СЕ СПРЕМА ДРЖАВЕН УДАР: Што било договорено на тајната средба помеѓу Бејли и Заев?

Zaev-Bejli

Лидерот на СДСМ, Зоран Заев, имал тајна средба со американскиот амбасадор во Македонија, Џес Бејли, завчера попладне, пишува НетПрес.

Нашите извори велат дека средбата се случила во седиштето на СДСМ во околу 17 часот во вторникот. Бејли дошол со своето службено возило, опкружен од телохранители, а придружуван од уште неколку лица од амабсадата на САД.

Нема официјална информација за што се разговарало на средбата. СДСМ засега молчи, за разлика од пред неколку месеци кога Зоран Заев не се појави на судско рочиште во кое е обвинет, со оправдување дека имал средба со италијанскиот амбасадор во Скопје.

Оваа информација експресно брзо беше демантирана и тоа лично од италијанскиот амбасадор. Потоа, пак, излезе дека Заев всушност имал средба со некое лице, македонски државјанин што се водел како надворешен соработник во амбасадата.

Сепак, според досегашните чекори кои ги презема, очигледно е оти СДСМ оди на сценарио за извршување на државен удар во Македонија. Ова може да се заклучи и од најавите на СДСМ и нивни членови за насилно завземање на претседателското место во Собранието, како и подготвеноста и одлуката на оваа партија, заедно со ДУИ и со Зијадин Села, да направат влада, која ќе ја спроведе т.н. Тиранска платформа.

Какви ли сценарио, овојпат, подготвил Џес Бејли за Македонија заедно со Зоран Заев, останува да видиме.

СДСМ и Зоран Заев претходно со полна уста се фалеа во јавноста за секакви средби со разноразни вработени по амбасадите во Македониија, а сега е нејасно зошто молчат за средбата со американскиот амбасадор Џес Бејли во вторникот.

ВИДЕО: Заев на тајна средба со албанското подземје, бара заштита за спроведување на Тиранската платформа

Zaev-Spasovski-sostanok

„Република“ дознава од свои извори дека доцна синоќа Зоран Заев остварил тајна среба со структури на албанското подземје. Поради лошата постизборна политика и недовербата во сопственото членство, Заев побарал заштита од албанските криминални структури заради спроведување на тиранската платформа, која на Божик ја потпишаа албанските партии, а единствено Заев премолчано ја прифати.

Zaev-Caus

Решен да оди до крај во распродажбата на националните интереси и целосно спроведување на тиранската платформа, а притиснат во тесно од незадволното членство, масовните протести на граѓанската иницијатива „За заедничка Македонија“, која успеа да ги обедини сите грѓани на Македонија кои се чувствуваат како Македонци без разлика на партиската определба, но пред сѐ од албанските партнери кои му обезбедија победа на изборите со 70.000 албански гласови, а по изборите и парламентарно мнозинство, Заев нема излез освен да се обрати кај подземјето за да обезбеди заштита и сигурност.

-Целото сценарио кое го гледаме овие три години, од ден на ден на сѐ повеќе граѓани им станува јасно, им станува јасно на најтврдите поддржувачи на СДСМ. Не се работи за тоа дали Заев ќе стане премиер или не, тој е попатен чекор, човекот е лоциран дека е компатибилен, дека одговара на очекувањата на некој друг и дека е подготвен да направи сѐ во државата за да дојде на влст. Тој е подготвен да ја држи две и пол години во хаос државата, со протести, со кршење институции, со удар врз македонската економија, сѐ со цел да си ја оствари својата цел. Сега доаѓа времето на фактурите. Сега тој ќе треба да ги врати фактурите кон сите тие кои му помагале. Тие фактури ќе значат внатрешно редефинирање на државата, но тоа ќе имплицира и редефинирање за впечатокот за Република Македонија- рече неодамна членот на ИК на ВМРО-ДПМНЕ Илија Димовски во ТВ-интервју.

Фактурите за 70.000 албански гласови и 18 пратенички места за поддршка на владата Заев ќе ги плати со целосно спроведување на тиранската платформа, во која, меѓу другото, е предвидено прв човек на Собранието да биде Албанец. „Република“ веќе пишуваше, а и Заев потврди дека спикерското место е предвидено за Талат Џафери.

Останатите услови од тирснската платформа, кои Заев ги прифаќа само за да ја добие премиерската функција, се:

  1. Постигнување целосна рамноправност во согласност со Охридскиот договор и Уставот. 
  2. Постигнување економска рамноправност и оп­штествена благосостојба, особено преку рамномерен регионален развој. 
  3. Засилување на владее­њето на правото, како предуслов за напредок на евроатлантскиот интегративен процес. 
  4. Создавање дух на доверба во функција на добри меѓуетнички односи како суштински елемент за политичка стабилност во земјата. 
  5. Решавање на спорот за името, во согласност со европските вредности и принципите на меѓународното право. 
  6. Добри односи со соседите. 
  7. Брза интеграција во НАТО и во Европската унија.

