Колумна на Христо Ивановски: Платформите и саринот за македонизмот

Hristo-Ivanovski

Во напливот ептен аналитичари, најинтересни ми се токму тие од типот кои ќе констатираат дека Турција по референдумот за уставните измени е поделено општество. Америка е откриена. Kако да не беше и пред референдумот?! Референдумот всушност само го потврди трендот – светот се движи кон автократија, на народот му се допаѓаат цврсти лидери, и народот верува дека нивниот избран лидер може да застане во одбрана на нивните интереси, пред с` социјалната благосостојба и да ја запре лакомоста на банкарскиот и корпоративен свет, кој е всушност еден грст народ. Тие се промил во светската популација, ама промилите во организмот имаат силно дејство. Дали тоа ќе го запре еден Реџеп Таип Ердоган? Дали такво нешто ќе направи еден Доналд Трамп? Видовме дека европската надеж наречена Франсоа Оланд исчезна за миг во вртлогот на веце-шолјата како рециклирана тоалетна хартија. Жално! Но, предавството на социјалната платформа отвори нови патишта на француската политичка сцена, како на пример што десничарењето на Марин Ле Пен за некои е надеж или светлина во тунелот. Но, што е Франција ако не поделено општество, општество каде што стекнатите вредности и демократска традиција висат на конец?

Сепак, да бидам културен и на сите верници најнапред да им го честитам Велигден. Христос Воскресе! Дали Исус, сепак, воскреснал или не? Дали Исус е вистинска личност или не? Kога се родил и каде живеел и што знаеме за неговиот живот? Сето ова се прашања кои внесувале поделба и во времето кога Исус се појавил, растел, бил распнат и воскреснал. Исус не е само библиски, туку е и пописен факт. Рим, како и многу други земји, правел пописи на секои 14 години, па попис направил и по масакрот на машката популација наредена од Херод (Изрод) на родените во Витлаем и околината во годината кога се родил и Исус со цел да не го загуби тронот (даден од Римјаните, значи вазал) од новот крал. По 14 години од масакрот Исус се наоѓа во пописните книги. Исус не го сакале фарисеите, тие всушност и му пресудиле, а не Јуда, зашто како можел Јуда да го предаде кога Тој не живел во илегала? Поентата е сепак во поделеноста, која не е нешто што е феномен на модерното. Никако. Израелските племиња честопати во историјата не се согласувале, па во еден момент формираат две посебни кралства Јудеја и Израел. Македонската империја долго време опстојувала зашто внатрешно била монолитна, кога тоа го снемало на непријателот му било полесно воено да победи. И конечно дали Господ постои или не е прашање за поделба и ден-денешен. Еден мој пријател на Фејсбук деновиве напиша дека „тој е вистински верник – не верува во Господ“ и неговата изјава е за почит, наспроти тие што велат дека веруваат во Господ, дека се вистински верници, а всушност живеат без црква во своите души. Таа болест, а не доблест, се вика лицемерие.

И тука спонтано доаѓаме до системот кој се нарекува шампион во демократијата и на своите доларчиња има запишано дека Верувме во Господ! Америка, ами како. Kако само им успеало да го избалансираат Господ и демократијата?! Веројатно Господ, и никој друг ги учи на демократија, им се јавува преку црвен телефон. Умешноста на Амерканците, а тука мислам на нивниот естаблишмент, е веднаш да има одговор на клучни прашања. На пример и без каква било истрага тие знаат кој фрлил сарин во Сирија. Kако? Јас не знам. Саринот, со хемиска формула [(CH3)2CHO]CH3P(O)F) е безбојна и течност без мирис. Но, таму некој првин рече имало експлозија, па жолт облак се кренал од местото на експлозијата?! Kако луѓето кои ги држат без никаква заштита умрените дечиња не настрадале или барем кај нив да има некаков ефект на нервниот гас? Од толку мавтање со сликите и амбасадорката на САД во ОН, Ники Хејли ќе настрадаше од опасниот нервен гас. Од друга страна хемиското оружје Сирија одамна го предаде, Обама тоа може да го каже, па затоа и прашањето – од каде сега хемиско оружје и тоа забрането со конвенција на ОН, на територија каде што се наоѓаат терористи поддржани од Америка?

