Стефан Влахов Мицов: Стоп за албанскиот политички тероризам

Stefan-Vlahov-Micov

Платформата на албанските политички партии во Македонија е во функција на продолжување на кризата кај нас. Нејзините ултимативни барања не се ништо друго туку најгруб политички тероризам, кој албанските политички команданти го интензивираат и практикуваат посебно од 2001-та наваму. За нив всушност како и да не завршил тероризмот од почетокот на милениумот, туку сега е само преоблечен во политичко руво, користејќи се со филозофијата на хиената за да му нанесат завршен удар на наслабнатиот, ранет и разединет македонски народ.

Барањата во албанската платформа се дрско уценувачки. Прво: Охридскиот рамковен договор. Тој е одамна исполнет над нормата и вклопен во Уставот,  договорот кој за Македонците, за жал, е капитулантски. Притоа, ајде, малку беше тој, па основавме и паразитско Министерство за негово исполнување, кое потроши купишта народни пари и за некои белосветски гробари на Македонија од сортата на македономрзецот Питер Фејт.

Второ: се бара крунска потврда за Албанците во Македонија како државотворен народ, иако е, за жал, тоа веќе е факт уште од почетокот на деведесеттите. И тоа е случај без преседан во светот, едно малцинство да се прогласи за државотворен народ, без да има какво било историско и етичко право на тоа. Ако е така, како што го замислија тоа Вашингтон и Брисел, ајде нека бидат во Франција, на пример, државотворен народ Арапите, а во Германија Турците кои што ги има неколку милиони, или Индусите и Пакистанците во Англија итн.

Трето: јазична еднаквост. Албанците во Македонија надстандардно ги уживаат јазичките права. Сегашниот притисок за двојазичност на целата територија исто така се вклопува во филозофијата на хиената за целокупна албанизација на македонската територија. Тоа е целта и на Еди Рама новиот балкански и европски Милошевиќ.

Четврто: дебата за знамето, химната и грбот, барање  што удира силеџиски врз изворните симболи-архетипови на македонскиот идентитет, со намера истиот да се ликвидира. А што друго. Или на местото од Гоце, Карев и Даме во химната сега да ги ставиме Џемо и Мефаил, а меѓу нив во средина и Еди Рама.

Петто: вклучување на албанските политички команданти во преговорите за името со Грција. Безобразно и безумно барање. Македонски манифест ним им порачува да ги држат што подалеку нивните валкани раце и намери од она што ни е најсвето – праизворот од кој пиеме животворна вода на нашето постоење.

Шесто: соработка со Косово и Албанија за интегрирано гранично управување(!?), иако меѓу нив и Македонија, за жал, и сега постои само фиктивна граница преку која кога сакаат можат да дојдат неканетите гости во Диво насеље и кај што ќе посакаат на друго место.

Врв пак на ирационалноста на албанските политички команданти кај нас е нивното барање за усвојување на Резолуција со која ќе се осуди геноцидот врз Албанскиот народ во Македонија во периодот од 1912 до 1956, периодот во кој, имено, Македонците преживеаја неколку геноцидни потфати врз нив. Убаво барање. Убава Резолуција. Не ни останува ништо друго освен да го цитираме Крлежа, кој со право вели дека и „глупоста е метафизички факт“. Односно може да биде беспрекорно совршена, како што е и ова барање во албанската платформа која е некој вид на коктел од триумфализам и фрустрација. Најлошата хемиска комбинација.

На крајот, кој треба да биде одговорот на Македонците на таа крајно дрска политички терористичка платформа на албанските политички команданти, сега марионетки на надкомандантот Еди Рама, новиот балкански и европски Милошевиќ. Прво: Македонците на ова треба решително да кажат НЕ, макар и по цена на заканата за нова 2001, која е очигледна во поттекстот на албанската платформа. Второ: тоа треба да биде последен сигнал за цврста кохезија на Македонците за одбрана на своите национални интереси, име и идентитет. За одбрана на нивната историска меморија на која ѝ се заканува укинување и од надворешни силници, а кон кои сега отворено им се приклучуваат и албанските политички команданти во Македонија со нивната платформа со терористички мирис. Трето: да си го заземат Албанците во Македонија местото на малцинство, а не на државотворен народ за што немаат ни историско ни етичко право, на начин како што е тоа во западните европски држави. Оти Македонија е единствен пример во светот каде една малцинска група бескрупулозно, за жал со нејзините западни спонзори, го уценува мнозинството. Но Запад допрва ќе ги собира горчливите плодови на неговиот мрачен експеримент со Македонија и Македонците кои, иако со многу жртви, ќе се одбранат како што и досега многупати се одбраниле во неблагонаклонетата историја. Македонски манифест за тоа мисли дека е конечно време и повикува за создавање на Семакедонски фронт за одбрана на своето постоење.

На крајот Македонски манифест ги повикува албанските политички лидери да ја повлечат својата, и на Рама, нереална, шизофрена платформа и да запрат со фрлањето отров во душата на обичните невини Албанци. Конечно и нека не бидат марионетски џуџиња во валканите политички дланки на Еди Рама.

Дали амбасадорите имаат мандат да ја претставуваат својата земја во Македонија или да бидат власт?

ambasadori-politika-makedonija

Дали странските претставници во Македонија имаат мандат да ја претставуваат својата земја или да бидат власт во туѓа? Ова е прашањето кое се наметнува во јавноста откако странски амбасадори и други меѓународни претставници изминативе години директно вмешуваат прсти во внатрешната државна политика.

Лидерот на ВМРО-ДПМНЕ Никола Груевски при објавувањето на прогласот изјави дека државата мора суверено да ги носи одлуките и потенцираше дека „некои амбасадори почнаа премногу да се мешаат во внатрешната политика на земјата“.

