Две недели целосен молк од страна на полицијата: Зошто МВР молчи за убиството на Мартин Јанушев? (ВИДЕО)

МВР две недели не го апси убиецот на Мартин Јанушев. Две недели од МВР, од медиумите, граѓанските активисти и невладините блиски до СДСМ целосен молк. Граѓаните прашуваат кога и дали ќе одговара убецот на Јанушев, кој веќе две недели е во бегство, а за него нема никаква потерница, ниту обвинение од МВР.

Петок, 03.11 2017 година, во центарот на Скопје среде бел ден е ликвидиран Мартин Јанушев, пред десетици сведоци и очевидци.

Медиумите тогаш после само еден час излегоа со информации за идентитетот на убиецот, а МВР се уште молчи, иако поминаа две недели од убиството.

Како што велат одредени информации, осомничениот по нечии инструкции бега во Србија. Кажано му е да става фотографии, како алиби, првата ја објавува истата вечер, од Ниш во 20:30 часот.

Фотографија која подоцна ја брише, откако сфаќа дека ја открива траекторијата на своето бегство. Околу полноќ тој објавува свои фотографии од Белград. Она што најмногу загрижува е што МВР повторно молчи.

Ден после убиството, сабота 04.11.207 година, медиумите објавуваат детали и мотиви за убиството. МВР се уште молчи, убиецот е на слобода.

Недела, 05.11.2017 година, семејството се прости од Мартин Јанушет. Неговиот татко напиша дека синот му го одзеле неранимајковци.

Во Кисела Вода пак е пукано врз советникот на премиерот Зоран Заев, Филип Андов- Сокол. Нема информации дали ова е поврзано со ликвидацијата на Јанушев.

Но, во јавноста се шпекулира дека „Сокол“ му помогнал на осомничениот да избега во Србија. МВР се уште молчи, а убецот се уште е на слобода.

Понеделник, 06.11.2017 година. Работите се движат кон тоа дека се подготвува измама, медиумите блиски до власта пишуваат дека сторител е друго лице, а не Р.Т., осомничениот бара од друго лице „да го преземе“ убиството. Реагира вујкото на второто лице повикува Раде Трајковски „Штекли“ да не подметнува вина на друг. МВР се уште молчи.

Вторник 07.11.2017 година. Медиумите пишуваат дека се подготвуваат две сценарија за спас на осомничениот Р.Т. Едното е преземање на вина од друго, па негова амнестија за непресметливост. Второто сценарио е дека убиениот Јанушев прв посегнал по оружје, а убиецот испукал во самоодбрана, пет куршуми во неговата глава.

Осомничениот Р.Т. е близок до власта преку агенцијата за обезбедување „Омерта“, која откако на власт доаѓа СДСМ, рекетира низ Скопје. МВР се уште молчи, не соопштува како осомничениот избегал од Македонија, кој му помогнал и каде се наоѓа во моментов.

Молчат и многу од оние кои до пред некое време беа гласни за се и сешто, молчат невладините, молчат и медимуте. Убиецот е на слобода, нема фоторобот, нема ниту потерница.

Четврток, 09.11.2017 година, се уште молк од МВР, повторно мочлат и невладините и медиумите. Убиецот е се уште на слобода.

Молкот од МВР, молкот од граѓанските активисти на СДСМ, молкот од медиумите и невладаните блиски до сегашната власт, се уште трае. Граѓаните се прашуваат дали треба да живеат во страв и дали доколку им се случи нешто од активист близок до СДСМ, на него нема да му се суди за тоа.

Нацев: Оливер Спасовски да си поднесе оставка – убиецот на Јанушев една недела се шета на слобода

Минатиот петок, околу 17 часот и 40 минути, токму овде на ова место, беше ликвидиран младиот фудбалер Мартин Јанушев. 28- годишното момче беше брутално егзекутирано со 5 куршуми, на улица пред голем број очевидци, истакна денес Александар Нацев од ВМРО-ДПМНЕ.

Тој потсетува дека убиецот непречено си замина од местото на злосторството.

