„Фокс Њуз”: Администрацијата на Обама преку Бејли со американски пари ја финансирала операцијата на Сорос во Македонија

Soros-Fox

Од Џудишал Воч во средата соопштија дека го тужат Стејт Департментот и Агенцијата на САД за Меѓународен Развој (УСАИД) за да ги добијат досиејата според кои речиси 5 милиони долари пари на американските даночници отишле за македонската гранка на Фондацијата Отворено Општество на Џорџ Сорос, пишува Fox News

Конзервативната група за надзор поднела тужба според законот за Слобода на информациите против Стејт Департментот и УСАИД откако двете не одговориле на барањето од 16 февруари според Законот за слобода на информациите за досиејата поврзани со грантовите и дозволите за исплата, архивата од комуникациите меѓу функционери на Стејт Департментот или УСАИД и Фондациите Отворено општество. Групата исто така побарала пристап до досиејата за преписките пратени од Џес Бејли, функционер назначен од Обама и поранешен американски амбасадор во Македонија и слични тракви досиеја за политичките активности на Фондацијата Отворено Општество-Македонија.

На интернет сајтот на УСАИД е објавено дека меѓу 27 февруари 2012 и 31 август 2016 УСАИД дале 4,8 милиони долари, пари на даночниците, на организацијата на Сорос. Сајтот на УСАИД се поврзува со еден од сајтовите на Фондацијата Отворено Општество, на кој пишува дека во рамките на проектот биле обучувани стотици млади Македонци „на теми како слобода на здружување, младински политики, граѓански иницијативи, убедлива аргументација и користење на новите медиуми“.

„Администрацијата на Обама, се чини дека ги разбила буџетите на даночниците во напорите да ја финансира операцијата на Сорос“, изјави претседателот на Џудишал Воч Том Фитон. „Стејт Департментот на САД и УСАИД треба да се приберат и да ги разоткријат деталите на Обама-Сорос проточниот вентил“.

Портпаролот на Стејт Департментот изјави за Фокс Њуз дека „Департментот не коментира случаи во судски процес“.

Но портпаролот на Фондациите Отворено Општество изјави за Фокс Њуз дека: „Фондациите Отворено Општество трошат речиси милијарда долари сопствени пари годишно за промовирање на демократијата, човековите права и доброто владеење околу светот. Нашите локални фондации распределуваат само минимална сума американска помош. Кога УСАИД ќе избере национална Фондација Отворено Општество за да ги распореди фондовите на УСАИД – кои потоа одат во НВО-а од тие домени – причината е тоа што имаме репутација за транспарентност, ефикасност и професионализам. Работата што ја поддржува македонската фондација му погогна на македонскиот народ зајакнувајќи ги здравството, образованието, активизмот на заедницата и новинарството во земјата – често во партнерство меѓу Европската Унија, САД и македонската влада“.

Активностите на Бејли и финансирањето на групата на Сорос од страна на УСАИД беа ставени под ревизија на Конгресот кон почетокот на годинава. Републиканскиот конгресмен од Њу Џерси Кристофер Смит ја водеше групата пратеници од Претставничкиот Дом кои упатија до Бејли барање за одговори дали пари на американските даночници биле користени за финансирање на проекти на Сорос во малата балканска земја со конзервативно раководство. Републиканскиот сенатор од Јута Мајк Ли исто така изрази загриженост дека парите од УСАИД одат во Фондациите Отворено Општество на Сорос како дел од поширока загриженост дека американската амбасада зазема страна во партиската политика.

„Примив веродосојни извештаи дека во текот на изминатите неколку години американската мисија во Македонија активно интервенирала во партиската политика на Македонија, како и во оформувањето на нејзината медиумска средина и граѓанското општество, често фаворизирајќи групи од една политичка определба над друга“, пишува Ли во неговото писмо од јануари.

Во февреуари, републиканскиот претставник од Тексас Луи Гомерт, Смит и други, ја повикаа Владината Канцеларија за Отчетност да спроведе истрага и ревизија на активностите на Стејт Департментот и на УСАИД во Македонија, вклучувајќи го и финансирањето на телата на Фондациите Отворено Општество.

Според Џудишал Воч, постоело и потенцијално мешање во внатрешните македонски политички работи како потенцијално прекршување на Виенската Конвенција за Дипломатски Односи.

ВИДЕО: Ексклузивно за Канал 5 – Новинарот кој го откри криминалот на Сорос во Панама

Soros-Panama-Birn

Телевизијата Канал 5 стапи во контакт со новинарот на Фокс њуз кој успеа да му влезе во трага на американскиот милијардер Џорџ Сорос и неговите оф шор компании. Документите со кои располага американската телевизија укажуваат дека Сорос криел пари во оф шор земји за да избегнува да го плаќа данокот.

Новинарот Питер Бирн во изјава за Канал 5 вели дека лесно успеал да влезе во трага за сметките кои американскиот милијардер ги крие од јавноста.

Peter-Byrne-Околу една недела Сорос името се појави во оф шор дата базите лесно само одите во пребарување и го внесувате името, исто така ги пребарав документите на американската безбедносна комисија за да ги следам некои од тековите од оф шор компаниите и да видам дали се поврзани. Открив дека се поврзани во Бермуда и на Девствените острови и други оф шор места, изјавува Бирн за Канал 5.

Ниту Сорос, ниту неговите соработници не сакале да коментираат ништо за сторијата на американската Фокс њуз која објави дека три оф шор инвестициски фондови се контролирани од Сорос и се катачпгизирани во „Панама документите“.

-Имаше истрага за г-дин Сорос пред 30 години во која што се тврдеше дека тој е дел од ЦИА и тој работеше со групи како УСАИД која е дел од разузнавачката заедниа. Г-дин Сорос кој успева да ги држи своите пари во оф шор за да не плаќа данок всушност одблиску соработува со американската влада, според многу луѓе со разузнавачките агенции за да ги смени насоките во некои општетства. Тој наводно, има негативни чувства особено за Русија и знаете ако ги забележите „Панама пејпер“ кога беа објавени пред неколку недели, главните натписи беа за Путин и за луѓе кои Сорос не ги сака. Мислам дека тоа е навистина интересно, бидејќи тој на „Панама пејпес групата“ и дава една третина од нивниот буџет кој изнесува 1,8 милиони долари годишно, а тој донира 500 илјади долари годишно, додава американскиот новинар.