Бејли во ДИК

-Тоа мора да запре, остануваме отворени за комуникација со сите амбасадори и претставници на други држави, но некои амбасадори кои почнаа премногу да се мешаат во нашата внатрешна политика. Мора да престанат да го прават тоа, рече Груевски и нагласи дека ВМРО-ДПМНЕ во иднина нема да прифаќа нестандардни или хибридни решенија во било кој сектор доколку истите ги нема во другите земји членки на ЕУ.

zaev-italijanski-ambasador

Мешањето на странските амбасадори не е нешто ново кога Македонија е во прашање, смета експертската јавност. Сегашни и поранешни амбасадори на САД, ЕУ, но и други држави, изминативе години директно се вмешуваа во македонската внатрешна политика, но и вршеа притисок не само врз законодавната власт, туку и врз извршната и судската власт.

bejli-zvrlevski

Политичкиот аналитичар Александар Пандов смета дека листата на работи кои странците ги имаат направено во Македонија е многу долга.
-Ние имаме многу лошо искуство и во минатото, во цели 25 години мината историја која ја има независна Македонија, но тоа изразено го видовме во последните 2 ипол години. Беа толерирани највандалско и најхулиганско однесување на луѓе кои беа предводени од политичката партија СДСМ и платени од соросовите граѓански и невладини организации, вели Пандов.

bejli-naroden-pravobranite

На сето тоа, нагласува политичкиот аналитичар, меѓународниот фактор и странските амбасадори воопшто немаа никаков збор да кажат, а сега откако некој се обидува на нелагален начин да ја украде волјата на граѓаните, тие наоѓаат забелешки на реториката, не на однесувањето, туку на реториката на одредени луѓе кои се обраќаа.

на средба со јавниот обвинител на Република Македонија Марко Зврлевски

-Дополнително би сакал да потенцирам, еве да речеме господинот Бејли, па он нели е во можност да ги слушне јасно и да ги препознае политиките кои сега новоизбраниот американски претседател Доналд Трамп ги прокламира, а тоа е дека американската држава и дипломатија немаат намера да се мешаат во бутање на странски влади и во работењето на странски држави, туку дека единствената причина поради која постојат тие странски амбасадори, е за да ги подобрат меѓудржавните односи помеѓу САД и во даденава ситуација- Македонија. На сите тие пари со кои располага американскиот амбасадор преку соросовата фондација, секако дека и он има влијание во нејзе, не гледам дека работат на развивање на пријателски односи, напротив гледам дека и тој и фондациите кои се под негова контрола, работат се за правење на лоши односи меѓу двете држави, дури слободно можам да кажам дека е и еден од главните чинители на оној изборен инженериг кој се случуваше, пред, за време и постизборно во Македонија, вели Пандов.
bejli-vrhoven-sud

fuere-sudii

Британскиот амбасадор Чарлс Герет на прес на СЈО

riker-ustaven-sud

zbogar-lidija-nikolova

eu-ambasador

aivo-orav-lidija-nikolova

fuere

Божиновски: Во политиката 1+1 не е 2

vladimir-bozhinovski-tv-nova

Прашањето околу двојазичноста би требало да се набљудува најмногу од политички аспект, односно од тоа колкава штета или корист ќе им донесе на СДСМ, смета професорот Владимир Божиновски.

-Претпоставувам дека базичната теза од која тие тргнале е тоа дека гласачите кои не се Албанци, а го сочинуваат најголемиот дел од гласачите на СДСМ се сигурни гласачи. Сега во неможност да се покачи рејтингот се оди кон определен обид за привлекување гласачи од оној дел од каде досега не се црпеле гласови, односно од кај албанските граѓани. Тие мислат дека ќе успеат да ги привлечат на својата страна, а нивните членови и приврзаници ќе останат лојални и ќе гласаат за нив. Во политиката неколку пати се покажа дека 1+1 не е 2. Тука е проблемот, СДСМ не сметаат дека некој после овие изјави можеби ќе го промени ставот“, изјави Божиновски.

Колумна на Ирена Радовановиќ: „Авангарда“ во уништувањето на Македонија

irena-radovanovik-sdsm-avangarda

Политика на СДСМ

Имејловите што ги објави „Викиликс“ откриваа дека кандидатката на демократите Хилари Kлинтон гледа со презир на обичните луѓе. Токму обичните луѓе ~ пресудија на изборите во САД. Гласовите ги дадоа на нејзиниот противкандидат Доналд Трамп. Kлинтон, зад која застанаа крупниот капитал и речиси сите водечки американски и европски медиуми, изгуби токму од оние што ги гледа од високо и со презир. А токму со таквите како Kлинтон, на Трамп му претстои уште поголема битка сега по изборите – да го сруши нивниот востановен систем негуван со децении. Систем преку кој американската елита не владееше само со САД, туку и со светот. Систем во однос на кој македонскиот граден со децении му доаѓа како мачкина кашлица. Да кинеш мрежа која со години била плетена од кастата која си ја присвоила државата и себе си се прогласила дека единствената што умее да владее, дека е единствената што знае што треба да се стори во државата, воопшто не е лесно.

Kај нас децении наназад владееше Kомунистичката партија, која пред две и пол децении се нарече демократска, па се преименува прво во СKМ – ПДП, а подоцна во СДСМ. И не е јасно како заменичката на Заев не се препозна во тој систем кој владееше во Македонија, туку се пронајде во она што сега се случува во САД, па рече дека медиумската поддршка не е доволна кога народот ја изразува волјата како што ќе биде на 11 декември во Македонија. Точно е дека најважна е волјата на народот, тој истиот народ веќе десет пати им кажа на Шекеринска и на нејзините сопартијци дека нема да им ја даде власта. Малку изненадува тоа што одеднаш за Шекеринска не е битна медиумската поддршка оти со години слушаме дека СДСМ губел на избори само затоа што медиумите не му биле наклонети. Па се формира дури и ад хок-тело кое треба да мери балансираност. Од СДСМ веќе деценија чекаат медиумите да ги донесат на власт така што ќе удрат жестока негативна кампања против власта. Сега Шекеринска пее друга песна. А таа песна на многумина им е одамна позната – медиум не може да те донесе на власт ако ти ветуваш дека за шест месеци ќе го решиш името или, пак, нудиш двојазичност со што ги поттикнуваш албанските партии на уште порадикални барања. И кога македонска партија ветува двојазичност зашто ДУИ и ДПА да не побараат поделба на државата.