Тие прашања и дилеми некој допрва ќе ги решава, но во политиката на Западот најважно е кој прв ќе каже, односно ќе обвини некого. И кога Америка нешто ќе каже, во синџирот на реакции се јавуваат Велика Британија (прва), па понатаму Холандија, Франција… Сега на тапет на Трамп му е Северна Kореја која сака Тој, а не Обединетите нации да ја научи на лекција заради нејзината нуклеарна програма. И да биде воено присутен многу блиску до Kина. Јас не се сомневам дека Американците може да направат некаква воена екскурзија во С. Kореја, но со Kина? Ни случајно.

За жал, платформата на Трамп (САД) отиде предалеку од платформата на Путин (Руска Федерација) и сега на светската политичка сцена влетува платформата на Ердоган, како уште еден моќен претседател, веќе наречен султан. Па, и ништо страшно, Турција имала големи подеми токму кога била водена од султани. Секако и падови. Ердоган со своите широки овластувања секако дека ќе сака да си поигра малку шах, ама во што е тој поразличен од шаховската партија на Путин, на Трамп, на Меркел, на Јункер, на Ѓинпинг? Малите риби ќе бидат проголтани од крупните на овој или оној начин. Но, не сите, некои ќе најдат можност да преживеат како автохтони во аквариумот, само треба да се определат на која платформа ќе се скрасат. Македонците, кои напишавме повторно деновиве дека после Евреите се народ најмногу споменуван во Библијата, имаат можност како таков автохтон вид, силен, да ги поминат и сегашните искушенија, но не треба да паѓаат на стапиците од дневната политика. Зашто, не е главниот проблем тој што ја понуди тиранската платформа како ултиматум за формирање влада, туку поголем проблем е тој што за само неколку часа консулатации ја прифати. На пример Холандија, која имаше избори на 15 март с` уште е во фаза на прелиминарни преговори за формирањето на новот кабинет. Преговорите продолжуваат по Велигден меѓу четирите партии и тоа за прашања за здравствотото, одбраната, помошта, надворешната политика, климатските промени и безбедноста. Лидерот на поразениот на избори СДС, Зоран Заев, можеше, како сериозен политичар, ако не знае колку ќе ја чинат земјава климатските промени, особено замјоделството во Струмичко, можеше да каже на пример колку ќе ја чини Македонија тоталната двојазичност. Kолку ќе чини менувањето на симболите? Kолку ќе н` чини тиранската платформа? Или ќе реши да биде лицемер и ќе се затскрива зад платформата на вазалството. И други политичари пред него паднале на овој испит, а за македонизмот и за Македонија се сетиле, а некои и дознале, многу подоцна. Проблемот за таквите е што со полни бисаги (пари на конта) не можат ни рекиче да препливаат, а камоли моренце или океан.

Доста кажав, а тие што веруваат со цело срце и душа во Македонија и во македонизмот се огласија, се појавија, може да се видат! Нивната платформа е стабилна!

Пишува: Христо Ивановски за Дневник

Дурловски: Ние најмалку имаме проблем со нашите сограѓани Албанци, ние имаме проблем со туѓата платформа што некој сака да ни ја наметне

Durlovski-Jadi-Burek

Ние вчера на осми март имавме и дожд но ние на спласнавме борјот на градови исто така се зголемуваат сега сме 26 града, убеден сум дека се повеќе и повеќе ќе имаме народ на улиците и нема да престанеме додека не бидеме сигурни дека не сме загрозени од некој документ кој е направен од надвор, вели Игор Дурловски од иницијативата „ЗА ЗАЕДНИЧКА МАКЕДОНИЈА“.

-Денеска имавме поддршка и од престваниците на Турците, имаме преставници од Ромската националност во Македонија, на Унгарците, ние немаме никаков проблем, а најмалку имаме проблем со нашите сограѓани Албанци, ние имаме проблем со некој документи што ни ја загрозуваат безбедноста. Јас сум убеден дека откако спортистите исто така ни се приклучија како Кире Лазаров со неговиот статус го даде можеби најважниот гол за Македонија, кога таква поддршка доаѓа од спортисти кои придонеле многу за нашата земја тогаш уште повеќе ни дава ветер во грб.

Јанко Бачев за РСМ: Заев веднаш да се произнесе јавно пред македонскиот народ за Договорот со Ахмети

Janko-Bacev-RSM

Народот има право да ја знае вистината кога се работи за иднината на Македонија и Македонците, и затоа СДСМ веднаш да го даде на увид постигнатиот договор со ДУИ, со цел, јавноста да види кој лаже и манипулира.