-Една недела подоцна, убиецот е се уште на слобода! Полицијата нема ниту фоторобот, ниту пак полицијата кажува со каков автомобил избегал и кој му помогнал во тоа! Целата јавност, целиот град, половина час после убиството веќе зборуваше кој е убиецот. Целата јавност веќе се сомнева дека блиските релации на инволвираните криминалци со највисоките функционери на власта имаат свој дел во ова. Потпретседателот на СДС, Оливер Спасовски со својот молк и со своето непостапување, само ги потврдува стравувањата на граѓаните дека доколку си близок со врвот на раководството на партијата, можеш да избегаш и одговорност за убиство. Во јавноста се повеќе кружат информации дека сценаријата што се подготвуваат друг да ја преземе вината за грозоморното убиство. Се подготвуваат и се зборува дека убиецот не смее да одговара за своето дејство само за да не излезат на површина неговите блиски релации со криминалците од врвот на СДС. Затоа се говори дека се подготвува сценарио во кое наводно ќе се манипулира дека убиството било во самоодбрана. Треба јавноста да биде убедена дека жртвата посегнала по пиштол, истакна тој.

Нацев вели дека ожалостеното семејството веќе се прости од младиот фудбалер, а правдата ја нема ниту на повидок.

-Нема одговори за суштинските прашања зошто убиецот цела недела после ликвидацијата не е уапсен? Дали е во земјава или избегал надвор? Како избегал и кој му помогнал? Граѓаните се прашуваат што може да ги снајде нив кога во ситуација на семејството на убиениот, и неговиот татко и неговиот брат се припадници во МВР. Граѓаните сметаат дека исто така има нешто нечисто и во пукањето кон советникот од кабинетот на господинот Заев, се зборува дека и тој е човек со дебело криминално досие но тоа пукање не е сеуште расчистено. Се кријат мотивите и идентитетот на напаѓачите. Се крие дали истиот е поврзан со ликвидацијата на Јанушев. Молчат и медиумите и невладините организации. Молчат, а со доаѓањето на СДС на власт, мафијата си доби своја држава. Крвта и вооружените пресметки се вратија на улиците исто како во 90-тите години. Граѓаните не се чувствуваат безбедни. Време е неспособниот министер Оливер Спасовски да си поднесе оставка, порача Нацев.

Спасовски да поднесе оставка: Скандалозно е да се случи такво убиство и три дена никој да не преземе ништо

Убиецот на младиот фудбалер Мартин Јанушев за овие три дена можеше да избега и да стигне каде сака.  Убиецот на младиот фудбалер Мартин Јанушев за овие три дена можеше да се засолни било каде, да бара алиби и да се обиде да ја префрли вината на некое трето лице. Прашањето што се поставува во моментов гласи, кој му ја дава оваа предност на убиецот и зошто тој добива ваков третман? Зошто нема потерница? Каде се снимките од безбедносните камери? Зошто се крие со каков автомобил се движеле, запраша Александар Нацев од ВМРО-ДПМНЕ на денешната прес-конференција.

-Министерството за внатрешни работи го нема. Исчезна и Оливер Спасовски кој љубеше да држи прес конференции за мачки што гребеле автомобил. Граѓаните се загрижени за сопствената безбедност заради неефикасноста на полицијата командувана од кадри на СДС. Се поголеми се и сомненијата дека намерно се одолговлекува со истрагата. Дали е тоа така заради политичката блискост на сторителите со високи кругови во власта како што се говори на големо по социјалните мрежи? Веќе 3 дена граѓаните се во страв и загрижени за нивната безбедност, а медиумите и невладините организации се плашат да прашаат зошто Оливер Спасовски спие, рече Наце и додаде:

„Пред 3 дена се случи убиство на најбрутален начин со 5 куршуми во главата на младо момче, пред полно кафуле и голем број очевидци, а убијците се на слобода и во бегство. Целиот град зборува и околу мотивите и околу сторители на убиството, само МВР ништо не знае. Медиумите веќе и пишуваат дека се работи за луѓе со дебели криминални досиеја, блиски до СДСМ и новата Влада. Дури и новинарите блиски на СДСМ како Сашо Ордановски предупредуваа дека СДСМ треба да си ги заузда рекетарите со дебели вратови и тетоважи кои ја имаат полициската поддршка да дивеат низ град. Едно семејство е завиено во црно, згасна животот на младо момче кое брутално беше убиено, а утре тоа може да биде било кој. Убијците се охрабруваат со несоодветното и бавно постапување на МВР. Тоа е цената што сите ја плаќаме на политичкото разместување на професионалците и поставувањето на неспособни партиски кадри на нивно место. Тоа е цената што сите ја плаќаме за ослободувањето и соработувањето со криминалците кои добија свој заштитник во полицијата и хунтата на Заев“.

