НСА и ФБИ потврдија: Прислушувањето и објавувањето разговори е кривично дело шпоинажа

NSA-FBI-Spionaza

Откако речиси три години Македонија се занимава со нелегално снимени и креирани телефонски разговори, што ја втурна земјата во најголемата политичка и безбедносна криза, и во која шпионите кои тоа го правеле, таканаречените „свиркачи“ се обидуваа со поддршка на „чадорот“ да бидат протнати како „херои“, директорот на американската ФБИ е директен – протекувањето на информациите до печатот и нивното објавување е кривично дело шпионажа.

Протекување на доверливи информации до печатот не се само кривично – тие, најверојатно, се вклопуваат во дефиницијата за шпионажа, посочи директорот на ФБИ Џејмс Коми на јавното сослушување пред Комитетот за разузнавање на Претставничкиот дом, заедно со директор на Агенцијата за национална безбедност Мајк Роџерс.

Посветена на истрагата за евентуалните руски мешање во текот на претседателската кампања на САД во 2016 година, набрзо прашањата во врска со протекувањето на прислушувани материјали, исто така, доби на тежина.

-Протекување на доверливи информации се сериозни, сериозни федерални злосторства со причина- рече Џејмс Коми за време на неговиот говор. Тој додаде дека оние што стојат зад протекување „треба да се испитаат и каде што е можно кривично гонети во начинот на кој се одразува таа сериозност, така што луѓето да разберат дека, едноставно, тоа не може да се толерира“.

На прашање од комитетот дали давање класифицирани информации до печатот може да се смета за прекршување на Законот за шпионажа, на директорот на ФБИ јасно и отсечно одговори „ДА“. Тој сепак не можеше прецизно да одговори дали новинарите може да се гонат за објавување на ист вид на класифицирани информации, туку само вели „Тоа е потешко прашање“.

Истовремено во заедничкото сослушување беше истакнато дека не само протекувањето и објавувањето, особено противзаконско е обелоденувањето на идентитетите на прислушуваните, чии што вистински имиња се класифицирани и до нив имаат простап само одреден број на луѓе. „Постојат други, помалку опасни начини фрустрираните административци да го искажат своето незадоволство“, забележа член на Комитетот, на што директорите објаснија дека сете минале низ „свиркачка“ обука како да пријават информација до Комитетот.

Оттука, откако за време на изборите во САД се пресликуваат случувањата како на филмска лента- од протестите организирани од соросовите организации, како и се водат истраги за прислушувања и шпионажа, се појасно е дека  СЈО – како надворешна инсталација во правниот систем во Македонија- имаше за цел само да ги заштити виновниците во случајот „ПУЧ“ кој никогаш не треба да биде решен.

Една година од предавањето на предметите: СЈО – ловец во матно со политичка агенда

SDSM-Materijali-prislusuvanje

Поминаа 365 дена откако Зоран Заев во СЈО ги предаде нелегално стекнатите материјали со снимки и транскрипти од приватни разговори. Врз основ на овие снимки, обвинителството предводено од Катица Јанева требаше да работи и да формира обвиненија во законскиот рок од 18 месеци. Во меѓувреме СЈО има подигнато само едно обвинение за случај кој практично не постои, а од другите помпезно најавувани политички прес-конференции за другите истраги кои ги започнало обвинителството – нема ништо.

Јанева, Фетаи и Ристовска одржаа низа прес-конференции на кои ги презентираа своите наоди од истрагите, сите до еден базирани на непотполни и измислени докази кои веднаш беа побивани од страна на обвинетите. СЈО неосновано од судот бараше притвори со цел да ги комплетира пи-ар спектаклите кои ги правеше на прес-конференциите, одработувајќи ја својата политичка задача во сценариото од кое е дел и ова обвинителство. Од СЈО постојано беше вршен јавен и отворен притисок врз судот во Македонија со цел да им ги прифаќа и оние мерки и барања за кои немаат ниту доказ, ниту елементарна основа да бидат прифатени. Откако судот им ги одбиваше нелогичните предлози за мерки, од СЈО јавно изјавуваа дека не се задоволни што судот не ги следи сите нивни барања кои немаат правна поткрепа, туку партиски мотивирана агенда.

