КУПУВАЛЕ ГЛАСОВИ: Обвинителството ги гони братот на Зоран Заев, Вице, и Оливер Спасовски за изборни измами

Zaev-Vice-Oliver

Вице Заев, братот на лидерот на СДСМ Зоран Заев, и бившот министер во МВР од редовите на оваа партија, Оливер Спасовски, се осомничени за изборни измами во истрагите кои ги води Основното јавно обвинителство, дознава Нетпрес неофицијално од извори во истрагата.

Обвинителството вчера соопшти дека „спроведува предистражни постапки за утврдување на постоење на основи на сомневање за организирано извршени кривични дела против изборите и злоупотреби на службените овластувања во вршење на функцијата од страна на поранешни високи функционери на МВР и други физички и правни лица од Скопје, Куманово и Струмица“.

„Основното јавно обвинителство за гонење на организиран криминал и корупција ја известува јавноста дека работејќи континуирано на откривање и гонење на организираниот криминал и корупција, спроведува предистражни постапки за утврдување на постоење на основи на сомневање за организирано извршени кривични дела против изборите и злоупотреби на службените овластувања во вршење на функцијата од страна на поранешни високи функционери на МВР на РМ и други физички и правни лица од Скопје, Куманово и Струмица. Делата за кои се водат постапките се вршени во текот на 2014 и 2016 година. Постојат основи на сомнение дека лицата вршеле влијание врз начинот на гласањето преку различни форми за време на изборите, со што ги сториле кривичните дела.

Во насока на целосно утврдување на фактичката состојба, Основното јавно обвинителство за гонење на организиран криминал и корупција  презема  дејствија на вршење проверки и прибавување на потребни известувања, податоци и докази“, се вели во информацијата на Обвинителството.

Нашите извори велат дека станува збор за сомненија за нелегално финансирање на кампањата и корупција при изборниот процес, односно купување на гласови или правно влијание врз волјата на гласачите. Првичните сознанија на истражните органи се дека во прашање се илјадници гласови, а што се однесува, пак, до сумите кои фигурираат засега информации велат дека стануба збор за стотици илјади евра. Освен парите, се проверува и поврзаноста и нудењето на разни други услуги во замена за гласови, како условување со вработувања, тендери преку кои потоа се финасирала кампањата и разни активности преку т.н. невладин сектор. Неофицијално, изворите од истрагата за Нетпрес велат дека Вице Заев наводно бил фатен како дели пари на ромското население во Турското маало во Струмица, и дека за тоа имало и докази.

За случајот од 2014 година, медиумите објавија обвинителството одзело компјутери од општината Струмица, за кои се претпоставува дека содржат податоци корисни за истрагата.

Додека за случајот од декември, 2016 година, медиумите објавено дека е извршен претрес во домот на началникот на кумановската полиција.

Со колку пари Заев го купи и каков притисок направи за советникот од ВМРО-НП да го смени мислењето за 12 часа?

Metodi-Vitanov-Strumica-1

Советникот во Општина Струмица од ВМРО-НП, Методи Витанов по само 12 часа го смени мислењето и денеска изјави дека ќе ја поддржува советничката група на СДСМ.  Останува отворено прашањето со колку Зоран Заев го купи и каков притисок направи за советникот да го смени мислењето?

Витанов денеска најверојатно под уцена и пред само еден медиум изјави дека грубо бил изманипулиран од централното раководство на ВМРО-НП која до вчера коалицираше со СДСМ во Советот на Струмица.

– Поради несериозноста на централното раководство на ВМРО-НП си давам оставка од партијата. Понатамошниот мандат во Советот на општина Струмица ќе го водам како независен советник, подржувајки ја советничката група на СДСМ, вели Витанов.

Metodi-Vitanov-Strumica-2

Вчера, советничката група на ВМРО-ДПМНЕ, објави дека имаат ново советничко мнозинство во Советот на Струмица откако Витанов влегол во нивните редови, барајќи итна седница за верификација на мнозинството, избор на нов претседател и вд градоначалник.

