ВМРО-ДПМНЕ: Заев потврди дека постои директна спрега помеѓу СДСМ и ЈО кое се користи за механизам за дисциплинирање, закана и уцена

Сакаме да алармираме за да остане забележано. Со изјавата на Зоран Заев дека обвинителството наводно водело истрага за криминал на двајца членови од владата, Заев потврдува дека постои директна спрега помеѓу СДСМ и јавното обвинителство кое се користи за механизам за дисциплинирање, закана и уцена, велат од ВМРО-ДПМНЕ.

-Имено, постапките во обвинителствата се тајни и во ниту еден случај премиерот не би требало нити би можело да знае што работат обвинителите кои се посебен државен орган, но со оваа изјава на премиерот се потврдува дека Заев во суштина е нарачател на работата на обвинителите, факт кој е скандалозен и тотално незаконски. Сега е јасно дека Заев освен што е инсталиран премиер, е и шеф и на државното и на специјалното обвинителство, со што се врши директно загрозување на функционирањето на правниот систем , и од тука не е воопшто чудно што на срамен начин се организираа, легитимираа и легализираа најкриминалните избори кои се случија во изминатиот месец, стои во соопштението од ВМРО-ДПМНЕ и се додава:

„Сето ова е театар во кој Заев аболиран за криминалот во Глобал од 8.5 милиони евра, човек против кој се одолговлекува судски случај за барање на мито од 200 илјади евра, и кој во Струмица на своите фирми, и фирмите на своите братучеди и блиски им делеше милионски тендери, сака да се престави како лажен борец за правда. Бидејќи веќе и јавно не се крие спрегата помеѓу обвинителство и СДСМ, го повикуваме Заев јавно да ги објави осомничените криминалци од неговата влада“.

ВМРО-ДПМНЕ: Полицијата и надлежните институции останаа неми на експлицитни видео и фото материјали од кои се гледа целиот криминал извршен од СДС

Изминативе локални избори беа најнедемократските и најнерегуларните избори во историјата на независна Македонија. Изборите во целост поминаа во знакот на уцените и поткупот на гласачи во скоро сите општини во државата, а граѓаните беа предмет на закани од страна на полициски службеници пред сопствените домови, велат од ВМРО-ДПМНЕ.

Медиумите, но и граѓаните на социјалните мрежи објавија безброј докази за насилството од страна на партиските активисти на СДС, кои во придружба на полицијата им се закануваа на граѓаните да не излегуваат да гласаат. Полицијата наместо да ги штити граѓаните во текот на вчерашниот ден ги напаѓаше и физички им се закануваше. Снимката од Бутел, каде полициски службеник му се заканува на граѓанин да не се осмелува да излезе од својот двор, видеото со поткуп на граѓани во Штип, аудио снимката од Зоре Темелковски како се вели дека ќе избрка 1100 луѓе од работа за само еден ден доколку не излезат да гласаат се доказ како функционираше СДС и какви избори имаше Република Македонија, се вели во реакцијат аод ВМРО-ДПМНЕ и се додава:

„Злоупотребата на полицијата во Кавадарци, Могила, Новаци и Македонска Каменица, но и поткупот на гласачи на ден на избори во Визбегово од страна на партиски шеф на СДС во Бутел се еклатантен пример за нефер избори и бришење на границата помеѓу државата и партијата. Полицијата и надлежните институции останаа неми на ваквите експлицитни видео и фото материјали од кои се гледа целиот криминал извршен од СДС, а со помош на државните органи, кои се под целосна контрола на власта. Институциите се узурпирани. Демократијата е уништена. Токму затоа ВМРО-ДПМНЕ излезе со 7 барања кои ќе ја вратат демократијата во државата и ќе влијаат на враќање на слободата кај граѓаните“.

Котевски: Сведоци сме на сеење на страв, злоупотреби и уцени за бркање од работа – Бидете храбри и не потклекнувајте

Изминатите десетина дена сме сведоци на сеење на страв, агресија, заплашување, уцени, злоупотреби, истакна Лазар Котевски, кандидат за градоначалник на општина Новаци од ВМРО-ДПМНЕ.

-Особено голем притисок се врши врз вработените во РЕК Битола. Им се закануваат да не излегуваат на гласање или да гласаат за СДС, во спротивно ќе ги сменат од работните места или ќе ги избркаат од работа, рече Котевски и додаде:

„Стотици граѓани ни се јавуваат и ни кажуваат дека се плашат за нивната безбедност, за нивното работно место, но ве молам немојте да им се плашите.