Платформа на албанските партии

1. Постигнување целосна рамноправност во согласност со Охридскиот договор и Уставот

  • Правилно спроведување на принципот на мултиетничноста во Уставот на РМ, каде што Албанците се сметаат за државотворна нација, поддржување секаква правна и уставна иницијатива што ја засилува националната рамноправност за албанското население.
  • Постигнување целосна јазична еднаквост, употребата на албанскиот јазик на сите нивоа на власта и гаранција за неговата примена како фундаментално и уставно право. Уставот на Република Македонија треба да утврди дека „македонскиот јазик и неговото кирилско писмо и албанскиот јазик со неговото писмо се официјални јазици во Република Македонија”.
  • Сеопфатна дебата за знамето, химната и за државниот грб на Република Македонија, со цел државните симболи да ја рефлектираат општествената мултиетничност и етничката рамноправност.
  • Усвојување резолуција во Собранието на Република Македонија со која се осудува геноцидот врз албанскиот народ во Македонија во периодот од 1912 година до 1956 година.

2. Постигнување економска рамноправност и оп­штествена благосостојба, особено преку рамномерен регионален развој

  • Создавање нов механизам, во форма на една државна комисија за финансирање на општините, за донесување одлуки со право за владини грантови во корист на општините.
  • Создавање министерство за политички систем и за односи меѓу заедниците, како надлежен орган за почитување на правата на заедниците и за поттикнување на економскиот и на социјалниот развој во неразвиените подрачја.
  • Остварување правична зас­тапеност во органите за безбедност, војската, разузнавањето и правдата.
  • Остварување правична застапеност во сите нивоа на централната власт, како и во јавните служби или прет­пријатија со јавни акции.

3. Засилување на владее­њето на правото, како предуслов за напредок на евроатлантскиот интегративен процес

  • Спроведувањето на реформите во согласност со договорот во Скопје, препораките на Прибе, итните препораки на Европската комисија, како и препораките од пристапниот дијалог на високо ниво со ЕУ.
  • Поддршка за непристрасно вршење на работата на специјалниот обвинител, без етнички и политички предрасуди.
  • Целосно расчистување на прашањата и на судските постапки како „Сопот”, „Бродец”, „Монструм” и „Куманово” преку една анкетна комисија или меѓународен независен орган.

4. Создавање дух на доверба во функција на добри меѓуетнички односи како суштински елемент за политичка стабилност во земјата

  • Преземање афирмативни мерки за обезбедување финансирање на албанските културни институции на централно и на локално ниво.
  • Создавање една централна институција за унапредување на јазиците на заедниците, која ќе обезбеди подготовка на преведувачи, уредници и на предавачи.

5. Решавање на спорот за името, во согласност со европските вредности и принципите на меѓународното право

  • Усвојување заедничка и обврзувачка резолуција во Собранието на Република Македонија со која Владата на Република Македонија се обврзува активно да се вклучи кон решавањето на спорот за името.
  • Вклучување на Албанците во работната група за директни преговори со Грција.

6. Добри односи со соседите

  • Вклучување на Албанците во работната група за директни преговори со Бугарија.
  • Соработка со Косово и Албанија за интегрирано гранично управување.
  • Отворање нови гранични премини.

7. Брза интеграција во НАТО и во Европската унија

  • Исполнувањето на наведените точки ќе го деблокира патот на Македонија кон целосна интеграција во НАТО и отворање на преговорите за членство во Европската унија.

ВИДЕО: Заев и Спасовски на тајна средба со раководството на БЕСА

zaev-spasovski-na-tajna-sredba-so-besa

Лидерот на СДСМ Зоран Заев и генералниот секретар на партијата Оливер Спасовски денеска одржаа тајна средба со раководството на движењето БЕСА во просториите на албанската партија.

Сепак, иако се обидоа да се сокријат од јавноста, дел од албанските портали објавија снимка од моментот кога Заев и Спасовски го напуштаат седиштето на БЕСА.

Албанскиот портал „Журнал.мк“ објави ексклузивна снимка на која се гледа како Заев и Спасовски излегуваат од просториите на БЕСА во ТЦ Мавровка.

Остана непознато за што разговараа Заев и Спасовски со раководството на БЕСА и зошто средбата не беше отворена за медиуми.

ТАЈНА СРЕДБА: Заев и Јанева со сценарио за одлагање на изборите

Zaev-Janeva-dokumenti

Како што наближува 24 април, паниката во најголемата опозициска партија добива се поголеми размери. Истата кулминирала после јавно искажаните ставови на Брисел и Вашингтон за доследно почитување на договорот од Пржино, вклучувајќи го и датумот за избори, објави Сител.

Соочувајќи се со сè помалиот маневарски простор, Зоран Заев ги уверувал и сопартијците и коалициските партнери дека ќе ја активира и последната карта за одложување на изборите, а тоа е Катица Јанева. (За ова пишувавме претходно во текстот со наслов „Заев ги убедувал членовите: Јанева ќе ме спаси од затвор и од избори“, прочитајте ТУКА)

Затоа ургенциите од страна на Заев и неговите сопартијци кај Катица Јанева и нејзините соработници се интензивирале изминатиов период.