За само 12 часа, советникот од ВМРО-НП го смени мислињето. Витанов седеше до советничката група на ВМРО-ДПМНЕ н неговиот потпис може да се види на иницијативата за смена на советничкото мнозинство, а сега го смени мислењето. Според добро упатени извори, во прашање е голема уцена и во игра биле и пари, а претходеле и закани по безбедноста на семејството и советникот.

Со ова се докажува недмократскиот и тоталитарен начин на дејствување на Зоран Заев во Струмица, кој е подготвен и на вакви чекори за да ја задржи власта во овој град.

Струмица вчера беше убедливо најзагадениот град во Македонија и во Европа

zagadenost

Во текот на вчерасниот ден Струмица беше најзагадениот град во Европа.

Естремно високата загаденист на воздухот во Струмица вчера достигна дури 479 мг / м3, а највисоката дозволена загаденост е 50 мг / м3.

Зоран Заев беше градоначалник цели 12 години и не направи буквално ништо да го намали загадувањето во Струмица.

Со овие алармантни бројки, вчера Струмица го презема приматот од Куманово во неславниот рекорд за најзагаден град во Европа.

За ова екстремно високо загадување на воздухот во Струмица никаде го нема Зоран Заев, ниту СДСМ, ниту НВО платениците на Сорос.

Како последица на загадувањето и политиките на Зоран Заев, во Струмица и околината има значителен раст на карциномите и повеке други заболувања поврзани со екстремната загаденост на воздухот во Струмица.

ФОТО: Струмичките улици во катастрофална состојба, Заев со импровизирано тракторче се справува со снегот

str-1

Поголемиот дел од улиците во Струмица се уште се непроодни, замрзнати и неисчистени. Додека струмичките улици се во катастрофална состојба, градоначалникот Зоран Заев со импровизирано трактoрче се справува со снегот.

Тротоарите низ Струмица се цели со снег и голомразица, а резултат на тоа се многубројните скршеници на граѓаните од сите возрасти, кои се повеќе ги полнат ходниците во општата болница.

str-2

Заев и локалната самоуправа не ги чистат струмичките улици, па граѓаните се оставени сами на себе да се справуваат со снегот и мразот. Не се расчистени ниту главните улици, а тоа не е ни чудно ако се види со каква “механизација“ се служи Заев во справувањето со снегот, импровизирано тракторче без регистерски таблички.

str-3

Возилата едвај се движат по една лента на главниот булевар во Струмица, кој исто така не е исчистен од снегот.

ВМРО-ДПМНЕ: Заев мора да одговара – тој се луксузира додека граѓаните трпат последици поради неисчистениот снег

VMRO-DPMNE-kamen

Катастрофална е состојбата во Струмица после врнежите од снег и студеното време. Најголема вина за тоа носи незаинтересираниот и неспособен градоначалник Зоран Заев кој граѓаните ги остави на цедило, се вели во денешното соопштение на ВМРО-ДПМНЕ.

Во продолжение интегрален текст од соопштението на ВМРО-ДПМНЕ

Срамно е аболицираниот криминалец Зоран Заев да дозволи струмичани да си ги кршат рацете и нозете по струмичкиот мраз кој не е исчистен од улиците и тротоарите затоа што Заев или е на новогодишен одмор во монденски одморалишта, или си ги вози скапите играчки по планините, далеку од проблемите на струмичани.

Минатиот викенд во Струмица повеќе од 30 лица побарале медицинска помош поради повреди при лизгање и паѓање на мразот кој Зоран Заев и локалната самоуправа не го исчистија од струмичките улици. Дури 12 струмичани се здобиле со скршеници, а некои од нив дури и завршиле на операциона маса.