Заев смета дека биле „авангарда“ со ставањето Албанци на нивните листи и нудењето на двојазичност на целата територија. Точно е дека СДСМ е „авангарда“, но „авангарда“ во уништување на Македонија. „Авангарда“ беа и кога го променија знамето, Уставот, го скроија Рамковниот договор, ги прекроија границите по етничка линија, сега уште остана да воведат двојазичност и „авангардно“ да го сменат името.

„Авангарда“ беа и кога со Шекеринска не се ставија на листите за пратеници пред две години, што дотогаш се немаше случено првите луѓе на партијата да не се носители на листи.

Шекеринска тогаш објаснуваше дека биле стар и истрошен кадар. Стар и истрошен кадар со багаж за да бидат на кандидатските листи за пратеници, а нов и свеж да бидат лидери на партијата. „Што би рекле граѓаните кога би ме виделе мене на листа?“, заклучи Шекеринска во едно интервју дадено за една интернет-телевизија.

Kако успеаја со Заев да го тргнат багажот и по две години да не се стари и истрошени, не е јасно. Јасно е само дека имаат намера да ги тргнат сите оние што сега во партијата им се гледаат како што тие се гледале пред две години – стари и истрошени. Оние што ќе се побунат против нив ризикуваат „случајно“ на „Јутјуб“ да се најде нешто од материјалите на Заев што може да им ја наруши честа и угледот.

И во тоа е Заев „авангарда“ оти му се може. Тој си има чадор. Но, чадорот му прокисна. Нови ветришта задуваа во САД. Да се надеваме дека Доналд Трамп и да не направи нешто добро за Македонија, барем нема да се меша во внатрешните работи и ќе го остави народот да одлучува кој сака да го води, а не да креира кризи и преку своите марионети да се обидува да тргне од власт лица што не играат по негово.

Пишува: Ирена Радовановиќ за Дневник

Димовски: Фрапирани сме од злоупотребата на деца од страна на СДСМ во изборните кампањи

dimovski-izjava-veles

Ние сме фрапирани од последниот настан кој се случи во училиштето „Коле Неделковски“ каде што портпаролката на СДСМ очигледно, според тврдењата на родителите и на ученикот, учествувала во некаква си организација на политички реклами, кампањи  и антикампањи во кои што се вклучени ученици, изјави Илија Димовски од ВМРО-ДПМНЕ.

-Ние не сме изнандени и тоа сакам да го потенцирам. СДСМ во Велес неколку години наназад работи по истата патека и измислуваат примери и не би сакал да коментирам премногу затоа што се надевам дека институциите брзо ќе го решат овој инцидент и ќе се најде правиот одговор на тоа што се случило и како во иднина на никому воопшто да му падне на памет да го прави без разлика дали е од СДСМ или ВМРО-ДПМНЕ или некоја трета партија и јасно се знае дека партиите не смее да ги злоупотребуваат децата и учениците во своите партиски активности, потенцираше Димовски.

Данев: Случајот со Спасов е класична местенка, аболицираниот Заев наметнува политика која се базира на насилства и подметнувања

danev-pres-vmro

Целата македонска јавност вчера виде до каде се подготвени да одат политичко – криминалните структури на СДСМ. Целата македонска јавност се увери дека СДСМ политиката ја гледа само како поле на кое што со конструкции и црни сценарија ќе се манипулираат граѓаните. Целата македонска јавност повторно на дело ја виде деструкцијата на аболицираниот Зоран Заев и неговите најблиски соработници. Сега секому му е јасно дека случајот со Диме Спасов е класична криминално – полициска местенка. Сега секому му е јасно дека СДСМ го бараше министерството за внатрешни работи заради реализација на ваквите местенки и злоупотреба на полицијата во партиски апсолутно партиски цели, изјави Драган Данев на прес-конференција.

Во продолжение следува видео и интегрален текст од прес-конференцијата на Данев

Чаушите во СДСМ на чело со аболицираниот Заев одамна го окупираа СДСМ. Аболицираниот Зоран Заев наметнува политика која се базира на местенки, насилства и подметнувања. Чаушите во СДСМ на чело со аболицираниот Зоран Заев проценија дека треба да се склучи пакт со криминалците кои го нападнаа министерот Диме Спасов, да се прикрие нивното насилство и да се организира медиумски линч на Диме Спасов. За реализација на ваквото сценарио беше задолжен токму оној кој не успеа да ја прикрие Фабриката за афери на Захир Бекири – Чауш, генералниот секретар Оливер Спасовски, кој аболицираниот Заев го постави за технички министер во МВР. Генералниот секретар на СДСМ, Оливер Спасовски не беше сам во оваа конструкција. Тој го ангажираше партискиот послушник Примислав Димовски и неговите соработници во алфа единицата за изведување на оваа операција. Тие беа на иста страна со криминалците додека вперуваа оружје кон министерот Диме Спасов.

СДСМ е должен да одговори кои се криминалците кои стоеја зад алфите, се потсмеваа и им дофрлаа додека овие со оружје се закануваа кон Диме Спасов? Која е целта на нивното присуство таму и која е цената на нивниот ангажман.

СДСМ и медиумите кои им се под контрола цела недела ја лажеа јавноста, изнесувајќи неточни информации под палката на генералниот секретар во МВР. СДСМ и медиумите под нивна контрола се исмеваа и ги манипулираа граѓаните дека Диме Спасов измислувал напад, а дека криминалците кои го гонеле биле негови жртви. Срамно и недолично и за партијата и за медиумите под нивна контрола. Стандардите ги спуштија до самото дното. Сега целата јавност виде дека судар немало, а полицијата вперува оружје.

После снимките кои вчера излегоа во јавноста никој во земјава не се чувствува безбедно. Сите видоа дека веќе нема полиција, додека СДСМ раководи со министерството. Сите видоа дека криминалците и луѓето на Оливер Спасовски повторно се на иста страна. Сите видоа дека за сопствената безбедност мора да се грижат сами, бидејќи фокусот на СДСМ и нивниот генерален секретар е конструирањето афери, монтирањето случаи и соработката со криминалци. Се наметнува прашањето кого следи полицско – криминалното подземје на СДСМ и кој е следната жртва што ќе ја одберат.

