Груевски: Почнува ново утро, доаѓаат нови победи – Утре ќе ја презентираме нашата визија, нова ера за Македонија

gruevski-konvencija-vmro-2016-stisnata-tupanica

Претседателот на ВМРО-ДПМНЕ Никола Груевски на социјалната мрежа Фејсбук соопшти дека утре партијата ќе ја презентира новата визија, новата ера за Македонија.

-Утре во 20 часот во спортскиот центар Борис Трајковски, ќе ја презентираме нашата визија, новата ера за Македонија! Почнува ново утро, доаѓаат нови победи! Подобри денови за граѓаните. Имаме одлични програми, читајте ги внимателно и направете ја разликата! пишува Груевски на Фејсбук.

Груевски: Законот за јазици е неуставен, а односот на Заев и СДСМ кон Албанците е нечесен

Gruevski-Alsat-M-2

Според сите истражувања на јавното мислење најбитната работа за Албанците е економијата, отворањето на нови работни места, зголемување на животниот стандард и зголемувањето на платите и пензиите, ова претседателот на ВМРО-ДПМНЕ Никола Груевски го истакна вечерва во емисијата „200“ на телевизија Алсат.

-ВМРО-ДПМНЕ нема ништо против употребата на јазиците на сите етнички заедници во Македонија вклучувајќи ја и албанската, впрочем во 2008 се донесе законот за употреба на јазиците и се донесе во време кога ВМРО-ДПМНЕ ја водеше Владата, но она што ние не се залагаме да се случи е да не се донесе закон кои што ќе биде против уставен и кои што подоцна може да падне на уставниот суд. Имено од она што ние можеме да го видиме во овој период СДСМ и Зоран Заев одат на таа карта да пред локалните избори понудат закон за албанскиот јазик со кои што се зголемуваат правата на начини на кои што се спротивни на Уставот и тоа што го планираат по локалните избори откако ќе ги измамат и ќе ги поддржат веројатно поголем број на Албанци или ќе го корегираат тоа или ќе го донесат па Уставниот суд ќе го поништи, тоа е нечесно и не е фер кон Албанците, тоа е некоректно, потенцираше Груевски.

Тој вели дека засега првата фаза од овој закон предложен од СДСМ и ДУИ е неуставен, тој вели и дека доколку втората фаза е уставна тие како партија ќе го поддржат овој закон за јазиците.

-Ние се противиме да се донесе закон за јазиците кои што е неуставен, ние сакаме се да е согласно со уставот, а во овој дел огромен дел од законот е неуставен и нашите пратеници секој ден го потенцираат тоа во детали и посочуваат што е неуставно, вели Груевски.

Додека ВМРО-ДПМНЕ градеше за Албанците, СДСМ ги купуваше нивните гласови со лаги, измами и клеветења

Gruevski-Alsat-M-1

Фактите се на наша страна, смета лидерот на ВМРО-ДПМНЕ, навраќајќи се на, како што рече новинарот Рашиди, „погрешната перцепција за него, за ВМРО-ДПМНЕ во однос на исте меѓуетнички политики во Македонија, или кон Албанците“. Тој повторно потенцира дека политиката на ВМРО-ДПМНЕ била насочена кон решавање на реалните проблеми на Албанците, кои произлегуваат од секојдневниот живот и чиешто решавање директно влијаело за подобрување на нивниот стандард.

Од донесувањето на Леар во Тетово со планирани 3000, а веќе оставрени 1000 вработувања, дали станува збор за земјоделието, за субвенциите, само во олошкиот регион според нашата евиденција Албанците имаат земено над 40 милиони евра, дали станува збор за решавање инфраструктурни проекти – во општините каде што се Албанците доминантно население инвестирани се над 400 милиони евра.

– Паралелно на тоа, се водеше очигледно силна медиумска кампања против ВМРО-ДПМНЕ и против мене лично како претседател на партијата дека сме националисти, шовинисти, дека не ги сакаме Албанците, дека им мислиме нешто лошо, што беше тотално неточно. Ние мислевме дека преку секојдневните настапи Албанците ќе го разберат тоа, затоа што гледат дека ивестираме во албански средини, дека отвораме 10 нови факултети на Тетовскиот универзитет, отворивме нов универзитет „Мајка Тереза“, изградивме 35 нови училишта само во четирите општини со доминантно албанско население, реконструиравме над 100 училишта, потсети Груевски.