Со доаѓањето на власт на СДС, потенцираше Нацев, мафијата си доби своја држава, а Скопје стана арена на мафијашки пресметки каде единствено важи законот на оружјето.

-Откако дојде СДСМ на власт изминативе пола година видовме еден куп запалени и изрешетани автомобили, грабежи на банки и пошти, сквернавења на гробишта и пукање по улици, убиство на кандидати од локалните избори, а не е разрешен ниту еден случај. Скандалозно е да се случи убиство пред преполно кафуле, на улица, пред десетици минувачи, убијците да си заминат и три дена никој да не преземе ништо. Морално и чесно би било, неспособниот Оливер Спасовски веднаш да си даде оставка и да ја препушти функцијата на некој што не би бил во коалиција со криминалот.

СКАНДАЛОЗНО: Алфите на Спасовски во служба на СДСМ и ДУИ – Го следат секој чекор на Билал Касами (ФОТО)

Специјалната полициска единица Алфи го следат секој чекор на лидерот на Движењето Беса, Билал Касами, кој исто така е кандидиран и за градоначалник на Тетово, тврдат од оваа партија.

-Алфите на Оливер Спасовски и ДУИ го следат секој чекор на Билал Касами, велат од оваа партија. Ова е скандалозно, но немаме намера да се плашиме.

Нека ја донесат и српската и руската полиција ако сакаат, не можат да не исплашат. Ние сме со Албанците, па ниту една провокација не може да не спречи да победиме, велат од Движењето Беса, пренесува Gazeta lajm.

Насилниците и криминалците на СДСМ под полициска заштита, МВР не постапува по пријавите за поткуп, уцени и закани

Медиумите секојдневно објавуваат информации, фотографии, видео снимки од низа нерегуларности и грубо кршење на изборната кампања, но од Министерството за внатрешни работи нема никаква реакција. И додека насилството цвета, поткупот на гласачи секојдневно се регистрира на разни локации ширум Македонија и додека граѓаните се соочуваат со закани по живот од насилници и криминалци на СДСМ, МВР не постапува ставајќи се во одбрана на криминалните активности што ги одбележаа овие локални избори.

Девет дена нема одговор од МВР на поставените прашања од страна на редакцијата на Курир за тоа какви мерки се преземаат и дали се идентификувани лицата кои употребувале оружје при славење во неделата, по завршувањето на првиот круг од локалните избори. МВР молчи и на денешните поставени прашања кои се однесуваат на низа криминални дејствија и нерегуларности за време на локалните избори.

Граѓаните не можат да добијат одговор за тоа што е постапено во врска со брачниот пар од Демир Капија кој добивал закани од активисти на СДСМ и познати криминалци од градот.

Не е познато ниту дали некое или некои лице/а е/се пријавено/и во врска со  пукањето во Шуто Оризари, по првиот круг од локалните избори. Нема одговори што преземало Министерството за внатрешни работи во врска со лицата кои со огнено оружје се фотографираа пред или во партиски штабови на СДСМ и сликите ги објавуваа на социјалните мрежи, а за кои медиумите пишуваа дека партиски членови и советници.

„Ажурноста“ на МВР оди дотаму што не е утврдено ниту во чија сопственост се комбињата со кои се врши поткуп на гласачи делејќи им се зејтин, брашно и други прехрамбени продукти. Поткуп се вршеше и со пари.

Молк и за искршените партиски штабови, не е познато што е преземено и до каде е расчистувањето и на овие случаи.

Молкот од МВР за сите овие настани само потврдува дека СДСМ ја користи полицијата во изборната кампања, и дека токму дел од полицијата е ставена во функција на штитење на насилството во изборниот процес.

ВИДЕО: Партиската полицијата на Спасовски апси граѓани поради неносење на лична карта

По два часа распит во полициската станица Автокоманда, Александар Василевски – Нинџа беше пуштен.

Во изјава за ТВ 24 вели дека бил случајно сопрен на улица додека се возел со својот пријател, Блаже Петровски, вработен во Шестата управа и вели дека го претресувале „Алфи“ и му барале лична карта, го проверувале дали има нешто недозволено.

Потоа бил качен во посебно полициско возило, однесен во полициска станица.

