Додека ВМРО-ДПМНЕ градеше за Албанците, СДСМ ги купуваше нивните гласови со лаги, измами и клеветења

Gruevski-Alsat-M-1

Фактите се на наша страна, смета лидерот на ВМРО-ДПМНЕ, навраќајќи се на, како што рече новинарот Рашиди, „погрешната перцепција за него, за ВМРО-ДПМНЕ во однос на исте меѓуетнички политики во Македонија, или кон Албанците“. Тој повторно потенцира дека политиката на ВМРО-ДПМНЕ била насочена кон решавање на реалните проблеми на Албанците, кои произлегуваат од секојдневниот живот и чиешто решавање директно влијаело за подобрување на нивниот стандард.

Од донесувањето на Леар во Тетово со планирани 3000, а веќе оставрени 1000 вработувања, дали станува збор за земјоделието, за субвенциите, само во олошкиот регион според нашата евиденција Албанците имаат земено над 40 милиони евра, дали станува збор за решавање инфраструктурни проекти – во општините каде што се Албанците доминантно население инвестирани се над 400 милиони евра.

– Паралелно на тоа, се водеше очигледно силна медиумска кампања против ВМРО-ДПМНЕ и против мене лично како претседател на партијата дека сме националисти, шовинисти, дека не ги сакаме Албанците, дека им мислиме нешто лошо, што беше тотално неточно. Ние мислевме дека преку секојдневните настапи Албанците ќе го разберат тоа, затоа што гледат дека ивестираме во албански средини, дека отвораме 10 нови факултети на Тетовскиот универзитет, отворивме нов универзитет „Мајка Тереза“, изградивме 35 нови училишта само во четирите општини со доминантно албанско население, реконструиравме над 100 училишта, потсети Груевски.

Груевски е дециден дека колку и да изгледа нормално дека секој премиер го прави тоа за граѓаните, вклучувајќи ги и Албанците, тоа во Македонија не е точно. Груевски потсети на премиерите пред него, во чиешто време не било направено во однос на она што го сработи владата на ВМРО-ДПМНЕ.

-Очигледно некој виде дека е прочитан кај Македонците, дека измамите, лажните обвинувања не поминуваат, мислам на СДСМ, и отиде на стратегија да ги привлече албанските гласачи така што ќе го оцрнат ВМРО-ДПМНЕ до таа мера што Албанците ќе почнат да гласаат за нив и на тој начин ќе се приближат со гласачкото тело до ВМРО-ДПМНЕ.

ЗАЕВ ПОВТОРНО ИЗЛАЖА: Немало средба со Трамп, само ракување од половина секунда, кое го фотографира Димитров (ВИДЕО)

Zaev-Tramp-Dimitrov

Во Њујорк сум за Генералното Собрание на ОН. На средбата со претседателот Donald J. Trump предмалку изразив поддршка за неговата иницијатива преку Декларација да се поддржат реформите предложени од генералниот секретар на ОН. Посакав успешен старт на реформите на организацијата на ОН, вака Заев на социјалните мрежи се пофали дека остварил средба со претседателот на САД. Вистинско прашање е како успеале толку да разговараат за помалку од една секунда?

Премиерот на Македонија, се обиде да ги излаже македонските граѓани дека остварил средба со претседателот на САД, Доналд Трамп на која било разговарано за неколку битни теми, но реалноста е дека за пола секунда ниту здраво не може да се каже.

На видеото објавено од „China Xinhua News“ може да се види дека на 1:21 претседателот Трамп пристигнува да се поздрави со политичарите, а премиерот Заев од позадина чека за да се поздрави со претседателот на САД. Поздравувањето или како што тоа го нарекува премиерот Заев, „средбата“ со Трамп трае едвај половина секунда, а министерот Димитров фотографира.

Веќе следната секунда Трамп со поздравува со друга личност. Навистина интересно како успеал Заев да разговара со Трамп за половина секунда некаде.

