ВМРО-ДПМНЕ: Заложбите на владата и Поповски за наводни слободни медиуми се лажни, тие се уценети и притиснати, владее медиумски мрак

Протоколарните заложби за слободни медиуми на владата и Роберт Поповски се лажни. Медиумите и газдите на медиумите се уценети и притиснати од полициската алатка на СДС, СЈО, што придонесува за целосен медиумски мрак и пристрасно известување, обвинуваат од ВМРО-ДПМНЕ.

– Го прашуваме министерот за пропаганда на владејачката партија СДС, платен со парите на граѓаните Роберт Поповски: како ја подобри слободата на медиумите и каде го гледа напредокот? Вработи над 40 луѓе во владата за да го подобри информирањето, но освен што тие ја чинат државата илјадници евра транспарентноста на владата не е подобрена и зошто се уште се одбегнуваат одговори на вистинските прашања кои ги бара јавноста поврзани со трошењето на јавните пари и давањето на тендери во 4 очи како што беше тоа случајот со вицепремиерот Анѓушев? Има ли подобар пример за рушење на независноста на новинарството од самиот Роберт Поповски кој од првото место во ЗНМ, се најде за одговорен на партискиот прес центар на СДС, за да седне во министерската фотелја, порачуваат од партијата.

ПРВО МУ ВПЕРИЈА ПИШТОЛ, СЕГА ГО ПРИВЕЛЕ: Кандидатот на ВМРО-ДПМНЕ за Кавадарци, Јанчев вечерва задржан во полициска станица

Кандидатот за градоначалник на ВМРО-ДПМНЕ за Општина Кавадарци Митко Јанчев вечерва бил задржан повеќе од еден час во полициска станица.

-Поминаа триесетина дена откако кандидатот за градоначалник на ВМРО-ДПМНЕ за Кавадарци беше застанат од полиција и му беше вперено оружје и беше малтретиран. Нема никаква одговорност, ниту дисциплинска постапка. Веќе еден час повторно вечерва го држат во полициска станица. Тоа е СДСМ и нивното спроведување избори, истакна вечерва од Могила, лидерот на ВМРО-ДПМНЕ Никола Груевски.

Засега не е познато зошто Јанчев бил задржан повеќе од еден час во полициска станица. Според последните информации Јанчев пред малку заминал од полициската станица, а сето ова може да се протолкува како уште еден притисок од страна на СДСМ и нивната партиска полиција во пресрет на вториот круг од локалните избори.


Стравот на СДСМ кулминира, полицијата на Заев му вперила пиштол на глава на кандидат за градоначалник на ВМРО-ДПМНЕ!

ВИДЕО: СДСМ продолжува со притисоци и закани врз граѓаните во сите места каде има втор круг гласање

СДС соочени со поразот кој ги очекува во Штип, во пресрет на претстојните избори во недела врши притисок врз вработените во штипската клиничка болница, истакна денеска Трајчо Димков од ВМРО-ДПМНЕ.

– Вработените во штипската клиничка болница се предмет на уцени и закани од страна на членови и активисти на СДС да не излегуваат на гласањето во недела, со надеж дека така ќе ја спречат победата на Илчо Захариев. Тортурата врз вработените оди дотаму што им се закануваат со отпуштање од работа доколку излезат на гласање, а дел од нив се казнети и со намалување на платата. Заплашувањето, уцените и поткупот се начин на кој СДС го спроведе првиот круг од локалните избори, истото продолжи и во текот на вториот круг. Медиумите веќе пишуваа како СДС со злоупотреба на полицијата врши притисок врз граѓаните, имено полицијата во ромското мало во Штип влегувала низ куќите на жителите и без причина ги евидентирале истите, со цел нивно заплашување, посочи Димков.

Вели дека медиумите веќе обзнанија и за случајот во Штип каде е забележано како активисти од СДСМ нудат пари на граѓани.

– Но по случајот ниту е постапено, ниту пак е евидентирана  ваквата пријава за обид за поткуп во полицискиот билтен, иако е наведена пријавата со име и со презиме. Во населбата Три Чешми во Штип, населението кажува дека секој ден доаѓаат луѓе од СДС и нудат пари, а тарифата се движи од 1.000 до 3.000 денари за глас за кандидатот за СДС. Притисоците не се вршат само врз граѓаните туку и врз општинската администрација и јавните претпријатија, кои добиваат закани при вршењето на својата тековна работа. Ваква тортура и притисок од страна на државата врз граѓаните и општината не е забележана во поновата историја на Република Македонија. СДС ги гази основните постулати на демократијата, потенцира Димков.

