ФОТО: Медиумите кои не се под контрола на СДСМ револтирани од притисокот од СЈО ги спуштија камерите

Kameri-SJO-1

Поради притисокот од Специјалното јавно обвинителство (СЈО), медиумите кои не се под контрола  на СДСМ денеска во знак на револт го спуштија камерите на почетокот од прес-конференцијата.

Во знак на револт заради притисоците и ограничувањето на слободата на говор, медиумите и спуштија камери на Катица Јанева.  Новинарите протестираат против репресијата и притисоците од страна на СЈО врз медиумите и последниот атак, со кој директно се врши прогон на ТВ Нова и нејзиниот сопственик Сеад Кочан.

Новинарите порачуваат дека новинарството не е криминал, а граѓаните имаат право да добиваат точни, навремени и проверени информации.

Kameri-SJO-2

Костов: Хан и европратениците ќе вршат невиден притисок врз претседателот Иванов

sotir-kostov-tv-nova

Аналитичарот Сотир Костов смета дека комесарот Јоханес Хан доаѓа за да изврши притисок врз претседателот Иванов за да ја смени одлуката и да му го даде мандатот на Зоран Заев.

– Очекувам дека господинот Хан и тројцата европратеници ќе вршат невиден притисок врз претседателот Иванов, врз ВМРО ДПМНЕ и Никола Груевски во смисла, првиот да ја смени одлуката за недавање мандат на Зоран Заев, а вториот како победник да прифати други да владеат во РМ, поточно, три албански политички партии и една албанизирана политичка партија СДСМ, вели Костов. Но, тој е сигурен дека граѓаните на Република Македонија тоа нема да го дозволат.

– Дојде време кога тие суверенитетот ќе го земат во свои раце и ќе го одбранат Уставот на Република Македонија со се што е внатре напишано, во смисла на унитарност, мултикултурност, а не бинационалност, билингвалност и давање на специјален статус на албанскиот јазик и онеправдување на Турците, Бошњаците, Србите, Ромите, Власите и Македонците, појаснува Костов.

За него, пресврт би било прифаќањето на Јоханес Хан да се сретне со идејните творци на граѓанската иницијатива “За заедничка Македонија# Борис Дамоски, Богдан Илиески, Игор Дурловски и 150 до 200 илјади граѓани кои стојат зад нив и кои секојдневно маршираат по улиците на градовите низ Република Македонија.

– Е, во тој случај ќе знаеме дека господинот Хан и европратениците ги ценат граѓаните на Република Македонија. Сето друго е лицемерие. Можеби, ќе беше поинаку доколку тие од Брисел претходно порачаа дека одлучно се спротивставуваат на мешањето на Тирана и Приштина, односно на Еди Рама и Хашим Тачи и одредени пратеници во нивните собранија, во внатрешните работи на Република Македонија, дека тоа не само што не е добрососедски гест, туку и дека е надвор од сите принципи и правила на меѓународната дипломатија, изјави Костов.

Одбраната на Кочан тврди: Целта на неговиот притвор е да се замолчи медиумот

Nikola-Dodevski-advokat

Во медиумите постои хајка против Сеад Кочан, кој е само на службен пат и е успешен стопанственик и сопственик на телевизија, со што се повредува слободата на изразување, на мисла и на говор, рече Никола Додевски, адвокат на бизнисменот Кочан, кој е осомничен во предметот „Труст“ на Специјалното јавно обвинителство, денеска на седницата на Апелациониот суд во Скопје на која се расправа по жалбата за одредениот притвор.

– Дискриминаторското однесување кон обвинентите нема оправдување затоа што од тројца обвинети само за Кочан е одреден притвор. Тоа е така само затоа што е сопственик на медиум што е прекршување на чл.10 од Конвенцијата за човекови права. Друго објаснување од приложените докази нема. Затоа сметам дека целта на притворот е Кочан е неговиот медиум да биде замолчен. Кочан може да е во бегство само ако му е изречена пресуда или бил затворен па ископал тунел и избегал. Бегството е конструкција на СЈО и медиумите кои први објавија, информирани од не знам кого, дека Кочан е во притвор, а СЈО потоа даде изјава дека тој е во бегство, рече Додевски.