За жал деновиве слушнавме и за два трагични случаи со фатални последици за време на поларниот студ во Струмица. Еден живот згаснал поради премрзнување, а вториот додека брзата помош не можела да стигне да интервенира поради неисчистените патишта во општината на Зоран Заев.

За ова аболицираниот криминалец мора да понесе одговорност. Додека тој се луксузира и забавува во монденски одморалишта и на снегот далеку од градските мразови, неговите граѓани добиваат препораки од лекарите да не излегуваат од дома за да не си скршат раце и нозе на мразот кој Заев не го исчистил.

Ете што аболицираниот криминалец Заев направи од градот. Хаосот во Струмица е доказ за неговата непсособност. За него е најважен личниот луксуз и профит.

Него никогаш не го интересирале граѓаните и нивните животи, туку само луксузот, личното криминално богатење и милионите што секојдневно легнуваат на сметка на неговите најблиски.

Истото што го направи со милионите од Глобал го прави со милионите од струмичкиот гас, го прави со дивоградбата на Цареви кули и со сите криминални тендери во општината.

ВМРО-ДПМНЕ: Над 30 струмичани со скршеници поради неисчистениот снег и мраз, додека Заев слави во луксузни одморалишта во топли краеви

VMRO-DPMNE-Soopstenie

Алармантна е негрижата на Зоран Заев и локалната власт во Струмица за градот и струмичани во периодот кога владее поларен студ, соопштуваат од ВМРО-ДПМНЕ.

Во продолжение интегрален текст од соопштението на ВМРО-ДПМНЕ

Викендов во Струмица повеќе од 30 лица се пожалиле на повреди поради лизгање и паѓање на мразот кој Зоран Заев и локалната самоуправа не го исчистиле од струмичките улици.

Во Струмица на улица 12 луѓе се здобиле со скршеници, некои од нив се оперирани. Сето ова поради лизгање и паѓање на мразот. Поради ваквата состојба лекарите препорачуваат струмичани, особено повозрасните, да не излегуваат од дома.

Ете што Заев направи од градот. Додека тој новогодишните празници ги поминува во луксузни одморалишта во топли краеви, а божиќните денови ги исполнува уживајќи по планини со скапи возила за возење на снег, за што гордо се фали на социјалните мрежи, струмичани добиваат совети да не излегуваат од дома за да не се здобијат со скршеници, затоа што нивниот градоначалник не води сметка за нив, нивната безбедност и здравје.

За аболицираниот криминалец Зоран Заев е поважен личниот луксуз, отколку граѓаните кои му ја дале довербата да води сметка за нив и условите во кои живеат.

Срамен е ваквиот незаинтересиран однос на Заев. За него Струмица и струмичани се интересни само кога преку криминални тендери може да им ги црпи парите со кои ќе гради хациенди на тропски локации и ќе бега од градот и од одговорноста која ја има.

Хаосот во Струмица е доказ за неспособноста на Заев. Аболицираниот криминалец Заев никогаш не го интересирале граѓаните, условите во кои живеат и подобрувањето на нивниот стандард. Го интересирал само луксузот, личното криминално богатење и милионите што секојдневно легнуваат на сметка на неговите најблиски.

Истото што го направи со милионите од Глобал го прави со милионите од струмичкиот гас, го прави со дивоградбата на Цареви Kули и со сите криминални тендери во општината.

Сето ова ќе заврши наскоро. Струмичани на локалните избори ќе стават крај на лагите на аболицираниот криминалец Заев.

Струмица нема мерна станица за загаден воздух, Заев оди на чист воздух на Халкидики

zaev-zagadenost-grcija

Додека Струмица нема мерна станица за мерење на загадувањето на воздухот, првиот човек на СДСМ Зоран Заев новогодишните празници ги минува на чист воздух на Халкидики во семејната хациенда во Грција.