-Одеднаш забележавме три непознати возила, ни го блокираа патот, почнаа да извикуваат полиција, полиција, излезете од возило. Ние излеговме од возило и одредени полициски службеници се свртеа кон мене, ме прашаа дали имам нешто недозволено, ми извршија претрес буквален, вели Василевски.

Кога виделе дека нема ништо, освен мобилниот телефон, раскажува тој, се тргнале од него, почнале да разговараат со некои нивни старешини по мобилен и ми рекле дека мораат да го задржат.

-Потоа ме однесоа во полициска станица Автокоманда, каде што бев задржан околу два часа и потоа ми рекоа дека сум приведен заради неносење на лична карта и псоле два часа, како што гледате, излегувам од полициска станица, рече Василевски.

СДСМ ЗЛОУПОТРЕБУВА: Државни ресурси за приватните Фејсбук-профили на министрите

Владини функционери, советници и државни службеници водат фејсбук-кампања за локалните избори. Мила Царовска, Радмила Шеќеринска, Оливер Спасовски и Љупчо Николовски се дел од министрите кои ги користат своите страници на „Фејсбук“ за партиска промоција на кандидатите за градоначалници – објавува Макфакс.

Министерката за труд и социјална политика, Мила Царовска, на својот фан-пејџ на „Фејсбук“ како насловна фотографија го објави официјалниот слоган на партијата СДСМ за овие избори, како и линк до партиската програма. Од нејзиниот кабинет, за „Макфакс“ велат дека профилот го уредува лице од Министерството, но и самата министерка и дека сите партиски ангажмани Царовска ги извршува строго надвор од работното време и за време на викенд.

„Министерката Мила Царовска е член на работни тела на СДСМ, а во владата е ангажирана на предлог на оваа партија. Таа ја спроведува програмата ‘Живот во Македонија’, која беше предложена на парламентарните избори. Сите ангажмани поврзани со партијата, Царовска ги спроведува исклучиво и строго надвор од работното време и исклучиво за време на викенд. На официјалната фејсбук-страница на Министерството за труд и социјална политика не постојат постови со партиска содржина. Министерката повлекува строга граница меѓу ангажманот како министерка и партискиот ангажман“, велат од нејзиниот кабинет за Макфакс.

Фотографијата на фејсбук-страницата на Царовска е објавена на 25 септември (понеделник) во 21:49 минути.

Покрај Царовска, Министерот за земјоделство, шумарство и водостопанство, Љупчо Николовски, социјалните мрежи ги користи за промовирање на новите партиски штабови кои партијата ги отвора низ Македонија, но и за пренесување на пораката на граѓаните дека тие ќе гласале за „Живот во Македонија“. Доколку прегледате што друго има објавувано Николовски, ќе забележите дека тој на 26 септември (вторник) бил на партиска средба со граѓани во Валандово, заедно со кандидатот за градоначалник Перо Костадинов, а, пак, фотографиите на неговата страница на „Фејсбук“ се објавени во 20 часот.

„Фан-страницата на социјалната мрежа е страница на Љупчо Николовски, кој е член на Извршен одбор на СДСМ и шеф на кабинет на претседателот на СДСМ, Зоран Заев. Постовите на фан-страницата ги објавува Николовски и тим од Министерството за земјоделство,шумарство и водостопанство кога објавите се поврзани со неговата функција – министер. Но, пристап за менаџирање на фан-страницата има и тимот од Центарот за комуникации на СДСМ, кои, пак, ги постираат објавите со партиска проблематика“, велат од кабинетот на Николовски за Макфакс.

Тие додаваат дека согласно со законските одредби, Николовски сè до завршување на работното време и обврски во МЗШВ доследно ја извршува функцијата министер.

„По завршување на работното време и за време на викенди има партиски активности, како член на Извршен одбор на СДСМ и шеф на кабинет на претседателот на СДСМ, Зоран Заев. Но сите активности поврзани со изборната кампања ги извршува надвор од работното време и со ресурси од партијата. Николовски прави строга граница меѓу ангажманот како министер и партискиот ангажман“, велат од Министерството за земјоделство, шумарство и водостопанство.

Од кабинетот на Николовски се децидни дека нема прекршување на Кодексот за административни службеници. Пракса на водење политичка кампања на јавна фејсбук-страница, каде претставниците на Владата настапуваат во својство на министри, ја има и министерката за одбрана, Радмила Шекеринска. На 25 септември споделила објава со наслов „Живот во Македонија за сите“, каде објавила и линк кој води до партиската програма за локалните избори. Истиот ден објавила и фотографија со слоганот на владејачката СДСМ за локалните избори 2017.

