Димитров: Нема македонска нација, јазик и држава пред 1944 година

Во интервјуто дадено за бугарскиот портал „INFORMO“ бугарскиот професор Божидар Димитров, директор на Национален историски музеј во Бугарија, истакнува дека полека се чувствуваат промените од Договорот за добрососедство потпишан помеѓу Бугарија и Македонија. Тој објаснува дека е започнат процесот на промена на македонските учебници по историја и дека историјата е многу јасна и децидна, а тоа е дека македонизмот не постои, македонската нација, јазик и држава пред 1944 година не постоеле и дека се создадени во 1944 година од страна на Југословенската комунистичка партија.

Прашан дали со договорот ќе настапи промена во учебниците и дали ќе има генерално признавање на заедничките корени помеѓу двете држави. Димитров вели:

– Историски дискусии тешко можат да се водат, бидејќи историјата е јасна. Тоа ние е јасно не само на нас, туку и на научниците од целиот свет. Факт е дека до 1944 година нема македонска нација, јазик и држава. Сето тоа е создадено 1944 година од Југословенската комунистичка партија, со што е исполнета една оодлука на Комитерната од 1934 година. Од тогаш навака многу е јасно каква е историјата.

Димитров дополнува дека договорот за добрососедство ќе почне да се реализира и ќе има придвижување, кога ќе биде одобрен од парламентот на двете држави, тоа ќе се случи многу брзо, според него.

– Уште пред да влезе во сила има некои позитивни чекори, на пример веќе има одлука од учебниците да се избрише изразот „бугарски фашистички окупатор“ и т.н. Односно лошите зборови за бугарите да бидат избришани од учебниците, а по натаму ќе видиме што ќе биде. Не треба да ги брзаме работите и да сакаме договорот да дејствува пред тој да е ратификуван од парламентите од двете држави, истакна Димитров.

Ваквите шовинистички изјави за негирање на посебноста на македонската држава, јазик и нација се интензивираа во бугарските научни кругови по склучувањето на договорот за добрососедство помеѓу Македонија и Бугарија.

ВИДЕО: Заев, Наум и Пимен го пречекаа Борисов – Која е поврзаноста со скандалот на МПЦ?

Премиерот Зоран Заев, утрово го пречека бугарскиот колега Бојко Борисов пред водочкиот манастир „Свети Леонтиј“ во Струмица, кој се наоѓа на границата со Бугарија.

Заев беше придружуван од владиците на МПЦ, Пимен и Наум, на кои бугарскиот премиер им баци рака пред да влезе во манастирот.

Инаку, средбата на Заев, Пимен и Наум со Борисов, доаѓа само една недела по излегувањето во јавност на скандалозниот документ со кој МПЦ ја признава бугарската црква за црква мајка.

Токму струмичкиот владика кој сега е домаќин на Борисов, прв јавно ја почна иницијативата МПЦ да стане црква ќерка на БПЦ, со неговата изјава минатата недела.

„Сметаме дека автокефалноста на МПЦ-ОА не е призната од политички причини. БПЦ има шанса со самото признавање на МПЦ-ОА да стане мајка на МПЦ-ОА. Тоа е ретка историска шанса, која БПЦ не треба да ја пропушти“, изјави митрополитот струмички за приватната бугарска телевизија БТВ.

Во интервјуто направено во Струмица тој нагласи дека Македонија и Бугарија имаат заедничка религиозна историја.

„Ние сме биле дел од Бугарска Егзархија. Луѓето тогаш (кон крајот на 19. век и во почетокот на 20. век) биле разделени меѓу Егзархијата и Цариградска патријаршија, но повеќето биле егзархисти“, изјави владиката Наум.

Симптиматично е што Борисов и Заев се среќаваат токму со човекот кој го иницираше овој скандалозен документ, при што се поставува прашањето, дали писмото со кое МПЦ ја признава БПЦ за црква мајка е само уште една остапка која е предвидена во договорот со Бугарија кој го потпишаа Заев и Борисов а со кој Македонија се откажува од голем дел од својата историја и од историските учебници го брише терминот „Бугарски Фашистички Окупатор“ за периодот од втората светска војна.