-Во Њујорк сум за Генералното Собрание на ОН. На средбата со претседателот Donald J. Trump предмалку изразив поддршка за неговата иницијатива преку Декларација да се поддржат реформите предложени од генералниот секретар на ОН. Посакав успешен старт на реформите на организацијата на ОН, Заев на Фејсбук напиша дека за поздравот кој траеше помалку од една секунда успеал да разговара на овие теми со Трамп.

Инаку честа да биде фотограф на “средбата“ на премиерот Заев и Трамп, ја имаше министерот за надворешни работи, Никола Димитров.

ВЛАДАТА ОСЛОБОДУВА КРИМИНАЛЦИ: По Красниќи пуштен на слобода и Бајруш, на Заев му требаат пред изборите

Zaev-Verusevski-Krasniki_Bajrus

Осуденици за тешки кривични дела излегуваат од затвор во пресрет на локалните избори. Владата ги ослободува, а за возврат очекува нивна помош во правење на изборни нерегуларности на локалните избори. Зоран Заев и Владата по ослободувањето на Агим Красниќи од затвор, на слобода го пуштија и Бајруш Сејдиу.

Вчера на пладне од затворот во Штип, дома за Куманово си замина Сејдиу, кој повеќе од шест години е во затвор за перење пари, насилство, злосторничко здружување и фалсификување.

Сејдиу е пуштен по молба за прекин на казната, а со дозвола на директорот на Управата за извршување санкции. Сејдиу доби привремен отпуст до четврти октомври, а како што официјално е наведено од медицински причини.

Бајруш Сејдиу е осуден на казна затвор од 12 години. Во придружба на полицијата често беше носен на прегледи и интервенција во Клиничката болница во Штип.

Ова е втор затвореник со звучно име како привремено го напушта штипскиот затвор. Неодамна, на викенд беше пуштен Кондовецот Агим Красниќи, осуден за изборни насилства, но тој не се врати назад во затворот.

Прв пат по девет години, Агим Красниќи, познат по кондовската опсада на Скопје, влезе во своето село Кондово на 8 септември. Неговите соселани му посакаа добредојде, со пароли на кои што пишуваше „Добредојде команданту”, јавија медиумите на почетокот на месецов.

Красниќи заедно со својата седумчлена вооружена дружина беше уапсен во 2008 година за нерегуларности и предизвикување инциденти за време на тогашните парламентарни избори, поседување оружје и злосторничко здружување. Вкупно им беа изречени преку 50 години затвор.

Красниќи од Кондово, водач на Кондовската група, која се поврзуваше со повеќе кривични дела, беше приведен после неколкудневното држење на Скопје под опсада и закани за во оружен напад од Кондово кон главниот град. Красниќи ја одлежа казната во Штипскиот затвор, каде и се венчаше со својата избраничка.

Во минатото Красниќи важеше за многу близок до претседателот на ДПА, Мендух Тачи.

Мицкоски до Кирацовски: Вистинската анкета ќе биде на денот на изборите – ВМРО-ДПМНЕ ЌЕ БИДЕ СИГУРЕН ПОБЕДНИК

Mickoski-Samo-Vistina

Генералниот секретар на ВМРО-ДПМНЕ, Христијан Мицкоски во денешната дебата во емисијата „Само вистина“ на телевизијата Канал 5, на генералниот секретар на СДСМ, Александар Кирацовски му порача дека вистинската анкета ќе биде на денот на изборите.

-Денот на изборите беше на 11 декември кога на народот на Зоран Заев му порача „Господине Заев вие сте минато, бидејќи дадовте збор“. Заев за жал не го испочитува тоа, но повторно ќе кажам, тоа е момент кој внатрепартиските органи на Социјал-демократскиот сојуз треба да одлучат, посочи Мицкоски.

Тој го осуди потегот на Заев кој пред граѓаните на Македонија пред одржувањето на парламентарните избори во декември минатата година истакна дека доколку загуби на изборите, макар и за еден глас, ќе си поднесе оставка, но тоа никогаш не го направи.

