Ванковска: За СДСМ Македонија е веќе само територија, попис нема да има, за да не падне „Рамковна Македонија“

Уноверзитетската професорка Билјана Ванковска на нејзиниот Фејсбук профил реагираше на одлуката на владата во Македонија да се направи регистар на население во кој врз база на податоците достапни на инситутициите ќе се впишуваат сите жители на државава.

Ванковска, на нејзиниот Фејсбук профил објави дека оваа одлука јасно укажува дека во Македонија нема да има попис, затоа што доколку би имало ќе падне „Рамковна Македонија“.

„Сега јасно ви е зошто од зборот ПОПИС ги фаќа алергија? Бидејќи Македонија е веќе само територија, проектот ќе биде комплетен кога ќе воведат „регистар за население/стока“! Од укинувањето на концептот ПОПИС им зависи Рамковна Македонија, па затоа нема никогаш да го спроведат. Отиде Македонија… по ѓаволите!“ – напиша Ванковска.

СО ГОДИНИ БАРАА, БРЗО СЕ ОТKАЖАА: Ветувањето за попис прекуноќ исчезна од ветувањата на Заев

Фантомските гласачи на кои укажуваше опозицијата на претходните избори на овие избори се намножија. Поради тоа, потребно е спроведување попис, со што партнерите Груевски и Ахмети свесно калкулираат веќе подолг период.

Тоа е петтото барање на СДСМ и коалициските партнери, беше категоричен став на лидерот на социјалдемократите, Зоран Заев, по парламентарните избори во 2014 година, чии резултати не ги призна. Следната година, на декемврискиот конгрес на партијата таквата заложба за пребројување на населението повторно беше нагласена.

– СДСМ кога ќе дојде на власт, ќе спроведе попис на населението според меѓународни критериуми и стандарди – изјави Заев од конгресната говорница, на која ги набројуваше и нивните главни заложби во идната изборна програма.

Откажување до 2020 година

Следствено на тоа такво ветување беше преточено и во партиската изборна програма со која под слоганот „План за живот во Македонија“, покрај другото, беше наведено дека оваа статистичка операција ќе биде безусловно спроведена.

– Ќе спроведеме попис на населението според меѓународни критериуми и стандарди. Податоците ќе им овозможат на државните институции, академскиот свет, граѓанскиот сектор, вистинска анализа и креирање реални политики во секоја сфера, наведено е во изборната програма со која оваа партија ја бараше довербата кај граѓаните и на крајот доби 49 пратеници во македонскиот парламент.

Но, само неколку месеци подоцна, СДСМ, нивниот лидер и партиските функционери целосно заборавија на ветувањето за пописот, што значи дека тој нема да се одржи ниту во следните години ако оваа партија во актуелните меѓупартиски договарања со албанските партнери успее да состави владина коалиција. Тоа јасно се гледа и од Предлог-програмата за работата на Владата во периодот од 2017 до 2020 година, а која неодамна ја претстави токму лидерот нас СДСМ, Зоран Заев. Во неа, меѓу повеќето приоритети и работи што идниот владин кабинет, за кој се очекува да биде составен и поддржан од СДСМ и албанските партнери – ДУИ, „Алијанса за Албанците“ и Беса – со ниту еден збор не се спомнува одржувањето на пописот на населението. Излегува дека социјалдемократите се откажале од ова изборно ветување, кое последните две години беше најкатегорично ветувано. Односно, дека е прифатено она што идните коалициски партнери од албанскиот политички блок го имаа како став за одржувањето на пописот – тој воопшто и да не се спомнува како државен приоритет во мандатниот период на новата влада!?

Инаку, во предизборниот период, пред декемвриските избори, СДСМ беше една од неколкуте партии што на граѓаните им ветуваа дека по долго време во земјава повторно ќе се случи пребројувањето на населението.

– Македонија е единствена земја во Европа без спроведен попис на населението веќе 14 години. Сепак, оваа исклучително важна статистичка операција не зазема значајно место во изборните програми на партиите и коалициите. Спроведување попис на населението планираат СДСМ, Либерална партија (ЛП) и Левица, при што единствено ЛП има рок за негово спроведување во 2017 година, се наведува во анализата на партиските изборни програми за декемвриските избори на невладината организација НВО „Инфоцентар“.