СВИРКАЧ ПРИЈАВИ: По милионте евра за возила, Спасовски спровел и сомнителна набавка на чизми од 150.000 евра

Неодамна полицискиот синдикат реагираше за старите чизми кои беа доделени на полициските службеници. Освен донираните од 1982 година чизми кои министерот Спасовски ни ги претстави како светла инвестиција заедно со донираните шкоди купени од неговиот партиски донатор, скандалозен е неквалитетот на купените 2000 пара чизми со пари од Буџетот на Република Македонија, стои во новиот текст на свиркачите на „Џастпејстит“. Во текстот се вели дека Министерот Спасовски истуркал сомнителна набавка на чизми од 150.000 евра.

„На тендерот од преку 150.000 евра кој го доби фирмата Пинко Кирил ДОО Скопје до МВР доставени се мостри за контрола на квалитет пред истите да се дистрибуираат до МВР. Откако е утврдено скандалозното отстапување од спецификациите кои се барани во набавката како водопропустливост, лабораториски сертификати кои не соодветствуваат со реалните параметри и останато, за истите не е дадена согласност да бидат примени во магацинот на МВР. Но, преку најгруба и криминална писмена наредба потпишана од Министерот Спасовски и Директорот Лазо Велковски со која им се наредува на комисијата задолжена за оваа постапка да изврши прием на чизмите, истите се дистрибуирани во МВР. За ваков вид нарушување на постапка за набавка се лежи затвор. За скандалозно неквалитетни обувки за полициските припадници се плаќа со нивното здравје. Спасовски и Велковски дали сте свесни дека тој Ваш допис не застарува и имате основ за одење во затвор за ваквата Ваша криминална постапка на кршење на сите процедури за спроведување на јавна набавка? Добро прочитајте си го законот за јавни набавки и сите останати процедури поврзани со него и консултирајте се со адвокати бидејќи ЈО сега или во иднина сепак ќе мора со ова да се позанимава. МВР не е Ваша компанија, па самостојно да одлучувате што и од кого ќе набавувате, порачуваат свиркачите.

Дека СДСМ си мисли на своите се покажа и преку најавената набавка на автомобили за МВР од фирма блиска на партијата. Неодамна свиркачите јавно повикаа на одговор, дали од фирма блиска до СДСМ, ќе се купува возила за МВР вредни милион евра?

Да потсетиме дека за скандалот со донираните „нови“ чизми од 1982 година реагираше и Независниот синдикат на полицајците, кои побараа подобрување на условите за работа и опремување на припадниците на МВР согласно Правилникот за носење и времетраење на униформата.

-Во овој период МВР доби донација на и од она што може да се види има две врсти на чизми. Едните се со производство од 1982/3 година од типот на чизми на ЈНА но со многу полош квалитет, а другите се еден вид на имитација на Планика но во многу мал број кој нема да биде доволен за сите полициски службеници, реагираа од синдикатот.

Полицијата добила „нови“ чизми од 1982 година: Донирани чизми стари 35 години!

Официјално и без задршка: Институтот за бугарски јазик најави промени на македонските учебници после ратификацијата на Договорот меѓу Заев и Борисов

После само два месеци откако Зоран Заев и СДСМ ја преземаа власта во Република Македонија, беше потпишан штетниот договор со Бугарија, со кој Македонија се согласи на продажба на националните интереси и пишување на својата историја од бугарска страна.

Најавено е формирање на заедничка ултидисциплинарна експертска комисија за историски и образовни прашања, на паритетна основа, за да придонесе за објективно и засновано на автентични и на докази засновани историски извори, научно толкување на историските настани. Комисијата ќе поднесува едногодишен извештај за својата работа пред владите на договорните страни.

Двете договорни страни ќе организираат со заемна согласност заеднички чествувања на заеднички историски настани и личности, насочени кон зајакнување на добрососедските односи во духот на европските вредности.

Ова значи дека спорните за Бугарија работи од македонската историја ќе бидат отстранети од учебниците, што значи дека учениците нема да имаат можност да учат за националните херои на Македонија, како што се Гоце Делчев, Никола Карев, Јане Сандански, Питу Гули… кои се спорни за бугарската страна.

Владата на СДСМ потпиша договор со кој ќе мора да се сложиме со многу условувања од бугарска страна.

Ана Кочева од Институтот за Бугарски јазик при Бугарската академија на науките, смета дека македонскиот јазик има бугарска историја и деструктуирана книжевна форма од истиот.

На прашање на новинарот ако во учебниците по историја, во средно школо, по факултетите, пишува дека македонскиот јазик е деструктуирана форма на бугарскиот јазик, дали тоа нема да е грешка, таа вели дека се разбира, дека нема да е никаква грешка.

Таа вели дека е прашање на време кога тоа ќе го пишува во учебниците во Македонија.