Ова го изјави Универзитетски професор Јанко Бачев за „Гласот на народот“ на Радио Слободна Македонија, додавајќи дека на тој начин ќе се разреши дилемата, односно, доколку СДСМ нема договор со кој се загрозуваат националните и државните интереси тогаш народот ќе им посака успешна работа во остварување на програмата на владата предводена од СДСМ.

Но, доколку произлезе дека се договорени работи за рушење на Македонија и Македонците, тогаш народот ќе застане во одбрана на Татковината и по секоја цена, било со ненасилни или насилни средства ќе спречат формирање влада на антимакедонски основи, оценува Бачев.

Според него, голема е загриженоста кај народот од поделеноста што ја гледаме за прашања од витален национален и државен интерес за Република Македонија.

-Од една страна гледаме и слушаме дека Заев практично се договорил со Ахмети за идентитетска промена на Македонија и Македонците со двојазичноста, промена на името, знамето, грбот и химната, додека пак, од друга страна, слушаме дека разговорите на СДСМ со ДУИ биле поставени исклучиво на Уставот, категоричен е Бачев.

Тој се осврна и за генезата на двегодишната криза во Македонија и од каде таа потекнува и со став:

-Се започна кога „ѕверот“  инаку претпознатлив по ,,шарените револуции“ и рушење на влади, а од кого денес се срами и актуелниот американски претседател Доналд Трамп за злоделата што ги сторил во изминатите децении во многу држави и обиди за рушење на легално избрани влади, како што е и Македонија.

– Процесот на „некој“ од некои наречен „сценаристот“, од некои „чадорот“, а јас во моите настапи го нарекувам „ѕверот“ да се зададе решавачкиот удар врз Македонија, има своја хронолошка димензија која е актуелна до ден денес, појаснува Бачев.

НЕМА МАНДАТ ЗА ТУЃИ ПЛАТФОРМИ

Gjorge-Ivanov-nasmean

Со оваа платформа Република Македонија е уценета, а нејзината унитарност, сувереност и независност се загрозени, образложи претседателот Ѓорге Иванов, кој не му даде мандат на Зоран Заев за формирање влада. Додека социјалдемократите и нивните сателити „на лажичка“ ја оправдуваат неоправдливоста на прифатеното разнебитување на државата, незадоволството од процесот на федерализација се прелеа низ улиците.

Претседателот Ѓорге Иванов застана во одбрана на суверенитетот на Република Македонија. Оцени дека постизборната политичка платформа од туѓа држава со нејзината содржина е надвор и од Уставот и од Охридскиот рамковен договор.

– Со оваа платформа се загрозуваат сувереноста и независноста на државата доведувајќи ја во положба на потчинетост или зависност спрема друга држава. Со оваа платформа Република Македонија е уценета, а нејзината унитарност, сувереност и независност се загрозени. Процесот на постизборно коалицирање и формирање нова влада стана заложник на оваа постизборна платформа од туѓа држава. Наместо, конечно, да излеземе од политичката криза, поради оваа платформа ние, за жал, заглавуваме во уште подлабока криза во која се доведоа во прашање темелните државни интереси на Република Македонија и нејзините граѓани – посочи претседателот Иванов образложувајќи дека не се исполнети условите мандатот за формирање нова власт да го понесе коалиција создадена наспроти темелните вредности на државата.

– Сè додека сум претседател на Република Македонија, нема да дадам мандат ниту на човек ниту на партија што се залага или во својата програма има платформа за рушење на суверенитетот, територијалниот интегритет и самостојноста на Република Македонија. Бидејќи длабоко верувам дека ова се темелни вредности со кои никој нема право да тргува. И не мислам да отстапам од нив – нагласи претседателот на Република Македонија.

Место веднаш и без дискусија да се отфрли, додаде Иванов, се лицитираше со унитарниот карактер на државата. Оттука, како суштинска забелешка, Иванов наведе дека разговарање за содржината или преговарање за платформа на туѓа држава е спротивно од Уставот на Република Македонија.

– За карактерот и за иднината на државата не може да се преговара, ниту да се водат разговори на нетранспарентен начин… За време на средбата од господинот Заев побарав јавно и јасно да ја отфрли и осуди оваа платформа бидејќи македонските граѓани на изборите гласаа за реформите и за исполнување на обврските од Договорот од Пржино, а не за постизборна платформа на туѓа држава – посочи во своето обраќање до нацијата претседателот на Република Македонија, Ѓорге Иванов, кој истакна: Во согласност со мојата заклетва, ниту Уставот ниту совеста ми дозволуваат да дадам мандат на некој што ги руши суверенитетот и независноста на Република Македонија.

