Галијашевиќ: Намерата на Западот е од Македонија да се направи нова Босна и Херцеговина, поделена на кантони

Galijasevic-Golema-Albanija

Заканите за формирање на големи држави на Б алканот  мора да се сфатат многу сериозно. Најпогодена од намерата за создавање на „Голема Албанија“ во прв момент ќе биде Македонија, а потоа Црна Гора и југот на Србија.

Повиците за големи држави значат отворен судир на Балканот, вели за Телеграф.мк, Џевад Галијашевиќ, политички аналитичар од Босна и Херцеговина и експерт за тероризам.

Според него, сите случувања на Балканот, па и последните во Македонија, се добро смислени и се производ на Западот, кој ги има Албанците за најверен сојузник.

Што се однесува на Македонија, намерата е од земјата да се направи нова Босна и Херцеговина, поделена на кантони. Наивно е да се поверува дека Албанците сами ја туркаат оваа замисла. Најголема поддршка имаат од Германија, која се плаши од руското влијание на Балканот, кое станува сѐ поголемо. Албанците треба да бидат еден вид геополитичка брана – вели Галијашевиќ во разговор за Телеграф.мк.

Според него, сега не е погоден момент да се отвораат прашањата за големи држави, туку регионот треба да се сврти кон решавање на внатрешните работи.Тој е сигурен дека идеите за големи држави на Балканот не се замрени,но оти тоа е многу опасно.

Отворањето на албанското прашање ќе го отвори прашањето на Србите, Хрватите, Бошњаците, а тоа којзнае каде ќе води – додава Галијашевиќ.

Поранешниот австриски амбасадор: Ако го принудат Иванов да попушти, мултиетничка Македонија ќе се подели

Harald-Koci

Суштината на платформата од Тирана е создавање бинационална држава, чија крајна цел е отцепување на деловите каде што живее албанско население, вели во опширна и детална анализа за интернет-порталот „Вишеград пост“ поранешниот австриски амбасадор во Македонија, Харалд Kочи. Ексамбасадорот (од 1997 до 2002 година) во дипломатските кругови важи за голем познавач на актуелните состојби во сегашна Македонија, но и на историските факти и нивните импликации денес.

Уште на почетокот на анализата Kочи поентира зошто Македонија се најде во ваква ситуација.

– САД и нивните делегирани агенти во Брисел, како и НАТО и ОБСЕ, две децении се мешаат во домашните работи на оваа суверена држава – на локално ниво преку своите амбасадори или директно од своите градови – и затоа со право може да бидат наречени „квазиводачи“ во земјата. Поткрепена со ваквите мешања, долготрајната политичка криза во Република Македонија се приближува до кулминација и секоја минута може да прерасне во насилни судири. Па така, во ситуација кога Собранието се свикува нелегално – по интервенција од надвор, за да се искористи новото мнозинство за избор на влада, со исклучување на претседателот на државата – на неуставен начин – алармот свети! – предупредува Kочи во првите редови од анализата.

Според него, „тивките“ советници од надвор сакаат да го принудат Ѓорге Иванов да именува коалициска влада составена од етнички македонската Социјалдемократската партија и сите партии на етничките Албанци.

– Ова ќе биде чекор кон поделба на мултиетничката земја и тоа по должината на нејзините јазични граници – потенцира дипломатот.

„Мирните протести наспроти ланските хулигански демонстрации“

Понатаму во текстот, Kочи прави споредба на актуелните протести за кои вели дека се мирни и достоинствени, за разлика од протестите „на хулиганските демонстрации од претходната година поттикнати од Соросовата мрежа, кои оставија зад себе штета на јавните објекти видлива и денеска“.

– Денешните протести или се игнорирани од меѓународните мејнстрим-медиуми или не ја пренесуваат вистината за протестите – пишува тој.

Осврнувајќи се на етничкиот состав на Македонија, за да ги запознае читателите на неговата анализа со фактичката состојба, Kочи посочува дека најголемото малцинство во земјата се Албанците, кои, според последниот попис, се 25 проценти – бројка во која тој се сомнева.

– Денес, бројот на албанската заедница е контроверзен. Според официјалните бројки, таа е 25 отсто од вкупниот број на населението, но пописот од 2002 година, врз кој се заснова оваа бројка, најверојатно, е спроведен со многу нерегуларности – нагласува тој.

Според поранешниот амбасадор, пописот бил спроведен во т.н. Потемкинов стил, односно одредени македонски села со години празни биле претставени како полни со живот, за да се изманипулира со конечната бројка на албанско население, и сето тоа, како што вели, потпомогнато од „Албанците од Kосово, кои играа улога на станбено население во Македонија“. Одложувањето нов попис, од 2012 година наваму, вели Kочи, е поради албанските политички фактори што не ја сакаат на виделина вистинската слика.

– Тешко дека бројот на албанските жители е повеќе од 15-16 проценти, како што може да се види според податоците содржани во документација на фондот за осигурување, МВР, центрите за социјални работи… – додава поранешниот амбасадор.

„За албанското население, Македонија не е матична држава“

Според него, Албанците во Македонија не се чувствуваат како граѓани на оваа држава, ниту ја ценат како матична, тоа за нив се Kосово и Албанија, и поради тоа, вели Kочи, уште од 1991 година нивната цел е отцепување на деловите од земјата каде што тие живеат.

– Поради тоа Македонија е спречена да се развива во мир. Степенот на лојалноста на Албанците кон Македонија се гледа во фактот што во целото албанско говорно подрачје само албанското знаме е истакнато на јавните објекти, улиците и јавните места – нагласува дипломатот.

Тој оценува дека Албанците во Македонија се највисоко на скалите и во позиција да ја движат играта, кога, како што вели, на нивната партнерска страна е лидерот на СДСМ, Зоран Заев – за кого Kочи нема високо мислење.

– Овој човек е управуван од страна по само еден мотив – неговата лакомост да ја врати својата партија на врвот по повеќе од 10 години, за која цел е подготвен дури е да му ја продаде душата на ѓаволот. Со активно учество на „квазиводачите“ тој работеше на договор за коалиција со сите партии на етничките Албанци, со цел да стигнат до парламентарно мнозинство. Неговото јадро е спроведувањето на „Платформата на Тирана“ – вели Kочи.