Петрески: Ова е најнова, но не и последна станица во притисокот на СЈО врз медиумите

Goran-Petreski

Секако дека последниот случај што го отвори СЈО, односно, особено наредбата за притвор на сопственикот на ТВ Нова, не е ниту случајно, ниту во овој период ненамерно случајно, изјави во Отвореното студио на ТВ Нова главниот и одговорен уредник на „Вест“, Горан Петрески.

Петрески потсети и дека пред СЈО да го отвори случајот труст, и пред да биде дадена наредба за притвор на сопственикот на ТВ Нова, побара документација и на индиректен начин изврши притисок и врз други медиуми во Р. Македонија.

„Влезе во МПМ, најголемата новинско-издавачка куќа во Македонија, влезе во три од петте најголеми, најгледани и со најголема доверба телевизии во Македонија, така што ова што се случува во ТВ Нова сега е само врв, односно најнова, но не и последна станица во обидите на СЈО да изврши притисок врз оние медиуми кои критички го опсервираат нивното работење“, рече Петрески.

СДСМ врши директен брутален притисок врз медиумите кои не се под негова контрола

TV-Nova

Освен ТВ Нова, СЈО упадна и во МПМ која управува со трите водечки дневни весници Дневник, Вест и Утрински весник, во Сител, Канал 5, во новинската агенција Нет Прес, Република, Радио Слободна Македонија.

Зад одлуката за притвор на бизнисменот Сеад Кочан, донесена од сопругата на сдсмовскиот министер Владо Димов, Гордана Димова,  не постојат правни образложенија, туку политичка мотивираност и тоа преку директна поврзаност со СДСМ.  Дополнително, Сеад Кочан е сопственик на медиум кој не е под контрола на Бихаќка и кој без страв и резерва го пренесува гласот на народот и ја информира јавноста.

Освен немањето на правен основ, ова може слободно да се толкува како атак  удар на СЈО против медиумите, бидејќи меѓу другото, Кочан е сопственик и на телевизијата ТВ НОВА преку што се сака да се изврши политичко влијание и порака на СДСМ преку СЈО до медиумите.

Ваквата одлука на Судот зад кој што стои политичка пристрасност на СЈО која што е видлива и е дел од поширок оркестриран напад кој што е насочен кон медиумите кои не се под контрола на СДСМ.

Освен ТВ Нова, СЈО упадна и во МПМ која управува со трите водечки дневни весници Дневник, Вест и Утрински весник, во Сител, Канал 5, во новинската агенција Нет Прес.

Познавачите на состојбите ова го опишуваат како директен брутален притисок врз десетици медиуми кои не се под контрола на СДСМ. Партијата на Заев преку СЈО со тенденција одат на притисок врз сите овие медиуми со цел да ги замолчат и истите тие да не ја шират вистината за предавството на државата со прифаќањето на тиранската платформа која е вовед во редефинирање на државата.

ДУИ клекна под притисок на силни закани и уцени од СЈО по наредба на СДСМ

DUI-Pretsedatelstvo

Вчера во јавноста во голем број медиуми излезе информација дека пукнала тиквата во СЈО помеѓу Катица Јанева и Фатиме Фетаи поради непослушноста на Фетаи кон Јанева и нејзината наводна блискост со ДУИ, поради што Фетаи ќе биде исклучена од СЈО. Ваквата информација набргу беше демантирана од СЈО, но истата остави многу прашалници во јавноста, дали можеби Фетаи не подлегнала под притисок на Јанева и центарот на моќ под чија наредба работи СЈО.

Дека пишувањата во медиумите за караницата во СЈО се вистините, доказ е и пишувањето на Љупчо Палевски, поранешен сопственик на неделникот „Старт“ и некогашен близок соработник на Црвенковски во чие време беше и Претседател на Градската организација на СДСМ во Скопје. Палевски во свој фејсбук статус пишува дека СЈО во целост е под палката на Бејли и Заев со исклучок на Фатиме, која не сакала да се покори на наредбите на Катица и центарот на моќ под чија контрола е СЈО. дополнително Палевски вели дека ДУИ е на далечинско кај Бејли поради СЈО

palevski

Во политичките и новинарски кулоари се говори дека СДСМ деновиве дејствувале со силни уцени насочени кон поединци во раководството на ДУИ кои трезвено размислувале барајки коалиција со ВМРО-ДПМНЕ. Уцените оделе преку закани со снимки и дека доколку не прифатат коалиција со СДСМ, СЈО ќе ги нападне со канонада од истраги и обвиненија.

