Дали Бејли ја составува новата Тиранска влада во Македонија?!

Најавите на лидерот на социјалдемократите, Зоран Заев беа дека денеска ќе се знае составот на идната Влада. Но, тоа не се случи. Додека Заев преговараше со лидерот на БЕСА, Билал Касами, Али Ахмети, претседателот на ДУИ, беше на средба со американскиот амбасадор, Џес Бејли на која се разговарало на истата тема – формирање на новата влада. На средбата во американската амбасада во земјата претходеше разговор меѓу Заев и Ахмети.

По ова Ахмети побрза во американската амбасада за да види што имаат од таму да му кажат.

А Касами и Заев ништо не се договориле. Имало, како што рече Заев напредок во разговорите, но не и договор. За БЕСА пак нема напредок – има принципи од кои тие не отстапуваат, како рокови за донесување на некои закони, како на пример законот за јазицит, како и редефинирањето на државата.

Bejli-Ahmeti

Зошто Ахмети побрза на средба со Бејли?! Оваа денешна средба отвори многу прашања. Кои принципи Бејли му го кажа на Ахмети?! Дали токму Бејли е составувачот на новата влада во земјата – тиранската влада во Македонија. Не е новина мешањето на Бејли во македонските политички случувања.

Да потсетиме што објави  „Стандард“ во април :

Американскиот амбасадор во Македонија Џес Бејли уште во вторникот 11 април се сретнал со Зоран Заев. Бејли во просториите на СДСМ стигнал околу 17 часот со своето службено возило, опкружен со телохранители. Во негова придружба биле уште неколку службеници од Американската амбасада. Во таа прилика со Заев е договорен, поточно аминуван, план на насилно преземање на местото на претседател на Собранието, а потоа и противуставно конституирање на Влада, која би ја спровела на дело „Тиранската платформа“, направена од страна на Еди Рама.

Обидот за пуч договорен помеѓу Бејли и Заев, а реализиран во четврток 27 април со нелегален избор на Талат Џафери за претседател на Собранието претходните недели во своја колумна го најави Љубомир Фрчковски, водечкиот стратег на СДСМ – пишува медиумот.

Сега Бејли повторно стапува на сцена. А што бара Али Ахмети денеска на баци рака кај американскиот амбасадор?!

Ефтов: Или е тешка грешка, или амбасадорот Бејли е заменет со Микаела Швајцер Блум!?

-Или е тешка грешка или во Амбасадата на САД се случила промена и Бејли е заменет од Микаела Швајцер Блум!?, пишува на својот ФБ профил новинарот Васко Ефтов

SAD-Ambasada-Mikaela

Ваквиот став на Ефтов доаѓа откако на официјалниот сајт на Амбасадата на САД во Македонија е објавено дека Швајцер-Блум е вршител на должност амбасадор на САД во Скопје.

-Формулацијата вршител на должноста значи дека Амбасадата е без амбасадор!, пишува Ефтов.

Љупчо Палевски: Газда на политичките шибицари во Македонија е Бејли – СДС доби 100.000 гласа американска помош

Освен албанските гласови за СДСМ кои го казнуваат ДУИ, а што прествуваше и своевиден изборен инженеринг на американскиот амбасадор во Македонија Џејс Бејли, постојат уште и 34.000 гласа кои од 1990 година до ден денеска воопшто не гласале. На изборите на 11 декеври 2017, сите до последен гласале што преставува заокружување на бројката од 100.000 гласа американска помош за невладината организација СДС“, изјави Љупчо Палевски поранешен претседател на градската конференција на СДСМ, за саботното издание на Програмата Гласот на народот со Слободан Томиќ на Радио Слободна Македонија.

Поранешниот висок фунционер на СДСМ објаснува: „Ваквата ситуација Американците ја открија при чистењето на избирачкиот список и затоа нормално го употребија за да брутално го скројат резултатот како што го скроија и да го има овој конечен лик и епилог“ нагласува Палевски.

Според Палевски: „Иницијативата За заедничка и Македонија и натаму ќе добие во интензитет, зошто Зоран Заев продолжува да биде генератор за конфликите меѓу Македонците“, нагласува Палевски.

Колумна на Џејсон Мико: Хојт Ји и Бејли не ја одразуваат политиката на Трамп

Во 2003 година, поранешниот американски конгресмен Њут Гингрич, кој беше спикер во Претставничкиот дом од 1995-1999 година, одржа говор во конзервативниот тинк-тенк „Американ ентерпрајз институт“ во Вашингтон. Неговиот говор беше наречен „Одметнатиот Стејт департмент“ и во него тој напиша: „Низ целиот свет се шири антиамериканското чувство со несмалена жестина бидејќи американскиот Стејт департмент се откажа од вредностите и од принципите во корист на удобноста и на пасивноста. Стејт департментот мора да помине низ културен шок, низ темелна трансформација која ќе го претвори во поефикасен комуникатор на американските вредности во светот и ќе го стави подиректно под контрола на американскиот претседател. С` помалку од тоа би претставувало мечкина услуга за нацијата“. Ништо значајно не се смени оттогаш.

