ВИДЕО: Ова не е битка за власт, ова не е битка за Никола Груевски, ова е битка за ВМРО, битка за Македонија

Ако мислеа дека со фабрикувани избори и организиран изборен инжињеринг ќе не поразат, ќе не срозат, и ќе го поразат духот на Македонците, им порачувам дека притаснале на копче кое само не активира да нашиот организам почне да работи со 120 осто капацитет, изјави лидерот на ВМРО-ДПМНЕ на денешната Свечена академија по повод Денот на македонската револуционерна борба.

  – Сите можеби некогаш и оправдано скептици, како и сите оние кои подлегнале на пропагандата ги повикувам да ја видат суштината и големата слика, и да се приклучат на ВМРО во оваа тешка битка. Битка која само заедно и обединети можеме да ја победиме. Ова не е битка на индивидуалци, или лидери. Тоа е минлива категорија, ова е битка на еден народ за опстанок, за идентитетски и економски опстанок. Храброста, патриотизмот, љубовта, самопрегорот ги добиваш од раѓањето па се до формирањето на личноста и карактерот и на нив не влијаат никакви притисоци. Ние со нашиот карактер и нашиот слободарски дух сме се родиле и не ги менуваме по ни една цена, рече Груевски.

Нивната порив и ниска страст ќе помине, додаде Груевски и нагласи дека ова што денес го прават нема да се заборави.

– Солзите на детето и жената кои го гледаат таткото и мажот како е тепан од разулавена толпа на глутница квазијунаци не ви ги забораваме. Скршените черепи ќе заздрават, ама нема да се заборават. Запалените возила и запалените куќи нема да ги избиршат нашите спомени и нашиот непокор. Одземените покачувања на пензиите ќе ви се паметат. Заканата за укинивање на субвенциите за земјоделецот кој нема да има повисок принос од претходната година, се ваш пораз. Намалената просечна плата, намалениот извоз, индустриско произвоство, девизни резерви, и севкупно економија, денес го загрижуваат и притискаат народот, но за некое време ќе нагазат на вашите плеќи, нема да се заборави. Лагите кои им ги пласиравте на младите ќе ви се вратат како бумеранг. Сликата како го спуштате македонското знаме, го кинете и поганите вечно ќе е во нашите глави. Вашите пораки за Куманово да се деси сладострастието во кое уживавте додека херои се збогуваа со најголемиот дар од Бога – животот, вечно ќе звонат во нашите уши. Нема да ви заборавиме што Делчев и Даме, Карев и Алексанров и Ченто и Кузман, ги правите дека не се бореле за Македонија. Тивкиот плач на таткото кој е скршен затоа што ослободувате убијци на деца ќе пишти во нашата душа!, рече Груевски.

Тие пискотници, крикови, мрачни слики, ќе сведочат за едно мракобесие, и ќе бидат најдобар медиум кој ќе придонесе ова што го прават да не се заборави, и за некое време да се исправи неправдата! Кога неправдата е на сила, единствен одговор е непокорот. И стремежот правдата да се врати! И правдата ќе се врати.

– Колку и да погрешија, очигледно намерно испровоцирани од кршењето на уставот и законите, одкога се виде дека оваа власт спроведува селективна правда, и ослободува најтешки криминалци и убијци, стана јасно дека веќе е бесмислено да се бара одговорност од луѓето кои борејки се за својата земја, поведени од емоциите направија погрешен чекор на 27-ми април. Тие немаат толку мастило за родољубивиот народ од 27 април да го запишат на темните страни на историјата. Не! Тој сентимент, таа емоција, таа на срамен начин испровоцирана реакција која за жал доведе и до неоправдливо насилство во еден дел, но во основа беше длабоко патриотска – не може да ја сквернавите. Македонскиот граѓанин кој чекореше по македонските улици 80 дена со патриотизам, со крената глава и исправена кичма, секогаш ќе биде на СВЕТЛИТЕ СТРАНИЦИ НА МАКЕДОНСКАТА ИСТОРИЈА, и ќе сведочи за едно време во кое една генерација рекла НЕ, а тоа е траг кој не се брише! А оние луѓе кои ги малтретирате по притвори и затвори, ќе ја имаат нашата помош и подршка, и ќе дојде време кога ќе се осветли и тој дел! После секој Илинден, доаѓа нов Илинден! А вие сите ваши криминалци, убијци, дилери на дрога, силувачи, лопови, разбојници да ги ослободите – нема да го скршите нашиот дух. Духот на Македонецот е нескршлив. Нескршлив! Тој само може да се зацрвстува. А Македонецот може да станува само посилен! Ова не е битка за власт, ова не е битка на Никола Груевски, јас сум небитен, ова е битка на ВМРО, битка за Македонија!, рече Груевски.