Во делот на анализата посветена на СДСМ се наведува дека оваа партија ветува спроведување на пребројувањето според меѓународни критериуми и стандарди. Освен тоа, партијата ветила и воспоставување посебни регистри.

– Што се однесува до регистрите, СДСМ во својата програма најавува три основни електронски регистри – регистар на граѓани, адресен регистар и регистар на просторни податоци, кои, меѓу другото, треба да претставуваат „…Основа за сите активности што треба да се преземат за реализација на пописот на населението во Македонија“, како што пишува во анализата на НВО „Инфоцентар“.

Во неа се наведува дека ВМРО-ДПМНЕ го спомнува пописот во својата изборна програма, во делот „Електронски регистар на населението“.

– Ќе се воспостави единствена електронска евиденција за населението во Република Македонија, која би се користела како основна точка за потребните податоци за електронските административни услуги, како и за избори и попис на населението – истакнуваат од партијата.

Некредибилни податоци

Повеќе статистички и демографски експерти неодамна за „Дневник“ изјавија дека одржувањето на пописот на населението е потребно, бидејќи без него нема да се знае каде може да се применуваат новите одредби за употребата на јазиците на етничките малцинства што се договараат меѓу СДСМ и албанските партнери. Според сегашните одредби, по измените во Уставот на РМ направени со Охридскиот рамковен договор, „во органите на државната власт во Република Македонија службен јазик различен од македонскиот, може да се користи во согласност со законот. Во единиците на локалната самоуправа јазикот и писмото што го користат најмалку 20 проценти од граѓаните е службен јазик, покрај македонскиот јазик и неговото кирилско писмо. За употребата на јазиците и писмата на кои зборуваат помалку од 20 отсто од граѓаните во единиците на локалната самоуправа одлучуваат органите на единиците на локалната самоуправа“.

– Податоците од пописот на населението од пред 15 години се веќе некредибилни и врз нивна основа не може да се решава за остварувањето на нечии права за употребата на јазикот – изјави неодамна за „Дневник“ универзитетски професор Никола Панов од Институтот за географија при Природно-математичкиот факултет во Скопје. И демографот Дончо Герасимовски смета дека има големи промени во однос на описните резултати од 2002 година кога етнички Македонци имаше 64,17, а етнички Албанци 25,27 отсто. Герасимовски наведе дека процените оти во земјава сега имаме околу 2.071.000 жители треба да се земат со резерва.

Што зборуваа од СДСМ за пописот

n Потребно е спроведување попис, со што партнерите Груевски и Ахмети свесно калкулираат веќе подолг период. – Зоран Заев, јуни 2014 година

n СДСМ кога ќе дојде на власт, ќе спроведе попис на населението според меѓународни критериуми и стандарди. – Зоран Заев, декември 2015

n Ќе спроведеме попис на населението според меѓународни критериуми и стандарди. – Ветување од партиската изборна програма за декемвриските избори 2016 година

Kако знаеме која етничка заедница е 20 отсто?

Во понудената владина програма, која неодамна ја претстави Зоран Заев, веќе однапред е наведено дека законските измени за употребата на јазиците ќе се однесуваат на албанскиот јазик, бидејќи тој е застапен најмалку кај 20 проценти кај населението.

– Владата ќе предложи законски решенија за употреба на јазиците, со кои ќе се прошири употребата на службениот јазик што го зборуваат најмалку 20 проценти од граѓаните, т.е. албанскиот, во рамки утврдени со амандманот 5 на Уставот на РМ. Законот ќе ги прошири употребата и обврските на институциите и ќе ги зголеми можностите граѓаните да комуницираат со државните институции на свој мајчин јазик и со тоа полесно и поефикасно да ги остваруваат своите уставни права. Воедно, законот целосно ќе ја гарантира и соодветната употреба на македонскиот јазик, но и на другите јазици што се во службена употреба во одредени единици на локална самоуправа – турски, ромски, српски, влашки и бошњачки – пишува во предлогот на Заев.