-За денот на изборите, ќе видиме која анкета била во право и кој не бил во право. Граѓаните ќе бидат тие кои ќе ја испорачаат вистинската анкета. Јас ви гарантирам дека граѓаните повторно ќе му кажат на Заев дека треба сериозно да размисли да го испочитува дадениот збор во декември месец, за време на парламентарните избори 2016 година, истакна Мицкоски, додавајќи дека треба да се почека онаа вистинската анкета на денот на изборите.

Генералниот секретар на ВМРО-ДПМНЕ појасни дека партијата на овие избори влегува максимално мобилизирана по вертикала – од долу, нагоре.

-Од Месните комитети до врвот на партијата, до Извршниот комитет, апсолутно сме мобилизирани. Присутни сме секојдневно на терен, тоа може да се потврди од секојдневните комуникации со граѓаните, со активистите на партијата, со поддржувачите на партијата, но и оние кои се критичари, посочи Мицкоски.

Напомена дека ВМРО-ДПМНЕ е во комуникација со сите граѓаните на Република Македонија без разлика нивната национална, верска или партиска определба.

Мицкоски вели дека ВМРО-ДПМНЕ ќе биде сигурен победник на локалните избори.

Анкета на „Димитрија Чуповски“: Груевски дупло појак од Заев, ВМРО-ДПМНЕ со убедлива предност пред СДСМ во пресрет на локалните избори

institut-dimitrija-cupovski

ВМРО-ДПМНЕ има огромна предност пред СДСМ во пресрет на локалните избори кои ќе се одржат на 15 октомври. Според анкетата на институтот „Димитрија Чуповски“, 28,4 отсто од гласачите би гласале за ВМРО-ДПМНЕ доколку утре се одржат избори, а за СДСМ би гласале 18,1 процент.

Според анкетата, најголема доверба ужива претседателот на ВМРО-ДПМНЕ, односно 29,2 отсто, а премиерот Зоран Заев има само 14,8 проценти доверба од граѓаните.

Анкетата е спроведена од 13 до 16 септември. Испитувањето на јавното мислење е направено телефонски, а партиципирале 1.124 испитаници.

-Анкетата беше спроведена со цел да се измерат генералните перцепции во пресрет на локалните избори закажани за 15 октомври. Оваа анкета беше спроведена на ниво на цела Република Македонија и притоа беа земени сите демографски карактеристики, се вели во соопштението од Институтот Димитрија Чуповски.

ВИДЕО: Палчо го посипа со боја Героски иако тој дојде со „татко му“ Милчин и со Алфите на „ферка“

Palco-Gero

Главниот медиумски стратег на СДСМ Бранко Героски и поранешниот прв човек на градската организација на СДСМ, Љупчо Палевски, верувале или не, закажаа тепачка за денес во 12 часот. Палевски најпрво го предизвика Героски, а тој пак прифати…

Со мало задоцнување, вооружен со силна придружба од новинари од Слободен печат, но и поранешниот прв човек на Сорос, Владимир Милчин, Героски се појави на закажаното место.

"

Палевски во меѓувреме објави на Фејсбук дека Героски дошол со Алфи, кои седеле во кафулето спроти „Манда“ и чекале да видат што ќе се случи.

Палевски му пријде на Героски и побара од него да му се извини за навредите што ги изнел за него, а откако овој немо го гледаше неколку мига, Палевски му истури жолта и црвена боја, како што рече, во манир на Шарената револуција што самиот ја измислил. Боите, рече Палевски, ги избрал намерно, за и Геро еднаш да биде обележан во националните бои на Македонија.