Никогаш немојте да заборавите дека ВМРО тече во вашите вени и е дел од вашите животи. Ајде сите заедно да го продолжиме аманетот на сите предци, да му ставиме крај на сето ова. Да си ја зачуваме општината. Да се обединиме и да продолжиме таму кај што застанавме. Бидете храбри и не потклекнувајте“.

Милошоски: Граѓаните да не подлегнуваат на притисоци – За сите изборни документирани насилства и уцени одговорност ќе мора да има

На Република Македонија и понатаму се случуваат едни избори во кои што се загрозени основните демократски процеси и со кои што директно се врши влијание на изборната волја на гласачите. Ова се избори каде што сеуште со сеење и со закани се атакува на ограничувањето на основното право на граѓанинот, а тоа е правото на слободен избор. Притоа не е страшно што ова се случува скоро во сите општини каде што ќе има втор круг на гласање, туку поопасно е што нема ниту заштита од државните институции, а многу државни институции се дел од овој процес на вршење притисок врз граѓаните, истакна Антонио Милошоски, член на ИК на ВМРО-ДПМНЕ на денешната прес-конференција.

-Тоа што беше слика за изборите во предизборието пред првиот круг, сега се пресликува и продолжува со зголемен интензитет секој ден, се посилно да се врши притисок врз гласачите. Институциите наместо да го спречат ваквиот притисок врз гласачите, министерството за внатрешни работи, труд и социјала, министерството за земјоделие, други агенции стануваат дел од притисокот врз гласачите. Нема општина која што влегла во вториот круг на гласање, а да не се следени активистите на ВМРО-ДПМНЕ на Коалицијата „За подобра Македонија“, кандидатите за градоначалници или нивни соработници, или претседатели на општински комитети, рече Милошоски и наброја неколку примери:

„На пример, во општина Росоман десетина наши активисти се следени, на дневна основа, истите пријавиле уредно во полиција дека се следени и дека им се закануваат, пријавиле со име и презиме кои луѓе им се закануваат, но полицијата не реагира. На денот на избори во недела кандидатот и претседател на ОО на СДС биле пред штабот на ВМРО-ДПМНЕ, а целта била да се испровоцира инцидент, создавана е тензија, испратени се навреди, провокации, нашите активисти пријавиле во полицијата, но нема никаква интервенција сеуште. Присебноста на дел од луѓето овозможило она што се случувало во Росоман, акцијата за предизвикување на инцидент пред штабот на ВМРО-ДПМНЕ да не прерасне во поголем конфликт.

Во Гази Баба постојано ни пристигнуваат информации дека има масовен поткуп од страна на активисти на СДС. Во селото Виниче и во селото Булачани активисти на СДС вршат поткуп со делење на дрва за огрев. Додека едно лице, познат активист на СДС од Јурумлери, два дена по ред, отворено нуди и дава поткуп кај дел од населението во одредени парични суми. Медиумите го објавија неговото име на ова лице од Јурумлери, но ниту полицијата, ниту обвинителството, ниту ДИК досега се имаат изјаснето ниту пак истото го повика на информативен разговор.

Во населеното место Инџиково вработени од платежната агенција одат и лажно ветуваат дека за 50% поевтино ќе може да се набави механизација ако за возрат одреден земјоделец и неговото семејство гласаат за кандидатот на СДС. Ова е отворен притисок и силен притисок кон гласачите за менување на нивната изборна волја или за оневозможување за слободно изјаснување.

На кандидатот за градоначалник од ВМРО-ДПМНЕ, господинот Тони Трајковски постојано му се следи движењето од цивилно возило во кое што сметаме дека има вклучено и луѓе кои што припаѓаат на единицата Алфи.

Полицијата се става во заштита на сите активисти на СДС и во општина Виница, каде што на денот на изборите припадници на МВР влегувале во домовите на луѓето во ромското мало, ги легитимирале граѓаните и барале лични карти. Истите вакви злоупотреби се евидентирани и во ромското маало во Штип. Пријавени се во МВР овие луѓе и овие активисти и ваквите притисоци, но никаков извештај ниту реакција од МВР нема. Напротив МВР станува дел од механизмот преку кој што СДС врши притисок кај одредени гласачи.

Таму има случај на поткуп, во општина Штип каде што активисти на СДС нуделе пари на други граѓани кои што истите ги одбиле и случајот го пријавиле во полицијата. Но по случајот ниту не е постапено, ниту пак е евидентирана ваквата пријава за обид за поткуп во полицискиот билтен, иако е наведена пријавата со име и со презиме.