Вашата одлука е конечна – Само граѓаните одлучуваат за иднината на Македонија

Претседателот на ВМРО-ДПМНЕ Никола Груевски на вечерашниот митинг во Гевгелија истакна дека граѓаните се оние кои на 15-ти октомври ќе одлучат дали ќе продолжи слободното паѓање или тоа ќе биде сопрено и ќе почне новата ера во Македонија.

-Вашата одлука е многу важна – тоа не е само уште една обична одлука. Ние не гласаме само за нашите градоначалници, за нашите градови туку сите ние заедно ќе одлучиме каква ќе биде Македонија по 15-ти октомври. Вашата одлука е конечна. Вие го имате последниот збор. Запомнете дека само граѓаните на Македонија, вие одлучувате за заедничката иднина, за иднината на нашите градови и за иднината на нашата држава, вели Груевски.

Тој нагласи дека се партија на граѓаните на Македонија и се гаранција за силна Македонија.

Груевски посочи дека во изминатиот период од 5 месеци видовме катастрофална економска политика од владата при што преполовени се капиталните инвестиции, индустријата оди надоле, а градежништвото тоне.

-Извоз кој опаѓа, девизни резерви кои секој ден се топат. Просечни плати кои наместо да растат опаѓаат, а беше ветувано раст на просечната плата за 500 евра за секој граѓанин Пензии чие зголемување е укинато, субвенции за земјоделци кои се намалуваат. Ова е сликата за денес. Сиромаштија која расте, а граѓаните ја губат сигурноста. Афери кои се случуваат на дневна основа. Тендери кои си ги делат на луѓето од власта. Ветуваат воздух и живот, ама така апстрактно, несуштински, како ветар и магла. Колата тргна надоле. Ова допира и влијае на сите граѓани. Ова се однесува на судбината на секој од вас. Се работи за нашата држава,
вели Груевски.

Лидерот на ВМРО-ДПМНЕ ги повика и оние кои гласаат за СДСМ, да му се придружат на ВМРО-ДПМНЕ и напорите да се обединат за да направат посилна Македонија.

Груевски нагласи дека Заев не вреди, аграѓаните заслужуваат подобро.

Овој човек не е загрижен за намалување на невработеноста. Тој не е загрижен за развојот и напредокот на нашите градови и општини, не е загрижен за обезбедување на среќата и спокојството на вашите семејства. Погледнете дека тој не е загрижен за земјоделците, работниците, невработените. Тој ги нема сите во својата агенда. Тој нема љубов кон знамето и татковината. Тој многу добро знае дека нема капацитет и способност да превземе одговорност за она што треба да го направи и да го надгради она што ние досега сме го направиле.Тој нема храброст да ги реализира сите решенија и проекти што ги замислуваме за нашата земја. Тој воопшто не може да ја оствари визијата и соништата што ги подготвуваме за Македонија. Дури и соништата на овој човек не можат да нѐ фатат, дури и неговите соништа се зад она што реално го нудиме. Тој е празен. Неговиот капацитет, неговата визија, не се доволни да го направат она што можеме ние да го направиме, дециден е Груевски.

СДСМ свесно оди против волјата на народот затоа што друг ги донесе на власт

Народот ќе гласа за градоначалници и советници, но ќе го каже и своето мислење за директното свесно одење спротивно на волјата на граѓаните, порача Никола Груевски на митингот на Коалицијата во Центар.