Овој јавен притисок има две цели: прво, судиите по почуствуваниот притисок да почнат да им ги прифаќаат барањата за кои нема никаква основа, и второ, да подготват терен за поголем меѓународен притисок над судот со цел изнудување мерки и над власта со цел остварување на барањата на СЈО. За луѓето во СЈО е јасно дека не ги оправдуваат вложувањата кои се инвестирани во нив од страна на реализаторите на планот каде тие се главен инструмент за рушење на ВМРО-ДПМНЕ од власт и отворање терен за доаѓање на СДСМ на власт.

СЈО започна неславно и така продолжи во време на целото свое постоење. Јанева прво бараше повеќе обвинители во тимот отколку што и беа прифатени од Советот на обвинители. Откако и беа одобрени избрка 2 обвинителки со јавно објавено образложение во кое се вели дека имаат вишок на обвинители и нема потреба ниту доволно работа за нив. Притоа Јанева не посочи дека двете обвинителки кои сама ги одбра се неквалитетни или нелојални, туку едноставно дека немаат потреба од толку многу обвинители во СЈО, иако пред тоа тврдеше спротивно.

sjo-rastiman-orkestar

Потоа Јанева бараше пролонгирање на рокот за подигнување обвиненија, бидејќи имало многу работа, и не можеле во рокот од 18 месеци да стигнат се да сработат. Апсурдно, но Јанева ниту ги врати двете избркани обвинителки поради зголемениот обем на работа, ниту побара дополнителни 3,4,5 нови обвинители со кои ќе ја сработат работата на време. Уште еднаш стана јасно дека не е во прашање времето за работа и завршување на предметите, туку времето за да биде СЈО нечиј политички инструмент.

СЈО активно работеше на пролонгирање на правдата, помагајќи во одлагањето на рочиштата во корист на Заев во случајот „Поткуп“ со трагикомични изговори на Јанева од типот: „имам свадба за ќерката, не можам цел април да одржам рочиште“.

СЈО манипулираше со јавноста и кога тврдеше дека судот ги спречувал да добијат одредени доказни материјали, иако судот постапуваше по правилата и им дозволуваше целосен увид на материјалот кој го бараа, но во просториите на судот, како што наложува законот. Овој притисок на СЈО беше уште едно парче во мозаикот на СЈО и СДСМ во насока на создавање вештачка атмосфера за промена на судии како што најави Заев и за специјално одделение како што бараше СДСМ.

Околу двојните аршини на СЈО добро говори случајот „Пуч“ за кој не само што не бараа мерки за обезбедување туку и побараа укинување на мерките, со што на целокупната јавност и стана јасно дека нема ни п од професионалност, ни објективност или неселективност во нивното постапување. Сопругата на Зоран Верушевски, Соња Верушевска, дури и јавно му се заблагодари на Зоран Заев затоа што Катица Јанева го ослободи од притвор нејзиниот сопруг, кога веќе не успеа да го изнесе „под чадорот“ надвор од Македонија, како што Заев и призна дека планирал да стори.

Околу купувањето време на СЈО јасно говори и симптоматичниот избор на деловен простор во кој ќе функционира обвинителството. Од илјадници слободни и на понуда за издавање деловни простории во Скопје целосно спремни да примат било каква институција или компанија веднаш, без било какво реновирање и губење време, СЈО одбра простор за кој однапред знаеа дека им се потребни 8/9 месеци реновирање, за подоцна да може и тоа да го користат како изговор за продолжување на мандатот за политичко делување против ВМРО-ДПМНЕ. Наводно во старите простории на СЈО во палата Кузман имале несоодветни услови и уште во врска со тоа го доведуваат употребувањето на некаков софтвер за истражување. Божем за софтвер кој треба да истражува потенцијален финансиски криминал е важно дали е тазе молерисана просторијата во која се наоѓа или какви плочки има.