Тој додава дека судејќи според содржината на платформата, нејзината цел е создавање бинационална држава од Македонија. Во таа насока ги критикува двојните стандарди на Европската Унија, според која е незначително кога шеф на друга влада, во случајот Еди Рама, се меша во внатрешните работи на држава што не е членка на ЕУ, а кога турски политичари прават кампањи на нејзина територија, тоа ја вознемирува.

Kон крајот на анализата Kочи потврдува дека позадината на крајната цел на тиранската платформа е Џорџ Сорос и не предвидува лесна и безболна завршница на голготата.

Македонците имаат право да се борат

Во насока на изразување поддршка на актуелните протести за отфрлање на тиранската платформа, Kочи посочува еден цитат кажан пред околу четвртина век од еден од најуспешните германски писатели и драматурзи, Бото Штрауз.

– Штрауз пишува есеј, објавен во „Дер шпигел“, кој содржи една реченица што оттогаш стана политички некоректна: „Денес, ние веќе не разбираме дека некој во Таџикистан смета оти е политичка мисија да го зачува својот јазик, на ист начин како што ние ги зачувуваме нашите реки и езера. Ние веќе не разбираме дека една нација сака да наметне свој морален кодекс против тој на другите, и е подготвена да даде жртва преку крв за таа цел. Тоа е нашата либерално-слободарска самодоволност што н` тера да мислиме дека таквиот став е лажен и за осуда“. Ако се замени Таџикистан со „Македонија“  и „морален код“ со „држава“, добивме објаснување зошто Македонците се подготвени да се борат за својата земја – завршува Kочи.

Децениска амбасадорска кариера

Харалд Kочи бил вработен во австриското министерство за надворешни работи од 1973 до 2011 година, и освен горенаведениот период на дипломатска мисија во Скопје, тој бил на оваа положба и во Северна и Јужна Америка, заменик-шеф на мисијата на австриската амбасада во поранешна Југославија.

Покрај дипломатските мисии, бил и набљудувач на ОБСЕ во Kосово во 1993 година.

Вашингтон ја креираше „Македонската пролет“: Идејата за Голема Албанија е американско оружје за рушење на Македонија

albanski-protest-besa

За да го пресече во корен се поголемото влијание и интереси на Москва на Балканот, Вашингтон ја креираше „Македонската пролет“. Идејата за Голема Албанија е американското оружје за потпалување и предизвикување на криза – и платформа со која ќе го управува. А, „светото правило“ е дека Албанците никогаш нема да делуваат без американската армија, пишува главниот уредник на хрватстскиот сајт „Дневно“.

Dnevno-Makedonska-prolet

Ви го пренесуваме неговиот текст:

Политичката криза во Македонија станува се подлабока и неминовно го наметнува испитувањето на почетокот на почетокот, можеби не на нова војна на Балканот, но дефинитивно на почеток на силна криза која би можела да прерасне во вооружен меѓуетнички конфликт и да доведе до распад на таа мала држава, која поради желбата да стане членка на Европската унија и на НАТО сојузот, беше изложена на невидено понижување со ритам оркестриран од американските интереси и односите на Вашингтон и Москва. Дали навистина е на дело американското разбивање на Македонија „во пет чекори“, за да се пресечат руските интереси и зголеменото влијание на Москва на Балканот?

Фактот е дека кревката почитичка ситуација во Македонија, која од потпишувањето ан Охридскиот договор кој е воден по американска палка во состојба на перманентна политичка криза, ексалираше со дестабилизација од пред три години, кога пропаднатиот гасовод Јужен тек, поточно исклучувањето на Бугарија од тој витален руски плински правец, на геополитичката сцена со сериозни црти почна идејата за Турскиот тек и неговото можно поминување низ Македонија.

Директорот на „Газпром“ Алексеј Милер и турскиот министер за енергетика тогаш потпишаа договор за проектот и изјавија дека гасоводот ќе биде оперативен на крајот на минатата година, што за американската администрација беше знак за aларм и што побрзо делување. Јавно, во медиумите, е изјавено дека Вашингтон мора да делува брзо и да ја спречи Грција да потпише договор со „Газпром“ за Турскиот тек. Вашингтон одма ја повика грчката влада да ја забрза реализацијата на „Трансјадранскиот гасовод“, со кој во Европа ќе пристига плин од Азербејџан. Истовремено, Русија и нуди три милијарди долари на Грција за почеток на имплментација на проектот на „Газпром“ – Турскиот тек.

razruseni-kuci-vo-kumanovo-6

Турски тек и операција Куманово

Со притисоците на Грција се зајакнуваа протестите против премиерот Груевски и неговата влада во Скопје, а „непознати вооружени групи“, најпрво околу Кичево, па околу Липково, се појавуваат на самиот ден на најавата за реализација на Турскиот тек, за сѐда ексалира со вооружените судири во Куманово. Сосема сигурно е дека ЦИА и западните разузнавачки служби стојат позади кумановската операција – упадот на Албанците од Косово на територијата на Македонија. Неверојанто звучи вистинскиот податок дека во текот на конфликтот на македонската почиција со терористите, амбасадорите на САД, Велика Британија, Германија, Франција и Италија вршеа силен притисок врз македонската влада операцијата веднаш да се запри и да се овозможи непречено заминување на терористите на Косово.

Во тој поглед посебно е интересен односот на американскиот амбасадор во Македонија, Џес Бејли и убиените терористи, кој е подкрепен со снимки. Бејли го наследи Пол Волерс, а во седиштето на НАТО премолчеа многу важен детањ, а тоа е врската на еден од припадниците на терористичката група со поранешниот американски амбасадор во Скопје, Пол Волерс.

Фадил Фејзулахи, за кој косовските медиуми тврдеа дека бил убиен во акцијата во Куманово, е еден од водачите на Ослободителната војска на Косово (ОВК) и фотографиран е во друштво на поранешниот американски амбасадор на Македонија Пол Волерс. Фејзулахи фотографијата ја постави на својот профил на „Фејсбук“, после што се појавија контрадикторни информации дека тој е ранет, но не и мртов.