Вели дека вакви притисоци врз граѓаните се забележани во сите населени места каде ќе има втор круг на локалните избори.

– За разлика од првиот круг, сега граѓаните се охрабруваат и јавно зборуваат за притисокот од страна на СДС, како што е случајот со брачниот пар во Демир Капија и сведоштвото на полицаецот од Свети Николе. Граѓаните се одважуваат и му застануваат на патот на насилието од СДС. Граѓаните не се плашат на партиските кучиња на Зоран Заев. Граѓаните во недела ќе му го дадат одговорот на Заев и СДС за сите закани, притисоци и уцени, рече Димков.

Јовановски: СДС продолжува со притисоци, закани и поткуп, креирајќи тензична атмосфера и пред вториот круг од локалните избори (ВИДЕО)

СДС продолжува со притисоци, со закани, поткуп, креирајќи тензична атмосфера и пред вториот круг од локалните избори. Нема категорија на граѓани кои не се мета на криминогените структури кои партиски одработуваат за СДС, истакна Крсте Јовановски од ВМРО-ДПМНЕ.

-Активисти на ВМРО-ДПМНЕ се константно следени. Во Росоман веќе подолг период десетина наши активисти се следени и се под закана. Истите тоа го пријавиле во полиција, која не реагира. МВР молчи и не реагира. МВР се става во служба на СДС. Злоупотреби на полицијата има во Штип и во Виница, каде припадници на полицијата влегувале по домовите на граѓаните во ромското маало и барале истите да се легитимираат. Сите ние видовме и слушнавме од потресното сведоштво на брачен пар од Демир Капија објавено во медиумите, како активисти на СДС, во друштво со криминалци, како што велат жрвите се заканувале со убиство, само затоа што во нивниот дом дошол кандидатот за градоначалник од ВМРО-ДПМНЕ, рече Јовановски и додаде:

„Случаи во кои активисти на СДС нудат пари и го поткупуваат населенито регистрирани се во Штип, во Гази Баба, во Бутел и во Прилеп. Граѓаните се охрабруваат и почнуваат да говорат за беззаконието на СДС и за нивните насилници и нема да дозволат некој да им го креира нивното мислење за кого треба да гласаат со закани, уцени или пак со поткуп. СДС ја залоупотребува државната и јавната администрација, каде вработените се под перманентен притисок од страна на директорите поставени од СДС. Такви случаи имаме во Новаци, во Кавадарци, Пробиштип, Македонска Каменица и во Штип“.

Притисокот, додаде тој, не може да трае вечно.

-Еден ден сите кои ја реализирале оваа криминална агенда има да одговараат. Граѓаните не смее да бидат стиснати од јаремот на уцените. Граѓаните ќе го казнат СДС за уништувањето на демократијата и на  слободата во Република Македонија. Граѓаните исто така нема да дозволат да носат одлуки под притисок, за кои ќе се каат утре. ВМРО-ДПМНЕ застанува на страната на граѓаните. ВМРО-ДПМНЕ застанува на страната на демократијата, на слободата, правдата и законот. Република Македонија е демократска држава и секој обид за поткопување на правната држава и кршење на законите ќе заврши со кривично санкционирање на секој еден кој се осмелил да и наштети на државата и граѓаните. Во тоа нека бидат сигурни и СДС и нивните послушници на терен, кои заслепени од моменталната власт која е минлива мислат дека законот за нив не важи. Сите тие заедно треба да знаат дека одговорност ќе има и мора да има.

Данев: Управниот суд подлегна под систематскиот притисок од СДС и СЈО

Вчера се виде целта на политичката инструментализација на СЈО и монтираните истраги. Управниот суд подлегна под систематскиот притисок од СДС и СЈО и не дозволи прегласување во ниту едно избирачко место, вели драган Данев од ВМРО-ДПМНЕ.