Втора манипулација околу времето е дека почнале подоцна заради одредени подготвителни работи. Вистината е обратна. СЈО беше избран на 15–ти септември. Законот предвидуваше дека почеток на 18–те месеци работа ќе биде моментот кога ќе ги примат матерјалите, иако најголем дел од нив ги имаше на сите портали бидејќи беа објавени. И тоа сите добро го знаеа.<

Зоран Заев и Катица Јанева спроведоа една тактика која не им пречеше на преставниците на меѓународната заедница. Цели три и пол месеци Заев не ги доставуваше матерјалите под разни изговори и лаги, а највпечатлива беше дека немало соодветни услови да ги примат и чуваат материјалите – им требал посебен сеф. Откако Владата експресно им донесе сеф, објавија дека е несоодветен. Потоа Владата им донесе сеф-шифоњер и веќе немаа каде, па преминаа на одолговлекување од страна на Зоран Заев со разни изговори, за некаде дури на 30–ти декември 2015–та Заев да ги достави материјалите и да почне одбројувањето на 18–те месеци во кои може да се отвори обвинение. Некаед на средината на 2016-та СЈО преку Ленче Ристовска се „переше“ дека наводно изгубиле многу време во подготовки од дадените 18 месеци, што е уште едно нечесно манипулирање со јавноста и со меѓународната заедница.

Кога се методите на СЈО за политичко влијание во прашање, веќе на сите им стана јасно дека „штанцањето“ барања за мерки за претпазливост кон судот за да го донесат во ситуација да ги одбива, беше да се создаде клима и направи атмосфера дека судот е пристрасен и потребно е специјално одделение со „подобни“ судии. Во иста насока е и најавата за генерален реизбор на судии од страна на Заев и СДСМ.

Прилично неискрен аргумент е и божемното загубено време со аболицијата, со кое исто така СЈО се обиде да купува изговори за продолжување на мандатот. Она што е вистина е дека СЈО за време на аболицијата не ги запре постапките кон никого, ниту правно формално со посебен акт, за што имаа законска обврска, ниту ги запре реално нивните истражни активности.

Во меѓувреме, уште не се знае каде се останатите материјали кои Заев излажа дека ги предал во целост на СЈО, а целата јавност гледа како се појавуваат на фејсбук и други интернет локации. СЈО, очекувано, воопшто не го истражува овој феномен – како е можно снимките кои се стекнати на нелегален начин и на кои има приватни разговори, а се снимки кои Заев тврди дека ги имаат само во СЈО – да излегуваат на интернет. СЈО не се занимава со ова. Туку продолжува со својата главна преокупација: обид за нанесување политичка штета на ВМРО-ДПМНЕ. Впрочем, во јавноста се појавија изјави од извори на „Дневник“ кои велат дека eден амбасадор повторно го притиснал алармот во СЈО давајќи насока останатите предмети да се стават на страна, а фокусот целосно да биде на партијата и нејзиното раководство. Пред да замине на прослава на божиќните празници со семејството амбасадорот си нарачал пресметка со партијата што победи на изборите. Насоката до кооперативните обвинители од СЈО била по секоја цена да се оди со истрага за партијата и раководството за тоа како се финансирале претходните избори.

Наредбата ја пренел еден од обвинителите пред целиот колегиум на СЈО јавно посочувајќи кои се очекувањата на амбасадата. Тој на своите колеги им укажал дека рокот во кој се очекува ваков резултат од СЈО е крајот на јануари или најдоцна до средината на февруари.

Одложено судењето на Зоран Заев – не се појавил на четвртото рочиште

osnoven-sud-kumanovo

Претседателот на СДСМ Зоран Заев, претставникот на правното лице од СДСМ Дамјан Манчевски и адвокатот на одбраната Мирослав Вујиќ, денеска не се појавија на четврото рочиште закажано во кумановскиот суд по однос на приватната тужба на Виктор Цветковски, за неовластено снимање и објавување снимки.

На рочиштето во кумановскиот суд се појави третообвинетиот Мартин Костовски, кој информираше дека Зоран Заев, претставникот на СДСМ Манчевски и адвокатот на одбраната Вујиќ не можат да присуствуваат на рочиштето поради обврски во Државната изборна комисија.