Груевски се надеваше на Запад, но наиде на ѕид

Било како било, надвор од секое сомневање е дека конфликтите во Македонија беа внимателно планирани, финансирани и водени цели од стратешнките интереси на трансатланската елита, која одлучи да го „докрајчи“ младиот и разочаран од Запад, премиер Груевски. Куманово му беше само предупредување за тоа што ќе се случи ако се сврти кон Москва.

Груевски со добра намера, уште кон крајот на 2014 и почетокот на 2015 година, побара помош од 17 западни држави, но наиде на ѕид. Во меѓувреме, Турција ја интензивираше својата соработка со Иран на подрачјето на енергетиката и идејата за руско-турската плинска алтернатива почна уште повеќе да зајакнува. И Никола Груевски, некогаш голем надевач во Западот, конечно сфаќајќи што се случува, ја поддржа таа идеја и не сакаше да биде заговарач во санкциите против Русија. И повеќе од очигледно е дека Американците му ги дадоа снимките на тајно снимените разговори на главниот политички противник на премиерот, младиот социјалист, а всушност комунист, Зоран Заев. Тој нив ги пушти во јавност и се останато е познато.

„Македонската пролет“ е креирана. Се сеќавам дека во декември пишував како Кочо Данај, албански политичар и лидер на Листата за природна (голема) Албанија, во тој момент ја истакнува клучната теза дека „верува дека странците, поточно меѓународната заедница, би поддржале било какво решение кое Албанците би го одбрале за себе“, и бара поголем ангажман на албанските политичари, не само од Тирана и Приштина, туку и од Скопје и Улцињ, за „Груевски да биде запрен“. Тоа значи дека идејата за Голема Албанија е само американско оружје за потпалување и создавање на криза – и платформата која ќе управува со него. Во тој контекс треба да се знае едно „свето правило“, а тоа е дека Албанците никогаш, ама никогаш, нема да делуваат на никој начин без американската армија. Токму тоа му дава слобода на потпалувачкиот говор за големоалбанската идеологија. Било каква сериозна реакција од Западот на тие зборови нема да има. Она што го предвидовме во текстот, после изборите навистина и се случи.

kol233-nm-zaev-albanci-1

Груевски – голем трн во окото на Сорос

Трансатланската елите изигра со асот, кој секогаш го има во ракавот – албанскиот сојуз. Неспорното партнерство со САД, ја донесе албанската политика на прагот на остварувањето на историскиот сон – обединување на албанските национални територии.

Голема Албанија би била секока американска марионета со која Вашингтон конечно би ја затворил балканската празнина во стратешкиот распоред на САД и на Запад, и целосно би ја оневозможил реализацијата на руските интереси. Груевски не успеа да собери доволно потписи за да формира парламентарно мнозинство. Една од највлијателните американски невладини организации „Judicial Watch“ за тоа го прозва американскиот амбасадор во Скопје Џес Бејли, дека за  отстранувањето од власта на ВМРО-ДПМНЕ  и премиерот Груевски, потрошил милиони со помош на Стејт департментот, УСАИД и останатите структури на Џорџ Сорос. „Judicial Watch“ констатира дека Груевски е посебен трн во окото на Сорос, со оглед на тоа дека беше клучна алка во запирањето на соросовите проекти во неконтролираната миграција од Блискиот исток во Европа. Власта во Македонија несомнено ја красат корупција, непотизам и самоволие. Прашањето е само која е полоша.

Заев многу пооопасен од Груевски

Дефинитивно е многу полоша социјалдемократската опозиција која ја предводи Заев. Тој е нов, но многу поопасен пиун. Очигледно е дека е и многу понеинтелигентен oд сегашниот лидер на ВМРО. Тој, понесен од снимените разговори кои му ги дадоа Американците, со тоа го започна своето инсталирање за да стане главен протагонист на опасното сценарио за распад на Македонија.

Верувајќи дека под американско покровителство со потписите на албанските партии ќе дојде до власт, Заев како пијан за стап се држи и го прифати  договорот за Албаснката платформа која беше смислена под покровителство на Еди Рама. Договорот Заев- Рама дефинитивно е е преседан во новата историја на Македонија, но и во Европа, а истовреме е и преседан за кој сите молчат.

kol235-prendzov-ivanov-1

Иванов контра Рама, Заев, САД и ЕУ

Формирањето на таканаречената „Платформа од Тирана“ на значи ништо друго туку отворено мешање на Рама во внатрешните работи на Македонија. Тоа на некој начин го потврдува и неговата изјава во која исткна дека платформата е „историски чекор“. Во првичната намера ги спречи претседателот Иванов кој храбро одби да му го даде мандатот на Заев и покрај тоа што токму за тоа да се случи лобираа и Могерини и Хан, а Американците ведна направија медиумиска хистерија и покрај тоа што Уставот предвидува чување на територијалниот интегритет и суверенитет кои ги загрозуваат пописниците на платформата и нивниот коалиционен партнер, Заев. Таа реакција на Иванов е особено важна во светот за надеж за опстанов на Македонија како држава и на Македонците како политички народ.

Заев ја одби понудата на Груевски, кризата породолжува

За да го спречи прифаќањето на албанската платформа, Груевски на Заев му понуди коалиција во која лидерот на СДСМ ќе биде премиер, само да се откаже од коалицијата со потписниците на платформата, што за Македонија може да биде погубно. Заев, како и секој пиун, тоа го одби, а лидерот на Беса повика на мешународна интервенција. Повлекувајќи паралела и анализирајќи го патот кој Македонија ја доведе до статусот на глобална лабораторија, новинарката Мирка Велиновска одлично констатира: Истата работа ја направивме со атентатот на Киро Глигоров во 1995 и потпишувањето на Привремениот договор. 1998 го признавме Тајван а 99та македонија државна територија беше регистрирана како Европска Унија и го прифативме режирањето на паничниот бегалски бран од Косово во договор со Пантагон и CNN за време на инвазијата на ОВК која пак беше основана од ЦИА и Пантагон што го призна и самото политичко водство на Косово, Македонија се согласи на ваков криминален договор. По потпишувањето, веднаш таканаречената „Меѓународна кризна група“ која го предложи името на државата паралелно со легализацијата на нива уставни промени, направи невидилив премин од двојна во тројна формула. Потоа следеше авионската „несреќа“ на ТРајковски и неуспешниот референдум во 2004.