Дрскоста одела дотаму што им се заканувале дека ќе завршат во притвор и ќе бидат целосно политички искомпромитирани.

По ваквите закани и притисок врие во ДУИ и ситуацијата е мошне тензична.Се поголем е револтот внатре во партијата и нејасно е како ќе резултира ваквиот притисок и очигледно неволната коалиција издејствувана со притисок.

На состанокот на претседателството на ДУИ биле наметнати и други прашања. Дел од раководството предупредувало: каде одиме? Со Трамп или со Сорос? Не може со двајцата.

Исто така се зборувало и за Маршот кој го организира Граѓанската инцијатива За заедничка Македонија. Прашањето и констатациите биле што со вакви демонстрации и револт кај Македонците. Толку многу луѓе спонтано досега не излегувале како сега. И има набој, жар, елан, спремност и одлучност како никогаш порано.

Што ќе се случи ако ескалира состојбата и албанците излезат? Стануваме дел од проблемот, од кој не знаеме како ќе излеземе.

Што ќе се случи ако на локалните избори се напрви јавна или тајна коалиција меѓу ВМРО-ДПМНЕ, Беса и ДПА? Според бројките од парламемтарните, би следувал пораз и во Чаир и во Тетово, а веројатно и во Гостивар.

Во јавноста прострујуваат информации дека се што правел шефот на огранокот на ДУИ Бекир Асани – Беќо, правел и градоначалникот на Чаир, Изет Меџити.

Меџити не само што се испазарил да го поддржи СДСМ туку ветил и дека нема да се кандидира на локалните избори во Чаир, за да остапи простор за кандидат албанец на СДСМ, со што ќе се задоволат апетитите на се поголемото албанско крило во СДСМ, така кандидат албанец од редовите на СДСМ би бил поддржан тајно и од Меџити, со ова ќе им се забоде нож во грб на гласачите на ДУИ во Чаир и ќе го забрза распадот на партијата. Меџити како надомест за него лично се надевал за потпретседателско место во новата Влада на СДСМ.

Ваквата се по тензична атмосфера придружена со секојдневни уцени и притисок кон ДУИ е нејасно како ќе резултира во идната Влада, во која како што изјаи Османи доцна синоќа ќе влезат. Таквата тензична атмосфера на среден рок може да предизвика вистинска експлозија на линијата Бејли-СЈО-СДСМ-ДУИ.

Адвокатот Додевски: СЈО на денешното рочиште ја опструира постапката

Advokat-Nikola-Dodevski-izjava

Фрапантно однесување на Специјалното јавно обвинителство. Немам друго објаснување освен дека е однапред подготвено сценарио да се изврши флагрантен притисок врз судијата, флагрантен притисок на водењето на постапката, зачудувачки приговори.

Резултатот е повеќекратно казнување, изјави Никола Додевски, адвокатот на обвинетиот Никола Груевски, по денешното рочиште во процесот за немирите во општина Центар во 2013 година.

– Колку и судијата да е трпелив, не навлегувам во тоа кој судија бил, јас мислам дека поинакво постапување не постои. Едноставно законот не предивудва да се толерира агресивно без правна основа на која било од странките кон судот – рече Додевски.

Започна притисокот на СЈО врз медиумите: МПМ, Канал 5, кој е следен?

Katica-SJO-pritisok-mediumi

Конечно е јасно за каква слобода на медиумите се зборува СДСМ. СЈО се активира, започна прогонот на медиумите, кои лидерот на СДСМ, Зоран Заев, ги посочи како непријатели. Очигледна е директивата по која рабои јавното обвинителство на СДСм – елиминација на сите замислени непријатели на аболицираниот криминалец Заев.

kanal 5

Специјалното јавно обвинителство денеска влегло во телевизија Канал 5. Од таму не откриваат што истражувале и каква документација побарале, бидејќи постапката била тајна, објави Алсат-М.