Извор: Дневник / Бранко Ѓорѓевски

Ванчо Петрушевски: Секој ден се повеќе луѓе не ја сакаат платформата, нашата крајна цел ќе биде попис и нови избори

Легендарниот македонски актер Ванчо Петрушевски пред насобраните граѓаните пред Собранието, на протестот за заедничка Македонија, кажа дека нашите непријатели во моментов не мируваат, пратеничката од Албанија Месила Дода ја негираше нашата држава, тој кажа дека протестира против оние кои не ја осудиле.

Јас сум Иван Петрушевски, Ванчо, Рамче, Сотка, Јаков, Чика Димитрије, Мемо, Селим, Цаци и уште многу други. Денеска ја сум овде за да протестирам, прво протестирам за флагрантното кршење на Македонија, ние сме нападнати со Тиранска Платформа, но нашите непријатели не мируваат, не напаѓаат, пратеничката Месила Дода ја негираше нашата држава, протестирам против сите оние кои не го осудија ова, нашиот протест е за заедничка Македонија, овој протест е се помасовен и помасовен, и се повеќе вродува со плод. За нас кои учествуваме во овој протест, знаат сите и Европа и Русија и Америка, знаат и нашите непријатели, кои сакаат да се откажеме, нема откажување, порача Петрушевски.

Ванчо Петрушевски напомена да на овој протест сретнал луѓе од сите вери и националности.

-Сега се работи за македонскиот народ, овој народ македонски. И во овој протест македонски јас сретнав луѓе од сите исповести. Во Македонија живеат 21 процент од муслиманската вероисповест, во нив има Турци, Роми и Македонци муслимани и нашите браќа Албанци, кои тврдат дека се третина од државата, не се, изјави Петрушевски.

Ние повеќе не сакаме да живееме во апархејд, таму владаат 15 проценти со народот, тоа нема да го дозволиме. Денеска имавме поддршка од Петир, јасно и гласно каже дека Тиранската платформа не смее да постои и да ја наруши државата. Секој ден ќе има се повеќе кај нас кои не ја сакаат платформата. Нашата крајна цел ќе биде попис и нови избори, порача Петрушевски

Поранешниот амбасадот на Австрија Хералд Кочи: На пописот во 2004 г. Албанците се напупмаа од 15 на 20 проценти

Платформата  од Тирана, кога се чита, изгледа дека е безболна, но проблемите или ѓаволот е во детаљите. Како резултат е фактичкото зголемување или проширување на ,,албанскиот елемент“, односно овој елемент да се прошири низ целата држава Република Македонија, изјави за Програмата „Гласот на народот“ со Слободан Томиќ на Радио Слободна Македонија, Др.Хералд Кочи- поранешен амбасадор на Австрија во Македонија и политички аналитичар.

Кочи додава дека  „бинационална држава е таква да ги потиснува другите малцинства или националности“. Познавачот на приликите на Балканот и во Македонија за и околу ставот за нови избори во Македонија во пакет со локалните за излез од кризата во Македонија, вели:

„Зошто да се одржат нови избори, кога имаме резултати од овие  избори. Тука едноставно треба да им се дозволи на партиите да работат и натаму. 2008 година кога ВМРО-ДПМНЕ со своите поранешни  политички партнери, односно со ДПА сакаше да формира влада, тогаш едноставно ВМРО-ДПМНЕ беше спречена да направи таква влада од страна на овие „полугувернери“ што се тука едноставно се земапе тезата дека најсилните партии би морале да имат коалиција, а тоа значи тогаш беше ВМРО-ДПМНЕ и ДУИ, а сега пак  тој принцип не може да важи, оценува Кочи и додава:

„Фактички се работи за тоа што Западот сака да ја симне од пиедесталот владата на Груевски, бидејќи Груевски не сака да танцува по тактот на  музиката на Западот туку постапува самостојно според интересите на својата земја“.