Заради промената на власта во 2006 годинапо изборите во 2008, 2011 и 2014 година опозицијата секогаш се обидуваше да направи криза и тоа со три неуспешни обоени револуции. Последната во низата беше преку „бобашката афера“ на Заев која му помогнаа неговите америкснаки „пријатели“, студентските пленуми  и најважно соросовите експерти и одредени новинари. Сето тоа се одвиваше во недвосмислена потпора од амеиканските претставници, РУ и Велика Британија, како и Франција и OESS.

Од сето ова може да се заклучи само една работа, Македонија останува на точка на вриење.

Српски медиуми: На Македонија ѝ се заканува поделба по линијата на Вардар

Srpski-vesnici-za-podelba-na-Makedonija

Дневните весници во соседна Србија се преполни со наслови и написи против идејата и волјата на лидерот на СДСМ, Зоран Заев, да ги прогласи Србите за геноциден народ. Според Заев, Србите извршиле наводен геноцид врз Албанците во Македонија во периодот од 1912-1956 година. Ваквите егзибиционистички политики на Зоран Заев, кои се на пат да ги доведат односите меѓу Македонија и Србија до ниво на експлозија, имаат единиствено за цел додворување на албанските партии преку исполнување на платформата од Тирана за влез со него во Влада.

podela-640x485

Доколку Албанците во Македонија за себе си изградат „ореол на жртви“, тоа би можело да биде основа на нивното барање на самоопределување, вели историчарот Александар Животиќ. Додека историчарот Предраг Марковиќ неведува дека Албанците би биле единствени жртви на геноцид, чијшто број на население неколкупати се умножил, пишува белградска „Политика“ во текстот под наслов: „ На Македонија ѝ се заканува поделба по линијата на Вардар“.

„Политика“ во поднаслов „Заев го бара мандатот, Иванов размислува“ повикувајќи се на разговор со директорот на Центарот за комуникации на ВМРО-ДПМНЕ, Иво Котевски, го цитираат Котевски кој вели дека ВМРО-ДПМНЕ останува на ставот кој го кажа лидерот на партијата, Никола Груевски:

-Ние остануваме на ставот дека не смее да се дозволи да се редефинира Македонија, со платформата која е усвоена во Тирана. Граѓаните не гласале ниту за двојазичност, ниту за промена на банкнотите, ниту за федерализација или кантонизација. Затоа и му дадовме на Заев понуда да ја отфрли албанската платформа со што ќе ја добие нашата поддршка. Меѓународната заедница сакаше идната влада да обезбеди што поголема поддршка. На тој начин Заев ќе има 100 пратеника, само да го запре антидржавното сценарио.

geno-360x523Желбата за создавање Голема Албанија не е тајна, како ни тоа дека албанските политичари во Македонија своето делување го насочуваат со цел остварување на таа цел. Пишува дневниот весник „Блиц“ во анализата под наслов „Каков геноцид, какви будалаштини, тужбата против Србите е плод на албанската фрустрација“.

Александар Попов, директор на Центарот за регионализам, за „Блиц“ вели дека исполнувањето на сите услови кои албанските партии им ги дале на СДСМ значат опасен чекор за отцепување.

-Албанците имаат голем проблем со историјата, зошто во периодот на светските војни секогаш биле на губитничката страна. Во балкансите војни се држеа до Турција и загубија и затоа се фрустрирани – вели Душан Јанјиќ за „Блиц“, кој дополнува: „Ние мораме да имаме добри односи со Македонија ако сакаме мир на западен Балкан, без разлика дали им се допаѓа тоа на Албанците или не“.

korak-1-360x516

Дневниот весник „Вечерње новости“ под бомбастична најава „Идната македонска влада попушта пред Албанците“ на насловна страница осамна со текстот „Скопје на чекор да ги обвини Србите за геноцид?!“.

Зоран Заев не само што ги влоши односите со Србија и ја стави Македонија во незгодна ситуација, туку и е на пат да го запали бурето со барут, кое Албанците му го наполнија. Дека тоа е така сведочат и пишувањата на српскиот портал „Информер“, односно дека лидерот на СДСМ и кандидат за премиер, Зоран Заев, склопил скандалозен договор со албанските партии да ја поддржи нивната декларација со која Србија се обвинува за „геноцид“ над Албанците, наводно направен од 1912 до 1956 година. Порталот повика државниот врв на Србија веднаш да повлече контрамерки доколку се усвои декларацијата со која Србија би се обвинила за геноцид во Македонија.

informer-1

„Потребно е веднаш да се повлече признавањето на Македонија под името Република Македонија и оваа држава да се признае под името под кое ја познаваат и другите држави – Поранешна Југословенска Република Македонија или ПЈРМ“, стои во апелот на редакцијата која е револтирана што Зоран Заев, како и многу политичари во регионот, мисли дека може до недоглед и неказнето да ги понижува Србија и Србите“.

Шефот на српската дипломарија, Ивица Дачиќ, порачал дека Македонија, ако ја усвои политиката „за српски геноцид“, ќе предизвика сериозен скандал.

-Ако е ова вистина, тогаш тоа ќе остави тешки последици. Србија адекватно, реципрочно и цврсто ќе одговори.

Потполковникот на КОС во пензија, Љубан Каран за „Информер“ вели дека сево ова е последица на стратегијата на Западот за нарушување на мирот на Балканот.

-Ако Заев заради власт биде подготвен да ги продаде интересите на македонскиот народ, зошто тогаш не би бил дел од албанскиот заговор против Србија? Јасно се гледа дека нападите врз Србија ги креира моќна рака од Западот. Ако само Србија искрено сака мир, мали се шансите да се зачува и покрај отстапките – вели Каран за „Информер“.