-Прашање на време е, тоа е прашање на време, а тие луѓе треба да сфатат дека тоа нема на никој начин да ја загрози нивната сувереност. Бугарскиот се зборува во Бугарија и во Македонија, вели Кочева

Кочева вели дека тоа немало да наштети на суверентитетот на Македонија, ако се кажело дека тука се зборува Бугарски.

-На никој начин, особено затоа што таква е историската вистина и благодарение на Договорот за добрососедство ќе имаме можност да влеземе во дијалог за ова со македонските колеги. На ред се средбите со заедничките комисии, изјави Кочева.

И претходно официјални лица од Бугарија како Красимир Каракачанов, Божидар Димитров ги истакнаа бугарските ставови кои не се нови, туку децениски стари, дека македонизмот е измислен во 45-та година, дека македонските револуционери се Бугари, а Илинденското востание е најголемото бугарско востание. Сепак, ова не беше пречка за СДСМ и Заев да побрзаат да го потпишат договорот без воопшто да ја консултираат стручната и пошироката јавност во Македонија, која да напомене сериозно се спротистави на овој договор со Бугарија.

Додека премиерот Заев се обидуваше да ги излаже граѓаните дека овој договор ќе донесе добро за државата, вистината поради која е потпишан договорот во Скопје ја потврди министерот за одбрана на Бугарија, Константин Каракачанов.

Бугарскиот колега на Радмила Шекеринска националистот Красимир Каракачанов, по средба со својата македонска колешка, среде Скопје да ги нагласи иреденстистички ставови и уште еднаш да нагласи дека Бугарија го сфаќа добрососедството во контекст на сонот за санстефанска Бугарија. Старите скопјани се едни од првите бугарски борци и бунтовници кои барале бугарска богослужба и бугарски училишта, убеден е лидерот на националистичката ВМРО-БНД Красимир Каракачанов.

Утрото на 2 Август пред да положи цвеќе на гробот на Гоце Делчев во црквата „Св. Спас“ во изјава за бугарската телевизија Нова, Каракачанов изјави дека „104 години Македонија е одделена од бугарската култура“ иако „Скопје е првиот град во бугарските земји во кој започнуваат бунтовите против грчката црква со барање/желба за создавање на бугарска црква“.

– Се наоѓаме во град Скопје, тоа е првиот град во бугарските земји во кој започнуваат бунтовите против грчката црква со барање/желба за создавање на бугарска црква. Градот Скопје е првиот град во кој локалното бугарско население се дига на бунт против грчкиот владика и бара во црквите да се служи на бугарски јазик, да има бугарски училишта, ова е во првата четвртина на 19 век. Така што, историјата е јасна, кој сака да ја прочита ќе ја научи, кој не сака – нема да ја научи никогаш.

-Македонија веќе 104 години е одделена по секој начин од бугарската култура, од бугарското образование, затоа што после 1912 година кога Србите почнуваат да владеат со овој дел од Македонија, сите бугарски училишта се затворени, сите бугарски цркви се затворени, бугарските владици и свештеници се прогонети во Бугарија или се убиени, вели Каракачанов.

Каракачанов кажа дека е и Илинденското востание, она кое што оваа година заеднички го прославија Зоран Заев и Бојко Борисов, е најголемото бугарско востание.

-Ова е најголемото бугарско востание во долгото петвековно турско ропство. Најдолгото и најдобро организирано, беше оцената на Красимир Каракачанов за востанието, еден од најгласните бугарски политичари за тезата за непостоење на македонскиот народ.

Чекор понатака отиде директорот на Националниот историски музеј на Бугарија, Божидар Димитров, историчар и политичар познат по своите антимакедонски ставови, кој изјави дека Илинденското – преображенско востани од историски аспект е несомнено бугарско и одговара на тешкото прашање: „Каков народ живее во Македонија“.

-Повеќе од јасно е оти предците на сите овие јунаци, кои сега управуваат со Скопје и изјавуваат дека немаат ништо заедничко со бугарскиот народ, јасно е дека дедовците им биле Бугари. Во бројните документи кои ги оставиле, тоа е едно бугарско востание, кое секогаш ќе остане како аргумент за нашите права не само врз востанието, туку и врз цела Македонија, рече Димитров минатата година во интервју за агенцијата „Фокус“ посветено на Илинденското востание.