Зоран Заев новогодишните празници ги минува под грчкото сонце. Заев со семејството најлудата ноќ ја помина во Грција, со што ја прекина долгогодишната традиција на славење на Нова Година со штитениците во Заводот за заштита и рехабилитација во Банско.

Во Струмица нема мерна станица за мерење на загадувањето на водухот. Граѓаните се жалат дека се гушат, а не знаат со колкава количина загаден воздух се трујат нивните деца. Од друга страна, Заев новогодишните празници го минува на чист воздух на Халкидики.

Ексклузивната хациенда која ја поседуваат Заев е со голем двор од околу 300 метри квадратни. Истата се наоѓа на самата плажа на Халкидики. Како што пишуваа неодамна медиумите,  куќа налик на трокатната на Заеви не може да се најде по цена пониска од 300.000 евра.

Кои се штетни последици од загадувањето на воздухот?

Светската здравствена организација утврдила дека 2,4 милиони луѓе годишно умираат од последиците поврзани директно со загадувањето. Тоа се хроничните заболувања, како на пример астмата, емфиземи на белите дробови, оштетувања на срцето и на белите дробови, алергии на дишните органи.

Загадениот воздух  влијае на  физиолошките функции, како на пример на респираторните и на доводот на кислород во крвта. Особено при поголема физичка активност, стеснети крвни садови и немање доволно кислород во крвта може да дојде до мозочни и срцеви удари, до надразнување на сетилата, повраќање, губење на апетитот, нарушување на сонот.

Суспендираните честички се сочинети од повеќе материи.Главно  од ситен прав, чад, несогорени масла, пепел, метали и мрсни материи. Големината на честичките се движи од 0,01 микрони до и над 100 микрони.Главно извори на овие честички се согорувања на масла и на цигари.

Кога ќе се здружат заедно со сулфур диоксид ги оштетуваат белите дробови, а можат да предизвикаат и карцином на желудникот. Оловото од издувните гасови на автомобилите  што се наоѓа во честичките е штетно за човековото здравје, особено за децата.

Берилиумот кој доспева во воздухот во мали количества од индустриските извори и течните горива предизвикува лезии во белодробните крила,тешки респираторни проблеми, па и смрт. Ситниот прав познат како ПМ честички 10, се фракција од суспендирани честички со пречник од 10 микрони,се задржуваат во носот. Честичките ПМ 2,5 (2,5 микрони) навлегуваат во бронхиите на белите дробови.

ЗАЕВ СЕ ПИШМАНИ: Останува градоначалник на Струмица (ВИДЕО)

zaev-gas-strumica

ЗОРАН РЕЧЕ, ЗАЕВ ПОРЕЧЕ!

Лидерот на СДСМ Зоран Заев не се повлекува од функцијата градоначалник на Струмица иако претходно, пред советниците на општината говореше дека си дава оставка и дека ќе оди на друга функција, алудирајќи дека ќе биде нов премиер.

Но, како што веќе сме навикнати: Зоран рекол, Заев порекол! А ние сме тие кои не сме го разбрале.

– Беше заменет заменик градоначалникот, пратеничката Катерина Кузмановска стана пратеник и таа беше заменик градоначалник од редот на советниците. Вчера само објавив дека друг ќе ја води функцијата заменик крадоначалник и реков дека ова е последна седница на советот на Општина Струмица за оваа година – одговори Заев на новинарско прашање во петокот, на прес конференцијата пред Собранието.

Одлука, дека ќе се повлече од функцијата, тој ја соопшти на седницата на на Советот на општината пред 4 дена, на која ги информираше советниците дека ова ќе му биде последна седница на која тој учествува бидејќи мандатот како градоначалник му завршува поради заминување на друга функција.