ВИДЕО: Попоски маестрален, Пендаровски катастрофален

poposki-pendarovski

На тема „Прислушување“ синоќа на ТВ Алсат-М во емисијата „200“ на политичка ТВ-дебата се соочија претставници од четирите големи партии, од македнскиот и албанскиот блок, носители на пратеничките листи во првата изборна единица: Никола Попоски од ВМРО-ДПМНЕ и коалицијата „За подобра Македонија“, Стево Пендаровски од СДСМ, Артан Груби од ДУИ и Идриз Орана од ДПА.

Бомбите на опозицијата, работата на СЈО и судството во Македонија, евроинтеграците, центрите на моќ кои мешаат прсти во македонските работи, од каде доаѓаат странските служби, што ` е проиритет на власта, излез од двегодишната криза што ја наметна СДСМ, се темите на кои Пендаровски остана нем, соборен со факти.

Уценувачка порака за функционери на ДУИ со нови снимки, СЈО и МВР не мрднаа со прст за старите

skandaloze-fb

Нови десетици снимки на незаконски снимани разговори на функционери на ДУИ се објавени на социјалните мре жи од страна на непознати лица. Снимките на разговорите на лицата, за кои информативните портали на албански јазик вчера тврдеа дека им припаѓаат на високи функционери од ДУИ се појавија деновиве. Но, овие медиуми не посочија за кои функционери конкретно станува збор пишува Дневник.

Снимките се првично објавени на Фејсбук-страницата насловена Skanaloze и го носат датумот 20 ноември 2016 година. На неа можат да се слушнат повеќе разговори што се водени и на албански и на македонски јазик. На страницата може да се види како постојано се зголемува бројот на лицата што ги слушнале разговорите. Објавувањето се совпаѓа со почетокот на предизборната кампања за парламентарните избори на 11 декември годинава.

Познато е, кон крајот на септември на оваа иста социјална мрежа, на страницата насловена како Pronto.mk беа објавени, исто така, снимки на функционери на ДУИ – на лидерот Али Ахмети и на Муса Џафери. Засега, сè уште не е познато кој е изворот на објавувањето на незаконските снимки, пишува весникот.

Пуштањето на новите незаконски снимки се надоврзува на објавувањето на разговорите што во февруари годинава, исто така, почнаа да се шират на социјалните мрежи. Тогаш, како што е познато, почнаа да се појавуваат повеќе снимки на нелегално прислушуваните разговори на десетина јавни личности, зад кои во еден дел стоеше лицето потпишано како „Никола Тесла“.

Првиот приватен разговор, кој бил објавен прво на каналот „Јутјуб“ уште на 23 февруари, е на уредникот на телевизијата „Сител“, Драган Павловиќ-Латас и сопственикот на медиумот Горан Иванов. Потоа на 26 февруари бил објавен разговорот меѓу Драган Павловиќ и Ивона Талевска, главен и одговорен уредник во дневниот весник „Вечер“.

Потоа следуваа приватните разговори меѓу функционерот на ДУИ, Муса Џафери, и пратеничката Ермира Мехмети, како и меѓу првиот човек на скопска Kомерцијална банка Хари Kостов и Бранко Бојчевски, основач на агенцијата за обезбедување „Оса“.

СЕ ПРАВДААТ ДЕКА БИЛО СЛУЧАЈНО: СЈО спроти изборна кампања исфрли случај за прислушување

katica-lence-sjo

Ленче Ристоска се обиде да ги оттргне сомневањата кон СЈО дека искалкулирано денеска се појавува во јавноста со нов случај и дека со тоа сака да влијае врз изборната кампања. Според неа, токму досега траела анализата на податоците

Сосема случајно се погоди да биде пред почетокот на изборната кампања. Нашата цел не е да влијаеме врз изборниот процес. Нашите истраги се исклучиво врз основа на доказите, се правдаше Ленче Ристоска, портпаролката на специјалното јавно обвинителство, за тоа што во предвечерието на изборната кампања во земјава се појавуваат со случај кој се однесува токму на прашањето за тоа кој прислушувал во земјава во периодот од 2008 до 2015 година.