Фејсбук страната Видео Вести вршеше лајф стримиг на закажаната „ферка“и неколку пати се вклучуваа во живо пред почетокот на „двобојот“

100 ДЕНА ВЛАСТ: Што сработија за државата Васиљ, Цацко и Сарачини, кои добиваат огромни плати од Владата на СДСМ

Sarenite-vo-vlada-sto-srabotija

Влатко Васиљ, Дарко Лешоски, Марјан Забрчанец, Љупчо Бубо Каров, Петрит Сарачини, Нора Шаќири, Зо­ран Бо­ја­ров­ски… се само дел од луѓе кои до пред половина година се претставуваа како непартиски граѓански активисти и дел од Шарената револуција, а сега се лица вработени на функции во Владата предводена од СДСМ и Зоран Заев.

Институциите кои претходно ги уништуваа и ги боеја сега станаа места каде голем дел од нив си се вдомија и добија функции. Владата на СДСМ стана биро за вработување на сите активисти на Шарената револуција.

Вдомија лица кои досега во овие 100 дена не покажаа ниту еден проект, единствена нивна активност која граѓаните ја знаат е само нивните вработувања, јавноста ниту знае што работат, ниту дали досега имаат сработено нешто што може да биде од општа корист за граѓаните.

Се почна уште пред изборите, откако СДСМ на листите за пратеници ги стави Павле Богоевски и Ивана Туфегџиќ, едниот истакнат член на Шарената Револуција, а другата својата кариера ја почна во Студентскиот пленум.

Последен таков пример е вработувањето на братот на Ермира Мехмети и еден од најистакнатите членови на т.н. Шарена револуција, Замир Мехмети. Тој, ниту помалку, ниту повеќе доби директорска фотелја во Телеком.

Тој нема работено ништо што е поврзано со телекомуникациите и менаџирањето, она што е познато за неговата кариера е дека бил активен во неколку невладини организации, најголемиот дел финансирани од Сорос.

Јавноста прашува и колку пари Мехмети ќе зема за ангажманот и што уствари ќе биде неговиот ангажман? Како Мехмети може да придонесе во телекомуникациите, без никакво искуство од тој сектор?

Исто така јавноста се прашува и како Замир Мехмети го прифатил предлогот од Владата, предлог за кој гласале и министрите од ДУИ, за кои во мај оваа година активистот Мехмети кажа дека не би им верувал ниту за благајници во куќен совет да бидат.

-Не знам кој е точниот пазар на Заев со Ахмети ама пола од предлог министрите од ДУИ, не би им верувал ни за благајници на куќен совет да бидат. Толку капитални кадровски компромиси би биле контрапродуктивни кон идејата на новото време. Ова се разбира ако сакате владата да е реформска, ако не супер е и вака, напиша на Фејсбук членот на т.н. „Шарена револуција“ и брат на Ермира Мехмети, Замир Мехмети.

И Бубо Каров, кој на јавноста и е познат како „Цацко“ се вработи во државна институција. Тој откако гласно протестираше против ВМРО-ДПМНЕ стана надворешен советник на министерот без ресор задолжен за комуникации, отчетност и транспарентност, Роберт Поповски.

Министерството за култура на Роберт Алаѓозовски вдоми двајца новинари кои работата ја добија благодарение на протестирањето против ВМРО-ДПМНЕ.

Петрит сарачини стана советник во Министерството, а од неодамна во тимот на Алаѓозовски е и Нора Шаќири, која претходно на Фејсбук бараше работа од Зоран Заев.

Таа од Заев побара да ја вработи, откако поранешниот новинар Мухамед Зекири се вработи во СДСМ, а потоа стана и пратеник од таа партија.

На социјалните мрежи Нора Шаќири го прашуваше Заев зошто е таа помалку вредна од Мухамед Зекири?

Откако Шаќири го прозва, Заев и одговори оти тој не знаел дека таа има потреба од ангажман и работа, и ја повика на кафе кај него во партија.

-Зоки фала на поканата. Ќе пиеме кафе обавезно. Толку многу сум зборувала јавно така да не знам како не си слушнал, му напиша Нора Шаќири, на претседателот на СДСМ.

Останува прашањето, според кои законски критириуми Шаќири е вработена во ресорното министерство?