Биљали до Трајковска: Македонија треба да се подели еднаш засекогаш

Biljali-Trajkovska

На интернет-каналот „Јутјуб“ завчера се најде уште една снимка во серијалот објавен од анонимно лице, кое се потпишува како „Никола Тесла“. Станува збор за разговор меѓу новинарката Оливера Трајковска и албанскиот аналитичар и професор Мерсел Биљали, пишува Дневник.

Од она што се слуша на снимката од приватниот разговор, Биљали и’ се обраќа на Трајковска во прилично интимна конотација при што и’ вели дека ако го покани во емисија ќе ја силува пред камерите, а потоа разговорот продолжува на тема – нејзините гости во дебатната емисија. Откако таа му одговара дека меѓу гостите ќе биде и аналитичарот Рамадан Рамадани, Биљали го квалификува како „екстремист, кој има пукано“, а подоцна обајцата се шегуваат на негова сметка. Во текот на разговорот Биљали коментира и дека „Македонија треба да се подели еднаш за секогаш“.

Зошто токму сега и зошто токму овој разговор се прашањата поставени во форма на коментар под видеоснимката на „Јутјуб“. Одговор нема од анонимниот објавувач, а нема ни од надлежните институции, како што немаше ниту за другите снимки од приватни разговори на јавни личности, политичари и новинари претходно.

СЈО молчи и за овој и за сите разговори претходно

„Дневник“ се обрати вчера до Специјалното јавно обвинителство дали тие имаат намера да покренат постапка, но до крајот на работниот дел од денот одговор не добивме.

Дека нови снимки ќе бидат објавувани „Дневник“ пишуваше на почетокот на декември, а истите се однесуваат на врвот на ВМРО-ДПМНЕ и на бизнис-секторот близок со неа. Ваквата најава тогаш ја даде токму лицето со ник „Никола Тесла“, а кое и претходно стоеше зад пуштањето повеќе снимки од прислушувани разговори.

Во дописот што беше тогаш испратен до порталот „Револуционер мк“ се наведува дека првите разговори беа пуштени со цел македонските граѓани да видат на кој начин се водела државата изминативе десет години. Во продолжение лицето наведува дека нема да ги поштеди ниту новинарите. Авторот наведува дека снимките, во кои ќе се објават и скандалите со сексуалната ориентација во врвот на владејачката партија, ќе бидат објавени наскоро.

Подоцна истиот месец беа објавени три телефонски разговори на истата новинарка со Мендух Тачи, но никој не реагираше, ниту од МВР ниту од СЈО. Стануваше збор за разговори снимени незаконски пред минатите избори, а беа објавени на фејсбук-страницата Opozita Shqiptare e Maqedonise и на Lirim Ilirid. Не е познато кој ги објавил овие разговори. Но, на оваа социјална мрежа може да се види дека фејсбук-страницата Opozita Shqiptare e Maqedonise е од постар датум и оти има дури 28.645 поддржувачи. На оваа страница, покрај нејзиното име, може да се забележи и ознаката дека е kundermaqedonise, односно „противмакедонија“. За разлика од неа, фејсбук-страницата Lirim Ilirida е нова и очигледно е направена со цел преку неа да се објават најновите снимки на прислушуваните разговори.

Цедиња со снимки се нудат од 100 до 300 денари

Од моментот на објавувањето на прислушуваните разговори од опозицискиот СДСМ и нивното предавање на Специјалното јавно обвинителство, во јавноста почнаа да се појавуваат и други снимени разговори. Тие не само што почнаа да се пуштаат по социјалните мрежи, туку слободно можеа и да се купат на разни локации во земјава по цена од 100 до 300 денари за едно цеде.

Претходно објавените разговори се однесуваа на приватни конверзации меѓу уредникот на телевизијата „Сител“, Драган Павловиќ – Латас, и сопственикот на медиумот, Горан Иванов, на разговорот меѓу Павловиќ и Ивона Талевска, главен и одговорен уредник во дневниот весник „Вечер“, како и меѓу првиот човек на скопската Kомерцијална банка, Хари Kостов, и Бранко Бојчевски, основач на агенцијата за обезбедување „Оса“.

Сите овие снимки и натаму може да се слушаат преку социјалните мрежи и покрај најавите од МВР и од Специјалното јавно обвинителство дека ќе преземат с` што е потребно да се открие личноста што ги објавува и да се оневозможи нивното натамошно објавување. Од овие органи с` уште нема никакво објаснување до каде стасале во истрагата иако засегнатите граѓани поднеле барање за отворање кривична постапка за објавени разговори на „Јутјуб“ од анонимно лице потпишано како Никола Тесла.

Тимоти Лес не отстапува: Голема Албанија, Голема Србија и Голема Хрватска со поделба на Македонија како решение за Балканот

timoti-les

Тимоти Лес, поранешен политички секретар во амбасадата на Обединетото Kралство во Скопје, и натаму предизвикува внимание во јавноста откако ја објави својата анализа во „Фореин полиси“, во која заговара формирање голема Србија, Хрватска и Албанија, пишува Дневник.

Притоа за Македонија тој го препорачува рецептот албанското малцинство да добие форма на независност, односно федерализација, а потоа спојување со матичната држава Албанија. Тоа што особено ги запали страстите на Балканот е што се смета дека преку него, всушност, Велика Британија го подготвува теренот за ваква политика.

Лес, кој сега ја раководи агенцијата „Нова Европа“, вели дека во прекројувањето на границите има три сценарија. Прво и најдобро би било за регионот да решат Велика Британија, Германија, Франција, Русија и Турција со надворешна помош на САД. Што за ова мислат народите чија судбина би требало да ја кројат големите сили, овој бивш политички британски секретар не го интересира. Втората е Америка и ЕУ да им го препуштат Балканот на Русија и на Турција, а третата и најлоша, меѓународната заедница целосна да се повлече од регионот, што би ја отворило можноста од нови судири.