Груевски е дециден дека колку и да изгледа нормално дека секој премиер го прави тоа за граѓаните, вклучувајќи ги и Албанците, тоа во Македонија не е точно. Груевски потсети на премиерите пред него, во чиешто време не било направено во однос на она што го сработи владата на ВМРО-ДПМНЕ.

-Очигледно некој виде дека е прочитан кај Македонците, дека измамите, лажните обвинувања не поминуваат, мислам на СДСМ, и отиде на стратегија да ги привлече албанските гласачи така што ќе го оцрнат ВМРО-ДПМНЕ до таа мера што Албанците ќе почнат да гласаат за нив и на тој начин ќе се приближат со гласачкото тело до ВМРО-ДПМНЕ.

Груевски на „Алсат“: Се трудевме да решаваме проблеми за сите граѓани, без разлика на националноста

Gruevski-Alsat-M

Ние од секогаш сме се труделе да направиме работи во Македонија со кои што ќе ги решаваме проблемите и потребите на сите граѓани, факт е дека во минатото многу често од некои медиуми, а особено од албанските бевме оцрнувани како политичка партија која што им мисли лошо на Албанците, ова во емисијата „200“ на телевизија Алсат го истакна лидерот на ВМРО-ДПМНЕ Никола Груевски.

-Во реалноста спротивно на тоа ние направиме многу позитивни работи за Албанците и ние кога ја имавме поддршката од мнозинството граѓани на Македонија во минатото работевме многу работи кои што се важни за сите граѓани и се трудевме да решаваме реални проблеми.  Само во четири големи општини каде што живее доминантно албанско население се отворија 25 илјади нови работни места во последните девет години, а според податоците во Тетово имаме 7.350 повеќе вработени во споредба со 2006 година и бројот на вработени е зголемен за 59 проценти, во Гостивар 5.620 повеќе работни места споредено со 2006 и бројот на вработени се зголемил за 76 проценти, во Боговиње имаме 1.100 нови работни места споредено со 2006 и зголемен е бројот на вработени за 176 проценти, во Струга 4.000 нови работни места и 53 проценти  зголемување на вработеноста, Куманово 8.000 работни места и зголемување на вработеноста за 53 проценти, Арачиново за 230 проценти, Чаир за 156 проценти, ова е доказ дека ние бевме фокусирани во најголемиот дел на решавање на реалните проблеми на граѓаните при што не ги делевме луѓето дали се Македонци, Албанци,Турци и за сите се обидувавме да се отворат нови работни места, истакна Груевски.

Тој истакна дека фактите се на нивна страна кога станува збор за нови работни места, донесувањето на „Леар“ во Тетово и планирани 3.000, а веќе 1.000 вработени лица, кога станува збор за земјоделието и субвенциите каде што според нивните информации само Албанците во полошкиот регион тие имаат земено над 40 илјади евра,кога станува збор за решавање на инфраструктурни проекти каде доминантно живеат Албанци имаме инвестирано над 400 милиони евра за тоа.

Анкета на „Димитрија Чуповски“: Груевски дупло појак од Заев, ВМРО-ДПМНЕ со убедлива предност пред СДСМ во пресрет на локалните избори

institut-dimitrija-cupovski

ВМРО-ДПМНЕ има огромна предност пред СДСМ во пресрет на локалните избори кои ќе се одржат на 15 октомври. Според анкетата на институтот „Димитрија Чуповски“, 28,4 отсто од гласачите би гласале за ВМРО-ДПМНЕ доколку утре се одржат избори, а за СДСМ би гласале 18,1 процент.

Според анкетата, најголема доверба ужива претседателот на ВМРО-ДПМНЕ, односно 29,2 отсто, а премиерот Зоран Заев има само 14,8 проценти доверба од граѓаните.