Според донеодамнешниот директор на Националниот историски музеј од Софија, токму договорот меѓу Македонија и Бугарија му пресудил на ВМРО-ДПМНЕ како негов остар критикувач. Тој очекувал партијата да освои 70-80 проценти од гласовите и е многу изненаден што владеачката СДСМ освои апсолутно мнозинство.

-Тоа покажува дека таканаречените Македонци му поверуваа на господинот Заев и оти зближувањето со Бугарија наиде на поддршка кај населението во Македонија, што е многу радосно за нас. Ова значи дека со измислувањето и со туркањето со насилство и со безброј фалсификати на политичката идеја на македонизмот е завршено. И започнува неговото бавно или побрзо демонтирање. Искрено, не очекував да го доживеам тој момент, изјави Димитров.

Инаку, потврда дека Заев не го интересира македонската историја и македонските национални прашања, се покажа уште при неговата прва посета на Бугарија, неполн еден месец откако дојде на власт. Тогаш премиерот на Македонија, во Софија се поклони пред споменикот на „бугарскиот“ Цар Самоил

Навистина зачудувачки за многу од граѓаните е што договорот беше поддржан дури и од Синодот на Македонската православна црква. Граѓаните јавно прашуваат дали последното барање на МПЦ до БПЦ е можеби дел од штетниот договор кој Заев го потпиша со Борисов.

Со писмо од Светиот синод на Македонската православна црква- Охридска архиепископија (ОА) испратено до Бугарската православна црква (БПЦ) , МПЦ од БПЦ бара таа да биде нивна црвка- мајка.

Писмото што Светиот синод на Македонската православна црква – Охридска архиепископија (ОА) го испратил до Бугарската православна црква (БПЦ) во кое бара таа да биде нивна црква-мајка ако ја признаат афтокефалноста на МПЦ-ОА, е обид да се дојде до автокефалност, на поинаков начин отколку што се праваше досега, смета верскиот аналитичар Бранко Ѓорѓевски.

Тој е скептик дека бугарските владици ќе решат да ја признаат автокефалноста на МПЦ, бидејќи, како што објаснува, тоа може да отвори проблем со останатите православни цркви, поради договорот да има целосен консензус меѓу нив при признавање на нова црква, но и поради спорот со Српската православна црква (СПЦ).

МПЦ, потсетува Ѓорѓевски, досега преговараше со СПЦ бидејќи ставот на сите православни цркви беше дека ние мора да преговараме со нив за да се реши тој црковен спор во кој СПЦ ни нудеше само автономија во нејзиниот состав, а ние сакавме да имаме полна автокефалност.

Ова што сега се прави, вели Ѓорѓевски, е обид СПЦ веќе да не биде главен партнер во преговорите, туку да се вмешаат и други православни цркви при што конкретно БПЦ би не признала како автокефална. Смета дека македонските владици сакаат да ја искористат и позитивната клима меѓу Македонија и Бугарија што е настаната со потпишувањето на Договорот за добрососедство и во тоа да се вклучи и црковното прашање.

Според него, ако бугарските владици ја признаат македонската автокефалност тоа ќе отвори бранувања меѓу православните цркви заради тоа што тие си постигнаа договор со којшто за признавањето на самостојноста на некоја нова црква треба консензус на сите 14 православни цркви во светот.

– Ако БПЦ ја признае автокефалноста ќе отвори проблем со другите православни цркви. Од друга страна ако БПЦ го направи ова ќе отвори проблем со СПЦ, но и Руската православна црква која најмногу инсистираше на постигнувањето консензус околу признавањето на нови автокефалности. Руската црква водеше битка со Вселенската патријаршија никој своеволно да неможе да признава автокефалност на нови цркви, туку тоа мора сите заедно да го направат. Ако Руската црква не се спротивстави на потегот на Бугарската тогаш ќе отвори можност некоја друга православна црква, конкретно Вселенската патријаршија да ја признае автокефалноста на непризнаената украинска православна црква, вели Ѓорѓевски.

Затоа, додава, јас сум скептик дека бугарските владици ќе решат да ја признаат автокефаноста, но можеби ќе се решат на некој поголем степен на меѓусебните односи, на пример заедничко сослужување на свештениците, како што своевремено имаше еден предлог меѓу српските и македонските преговарачи, после преговорите во Калишта кај Струга, но што потоа беше отфрлено од Српскиот синод.

Владиката Наум и митрополит струмички во интервју за бугарската телевизија БТВ рече дека се отвора нова страница во прашањето за црковниот статус на МПЦ-ОА и оти автокефалноста на МПЦ-ОА не е призната од политички причини.