Ова не е единствен случај на вакво вработување во ова Министерство. Кон средината на август се вработи и Лидија Кировска, сопруга на директорот на телевизијата „Телма“, Атанас Кировски.

Вработувањето на Кировска во Министерството за култура беше еден од многуте претходни случаи на масовни вработувања, не по клуч на професионалност, туку по клуч на пријатества, непотозам и политички интерес.

Дел од Шарената револуција, а сегашен директор е Стојанче Павловски, кој покрај „уличната школа“ од Шарена Револуција, има само средно образование. Тој дојде на местото на Зоран Џорлев, откако СДСМ реши да го смени еден од најдобрите музирачи кои Македонија некогаш ги имал, како што велат музичките познавачи, вистински маестро на виолината, а на негово место како што пишавме доведен е човек со само средно образование.

СДСМ под државна капа стави и други партиски членови, активисти на Сорос, како и лица кои се познати од „Шарената револуција“, кои причинија огромна материјална штета на објекти низ Скопје, како што се Зоран Бојаровски, Бојан Маричиќ, Влатко Васиљ, Дане Талески, Марјан Забрчанец, Никола Наумовски, Петар Арсовски, Ѓунер Исмаил, Бранимир Јовановиќ и многу други.

Граѓаните се гневни што Владата на СДСМ мисли само на вдомување на своето партиско членство и активисти кои беа под капата на фондациите на Сорос, и тоа во моменти кога младите се иселуваат, за само три месеци владеење на СДСМ од државава заминале дури 20.000 луѓе кои треба да бидат иднината на држвата, стопирано е зголемувањето на пензиите, од ветените повисоки плати се уште ништо, како и многу други ветувања кои ги даваше СДСМ пред изборите, а се далеку од исполнување.

Граѓаните се зачудени што Владата прибира профили на лица како Влатко Васиљ, Дарко Лешоски, Бубо Каров, Нора Шаќири, Петрит Сарачани, Замир Мехмет и сите останати активисти, кои единствено се познати како активисти во Шарената револуција и останати акции на СДСМ, без никакво работно искуство во секторите во кои што се сега ставени, а за тоа се и дебело платени. Граѓаните прашуваат како тие може да помогнат за враќање на животот во Македонија, нешто што Заев гордо го најавуваше во предизборниот период, за сега како што велат граѓаните да гледаме само урнисување на цел еден систем кој функционираше.

Сепак покрај вдомувањето на оние кои го шараа институциите и спомен обележјата во Скопје, очигледно Заев заборавил на други кои исто така водеа жестока кампања во корист на СДСМ, кои сега се против него.

Активистот на Шарената револуција, Ирена Ристиќ, преку социјалната мрежа Фејсбук повика на бојкот на локалните избори незадоволна од Владата на СДСМ, порачувајќи дека нема да гласа на изборите.

(ФБ Статус на Ирена Ристиќ)

Ние, граѓаните, мора, едноставно мора, да си го дозволиме луксузот да го доживееме комплетниот пад и тоталната мизерија… да останеме без ништо!

Во спротивно, ќе ја одлагаме агонијата и на сопствена штета, само ќе ја префрламе топката на двете подеднакво политички, идејно, системски и кадровски импотентни опции, од нетрпение и недоверба неподдржувајќи нови и креативни, чесни кадровски решенија…

Јас, на пример, нема да гласам на локалните!

Нека пропаднат!

Нека пропаднат, како што пропаднавме јас (у неколку наврати) и многу, многу други слични романтици…

Лека ноќ!

Размислете!

Без нас, они се ништо!

Не постојат!

#Бојкот

Освен како како активист на т.н. Шарена револуција, Ристиќ настапуваше и на митинзите на СДСМ, а беше дел и од проектот „Контра вести“.

Поради должноста да им врати на оние кои беа дел од Шарената револуција, Зоран Заев на Душан Илиевски, познат како Душко Млекарот, кој неколку години беше еден од главните лица на кои врхушката на СДСМ ја водеше камапањата и на кого добиваа политички поени.