Во населбата Три Чешми во Штип, населението кажува дека секој ден доаѓаат луѓе од СДС и нудат пари, а тарифата се движи од 1.000 до 3.000 денари за глас за кандидатот за СДС.

Во општина Демир Капија активисти на СДС со познати досиеја на полицијата за одредени злоупотреби во минатото им се закануваат на граѓаните со насилство, со физички повреди, само затоа што кандидатот на ВМРО-ДПМНЕ бил во посета на едно домаќинство. За ова видовме и едно сведоштво на повозрасен брачен пар, кое што беше објавено во медиумите. Полицијата, МВР повторно не реагира и се става во заштита на оние кои што во името на СДС вршат притисоци врз граѓаните.

Во општина Новаци раководството на РЕК Битола врши притисок врз вработените со цел истите за да ги зачуваат своите работни места во РЕК Битола да мораат да гласаат за СДС, во спротивно ќе бидат ставени на список за бркање од работа. А притисок има и се врши и врз вработени од Кавадарци и во Кавадарци, каде што вработените во општа болница и во пограничната полиција добиваат закани да не излегуваат на гласање и директно добиваат јавувања од штабот на СДС во Кавадарци, во спротивно им се ставаат отворени закани до знаење дека би го изгубиле работното место. Во општина Пробиштип вработените во јавната администрација и во подрачните единици на неколку министерствата се повикуваат од директорите или од ново поставените началници каде што директно им се врши притисок или да гласаат за СДС или да не излегуваат на гласање доколку сакаат да немаат проблеми на работното место во иднина.

Во општина Македонска Каменица се врши силен притисок врз менаџментот на рудниците да ги убедуваат своите вработени да не излегуваат на гласање на денот на изборите, или да гласаат против кандидатот на ВМРО-ДПМНЕ доколку сакаат да ги зачуваат своите работни места.

Во општина Прилеп постои и видео снимка, која што заради од страв од реваншизам се споделува само на социјални мрежи и на која има сведоштво на луѓе од СДС кои признаваат дека го следеле градоначалникот Марјан Ристески. Веднаш откако ќе посетел некои домаќинства, активистите на СДС доаѓале, и имале два методи, или поткуп со пари, да ги предомислат тие како да гласаат или доколку се одбие тој начин, се преминува на притисоци и закани. Поради заштита на идентитетот на личноста нема да објавуваме вакви снимки. Но сепак истата претставува значаен доказ во методологијата како активисти на СДС со поддршка од МВР и други државни институции прават притисок на граѓаните и оневозможуваат слободно изразување на изборната волја.

Во општина Бутел забележано е исто така поткупување, нудење на пари, или други материјални средства, а на терен добиваме информации за тесна соработка на одредени луѓе со криминални досиеја од Косово со партиски структури на СДС во општина Бутел“.

Ова, подвлече Милошоски, е дел од сликата која што е карактеристика за овие избори.

-Додека сето ова се случува, за жал имаме и еден гласен молк и игнорирање од набљудувачките мисии ОБСЕ и ОДИХР. Ние сметаме дека ОБСЕ и ОДИХР мора поактивно да вложат напори и да бидат вистински набљудувачи и да ги осудат сите вакви појави на закани, изборна корупција и на изборен инженеринг. Во Македонија се случува изборно недемократско однесување на голем дел од активистите од СДС на голем од државните институции што им служат како покритие, а крајната цел на сето ова е креирање на една нова реалност во која што полесно или без поголеми забелешки ќе се протуркаат одредени решенија кои се штетни за Македонија и македонскиот народ на кои што господинот Заев претходно веќе се обврзал. Демократијата со овие избори не е унапредена туку е уназадена, институциите не се департизирани и нема разлика помеѓу државата и партијата, туку гледаме дека државните институции делуваат во корист на една партија, истакна Милошоски и додаде:

Нашиот апел е граѓаните да си ја заштитат државата, граѓаните да ја одбранат демократијата и граѓаните да не подлегнуваат на притисоци за кого ќе го дадат својот глас. Сите оние кои што со поткуп, со закани или со криминал се обидуваат да влијаат на нивната волја им треба да знаат дека граѓанинот има суверено, загарантирано право зад избирачката кутија да ја својата волја. За сите вакви изборни документирани насилства, закани, притисоци или уцени одговорност ќе мора да има“.

