Полициската потера траела 45 минути: Десет мигранти пронајдени во возило близу Струмица

Десет мигранти се пронајдени во возило и три во непосредна близина. Откако полицијата дала сигнал на возилото да застане, возачот со зголемена брзина упатил по регионалниот пат кон Струмица.

Вчера од 20 часот од страна на патрола од униформирани полициски службеници од Полицската станица за гранично преминување и граничен надзор “Богородица“ и униформирани полициски службеници од Република Хрватска на автопатот Гевгелија – Скопје во близина на бензинската пумпа од правец кон с.Удово биле забележани две сомнителни патнички моторни возила, „Опел Вектра“ со штипски регистарски ознаки и „Форд Мондео“ со гевгелиски регистарски ознаки.

Патролата им дала светлосен и звучен знак на возилата да застанат, но истите со зголемена брзина се упатиле по регионалниот пат кон Струмица. На раскрсницата кај с.Раборци го промениле правецот на движење по што се упатиле кон с.Попчево.

Во 20:45 часот на шумскиот пат во близина на браната во с.Водоча, возачот на Форд Мондео излегол од возилото додека истото било во движење и се качил во Опелот, кој бил во близина, и со голема брзина се упатиле кон с. Водоча-Струмица. При претресот на возилото Форд Мондео пронајдени се 10 мигранти и уште тројца мигранти кои биле во непосредната околина. Тие се однесени во Полициската станица за граничен надзор и граничен премин Богородица за понатамошна постапка.

Втор „бугарски воз“: Гласачки ливчиња од Велес најдени во Струмица

Информациите за случен тежок фалсификат се зголемуваат од час во час со огромен интензитет. Станува јасно дека на 15-ти октомври на Македонија и се случи изборен грабеж.

По доказите за фалсификат со таканаречен “бугарски воз’ со кој што гласачки ливчиња од Карпош се пронајдени во избирачките места во Охрид, се појавува втор случај на фалсификат со “бугарски воз“ при што гласачки ливчиња од Велес се пронајдени во избирачкото места 1718 во Струмица,

Произлегува дека гласачкото ливче од Велес кое е претходно украдено и изнесено, е транспортирано во Струмица, каде што ливчето од Велес се внесува во гласачките кутии на избирачкото место во Струмица, а лицето кое гласа го зема гласачкото ливче од Велес и го изнесува од гласачкото место. Потоа на тоа ливче се заокружува кандидатот на СДСМ и се предава на друго лице кое треба да гласа и кога тоа лице оди да гласа го остава во кутијата ливчето кое му е дадено и е веќе заокружено, а ливчето кое го добива од страна на избирачкиот одбор го изнесува надвор и така овој циклус продолжуав и понатаму при што се опфаќаат десетици, стотици или илјадници гласачи кои се принудени со уцени, закани, поткуп и други недемократски методи да внесуваат во кутија претходно заокружено ливче со кандидатот на СДСМ.

Веќе е јасно дека на овој начин е направен тежок фалсификат на изборите и во Велес и во Струмица.

Претходно информиравме дека ист ваков случај со фалсификат со таканаречен бугарски воз е забележан и во Карпош и во Охрид, при што гласачки ливчиња од Карпош се најдени во Охрид. Се работи за тежок фалсификат во 4 големи градови во државата. Во вакви ситуации и при вакви докази изборните органи треба да ги поништат изборите и во Велес и во Струмица и во Карпош и во Охрид.

ФОТО: Грубо нарушување на изборниот законик – СДСМ дели изборни материјали со општинско комбе во Струмица

СДСМ грубо го прекршува изборниот законик.Општината чиј градоначалник со години беше Зоран Заев врши злоупотреба со цел политичко агитирање кај гласачите.

Имено, изборните материјали во Струмица се делат со возило на комуналното претпријатие кое е под капата на општината. Иако комбето треба да биде ставено во функција на граѓаните на начинот за кое и истото служи, партијата на Заев се однесува како тоа да е нивна приватна сопственост.

Изборните материјали на СДСМ за локалните избори, се разнесуваат низ општината во возилото, ставајќи го во функција на превоз за партиски потреби.

Иако е само втор ден од предизборната кампања, СДСМ веќе на големо ги крши законите.

Ѓорчев: Практиките на СДСМ за двојни стандарди од Струмица се префрлаат на државно ниво

Оваа Влада има одлука каде Замир Мехмети од Шарената револуција е ставен во бордот на Македонски Телеком. Владата на СДСМ во Управниот одбор на Македонски Телеком го делегира Мехмети, и ние тука зборуваме за европски интеграции. Дали Замир Мехмети може да биде член на УО на Телеком Словенија? Сите го знаеме одговорот, не може. Имаме дневно прекршување на сите европски пракси и вредности, а имаме и реторика која се сведува на тоа Европа, Европа, Европа, вели Влатко Ѓорчев на денешната трибина во организација на ВМРО-ДПМНЕ со партиската  Комисија за Европски и Евроатлантски Интеграции.