Анкетата е спроведена од 13 до 16 септември. Испитувањето на јавното мислење е направено телефонски, а партиципирале 1.124 испитаници.

-Анкетата беше спроведена со цел да се измерат генералните перцепции во пресрет на локалните избори закажани за 15 октомври. Оваа анкета беше спроведена на ниво на цела Република Македонија и притоа беа земени сите демографски карактеристики, се вели во соопштението од Институтот Димитрија Чуповски.

Груевски: Нашите градоначалници ги чека тешка задача, за секоја општина ќе имаме посебна програма и концепт за развој

Gruevski-tribina-Konrad-Adenauer-1

Претседателот на ВМРО-ДПМНЕ, Никола Груевски на денешната Политичка академија која ја организираа Кондар Аденауер и институтот „Павел Шатев“, се обрати до кандидатите за градоначалници на ВМРО-ДПМНЕ кои ќе ја имаат одговорноста да го спроведат она што го има во програмите на ВМРО-ДПМЕ.

– Најголемите резултати во животот најчесто се постигнуваат со едноставни средства и искажување на вообичаени одлики. Имајте доверба во себе, затоа што ќе ја имате довербата од народот, ветувајте го она што се сигурни дека ќе го направите, така ќе ја имате самодовербата и довербата од народот подоцна. Како што Ганди велеше „Бидете промента која сакате да ја видите“. Ние, никогаш не ветуваме дека ќе решиме се, свесни сме дека има уште многу работа, и ние знаеме како понатаму, граѓаните со нас се на сигурно, порача Груевски.

Тој напомена дека нивните противници ќе ветуваат чуда и волшебни решенија, бидејќи тие немаат друг избор. И тие немаат образ да останат на зборот, и тоа го покажаа во минатото безброј пати, а во последните три месеци триесет пати го сменија зборот, го погазија кажаното, се демантираа, потенцираше Груевски.

– Кога на национално ниво ветуваа, а не остваруваа, тоа ќе биде пресликано и на локално ниво. Народот е мудар и знае да разликува што е реално и остварливо, а што не е, и уште поважно народот знае кој држи до зборот а кој не, кога ќе ветиме остваруваме. Ние оставаме за нас да говорат делата, кои се гледаат, чувствуваат, посетуваат, користат, кои помагаат, изјави Груевски.
Тој на кандидатите за градоначалници им порача дека ги чека тешка и одговорна работа.

– За секој град за секоја општина ќе имаме конкретна програма. Таа програма ќе биде концептот за развој на секое место на живеење. Конкретни и одмерени проекти кои ќе бидат реализирани, а ве уверувам дека секој од градоначалниците ќе ја има мојата поддршка, но и мојот притисок секое ветување да биде остварено. Приоритет ќе биде развој на локалната економија. Поддршка на компаниите и овозможување на подобри услови за стопанисување. Зајакнување и формирање на повеќе индустриски зони кои ќе обезбедат повеќе приходи и повеќе работа за луѓето, тоа одлично тргна во претходниот мандат треба да продолжи. Секоја општина која што ја нема треба да ја создаде индустриската зона, секоја општина која што ја има, а се веќе распродадени локациите, треба или да ја прошири или да формира нова индустриска зона. Затоа што тоа е основната работа која што е потребна на граѓаните на Република Македонија, нови работни места, кои не може да ги има ако еден градоначалник не обезбеди обезбеди услови во инфустриска зона, изјави Груевски.

Груевски: За секој град, за секоја општина ќе имаме конкретна програма, концепт за развој на секое место на живеење

Gruevski-tribina-Konrad-Adenauer

Лидерот на ВМРО-ДПМНЕ, Никола Груевски на денешната Политичка академија која ја организираа Кондар Аденауер и институтот „Павел Шатев“, се обрати до кандидатите за градоначалници на ВМРО-ДПМНе кои ќе ја имаат одговорноста да го спроведат она што го има во програмите на ВМРО-ДПМЕ.