Денешната нивна прес-конференција беше за нов случај, именуван „Таргет“, а кој се однесува на прислушувањето кое, според тоа што го соопшти СЈО, траело подолг период. Одговарајќи на новинарско прашање, Ристоска се обиде да ги оттргне сомневањата кон СЈО дека искалкулирано денеска се појавува во јавноста со нов случај и дека со тоа сака да влијае врз изборната кампања. Според неа, токму досега траела анализата на податоците.

sjo-katica-lence-fatime

– Ние не работиме по ничии нарачки. Работиме исклучиво по докази. Тоа повеќе пати го имаме повторено. Не влијаеме врз изборниот процес. Анализата на податоците што ги прибавивме траеше до сега, до оваа недела, кога ги имавме финалните резултати од истрагата. Се работи за голем број податоци, требаше да се анализираат, да се види кои од тие броеви биле следени надвор од судските наредби. Беше потребно еден извесен период да се анализираат податоците – рече Ристоска.

Според тоа што беше презентирано, случајот „Таргет“ се однесува на незаконското следење на комуникациите во период од 2008 до 2015 година. Предмет на истрагата е кој, на кој начин и со кои средства вршел незаконското следење на комуникациите. Мотивите за прислушувањата, како што рече обвинителката Фатиме Фетаи, треба да ги покаже истрагата.

Осомничени се 10 лица од кои тогаш, а дел и сега се вработени во УБК од највисоките раководни истраги до најниските ешалони. Се товарат за кривично дело злоупотреба на службената положба и овластување.

Таа појасни дека доказите со кои располагаат упатуваат на основано сомнение дека преку системите во УБК од 2008 до 2015 година незаконски се следени 5.827 телефонски броја. Во тој период во употреба биле три различни системи за следење на комуникациите.

Обвинителката Катица Јанева, пак, истакна дека денешната истрага е резултат на повеќемесечна работа. Таа додаде дека во текот на предистражните постапки што се водат во СЈО до овој момент се собрани доволно материјални и вербални докази за да се отвори истрага.

sjo-katica-lence-fatime-1

Според тоа што го истакна портпаролката Ристоска, биле следени политичари и од власта и од опозицијата, како и домашни бизнисмени и медиумски работници. Така Ристоска спомена дека поранешната министерка за внатрешни работи Гордана Јанкулоска била следена 732 дена на еден од нејзините телефонски броеви, поранешниот министер за транспорт и врски Миле Јанакиески бил цел на прислушување 732, 573 и 816 дена одделно на три негови телефонски броја. Мендух Тачи, пак, бил цел на прислушување по 1.257 дена на два негови телефонски броја.

Цел на прислушување бил и лидерот на ДУИ, Али Ахмети, чии телефонски броеви биле под присмотра 333, односно 867 дена. Беше споменат и Хари Костов, кој, според Ристоска, бил прислушуван 732 дена. Таргет бил и Љубе Бошковски, со 320 и со 92 дена одделно на неговите два телефонски броја. Лидерот на ВМРО-ДПМНЕ, Никола Груевски, според Ристоска, не бил таргет на прислушувањето.

Вкупно 14 лица, претежно новинари, до денес побарале оштетување за тоа што биле цел на прислушување.

Ристоска воедно спомена дека лица од УБК ги доставиле до лидерот на СДСМ, Зоран Заев, аудиоснимките и транскриптите од прислушуваните разговори.

Специјалното јавно обвинителство досега покрена истраги за случаите „Тортура“, „Титаник“, „Транспортер“, „ТНТ“, „Тврдина“, „Трезор“ „Топлик“ и „Тендери“.