-Во која европска земја може сопственик на фирма да добие тендер од Влада од 2,6 милиони евра, а човекот е потпретседател во Влада и покрива сектор енергетика. Кочо Анѓушев е вицепремиер, Кочо Анѓушев е 100 проценти сопственик на „Фероинвест“, а владата во која тој е вицепремиер дава тендер на фирмата. Пред една година фирма на било кој од вицепремиерите на Владата на ВМРО-ДПМНЕ да добиеше тендер од 2,6 денари, што ќе беше. Ќе имавме три Шарени револуции на улица. И сега ние треба да зборуваме за европски интеграции и практики, вели Ѓорчев.

Тој додава дека Македонија веќе нема граѓански организации бидејќи истите се во Влада.

-Тие се сега советници, крик за слобода, крик за правда. Сега крикот е заменет со чиновништво во канцеларија. Целата таа граѓанска спонтаност е веќе завршена дискусија. Во една недела 10 бебиња починаа, и како ништо да не се случило. Се сеќаваме сите со еден случај во Македонија каква кампања се направи.Замислете што ќе се случеше министер на ВМРО-ДПМНЕ да беше надвор од Македонија во време кога имавме епидемија во гостиварско, каде татко и син од Симница починаа. А министерот дава изјави преку Фејсбук од хотел. Тоа се тие двојни стандарди кои секојдневно се гледаме, вели Ѓорчев.

Тој вели дека ова се случува затоа што практиките на СДСМ од Струмица се префрлаат на државно ниво, и тоа беше најавено со зборовите „во институциите ќе влеземе од хигиеничарка до министер“.

-Проблемот со оваа влада е што во стотина дена се анулира она што било долгорочна борба на овој народ 140 години наназад. Се анулираат сите градени позиции во изминатите години, со неподнослива леснотија. Вие ако го распродавате тоа што било градено со векови, другите ќе аплаудираат, но нема да го спроведат тоа, додава Ѓорчев.

Тој потенцира дека ВМРО-ДПМНЕ е партијата која прва во Македонија кажа дека Македонија треба да биде членка на ЕУ и НАТО во време кога една друга партија имаше свртено очи на друга страна.

-ВМРО-ДПМНЕ е партијата и структурата која децении наназад вели дека местото на Македонија е со западните сојузници, Македонија треба да биде земја со демократија, со пазарна економија, македонските војници треба да бидат рамо до рамо со војниците на НАТО, Македонија треба да биде дел од ЕУ. Тоа се пораките на ВМРО-ДПМНЕ и во минатото, и сега и во иднина, нагласува Ѓорчев.

Фатиме Фетаи со поддршка за Албанија во Струмица, со смеење и потценување за македонската репрезентација

Обвинителката од СЈО Фатиме Фетаи имала непријатен и вулгарен „настап“ за време на натпреварот меѓу Македонија и Албанија во Струмица кој заврши со резултат 1:1. Фетаи, според навивачите кои го проследиле натпреварот во нејзина близина, гласно се смеела и со потценување зборувала за македонската репрезентација.
Луѓето кои седеле околу неа со гадење го коментираат нејзиниот однос кој не само што не доликува на лице кое извршува висока државна функција, туку и не доликува на лице кое е жител на Република Македонија.
Фетаи е позната како обвинител кој почесто подига чашка отколку обвиненија, па не би било чудно доколку пред натпреварот Фатиме посетила некоја локална кафеана во Струмица за да ги загрее гласните жици пред да се исмева со играта на Македонската репрезентација.
За жал доминантната игра на македонската репрезентација не беше крунисана со втор погодок и заслужена победа, после која ќе можеше да се заклучи дека кој последен се смее, најслатко се смее. Иако Фетаи веројатно ќе има и други натпревари на кои ќе може да ја научи и таа лекција.

Претесен штабот на ВМРО-ДПМНЕ во Струмица, луѓето порачаа: ЗАЕВ И СДСМ НИКОГАШ ПОВЕЌЕ!

Функционерите на ВМРО-ДПМНЕ продолжуваат со својата работа на терен. Генералниот секретар на партијата, Христијан Мицкоски денеска присуствуваше на состанокот на Општинскиот комитет на ВМРО-ДПМНЕ Струмица.

На состанокот присуствуваа многу луѓе, а можеше да се забележи и победничка и еуфорична атмосфера. Штабот на ВМРО-ДПМНЕ во Струмица никогаш не бил поисполнет, а граѓаните порачаа: Заев и СДСМ никогаш повеќе.

Струмичани порачаа дека ВМРО-ДПМНЕ никогаш не била посплотена и граѓаните на оваа општина не биле толку решени да ги сочуваат темелите на државноста на Република Македонија.