– БПЦ има шанса со самото признавање на МПЦ-ОА да стане мајка на МПЦ-ОА. Тоа е ретка историска шанса, која БПЦ не треба да ја пропушти, рече владиката Наум

Тој нагласи дека Македонија и Бугарија имаат заедничка религиозна историја. – Ние сме биле дел од Бугарска Егзархија. Луѓето тогаш (кон крајот на 19. век и во почетокот на 20. век) биле разделени меѓу Егзархијата и Цариградска патријаршија, но повеќето биле егзархисти“, изјави владиката Наум.

рече дека со писмото до Бугарската црква на тој начин отворајќи една нова страница во прашањето за црковниот статус на МПЦ-ОА.

-Испративме писмо до Светиот синод на БПЦ со барање да се дискутира прашањето за признавањето на Македонската православна црква – Охридска архиепископија од Бугарската православна црква. Чекаме одговор од бугарскиот Синод. БПЦ има шанса со самото признавање на МПЦ да стане црква мајка на МПЦ. Тоа е ретка историска шанса што БПЦ не треба да ја пропушти “, категоричен е митрополитот Наум.

Светиот синод на МПЦ – ПА го испратил писмото до БПЦ на 9 овој месец по редовна седница на МПЦ-ОА во Скопје на која било едногласно одлучено да се упатат одредени предлози и барања до сестринската црква.

– Македонската православна црква – Охридска архиепископија ќе ја препознае и признае Бугарската православна црква – Бугарска Патријаршија како Мајка Црква, која прва ја прифаќа и признава нејзината автокефалност, истата ја обзнанува и актуелизира, претставува и се застапува за неа пред Вселенската патријаршија и пред другите помесни цркви, се нагласува во писмото.

Синодот од Скопје бара од БПЦ да воспостави „евхаристичко единство со возобновената Охридска Архиепископија во лицето на Македонската православна црква“.

Со евентуалното потпишување меѓу двете цркви, се бара воспоставување единство меѓу двете епископии што ќе биде основа за „евхаристичко единство и со епископиите од останатите помесни православни цркви“.

Македонска Алијанса со остра реакција: Дали Владата на Заев во договорот со Бугарија прифати да бидеме нарекувани „Вардарска Македонија“?

Во врска со интервјуто на Бугарската лингвистка од Институтот за Бугарски јазик при Бугарската Академија на науки, Доцент Ана Кочева, која за Бугарската национална телевизија соопшти дека новото нивно гледиште е дека „Македонскиот јазик е деструктуиран книжевен Бугарски јазик“,  претседателот на Македонската Алијанса, Ѓорѓија Џорџ Атанасоски, ја упатува следната реакција:

„Македонската Алијанса најостро ја осудува оваа најнова провокација од бугарска страна. Ставот на Бугарската Академија на науки со кој повторно се пласира една небулозна теза дека не постои Македонски јазик, тврдејќи дека наводно таткото на Македонизмот бил Србин кој според нив неприродно се спротивставувал на бугарштината, е исклучително опасна теза која всушност има за цел да го понижи македонскиот народ. Особено што за ваквиот став Бугарската лингвистка Ана Кочева се повикува на член 8 од Договорот за добрососедство.

Каде е МАНУ да реагира на ваквите небулози? Каде се нашите лингвисти да се спротистават со факти? Македонската Алијанса ја прашува актуелната Влада, дали со Договорот за добрососедство сме прифатиле да не нарекуваат  „Вардарска Македонија“, бидејќи претставникот на БАН во интервјуто така не ословува? Каде е МНР да протестира? Или, земајќи предвид дека со Договорот актуелната Влада на Зоран Заев и Никола Димитров презема обврска да спречува создавање на анти -бугарско расположение во Македонија, да ги шминка учебниците по историја и заедно да слави празници со Бугарски претставници, па сега мора да одмолчува и на ваквите провокации?

Стојалиштето на БАН е доказ дека сме во право кога тврдиме дека Договорот за добрососедски односи не ги затвора сите нерешени прашања кои со децении ги усложнуваат односите меѓу Македонија и Бугарија.