Милошоски: Заплашувачкото однесување од страна на власта имаше влијание на изборните резултати

Најпрво би сакал на сите граѓани на Република Македонија да им го честитам овој државен празник 23 октомври. Формирањето на Македонската револуционерна организација е темелот за создавањето на македонската држава, која што денес имаме благодет да ја живееме и да ја унапредуваме, изјави Антонио Милошоски во интервју за телевизија Нова.

Како што кажа Милошоски, тој мисли дека е многу недостоинствено што се укинала наградата 23 октомври како државна, бидејќи овој празник, формирањето на револуционерната организација за македонска држава е празник кој што треба да обединува, исто како што обединува 11 октомври, Илинден и многу други светли празници во македонската историја.

-Но, тоа говори за идеолошкото и партиското делување сегашната актуелна Влада, која што за жал не секогаш е во склад со националните интереси. Но, како и да е, празници или наградите може некој да ги укине, но за брзо време, се е менливо, некој друг брзо ќе ги востанови, бидејќи овој празник и награда за државност и за револуционерната организација е празник кој што заслужува да се чествува се додека постои Република Македонија, изјави Милошоски.

Тој кажа дека тие како политичка партија која чувствува дека има капацитет да биде алтернатива на сегашната Влада, за скоро време ќе најдат начини како овој празник и свечено да се одбележува и државната награда повторно да се доделува. Милошоски во интервјуто се осврна и на локалните избори, на кои во недела се одржува вториот круг.

-Очекувавме подобар резултат, сметам дека имаше неколку фактори кои што влијаеа на овој резултат. Прв фактор како една инерција од претходните избори. Вториот факт е и дека имаше одредени неисполнети очекувања или од одредени потези на ВМРО-ДПМНЕ, што можеби кај дел од нашите поддржувачи, симпатизери или членови не оставија доволно силен впечаток за да бидат ангажирани како што биле претходно. И третиот неодминлив факт е заплашувачкото однесување од страната на власта, мешањето на државата со партијата по секој основ, изјави Милошоски.

Тој напомена дека во 27 години за прв пат имаме убиен носител на советничка листа, дека за прв пат имаме еден кандидат за градоначалник кој што седум дена е во болница со скршен череп, а треба да се натпреварува во втор круг.

-За прв пат имаме премиер кој што три години збореше дека премиерот не треба да биде политички и партиски активен 100 дена пред изборите,  а сега гледаме дека секој ден со неговите министри е дел од партиската кампања, особено со Министерството за внатрешни работи и Министерството за труд и социјална политика. За прв пат гледаме луѓе кои биле обвинети и за изборни нерегуларности и за тешки телесни повреди, одредени кражби, одредени криминали се ослободени, а дел од нив се активни на терен и прават логистика за одредени изборни нерегуларности, изјави Милошоски.

Тој кажа дека овие фактори севкупно влијаеа на изборниот резултат, но како и да е тој смета дека ВМРО-ДПМНЕ има доволно и капацитет, енергија и мотивирано членство.

-Сметам дека и граѓаните стануваат посвесни за тоа кој и на каков начин владее и се однесува, за да можеме во овие неколку дена што преостануваат, во вториот круг да го подобриме резултатот, изјави Милошоски.

ВМРО-ДПМНЕ: Со Македонија владее мафија – луѓе од СДСМ секојдневно вперуваат пиштоли

Во Македонија на власт не дојде политичка партија туку мафијашко здруженије наречено СДС. Вадењето на пиштоли на граѓани кој ги почитуваат законите станаа секојдневие во Македонија во овој изборен циклус. Граѓаните кои гласаат за ВМРО-ДПМНЕ се таргетирани од криминалните структурури под контрола на СДС малтретирани тепани и под закана за нивната безбедност и живот, велат од ВМРО-ДПМНЕ.