Кочи додава дека „истовремено Груевски и неговата Влада даваат отпор на грчкото условување за промена на државното име, со што се одовлекува  зачленувањето на Македонија во НАТО и воедно не може да се затвори јужното крило комплетно“.

Запрашан за упорноста  на имплементирање на Тиранската платформа во Македонија од страна на на лидерот на СДСМ , Зоран Заев , амбасадорот Кочи со одговор:

„Сметам дека е неодговорно тоа што  СДСМ, и нејзиниот лидер Заев сега  впиваат точки во својот коалициски пакт-договор, кои во крајна последица би можеле да водат Република Македонија до тотално редифинирање  на државата – ако не и до нејзино исчезнување од картата на светот“.

Со тоа партиското раководство ги измамува сопствените избирачи, бидејќи ваква далекусежна замисла мора да се објави пред изборите, а не постизборно! Само тогаш избирачите ќе можат слободно да одлучат, дали застануваат со својот глас зад ваквите цели. Но, вака избирачите купиле мачка во вреќа. Можам да си замислам дека мнозина избирачи на СДСМ ќе гласале поинаку, доколку претходно знаеле за Тиранската платформа и ваквиот коалициски договор. Во својата желба  да дојде до  крмата на моќта и откако пропаднаа обидите за пуч минатата година – господинот Заев ја продава својата душа на ѓаволот, како што би кажале ние во Австрија, истакнува Кочи.

И на крајот запрашан околу пописот во Македонија и кој се плаши од него, амбасадорот Кочи со анализа:

-Моите пријатели, кои како меѓународни набљудувачи го следеа пописот во 2004 ми раскажуваа за наеднаш расцветаните  албански села во “планините“ кои со децении биле пусти. Ако се споредат резултатите од повеќе последователни пописи, очигледно е дека податоците се нагодувале. Ќе си дозволам да го наречам пописот во Македонија 2004 беше попис ,,А ла Потемкин“. Денес се знае од документацијата на социјалните служби и од протечените информации за издавањето лични документи, дека вистинскиот број  на Албанците во Македонија  изнесува околу 15 проценти, изјави во екслузивното интервју за Програмата „Гласот на народот со Слободан Томиќ“ на Радио Слободан Македонија, Харалд Кочи, поранешен амбасадор на Австрија во Македонија и политички аналитичар.

Владиката Агатангел: Треба да направиме попис, тие што бараат двојазичност и кантонизација не се ни 15 отсто (ВИДЕО)

Митрополитот повардарски Агатангел синоќа на протестниот собир во Велес на „За заедничка Македонија“ порача да се сочува унитарноста на државата за да не се изгуби и светата православна црква. Владиката побара македонските партии да ги надминат недоразбирањата, а странските амбасадори да не му вршат притисок на претседателот Ѓорге Иванов.

– Треба да направиме попис и да се преброиме, па така ќе видиме дека тие што бараат двојазичност и кантонизација не се ни 15%. Затоа драги мои да се сплотиме од ова место пред споменикот на Рацин, ги повикувам двете најголеми македонски партии да седнат на тркалезна маса и да ги решат сите меѓусебни недоразбирања, ако сакаат и нека се истепаат но, да излезат со јасен став дека нема да ја делиме Македонија – рече Агатангел.

Во говорот пак владиката уште ги повика дипломатите да не се мешаат во работата на претседателот Ѓорѓе Иванов, а Македонците да не си ја даваат земјата.

САМО УЦЕНА МОЖЕ ДА ИМ ПОМОГНЕ: Платформата ги спасува Албанците од резултатите од пописот

Ако платформата на албанските партии, односно условите поставени во неа, биде прифатена од страна на СДСМ, потоа дури и да се спроведе попис, кој се очекува да покаже дека во Македонија има помалку од 20 отсто Албанци, тоа ќе биде небитно бидејќи албанската заедница веќе ќе има третман на државотворна, која, ако сака, ќе може и да излезе од државата.