-Најголемите резултати во животот најчесто се постигнуваат со едноставни средства и искажување на вообичаени одлики. Имајте доверба во себе, затоа што ќе ја имате довербата од народот, ветувајте го она што се сигурни дека ќе го направите, така ќе ја имате самодовербата и довербата од народот подоцна. Како што Ганди велеше „Бидете промента која сакате да ја видите“. Ние, никогаш не ветуваме дека ќе решиме се, свесни сме дека има уште многу работа, и ние знаеме како понатаму, граѓаните со нас се на сигурно, порача Груевски.

Тој напомена дека нивните противници ќе ветуваат чуда и волшебни решенија, бидејќи тие немаат друг избор. И тие немаат образ да останат на зборот, и тоа го покажаа во минатото безброј пати, а во последните три месеци триесет пати го сменија зборот, го погазија кажаното, се демантираа, потенцираше Груевски.

-Кога на национално ниво ветуваа, а не остваруваа, тоа ќе биде пресликано и на локално ниво. Народот е мудар и знае да разликува што е реално и остварливо, а што не е, и уште поважно народот знае кој држи до зборот а кој не, кога ќе ветиме остваруваме. Ние оставаме за нас да говорат делата, кои се гледаат, чувствуваат, посетуваат, користат, кои помагаат, изјави Груевски.

Тој на кандидатите за градоначалници им порача дека ги чека тешка и одговорна работа.

-За секој град за секоја општина ќе имаме конкретна програма. Таа програма ќе биде концептот за развој на секое место на живеење. Конкретни и одмерени проекти кои ќе бидат реализирани, а ве уверувам дека секој од градоначалниците ќе ја има мојата поддршка, но и мојот притисок секое ветување да биде остварено. Приоритет ќе биде развој на локалната економија. Поддршка на компаниите и овозможување на подобри услови за стопанисување. Зајакнување и формирање на повеќе индустриски зони кои ќе обезбедат повеќе приходи и повеќе работа за луѓето, тоа одлично тргна во претходниот мандат треба да продолжи. Секоја општина која што ја нема треба да ја создаде индустриската зона, секоја општина која што ја има, а се веќе распродадени локациите, треба или да ја прошири или да формира нова индустриска зона. Затоа што тоа е основната работа која што е потребна на граѓаните на Република Македонија, нови работни места, кои не може да ги има ако еден градоначалник не обезбеди обезбеди услови во инфустриска зона, изјави Груевски.

Груевски кажа дека економската приказна која ја градевме толку долго и успешно на национално ниво која донесе многу работни места, ќе ја пресликаме и на локално ниво. Економијата е нашиот прв приоритет, потенцираше Груевски.

-Ќе се инвестира и во градба на водоводи и канализациони системи. Поудобниот живот на граѓаните и решавањето на проблемите во секојдневието ќе биде задача на секој градоначалник. Градењето на нови паркови, игралишта и сали за младите исто така ќе биде дел од работата која ќе донесе подобар живот. Инвестициите во животната средина, создавање на зелени појаси исто така ќе биде дел од понудата. Најважно секој градоначалник потребно е да има отворен и одговорен однос спрема граѓаните, секогаш достапни, со чесен и искрен однос, изјави Гуревски.

Груевски порача дека покрај реализирањето на програмата, покрај исполнувањето на се она што било ветено, исклучително значајно за секој граданочалник, не само во кампањата, потоа е да има соодветен и коректен однос со луѓето, да ги сослушува, да бара максимум начини да им помогне. Тој кажа дека дури и во оние моменти кога нема да успее, а луѓето видат дека дава максимум од него да се потруди да им помогне, граѓаните ќе го вреднуваат тоа.

-Затоа не заборавајте две работи, да го исполните ветеното и да останете на земја со луѓето, да не се возвишите и да помислите дека сега сте избрани, и дека готово е, времето поминува, односот со луѓето е она што ќе се запомни, она што ќе ви биде важно, ќе ви биде пресудно на наредните избори. Во нас е одговорноста, бидејќи граѓаните во огромно мнозинство нам ни веруваат. Овие избори се одлука за секој еден граѓанин и за неговата иднина. За тоа кој има остварливи решенија на проблемите! Со ВМРО-ДПМЕ е сигурно. Секогаш со работливост, секогаш за инвестиции, секогаш  за нови работни места, нови водоводи, подобар живот. Секогаш за Македонија, изјави Груевски.