Договорот не содржи одредби со кои Бугарија го прифаќа постоењето на македонскиот народ и ја признава посебноста на македонскиот јазик. Напротив, со дипломатски речник е вметната формулацијата „Македонски јазик согласно Уставот“ , што „де факто“ е позиција на Бугарските власти изминатите две децении. Дополнително, Бугарија со Договорот не превзема обврска да ги спроведе пресудите на Европскиот Суд за човекови права и повторно нема да го регистрира ОМО Илинден – Пирин, ниту ќе им овозможи на нашите браќа и сестри Македонци кои живеат таму да ги уживаат основните демократски права. Конечно, Договорот не е решение кое трајно ги отстранува сите пречки меѓу Македонија и Бугарија и по својата суштина е едностран и штетен за нас. Во членот 12, точка 2 од Договорот, се определува обврска за формирање заедничка меѓу владина Комисија која еднаш годишно ќе прави контрола како се спроведуваат преземените обврски. Бугарската страна си го задржува правото и после ратификацијата на Договорот да ја блокира Македонија на Евроатланскиот пат. Тоа во пракса значи дека нашите институции ќе мора да молчат на изживувањето на бугарската Академија, националисти и политичари врз македонскиот народ, бидејќи бугарската Влада секогаш во своите раце ќе го има механизмот да оцени дека Договорот не се спроведува соодветно.

Македонската Алијанса ги подржува сите иницијативи за унапредување и градење на добрососедски односи, но тоа мора да биде на принципиелна основа. Бугарија е наш важен сосед кој прв ја призна Македонија под Уставното име, но сепак ние не можеме да отстапиме од  стратешки позиции и интереси на Македонскиот народ. Македонија не може да ги менува историските факти. Македонија и Македонскиот народ за време на Втората светска војна беа на вистинската страна, на фронтот за слобода и правда, се бореа против фашизмот, и заради тоа беа жртва на Бугарската окупаторска војска. Тоа е еден од најпрецизните историски факти дека Македонците и Бугарите не се и никогаш не биле ист народ.

Македонската Алијанса уште еднаш предупредува дека евентуалната ратификација на Договорот за добрососедство со Бугарија, ќе биде мотив за официјална Атина да ни го зададе последниот удар, со аргументација дека ние самите сме се откажале од нашиот национален Македонски идентитет. Затоа, доколку во ваква форма на сила се ратификува овој Договор во Собранието, ние со сите политички средства ќе се бориме Македонија еднострано да го раскине Договорот, повикувајќи се на членот 13, точка 3“.

Поради македонска историја и национализам – Тозија ја цензурира ТВ серијата „Македонија“?! (ДОКУМЕНТИ)

Нападот кон серијата „Македонија“ и кон „Јадран Филм“ од страна на директорот на Агенцијата за филм на Македонија, Горјан Тозија, не е поради доцење на проектот или поради финансии како што тој тврди, туку е поради наводното присуство на македонски национализам и присуството на македонска историја во филмот – тврди во писмена изјава хрватскиот продуцент Борис Грегориќ, пишува Република.

„Тозија намерно го одолговлекуваше проектот, за подоцна да не обвини нас за одолговлекување“, вели Грегориќ во неговата изјава.

Во прилог на изјавата, Грегориќ достави и „Вибер“ комуникација со Тозија, во која тој му вели дека филмскиот проект „Македонија“ може да продолжи, но од филмот треба да се исфрлат „националистички“ елементи затоа што тие и наштетувале на Македонија. За ова, во пораката која ја доставува Грегориќ, Тозија се консултирал со министерот Алаѓозовски а ќе се консултирал и со Заев.

Ваквото барање на директорот на Агенцијата на филм, доаѓа токму во периодот кога Македонија го потпишува договорот за добрососедство со Бугарија и ги интензивира преговорите со Грција за промена на името. Сево ова наведува дека поради обврските кон двете земји, Владата не дозволува да се сними овој филм.

Официјалната причина поради која Тозија денеска побара стопирање на овој филмски проект е поради доцнење на реализацијата на серијата и дека институција со која што тој раководи поведе постапки пред сите надлежни институции поради очигледните прекршувања на потпишаниот договор од страна на видео продукцијата „Јадран филм“ за реализација на играна серија „Македонија“.

Грегориќ од друга страна одговара дека токму Тозија е човекот кој побарал одлагање на проектот откако ја преземал директорската позиција.

– Со господинот Тозија, директор на Агенцијата за филм на Република Македонија се договорив да го преземам проектот како главен продуцент и дури после неговото „зелено светло“ потпишав договор со Јадран Филм и примив хонорар, во исто време тој неколку пати ме праша „дали ме платиле?“, што ми беше чуден сигнал. Целосно се невистинити тврдењата на господин Тозија дека не сме се договориле за се, особено затоа што тој лично ги договори сите термини за снимање за јас како човек од доверба на Тозија (со кого почнав да соработувам во 1980), почнам да ја снимам серијата. – вели Грегориќ во писмото.