Некои прашања заслужуваат одговор

И пред одлуката на Иванов, јавноста, а особено жестоките поддржувачи на социјалдемократите, се спротивстави и бараше одговори за платформата и за договорот со кој се дојде до потписите потребни за барање мандат за власт. Но, место транспарентност, свесни дека, всушност, навистина сите чекори им водат кон разнебитување и федерализација на државата, вистината за тоа што го прифатиле со платформата, социјалдемократите ја делеа „на лажичка“.

Леснотијата со која Радмила Шекеринска глуми нормалност изгледа невозможна, во нејзин веќе препознатлив манир, кога се обидува да објасни дека на Македонија ѝ е потребен документ дека „сите заедно сме страдале“. Истата таа нејзина леснотија ја продаде територијалната отстапка во Струга, Скопје, Кичево… Истата леснотија го продаде и „бонбона“ бизнисот. Денес втората жена-социјалдемократ „со консензус“ се обиде да ја продаде сеалбанската платформа која го запали регионот како прифатлива. Но, во платформата не се бара осуда дека „сите заедно сме страдале“, како што вели Шекеринска, туку „усвојување резолуција во Собранието на Република Македонија со која се осудува геноцидот врз албанскиот народ во Македонија во периодот 1912-1956“.

Нејзиното признание е прво од социјалдемократите по редицата настапи на етничките Албанци дека е договорено целосно исполнување на барањата договорени во Тирана. Но, не е Шекеринска осамен продавач. Улогите за протнување на „нормалноста “ се поделени. Тито Петковски, социјалдемократскиот сателит, ја продаваше прифатливоста на промената на државните симболи, знамето, грбот, химната. За неа не само што ќе се зборувало, туку за нејзината „тежина“во пишувањето ќе придонеле и странски експерти!?

Познат продавач на тезите за промена на името, на двојазичноста и други федерални категории, социјалдемократскиот гуру Љубомир Д. Фрчкоски, ја продаваше „нормалноста“ да се „направи нешто околу името за влез во НАТО оваа година“. Сето тоа се само фази од оправданијата на СДСМ за прифаќање на сеалбанската платформа, додека од нив јавноста бара целосен список за тоа што е договорено во замена за поддршката за добивање мандат за власт.

Продавањето лаги е позната особина на социјалдемократите и на нивните сателити. Но, попуста е лагата на Заев дека ќе го брани Уставот кога само во првата ставка од прифатената платформа на три места се спомнуваат уставни измени со тоа што Македонија би се претворила во бинационална држава; промена на Уставот кон двојазичноста со додавка дека „македонскиот јазик и неговото кирилско писмо и албанскиот јазик со неговото писмо се официјални јазици во Република Македонија”; за промената на државните симболи, знамето, химната и државниот грб, „да ги рефлектира општествената мултиетничност и етничката рамноправност“.

Социјалдемократите се познати и по тоа што не се грижат кога нацијата не ги прифаќа нивните игри со суверенитетот на државата. Не се грижат што редефинирањето, како што Заев и партнерите-потписници на сеалбанската платформа го нарекуваат федерализирањето на државата, наидува на отпор и кај членството и кај неопределените, кај граѓаните без разлика на етничкото, националното и верското чувство. Не се грижат за осудата кај сиот македонски народ кој препозна платформа за губење на државата, онаква каква што сите ја граделе. Тоа за што сега се грижат на улица Павел Шатев во Скопје е што реализацијата на планот за разнебитување не се одвива со замисленото темпо. Но, и што јавноста се буди и е сѐ погласна во барањето на вистинските одговори од нив. Секому веќе му е јасно дека некои прашања заслужуваат вистински одговори и дека нема да се дозволи лесно и молкум да се одигруваат дозираните игри за федерализирање.

Пишува: Наум Стоилковски за Неделникот „Република“

ВМРО-ДПМНЕ: Граѓаните на изборите ниту гласаа за Платформа од друга држава, ниту за формирање Тиранска Влада во Македонија

VMRO-DPMNE-Zgrada

„Усвојување на Резолуција во Собранието на Република Македонија со која се осудува геноцидот врз албанскиот народ во Македонија во периодот 1912-1956“. Ова е точка од Платформата преку која СДСМ сака да ги осуди борците од АСНОМ и Партизаните за нивната борба за слободна држава, велат од ВМРО-ДПМНЕ.