-Свесно оди спротивнона волјата на граѓаните со договорот со Бугарија. Свесно одат и со неуставните закони кои се обидуваат да ги поминат во Парламентот. Свесно одат против волјата на народот и со договорот кој го подготвуваат со соседна Грција. Тоа го прават свесно затоа што се свесни дека не е народот тој што ги донесе на власт, друг ги донесе. Затоа кон него се сервилни, а кон народот гледаат со потценување и ја потценуваат неговата интелигенција. И за тоа ќе гласа народот на 15-ти октомври, порача Груевски.

Лидерот на ВМРО-ДПМНЕ говореше и за штетите кои СДСМ во изминативе месеци ги нанесе на македонската економија. Потсети дека извозот е намален, намален е и БДП, се намали и индустриското производство.

-Ветуваа дека просечната плата ќе биде 500 евра. Ај што излажаа, туку просечната плата опадна и се намали. Нема еден економски индикатор кој оди во нивна полза. Сите индикатори говорат дека Македонија оди во рецесија, дека економијата тоне и дека работите одат во лош правец. Во економијата надолниот тренд не се чувствува веднаш, треба малку време. 172 милиони евра се намалија девизните резерви. Во наше време 10 % од тоа да се намалеше, ќе направеа драма. Сега молчат, но народот гласајќи за Трајановски и Јовановски истовремено ќе гласа и за колапсот на економијата, рече Груевски.

Лидерот на ВМРО-ДПМНЕ посочи дека во новата ера ќе бидат отворени 150.000 работни места, невработеноста ќе се намали на под 10 %, граѓаните ќе гласаат за намалување на сиромаштијата за ¾, преполовување на невработеноста кај младите и за 2,5 пати зголемување на просечниот приход по глава на жител во Македонија.

-На крајот на 2006-та година кога дојдовме на власт во Центар имало 10.500 невработени луѓе во цела општина. На крајот на 2016-та има 3.180 невработени. Новата ера е намалување на невработеноста и отворање на нови работни места, истакна Груевски.

Груевски: Граѓаните на 15 октомври ќе кажат дали Илинденското востание било македонско или бугарско

Секојдневните обиди и убедувања дека со штетни договори за Македонија ќе изградат пријателство, е исто така потценување на интелигенцијата на народот, истакна лидерот на ВМРО-ДПМНЕ Никола Груевски на големиот митинг во општина Центар.

-Отидоа со Бугарите прифатија се за една минута, без никакви преговори. Прифатија дека Илинденското востание не било македонско, било бугарско, Гоце, Даме, Питу, Карев и така натаму биле Бугари. 11 октомври- првата пушка против фашизмот не било востание, било идеолошка борба помеѓу двете спротивставени страни на Бугарите во Македонија. Ќе им каже сега македонскиот народ на 15 октомври чие е Илинденското востание и што е 11 октомври. На 15 октомври ќе добијат одговор и за 11 октомври и за Илинденското востание и за тоа дали ние сме биле виновни што не се решил спорот со Грција и со Бугарија договорот и дали ние сме биле виновни што не сме прифатиле промена на името на државата, името на нацијата, на јазикот. Гласајќи за градоначалници и советници, граѓаните ќе дадат свое мислење и за тоа.

СДСМ не го почитува народот затоа што тој не ги донесе на власт: Народот сака партија и политичари кои држат до дадениот збор

Народот сака партија и политичари кои држат до дадениот збор. На нашите опоненти некој им кажал да одат со паролата „Зборот е збор“. Најверојатно нивните ПР куќи направиле истражување и дошле до заклучок дека една од најслабите точки им е тоа што народот е свесен дека не држат до дадениот збор. Народно кажано, дека лажат. Кога ќе дојдат избори ќе се изналажат колку што можат, а потоа ако нешто малку од тоа исполнат или ништо нема да исполнат. Им кажале тоа ви е слаба страна, народот го знае тоа, истражувавме, затоа одете со парола „Зборот е збор“. Ама народот е свесен, народот знае, народот памети. Памети кој во минатото тоа што го ветувал го реализирал. Ова го порача лидерот на ВМРО-ДПМНЕ, Никола Груевски, на партискиот митинг во Кисела Вода.