Тоа, всушност, значи дека албанската платформа е еден вид превентива бидејќи ако пописот покаже дека нивниот број во РМ е околу 16 отсто, пропаѓа Рамковниот договор, односно стануваат неприменливи амандманите на Уставот донесени врз негова основа. Во таков случај албанските партии ќе треба да бараат гаранции и од останатите заедници, пред с` од македонскиот народ дека нема да се намалуваат нивните права стекнати врз основа на Рамковниот договор, но тоа ги става во дефанзивна положба и им ја одзема моќта да уценуваат што сега ја имаат. Оттука пропаѓаат и преговорите на ДУИ со ВМРО-ДПМНЕ, а сега албанските партии делумно отстапуваат во преговорите со СДСМ не барајќи промена на Уставот во делот со јазикот бидејќи сметаат дека со ова раководство на СДСМ и нивните цели се пред историска шанса – сега или никогаш.

Имено, платформата дојде во клучен период токму како превентивно средство за резултатите од пописот за кои е повеќе од очигледно дека резултатите ќе покажат оти Албанците се под 20 отсто од вкупниот број население во РМ. Со тоа, всушност, тие ризикуваат дека ќе ги изгубат правата на централно ниво. Со други зборови, албанските партии се обидуваат сега со уцена да ги добијат правата, кои, доколку се спроведе попис, нема да имаат никаква основа да ги побараат, ниту да ги добијат на централно ниво.

Инаку, една од причините, како што веќе објави „Дневник“ за пропаѓањето на преговорите меѓу ДУИ и ВМРО-ДПМНЕ, покрај прашањето за двојазичноста, е и пописот.

Еве како течеше битката за спроведување на пописот изминатите години.

По 2002, во 2011 година првпат се направи обид да се спроведе оваа најголема статистичка акција. Но, таа пропадна тогаш кога се виде дека на терен членовите меѓу попишувачите од албанска националност прават фалсификат, се обидуваат по секоја цена да го зголемат бројот на албанско население и попишуваат лица во странство кои се таму повеќе од една година, дури и на „Скајп“.

Четири години потоа, во јули 2015, премиерот повторно најави попис. Груевски за време на собраниска седница за пратенички прашања рече дека во Македонија ќе се спроведува попис по електронски пат.

– Очекуваме до крајот на оваа година да пристигне целокупната потребна опрема за поврзување на сите матични единици во Македонија и со тоа нашите процени се дека речиси 70 проценти од прашањата за пописот би биле електронски одговорени, односно нема да треба да бидат поставувани прашања до граѓаните, туку софтверски, компјутерски со електронско поврзување на матичните евиденции ќе се соберат сите потребни одговори – рече Груевски во јули 2015 година.

Еден-два дена потоа против оваа најава на Груевски веднаш беа активирани т.н. невладините организации, а 46 од нив во отворено писмо му порачаа на Груевски дека неговата влада нема легитимитет за да го спроведе. Јасно ви е за кои и за какви невладини организации се работи и кој го вклучи копчето за нивна реакција.

Брзо по нив реагира и тогашниот коалиционен партнер Али Ахмети, според кого најавата за попис е нешто за кое не постои договор меѓу страните ниту, пак, дека воопшто било ставено на маса квалификувајќи ги модалитетот и софтверското решение како идеја само на ВМРО-ДПМНЕ. Партијата на Ахмети тогаш не сакаше да коментира повеќе со образложение дека најпрвин мора да има меѓукоалициски договор за нов попис, а дури потоа да се размислува за модалитетите и начините како да се изведе пребројувањето.

АЈДЕ ДА СЕ ПРЕБРОИМЕ: Попис за враќање во реалноста

Што би открил попис во Македонија е прашање што сè почесто се поставува по платформата на Заев и на албанската дијаспора, а потоа се надоврза и „сеалбанската“ декларацијата потпишана во Тирана. Тие го откриваат и вистинскиот мотив зошто оркестрираните Соросови здруженија во 2015 година скокнаа против тоа да се спроведе попис во државата, под изговор дека чекаат влада „што ќе изгради политичка волја за пребројување“. Изборниот инженеринг не го даде очекуваниот резултат за таква „влада“, иако местата што при чистењето на Избирачкиот список покажаа 90.000 албански гласачи помалку, сега се бастиони на македонската социјалдемократијата

Тоа што Зоран Заев и СДСМ не успеаја да го испорачаат со изборниот инженеринг во замена за власт, сега се префрлува на меѓуетнички план. Односно, повторно се враќаат во игра условувањата за исполнување „права“, кои, според испорачаните барања од Тирана, за секое идно коалицирање треба да го занемарат Рамковниот договор поради кој Македонија се прекрои и уставно и територијално.