-Во следните денови настапува престанок на функцијата градоначалник порадизаминување на друга функција и согласно законот сакам да ги информирам советниците, а преку медиумите и граѓаните дека наредните денови ќе именувам заменик градоначалник согласно законот. Досега функцијата заменик градоначалник ја вршеше сегашната или идната пратеничка доктор Катерина Кузмановска. – рече тогаш Заев. (ВИДИ ВИДЕО)

Заев пред само 4 дена информираше дека согласно законот вршителот на должноста градоначалник треба да биде поставен од редот на советниците и затоа на оваа позиција го именува Костадин Костадинов, актуелен советник и претседател на локалниот клуб на млади на СДСМ во Стрмица кој исто така беше и кандидат за пратеник на листата на СДСМ на последните предвремени парламентарни избори.

Заев и опозициските медиуми манипулираат: Не се повлекувал од градоначалничката функција, туку само го сменил заменикот

zaev-sekerinska

Она што опозициските медиуми го претставуваат како подготвување на лидерот на СДСМ Зоран Заев за други функции всушност е смена на заменикот-градоначалник, бидејќи актуелниот заменик стана пратеник.

По оставката на Катерина Кузмановска од функцијата советник која ја извршуваше и заменик градоначалничката функција на општина Струмица, Заев вчера изјави дека за свој заменик ќе го постави советникот Костадин Костадинов. Заев ова јавно го изјави на вчерашната седница на Советот на општина Струмица на која се носеше Буџетот.

-Согласно законот сакам да ја информирам јавноста дека во наредниот период за заменик Градоначалник ќе го именувам советникот Костадин Костадинов, рече Заев.

На социјалните мрежи веднаш се јави и самиот Костадинов, кој не го криеше задоволството што Заев го најавил како негов “иден заменик градоначалник“.

Сето ова покажува дека Зоран Заев е повторно кабаетлија, не си заминува од златното гнездо- градоначалничка функција во Струмица, ниту пак има поднесено оставка.

ЗА СПАС ОД ЗАТВОР: Заев се откажа од функцијата градоначалник, бидејќи му треба пратенички имунитет

zaev-ostavka

Зоран Заев се повлекува од функцијата градоначалник на општина Струмица. За негов заменик го именува советникот Коста Костадинов, актуелен претседател на Локалниот клуб на СДММ во Струмица и портпарол на оваа партија во Струмица, пишува локалниот портал Струмица Нет.

Заев во своето денешно обраќање на седницата на Советот на општина Струмица, каде се расправало за Буџетот на општина Струмица за 2017­-та година, изјавил дека оваа му е последна седница на која учествува од причина што ќе му заврши мандатот како градоначалник, заради заминување на друга функција. Денеска на седницата советниците Катерина Кузмановска и Коста Јаневски од СДСМ си поднесоа оставка, поради новата функција, како пратеници во новиот Парламент на Република Македонија, на нивно место доаѓаат Фатмаѓул Хаџи и Бранко Божинкочев од СДСМ.

На овој потег на Заев реагираа од ВРМО-ДПМНЕ откаде велат дека тој го прави ова бидејќу му треба пратеничкиот имунитет.

– Аболицираниот криминалец Зоран Заев е свесен дека се ближи денот кога нема да му помогне ниту една лага и ќе мора да се соочи со одговорноста за направените криминали. Затоа на аболицираниот лажго Заев му треба пратеничкиот имунитет. Тоа е првата и основна причина поради која се откажува од градоначалничкиот мандат, велат од ВМРО-ДПМНЕ.

– Втората причина поради која аболицираниот криминалец Зоран Заев одлучува да го жртвува градоначалничкиот мандат е затоа што е свесен дека неговата политичка кариера е на самиот крај. Граѓаните на 11 декември масовно одговорија дека не се согласуваат аболицирани криминалци да ја водат државата, а Зоран Заев знае дека таков одговор ќе добие и од струмичани на следните локални избори. Кражбите и изнудите од типот „едно евро за Вицето, едно за црквата“ ќе останат само сеќавање на црното минато и како не смее да работи еден локален функционер, стои во реакцијата на ВМРО-ДПМНЕ.