Оливер Спасовски, Примислав Димовски и остатокот од партискиот тим на аболицираниот Заев во МВР мора да си заминат од таму. Само така ќе се врати безбедноста и довербата во полицијата.

Ушковски: СЈО да им ги остави митингашките пресови на политичарите

Uskovski

БРАНКО УШКОВСКИ, ЕКСПРЕТСЕДАТЕЛ НА СУДСКИОТ СОВЕТ

Дел од медиумите се претворени во алатка за политичка пропаганда на одредена политичка структура, со пренесувањето на незаконски снимените и прибавените материјали, што е спротивно на законот, вели поранешниот претседател на Судскиот совет, Бранко Ушковски.

Тој додава дека тоа го прават т.н. критички настроени медиуми спрема власта, а објавувањето на материјалот под изговор за слобода на медиумското изразување, со што презентираат непотврдени содржини од прислушуваните разговори. Во овој контекст сериозни забелешки има и за СЈО, за како што вели митингашко-популистичките пресови.

– Сите ние што укажуваме дека медиумите ги прекршуваат новинарските принципи и етички кодекси при работата, свесни сме дека тоа е борба меѓу Давид и Голијат. И не сме во можност во која било област, па и за судството, временски да им парираме во однос на нивната 24-часовна програма, во која овие медиуми може да протежираат многу невистини – вели Ушковски.

Поопширно во печатеното или во електронското издание на Дневник

Дискусија на ВМРО-ДПМНЕ: „Улогата на жената во општествениот и политичкиот живот” (ВИДЕО)

unija-na-zeni-vmro-dpmne-panel-diskusija-2

ВМРО-ДПМНЕ вчера попладне во Македонската опера и балет организираше панел-дискусија „Улогата на жената во општествениот и политичкиот живот”.

Пред членките на Унијата на жени на ВМРО-ДПМНЕ и во присуство на лидерот на партијата Никола Груевски, пратеничките Даниела Рангелова и Лилјана Кузмановска, директорката на Комисјата за односи на верските заедници Валентина Божиновска и градоначалничката на општина Градско Жанета Чаушевска, зборуваа за позитивните ефекти на политиката на Владата предводена од ВМРО-ДПМНЕ врз унапредувањето на статусот на жената во Македонија.

rangelova-panel-diskusija

Претседателката на Унијата Даниела Рангелова истакна дека таквата положба на оваа организација во партијата се должи на големата посветеноста на самите жени и на трудот кој што го вложуваат за да можат да дадат поголем придонес за состојбата на жената во целокупното општествено живеење. Таа изрази голема благодарност до претседателот на ВМРО-ДПМНЕ Никола Груевски за поддршката која ја добиваат жените бидејќи без таа поддршка жените не би ја имале таа  моќ да зборуваат во нивно име и да креираат политики во партијата.

-Сакам да порачам да си останеме сплотени такви какви што сме, да си ја сакаме државата и да ни е пример претседателот Никола Груевски кој што ги става најнапред интересите на државата, а после на партијата и сопствените интереси. Да не поткекнуваме на провокациите и да им порачаме на СДСМ дека воопшто не се плашиме знаете зошто? Затоа што ја имаме довербата на граѓаните и нас не ни треба ниту меѓународни организации, ниту специјални  јавни обвинителства, ние на 11 декември ќе ја добиеме поддршката на граѓаните и тогаш ќе направиме и многу повеќе проекти за граѓаните на Република Македонија, изјави Рангелова.

Пратеничката Лилјана Кузмановска посочи на измените на Законот за работни односи, мерките за родова рамноправност и други законски решенија кои го подобруваат статусот на жената, меѓу кои и Стратегијата за еднакви можности, новиот закон за превенција на семејно насилство, закони со кои жените економски зајакнуваат итн..

unija-na-zeni-vmro-dpmne-panel-diskusija

-Нашата влада има направено за жените и навистина се чувствува гордо кога можев да презентирам ова во Брисел и што се има направено владата за жените во нашата држава. Владата во изминатитот период поднесе многу законски решенија и се зголеми учевството на жената на над 40 отство се со цел жените да дојдат родово сензитивни. Со законот за економското јакнење на жената, таа може да биде самостојна,  да се грижи за семејството, мора да потенцирам дека секоја година се издвојуват се повеќе пари од буџетот преку повеќе проекти во Македонија за вработување на жените. Тука спаѓаат и владините проекти како Македонија вработува, проектите преку агенцијата за вработување се само едни од многуте проекти кои ја поддржуваат жената, рече Кузмановска.

Пратеничката Кузмановска потенцираше дека во Битола во 2011 година донеле и пилот закон за родов сензитивен буџет, во делот на социјалната сфера исто така се донело закон за родова еднаквост помеѓу мажот и жената и дека овој закон за еднаква родовост е прв од ваков тип донесен во регионот.

-Затоа во изминативе години не може ниту една невладина организација да ни најде замерка и да не критикува дека жените се родово дискриминирани во Македонија, истакна Кузмановска.

Индиректно на жената и се помага и преку законите што се однесуваат на семејството, децата, мерките во здравството и образованието. Рангелова, која е и претседателка на Унијата на жени на ВМРО-ДПМНЕ, рече дека се отворени 53 градинки, со што жените можат полесно да се одлучат да бидат вработени, и ја поздрави најавата за отворање нови 140.

Рече и дека на пазарот на трудот има повеќе жени со високо образование отколку мажи, а ги спомна и бенефициите за жените преку политиките во здравството, како набавените мамографи кои, рече, спасиле животи на многу жени, 4Д ЕХО апарати за бремените жени итн.

Учесничките на панелот ги охрабрија жените да се вклучат во политиката. Посочија дека за разлика од 1998 година кога имало пет пратенички во Парламентот, сега се 43, а со измените на Изборниот законик на кандидатските листи треба да бидат 40 проценти.