„Поделбата на државата од партијата е принцип на чие почитување министерката Радмила Шекеринска недвосмислено инсистира. Објавите на официјалните социјални мрежи на Министерството за одбрана ги објавува тим од Министерството и таму во никој случај не можете да најдете постови поврзани со партиската функција на Шекеринска. Но, фан-страницата е страница на Радмила Шекеринска, која е и заменик-претседател на СДСМ. На фан-страницата постовите ги објавува тим од Министерството кога објавите се поврзани со нејзината функција во владата, а кога објавите се поврзани со партиска проблематика објавите ги постира тим од Центарот за комуникации на СДСМ“, велат од кабинетот на Шекеринска.

Од Министерството за одбрана потенцираат дека постои строга граница меѓу ангажманот на Шекеринска како министер и заменик-претседател на СДСМ, а, пак, велат дека сите активности поврзани со изборната кампања таа ги извршувала надвор од работното време и со ресурси од партијата.

Трите министерства со кои контактираше „Макфакс“ велат дека фан-страниците на „Фејсбук“ не се на министерствата туку приватна сопственост на министрите. Но, во секое министерство има тим кој работи на одржување на тие, како што велат, приватни фејсбук-страници.

Кодескот за административни службеници на Министерството за информатичко општество и администрација, објавен во Службен весник бр 27/14, во членот 10 вели „Административниот службеник ги извршува работите политички неутрално, без да навлегува во вредносно преиспитување на утврдените политики. Административниот службеник не го застапува и изразува своето политичко уверување во вршењето на службените задачи и не врши политички активности, што можат да ја поткопаат довербата на граѓаните во администрацијата и во институциите од јавниот сектор“.

ПОЛИЦИЈАТА МАЛТРЕТИРА: МВР на Оливер Спасовски директно се вклучи во изборната кампања на СДС

Полицијата на Оливер Спасовски директно се вклучи во изборната кампања на СДС. Трет ден нема санкционирани ниту одговорност за полицијаците кои во петокот, кандидатот за градоначалник на Кавадарци Митко Јанчев без било каква причина беше застанат и малтретиран од полицијата. Политичката хајка и притисоците врз кандидатите за градоначалници е израз на стравот и нервоза на СДС од претстојниот изборен пораз – велат од ВМРО-ДПМНЕ.

БРУТАЛНА ПАРТИЗАЦИЈА: Наместо сервис на граѓаните, Заев и Спасовски го претворија МВР во сервис на СДСМ

Стојанче Ангелов призна дека тој и неговата сопруга влегле во Министерството за внатрешни работи со одлука на неговата партија давајќи потврда на информациите за брутална партизација на МВР и полицијата.

-Моето враќање во МВР се темели врз основа на одлука на централното собрание на политичката партија Достоинство, ние и понатаму ќе останеме активни со учество на изборите, рече Стојанче Ангелов гостувајќи на Телевизија 24. Со ова, додаде тој, ќе го заокружиме постоењето на нашата партија.

Но, исто така, Ангелов всушност со оваа изјава само потврди дека партијата именувана „Достоинство“ и нејзините две-три илјади гласачи само ја искористува за остварување на личните амбиции, вкупно и со  неговата сопруга, односно за политичко пазарење, пишува Нетпрес.

-Ангелов и во текот на кампањата за предвремените парламентарни избори од ланскиот 11-ти декември беше во постојан контакт со медиуми „офицери за врска“ на Зоран Заев. Тогаш во Стојанче кокетираше и опција беше да ја напушти во последен момент коалицијата со партиите на Љубчо Георгиевски и на Љубе Бошкоски, за кои СДСМ пресмета дека ќе му откинат одреден број гласачи, стои во текстот на порталот.

Сега, во пресрет на локалните избори, Заев и неговата партија мора да сметаат на овие гласови кои им се неопходни по катастрофалните 100 дена од нивната Влада, одбележани покрај со лошите економски показатели и со лошиот договор со Бугарија на штета на македонските национални интереси, Законот за јазиците или попрецизно воведувањето на двојазичноста, бруталната партизација на државните институции, злоупотребите на функциите како во случаите на добивањето тендери на компанијата на вицепремиерот Кочо Анѓушев и започнувањето на багателното купување на македонските профитни фирми од страна на кланот Заеви и тн. Оттаму, СДСМ на функции од вториот и третиот ешалон поставува или тоа им го нуди на членови од најтесните раководства на партиите од споменатата „Коалицијата ВМРО за Македонија“.