На лидерите на етничките Албанци во Македонија од 2001 година досега „алфа и омега“ им беше Охридскиот рамковен договор и неговото исполнување. Сега приоритетите се променети со барања албанскиот народ и албанскиот јазик да се изедначат во Уставот во замена за рамковните проценти. Ваквиот пресврт се случува во време кога се очекува идна владејачка коалиција, без притоа да се даде какво било образложение и основа врз што се темелат тие барања. Таква основа, во најмала рака, би требало да даде еден попис.

– Без нов попис на населението, не може да се бараат права што зависат од статистиката. Очекувам новата влада што поскоро да спроведе попис за да видиме колку сме, да видиме дали реалноста на теренот соодветствува со тврдењата на некои политичари– порача претседателот на Република Македонија, Ѓорге Иванов во годишното обраќање, во кое нагласи дека со Охридскиот рамковен договор била отворена вратата за правична застапеност на граѓаните од сите заедници, а не само од една.

Слушам дека се бара двојазичност на целата територија на Македонија. Тоа прашање е затворено со амандманот 5 од Уставот на Република Македонија, кој произлезе од Охридскиот договор, каде што се регулира прашањето за службениот јазик во Република Македонија. Службената употреба на кој било јазик во Република Македонија зависи од статистиката, а единствен начин за добивање реална статистика е пописот– истакна Иванов.

Пописот испливува на површина

Не може да се избегне фактот дека Македонија за „мир во куќа“ не го заврши попишувањето во 2011 година. Тогаш беше посочено дека е спречен обид да се направи голем фалсификат. Пописот го спречија „разликите во толкувањето на законот“, односно дали ќе бидат попишани како присутни и тие што цела година се иселени од државата и дали да бидат прифатени како валидни фотокопии од лични документи. Секое споменување на пописот оттогаш се гледаше како маша за распалување на меѓуетничките односи. Иако одложен, пописот не е спроведен досега. Барем не во форма што досега беше позната во земјата.

При чистењето на избирачкиот список беше користен метод на вкрстување на базата на податоци од МВР, со податоците од други десет институции. И тој метод беше предложен, прифатен и спроведен од домашни и од меѓународни стручњаци. Но, уште при првата проверка на површина излегоа 100.000 полнолетни граѓани што постојат во базата на МВР, а последните неколку години ги нема во ниедна друга база на податоци. За нив има валидни адреси, но ги нема на списокот на невработени, немаат свој имот, не се пријавени во ФЗОМ или во пензискиот фонд. Се работеше за иселени полнолетни гласачи, од нив, неофицијално, 90.000 биле етнички Албанци од Гостивар, Струга, Тетово, Куманово, Теарце, Врапчиште, Чаир, Боговиње, Липково, Желино. За нив потоа не се дозна ништо, освен дека добар дел од овие средини сега се главни упоришта на македонската социјалдемократија.

Иако пописот беше резервна тема на опозицијата во обидот да го негира гласачкото тело на ВМРО-ДПМНЕ, кога кон средината на 2015 година премиерот Никола Груевски од Собранието посочи дека државата се подготвува за современ, електронски попис – слично како што сега тоа го направи ДИК – наиде на остро оркестрирано спротивставување токму од армијата организации што се поддржувачи на СДСМ. Тогаш организациите финансирани од Сорос застанаа со став дека „владата на ВМРО-ДПМНЕ и на ДУИ нема никаков кредибилитет да подготви и да спроведе каков било попис на населението“, односно дека „тоа мора да биде направено од влада што ќе биде избрана на демократски и фер избори и која ќе изгради политичка волја за пребројување на населението според сите меѓународни стандарди и прописи“. Ваквиот став денес, по платформата на СДСМ за време на изборите и документот од Тирана, ја покажуваат вистинската идеја за таа „демократска влада“ и „политичка волја за пребројување“. Всушност, сега Заев, во замена за албанските гласови, требаше да премине „преку пописот“, односно да занемари евентуални пописни резултати и да премине преку процентите, така како што направи СДСМ со територијалната поделба кога ги предаде Кичево и Струга.