Валентина Божиновска очекува жените, кои ги нарече „стожер на моќ и знаење“, да бидат позастапени и на локално ниво. Според неа, успешноста на нивната работа во раководењето на државни институции се должи на довербата што во нив, ја има нивниот лидер Груевски.

unija-na-zeni-vmro-dpmne-panel-diskusija-1

-Лично сметам дека постојат два постулата во државата, два концепта, така било од 1991 година па наваму. Едниот концепт е нашиот ВМРО-вски, градителски, со реформи, со идеологија, со национален предзнак, со сакање на сопствениот јазик, со сакање на сопствените граници, со сакање на сопственото име, на својот грб и знаме и тука нема дилема и затоа во филозофијата таквите луѓе ги викаат иконофили, луѓе што сакаат да градат. Значи некои од нас тука може не си ги видел ни децата од тоа што работи. Претпоставувам извршната власт, министрите, пратениците, немаат време. За што тоа го прават? Се разбира за доброто на Македонија. И од 1990 година СДСМ како партија почнувајќи од Киро Глигоров, тоа се иконокласти, луѓе што се што едниве ќе направат , другите се ќе разрушат, рече Божиновска.

Божиновска рече дека од моментот кога почна таа нивната „Шарена Револуција“ ние можеме да направиме нов речник на симболи, како и на кој начин погрдно не нарекуваа, но едно е сигурно јасно дека и најобичниот човек кој ќе го видите на нива, дека тој е помудар од сите пратеници од СДСМ.

-Тој точно знае дека во времето на Киро Глигоров го даде името, во времето на Бранко и името и знамето и грбот, во времето Бучковски најголемиот и најтешкиот закон со територијалната организација и она што сега Заев го подготвува, тоа е двојазичноста и федерализација на државата. Е тоа е јазик на грешноста, тоа е јазик на омраза, не затоа што тие мислат дека лесно ќе победат, туку затоа што имаат една единствена причина. Ни за грам не си ја сакаат татковината. Никогаш на начин на кој ние си ја сакаме земјата. И затоа сме тука, да останеме на земјата, дека еден мора да ја брани татковината. Еден од нас да остане тој ќе биде одговорниот, кој на идни поколенија ќе кажува што е ВМРО-ДПМНЕ. И колку они говорат реторични против нас , толку сме ние посилни. Она што е значајно е дека како никогаш партијата не била цврста и силна, како никогаш не била обединета и затоа ние на 11 декември ќе ја прославуваме победата, говореше Претседателката на Комисијата за верски заедници Валентина, рече Божиновска.

Таа зборуваше и за жената низ призма на мајчинството и за мерките што во таа насока ги овозможила оваа Влада. Рече дека 16.645 жени ја користат бенефицијата од кампањата за трето дете, ги спомна и мерката за ин витро оплодување, како и законот за сурогат мајчинство кој, според неа, е малку промовиран во јавноста.

Градоначалничката на Градско Жанета Чаушевска истакна дека сите политики на Владата се рефлектираат и на локално ниво.

Како пример ја посочи изградената градинка која направила, како што рече, верижна рекција затоа што многу мајки решиле да се вработат во новоотворените фабрики во регионот,  се пријавиле за субвенциите за самовработување или како регистрирани земјоделци. Подобрените услови за живеење, рече таа, водат до останување на луѓето во малите општини и го спречуваат нивното иселување.

Политичките аналитичари согласни: Црната кампања ќе го чини СДСМ уште еден пораз, проектите ќе му донесат нова победа за ВМРО-ДПМНЕ

rejting-partii-analiticari

ВМРО-ДПМНЕ има убедлива предност пред опозициската СДСМ, покажуваат резултатите од најновата анкета на Институтот „Павел Шатев“.

Вкупно 40,4 отсто сметаат дека ВМРО-ДПМНЕ би победила на претстојните парламентарни избори, додека за СДСМ се 15,6 отсто

Според политичките аналитичари, ваквите резултати од анкетата се очекувани и истите се должат на однесувањето на партиите и довербата која граѓаните ја имаат во нив.

Vladimir-Bozinovski

-Негативната кампања која што ја води СДСМ уште од 2008 година па навака, може да нанесе одредена штета на партијата кон која што е насочена, а и не мора, но во никој случај не може да привлече нови гласачи за самата партија. Тоа се покажа и на изборите, тоа се покажува и во истражувањата на јавното мислење, вели политичкиот аналитичар Владимир Божиновски.

Божиновски смета дека оваа разлика се одолжи на тоа што владејачката партија во изминатиот период се концентрираше на реализација на проекти, а опозицијата во континуитет водеше црна кампања кои не ги даде посакуваните резултати.

-Доколку сакаат да ја зголема својата база на гласачи, односно да ги зголемат симпатизерите кои би излегле и би гласале за нив, треба да дадат една понуда, односно да излезат со една позитивна кампања која што би можела да привлече дополнителни гласачи. Се разбира, таа кампања треба да е издржана, не може само да ветувате, без притоа да го образложите тоа, рече Божиновски во изјава за Канал 5.

Тој вели и дека искуството на граѓаните од минатото со ветувањата на СДСМ е причина поради има огромна разлика меѓу партии во поглед на довербата.

-Тука видовме дека разликата е огромна, а тоа се должи на оној минат труд, односно која од партиите што ветила и што исполнила и токму заради тоа сметам дека СДСМ ќе продолжи со негативната кампања. Барем за сега ние не видовме некаква платформа со која би им понудиле нешто на избирачите, додава Божиновски.

Според Александар Даштевски, СДСМ повторно ќе доживее пораз на изборите поради негативните политики кои ги води самата партија.

Aleksandar-Dastevski

-ВМРО-ДПМНЕ одамна се откажа од дневните политики, од тоа да зборуваат лошо и со негативна енергија, но тоа не е случај со опозицијата која постојано прави одредени провокации, кажа политичкиот аналитичар Даштевски при своето гостување во вестите на ТВ Нова.

-Тие не кажуваат што ќе направат, а граѓаните го ценат и го гледаат тоа, па затоа и не сакаат да ги поддржат. Македонија треба да оди напред, не треба да се занимаваме веќе со негативни политики кои се веќе минато во нашата земја. Зарем треба да се вратиме на нешто што е негативно, наместо да одиме напред кон подобрување на целокупната економска ситуација, смета Даштевски.