За тоа дека брачниот пар Ангелови влегоа во МВР медиумите информираа кон крајот на август.

-Брачниот пар Ангелови започнаа со искористување на наградата која ја добија од СДС, затоа што изминатиот период се покажаа како послушни учесници во платеничката ‘револуција’. Имено, Стојанче Ангелов и неговата сопруга од денес се на платниот список на МВР. Неофицијално, едниот е ангажиран како советник на Оливер Спасовски, а сопругата како советничка на Магдалена Несторовска, инаку државен секретар во МВР која на тоа место беше назначена од местото советник во општина Карпош, пишуваа медиумите.

Дополнително дека се врши само партизација, а дека не се работи во служба на граѓаните говори и фактот што за сто дена Владата, МВР не спроведе ниту една успешна акција. Нема ниту една реализација или уапсени дилери на дрога, оружје и слично.

ВМРО-ДПМНЕ укажува постојано на бруталната партизација во министерството.

-Министерот за внатрешни работи и потпретседател на СДСМ Оливер Спасовски работи незаконски и спроведува партиска чистка. Ова што сега се прави во МВР е класичен контраудар на мафијата врз полицијата, одмазда за сите реализирани акции. Тоа што СДС го прави во моментов е брутална партизација на полицијата. Надвор од сите законски норми, надвор од сите реформи се реализира партиска чистка и поставување партиски послушници на сите раководни позиции, рече неодамна на прес конференција Сашо Павлоски.

И од самиот отчет на Спасовски се гледа дека МВР не го прави тоа што треба. Тој наместо за акции говореше за нови вработувања набавка на комјутери, за формирање на нови единици и слично. На ова од ВМРО – ДПМНЕ следеше реакција.

-МВР е во хаос, а единствени кои се задоволни од неговото работење се криминалните банди низ Скопје и државата, кои излегоа од подземје и почнаа да владеат со државата. Резултатот од неговото министерување е една голема нула. Министерот Спасовски не спроведе ниту една акција за откривање на дрога, трговија со нелегално оружје или шверц со луѓе. Министерот Спасовски во овие 100 дена не успеа да ги открие сторителите на вандалското уништување на православните гробишта во Љуботен. Министерот Спасовски не понесе одговорсност за случајот во Струмица кога полицајци пукаа и тешко ранија малолетни деца. Виновникот за крвавото убиство во кафуле во Струга, среде бел ден е сѐ уште на слобода, реагираа од ВМРО-ДПМНЕ по пресот за отчетот на Спасовски, односно ова се само дел од работите со кои министерството не се справи.

Дека полицијата не си ја врши работата говори и истражувањето на Евробарометар објавено месецов или на 12-ти септември.

-Граѓаните на Македонија имаат најмала доверба во полицијата меѓу сите членки на ЕУ и државите кандидати за членство, покажува истражувањето на Евробарометар. Доверба во полицијата имаат 34 проценти од Македонците, додека 61 отсто не и веруваат, се вели во истражувањето на Евробарометар.

НЕ ТРПАТ КРИТИКА: По налог на Спасовски и пријава од МВР банирани повеќе Твитер профили

Профили на социјалните мрежи, кои беа критички настроени кон новата влада предводена од Зоран Заев се блокирани. Корисници на Твитер се жалат дека им се затворени профилите на кои честопати знаеле да го критикуваат она што не им се допаѓа во општесвото.

Тие се сомневаат дека затворањето на нивните профили не е случајно. Коментираат дека се сомневаат дека блокадата доаѓа по пријава од македонското Министерство за внатрешни работи.

-Не сме банирани случајно. Ова е по налог на Оливер Спасовски, по пријава од МВР – коментираат корисниците на Твитер.

Еден од твитерџиите ги запраша Заев и Спасовски по чија наредба банирале профили.

Алоооо, што прајте бе? Вака ќе тераме Демократија и Слобода на говор? – запрашуваат корисниците на Твитер.

Според нив има доволно причини за да се сомневаат дека сето ова е масло на МВР и оливер Спасовски. МВР во време кога Оливер Спасовски беше технички министер побарало од фејсбук проверки и гасење на 68 профили. Наспроти ова ВМРО за 10 години владеење проверило само 59 профили.