СТРУМИЦА ВЛАДЕЕ СО СКОПЈЕ: Десетици струмичани „им го зедоа лебот“ на старите СДСМ-овци од главниот град

Роберт Алаѓозовски, Драги Рашковски, Ден Дончев, шефицата на кабинетот на Заев и многу други највисоки функционери во новата власт доаѓаат од Струмица, градот на премиерот Зоран Заев.

Оваа ситуација веќе неколку недели буди се поголем револт кај старото членство на СДСМ во кое се се почести коментарите од типот: „Како не сум и јас од Струмица за да бидам директор или министер“.

Незадоволните членови и активисти на СДСМ кои цел живот работат за партијата го забележуваат трендот во кој најголеми шанси за министер, директор или друга многу влијателна функција имаат луѓе кои доаѓаат од Струмица. За сметка на тоа, заборавени и игнорирани се СДСМ-овците од Скопје.

За Заев се вели дека на повеќе луѓе им признал дека не сака јак скопјанец на висока позиција во СДСМ, како и дека е против тоа да има силен кандидат за градоначалник на Скопје од СДСМ бидејќи во случај на евентуална победа таквиот човек би можел да ја засени славата на Заев и неговата султанска позиција во СДСМ.

Со таков став Заев ги повлече и првите потези како премиер па „половина Струмица“ ја вработи во Владата на Република Македонија и многубројни институции. Старото членство на партијата делува прилично разочарано од пајташите и шарените одработувачи на Заев кон кои поранешниот струмички градоначалник реши да се оддолжи, заборавајќи на останатите и игнорирајќи ги силните кадри од главниот град.

Поп од Струмица: Проклети да бидат сите кои ќе се дрзнат за јазикот, името, државата! (ВИДЕО)

На 13 август 1951 година биле убиени петте струмички студенти, убиени биле близу селото Орманли на планината Беласица, до границата кон Грција.

Тогаш се убиени, Мирко Пецев, Ѓорги Јармов, Ѓорги Костуранов, Борис Белев и Стево Топчев. Млади луѓе, од 20 до 23 год. старост Нивната идеја била слободна, независна Македонија. Идеја која не и се допаѓала на тогашната власт.

Убиени се со по два куршума, еден во градите, еден во челото. Вечерта, тие се собрани од игранка во Градскиот парк, однесени се на Беласица, и егзекутирани.

По овој повод денес се одржа панихида во нивна чест, а попот кој ја водеше службата испрати јасни и недвосмислени пораки, во духот и идејата на петте студенти!

„Проклет да биде секој кој ќе се дрзне за јазикот, кој ќе се дрзне за нацијата, кој ќе дрзне за Република Македонија. Проклет да биде кој ќе се чепне таму. Проклет да биде кој ќе се чепне за тие три работи!“

ВИДЕО: „Глобал“ потопен, попушти осуммилионскиот криминален проект на Заев

Поплавите кои попладнево ја зафатија Струмица не го поштедија ниту трговскиот центар „Глобал“, чија внатрешност беше поплавена по обилните врнежи, покажува оваа видео снимка.

Поплавени куќи, улици и поројот „Крушевска Република“ се само дел од сликите кои денес може да се забележат низ Струмица поради поројните врнежи од дожд.

Потопен е и трговскиот центар „Глобал“, познат во јавноста по криминалот на лидерот на СДСМ, Зоран Заев тежок 8 милиони евра, за што беше аболициран од тогашниот претседател бранко Црвенковски и е единствениот аболициран политичар во Македонија.

Заев со уште петмина во средината на јули 2008-ма година за случајот „Глобал“ заврши во притвор за криминал тежок над 8 милиони евра. Аболицијата на Заев со која практично прекина гонењето беше потпишана од Бранко Црвенковски на 3 август 2008 година и трае до денес.

ФОТО: „Балистите“ од омилениот клуб на Заев среде Струмица извадија огромен број албански знамиња и извикуваат „Илирида, Илирида“

На почетокот на второто полувреме од натпреварот од финалето на Купот меѓу Пелистер и Шкендија кој се игра во Струмица, навивачите на Шкендија направи кореографија со албанското знаме и извикуваа Илирида, Илирида…

ФОТО: Гол.мк

Тоа ја зовре атмосферата, официјалниот спикер ги опомена навивачите и најави прекин на натпреварот во случај да продолжат провокациите.

Шкендија е омилениот клуб на лидерот на СДСМ, кој неодамна со фотографија од трибините се пофали дека навива за Шкендија.

zoran-zaev-fb

По инцидентот, од клупата на Пелистер исто така бараа прекин на натпреварот кај делегатот Дојчиновски. По мирното прво полувреме, продолжувањето на натпреварот е доведено во прашање.