Грегориќ додава и дека се во неколку наврати во целиот период, се среќавал со Тозија – кој му викал да се искористи шансата што поскоро, да се земат парите за филмот.

-На почетокот на Септември сакав да дојдам во Македонија и да ги започнам припремите за снимање, за што го известив господин Тозија, но од негова страна само добивав пораки дека сеуште не е време, да се стрпам, по што дури следниот месец дојдов во Скопје. Наеднаш тој почна да зборува дека не сака повеќе да разговара со оние со кои до вчера седеше заедно и се договараше околу филмот и дури и ме предупреди дека случајно можеби и јас би заглавил зад решетки, што е јасна закана за продуцентот и авторот на серијата. Лично ми рече: „Земете ги парите додека можете“, за после неколку дена да ме нападне затоа што сме ја снимале серијата, а што треба да правиме? Од се ова е јасно дека господинот Тозија се обидува да не измами сите нас, но и институциите на Република Македонија и македонската јавност. – вели Борис Грегориќ во изјавата.

За сите прашања околу случајот „Република“ разговараше и со директорот на Агенцијата за Филм, Горјан Тозија. Тој не негира дека имал комуникација преку „Вибер“ со Грегориќ, но не замоли да му ја пратиме пораката која ни ја испрати хрватскиот продуцент за да може да ја потврди нејзината автентичност.

Во исто време, директорот на Агенцијата и понатаму тврди дека единствената причина за барањето на раскинување на договорот за филмот е поради доцнењето на проектот и според него големата сума.

Тозија не извести дека во текот на утрешниот ден ќе ни испрати детален одговор на изјавата на Грегориќ и потврда за „Вибер“ комуникацијата.

Инаку, веќе излезе трајлерот за серијата „Македонија“ и тој може да се види на youtube.

СКАНДАЛОЗНО: СДСМ на сила ќе спроведува двојазичност – Во предлог буџетот за 2018 предвидени казни за некористење на албанскиот јазик

Додека во Собранието непрекинато тече дебатата за неуставниот закон за јазиците, предлог буџетот за 2018 година открива дека ќе има казни за граѓаните и институциите за неупотреба на албанскиот јазик.

Во најголемиот буџет во историјата на Македонија ќе има и пари за две нови институции кои ќе произлезат од новиот закон за јазиците. Тоа ќе бидат агенцијата за примена на јазикот како и Инспекторатот за употреба на јазиците.

Функциите на овие две установи се сеуште нејасни, но едно е сигурно, Инспекторатот за употреба на јазиците ќе ја има функцијата да ги казнува граѓаните и државните институции кои нема да го употребуваат албанскиот јазик.

Бујар Османи во свое неодамнешно интервју уште пред формирањето на новата влада најави казни кои ќе достигнуваат и до 5 илјади евра за институцијата која нема да го почитува законот, а до 30 проценти за вработените.

ЛУКСУЗ СО НАШИ ПАРИ: Колку ги чинат граѓаните патувањата на Заев, само во Словенија 10 лица од владиниот кабинет

Над 10 лица од владиниот кабинет на Зоран Заев, беа присутни за време на официјалната посета на Љубљана, членови на кабинетот, посебно ангажиран фоторепортер, камерман, дополнет со советникот за јавност Бојаровски, сите тие на државна сметка.

Во платеното патување на владините чиновници е вклучено патувањето, а како што дознавме тие пристигнале авионски од Приштина за Љубљана, а се сместени во хотел со 5 ѕвезди, што само ја зголемува сумата на трошоци. Згора на тоа земаат дневница која од град во град кој се посетува е различна, а се движи од 60 до 90 евра по ден. Само за овие 10 лица вкупните вкупните трошоци во кои е билетот, сместувањето, покриените трошоци за јадење и плус дневниците, изнесуваат над 20 илјади евра.

Владините административци кои отишле во необично голем број сместени се неколку дена во хотелот во центарот на Љубљана „Grand Hotel Union“, кој е на само 150 метри од централниот плоштад. Хотелот располага со сопствен затворен базен, спа центар, фитнес центар, голема концертна и кино сала.