Во 2006 година, Кисела Вода имаше вработени вкупно 7420 луѓе. Денес во Кисела Вода има 15.200 вработени, тоа се 8000 нови работни места. Тоа е реализација. Нас не ни треба слоган „Зборот е збор“, затоа што делата говорат за нас, реализираното говори за нас. Тоа е ВМРО-ДПМНЕ, тоа е оваа Коалиција и само така може да оди напред. На овие избори нема да се гласа само за градоначалници и советници иако тоа е примарната работа. Народот има уште најмалку две причини да излезе и да гласа. Паралелно давајќи го гласот за градоначалник и советници да се изјасни и за две други работи. Првата е за помрачувањето што ни се случува во овие четири ипол месеци, за сето она што ја снајде Македонија и граѓаните откако на еден неуставен начин се избра претседател на Парламентот. Сега, на 15 октомври народот ќе каже што мисли за ова. Масовно, непоколебливо и сега. На 15-ти октомври моќта е во рацете на народот, секој да си каже што мисли за помрачувањето, за назначување на претседател на Собрание на насилнички начин. На 15-ти народот ја има шансата да го каже своето мислење за целокупното незаконско работење на СДСМ, за незаконието при вработувањата, отпуштањата, разрешувањата, за незаконските тендери, порача Груевски.

Лидерот на ВМРО-ДПМНЕ потенцира дека на изборите народот ќе се изјасни и за демонстрирањето на сила и насилие во Македонија.

– Демонстрацијата на сила е очигледна секој ден. Кривични пријави во првите 10 дена на над 10 кандидати за градоначалници од ВМРО-ДПМНЕ. Тоа е инструмент на политичка борба на СДСМ, покажува какво кршење на демокртатијата носат тие. Во Македонија прв пат имаме убиство на кандидат во кампања. Еден од кандидатите во Кичево, денеска подлегна повредите од испуканите куршуми, почина. Прв пат имаме скршен череп на кандидат за градоначалник и актуелен градоначалник. Имаме однесување кон кандидатите на ВМРО-ДПМНЕ со вперување на пиштоли во глава, имаме насилничко однесување од МВР кое се превори во партиска испостава. Имаме целосно кршење на демократијата. И уште ни говорат дека изборите ќе биле фер и демократски. Изборите веќе се гледа дека не се ниту фер, ниту демократски. Се кршат изборните правила со демонстрација на сила и насилство. Но, народот има шанса да го каже своето мислење за ВМРО-ДПМНЕ, против СДСМ, порача Груевски во Кисела Вода.

Тој посочи дека граѓаните ќе се изјаснат и за секојдневните измами од страна на СДСМ, како филмската измама со САНОС, лажењето за состанок со Трамп, лагите за договорите со соседните земји и редица други. Груевски вели дека СДСМ не го почитува народот затоа што тој не ги донесе на власт.

Груевски: Граѓаните ќе се изјаснат и за насилието на СДСМ, помрачувањето, изборот на Џафери, филмските измами и лагите

Народот сака партија и политичари кои држат до дадениот збор. На нашите опоненти некој им кажал да одат со паролата „Зборот е збор“. Најверојатно нивните ПР куќи направиле истражување и дошле до заклучок дека една од најслабите точки  им е тоа што народот е свесен дека не држат до дадениот збор. Народно кажано, дека лажат. Кога ќе дојдат избори ќе се изналажат колку што можат, а потоа ако нешто малку од тоа исполнат или ништо нема да исполнат. Им кажале тоа ви е слаба страна, народот го знае тоа, истражувавме, затоа одете со парола „Зборот е збор“. Ама народот е свесен, народот знае, народот памети. Памети кој во минатото тоа што го ветувал го реализирал. Ова го порача лидерот на ВМРО-ДПМНЕ, Никола Груевски, на партискиот митинг во Кисела Вода.

