнатиот имаше и изјава пред камерите на регионалната телевизија во Куманово.

-До инцидентот дојде кога музичарот дојде кај нас да свири, си порачавме македонска песна. Тогаш дојде Максим, се приближи на нашата маса. Културно му кажавме дека не сакаме да биде со нас тука. Тој си отиде, го викна музичарот и ни ја изгаси музиката. Потоа отидов да прашам зошто го сторил тоа? Тој почна да не навредува, да не пцуе и го прашав зошто прави така? Се заврти кон мене, ми удри два бокса и потоа викнавме полиција, тврди нападнатото момче.

Зоран Заев и СДСМ не смеат веќе да бегаат и да се кријат со празни флоскули и манипулации од народот

Соопштение до јавноста – реакција на соопштението на СДСМ во врска со прес конференцијата на Орце Ѓорѓиевски

Аболицираниот криминалец Зоран Заев и СДСМ не смеат веќе да бегаат и да се кријат со празни флоскули и манипулации од народот.

Граѓаните очекуваат Зоран Заев и СДСМ јасно да ја отфрлат Платформата од Тирана и да се обврзат дека нема да ги реализираат елементите од неа.

Доколку СДСМ го стори тоа, ВМРО-ДПМНЕ ќе гласа за идната Влада која што би ја формирал и предводел Зоран Заев.

Доколку СДСМ смета дека Тиранската Платформа е позитивна за иднината на Македонија и треба да се дебатира околу нејзините елементи, го повикуваме истата да ја стави на најшироката дебата, односно да поддржи распишување на предвремени парламентарни избори заедно со локалните.

Делев: Интернет пропагандата на СДСМ и Сорос достигна нови нивоа на грубо лажење и евтини манипулации

Деновиве интернет пропагандата на СДСМ и Сорос достигна нови нивоа на грубо лажење и евтини манипулации, велат од ВМРО-ДПМНЕ.

Во продолжение следува интегрален текст од прес-конференцијата на Христијан Делев од ВМРО-ДПМНЕ.

Видео записот кој го шират на големо порталите на СДСМ и Сорос, ниту е од Македонија, ниту во него има барем еден точен факт.

На видеото со груба манипулација се изнесени многу лаги кои имаат за цел да ги плашат граѓаните на Гевгелија во функција на предизборната кампања на СДСМ за локалните избори.

Прво, Владата на Република Македонија нема издадено никаква концесија за експлоатација на Кожув. Не постои, ниту се планира рудник за злато на оваа локација.

Единствено е издадена концесија за детални геолошки истражувања за алувијално површинско злато, која сама по себе не предвидува ни приближно ископи од ваков или сличен карактер, како што грубо се лаже во ова пропагандно видео во кое се употребени снимки од Бразил, Папуа Нова Гвинеја и Казакстан.

Геолошките испитувања за кои има дозвола концесионерот на Кожув се научен труд, се изведуваат површински, не предвидува никаква сеча на дрва или употреба на било какви хемиски методи, не се создава прашина, ниту пак има јаловина. Во ваквите површински истражувања не се употребува никаков експлозив, како што е претставено во овој видео клип кој што можете да го видите.

На Кожув нема ниту едно исечено дрво. Граѓаните на Гевгелија треба да бидат спокојни и да не дозволуваат да бидат манипулирани со вакви лажни вести, какви што сме навикнати да гледаме од опозицијата и нивните медиумски експоненти.

Почитувани,

Сведоци сме на организиран атак врз најголемите успеси на Владата на ВМРО-ДПМНЕ: странските инвестиции, минералните суровини и комплетните реформи во државата.

Почитувани опозиционери, не бркајте ги странските инвеститори. Вашиот План за живот нуди враќање на олигарсите во Македонија. Програмата „Реално“ е вистинската програма која нуди прогрес, инвестиции и решенија. Токму затоа речиси половина милион Македонци масовно и мнозински по 10-ти пат по ред гласаа за ВМРО-ДПМНЕ и коалицијата За подобра Македонија, десетти пат по ред.