-Но заплашувањето, уцените и заканите повеќе не функционираат граѓаните се почесто и посмело излегуваат јавно да сведочат за мафијашкото делување на СДС. Смелоста на овие луѓе ќе го порази режимското владеење на Зоран Заев и СДС. Граѓаните на полицијата и Оливер Спасовски со име и презиме им ги посочуваат сторителите на овие кривични дела, но полицијата во овие случаи се јавува само како сооучесник наместо да ја врши својата законска дожност. Само последен во низата црни настани со кои во Македонија се укинува демократијата е инцидентот што се случи во Демир Капија каде градоначалникот од редовите на ВМРО-ДПМНЕ ја води борбата за вториот круг од локалните избори. Според сведоштвото на граѓаните по посетата на кандидатот за градоначалник на ВМРО-ДПМНЕ во Демир Капија на граѓанин, на врата тропнала мафијата на СДС која со огнено оружје почнала да им се заканува дека ќе ги убие поради нивната политичка определба, стои во соопштението на ВМРО-ДПМНЕ и се додава:

„Мафијашите, симпатизери на СДС по сведоштвата на граѓаните и признале дека редовно го следат кандидатот за градоначалник од редовите на ВМРО-ДПМНЕ за Демир Капија. Со што уште еднаш се потврди дека навистина сите кандидати за градоначалници на ВМРО-ДПМНЕ во текот на целата кампања се следени од симпатизери на СДС со цел вршење на притисоци, уцени и поткуп на местата кои се посетени од кандидатите на ВМРО-ДПМНЕ. Народот е под невиден притисок и нема можност во фер и демократска атмосвера да го даде својот глас и да го оствари своето законско право“.

Вакви криминални избори какви што организира СДС, велат од ВМРО-ДПМНЕ, нема ни во некоја од земјите од третиот свет, а не пак во Европа.

-Очигледно е дека власта корумпира, а апсолутната власт корумпира апсолутно. СДС треба да се свесни дека нема да владеат вечно и дека за сите овие напади, изборни манипулации и инжењеринг еден ден ќе одговараат пред лицето на правдата.

Ефтов: Целата државна структура беше ставена во функција на добивање на изборите од страна на СДСМ

Минатата недела се случи финалната операција за политичко рушење на Никола Груевски. Дали на крајот ќе излезе така како што посакувале сценаристите, ќе се види во наредниот период, истакнува Васко Ефтов во својата најнова емисија.

-На првиот круг од локалните избори се случи една изборна операција која беше подготвувана со години и која беше фантастично спроведена. Партијата ВМРО-ДПМНЕ беше погрешно насочувана со лажни анкети на јавното мислење во рамки на Република Македонија. Тие анкети беа правени од луѓе од најголема доверба на партијата, односно луѓе кои правеле анкети за партијата изминативе 10 години. Времето ќе покаже дали тие анкети намерно биле погрешно направени или во соработка на анкетарите со одредени моќни дипломатски структури кои функционираат на територијата на Македонија. Како второ, беше украден оперативниот систем ОП3, познатата “тројна структура“ која изминатите 27 години беше ‘рбетот и кичмата на функционирањето на ВМРО-ДПМНЕ. Сите системи, сите шеми, сите контакти на луѓе, сите оперативни групации беа пренесени на конкурентската политичка партија и на стратезите кои работеа на операцијата за растурање на ВМРО-ДПМНЕ. Како тие информации завршија во рацете на одредени структури блиски на македонските безбедносни органи и на одредени моќни дипломатски структури во Македонија, партијата ќе треба да го даде одговорот во наредните неколку недели. Како што сега стојат работите, во ртекот на самата кампања кога веќе се почувствувало дека тие оперативни податови завршиле во раце на луѓе каде што не требало да завршат почнала веќе чистката на одредени оперативни или локални структури кои беа продадени во текот на изборната кампања, анализира новинарот Ефтов.

Тој обвинува дека поранешни членови на партијата помогнале за оперативниот систем да заврши во туѓи раце. Тие членови, вели, пред 3-4 месеци одлучиле да ја напаѓаат структурата и ВМРО-ДПМНЕ барајќи реформи во самата партија.

-Целата државна структура беше ставена во функција на добивање на изборите од страна на СДСМ. На пример, градот Гевгелија е град каде никогаш до сега немало позначајни изборни нерегуларности или нарушување на изборниот процес. Меѓутоа тоа што се случи изминативе 30-тина дена во Гевгелија треба да биде презентирано. ВМРО-ДПМНЕ во своите внатрешни анализи за тоа кој треба да биде кандидат за градоначалник има направено одредени внатрешни анкети. На тие анкети, убедливо на прво место е името на еден доктор. Со тој доктор е направен договор, се следеле анкетите и е договорено тој да биде кандидат за градоначалник од ВМРО-ДПМНЕ за локалните избори на 15-ти октомври.  Само еден ден откако докторот прифаќа да биде кандидат за градоначалник на ВМРО-ДПМНЕ во Гевгелија, него му пристапуваат луѓе со потекно од Гевгелија кои се во исклучително блиски односи со структурите на СЈО. Му презентираат на докторот одредени информации, му се закануваат дека ќе го компромитираат во Гевгелија и пред пошироката македонска јавност и само еден ден по прифаќање да биде кандидат за градоначалник на ВМРО-ДПМНЕ, тој доктор се повлекува. Се прави ново, внатрешно прегрупирање и анализа за тоа кој треба да биде нов кандидат. Се избора нов човек и тој поминува низ истата таа операција, му се закануваат и тој се откажува, анализира Ефтов.