ПО НАРАЧКА ОД ОБВИНЕТИОТ: Еве како Заев ја најави денешната прес-конференција на СЈО

zaev-za-fokus

Денешната прес-конференција на Специјалното јавно обвинителство (СЈО), на која беше покренат случајот „Таргет“, опозицискиот лидер Зоран Заев ја најави во детали при интервју за опозицискиот неделник „Фокус“ минатата недела.

zaev-za-fokus

Во интервјуто за „Фокус“, одговарајќи на прашањето ако СЈО не направело пресврт во случајот „Пуч“ пред избори и не се откриело кој прислушувал, тогаш дали немало да пропадне целиот концепт на СЈО, Заев рече дека СЈО ќе објавел отворање нова истрага посветена токму на прислушувањето. Ваквата најава на Заев денеска и се оствари.

– Јас очекувам дека СЈО во текот на ноември, ако не ја соопшти вистината за прислушувањето во судница, во рамки на судењето за „Пуч“, што е тешко веројатно затоа што судот го одложи процесот на неодредено со цел до избори Груевски да не се појави да сведочи, тогаш ќе објави отворање нова истрага, посветена токму на прислушувањето. Колку телефон биле ставени во системот за следење и како е изведена целата операција. И не само што очекувам детали за ова пред избори, туку знам дека ќе има цврсти докази, со име и презиме и со конкретни дејствија. Не исклучувам дека ќе има и сведоци, рече Заев во интервјуто за „Фокус“.

Она што опозицискиот лидер го најави за сдсмовското гласило, Катица Јанева и СЈО денеска на дело го спроведоа. Прес-конференцијата на СЈО дојде во моменти кога вниманието на јавноста требаше да се отргне од скандалозните и антимакедонски изјави на Заев пред албанската дијаспора во Швајцарија, каде говори за редефинирање на Охридскиот Рамковен договор, воведување на двојазичноста на цела територија и јавно обвинување дека “проблемот е во Македонија, а не во соседите.“

Заев пред албанските иселеници отворено ја искритикува Македонија и застана во одбрана на Косово, Албанија, Грција, Бугарија и Србија. Нагласи дека не можело сите тие да не се во право, односно потенцираше дека грешката била во Македонија.

– И не може сите да бидат лоши околу нас, а ние да сме најдобрите. Ако сите се скарани со Македонија, проблемот е во Македонија, изјави Заев.

Заев и пред албанската дијаспора отворено говори за еднаквоста при употреба на јазиците, односно воведување на двојазичност на целата територија на Република Македонија.

-Јас сум истиот Зоран Заев, кој што ја отвори јавно употребата на јазиците во Македонија и еднаквоста и рамноправноста во државата. Јас сум истиот тој што го гледавте и по Фејсбук и по телевизии кој отвори штабови во Арачиново и Чегране. Македонија ја замислувам, ако знаеме кинекси, кинески да се разбереме, ако знаеме англиски, англиски да се разбереме, француски-  француски, албански- албански, македонски- македонски, да се ослободиме, рече Заев.

Во своето обраќање Заев се осврна и на Охридскиот рамковен договор, за кој вели дека “мора да се оди преку него“ доколку сме верувале во “еднаквоста и рамноправноста“. Заев нагласи дека Рамковниот не бил доволен и требало да се напуштат рамките.

-Охридскиот рамковен договор не е договор. Мора да одиме преку Охридскиот рамковен договор, оти тој е рамка некоја. Зошто во 21- век, 25 години независна Македонија да има рамки на ограничување. Не, ќе веруваме во еднаквоста и рамноправноста и ќе му помогнам на мојот сограѓанин Албанец, вели Заев.

ВИДЕО: Верушевски не верувал во капацитетот на партнерот: Лично му ги пуштал снимките на Заев за да не се збуни тој и самиот да се сними

aleksandar-mitovski-analiticar-cia

Како што Асанж ги добива материјалите, на истиот начин се одвива преносот на податоците од прислушувањето и во Македонија, вели аналитичарот Александар Митовски од Центарот за истражување и анализа ЦИА во вчерашното идание на емисијата „Во центар“ на Васко Ефтов.

Оваа емисија на Ефтов е посветена на црниот интернет, интернет преку кој се одвиваат криминални дејства, се перат пари, се нарачуваат убиства, се организираат државни удари – или во рамките на Република Македонија – се прислушува.