Душко млекарот од Битола, жестоко удри по генералниот секретар на СДСМ, Александар Кирацовски. Душко млекарот прашува како Кирацовски со кредит од 30 илјади евра успеал да изгради хациенда и да купи нов автомобил, а пред да стане потпретседател како што пишува Душко на Фејсбук, возел искршен автомобил.

Покрај Душко, по раководството на СДСМ удри и поранешниот канидат за пратеник на сега владеачката партија, Зоран Ивановски, кој ја прозива Шеќеринска и вели дека бил заборавен Душко млекарот и многу ваши кадри. Во фотографијата која Ивановски ја има објавено на Фејсбук, Душко вели дека Шеќеринска во Битола убедувала да се стрпат луѓето до октомври.

Млекарот Илиевски, пред нешто помалку од еден месец, на Фејсбук обвини дека доколку го побараш пратеникот Ковачевски, за некаква помош, тој е презафатен, а кога треба да договори некоја добра зделка си седнува во кафана.

Покрај Ковачевски, Илиевски го повика и Кирацовски да му одговорат на пораките, а не да се кријат од оние со кои беа заедно соборци.

Граѓаните порачуваат работата на СДСМ не е она што го очекува, туку е сосем обратното, тие велат дека животот кој што Заев го ветувал за сите граѓани, го гледаат како живот само за оние кои се од СДСМ и за граѓанските активисти кои се под капата на фондациите финансирани од Сорос.

РЕКЕТОТ ЌЕ СЕ „ЛЕГАЛИЗИРА“: Братот на Зоран Заев, Вице ќе отвора своја агенција за обезбедување

Vice-obezbeduvanje-reket

Вице Заев, братот на „амбасадорскиот премиер“, Зоран Заев прави агенција за обезбедување во која ќе бидат ангажирани локални криминалци и насилници. Во оваа агенција главен збор ќе имаат струмички криминалци. 

Според информации кои за Журнал.нет ги дадоа лица блиски до Вице, агенцијата покрај за заштита на имотот и функционерите на СДСМ, ќе биде користена за „легално“ рекетирање и уценување на компаниите и бизнисмените ширум Македонија да ги прифатат нивните услуги за обезбедување на нивниот имот. Собраните пари преку овој „легален“ рекет ќе бидат наменети за црните фондови на СДСМ кои ќе се користат во предизборната кампања за купување на гласови на претстојните локални избори што претставува дел од изборниот фалсификат за кој подолго време се зборува во кулоарите блиски до СДСМ.

Вице брза со регистрирањето, односно превземањето на агенцијата за обезбедување пред почетокот на изборната кампања која започнува на 25 септември 2017 година во 00:00 часот, за да можат да бидат ангажирани „луѓето во црно“ за обезбедување на партиските митинзи и да ги покриваат активностите на кандиатите за градоначалници.

По ова, братот на Зоран Заев, преку оформувањето на својата мрежа, фронтално ќе влезе во битка за освојување на овој профитабилен бизнис, со што ќе може да ги ангажира своите криминогени структури за „превласт“ и за контрола над партиските обезбедувачи и да го превземе приматот од агенцијата на Бранко Бојчевски, ОСА која е задолжена за обезбедување на СДСМ.

Како поддршка и заштита на криминалните дејствија на „бандата на Вице“ ќе бидат ангажирани „матните“ припадници на партиската полиција на Оливер Спасовски која, според планот кој го имаат детално разработено, ќе треба да дејствува како потпора и да го заштитува братот на Зоран Заев доколку некој од сопствениците пријави во полиција дека му е вршен притисок и рект.

Со влегувањето во овој бизнис, Зоран Заев, сокриен зад неговиот брат Вице, ќе воспостави своја партиска агенција. Но, покрај партиското обезбедување, ќе го добе и обезбедувањето на сите клучни објекти во државата. Штом кланот Заеви ќе го добијат тоа, пазарот ќе може да го прошириат и низ приватните компании, односно да вршат притисок и рекет кај магнатите. Со поддршка на Заев и Спасовски, ќе добијат пристап насекаде, под превезот и заштитата на владејачката СДСМ и МВР, многу е полесно да се добијат односно ќе изнудат клиенти во бизнисот.