Плусинфо неофицијално дознава дека станува збор за барање за доставување документација, која нема врска со работењето на Телевизијата, односно дека таргетот е друг.

mpm-press-001

СЈО во петокот ја чешлаше документацијата и на Медиа принт Македонија, под чија капа се дневните весници, „Дневник“, „Вест“ и „Утрински весник“.

Специјалното јавно обвинителство во петокот испратило свој тим  во Медиа принт Македонија со задача да  го провери финансиското работење на издавачката куќа која е сопственик на пет печатени и еден електронски медиум, објави Плусинфо повикувајќи се на извори од СЈО.

Како најави „Република“ во почетокот на месецов, СЈО тргна во спектакл повторно да го оцрни ВМРО-ДПМНЕ, за а може да преку медиумите на СДСМ/ СОРОС да се намали притисокот врз Заев за нереализирање на сценариото.

„Зоран Заев беше убеден дека со помош на невладините организации под контрола на Сорос и со помош на чадорот ќе победи на изборите. Веројатно во тоа беа убедени и неговите сателити. Катица Јанева се активира дури откако се увери дека народот не верува во шарените лаги на Заев, а есапот не е ист дома и на пазар. СДСМ загуби на изборите, но Заев доби аболиција од Катица Јанева, која се откажа од случајот „Пуч“. Сценариото не се реализира и сега расте паниката кај режисерите. Сосема е очекувано да почнат да работат амбасадорските линии и црвениот телефон на „Бихаќка“ со нови нарачки кои треба да се одработат од СЈО“ – објави Република пред две недели.

Насилни неработници во служба на агендата на СДСМ за пресметка со судиите кои работат по закон

osnoven-sud-policija

Исполнувајќи ја агендата на опозициската СДСМ, насилни неработници влегуваат во пресметка со судиите кои работат по закон. Таков е примерот раководителот во секторот за човечки ресурси во Основниот суд Скопје 1, Горан Стаменковски, кој го тужи поранешниот претседател на Кривичниот суд Владимир Панчевски за наводен мобинг.

Во граѓанскиот суд е закажано ново рочиште за судскиот процес против експретседателот на кривичен, судијата Владимир Панчевски по тужбата за мобинг поднесена против него од Горан Стаменковски од одделението за човечки ресурси. Според тужбата, Панчевски подолг временски период го прераспоредувал Стаменковски на други работни позиции и го казнувал.

Освен тужбата за мобинг, Стаменковски поднел и две кривични пријави, во кои го обвинува Панчевски дека подолг временски период го прераспоредувал на други работни позиции и го казнувал. Панчевски во својот став зошто не се појавил на рочиште, вели дека верува во правдата на Основниот суд Скопје 2 и дека за разлика од тужителот неработник има дневни работни обврски.

– Со најголемо почитување кон судот и судијата кој ја води постапката без оглед на исходот на истата, според закон немам обврска да присуствувам на судењето. Инаку јас за разлика од тужителот имам дневни работни обврски, а тужителот бидејки е неработник и мотивите за оваа фингирана постапка се негови лични фрустрации и фрустрации на неговите адвокати се добро познати на јавноста. Инаку во постапката од моја страна има полномошници кои професионално ќе си ја завршат работата, вели Панчевски.

Стаменковски не сработил ништо за 5 години

img-304204

Според судски извори, за 5 години работа во Судот овој вработен нема ништо сработено, што може да се потврди и од судската управа.

-Од извршениот увид на Годишниот распоред за работа на судската администрација во Основниот суд Скопје 1 Скопје за 2014 година, за судскиот службеник Горан Стаменковски “не постои податок какви работни задачи му се доверени и извршувал во текот на годината“, стои во известувањето од Основниот суд Скопје 1 Скопје за тоа кои работни задачи  ги има извршено Стаменковски.

Покрај за 2014 та година, исто така и за 2015-та и 2016-та година според Годишниот распоред за работа на судската администрација, кога во прашање е Стаменковски “не постои податок какви работни задачи му се доверени и извршувал во текот на годината“

-Видно од известувањето на судските службеници кои се распоредени во канцеларијата на Судскиот администратор, судскиот службеник Горан Стаменковски како раководител на човечки ресурси, до денес не ги побарал и превзел персоналните досиеја на вработените, што укажува дека “де факто“ Стаменковски не ги извршува работните задачи задачи согласно член 26 од Актот за систематизација на овој суд на местото на кое со Одлука на Судскиот администратор бил унапреден, стои во извештајот од судската управа.