Според Даштевски, во моментов најважно е да се одржат претстојните избори закажани за 11 декември:

– Најважно е сега да се одржат изборите, да не се одложат повторно бидејќи ако вие сте продуцирале некоја криза за да дојдете до одредени резултати, тоа не може вечно да трае. Гледаме дека овие резултати се резултатите што ги имаше владејачката партија и пред изборите во 2014 година, истакна Даштевски.

Даштевски при гостување во вестите на ТВ Нова додава дека негативните кампањи на СДСМ се причина за слабиот рејтинг на последната анкета на „Павел Шатев“:

– Доколку продолжат со тие политики, на пример за учење на албанскиот јазик на целата територија и федерализација, тоа ги навредува македонските и албанските граѓани. Мислам дека тие негативни политики доведуваат до овие рејтинзи, а ќе доведат и до пораз на изборите доколку се продолжи со таква политика, додаде Даштевски во вестите на Нова.

Резултатите од анкетата на Институтот „Павел Шатев“ според кои ВМРО-ДПМНЕ има убедлива предност пред опозициската СДСМ се веродостојни и за аналитичарите кои во јавноста важат за блиски до опозицијата.

Според аналитичарот Петар Арсовски, кој инаку во јавноста важи за близок до СДСМ, сите анкети направени и по објавувањето на прислушуваните материјали покажуваат дека овие активности на опозицијата не придонесоа за промена во рејтинзите.

arsovski-analiza-rejtinzi

-Овие бројки се статични на македонската политичка сцена веќе подолг период. Повеќе анкети имаше од моментот на објавување на снимените материјали до сега, а рејтингот на партиите се менуваше многу малку. Ќе видиме што ќе се случува до изборите, бидејќи ние сега од СЈО добивме две обвиненија, така да јас очекувам тоа да се засили во наредниот период и тоа да влијае на бројките. Секако, не очекувам драматични промени на 11-ти декември и мисалм дека периодот на расчистување на македонската политичка сцена допрва доаѓа, по 11-ти декември, вели Арсовски за Канал 5.

Арсовски смета дека активностите на терен на раководството на ВМРО-ДПМНЕ има голема влијание врз перцепцијата на граѓаните за тоа кој ги остварува ветените проекти.

-Секако дека владејачката партија со овие прес-конференции кои што ги прави на терен и со активната нарачка на проекти кои треба да се спроведат на терен, дека придонесува за својот рејтинг, вели Арсовски.

Колумна на Груевски за германски „Der Hauptstadtbrief“: 25 ГОДИНИ НА БОРБА И ДОКАЖУВАЊЕ

gruevski-kolumna-germanski-f

Колумна на лидерот на ВМРО-ДПМНЕ Никола Груевски е  објавена во германски „Дер Хаупштадбриф“, најзначајниот политички магазин на политичката и бизнис заедница во Германија. Излегува како месечник и се дистрибуира помеѓу врвните политички лидери на Германија и носителите на економијата. Важи за магазин кој е главен носител на идеите за политичко одлучување во Берлин. Во претходниот број свои текстови имаа канцеларката Ангела Меркел и министерот за надворешни работи, Франк Валтер Штајнмаер.

gruevski-kolumna-germanski

25 години на борба и докажување

На 8 септември граѓаните на Република Македонија го прославија денот кога во 1991 година одлучија да се одделат од поранешна Југославија и да создадат независна и суверена држава. Македонците и другите народи кои живееле на овие простори секогаш се стремеле и се бореле за свое парче земја со која ќе владеат. Гоце Делчев, еден од најголемите и најпознатите револуционери кој беше дел од историското ВМРО и во почетокот на 20 век ја поведе борбата против Отоманската империја, рече: “Ние не можеме да правиме политика,  ниту да дозволиме други да прават политика со Македонија. Нашата борба за нас е прашање на живот или смрт.” Таа борба продолжи и во неа се жртвувани безброј животи. Подоцна, од страна на Комунистичката партија многу патриоти беа затворани и ликвидирани поради нивната визија за независна држава. Република Македонија по мирен пат се оддели од поранешна Југославија. Немавме воени конфликти, речиси и да  немаше крвопролевање и ги зачувавме добрососедските односи.

За да нема илузии дека се течеше мирно и без турбуленции,  мора да се спомене дека постоеше извесен отпор од страна на  наследниците на поранешниот Сојуз на комунистите, сегашниот СДСМ. Тие одбија да станат на интонирањето на македонската химна во првиот повеќепартиски парламент, беа против воведувањето на сопствена валута, војска, полиција, и наместо тоа, претпочитаа Југословенска федерација или конфедерација. Некои од нив не ги криеја нивните сомнежи дека можеме да бидеме оддржлива независна држава. Заедно со граѓаните ги надминавме сите овие предизвици. Успеавме да најдеме начин да го надминеме конфликтот во 2001 година и се посветивме на градење на етничкиот соживот за сите. Минавме низ катастрофалната приватизација спроведена од страна на поранешните комунисти која стотици илјади семејства ги остави на улица.

Македонија конечно тргна напред. Ги исполнивме сите услови за членство во НАТО и седум последователни години добиваме позитивна препорака за почеток на преговорите за членство во ЕУ. Ги исполнивме сите услови за воведување на визната либерализација со која нашите граѓани добија можност да патуваат без бариери и да чувствуваат дека се дел од ЕУ.