Ефтов објавува дека поранешниот носител на советничката листа за ВМРО-ДПМНЕ во Гевгелија, на овие избори оди со своја независна советничка листа. Таа листа освои околу 2000 гласови и тоа ги определува изборите во Гевгелија.

-Чудно е што Томе Кичуков кој е носител на таа листа во 2013-та бил носител на листата на ВМРО-ДПМНЕ во Гевгелија е во исклучително блиски односи со првиот човек од СЈО, Катица Јанева. Односно, поранешниот починат сопруг на Јанева е роден вујко, брат на неговата мајка, на Кичуков. Тој ги определува изборите во Гевгелија, а победува близок роднина на Катица Јанева кој е во роднински, сватовски врски поврзан со неа, истакна ЕФтов.

Најголем дел од гласачите на Кичуков, завршија на контото на СДСМ за избор на градоначалник.

-Тоа е всушност таа операција која со помош на бомбите, со помош на целиот апарат на државен, репресивен начин на функционирањево рамки на Македонија, одредени и видни структури на ВМРО се уценети или натерани да гласаат за другата политичка опција, заклучува новинарот Васко Ефтов.

СДСМ со години ни зборуваше за демократија, а спроведуваат најнедемократски и најнасилни избори

Убеден сум дека на 15 октомври сите ние ќе славиме тука. Во Македонија работите се менуваат, ова што се случи во овие четири месеци е една добра лекција за многумина кои што не можеа да направат споредба и да видат некои работи пред тие да се случат. После се што видовме во овие четири месеци започнува новото движење кое ќе ја донесе новата ера за Македонија, ера на просперитет, на напредок и на исполнети ветувања, на одговорност, на достонство, на заедништво. Ера која ќе ја предводи Коалицијата „За подобра Македонија“.

Тој посочи дека Македонија може и мора многу подобро. Груевски од Куманово даде 13 примери на, како што рече, помрачувањето од СДСМ.

-Секојдневна демонтрација на незаконско работење од страна на новодонесената и залепена власт која не дојде како победник, туку како поразен. Која немаше да се случи да не ја составеа однадвнор. Незаконски назначувања, незаконски разрешувања, незаконски вработувања, незаконски тендерски постапки, ставање на министри сами на себе да си бидат советници – министер и советник на министерот, за да земе повеќе пари, посочи Груевски.

Рече дека дел од тоа помрачување се и кривичните пријави за над 10 кандидати за градоначалници.

-Секој ден по една за непостоечки кривични дела. Пукања и ранети кандидати за градоначалници – Кичево. Претепување на кандидати со шипки и со боксови – Шуто Оризари. Денеска заедно со Амди отидовме до болницата да го посетиме Елвис Бајрам, докторите не замолија да не влегуваме. Велат „скршен му е черепот, се обидуваме да не пуштаме никого, скршен му е черепот“, а МВР објавува „се степале две групи, се затепале како деца на улица“. Скршен череп, човекот е во критична ситуација. Тоа се избори што ги организира СДСМ и тоа е нивната демократија. Партијата која што со години ни говореше за фер и демократски избори спроведува најнефер, најнедемократски, најнекоректни и најнасилни избори, преполни со насилство, истакна Груевски.

Нагласи дека и на кандидатот за градоначалник на Кавадарци му било вперен пиштол во лице.

-Секојдневна демонстрација на сила. Закана на институциите додека МВР се претвора во партиска испостава. Демократија нема. Трето, секојдневни измами со евидентни докази. Направија, на пример филмска измама со производството на автобуси во „Санос“. Отиде првиот човек во Владата со куп новинари и вика „Еве нов автобус, домашното производство тргна откако дојдовме ние во Владата“. Отидоа новинарите неколку дена подоцна, ни фабрика, ни автобуси, ни работници – искрешни стакла и пајажина, брука и срамота, филмска измама, посочи Груевски.

Потенцира дека и надворешната политика која се спроведува е контрадикторна.