Во однос на 2012 година, од страна на Судскиот администратор е утврдено дека во досието на вработениот нема решение за вработување на распоредување на работна позициија со доверени работни задачи, при што од евиденциите на Судот не може да се утврди што сработил Стаменковски во тој период.

Насилникот Стаменковски кој ја нападна портпаролката незаконски бил унапреден

147200

Трудовата инспекција утврди дека токму Стаменковски, кој инаку е истиот човек за кој има обвинение дека ја нападна портпаролката на Судот, незаконски бил унапреден и скокнал неколку скалила во кариерата.

Ова го утврдила трудовата инспекција, која неофицијално, влегла во Судот, веднаш после инцидентот, по барање на Стаменковски. Според документите, инспекторите, утврдиле дека тој од виш судски советник незаконски бил унапреден на раководна функција, а на решението за унапредување стои потписот на таткото на сопругата на адвокатот Медарски. Државниот  инспекторат за труд утврдил дека со назначувањето на Стаменковски на функцијата раководител е прекршен законот како и систематизацијата за работа во Судот.

Според документите до кои дојде Алфа, тој во 2012 година од граѓанскиот суд, преку спогодба, без јавен оглас, бил вработен во кривичниот суд, на место виш судски референт. Две години, спротивно на законот не бил оценет за работењето, неговото последно оценување било направено во 2011 година додека работел во Основниот Суд Скопје 2, стои во документите. Инспекторите од трудова констатирале дека тој не го почитувал законот и кога се пријавил на интерниот оглас, за местото Раководител на одделението за човечки ресурси, односно од категорија Г-2 виш судски советник, спротивно на законот направил скок од неколку позиции за местото во категорија Б-4 раководител на човечки ресурси.

Постапувајќи по записникот на Државниот трудов инспекторат, в.д. претседателката на Судот го разрешила раководителот и тој повторно е вратен на претходната работна позиција.

Во ноември лани Стаменковски  во Судот ја малтретираше и сериозно и се закануваше на советничката и портпарол за односи со јавност во Судот. Од друга страна пак медиумите објавуваа фотографии на кои се гледа како Стаменковски е учесник на протестите организирани од опозицијата, и секогаш во близина на партиските функционери на СДСМ. Во нападот на портпаролката, тогашниот претседател на кривичниот суд Владимир Панчевски виде политички мотиви.

Со колку пари Заев го купи и каков притисок направи за советникот од ВМРО-НП да го смени мислењето за 12 часа?

Metodi-Vitanov-Strumica-1

Советникот во Општина Струмица од ВМРО-НП, Методи Витанов по само 12 часа го смени мислењето и денеска изјави дека ќе ја поддржува советничката група на СДСМ.  Останува отворено прашањето со колку Зоран Заев го купи и каков притисок направи за советникот да го смени мислењето?

Витанов денеска најверојатно под уцена и пред само еден медиум изјави дека грубо бил изманипулиран од централното раководство на ВМРО-НП која до вчера коалицираше со СДСМ во Советот на Струмица.

– Поради несериозноста на централното раководство на ВМРО-НП си давам оставка од партијата. Понатамошниот мандат во Советот на општина Струмица ќе го водам како независен советник, подржувајки ја советничката група на СДСМ, вели Витанов.

Metodi-Vitanov-Strumica-2

Вчера, советничката група на ВМРО-ДПМНЕ, објави дека имаат ново советничко мнозинство во Советот на Струмица откако Витанов влегол во нивните редови, барајќи итна седница за верификација на мнозинството, избор на нов претседател и вд градоначалник.

За само 12 часа, советникот од ВМРО-НП го смени мислињето. Витанов седеше до советничката група на ВМРО-ДПМНЕ н неговиот потпис може да се види на иницијативата за смена на советничкото мнозинство, а сега го смени мислењето. Според добро упатени извори, во прашање е голема уцена и во игра биле и пари, а претходеле и закани по безбедноста на семејството и советникот.

Со ова се докажува недмократскиот и тоталитарен начин на дејствување на Зоран Заев во Струмица, кој е подготвен и на вакви чекори за да ја задржи власта во овој град.