Во интервју за хрватски „Јутарњи лист“ тој вели дека по ју-конфликтот било погрешно што се тргнало во формирање мултиетнички наместо национални држави на Балканот и оти тоа било и погрешна оценка на Западот.

– На Балканот нема услови за создавање успешни мултиетнички држави во кои тамошните граѓани, без разлика на националноста, би имале еднакви права, сигурност и економски можности. Тоа е регион во кој постои недостиг од демократска традиција и уставен либерализам, кој на малцинствата им дава самодоверба и доверба во институциите на државата – вели Лес.

Тој притоа истакнува дека „Западот не е во состојба да ги спречи малцинските народи во обидите да се поврзат со матичните држави“. „Босанските Срби одржаа референдум за Дејтон со поддршка на Русија, а од Западот немаше посериозна реакција“, вели поранешниот политички секретар во британската амбасада во Скопје.

Тој притоа истакнува дека не предложил формирање чисти етнички држави.

„Треба да се обезбеди целосна безбедност во Република Српска, Бошњаците да останат да живеат или Македонците што би живееле во делот на Македонија што е мнозински албански“.

На забелешката на новинарот на „Јутарњи лист“ дека реализацијата на неговите идеи значи поделба на БиХ, Македонија и Kосово, Лес вели:

– Тие држави и онака се де факто поделени, така што поделбата што ја спомнувате не е условена со реализација на моите идеи. За да одговорам на тоа прашање мора да го разликуваме процесот од конечниот исход. Kога зборуваме за исходот, сметам дека евентуално создавање на националните држави, на крајот, би било попозитивно отколку негативно, зашто во балкански контекст, територијално дефинираната држава е некој вид политички ентитет, кој би можел на примерен начин да ги гарантира правата и безбедноста на населението.

Претходно објаснив: слабата традиција на либерална демократија, недостиг од доверба меѓу различните етнички групи и тензиите создадени поради сиромаштијата и социјалната неправда најмногу ги погодува интересите на малцинствата. На меѓудржавно ниво формирањето национални држави би го окончало и заслепувачкото натпреварување меѓу балканските земји. Погледнете, односите меѓу Србија и Хрватска, Србија и Албанија или меѓу Албанија и Грција се функционални и ниту една од тие земји на претендира на територии од другата држава, а населението не се плаши дека ќе почне војна. За разлика од тоа малцинските народи во Босна, Македонија, на Kосово чувствуваат несигурност. Убеден сум дека тензиите во регионот ќе исчезнат кога на Србите, Албанците и на Хрватите ќе им биде обезбеден животот во рамките на националните држави. Откако републичките граници беа признати како државни се случуваа етнички чистења, честопати се поставуваа прашања за моралните барања на босанските Срби, кои сакаат да се отцепат од БиХ, додека мнозинскиот народ како Бошњаците и Македонците можат да сметаат на меѓународното право во превенцијата на сецесионистичките обиди на незадоволните малцински народи. Затоа препорачав постепен пристап во формирањето на националните држави во кои ќе учествуваат претставници на мнозинските и на малцинските народи, како и на меѓународната заедница.

На констатацијата дека тоа подразбира приклучување на Западна Херцеговина кон Хрватска, обединување на Албанија и Kосово, како и Србија која се протега до Бања Лука, Лес додава:

– Речиси така. Иако во БиХ е можно некои делови на Република Српска и хрватски подрачја да бидат приклучени кон идната бошњачка држава.

МАКЕДОНИЈА, БИХ И KОСОВО ЦЕЛОСНО ДИСФУНКЦИОНАЛНИ ДРЖАВИ

Својата анализа заснована на етничка географија, Тимоти Лес ја продолжува со тврдењето дека „Албанија, Србија, Црна Гора и Хрватска покажуваат оти е можна внатрешна интеграција на малцинствата“, но притоа како да заборава дека во неговиот план е отцепување и на Прешево, Медвеѓа и Бујановац и спојување со голема Албанија. Затоа, пак, вели дека „во Босна, Македонија и на Kосово постојат незадоволни национални малцинства на етнички хомогени подрачја чии стремежи предизвикуваат перманентни тензии…, а сите три држави се целосно дисфункционални“.

 

Британски дипломат: Расцеп на Македонија, сценарио спроведено со надворешна и внатрешна помош

balkan-vojna

На Балканот се враќа национализмот, a кога ќе избледи влијанието на Западот, ќе настапи нова ера на немири кои ќе резултираат со прекројување на денешните граници. Бошњаците и Македонците ќе треба да ја прифатат загубата на територијата за која тие се сентиментално приврзани и тоа без значителна територијална компензација.

uck-golema-albanija-patokaz

Западот не ги трга рацете од балканскиот котел, но она што е уште полошо е силната домашна поддршка што ја добива од структури кои за лични интереси работат против националните. Такви примери има во целиот регион, но она што нас нè засега како Македонци, а пред сè како луѓе, е жешката манџа што ни ја сервираат предавниците групирани во Социјалдемократскиот сојуз на Македонија, под раководство на Зоран Заев и Радмила Шеќеринска.

karta

Дека федерализацијата на Македонија и сè поизвесното воведување на албанскиот јазик како рамноправен јазик во Република Македонија не е политичка манипулација на политичкиот противник во предизборниот процес, туку реална закана која секако ќе се реализира со помош на државни институции од извршната и судската власт и странскиот фактор, постизборно сфатија и поддржувачите и симпатизерите на СДСМ. Замајани од ветувањата за живот во Македонија, на 12 декември се разбудија во неизвесна иднина.

Мрачни прогнози за балканска експлозија

Веќе стигнуваат предупредувачки и заканувачки сигнали од Запад дека на Македонија не ѝ бега нова балканска војна доколку не се реализираат намерите на опозицијата без победа на избори да ја преземе власта и да го отвори патот кон реализација на големоалбанскиот сон.

zaev-alb-dijaspora

Разно-разни аналитичари впрегнати да го ораат кревкиот терен веќе се впуштија во пласирање катаклизмични анализи за нови бегалски бранови, војни, разорувања, кои од која страна и да се погледне, ќе завршат со формирање на Голема Албанија, а во прилог им иде, секако, предавничката политика на политичките профитери и постојаната разединетост на нациите, во нашиот случај на македонската. Проклетството на разединетите Македонци да го повлечат надолу секој кој ќе се обиде да излезе од зовриениот котел, им дава елан на само повиканите аналитичари и дипломати да си играат со луѓето и да ги дробат државите како да се бисквити.