-Нема, па има договор за Комисија за историјата со Грција. Една недела викаат „Нема таков договор“ откако министерот за надворешни на Грција објави дека се договорил со нашиот министер да направат Комисија за истражување на историјата. Значи освен Бугарија и Грција ќе ни ја менува историјата, рече Груевски.

Според лидерот на ВМРО-ДПМНЕ, еден пример за помрачувањето се секојдневни промени на ветувањата пред изборите и активности спротивни на тие ветувања.

-На земјоделците им ветија по изборите дека ќе имаат 10 отсто поголеми субвенции. Нема 10 отсто поголеми субвенции. Ама ај што нема, дојде и гром од ведро небо. Ако не им бил поголем приносот оваа година во споредба со претходната, во иднина немало да даваат субвенции, појаснува Груевски.

Подвлече дека новата Влада секој ден зборува за реформи, дека секој ден минимум 20 пати се споменувало за реформи.

-Мислат дека ако ги спомнуваат дека тие сами ќе се направат. Реформи досега има нула, нагласи Груевски, додавајќи дека секој ден има обиди минорните работи да се прикажат како нешто што ќе не збогати.

Како такви ги посочи радиодифузната такса која се уште се плаќа но и евтината струја која се уште ја нема.

-Секојдневни активности да се запре, закочи или пак да се урне нешто создадено од времето на ВМРО-ДПМНЕ и Коалицијата „ За подобра Македонија“. Автопатиштата, три автопати од кои едниот е речиси готов, линии требаше да се нацртаат само, два во тек на градба, едниот 90 отсто завршен, другиот 50, се запреа, вели Груевски.

Потенцира дека СДСМ се занимава со работи кои никој не ги бара од нив, а не го работат она што треба да го прави една одговорна Влада.

-Секојдневно убедување дека со штетни договори за Македонија се градат пријателства со соседите. Сега фатија да не убедуваат дека заради штетниот договор со Бугарија ќе сме ја имале за најголем пријател и дека наредниот најголем пријател ќе ни била Грција заради тоа што и со нив планираат на ист начин да склучат таков договор, истакна Груевски.

Подвлече дека ќе ги ни го сменат името на државата, името на нацијата, името на јазикот, историјата, учебниците и ќе ни кажат оти градиме добри односи и многу пријатели.

-Секојдневна демагогија, тешка демагогија. Воздух за Берово, па за Берово може да речеме дека многу работи ги нема, ама воздух…. А за Куманово воздухот не е главна тема. Па живот, Господ почнаа да се замислуваат дека се. Празни зборови, апстрактни фрази, ветер и магла, нагласи претседателот на ВМРО-ДПМНЕ.

Според него, како десетти пример на помрачувањето е преку напади врз опозицијата и политичките опоненти да го прикријат неработењето.

-Со политички хајки, со политички прогони. Што ручал некој министер пред две години, а и тие ручаат сега. Зошто се купиле бадеми? А и тие купуваат бадеми. Блиндирано возило кое секој ден истите они го возат, вели Груевски.

Рече дека тие вршат секојдневни притисоци врз медиумите, судството, администрацијата, странските инвеститори.

-15 кривични пријави во последните 15-20 дена на судии кои што треба да судат. Медиуми, кои се прогонуваат по судови и финансиски се прогонуваат и уништуваат, истакна Груевски.

Потенцира дека новата Влада свесно оди спроти волјата на народото.

– Тие знаат дека нашиот народ е против договорот со Бугарија, против тие работи што ги прифатија. Но, одат директно спротивно на волјата на народот како што веќе планираат да одат со договорот со Грција, подвлече Груевски.

Нагласи дека економијата секојдневно тоне.

-Почнете од намалениот извоз, се намали извозот за 12 проценти – јули со јули. Продолжете со намалениот бруто домашен производ за околу 2 отсто. Индустриското производство во јули се намали за 2 отсто, со август минатата година за 5,3 отсто. Којзнае што ќе биде во септември кога ќе ги објават податоците, рече Груевски.

Додаде дека девизните резерви се намалиле за 172 милиони евра.

Бајруш и Красниќи започнаа со извршување на нарачките на Заев: Притисок и уцени врз гласачите да гласаат за СДСМ

Структурите на Бајруш Сејдиу и Агим Красниќи започнаа со извршување на црното сценарио на СДСМ за фалсификат и кражба на локалните избори. Двајцата осудени криминалци Заев и СДСМ ги пуштија на слобода за викенд „поради здравствени причини“ после што тие не се вратија во затворите.