Инаку, што се однесува за Скопје, имаат посебен план според кој ќе бидат ангажирани едни од најдоверливите струмички криминалци кои заедно со свои соработници од Грчец ќе стават рака и контола врз скопското подземје.

Сето ова го потврдува она за што пишувавме на 21 август годинава, дека Заеви ја шират криминалната мрежа: Вице Заев се фалел дека ќе ја затвори „Златна копачка“ и ќе отвори своја обложувалница, агенција за обезбедување и ланец на казина

zaevi-zlatna-kopachka

Братот на премиерот Зоран Заев, Вице им се пофалил на свои познаници на маса дека планира да влезе и во бизнисот со обложувалници, конкретно именувајќи ја „Златна Копачка“ како обложувалница кон чие затворање планриа директно да придонесе. Покрај обложувалниците, Вице се фалел и дека планира да формира своја сопствена агенција за обезбедување, како и ланец казина по примерот на „Чери“ казиното во Кочани кое го отворил неодамна и кое планира да го рашири низ цела Македонија. (Продолжете со читањето ТУКА)

Груевски: ВМРО-ДПМНЕ покажа дека знае да работи и создава, на Македонија ѝ се потребни дела, а не само зборови

Nikola-Gruevski-Konrad-Adenauer

Лидерот на ВМРО-ДПМНЕ денеска стандардно пред локалните избори беше присутен на политичката академија која ја прават во соработка Конрад Аденауер и иститутот „Павел Шатев“, тој изрази големо задоволство за соработката со германската фондација Конрад Аденауер.

-Особено е задоволството што соработката со германската фондација Конрад Аденауер преминува во едно традиционално пријателство. Отвореноста на фондацијата да помогне и да се соработува во проекти кој се корисни за јакнење на капацитетите и функционалноста на демократијата што е нужна за напредокот на едно општество преставуа капитал кој ни е корисен во функционирањето на нашата партија, изјави Груевски

Груевски напомена дека токму првиот допир со демократијата и првиот впечаток се гради токму на локално ниво, преку функционирањето на локалната самоуправа.

-Токму со локалната самоуправа, со нејзиното функционирање, со изборите се наоѓаме во период каде демократскиот капацитет на институциите ќе бидат ставени на тест. Пред нас се локалните избори на кој народот ќе одлучи кој може подобро да се грижи за неговите интереси, и да понуди решенија за секојдневните проблеми, изјави Груевски.

Тој кажа дека во минатото ВМРО-ДПМНЕ и коалицијата за подобра Македонија, покажа дека умее и знае да работи.

-Ако со еден збор би се опишало нашето дејствување, тоа е работа. Работа која донесе многу решенија за граѓаните, за нивните проблеми, нивните очекувања, нови патишта, водоводи и канализациии, нови улилишта и градинки, нови паркови, спортски игралишта и сали, нови стандарди во секој поглед и во секое поле. Секако има и работи кои можеле да се направат подобро, но важно е што секогаш се работеше максимум за доброто на граѓаните, изјави Груевски.

Тој порача дек овие локални избори не се само обични избори, затоа што сега се наоѓаме на раскрсница каде со одлуката на пенкалото се очекува да се избере патот по кој ќе се движи државата во иднина, а изборот иако е очигледен, одлуката е важна и клучна.

-Потребно на Македонија и е нова визија, кое ќе ја разбуди економијата која замира, ќе обезбеди еднакви шанси за работа, ќе го сопре падот на стандардот, ќе донесе подобра иднина за сите нас. Во изминатиот период од 100 дена имаме длабоко скршнување од патот кој значеше сигурна Македонија, имаме пад на индустриското производство, и вчера беше регистриран најнов пад и на прометот во индустријата, изјави Груевски.