Фокус врз економијата

Во последните 10 години, Република Македонија започна економски да закрепнува. Во 2015 година продолжи трендот на раст на економијата. БДП се зголеми за 3,7% што беше едно од најдобрите остварувања во Европа и покрај предизвиците со кои се соочуваше домашната економија (политички опструкции, бегалска криза, геополитички предизвици). Во периодот 2007 – 2015, просечната стапка на раст на БДП изнесуваше 3%, што е четврто најдобро остварување во однос со земјите-членки на ЕУ и земјите од регионот. Највисоката стапка на раст на БДП од 6,5% на годишно ниво е забележана во 2007 година,  што претставува највисока стапка на економски раст по осамостојувањето. Ваквите остварувања  беа постигнати во околности каде што просечниот раст во ЕУ, како наш најзначаен трговски партнер изнесува 0,7% и 0,5% во еврозоната во периодот 2007-2015 година. БДП по глава на жител, како основен показател за нивото на економски развој, се зголеми од 2.471 евра во 2005 година до 4392 евра во 2015 година и, иако сè уште не е доволен,  сепак претставува зголемување од 78%. Економскиот раст е поттикнат од инвестициите во приватниот сектор, особено странските инвестиции, големите капитални инвестиции од буџетот, како и порастот на извозните компании. Последните две години PWC ја рангираше Македонија на прво место во Европа по приливот на странски директни инвестиции по глава на жител. Постојат неколку фактори кои влијаеа на приливот на странски инвестиции. Некои од нив, како што се одличната бизнис-клима и проценките на Светската банка дека сме 12-ти најдобри во светот и 6-ти најдобри во Европа, веднаш зад скандинавските земји и Обединетото Кралство, се веројатно меѓу најважните наши  достигнувања, особено кога е познато дека истата институција пред 10 години  ја рангираше Македонија на 94-то место во светот. Дополнително, Business Insider објавен од страна на Светскиот економски форум врз основа на податоците од ММФ и Светската банка, минатата година соопшти дека Македонија е земја со најниски даноци на планетата, со ефективна даночна стапка од 7,4 отсто. Зад нас беа земји како што се Обединетите Арапски Емирати и Катар, земји кои имаат нафта и природен гас во изобилство и можат многу поедноставно да си дозволат да ги намалат даноците. Не само во однос на ниските даноци, Македонија е исто така земја со најниски трошоци за водење бизнис во Европа. Невработеноста која за нас претставува најголем предизвик е намалена од  рекордните 38,7 проценти во 2005 година на сеуште високи 24,5 отсто, а за инвеститорите невработеноста беше и се уште претставува предност бидејќи можат да вработат поголем број на квалификувани работници. Од друга страна пак, Владата е силно фокусирана на зголемување на квалитетот и достапноста на образованието, така што инвеститорите кои доаѓаат имаат добра понуда на квалификуван и квалитетен кадар.

Макроекономската стабилност е дополнителна гаранција за инвеститорите. Оддржуваме умерен долг и започнавме сериозно да ги земаме во предвид и да поддржуваме иновации и висока технологија. Извозната структура која секоја година се зголемува постојано за 10-15 проценти, за прв пат по осамостојувањето забележа диверзификација кон повеќе напредни технологии. Продолжувањето на ваквиот тренд ќе ја зголеми конкурентноста на македонската економија и нејзината позиција на меѓународниот пазар.

Еден од најважните партнери на македонската надворешна трговија е токму Германија. Македонија е една од ретките земји која забележа позитивен трговски биланс со Германија, што воглавно е резултат на отварањето на сопствени индустриски капацитети во Македонија токму од страна на германски и други странски инвеститори. Околу 1,8 милијарди долари од вкупната трговска размена од над 2,5 милијарди евра во 2015 година, му припаѓаат на македонскиот извоз. Добрата бизнис клима привлече многу германски компании да инвестираат во Македонија. Дел од нив се од индустријата за автомобилски делови, како Костал кој со инвестиција од 70 милиони евра вработува 1.000 луѓе, ODW Електрик со инвестиција од 15 милиони евра отпочна со креирање работни места и вработува 1.000 лица,  во Кромберг и Шуберт со инвестиција од 25 милиони евра веќе се вработени 2.200 лица, Дрекслермаер инвестираше  35 милиони  евра и во моментов работат 5.300 лица,  Маркард инвестираше 35 милиони евра во фабрика со 600 вработени, потоа Техникал Текстајл  има инвестиција од 15 милиони евра што ќе придонесе за вработување на 1.000 лица, Акомплас – со инвестирани 3 милиони евра треба да вработи 250 луѓе, Герман Електро Мехатроникс со инвестиција од 15 милиони евра до крајот треба да вработи 200 лица, како и многу други како СТС Текстил  со инвестиција од 7 милиони евра предвидува вработување на 1.000 лица, Семак фешн итн.

Благодарение на новоотворените работни места во новите странски компании и владините активни мерки за вработување, вклучувајќи го и проектот “Македонија вработува” невработеноста се намали за повеќе од 14 процентни поени во однос на 2005 година. Намалувањето на невработеноста се должи на рекордниот број од над 155.000 нови работни места, односно поголемот број на вработени. Во 2006 година имаше 560 илјади вработени, а денес имаме 715 илјади вработени.

Во 2007 и 2008 година даноците драстично се намалија, беше воведен рамен данок од 10% кај корпоративниот данок и персоналниот данок на доход и истиот се одржува во услови на светска и европска должничка криза и во време кога другите земји имаат зголемени даноци. Сите останати даноци и давачки се намалија, но се зголемија институционалните капацитети за спречување на даночното затајување што значително ја намали сивата економија и во голема мера таа стана непрофитабилна.

Има и уште една интересна понуда за инвеститорите која многу од нив и ја користат. Имено, секој кој инвестира во технолошко-индустриските развојни зони нема да ги плаќа основните даноци во текот на 10 години од отпочнувањето со работа. Речиси бесплатно му се доделува земјиште на закуп на 99 години, а државата обезбедува државна финансиска помош за изградба на објектите, обука на вработените и создавање на нови работни места, што уште повеќе ја зголемува атрактивноста. Покрај ваквите зони кои се во близина на 14 градови, слични услови, исто така, се обезбедени и во послабо развиените подрачја.

Извештајот на Светска банка Дуинг бизнис, кој ги анализира условите за водење бизнис, како што е наведено погоре, ја рангираше Македонија од 94-то место на 12то место во светот и 6-то во Европа. Во Извештајот за глобална конкурентност 2015-2016, Македонија е рангирана на 60-то место од вкупно 140 земји, што е подобрување од 24 позиции во однос на периодот 2006-2007 година. Фондацијата Херитиџ ја рангираше Македонија на 47-то место во светот во Индексот на економска слобода за 2016 година, што претставува подобрување од 31 позиција споредено со 2006 година, кога бевме рангирани на 78 место и сме најдобро рангирани во регионот на Југоисточна Европа. Според најновата ранг-листа на магазинот Форбс во 2015 година, Македонија е рангирана на 39 место од вкупно 144 земји за водење бизнис. Во споредба со 2007 година, постигнат е напредок од 43 места. Речиси на сите меѓународни рејтинг листи за економија и бизнис, Македонија бележи голем и континуиран напредок.