Груевски: ВМРО-ДПМНЕ покажа дека знае да работи и создава, на Македонија ѝ се потребни дела, а не само зборови

Nikola-Gruevski-Konrad-Adenauer

Лидерот на ВМРО-ДПМНЕ денеска стандардно пред локалните избори беше присутен на политичката академија која ја прават во соработка Конрад Аденауер и иститутот „Павел Шатев“, тој изрази големо задоволство за соработката со германската фондација Конрад Аденауер.

-Особено е задоволството што соработката со германската фондација Конрад Аденауер преминува во едно традиционално пријателство. Отвореноста на фондацијата да помогне и да се соработува во проекти кој се корисни за јакнење на капацитетите и функционалноста на демократијата што е нужна за напредокот на едно општество преставуа капитал кој ни е корисен во функционирањето на нашата партија, изјави Груевски

Груевски напомена дека токму првиот допир со демократијата и првиот впечаток се гради токму на локално ниво, преку функционирањето на локалната самоуправа.

-Токму со локалната самоуправа, со нејзиното функционирање, со изборите се наоѓаме во период каде демократскиот капацитет на институциите ќе бидат ставени на тест. Пред нас се локалните избори на кој народот ќе одлучи кој може подобро да се грижи за неговите интереси, и да понуди решенија за секојдневните проблеми, изјави Груевски.

Тој кажа дека во минатото ВМРО-ДПМНЕ и коалицијата за подобра Македонија, покажа дека умее и знае да работи.

-Ако со еден збор би се опишало нашето дејствување, тоа е работа. Работа која донесе многу решенија за граѓаните, за нивните проблеми, нивните очекувања, нови патишта, водоводи и канализациии, нови улилишта и градинки, нови паркови, спортски игралишта и сали, нови стандарди во секој поглед и во секое поле. Секако има и работи кои можеле да се направат подобро, но важно е што секогаш се работеше максимум за доброто на граѓаните, изјави Груевски.

Тој порача дек овие локални избори не се само обични избори, затоа што сега се наоѓаме на раскрсница каде со одлуката на пенкалото се очекува да се избере патот по кој ќе се движи државата во иднина, а изборот иако е очигледен, одлуката е важна и клучна.

-Потребно на Македонија и е нова визија, кое ќе ја разбуди економијата која замира, ќе обезбеди еднакви шанси за работа, ќе го сопре падот на стандардот, ќе донесе подобра иднина за сите нас. Во изминатиот период од 100 дена имаме длабоко скршнување од патот кој значеше сигурна Македонија, имаме пад на индустриското производство, и вчера беше регистриран најнов пад и на прометот во индустријата, изјави Груевски.

Тој кажа дека ова покажува дека носечките индустрии во државата забавуваат, а тоа се одразува во реалниот сектор. Напомена и дека има најави на компании кои сакаат да си заминат од државата.

-Просечните плати паѓаат, а извозот се намалува, 52 милиони евра помалку се извезувало во јули, во споредба со јуни што е пад од 12 осто. За сметка на тоа имаме непочитување на базичните правни принципи, законски нормативи и правила. Имаме именувања на функции надвор од сите законски норми, свесно кршење на законот формирајќи една пракса на таканаречено затруено дрво, каде еден лош преседан води кон друг уште полош и незаконски. Неизвесноста се зголемува, а несигурноста во бизнисот, на работа, во секојдневието се мултиплицира. И кога можеа тоа да го направат за само стотина дена, можете да замислите како би изгледало ако се дозволи тоа да се прави една, две или повеќе години. Велат зборот бил збор, но зборот не вреди ништо без делата. Нивните зборови без акција се атентатори на идеализмот, говореше претседателот на САД Хувер, изјави Груевски.

Груевски порача дека на Македонија и се потребни дела.  А веќе е проверено дека кога станува  збор за дела, за работа, за решавање на прашањата кои се важни за народот, одговорот е ВМРО –ДПМНЕ, кажа лидерот на најбројната партија во Собранието.