-Имено ВМРО-ДПМНЕ до Управниот суд поднесе 24 тужби за 45 избирачки места за изборни нерегуларности, додека судот не дозволи прегласување во ниту едно избирачко место. Ваквото делување на Управен е заради оркестрираниот притисок од страна на двоецот СДС/СЈО. Имено СЈО во монтирана постапка во предизборниот период покрена постапка против пет судии во Управниот суд, заради нивно слободно судско уверување, додека Судскиот совет под влијание на СДС надвор од секаква правна логика им го одзема судскиот имунитет, потенцираше Данев.

Тој додава дека ДИК и Управниот суд беа под страшен притисок како и целата администрација. ДИК и Управниот суд одеа по линија на помал отпор и одлучија да замижат пред очигледниот фалсификат на овие избори само за да не станат предмет на натамошен прогон на политичкото обвинителство на Заев. Вакво насилство, притисоци и закани немало и не смее да се повторат.

-Целата јавност преку доказите и фактите кои беа објавени во медиумите виде дека на изборите во недела беше направен најголемиот изборен фалсификат во независна Македонија. Беше извршено полнење на кутиите со однапред заокружени ливчиња за СДС, со методот на т.н. бугарски воз, доказ за тоа се гласачките ливчиња од Карпош најдени во изборни кутии во Охрид, ливчињата од Велес најдени во Струмица, од Врапчиште во Гостивар, но и со записник утврдените недостатоци на гласачки ливчиња во Гевгелија и Берово. Граѓаните видоа дека станува збор од фалсификат од мегаломански размери кога во Ресен беа најдени гласачки ливчиња со ист сериски број, што индицира на двојни ливчиња. Сето ова е фото и видео документирано, поткрепено со докази и записници, за што медиумите редовно објавуваа, рече Данев.

Тој вели и дека доказите и фактите за изборен криминал сепак не беа доволно за ДИК и Управен да го пребродат стравот и наместо под притисок да одлучуваат по словото на законот.

-Управниот суд и ДИК наместо согласно закон одлучуваа под притисок и сугестија на власта. ВМРО-ДПМНЕ ги предупредува и потсетува сите оние кои за потребите на СДС вршат изборен криминал и ги изигруваат законите, дека со враќањето на демократијата во Републиката ќе се врати и правната држава, а сите прекршители на законите ќе одговараат согласно закон. Одговорност за овие изборни криминали ќе има и мора да има, изјави Данев.

Ефтов: Целата државна структура беше ставена во функција на добивање на изборите од страна на СДСМ

Минатата недела се случи финалната операција за политичко рушење на Никола Груевски. Дали на крајот ќе излезе така како што посакувале сценаристите, ќе се види во наредниот период, истакнува Васко Ефтов во својата најнова емисија.

-На првиот круг од локалните избори се случи една изборна операција која беше подготвувана со години и која беше фантастично спроведена. Партијата ВМРО-ДПМНЕ беше погрешно насочувана со лажни анкети на јавното мислење во рамки на Република Македонија. Тие анкети беа правени од луѓе од најголема доверба на партијата, односно луѓе кои правеле анкети за партијата изминативе 10 години. Времето ќе покаже дали тие анкети намерно биле погрешно направени или во соработка на анкетарите со одредени моќни дипломатски структури кои функционираат на територијата на Македонија. Како второ, беше украден оперативниот систем ОП3, познатата “тројна структура“ која изминатите 27 години беше ‘рбетот и кичмата на функционирањето на ВМРО-ДПМНЕ. Сите системи, сите шеми, сите контакти на луѓе, сите оперативни групации беа пренесени на конкурентската политичка партија и на стратезите кои работеа на операцијата за растурање на ВМРО-ДПМНЕ. Како тие информации завршија во рацете на одредени структури блиски на македонските безбедносни органи и на одредени моќни дипломатски структури во Македонија, партијата ќе треба да го даде одговорот во наредните неколку недели. Како што сега стојат работите, во ртекот на самата кампања кога веќе се почувствувало дека тие оперативни податови завршиле во раце на луѓе каде што не требало да завршат почнала веќе чистката на одредени оперативни или локални структури кои беа продадени во текот на изборната кампања, анализира новинарот Ефтов.

Тој обвинува дека поранешни членови на партијата помогнале за оперативниот систем да заврши во туѓи раце. Тие членови, вели, пред 3-4 месеци одлучиле да ја напаѓаат структурата и ВМРО-ДПМНЕ барајќи реформи во самата партија.