„На Балканот се враќа национализмот, a кога ќе избледи влијанието на Западот, ќе настапи нова ера на немири кои ќе резултираат со прекројување на денешните граници“, анализира Тимоти Лес, поранешен шеф на британската амбасада во Бањалука и директор на агенцијата „Нова Европа“, која се занимава со процена на политичкиот ризик во источна Европа.

Нови бегалски бранови, како оние во деведесеттите ќе го заплиснат Балканот, тврди Лес и предвидува дека хаосот ќе започне со отцепувањето на Република Српска, која на референдум ќе се спои кон Србија. Според него за развој на ова сценарио многу ќе помогне Русија, која со двете раце ќе прифати да учествува во слабеењето на моќта на Западот на Балканот.

vucic-dodik-520x308

Ова, тврди тој, ќе предизвика домино-ефект. Хрватите од Босна ќе се обидат делот на кој живеат да го спојат кон Хрватска, која сесрдно ќе им помогне. Албанците во Македонија ќе се побунат и ќе се обидат да откинат добар дел од земјата. Така проширената Албанија би го споила Косово, со што ќе се оствари вековниот сон за создавање на терористичка Голема Албанија.

Идејата за Голема Албанија во Македонија со години систематски ја реализираат албански екстремисти, а во последните години таа доби силен замав преку парламентарната проалбанска партија СДСМ на чело со Зоран Заев и Радмила Шеќеринска. Голем поттик на оваа идеја ѝ даваат и албанските партии во Македонија, кои без разлика дали се парламентарни или не и на која ориентација ѝ припаѓаат, работат со иста агенда на иста цел – Голема Албанија. Освен тоа, не смее да се превиди и влијанието на странскиот фактор, кој е голем сојузник на проалбанската СДСМ и албанските партии во Македонија.

Апокалиптичната анализа на британскиот дипломат и лобист не запира тука. Според него, просрпските граѓани на Црна Гора, кои сочинувааат половина од бројот на граѓани на земјата, ќе побараат спојување кон тогаш вее проширената Србија. На сето тоа, Бугарија и Грција, кои демнат, апетитите за парче земја ќе ги задоволат со остатокот од колачот на веќе растрганата Македонија.

obama-dodik-putin-520x299

Русија би го искористила ваквиот епилог и значително би ја засилила својата позиција на Балканот, пред се поради традиционално добрите врски со православните земји Србија, Црна Гора, Грција, па и Бугарија.

„Голем проблем би предизвикал рапидниот раст на муслиманскиот екстремизам, кој несомнено би привлекол бројни џихадисти од Саудиска Арабија и слични земји“, тврди Лес. Имајќи предвид какви монструозни злосторства правеа џихадистите во деведесеттите години, ескалацијата на насилствата во некои делови на Балканот би била неизбежна, предупредува тој. Таквото сценарио само би ја потпалило растечката исламизација на Европа, смета Британецот.

nacionalizam-balkan-vojna-520x338

ЕУ и САД не би го признале ваквото прекројување на границите и секако би вложиле доста труд за да не дојде до тоа. Сепак, смета Лес, моќта на Западот дотогаш многу би опаднала, така што не би можел да стори ништо.

„Можеби новиот балкански поредок нема да се случи утре, но како што моќта на ЕУ се топи, така денот на почетокот на овој неизбежен судир е сè поблиску“, убеден е Лес во точноста на својата мрачна прогноза.

Улогата на Вашингтон во прекројувањето на Балканот

golema-albanija

На краток рок, Вашингтон треба да ја поддржи внатрешната фрагментација на мултиетничките држави каде што малцинствата го бараат тоа – на пример, да се прифати барањето на Албанците за федерализација на Македонија и тоа на Хрватите за трет ентитет во Босна. На среден рок, САД треба да им овозможи на овие различни територии да формираат блиски политички и економски врски со нивните поголеми соседи, како што е овозможување на двојно државјанство и воспоставување на заеднички институции, додека формално ќе останат дел од нивната постоечка состојба.

balkan-vojna-520x323

Во последната фаза, овие територии би можеле да се ослободат од своите постоечки состојби и да се обединат со матичната земја, можеби во почетокот како автономни региони. Еден хрватски ентитет во Босна ќе се спои со Хрватска; Република Српска и северот на Косово со Србија; и Прешевската Долина, западна Македонија, а и повеќето од Косово со Албанија. Во меѓувреме, Црна Гора, која може да ги изгуби своите мали албански енклави, или ќе остане независна или ќе се соедини со проширена Србија. Во остварувањето на овој план, САД едноставно ќе ја заживее на визијата Вилсон за Европа составена од самоуправни земји – освен во оној дел на континентот каде што оваа визија никогаш се применувала.

begalci-520x277

Неизбежно, ќе има потешкотии и ризици, иако не толку сериозни како оние кои произлегуваат од постоечкиот неуспешен пристап на политиките. Србија ќе мора да се прости од Косово, освен северниот дел, но надоместокот ќе биде реализација на српската нација-држава на територијата каде што доминираат Србите. Албанците на сличен начин ќе мора да се откажат од северно Косово. Попроблематично, Бошњаците и Македонците ќе треба да ја прифатат загубата на територијата за која тие се сентиментално приврзани и тоа без значителна територијална компензација.

Кој е Тимоти Лес?

timoti-les-520x365

Аналитичар, дипломат и креатор на политика во британското Министерство за надворешни работи и Комонвелтот, каде што, меѓу другото, раководел со канцеларијата на Британската амбасада во Бања Лука (Босна и Херцеговина) и Одделот за институциите на ЕУ и служел како политички секретар на Британската амбасада во Скопје (Македонија). Тој е исто така е поранешен предавач на источноевропска политика на Универзитетот во Кент и поранешен аналитичар за рејтинг-агенцијата „Дан енд Бредстрит“, каде што го покривал Балканот и поранешниот Советски Сојуз.