Во продолжение следува интегрален текст од соопштението на ВМРО-ДПМНЕ.

Граѓаните не се должни да ги трпат штетите кои ги нанесува Зоран Заев и СДСМ. Граѓаните на изборите ниту гласаа за Платформа од друга држава, ниту гласаа за формирање Тиранска Влада во Република Македонија. Граѓаните гласаа за проекти и економски просперитет.

Зоран Заев и СДСМ се уценети заради нивните криминалии да прифатат се што ќе им биде сервирано за да си ја спасат кожата, притоа заобиколувајќи ја волјата на граѓаните.

Новата Тиранска Влада на чело со уценетите Заев и СДСМ ќе има единствено улога против волјата на граѓаните да го прогласат албанскиот јазик и неговото писмо за официјален државен јазик, заедно со македонскиот и неговото кирилско писмо. Тие немаат проблем ниту да ги променат името на државата, химната, знамето, банкнотите, униформите, написите.

Доколку Зоран Заев и СДСМ сметаат дека Платформата од Тирана е добра за Македонија, ВМРО-ДПМНЕ ги охрабрува СДСМ да се согласат да се распишат парламентарни избори и да им ја понудат на граѓаните на Република Македонија да ја изгласаат.

ВМРО-ДПМНЕ чувствува обврска да ја почитува волјата на мнозинството граѓани кои гласаа за Коалицијата „За подобра Македонија“. Заради почитта кон нив и нашата стратешка определба, ВМРО-ДПМНЕ нема да дозволи да се донесат никакви решенија што се спротивни на државните и национални интереси.

СКАНДАЛ: Партнерoт на Заев ја кажа идејата што стои зад Платформата (ВИДЕО)

Zijadin-Sela-Istorija-Makedonija

За коалиционите партнери на Зоран Заев не постои македонскиот народ. Зијадин Села во скандалозна изјава вели дека македонскиот идентитет не постои, а пред 100 години македонскиот народ не постоел.

-Историската реалност на Македонија ја знае целиот свет и е многу апсурдно за еден народ што го нема својот идентитет, во конкретниот случај се Македонците, Албанците биле многу коректни и им помагале да го градат тој идентитет и сега вие го оспорувате нашиот идентитет. Со пописот од пред 100 години не постои македонски народ, вели Зијадин Села во скандалозната изјава.

Инаку Зијадин Села е еден од потписниците на Платформата од Тирана и тој е еден од оние кој прв му ја даде својата поддршка на Зоран Заев за формирање влада.

ЗАЕВ ЈА БРАНИ ПЛАТФОРМАТА: Албанците биле над 20%, тие биле нападнати и се бранеле

Zaev-Albanci-HRT

Зоран Заев не застанува во неговите недоветни изјави со кои не само што посочува лаги и невистини, туку и ги открива сите заднински обвинувања со кои и ја започна политичката криза по изборите во 2014 година.

Во последното интервју за ХТВ Заев вели: „Ако јавно нападнете граѓани, кои се повеќе од 20 проценти во Македонија, тие ќе се бранат“.

Првичната дилема е кој тоа „нападнал“ некого, додека втората е од каде Заев шпекулира со процентуалната застапеност на етничките Албанци во Македонија.

Заев всушност се обиде да се повика на предупредувањата од ВМРО-ДПМНЕ за федерализацијата на Македонија, план со кој што Заев настапуваше во изборната кампања, за политипни општини, двојазичност на цела територија, формирање на бинационална држава, проект со кој договараше „редефинирање“ на државата со БЕСА, и со план со кој што јасно настапи пред албанската дикаспора и конечно, освои десетици илјади албански гласови.

Всушност, Заев со ваквите ставови ја брани сеалбанската платформа од Тирана, наведувајќи и дека неговиот „политички опонент, поддржан од претседателот, алудира на поделба, федерализација, на уништување на унитарниот карактер на државата“. За него не е спорно тоа што се бара интервенции во Уставот, двојазичноста и федералните карактеристики со кои се нарушува унитарниот карактер на државата. Не му е спорно, бидејќи и самиот тоа го договараше.