-Целата државна структура беше ставена во функција на добивање на изборите од страна на СДСМ. На пример, градот Гевгелија е град каде никогаш до сега немало позначајни изборни нерегуларности или нарушување на изборниот процес. Меѓутоа тоа што се случи изминативе 30-тина дена во Гевгелија треба да биде презентирано. ВМРО-ДПМНЕ во своите внатрешни анализи за тоа кој треба да биде кандидат за градоначалник има направено одредени внатрешни анкети. На тие анкети, убедливо на прво место е името на еден доктор. Со тој доктор е направен договор, се следеле анкетите и е договорено тој да биде кандидат за градоначалник од ВМРО-ДПМНЕ за локалните избори на 15-ти октомври.  Само еден ден откако докторот прифаќа да биде кандидат за градоначалник на ВМРО-ДПМНЕ во Гевгелија, него му пристапуваат луѓе со потекно од Гевгелија кои се во исклучително блиски односи со структурите на СЈО. Му презентираат на докторот одредени информации, му се закануваат дека ќе го компромитираат во Гевгелија и пред пошироката македонска јавност и само еден ден по прифаќање да биде кандидат за градоначалник на ВМРО-ДПМНЕ, тој доктор се повлекува. Се прави ново, внатрешно прегрупирање и анализа за тоа кој треба да биде нов кандидат. Се избора нов човек и тој поминува низ истата таа операција, му се закануваат и тој се откажува, анализира Ефтов.

Ефтов објавува дека поранешниот носител на советничката листа за ВМРО-ДПМНЕ во Гевгелија, на овие избори оди со своја независна советничка листа. Таа листа освои околу 2000 гласови и тоа ги определува изборите во Гевгелија.

-Чудно е што Томе Кичуков кој е носител на таа листа во 2013-та бил носител на листата на ВМРО-ДПМНЕ во Гевгелија е во исклучително блиски односи со првиот човек од СЈО, Катица Јанева. Односно, поранешниот починат сопруг на Јанева е роден вујко, брат на неговата мајка, на Кичуков. Тој ги определува изборите во Гевгелија, а победува близок роднина на Катица Јанева кој е во роднински, сватовски врски поврзан со неа, истакна ЕФтов.

Најголем дел од гласачите на Кичуков, завршија на контото на СДСМ за избор на градоначалник.

-Тоа е всушност таа операција која со помош на бомбите, со помош на целиот апарат на државен, репресивен начин на функционирањево рамки на Македонија, одредени и видни структури на ВМРО се уценети или натерани да гласаат за другата политичка опција, заклучува новинарот Васко Ефтов.

НОВ СКАНДАЛ: Вработените во СД Пелагонија биле принудени во работно време да носи маици од СДС за да влијаење врз студентите (ВИДЕО)

Денес на прес конференција за медиумите, Димче Арсовски, потпретседател на УМС на ВМРО-ДПМНЕ го обвини СДСМ дека најгрубо ги партизираат и „силуваат“ институциите, а со тоа и директно го нарушуваат изборниот процес.

Тие на прес-конференцијата прикажаа слика на која јасно се гледа дека вработена во студентскиот дом ПЕЛАГОНИЈА, која во текот на работното време носи партиска маичка со партиски обележја од Социјалдемократскиот сојуз.

Ова е најгрубо партизирање на институциите од страна на Социјалдемократскиот сојуз. Ова е директно нарушување на изборниот процес. Ова е класично мешање на партија и држава, што Социјалдемократскиот сојуз го спроведува уште од првиот ден – изјави Димче Асовски.

– За жал, ова не е прв случај на мешање на партија и држава. Социјалдемократскиот сојуз ги запоседна институциите со своите партиски кадри, кои се во функција и им водат изборна кампања на кандидатите на Социјалдемократскиот сојуз.

-На другата слика можеме да ги видиме министерот за внатрешни работи Оливер Спасовски заедно со кандидатот за градоначалник на Социјалдемократскиот сојуз во Охрид, Јован Стојаноски во придружба на Димитар Вервезовски, претседател на Општинската изборна комисија во Охрид. Значи замислете, човекот кој треба да гарантира фер избори, оди заедно во кампања и агитира за кандидатот на Социјалдемократскиот сојуз и тоа во придружба со министерот за внатрешни што, по секоја логика, полицијата треба да биде непартиска.