Ќе се споменат ли некогаш обврските?

rama-so-albanski-partii-od-makedonija-2

Пописот, очекувано, излегува на површина, а се насетуваше уште кога Заев почна да ветува албански јазик во Прилеп, што достигна до кантонско уредување на државата, со препуштање на водењето матична евиденција на општините, двојазичност на цела територија. Според тоа, партиите на Албанците од земјава потпишаа декларација што им ја состави албанскиот премиер Еди Рама во која, токму како што ветуваше Заев, се оди „преку рамката“ претставена со проценти. Со документот Рама навлегува и во целосното уредување на соседната држава, во уставните категории, во распределбата на буџетот, во функционирањето на правниот систем, јазикот…

Иако ова не е прво мешање на Рама во внатрешните работи на Македонија, се отвораат две прашања. Прво, зошто Рама не седна со кој било легитимен претставник, функционер од Македонија, со кого би разговарал за подобрување на правата преку соработка, па да се разговара и за правата на Македонците во Албанија. Второ, не смее да се исклучи фактот дека Рама тоа го прави сега, во овој правно-политички вакуум во Македонија, а веднаш по неговата средба со директорот на ЦИА во Тирана. „Зар некој е наивен да верува дека Рама несвесно влегува во игра во која ќе биде обвинет за ширење на големоалбанската идеја и вмешување во внатрешната политика на соседна земја? Или дека Рама внимава да остане сокриен вистинскиот налогодавач, особено откако писмата на Сорос до Клинтон откриваат дека Рама во 2011 ја играл истата игра што сега се одвива во Македонија?“ Но, и дали ваквите барања сега значат признание од албанските фактори и од нивните поддржувачи дека во иднина нема да може да се повтори големата симултанка одиграна на терен со албанските гласови поделени за СДСМ, додека ВМРО-ДПМНЕ остана со своето стабилно гласачкото тело, а притоа во земјата е најавен попис уште од 2015 година?

Сепак, прашањето што отвора и најголем комплекс потпрашања е дали некој политичар од партиите на етничките Албанци од Македонија, дома или на некоја средба со Рама, ќе ги спомене корпусот обврски што произлегуваат од унитарниот карактер на државата, кои како на македонски граѓани се наоѓаат пред нив. Од најпросто, забраната за пушење во јавни објекти, преку фискализацијата, до употребата на знамето на Република Македонија. Ниту една од политичките партии на етничките Албанци во Македонија, освен СДСМ, го немаше истакнато знамето на Република Македонија за време на кампањата. Ќе признае ли „албанскиот фактор“ дека како последица на Рамковниот договор, Македонија се претвори во држава со паралелно институционално општество во кое поделеноста е сè понагласена, дека со двојазичноста Албанците ја напуштија во целост употребата на македонскиот јазик, дека функционираат медиуми со поинаков фокус на државните проблеми и дека со почнатиот процес на преименувања на институции, како на пример фудбалската арена „Филип Втори“, секое натамошно отворање на барањата не наидува на одобрување и на разбирање од Македонците. Најмалку што очекуваат Македонците од претставниците на етничките Албанци од Македонија е платформа за градење меѓуетничка доверба, место платформа на сила и на условување за дополнителни функции и поделби.

Пописот ниту е политичко решение, ниту е политички проблем; тоа е една статистичка операција што, пред сè, служи за планирање економски зафати. Но, од политички аспект, отворањето на прашањето за пописот по изборите, кои требаше да бидат почеток на излез од политичката криза, само би ги поставило работите на свое место. Пред сè, како првичен израз на меѓуетничка доверба од партиите на етничките Албанци во Македонија и натамошно планирање на развојот на вистинско општеството без притисок на претпоставени проценти, кои досега постојано беа цел на злоупотреби.