-Во 2006-тата година, Кисела Вода имаше вработени  вкупно 7420 луѓе. Денес во Кисела Вода има 15.200 вработени, тоа се 8000 нови работни места. Тоа е реализација. Нас не ни треба слоган „Зборот е збор“, затоа што делата говорат за нас, реализираното говори за нас. Тоа е ВМРО-ДПМНЕ, тоа е оваа Коалиција и само така може да оди напред. На овие избори нема да се гласа само за градоначалници и советници иако тоа е примарната работа. Народот има уште најмалку две причини  да излезе и да гласа. Паралелно давајќи го гласот за градоначалник и советници да се изјасни и за две други работи. Првата е за помрачувањето  што ни се случува во овие четири ипол месеци, за сето она што ја снајде Македонија и граѓаните откако на еден неуставен начин се избра претседател на Парламентот. Сега, на 15-ти октомври народот ќе каже што мисли за ова. Масовно, непоколебливо и сега. На 15-ти октомври моќта е во рацете на народот, секој да си каже што мисли за помрачувањето, за назначување на претседател на Собрание на насилнички начин. На 15-ти народот ја има шансата да го каже своето мислење за целокупното незаконско работење на СДСМ, за незаконието при вработувањата, отпуштањата, разрешувањата, за незаконските тендери, порача Груевски.

Лидерот на ВМРО-ДПМНЕ потенцира дека на изборите народот ќе се изјасни и за демонстрирањето на сила и насилие во Македонија.

-Демонстрацијата на сила е очигледна секој ден. Кривични пријави во првите 10 дена на над 10 кандидати за градоначалници од ВМРО-ДПМНЕ. Тоа е инструмент на политичка борба на СДСМ, покажува какво кршење на демокртатијата носат тие. Во Македонија прв пат имаме убиство на кандидат во кампања. Еден од кандидатите во Кичево, денеска подлегна повредите од испуканите куѕршуми, почина.  Прв пат имаме скршен череп на кандидат за градоначалник и актуелен градоначалник. Имаме однесување кон кандидатите на ВМРО-ДПМНЕ со вперување на пиштоли во глава, имаме насилничко однесување од МВР кое се превори во партиска испостава. Имаме целосно кршење на демократијата. И уште ни говорат дека изборите ќе биле фер и демократски.  Изборите веќе се гледа дека не се ниту фер, ниту демократски. Се кршат изборните правила со демонстрација на сила и насилство. Но, народот има шанса да го каже своето мислење за ВМРО-ДПМНЕ, против СДСМ, порача Груевски во Кисела Вода.

Тој посочи дека граѓаните ќе се изјаснат и за секојдневните измами од страна на СДСМ, како  филмската измама со САНОС, лажењето за состанок со Трамп, лагите за договорите со соседните земји и редица други. Груевски вели дека СДСМ не го почитува народот затоа што тој не ги донесе на власт.

Груевски: СДСМ беше поразена и по вештачки пат донесена на власт, народот на 15-ти ќе може да се изјасни дали се согласува со тоа

Овие избори се повеќе од локални избори. За прв пат во Македонија имаме Влада која на изборите беше поразена од народот. Но, потоа од некој друг беше составена и сега раководи со земјата, спротивно на волјата на народот, спротивно на интересите на овој народ во Македонија, порача лидерот на ВМРО-ДПМНЕ, Никола Груевски, на митингот во Битола.

На овие избори, освен што Битола ќе може да го избере Зоран Илиоски за градоначалник и советниците, ќе се изјасни и за многу други работи кои се случуваат, ќе се изјасни и за начинот како се избра претседател на Парламентот. Сите знаеме како се избра претседател на Парламентот. На 15 октомври, битолчани ќе кажат дали се согласуваат со таков избор на претседател на Парламентот и таков избор на Влада, но и дали се согласуваат државата да ја води партијата која во Република Македонија беше поразена, порача Груевски.

Тој на битолчани им посочи дека на овие избори освен за градоначалници и советници граѓаните ќе се изјаснат и за намерата на Владата за носење на мигранти во Македонија.

Знам дека кога ВМРО-ДПМНЕ беше на власт од нас бараа да се донесат и доселат во Македонија 150.000 мигранти. Ние тоа не го прифативме затоа што сме свесни дека тоа е огромен товар за Македонија. Дека ние имаме се уште висок број на невработени и ние не можеме за нив да обезбедиме работа, а камоли за уште 150.000 мигранти. Од нас се бараше да се населат, да им се дадат државјанства, да им се помогне за вработување и за вклопување во средината. Ние тоа не го прифативме и меѓудругото затоа не чиневме. Некој друг тоа го прифатил и не беше случајно што пред неколку месеци избрзаа и ја објавија стратегијата за мигранти од која се виде дека сакаат да населуваат во голем број општини мигранти вклучувајќи и тука во Битола. Планот е, извесно време по локалните избори, најпрво да се доселат долж јужната граница на Македонија, во специјални бегалски кампови, а потоа како ќе се градат нови куќи или згради, така да се вселуваат, истакна лидерот на ВМРО-ДПМНЕ.