Неодамна се одржала и една тајна средба помеѓу Зоран Заев и Катица Јанева надвор од Скопје, на која бил договорен мастер планот на лидерот на СДСМ за проблематизирање на датумот и бегање од избори, објави Сител.

Целта на мастер планот на Заев била компромитација на владеачката партија по секоја цена, со монтирање на случаи, односно преземање на улогата на Чауш од Катица Јанева.

Мастер планот на Заев, согласно договорот меѓу него и Катица, треба да биде реализиран пред доаѓањето на Хан. Согласно роковите кои Заев и ги наметнувал на Јанева планот треба да стартува на почетокот на наредниот месец, а Јанева веќе издала наредба во Специјалното јавно обвинителство да отпочнат подготовките.

На ваквите инсистирања на Заев и Јанева, регирале дури и дел од обвинителите кои се блиски до СДСМ со образложение дека нема ефект да се притиска со правно неиздржани предмети, додека останатата струја, инсистирала дека правниот ефект бил неважен во споредба со ПР ефектот кој би го добил СДСМ. На колегиумите кои се држеле во СЈО, според нашите извори, повеќе се коментирале позициите на СДСМ и се осудувале и критикувале настапите на еврокомесарот Јоханес Хан, отколку што се разговарало за предметите кои треба да се работат, објави телевизијата.

Дел од тимот на Јанева како подготовка на реализацијата на сценариото на Заев отпочнал и со конкретни активности. Изминативе денови спротивно на законот стартувале со притисоци и закани кон поединци, нелегални повикувања и забрани за присуство на адвокат при сослушувањето на лицата.

Следен чин во сценариото на Заев кое треба да го реализира Јанева би требало да бидат претреси по домови, кои заради драматиката би се вршеле или доцна во ноќта или во тек на викенди, иако дел од тимот на Јанева бил свесен дека е апсурдно да се оди на оваа варијанта заради тоа што не се очекува да биде ништо пронајдено.

Двајца од обвинителскиот тим на Јанева, кои се исклучително блиски со СДСМ и практично се директен линк со партијата, изминатиов период имале секојдневни средби со генералниот секретар Оливер Спасовски за да ги координираат активностите.

Заев на тајна средба со струмички бизнисмен: Ги губиме изборите и мора да направиме голем проблем!

Zaev

Првиот човек на СДСМ Зоран Заев и партискиот портпарол Петре Шилегов деновиве имале тајна средба со струмички бизнисмен кој е еден од тајните спонзори на Заев.

Според информациите до кои дојде Нетпрес, Заев на бизнисменот , кој ги носел на вечера струмичкиот градоначалник и портпаролот на партијата, му се пожалил за се поизвесниот неуспех на СДСМ на изборите во април.

„Ги губиме изборите и мора да направиме голем проблем за да се одложат и тука да ја бараме шансата“, му рекол Заев на бизнисменот.

Според анкетите што деновиве беа објавени во јавноста како онаа на Брима Галуп и Институтот за политички истражувања од Скопје ВМРО-ДПМНЕ има убедливо водство пред СДСМ.

Настрана од ова, и интерните анкети на СДСМ покажуваат катастрофални резултати за опозицијата на следните избори, па така станува се поочигледна нивната намера да се избегнат изборите во април, а со тоа да се избегне и катастрофалниот пораз.

Оттука, сосема се јасни обидите за минирање на процесот на преговори за Договорот од Пржино. СДСМ и Заев ги ставаат на коцка интересите на државата за сметка на нивните партиски интереси, со цел да се спасат од избори и да го избегнат поразот.

Груевски: Во април народот ќе каже кого поддржува и во кого има доверба

gruevski

Од друга страна, премиерот Никола Груевски во синоќешното обраќање по повод Денот на Револуционерната борба – 23-ти Октомври потенцира дека на изборите во април народот ќе каже кого поддржува и во кого има доверба.

Нема да каже ниту некој странец, ниту некој со волшебен стап ќе ги реши нашите проблеми. Ние. Ние заедно со народот. Ова е наша земја. Ова е наша земјa. Ова е наша татковина! Ова е Република Македонија и ние мора да истраеме и да одговориме жестоко на сите предизвици со кои се соочуваме. Тоа сакам да го порачам на овој ден. Ова е денот на ВМРО, ова е ден за да се потсетиме сите, ова е наша земја и ние, народот на Македонија, одлучуваме за нејзината иднина! Решавањето на политичката криза со договор меѓу партиите е позитивен момент. Народот тоа го очекуваше од нас. Решавање на агонијата која ја предизвика опозицијата, и ние бевме максимално, повторувам според некого и повеќе од максимално посветени и конструктивни. Круцијален момент во тој политички договор е можноста граѓаните на избори да се изјаснат за политичките субјекти и тоа по долг период на размена на многу информации. Избори мора да има, заради нив, заради нас, заради вас, заради секого, рече македонскиот премиер.

Тој порача дека на тие избори граѓаните треба во фер услови и слободоумно да решат за својата иднина.