Груевски: Декларацијата за заеднички настап на претстојните локални избори е вовед за нова победа на изборите

Nikola-Gruevski

На граѓаните на Република Македонија потребен им е напредок, потреби се чекори кој ќе го направат животот подобар, потребни се решенија. За да се случи тоа неопходно е дејствување. Чесно, посветено и секогаш со граѓаните, ова денеска го изјави лидерот на ВМРО-ДПМНЕ Никола Груевски при потпишувањето на декларацијата за заеднички настап на претстојните локални избори на коалицијата предводена од ВМРО-ДПМНЕ.

-Политичките партии, потписници на оваа декларација за заеднички настап на престојните локални избори денес одлучно застануваме заеднички, за на граѓаните да им ја понудиме најдобрата кадровска и програмска понуда. Она што не обединува, Македонци, Албанци, Турци, Срби, Роми, Власи, Бошњаци, и сите останати е потребата за напредок. Тој напредок ќе го понудиме, тој е е желба за подобар живот.  Оваа декларација за коалициски настап е вовед во нова победа на престојните избори, рече Груевски.

Тој истакна дека се базираме на концептот на развој и напредок на Македонија, подобар стандард на граѓаните, но пред се визијата за Македонија која нема да запира и назадува, туку ќе продолжи на патот кон просперитетот, работата и реализацијата на нови дела и проекти, кон унапредување на локалната самоуправа како севрис на потребите и барањата на граѓаните.

-Со нас е проверено дека можеме и знаеме. Ние покажавме дека нашата заедничка визија знаеме да ја преточиме во многу работа од која резултатот се решени комунални и инфраструктурни проблеми, нови водоводи, канализации, училишта, градинки, патишта и 10.359 реализирани ветувања за општините и граѓаните. Овие резултати покажуваат дека стоиме зад тоа што го говориме, дека граѓаните може секогаш да се потпрат на ВМРО-ДПМНЕ и политичките партии кои стојат зад оваа декларација. Овие резултати ветуваат дека тоа што ќе го понудиме и на овие локални избори ќе биде преточено во нови километри асфалт, нови цевководи, нови објекти, нови подобрени услуги за граѓаните. Затоа слободно може да кажеме дека оваа не е само декларација потпишана само помеѓу политички партии, туку е декларација потпишана со граѓаните, која својата верификација ќе ја добие на 15 октомври со една убедлива победа на локалните избори, вели Груевски.

Тој потенцираше дека овие локални избори не се само обични избори за градоначалници и локални совети, ова се избори за Македонија.

-Во минатиот период владата  покажа неспособност да се справуваат со проблемите на граѓаните. Погледнете ги штетите во само три месеци, пад на економијата индустриското производтсво, пад на просечните плати, растот на трошоците за живот и цените на производите, кампања против инвеститори и хаос во секој ресор на нивното работење. Тоа е одраз не само на нивното незнаење, туку и на нивната катaстрофална кадровска политика. Сега гледаме дека истото го прават и во пресрет на локалните избори. На тоа ние ќе одговориме одлучно со најдобрите кандидати, со најдобрите визии, идеи и проекти во интерес на граѓаните. Нашата понуда посветеност, одговорност и знаење ќе биде најдобриот одговор на хаосот и неизвесноста која СДС ја предизвика, рече Груевски.

Тој изјави и дека Македонија ќе се врати на патот на успехот и развојот. Тој пат ќе го одиме ние заедно со граѓаните. Пред нас престојат нови победи. Овие победи ќе ги добиеме заедно со граѓаните, со многу работа и грижа за народот и државните интереси. Овие избори се ново утро за Македонија, каде заеднички, сложно, обединето ќе продолжиме да работиме за граѓаните и за државата, да се вратиме на патот кој значи стабилост и сигурност. Секогаш сме за работа, проекти, решавање на проблеми, секогаш на прво место ни е државата, на страната на Македонија.