Груевски потсетува дека кога ВМРО-ДПМНЕ беше на власт им помагаше на мигрантите додека траеше политиката на слободен транзит, им даваа лекарска помош, хуманитарна помош. Но, вели тој, СДСМ прифатиле да прифатат огромна бројка на мигранти да се преселат во Македонија, само за да дојдат на власт.

Граѓаните на претстојните избори според Груевски, ќе се произнесат и за работата на владата на СДСМ, која вештачки беше донесена.

Ќе се произјаснат и за секојдневната демонстрација на незаконско работење, незаконски назначувања, незаконски разрешувања, незаконски вработувања. Незаконски тендерски постапки, ставање на министри да бидат и советници на министри, сами себе да се советуваат за да земат пари. Вакви незаконски работи досега немало во Македонија. Паралелно со гласањето за градоначалници и советници, секој граѓанин на Битола ќе го каже своето мислење и за секојдневното демонстрирање на сила од новозалепената власт која ги загуби изборите, но ја составија. Граѓаните ќе кажат дали се согласува со начинот на кој СДСМ ги води овие избори. Имаме еден градоначалник со скршен череп, имаме кандидат за градоначалник кој беше третиран од полицијата како терорист со вперено оружје. Имавме пукање во западна Македонија меѓу кандидати за советници. На 10 кандидати им пуштија непостоечки кривични пријави. Тоа е демонстрирање на сила без правна основа, рече Груевски.

Лидерот на ВМРО-ДПМНЕ потсети на филмската измама која СДСМ се обиде да ја направи со САНОС, на лагата на Заев дека се сретнал со Трамп, на штетните договори со Бугарија и Грција и порача дека сето ова ќе биде казнето од страна на граѓаните.

Груевски: СДСМ со штетни договори оди спротивно на волјата на народот, затоа на 15 октомври ќе го добие одговорот!

Лидерот на ВМРО-ДПМНЕ Никола Груевски од денешниот митинг во Ресен истакна дека СДСМ одат спротивно на волјата на народот.

-Склучија штетен договор со Република Бугарија, ние немаме ништо против Република Бугарија, напротив, сакаме да имаме пријателски односи, сакаме да бидеме сојузници, имаме и причина соседи сме. Сме имале разни моменти низ минатото, зошто да не е така.Сакаме да се склучи договор за добрососедство, се е тоа во ред. Меѓутоа, да се склучи договор без воопшто да се преговара за неколку точки кои се многу важни и чувствителни за нас, да се прифатат од прв момент само за некому друг да се допаднат, а не на граѓаните, тоа е штетен договор. Секоја чест за премиерот на Бугарија што за неговата земја успеа д да прави таков договор, но нашиот народ ќе си каже на 15 октомври што мисли за договорот со Бугарија, посочи Груевски.

Груевски: На 15-ти октомври народот ќе го каже своето мислење за насилието, лагите и измамите на СДСМ

На овие избори, граѓаните освен што ќе се изјаснат за кандидатите за градоначалници и советници, ќе го кажат и своето мислење за помрачувањето кое се случи откако СДСМ беше донесена на власт. Ова го порача лидерот на ВМРО-ДПМНЕ, Никола Груевски, на вечерашниот митинг во Ресен.