-На третата слика можеме да забележиме дека на партиски настан во Росоман каде што се појавува Радмила Шекеринска, во нејзина придружба е Тони Стојанов кој е инаку инспектор во Полициска Станица Кавадарци. За овој човек имаме информации дека редовно се појавува на партиските настани на Социјалдемократскиот сојуз, додадоа од ВМРО-ДПМНЕ.

Димче додаде дека социјалдемократскиот сојуз во министерството за внатрешни работи ги маргинализирало професионалните кадри, а за сметка на тоа поставило партиски кадри кои секојдневно агитираале и вршеле притисок врз граѓаните да гласаат за кандидатите на Социјалдемократскиот сојуз.

-Бараме одговорност и брза реакција од страна на надлежните и исто така ги повикуваме сите релевантни институции кои се вклучени да ги следат нерегуларностите во изборниот процес веднаш да реагираат на нарушувањето на изборниот процес и најгрубото мешање на партија и држава од страна на Социјалдемократскиот сојуз.

Сите овие примери се уште еден доказ дека Социјалдемократскиот сојуз се исплашени, затоа што ќе ги изгубат изборите на 15-ти октомври и затоа што на терен ги вадат сите свои партиски кадри од институциите да вршат притисок врз гласачите. Но сепак сето ова им е џабе, бидејќи граѓаните ќе ги поразат на 15-ти октомври со пенкалото во рака – заклучија од ВМРО-ДПМНЕ

СДСМ со години ни зборуваше за демократија, а спроведуваат најнедемократски и најнасилни избори

Убеден сум дека на 15 октомври сите ние ќе славиме тука. Во Македонија работите се менуваат, ова што се случи во овие четири месеци е една добра лекција за многумина кои што не можеа да направат споредба и да видат некои работи пред тие да се случат. После се што видовме во овие четири месеци започнува новото движење кое ќе ја донесе новата ера за Македонија, ера на просперитет, на напредок и на исполнети ветувања, на одговорност, на достонство, на заедништво. Ера која ќе ја предводи Коалицијата „За подобра Македонија“.

Тој посочи дека Македонија може и мора многу подобро. Груевски од Куманово даде 13 примери на, како што рече, помрачувањето од СДСМ.

-Секојдневна демонтрација на незаконско работење од страна на новодонесената и залепена власт која не дојде како победник, туку како поразен. Која немаше да се случи да не ја составеа однадвнор. Незаконски назначувања, незаконски разрешувања, незаконски вработувања, незаконски тендерски постапки, ставање на министри сами на себе да си бидат советници – министер и советник на министерот, за да земе повеќе пари, посочи Груевски.

Рече дека дел од тоа помрачување се и кривичните пријави за над 10 кандидати за градоначалници.

-Секој ден по една за непостоечки кривични дела. Пукања и ранети кандидати за градоначалници – Кичево. Претепување на кандидати со шипки и со боксови – Шуто Оризари. Денеска заедно со Амди отидовме до болницата да го посетиме Елвис Бајрам, докторите не замолија да не влегуваме. Велат „скршен му е черепот, се обидуваме да не пуштаме никого, скршен му е черепот“, а МВР објавува „се степале две групи, се затепале како деца на улица“. Скршен череп, човекот е во критична ситуација. Тоа се избори што ги организира СДСМ и тоа е нивната демократија. Партијата која што со години ни говореше за фер и демократски избори спроведува најнефер, најнедемократски, најнекоректни и најнасилни избори, преполни со насилство, истакна Груевски.

Нагласи дека и на кандидатот за градоначалник на Кавадарци му било вперен пиштол во лице.

-Секојдневна демонстрација на сила. Закана на институциите додека МВР се претвора во партиска испостава. Демократија нема. Трето, секојдневни измами со евидентни докази. Направија, на пример филмска измама со производството на автобуси во „Санос“. Отиде првиот човек во Владата со куп новинари и вика „Еве нов автобус, домашното производство тргна откако дојдовме ние во Владата“. Отидоа новинарите неколку дена подоцна, ни фабрика, ни автобуси, ни работници – искрешни стакла и пајажина, брука и срамота, филмска измама, посочи Груевски.

Потенцира дека и надворешната политика која се спроведува е контрадикторна.