Модераторот Роберт Велјановски истакна дека декларација е печат на еден заеднички концепт кои граѓаните ќе го препознаат и кој нуди нова визија за унапредување на општините кои треба да ги води локална власт која директно ќе ги решава предизвиците, потребите и барањата на граѓаните.

-Ние одлучно застануваме на патот на штетните политики кои со само три месеци директно задираат во државните интереси и интересите на граѓаните без разлика на нивната етничка, верска или идеолошка припадност. Нашата посветеност, одговорност и знаење ќе бидат најдобриот одговор со кои ќе се спротиставиме на деструктивноста и неспособноста на нашиот политички опонент и тоа ќе го сториме на демократски и фер избори на кои граѓаните јасно ќе ја препознаат и потврдат разликата, рече Велјановски.

Груевски: Заев со мигрантите треба некому да испорача фактура, се плаши дека со референдум договорениот концепт ќе крахира

Migranti-granica

Единствена одбрана и аргумент кој засега ги имаат СДСМ е дека населувањето на мигранти е нереално, а граѓаните поучени од досегашните чекори на новата Влада, аргументирано не веруваат во она што Заев го кажува. Ова го истакна лидерот на ВМРО-ДПМНЕ, Никола Груевски, одговарајќи на новинарско прашање.

-Зоран Заев и СДСМ зборуваа за многу работи дека се нереални, па испаднаа реални. Зборуваа дека двојазичноста е нереална, еве ја пред врата ни е. Зборуваа дека таа двојазичност е само во мојата глава, а еве гледаме сега како на голема врата ја воведуваат двојазичноста и објаснуваат дека тоа е согласно Уставот иако не е согласно Уставот и свесно одат кон кршење на Уставот. Заев исто така зборуваше дека договорот со Бугарија е еден многу добар, одличен компромис. Гледаме дека таму нема никаков компромис, туку има еднострано попуштање при што Заев и СДСМ се откажаа и од јазикот и од историјата и од македонското малцинство во Република Бугарија. Зборуваа дека ќе имаме 500 евра просечна плата. Не само што немаме 500 евра просечна плата, туку просечната плата почна да се намалува. Зборуваа еден куп работи со кои се виде дека се што се случува, се случува обратно. Се гледа дека нивниот концепт е на краток рок измама, а потоа како да не го кажале тоа, како да не го рекле и потоа со нови аргументи се оди со реализирање на она за кое претходно говореле дека нема да се реализира, истакна тој.

Груевски вели дека концептот со населување на мигранти, според негово мислење, има целосна оправданост што кај граѓаните се јави револт, страв и се самоорганизираа да направат ситуација во која што ќе ги заштитат своите општини.

-Дури и постапката што ја прави СДСМ преку ДИК, каде го има мнозинството и одлучувачката моќ, и обидот на ДИК која добива наредба од СДСМ да го отстрани гласањето за мигрантите низ општините на денот кога се изборите, укажува дека СДСМ не само што се плаши, туку се плаши дека нивниот веќе договорен со некого концепт може да крахира и дека нема да можат после да го спроведат тоа и да ја испорачаат фактурата некому каде што ја ветиле. Во многу развиени држави, па дури и во Америка, кога се гласаат референдуми често пати се собираат и се ставаат на денот кога има избори за да не се прават дупли, тродупли и така натаму трошоци за организирање. Сосема е нормално и очекувано од страна на граѓаните да не се прават нови трошоци и да се гласа на истиот ден. Но, гледаме дека СДСМ во желба да го оневозможи тоа и во желба да ги донесе мигрантите за да некому му се додвори, не заради мигрантите. Сите ние сочувствуваме со тие мигранти и сакаме да им помогнеме доколку поминуваат како транзит во Македонија, а и тие не сакаат да се задржат во Македонија затоа што бараат земја која што е побогата, ќе им пружи подобри услови, но намерата на Владата за да се додвори некаде е да прими голем број на мигранти, се шпекулира со бројката од над 100.000 луѓе е таква што сосема можам да ја разберам реакцијата на граѓаните, а најмногу можам да разберам тоа што не веруваат во единствениот аргумент кој го кажуваат е дека тоа било нереално, заклучи Груевски.