Сепак, интересно е што во екот на почетокот на политичката криза, Заев и неговите платеници на сиот глас тврдеа дека изборите се добиени со гласачи „фантоми“, дека од Македонија се иселени 600.000 Македонци, дека половина милион гласови од Избирачкиот список се непостоечки.

fantomi-plusinfofantomi-libertas

Кога ДИК во првиот налет на чистење наиде на околу 90.000 спорни гласачи- етнички Албанци, тоа набрзина беше тргнато на страна од проблемот. Имајќи предвид дека најголема болка на Заев му беше гласањето на дијаспората, очигледна е намерата на Заев да ги исчисти само Македонците.

Целата операција всушност требаше да произведе што поголем процент на Албанци, за да може потоа што полесно Заев да го спроведе сето ова на кое Македонија сега се спротивставува.

Сега станува јасно што мислел Заев со тоа „одење преку Рамковниот“ со кое стана кандидат на албанската дијаспора. Без попис, уште поточно пред попис, Заев заговара и оди кон нарушување на унитарниот карактер на државата. Чистењето на Македонците преку Избирачкиот список не успеа. Нема да успее ниту оваа лажно наметнување дека Албанците биле „нападнати“, ниту пак Заев ќе добие шанса, без поддршка од народот, да „оди преку рамковниот“ и да ја федерализира државата.

ВМРО-ДПМНЕ: Нема да дозволиме да се донесат никакви решенија што се спротивни на државните и национални интереси

znaminja-vmro-makedonija

ВМРО-ДПМНЕ упати соопштение во кое се вели:

Зоран Заев и СДСМ немаат проблем да дебатираат за менување на химната, грбот и знамето со крајна цел соодветно да бидат претставени и албанците. Зоран Заев и СДСМ немаат проблем да се преземе обврска да се промени името во рок од една година само за да се задоволи барањето од сеалбанската платформа за брз влез во НАТО. Зоран Заев и СДСМ немаат проблем да го прогласат албанскиот јазик и неговото писмо за официјален државен јазик, заедно со македонскиот и неговото кирилско писмо. Зоран Заев и СДСМ немаат проблем да ги променат банкнотите, униформите, написите. Со оглед дека деталите од договорот и од платформата ги држат во тајност, Зоран Заев и СДСМ кој знае на што се друго се подготвени.

Суштинско во овој момент е на што се подготвени граѓаните? Дали граѓаните се подготвени за редефинирање на Република Македонија? Дали граѓаните се подготвени на нејзино претварање од мултиетничка во бинационална држава? Дали граѓаните се подготвени на кантонизација и федерализација?

Одговорот за сите овие прашања најдобро ќе се добие на нови предвремени парламентарни избори!

Легитимно е Зоран Заев и СДСМ да мислат дека платформата од Тирана е позитивна за земјава, но крајниот суд околу платформата треба да го дадат граѓаните. Тие не гласаа во декември за сите овие елементи од платформата.

Се ближат локалните избори и најдобар излез од оваа криза е доколку Зоран Заев се охрабри и се согласи да ја постави платформата пред граѓаните. На ист трошок тие ќе гласаат и за локалните власти, но ќе се произнесат и околу платформата од Тирана.

Доколку Зоран Заев и СДСМ имаат сомнеж дека платформата од Тирана е штетна за Македонија, ВМРО-ДПМНЕ ги охрабрува да ја отфрлат. Во таков случај би му помогнале на Зоран Заев и СДСМ да формираат влада каква што сакаат и покрај тоа што загубија на изборите. Цената ќе биде далеку помала отколку цената што ќе ја плаќаат сите идни генерации доколку Зоран Заев и СДСМ не ги отфрлат уцените.

ВМРО-ДПМНЕ чувстува обврска да ја почитува волјата на мнозинството граѓани кои гласаа за Коалицијата „За подобра Македонија“. Заради почитта кон нив и нашата стратешка определба, ВМРО-ДПМНЕ нема да дозволи да се донесат никакви решенија што се спротивни на државните и национални интереси.

Дурловски за српски „Телеграф“: Едноставно е – нема да се тргнеме од улиците додека не се повлече Платформата

Za-zaednicka-Makedonija-2

Протестираме секој ден, затоа што албанскиот политички блок како услов за коалиција ја постави Платформата, а СДСМ ја прифати. Таа платформа е противуставна и го урива инитарниот карактер на Република Македонија. Тоа е за нас и за сиот нормален свет неприфатливо, вели Дурловски за Телеграф.рс

Durlovski-za-Telegraf-RS

Српските медиуми со внимание ја следат политичката ситуација во Македонија и редовно изестуваат за активностите на граѓанската иницијатива За заедничка Македонија. Српски Телеграф денеска пренесува ексклузивно интервју со еден од иницијаторите на маршот за одбрана на татковината, првенецот на Македонската опера, триесет и двегодишниот Игор Дурловски.