Рамковниот договор е спроведен, ако се отвори, следува физичка поделба на Македонија

mak-slozuvalka

Денеска, како резултат од војната во 2001 година, Република Македонија е мултиетничка држава, со Рамковниот договор, кој беше спроведен во Уставот на Република Македонија, беа изедначени сите етнички заедници што живеат во државата, изедначени по својот државотворен карактер, во граѓанска смисла и претходно сите беа еднакви во оваа држава. Во денешната проекција на СДСМ за редефинирање на државата ги наоѓаме само Македонците и Албанците, Заев не го чувме да каже во Струмица, покрај македонскиот и албанскиот, да се воведат и влашкиот, српскиот, ромскиот, турскиот и други јазици. Со тоа Заев се стреми Македонија да прерасне во биетничка држава, на тој начин мултиетничноста и Рамковниот договор можеме да го гледаме само како етапа пред целосното исполнување на сонот за „Голема Албанија“, и сето тоа врз грбот на Македонците, но и врз грбот на Турците, Власите, Србите и на Ромите.

Во своето обраќање пред албанската дијаспора во Берн го отвори, а на митинзите го повторува прашањето за отворање на Охридскиот рамковен договор. Претседателот на СДСМ Зоран Заев вели дека “мора да се оди преку него“ доколку сме верувале во “еднаквоста и рамноправноста“. Заев нагласи дека Рамковниот не бил доволен и требало да се напуштат рамките за да се исполни договор кој е веќе исполнет и затворен. Доколку земеме предвид што сѐ нуди Рамковниот договор и фактот дека е спроведено речиси сѐ од него, следни барања, бидејќи веќе нема што да се бара, би биле физичка поделба на државата, нејзина федерализација како стадиум пред поделба.

-Охридскиот рамковен договор не е договор. Мора да одиме преку Охридскиот рамковен договор, оти тој е рамка некоја. Зошто во 21 век, 25 години независна Македонија да има рамки на ограничување. Не, ќе веруваме во еднаквоста и рамноправноста и ќе му помогнам на мојот сограѓанин Албанец, вели Заев.

Ова играње со оган ќе нè изгори сите. Ова што го зборува Заев е чисто уривање на рамковниот договор. Тој е свесен дека со самото тоа што сака од СДСМ да направи албанска партија, тоа се коси со одредбите од Рамковниот договор, смета аналитичарот Никола Србов.

-Заев сака да биде поголем Албанец од Албанците и отвора прашања кои подоцна можат да ни создадат многу големи проблеми во државата, кои Албанците воопшто не ни помислиле да ги отворат. Знаат дека не е изводливо во овој момент да се поставуваат такви прашања токму поради рамката која ја добивме со војната од 2001 година и со тој Рамковен договор и во тој момент се пронаоѓа Зоран Заев да ги отвори овие прашања и да ја крене цената на албанските барања кога ќе се создава идната влада на Република Македонија“, рече Србов.

Заев директно ги поткопува државноста на Република Македонија и Уставот со ваквите изјави и со ваквиот тип на политика, ловејќи албански гласови.

Србов: Кантонизација ќе води кон физичка поделба на Македонија

nikola-srbov-izjava-1

Што може да значи тоа надградување на рамковниот договор? Тоа може само да значи федерализација или кантонизација на Р. Македонија, создавање на дводомен парламент, како што пред некое време во јавноста се слушна таква идеја, рече за ТВ Нова аналитичарот Никола Србов.

„Дводомен парламент, кантонизација, на балканските простори, познавајќи ја блиската историја води кон физичка поделба на државата Р. Македонија“, вели Србов.

Србов во гостувањето на ТВ Нова му постави и неколку прашања на лидерот на СДСМ, Зоран Заев.

„Јас навистина би сакал да го запрашам господинот Зоран Заев, бидејќи во истото тоа излагање, на тој собир кажуваше дека Македонците се виновни за сето она што го прават и нашите соседи.

  • Дали Македонците се виновни за спорот кој Грција го води против Р. Македонија и тоа дека сакаат да исчезнеме ние како човечки суштества од оваа држава?
  • Дали Македонците се одговорни што Р. Бугарија го негира нашето постоење и нашиот јазик исто како што сака да ги изнегира господинот Зоран Заев?
  • Дали Македонците се виновни што Р. Србија не го дозволува нашето право да имаме сопствена црква?
  • Дали Македонците се виновни што во 2001 година Македонија беше нападната од надвор со цел да се отцепат територии од нашата држава?

„Господинот Зоран Заев треба да биде свесен и да му биде јасно дека со ваквите изјави и со оваа политика која ја спроведува, тој гази низ сите оние жртви кои низ историјата го дале својот живот за Македонија. И на крајот, гази врз луѓето и семејствата кои се завија во црно во 2001 година, кои се бореа за да не се случува токму тоа што сега го нуди господинот Заев“, изјави Србов.

Михајловски: Намерата е да се федерализира земјата, можеби дури и пострашно, да се подели

mihajlovski-gdom-kicevo

Никогаш не било попотребно да се брани Македонија, бидејќи сме нападнати на сите полиња од социјалното живеење и од политичкиот живот, истакна Тони Михајловски на денешната трибина на ГДОМ во Кичево.

– Гледаме дека намерата е да се федерализира земјата, можеби дури и пострашно, да се подели, но основата е да се уплаши народот. Токму тоа е и една од намерите на овие дебати – да се разбие стравот кај народот, односно да се окуражи народот и да не им верува на оние квислинзи, оние кои работат против Македонија, оние кои работат за воведување двојазичност по секоја цена и на крајот на краиштата да посочиме на медиокритетите кои дојдоа на позиции кои дефинитивно не ги заслужуваат, како што е СЈО, односно целиот тим кој го води и управува СЈО, бидејќи се нестручни луѓе раководени од политичките идеи на една политичка партија СДСМ и дека воопшто не се во функција на државата и на народот на Македонија, посочи Михајловски.