Митовски, експерт за дип веб / дарк веб или црн интернет вели дека целта на овој интернет е анонимна комуникација, во која не се познаваат оној кој бара услуга и оној кој ја нуди. Иако најмногу се врши трговија со дрога и оружје, на црниот интернет исклучително лесно може да се добие и хакерска услуга – „Изнајми си хакер“. Во наши услови ова значи дека за 400 долари на ден можете да го прислушувате телефонот на политичкиот опонент, а за пакет од 6000-7000 долари за 15 дена може да се нарача и прислушување со преслушување на материјалот.

Сепак, Митовски се сомнева дека Верушевски на истиот начин на кој Асанж ги добива анонимните материјали му ги доставувал прислушуваните матерлијали на Заев.

Мислам дека Верушевски на Заев му ги има пуштано за да не се случи… Сигурен сум дела му ги има давано на рака и му ги пуштал на диктафон, му ги вклучувал за да не се случи РЕЦ да стисне, па сам да се сними или да избрише нешто, вели Митов.

ЗАЕВ ПАК ГО СПАСИ ГАЗОТ: Судењето за „Пуч“ одложено на неопределно време

zaev-sudenje-puc

Судското рочиште за случајот „Пуч“ денеска повторно е одложено на неопределено време, бидејќи двајца нови поротници немале безбедносни сертификати.

На денешното рочиште во Кривичниот суд дојдоа лидерот на СДСМ Зоран Заев кој е обвинет во овој случај и специјалната јавна обвинителка Катица Јанева. Специјалната обвинителка Јанева побара сите да ги покажат безбедносните сертификати, и и забележа на судијката дека судењето непотребно се одложува цела година. Адвокатот Филип Медарски, пак, праша дали на денешното рочиште бил повикан и претседателот на ВМРО-ДПМНЕ и поранешен премиер Никола Груевски кој е сведок.

Рочиштето за „Пуч“ беше закажано за денеска откако беше одложено на 16 септември, бидејќи судечкиот совет не беше комплетен, односно еден од судиите поротници не можел да присуствува поради здравствени причини.

Предметот „Пуч“ во којшто е четвртообвинет е лидерот на СДСМ Зоран Заев го отвори Обвинителството за гонење на организиран криминал и корупција, а потоа го презеде Специјалното јавно обвинителство, бидејќи е поврзан со незаконското прислушување.

Првообвинет е Зоран Верушевски, а обвинети се и неговата сопруга Соња Верушевска, Ѓорѓи Лазаревски вработен во МВР и Бранко Палифров, функционер во општина Струмица. Тие се обвинети за „шпионажа“ и „насилство кон државни функционери“.

НИ СЈО НЕ ГИ СПАСУВА: Никој не може да ги обезвредни доказите против Заев и Верушевски

zaev-verusevski-puc

Директорот на БЈБ Митко Чавков во интервју за Република тврди дека доказите против обвинетите во Пуч никој не може да ги доведе во прашање, ниту некој може да ги обезвредни. Целиот доказен материјал, според Чавков е прибавен со научно фундирани методологии за работа, со што е утврдено дека групата која ја предводел Верушевски го злоупотребила системот на следење на комуникации.

На прашањето дали МВР може да гарантира дека доказите против Заев и Верушевски во случајот „Пуч“ ќе бидат безбедни и по преземањето на документацијата и разговорите од СЈО, односно дека оригиналите нема да бидат обезвреднети и злоупотребени, Чавков одговара:

Изградените институционални капацитети сами по себе се гаранција дека доказите што се обезбедени на законит начин и со силен интегритет заснован на развиени современи стандарди за полициско работење, како и капацитетите на секторот за борба  против компјутерски криминал и компјутерска форензика, ниту некој може да ги доведе во прашање ниту некој може да ги обезвредни. На експлицитен начин со научно фундирани методологии за работа, всушност, овозможуваат реконструкција на самиот почеток од агентурното и субверзивно дејствување на групата која ја предводел Верушевски при злоупотребата на системот за следење на комуникациите, за што, впрочем, има и правосилна пресуда како резултат на спогодување за вина, тврди директорот на БЈБ.