-Нема, па има договор за Комисија за историјата со Грција. Една недела викаат „Нема таков договор“ откако министерот за надворешни на Грција објави дека се договорил со нашиот министер да направат Комисија за истражување на историјата. Значи освен Бугарија и Грција ќе ни ја менува историјата, рече Груевски.

Според лидерот на ВМРО-ДПМНЕ, еден пример за помрачувањето се секојдневни промени на ветувањата пред изборите и активности спротивни на тие ветувања.

-На земјоделците им ветија по изборите дека ќе имаат 10 отсто поголеми субвенции. Нема 10 отсто поголеми субвенции. Ама ај што нема, дојде и гром од ведро небо. Ако не им бил поголем приносот оваа година во споредба со претходната, во иднина немало да даваат субвенции, појаснува Груевски.

Подвлече дека новата Влада секој ден зборува за реформи, дека секој ден минимум 20 пати се споменувало за реформи.

-Мислат дека ако ги спомнуваат дека тие сами ќе се направат. Реформи досега има нула, нагласи Груевски, додавајќи дека секој ден има обиди минорните работи да се прикажат како нешто што ќе не збогати.

Како такви ги посочи радиодифузната такса која се уште се плаќа но и евтината струја која се уште ја нема.

-Секојдневни активности да се запре, закочи или пак да се урне нешто создадено од времето на ВМРО-ДПМНЕ и Коалицијата „ За подобра Македонија“. Автопатиштата, три автопати од кои едниот е речиси готов, линии требаше да се нацртаат само, два во тек на градба, едниот 90 отсто завршен, другиот 50, се запреа, вели Груевски.

Потенцира дека СДСМ се занимава со работи кои никој не ги бара од нив, а не го работат она што треба да го прави една одговорна Влада.

-Секојдневно убедување дека со штетни договори за Македонија се градат пријателства со соседите. Сега фатија да не убедуваат дека заради штетниот договор со Бугарија ќе сме ја имале за најголем пријател и дека наредниот најголем пријател ќе ни била Грција заради тоа што и со нив планираат на ист начин да склучат таков договор, истакна Груевски.

Подвлече дека ќе ги ни го сменат името на државата, името на нацијата, името на јазикот, историјата, учебниците и ќе ни кажат оти градиме добри односи и многу пријатели.

-Секојдневна демагогија, тешка демагогија. Воздух за Берово, па за Берово може да речеме дека многу работи ги нема, ама воздух…. А за Куманово воздухот не е главна тема. Па живот, Господ почнаа да се замислуваат дека се. Празни зборови, апстрактни фрази, ветер и магла, нагласи претседателот на ВМРО-ДПМНЕ.

Според него, како десетти пример на помрачувањето е преку напади врз опозицијата и политичките опоненти да го прикријат неработењето.

-Со политички хајки, со политички прогони. Што ручал некој министер пред две години, а и тие ручаат сега. Зошто се купиле бадеми? А и тие купуваат бадеми. Блиндирано возило кое секој ден истите они го возат, вели Груевски.

Рече дека тие вршат секојдневни притисоци врз медиумите, судството, администрацијата, странските инвеститори.

-15 кривични пријави во последните 15-20 дена на судии кои што треба да судат. Медиуми, кои се прогонуваат по судови и финансиски се прогонуваат и уништуваат, истакна Груевски.

Потенцира дека новата Влада свесно оди спроти волјата на народото.

– Тие знаат дека нашиот народ е против договорот со Бугарија, против тие работи што ги прифатија. Но, одат директно спротивно на волјата на народот како што веќе планираат да одат со договорот со Грција, подвлече Груевски.

Нагласи дека економијата секојдневно тоне.

-Почнете од намалениот извоз, се намали извозот за 12 проценти – јули со јули. Продолжете со намалениот бруто домашен производ за околу 2 отсто. Индустриското производство во јули се намали за 2 отсто, со август минатата година за 5,3 отсто. Којзнае што ќе биде во септември кога ќе ги објават податоците, рече Груевски.

Додаде дека девизните резерви се намалиле за 172 милиони евра.

Сојуз на Ромите: СДСМ врши притисок врз вработените Роми во институциите

Парламентарната партија Сојузот на Ромите на Македонија реагира на начинот на кој СДСМ врши притисок врз вработените Роми во институциите.