Иванов: Без нов попис, не може да се бараат права што зависат од статистиката

Без нов попис на населението, не може да се бараат права што зависат од статистиката. Очекувам новата Влада час поскоро да спроведе попис за да видиме колку сме, да видиме дали реалноста на теренот соодветствува со тврдењата на некои политичари, порача претседателот на Република Македонија, Ѓорге Иванов во Годишното обраќање.

– Слушам дека се бара двојазичност на целата територија на Македонија. Тоа прашање е затворено со амандманот 5 од Уставот на Република Македонија, кој произлезе од Охридскиот договор, каде се регулира прашањето за службениот јазик во Република Македонија. Службената употреба на кој било јазик во Република Македонија зависи од статистиката, а единствен начин за добивање на реална статистика е пописот, истакна претседателот Иванов.

Според него, неодговорно е да се бараат права без да се преземат обврски.

– Им порачувам дека е неодговорно да се бараат права без да се превземаат обврски, точно онака како што е наведено во амандманот 4 од Уставот на Република Македонија, рече Иванов.

Тој истакна дека обврска и одговорност на секој граѓанин на Македонија, независно од етничката, верската, јазичната и идеолошката припадност е да се грижи за добробитта на оваа наша единствена заедничка татковина.

Последниот попис во Македонија, посочи Иванов, беше пред цели 14 години, оценувајќи дека тоа е предолг период за која било држава.

Мирка Велиновска: Што сака Чадорот да оствари во Македонија и што сака да спречи

Откако сме поставени и како регион и како држава на линијата на огнот во глобалната геостратешка војна за редистрибуција на моќта, фамозниот Чадор има разработено три сценарија за развој на состојбите во Македонија по изборниот ден и по веќе познатите резултати од гласањето на 11 декември. Но, при разработката на секое од сценаријата како фуснота стои и едно предупредување дека во ниту една варијанта не смее да се случат две нешта. Ова мора да се дешифрира како по секоја цена мора да се спречат две работи.

Не смее да се случи постизборна коалиција помеѓу ВМРО-ДПМНЕ, ДПА и Беса, кои би имале комотно мнозинство и единствен (усогласен) став за националните прашања, но и отпорност кон странските агресивни замешателства.

Не смее да се организира честит и кредибилен попис на населението кој ќе покаже дека Албанците со 16,7 отсто, а Турците со 7,3 отсто учествуваат во вкупниот процент на население на Република Македонија.

Ако се случат овие две „мали“ нешта, ќе значат драматичен прераспоред на политичките сили, повратена контрола на државниот терен, дебакл на тактичката игра на Чадорот и сајгонска траума за домицилната платеничка шарена војска која панично ќе навали на ѕидините на американската фортификација на Kале. Оти Обединетото Kралство, Холандија, Германија, Франција и Италија стандардно ќе си затнат нос.

Пишува: Мирка Велиновска
Поопширно во печатеното или во електронско издание на Дневник

Алтанџиева: Пописот нема директна врска со избирачкиот список

Пописот со избирачкиот список нема директна врска. Пописот се спроведува заради потребата на статистички податоци, вели во синоќешната дебата на ТВ Нова Тања Алтанџиева, адвокат и поранешен член на ДИК.

Според Алтанџиева, треба да се направи разлика меѓу државјани и жители на домицилното население.

-Заради многу поставените дилеми и од страна на политички претставници и од страна на стручњаци, па дури и од страна на меѓународни претставници, дека не е возможно бројот на државјани, односно бројот на запишани избирачи да биде близу со бројот на државјани на Р. Македонија. Со една проста математичка операција на собирање на малолетното и полнолетното население се доаѓа до некои бројки коишто навистина се нелогични, меѓутоа тие не се одраз на материјалната вистина, заради тоа што избирачкиот список и базата на податоци во избирачкиот список ја црпи од книгата на државјани на Република Македонијатоп, изјави Алтанџиева.