Телеграф пишува дека и денеска се протестира во Скопје и во други градови. Граѓанската иницијатива „За заедничка Македонија“ шести ден е на улиците за да порача дека е јасно против Тианската платформа. Порталот ја пренесува изјаата на еден од иницијаторите на движењето, Игор Дурловски, кој за Телеграф вели дека документот што го предага ДУИ, а кој го профатил Зоран Заев, е противуставен и испорачан од друга држава со цел да се подели Македонија. Дурловски истакнал дека народот ќе истрае во одбраната на унитарноста на земјата, а тоа го покажуваат секојдневните слики од улиците на Скопје и другите македонски градови.

Протестираме секој ден, затоа што албанскиот политички блок како услов за коалиција ја постави Платформата, а СДСМ ја прифати. Таа платформа е противуставна и го урива инитарниот карактер на Република Македонија. Тоа е за нас и за сиот нормален свет неприфатливо, вели Дурловски за Телеграф.рс.

za zaednicka makedonija durlovski

Дурловски ја пренел пораката на македонскиот народ дека не се согласува со идејата за двојазичност на целата територија на земјата и со сите останати противуставни предлози од Албанската платформа.

Едноставно е – нема да се тргнеме од улиците додека не се повлече платформата, порачал Дурловски.

Дурловски објаснил дека платформата е напишана во Тирана и дека содржи многу негативни елементи кои директно го уриваат македонскиот јазичен и културен идентитет и има цел формирање бинационална федерална држава меѓу Македонци и Албанци.

Она што е уште пострашно е и прашањето за т.н. геноцид за кој Албанците со лидерот на СДСМ во Македонија ги обвинуваат Србите и Македонците. Тоа го прават за да ја променат историјата на нашата држава и улогата на Србите и Македонците, но и за да го потврдат континуираниот карактер на Албанците во формирањето на македонската држава – вели Дурловски и додава дека сето тоа е брутална конструкција со политичка цел.

Дурловски изнел дека целта на „За заедничка Македонија“ е Македонија да биде мултиетничка, со граѓански карактер, а не бинационална држава.

Целта на сево ова е да се наруши односот меѓу Македонија и Србија, што не е воопшто наивно и може да предизвика поголеми последици во регионот, потенцира Дурловски и додава дека Србија и Македонија се мултиетнички општества, а дека со платформата од Тирана нивната улога и улогата на останатите етнички групи, како што се Турците, Власите, Бошњаците, Србите, Ромите ќе биде трајно подредена и неизвесна.

Нема да им дозволиме на странските фактори и другите држави да ни се мешаат во внатрешната политика, истакнал Дурловски коментирајќи ги барањата на ЕУ и НАТО претседателот Иванов сепак да му го даде мандатот на Зоран Заев.

Ќе останеме на улица се додека не се исполнат сите наши барања и будно ќе ја следиме ситуацијата во која сите сме заедно. 

Тодоров: Ваков договор Македонец не склучува, туѓа платформа Македонија не прифаќа

Za-zaednicka-Makedonija-4-den

СДСМ упорно молчи за нашиот предлог кој не е ништо друго туку подадена рака за спас на државата од разнебитување. Знам дека се уценети и знам дека се плашат од сценаристот и јасно е дека кога ја прифатиле оваа валкана игра се согласиле на условите кои сценаристот им ги поставил, објави на социјалните мрежи Никола Тодоров, член на ИК на ВМРО-ДПМНЕ.

Nikola-Todorov-FB

-Договорот помеѓу сценаристот и СДСМ накратко може да се дефинира вака: јас (сценаристот) се обврзувам да ве донесам на власт, а вие (СДСМ) се обврзувате да направите се она што јас(сценаристот) ќе ви го кажам. Ваков договор склучува само очајник кој по секоја цена сака да се дограби до власт. Ваков договор не склучува државотворна партија. Ваков договор МАКЕДОНЕЦ не склучува. Ваква, туѓа, платформа Македонија не прифаќа, напиша Тодоров.