Имено, врз врабоетни Роми во јавната администрација од страна на директори во државни органи Генерален секретаријат, Државен архив на РМ, ГТЦ и неколку министерства насилно ги тераат вработените Роми да го посетат штабовите на СДСМ во општина Шуто Оризари, да се сликаат со кандидатот за градоначалник Курто Дудуш и сликата да му ја покажат на директорот на институцијата.  Дали вака дојде животот кој го промовираше СДСМ? Го повикуваме раководството на владејачката партија во името на овие мирољубиви Роми во Македонија да им укаже на нивните поставени раководители и директори на институциите да престанат со ваквите притисоци и да и овозможат на администрацијата да си ја врши својата работа професионално, порачуваат од партијата.

Од Сојузот на Ромите прашуваат дали СДСМ има за цел да се вратиме во времето кога Ромите ги немаше во институциите?

-Самиот почеток на владеење на СДСМ и во првите 100 дена покажаа дека за Ромите нема место во извршната власт. Дали со ваквите притисоци СДСМ сака и тие малку Роми кои работат во администрацијата да ги нема, прашуваат тие.

Преку денешната прес-конференција, освен јавноста, тие имаат за цел со оваа состојба да ги запознаат и претставниците на ЕУ, странските амбасади, ОБСЕ/ОДИХР, како и народниот правобранител и да ги повикаат да реагираат соодветно на ваквиот начин на практикување на власта.

САМО ЗАЕВ ДА СЕ СПАСИ ОД ОДГОВОРНОСТ: СЈО и СДС вршат притисоци незаконските снимени и монтирани разговори да бидат прифатени како доказ во политичкиот мотивиран прогон

СЈО е институција која работи за Заев и СДС. Сакаат да го легализираат криминалот на Заев и Верушевски кои со останатите обвинети во случајот Пуч незаконски следеа телефонски разговори и потоа ги вадеа од контекст и монтираа за да креираат хајка против ВМРО-ДПМНЕ. СЈО и СДС сега вршат притисоци овие незаконски снимени и монтирани разговори да бидат прифатени како доказ во политички мотивираниот прогон на ВМРО-ДПМНЕ и нејзините функционери, изјави денес Емилија Александрова од ВМРО-ДПМНЕ.

-Зоран Заев изврши низа криминални дела за кои согласно Устав и закон треба да одговара. Заев беше спасен од одговорност од СЈО, кое неколкукратно го прекрши законот само за да го амнестира за сторениот криминал по втор пат. Барањето на СЈО за прифаќање на нелегално прислушкуваните и монтирани разговори кои Заев нелегално ги објавуваше, е срамно и без никаква правна логика. Тоа е обид за покривање на антидржавното делување на Заев повеќе од две ипол години, вели Александрова.

Таа истакнува дека политичкиот притисок за истото барање на СЈО да биде прифатено од страна на Апелациониот суд беше огромен и со истиот судот беше принуден да донесе нелогична одлука, со сомнително образложение кое е незаконско и крајно неаргументирано, спротивно на член 12 став 2 од законот за кривична постапка. Истото е ноторен пример за целта на СЈО да го легализира криминалот на Заев.

-Легализацијата на криминалите на Заев, за СЈО е уште еден инструмент во крајната цел за неосновано политичко оцрнување на ВМРО-ДПМНЕ и нејзините функционери во очите на јавноста преку медиумите под партиска комтрола на СДС. Токму затоа, без логично образложение, под политички притисок врз судот, беа одземени и патните исправи на дел од функционерите на ВМРО-ДПМНЕ. Така сакаат да создадат негативна слика во јавноста за истите, вели таа.

Александрова додава дека барањата за одземање на патните исправи беа целосно неосновани и без соодветна аргументација, истите не беа со цел да се задоволи правото, туку желбата за политички прогон на поедини личности кои застанале во одбрана на Република Македонија, нејзините државни и национални интереси.

-СЈО и институциите под контрола и влијание на СДС кои работат надвор од законот, односно прекршувајќи го истиот со цел исполнување на политичките нарачки на одредени лица треба да знаат дека за своите нелегални активности и одлуки ќе бидат санкционирани веднаш по враќањето на ВМРО-ДПМНЕ на власт и повторното воспоставување на правната држава и владеењето на правото во институциите. Сите криминалци и прекршители на законот ќе одговараат. За криминалите и антидржавните дејствија кон државата и нејзините граѓани мора да има соодветни санкции, изјави Александрова од ВМРО-ДПМНЕ.