Исто така новопечените владините административци не пропуштија на своите Фејсбук профили да се фотографираат за време на посетата како и да објават панорамски фотографии од зимската идила на Љубљана. И сето тоа додека премиерот Заев ја објаснува потребата за кратења и повисоката акциза за нафта, која треба да ја платат граѓаните.

НА ПРЕДАВНИКОТ МУ СЕ БРЗА: Заев се надева дека конечно ќе го смени името

Македонија влегува во обид кој што се надевам дека ќе биде последен, со конечна цел, решавање на проблемот кој што Грција го има со нашето уставно име, изјави премиерот Зоран Заев како одговор на новинарско прашање по средбата со премиерот на Словенија, Миро Церар.

– Ова е навистина актуелно прашање и во Македонија. Логично беше по завршувањето на локалните избори, да се направи нов обид за решавање на овој суштествен или чувствителен проблем, кое што го има Република Грција со нашето уставно име, а кое истовремено е пречка за нашите интегративни процеси. Процесите веќе почнуваат, на 20 или 21 ноември очекуваме да се направи првата средба помеѓу преговарачите од двете земји, со медијаторот Метју Нимиц. Во ноември очекуваме тие преговори да се интензивираат – рече Заев.

Тој истакна дека Македонија гради пријателски односи со Грција и во пријателска атмосфера и додаде дека тој верува дека може да се најде решение на спорот.

– Ние во Македонија се обидуваме да изградиме национален консензус, сите, претседателот на државата, Владата, опозицијата, но во функција на наоѓање решение, а не на негово одложување – додаде Заев.

Функционер на СДСМ од Прилеп прегазил жена: МВР заташкува тешка сообраќајка и ја притискаат жртвата да молчи

Прилепчанец испратил потресно сведоштво за сообраќајна незгода која се случила минатата недела, во која според него учествувал и локален функционер на СДСМ. Ова е дописот испратен до Инфомакс, пренесен во целост:

– Да се обратам до вас со писмо одлучив затоа што последниве неколку дена имам немир во себе. Немир предизвикан од немила случка на која јас и неколкумина мои сограѓани бевме сведоци. А, немирот кој го чувствувам беше разгорен со тоа што слушав, читав за убиството на младиот фудбалер Мартин.
Сега да се навратам и на целта на ова писмо. На 30.10.2017 бев сведок на сообраќајка во која кола која возеше со прилично голема брзина удри жена која со нејзината пријателка си разговараше на тротоар на уличка во близина на Поликлиниката „Алтеа“ во Прилеп. Одкако удри во жената, шоферот не застана. Со чкрипење со гумите замина кога неколку комшии и поминувачи почнаа да викаат: Застанете го! Заради тоа што излезе на улица на која имаше многу раздвижени возила шоферот мораше да застане и излезе. Шоферот всушност беше шефот на кабинет (барем како што се зборува низ прилепската чаршија) на новиот градоначалник на Прилеп, Илија Јованоски, М. Т. Инаку М. Т. е познат новинар, а во последно време и борец за човекови права. Учесник во шарената револуција. Новинар во Цивил и порталот Сакам да кажам. Ама најново, вдомена како и сите шарени во локалната самоуправа Прилеп.

– Но, тоа не е ни битно. Од кога ја видов оваа сообраќајка редовно секој ден го проверувам билтенот на МВР. Ни трага, ни глас од оваа случка. А во сите овие денови жената која е удрена со колата лежела во Прилепската болница. Од тоа што се слуша од вработените во болницата, повредената жена е редовно посетувана од М.Т., од градоначалникот и од неколку вработени во болницата во која до вчера беше директор токму Јованоски. Она што посебно иритира е што се кажува дека овие посетители вршат притисок на повредената да не презема никакви мерки против возачот кој ја удри. На повредената наводно и се изгубени снимките и неколку дена не може никој да ги најде и не и даваат никакви документи.

П.С. Не само што возеше со голема брзина, ами и колата не и била регистрирана.
П.С. До кога луѓето кои се блиски до функционерите ќе се однесуваат насилнички и до кога за нив нема да важат закони како и за останатите граѓани на оваа држава? А уште повеќе иритира што ваквите луѓе немаат ништо човечно во себе. Доказ за тоа беше фотографијата која ја видов по порталите на која се гледаат виновниците пресреќни, во славење.

Се надевам ќе го објавите ова мое писмо.
Разочаран Прилепчанец

За истиот случај преку својот Фејсбук профил реагираше и пратеникот на ВМРО-ДПМНЕ, Антониот Милошоски кој исто така вели дека жената била под притисок да молчи…