Ќе ја надминеме политичката криза

Постојат неколку дефиниции за криза, но една од нив која често се користи е дека кризата е можност да се создаде нешто ново. Не постои земја која не е засегната од криза од најразлична природа. За жал,  Македонија две години е втурната во криза поради емитување на незаконски стекнати и монтирани телефонски повици. Две години државата има блокирани реформи, а народот може да ја види на дело  деструктивната политика на опозицијата. Благодарение на пријателите од меѓународната заедница имавме можност да изнајдеме модел за излез од кризата.

Значаен момент беше согласноста дека одржувањето на предвремени избори на 24 април е посакуван почеток за ставање крај на кризата и за враќање на реформите. Ние се согласивме дека граѓаните се оние кои ќе се одлучат кому ќе му веруваат. Нашите обврски од договорот беа исполнети, но како времето минуваше, опозицијата увиде дека нивната деструктивна политика не само што не успеа да добие поддршка, туку разликата почнува да се зголемува и нејзиниот пораз на претстојните избори станува се поверојатен. СДСМ доби двајца министри и тројца заменици-министри во 5те најважни ресори во Владата. За само 7 месеци работа, во нивното портфолио тие забележаа десетици афери и дотогаш невидена политизација на институциите. Ова наиде на осуда од страна на граѓаните и поради тоа тие влегоа во ново сценарио за бегање од изборите.

Договорениот датум за избори не се исполни и истите, под несериозни изговори, беа презакажани за во јуни. Пред изборите во јуни, се повтори истото. Повторно несериозни изговори и повторно одлагање. Ние како партија имавме интерес за државата и нашите граѓани како наш  приоритет, и повторно седнавме на иста маса. Јавно изјавувавме дека прифаќаме се што бара опозицијата за да избегнеме нови одлагања и конечно, на 11 декември да се оддржат предвремени избори. Покрај министрите и замениците-министри кои имаат право на вето во 100те дена пред изборите, опозицијата доби и главен уредник на државната телевизија, мнозинство во Ад хок телото за медиуми, а избирачките списоци, не еднаш, туку два пати беа разгледани од страна на нивните експерти. Се обезбеди практично се што се бараше и во Европа не постои сличен случај каде што опозицијата добива вакви услови пред избори.

Кога конечно социјалдемократите во Македонија, заедно со нас, јавно потпишаа изјава дека исполнети се сите услови за оддржување на избори на 11 декември, веруваме дека овој пат, пријателите на Македонија одлучно ќе застанат зад овој датум и нема да дозволат ново пролонгирање на роковите што би значело ново продолжување и продлабочување на кризата. Како прво, на сите граѓани на Македонија и на нашите меѓународни партнери им треба силна, стабилна и просперитетна Македонија која ќе биде во можност целосно да се фокусира на предизвиците пред добивањето на полноправно членство во ЕУ и НАТО.

Европа може да смета на нас

Еден од најголемите предизвици со кои се соочува регионот и цела Европа е бегалската криза, каде илјадници мигранти од земјите од Блискиот и Средниот Исток и Северна Африка секојдневно се обидуваат да стигнат до крајните дестинации. Република Македонија не е меѓу земјите кои се крајна дестинација на овие луѓе. Тоа се, главно, побогатите земји на ЕУ, а веројатно меѓу најпосакуваните дестинации е токму Германија. За наша среќа или пак несреќа, е што ние се наоѓаме на т.н. “западно балканска рута”, која е еден од коридорите кој се користи од страна на овие луѓе.

Оваа година, кога се одлучи оваа рута да биде затворена, Македонија спречи околу 114.000 имигранти нелегално да влезат во нашата земја од соседна Грција. Многу веројатно беше дека оваа бројка ќе беше за 10 пати повисока доколку им се дозволеше на овие 114 илјади мигранти да ги  преминат нашите граници и ќе беше испратен сигнал на тие кои се подготвуваат да тргнат.  Нашата политика беше и ќе остане во согласност со политиките на ЕУ. Презедовме и ќе продолжиме да превземаме мерки и активности во координација со ЕУ. Ваквите активности бараа посебен ангажман на македонската полиција и на армијата, бидејќи како мала земја имаме ограничени финансиски и кадровски ресурси. Но сепак, безбедноста во регионот и пошироко е наш прв приоритет, што значи справување со најразлични закани од неконтролираните мигрантски бранови кои минуваат низ нашата земја. Одредени лица кои влегуваат во земјата поседуваат лажни документи или лажно се претставуваат со што, всушност се зголемува ризикот од инфилтрација на терористи меѓу мигрантите. По затворањето на рутата регистрирани се стотици случаи на оштетување на оградата поставена на границата со Грција. Се најдовме во тампон зона во која покрај притисоците на јужната граница, моравме да се справуваме и со работата на голем број невладини организации кои имаа интерес овој коридор да остане отворен и стотици илјади мигранти без проблем да продолжат да се движат до крајните дестинации. Имено, тие ги наведуваа мигрантите да ја оштетуваат оградата и насилно да влезат во земјата.

Во 2015 година, според информациите со кои располагаме, на организиран начин низ целата земја транзитирале околу 700.000 мигранти. Ако се има предвид дека Македонија е земја со нешто повеќе од 2 милиони жители, станува јасно колку од нашите човечки и инфраструктурните капацитети беа ангажирани за на овие лица да им се обезбеди соодветен третман.

Македонија има капацитет да продолжи да биде на првата линија на Европа. Македонија ќе остане фокусирана на соработката со ЕУ за ова горливо прашање и затоа треба што е можно побрзо да се излезе од наметнатата криза и целосно да се посветиме на овие прашања.