Тој кажа дека ова покажува дека носечките индустрии во државата забавуваат, а тоа се одразува во реалниот сектор. Напомена и дека има најави на компании кои сакаат да си заминат од државата.

-Просечните плати паѓаат, а извозот се намалува, 52 милиони евра помалку се извезувало во јули, во споредба со јуни што е пад од 12 осто. За сметка на тоа имаме непочитување на базичните правни принципи, законски нормативи и правила. Имаме именувања на функции надвор од сите законски норми, свесно кршење на законот формирајќи една пракса на таканаречено затруено дрво, каде еден лош преседан води кон друг уште полош и незаконски. Неизвесноста се зголемува, а несигурноста во бизнисот, на работа, во секојдневието се мултиплицира. И кога можеа тоа да го направат за само стотина дена, можете да замислите како би изгледало ако се дозволи тоа да се прави една, две или повеќе години. Велат зборот бил збор, но зборот не вреди ништо без делата. Нивните зборови без акција се атентатори на идеализмот, говореше претседателот на САД Хувер, изјави Груевски.

Груевски порача дека на Македонија и се потребни дела.  А веќе е проверено дека кога станува  збор за дела, за работа, за решавање на прашањата кои се важни за народот, одговорот е ВМРО –ДПМНЕ, кажа лидерот на најбројната партија во Собранието.

НОВИ БОМБНА БИЗНИСИ: Владата ќе го продава преостанатиот дел на Телеком, Скопски Водовод повторно на удар!

Шилегов

Владата на СДСМ планира да го продаде преостанатиот удел на државата во Македонски телеком.

Според наши извори со овој потег треба да се постигнат две цели, прво да се покрие економскиот хаос кој СДСМ го создаде во изминатиот период, а второ доколку може да се договори неколку милиони евра кои би завршиле во партиската каса, т.н. Црквата.

Втората работа е планирана да се изведе според истиот шаблон како во 2006 година кога се продаваше ЕСМ и да се спакува како нов „бомбона бизнис“. Јавноста тогаш споменуваше дека тројца највлијателни политичари во Владата на СДСМ инкасирале близу 9 милиони евра за лични и партиски цели.

Како потсетување, според информацијата дадена од страна на Богоевски за Американската комисија за хартии од вредност (СЕЦ), пред повеќе од две и пол години, самиот потврдил дека бил вклучен како посредник во корумпирањето и притоа ги обезбедил клучните документи и мејлови, поради што СЕЦ “ја сфаќа вознемиреноста” кај обвинетите од неговото сведочење. Од документот може да се види дека Богоевски барал и добил привремен статус на заштитен сведок, бидејќи не сакал да се знае неговото учество во ова својство во процесот во Македонија.

Според неговите тврдења, првиот состанок на двете страни се одржал во декември 2004 година, веќе во јануари 2005 година, како што стои, “Грците” им нуделе мито на македонските функционери, а работата кулминирала во мај истата година кога меѓу “македонската страна”, која била цел на поткупот – СДСМ во пакет со оваа продажба на државен имот размислува да го отуѓи и Скопски Водовод според планот кој веќе беше изготвен од владата на СДСМ предводена од Владо Бучковски. Намерата е ваквата продажба и подготовките да отпочнат веднаш после локалните избори доколку СДСМ добие свој градоначалник на Скопје.

Парите за поткупот биле пренесувани со возила на тогашни високи функционери на Владата, како би се спречило стопирањето и побезбедно пристигнување на „пратката“.

Според нашите сознанија, доколку Петре Шилегов стане градоначалник на Скопје, планот на СДСМ е во пакет со продажбата на преостанатиот дел на Македонски Телеком, да биде отуѓен и Скопски Водовод, според планот кој веќе беше изготвен од владата на СДСМ предводена од Владо Бучковски. Намерата е ваквата продажба и подготовките да отпочнат веднаш после локалните избори само доколку Шилегов стане градоначалник на Скопје.