– Граѓаните ќе го поддржат ВМРО-ДПМНЕ за тоа што го направи, што го исполни она што го вети, но на изборите ќе го дадат и своето мислење за работите што се случија минативе 4 ипол месеци. Овие месеци имаме секојдневна демонстрација на едно незаконско работење, свесно незаконско работење. Незаконски назначувања, незаконски разрешувања, незаконски вработувања. Никој не ферма закон.  Народот тоа не го сака, народот сака ред и поредок, правда и еднаквост за сите. Не едни да мора да работат по закон, а овие новодојдените кои ги залепија на сила да направат Влада, да работат незаконски и како што посакуваат. Погледнете што прават, министрите се ставаат истовремено и да бидат советници на министрите, за да земеле повеќе пари. Народот ќе го каже своето мислење на 15-ти октомври и за ова, дали сака ова да продолжи и во иднина. На 15-ти октомври покрај изразувањето на поддршка за новата програма, граѓаните ќе се произнесат и за секојдневната демонстрација на сила од страна на новодонесената власт. За 10 дена откако ги објавивме кандидатите за градоначалници, на десетмина им измислија кривични пријави. За неколку дена гледаме насилство, насилие, демонстрација на сила. Кандидат за градоначалник во Шуто Оризари е претепан до бесознание, со скршен череп. Друг, во западниот дел на Македонија е погоден со куршуми, имаше хирушка операција, ги спасуваат неколку луѓе. На нашиот кандидат за градоначалник на Кавадарци му вперија оружје во глава, 10 минути третман како да е најголем терорист, рече Груевски.

Лидерот на ВМРО-ДПМНЕ порача дека на 15-ти октомври народот ќе го даде своето мислење и за секојдневните измами со евидентни докази.

-Направија една филмска измама демек не биле тие за странските инвестиции, ама биле многу за домашните. Ама бидејќи поминаа 3-4 месеци и нема ништо ново кај домашните инвеститори, решија да прикажат дека настанала некоја нова, домашна компанија која почнала да произведува автобуси и ќе извезува во цел свет. Се наредија да се сликаат таму, во еден автобус кој го нашле некаде, викаат дека почна производство во Санос, почна извоз, ќе им дадеме и поддршка од буџетот, субвенции, честитање, се избација. По неколку дена отидоа новинарите, проверија преку Централен регистер, преку УЈП, на лице место. Ниту има промет во фабриката, ниту влегле пари, ниту излегле, ниту вработени, ниту менаџмент, ниту автобуси. Фабриката стои старата, со скршени прозори, внатре нема работници, само пајажина. Такви филмски измами имаме се почесто и почесто. Две недели однапред беше најавен состанок со претседателот на Америка и ни беше презентирано дека го имало, но снимките од салата покажаа дека имало само една секунда поздравување, рече Груевски.

Порача дека на 15-ти октомври, народот ќе го каже своето мислење за начинот на кој новата власт ги лаже и потценува граѓаните.

Груевски: Изминатите месеци видовме каква е вештачки создадената власт – едно ветуваа, друго се случува

Овде сме ние, а изминатите 4 ипол месеци видовме што направи новата владејачка гарнитура – залепена, составена, поразена па направена да биде власт. Ние направивме многу нешта, може да видите и од отчетите што ги поделивме- ова сме ние. Изминатите 4 илоп месеци ги видовме какви се овие од вештачки-создадената власт. Нарушени национални интереси, штетен договор со Бугарија, најава за смена на името и идентитетот на македонскиот народ, колапс на економијата.

Ова го истакна лидерот на ВМРО-ДПМНЕ Никола Груевски на големиот митинг во општина Македонски Брод.

-Пензионерите ги оставија без зголемување, ги намалија платите, се добива пониска плата отколку пред 4 ипол месеци, просечната плата е намалена за 420 денари, а ветуваа дека ќе се зголемува и дека ќе биде 500 евра. Падна индустриското производство, падна БДП, паднаа девизните резерви за 170 милиони евра и тоа за 3 месеци, а даноците јавно објавија дека ќе ги зголемуваат, но нормално после изборите, не сакаат сега за луѓето да гласаат за нив, па потоа ќе им ги качат даноците.

Куп афери, додаде Груевски, со неисполнети ветувања- граѓаните не го добија ветениот поврат на ДДВ, нема поефтина струја, нема повисоки плати, ќе ги кратат и субвенциите за земјоделците, а ветуваа 10 % зголемување.

-Непотизам и тендери за лично богатење колку Ви душа сака. Едно зборуваа, друго прават, едно ветуваа, друго се случува. Ние тоа што го ветуваме, ние тоа и го исполнуваме. Нашиот збор вреди- ветивме повисоки пензии, зголемени плати, воведување и покачување на субвенциите, нови работни места и тоа го исполнивме.