Bajrus-Krasniki

Сега, за да останат на слобода и по локалните договорот со СДСМ е да извршат валкана работа на локалните избори преку притисоци, закани и уцени кон населението во западниот дел на Македонија, кумановскиот регион и особено фокус на Скопје, каде што преку уценети и купени гласови СДСМ се надева дека може да ја спречи очекуваната победа на Коце Трајановски.

Во Скопје и низ други градови во Македонија, според нашите информации, Красниќи и Бајруш преку свои канали во подземјето имаат за цел да учествуваат во фалсификатот на 40.000 гласови кои СДСМ пресметал дека му се неопходни за да се спаси од катастрофален пораз на локалните избори.

Нашата редакција во неколку наврати пишуваше за плановите на СДСМ преку ослободување криминалци од затвор и подземјето, преку МВР и други клучни министерства да уценуваат луѓе и со невиден притисок и со купување гласови каде што е возможно да украдат десетици илјади гласови на локалните избори.

Bajrus-Krasniki-1

Заев започна да ослободува криминалци од затворите, МВР и финансовите полиции започнаа со спроведувањето хајки – доказ дека СДСМ започна со реализација на очајничкиот план за спас од катастрофален пораз.

Но, расположението меѓу граѓаните за ваквите потези на СДСМ кои не се воопшто незабележани се гледа на анкетите. СДСМ го чека тежок пораз и казна од народот не само за неспособните политики и штетните одлуки за Македонија, туку и за обидите после насилното доаѓање на власт, преку насилство, криминал и уцени да се заробат што повеќе локални самоуправи во државата.

Рекет, уцени, УЈП… Започна кампањата на СДСМ

Стефан Богоев преку инспекциите на својата другарка Лукаревска се заканувал на дискотеките во Скопје со цел да изнуди менаџерите на овие локали да бидат членови на СДММ.

Ова според планот на СДСМ требало да биде дел од најавениот чалам низ градот и на тој начин привлекување на гласови на контото на Шилегов и на останатите кандидати на СДСМ за општините во Скопје. Да потсетиме дека УЈП веќе неколку денови става клуч на вратите и изрече енормни казни за неколку скопски локали, за кои медиумите известија дека се затворени по директива на Стефан Богоев.

Директорката на УЈП на свои пријатели им признала дека на барање на Богоев била спроведена инспекција во „Броз Кафе“ на ул. Партизански одреди, која била со насока дека мора да се најде некаков прекршок и да се казнат. Иста ваква судбина им се случи и на Тренд, Дежа Ву и Палма од Аеродром, кои по барање на кандидатот за градоначалник на СДСМ Златко Марин, Лукаревска ги затвори истите, со образложение дека користеле брендирани шеќерчиња.

Следствено на тоа пак, рекетот што го прават раководствата на Општинските организации на СДСМ на локалните компании, е фактичко спонзорирање на овие ограноци за кампањата за локалните избори. Целта е купување на македонските гласови на секое ниво, почнувајќи од навивачките групи, пензионерите, организирање на забави за младите, но никако програма, со која би се подобрил животот на локалните граѓани.

Бидејќи пратеникот Стефан Богоев, како претседател на СДММ е одговорен за ноќниот живот во СДСМ, ја користи новата директорка на УЈП Сања Лукаревска за партиски цели, преку кои исклучиво менаџерите на локалите кои потекнуваат од младинската организација на СДСМ ќе можат да организираат забави за младите. Истите би се организирале со средства добиени од рекетот на кандидатите за градоначалници од нивните редови, при што секој посетител би се забавувал бесплатно. Тоа е начинот со кој би се придобивале гласовите на младите лица.

Меѓудругото, покрај „непослушните“ сопственици на локалите, на удар ќе бидат и вработените во нив. Тие ќе мораат да ги служат членовите и гостите на СДСМ, без притоа да бидат платени за својот труд. Причината е едноставна – вработување на свои членови во истите, со кои би се зголемила контролата над локалите.

Од друга страна пак, оние локали кои се сложуваат со политиките на моменталната власт, ќе бидат наградувани со производи набавени од СОЗР, каде што директор е Пеце Мирчевски, инаку „близок“ пријател на Сања Лукаревска, што меѓудругото значи дека овие кафанџии ќе бидат директно спонзорирани од џебовите на граѓаните.

Ваквиот начин на функционирање на СДСМ кога е на власт е повеќе од познат во минатото. Слаткоречивост во јавност, рекет на терен.