Хојт Ји и Џес Бејли се примери за таа одметната култура. Претседателот Трамп во своето инаугуративно обраќање рече: „Ќе се стремиме кон пријателство и добра волја со нациите во светот, но ќе го правиме тоа сфаќајќи дека право на сите нации е да ги стават на прво место сопствените интереси. Ние не сакаме да му го наметнеме својот начин на живеење никому туку да му дозволиме да блесне како пример што секој ќе го следи. Ќе ги зајакнеме старите сојузи и ќе формираме нови – и ќе го обединиме цивилизираниот свет против радикалниот исламски тероризам што целосно ќе го избришеме од лицето на Земјата.“ Јасно е дека дејствувањата на Бејли и на Ји не ги одразуваат политиките на претседателот Трамп.

За причините за тоа ќе зборуваме другпат. Сега мора да се справиме со ситуација во која повеќето Македонци се бесни на САД и на ЕУ и во која недовербата кон македонските институции дополнително се зголеми. Нивното координирано признавање, неколку часа по измамничкото гласање (откако седницата за тој ден беше затворена, со акламација, без мнозинство и без записи) придонесува за влошувањето на ситуацијата во Македонија. Тие се делумно виновни и за крвопролевањето – минато, а можеби и идно. И не сомневајте се: целата оваа епизода беше координирана. Секој што ќе ви каже поинаку е лажго.

Повеќето од западните амбасади и амбасадори објавија повеќе изјави и масовно ги искористија социјалните мрежи за да објават дека нивните влади го признале „изборот“ на Џафери. Министерот за пропаганда на Хитлер, Јозеф Гебелс, своевремено рекол: „Kога човек лаже, тоа треба да биде голема лага и тој треба да се придржува до неа“. Па сепак, во момент на апсолутна вистина, сите тие приватно ќе признаат дека тоа не е вистина. Всушност, јас повеќе би ги почитувал ако тие едноставно ја кажат вистината и речат: „Не ни се допаѓа владата на ВМРО-ДПМНЕ и сакаме да си заминат.“

Уште една работа што треба да се земе предвид: кога „меѓународната заедница“ ~ вели на Македонија дека ако им се покори, тие ќе помогнат во „гарантирањето“ и обезбедувањето на територијалниот интегритет и суверенитет на Македонија, јас имам само едно нешто да кажам: Резолуцијата 1.244 на Советот за безбедност на ОН. Ако се сеќавате, оваа реолуција го „гарантираше“ суверенитетот на тогашната Федеративна Република Југославија. Додека не престана да го прави тоа. Лекцијата од тоа е дека изјава од „меѓународната заедница“ за тоа како тие ќе го штитат и обезбедат суверенитетот на Македонија не вреди ни пет пари. Единствените луѓе што може да го гарантираат суверенитетот и територијалниот интегритет на Република Македонија се Македонците! Ако има пријатели што сакаат да помогнат, нека помогнат. Но да се потпреш на „меѓународната заедница“ е пукање во празно.

Еве што ќе се случи во следните десет дена: СДСМ и неговите тирански господари ќе се обидат да состават, незаконски, влада. Тие ќе се координираат со амбасадите на САД и на ЕУ, меѓу другите, за тие веднаш да ги признаат во моментот кога едноставно ќе се прогласат себеси за „влада“. Kога ќе бидат во владата, тие веднаш ќе почнат да ја имплементираат тиранската платформа. Во исто време ќе се обидат, подеднакво незаконски, да го отстранат претседателот Иванов од функцијата. И повторно, ќе соработуваат со амбасадите на САД и на ЕУ за да го признаат и да го благословат овој потег. Сето тоа ќе биде координирано.

Kако да го спречиме ова? Освен со војна, што никогаш не е добра опција затоа што сите губат, има неколку тактики што би можеле да помогнат. Првата е да се поднесат тужби против „изборот“ на Џафери. Поднесете што е можно повеќе тужби против колку што е можно повеќе луѓе. Второ, во парламентите и во САД и во ЕУ, би можеле да се поведат истраги за „изборот“, да се побараат сослушувања и целиот процес треба да биде преиспитан од законодавството и од пријателски настроените претседатели и премиери. Трето, мора да продолжиме да им ја раскажуваме приказната на сите што сакаат да слушнат – и ова ќе помине.

За крај, би сакал да им оддадам признание на македонските патриоти што изминатите два месеца протестираат мирно, со радост и доследно против тиранската платформа. Огромна почит за нив и се надевам дека ќе продолжат. Но еден инцидент во четвртокот, во екот на битката, ме потсети дека во нивната срж, има огромна доблест кај тие што ја бранат Македонија (иако сфаќам дека страста и бесот, во ваква ситуација, не се правилни и не решаваат ништо): пратеникот Влатко Ѓорчев и министерот за здравство Никола Тодоров со своите тела ги штитеа Заев и членовите на неговата опозиција од толпата. Го сторија тоа за да го ублажат насилството. Но тоа што го направија беше несебично и доблесно и покажува дека во нивните срца има доблест. Доблеста е во срцата на сите што сакаат да ги одбранат интересите на Македонија, почнувајќи прво и пред с` со суверенитетот и територијалниот интегритет на државата.

Пишува: Џејсон Мико за Дневник
(Авторот е менаџер за односи со јавноста од Тусон, Аризона, и долгогодишен набљудувач на состојбите во Македонија и во Југоисточна Европа)

Белата куќа и Советот за национална безбедност не знаеле дека Бејли планира да го признае Талат Џафери

Ниту Белата куќа ниту Советот за национална безбедност претходно биле информирани дека амбасадорот во Македонија Џес Бејли планира да го признае „новиот претседател на Собранието за време на хаотичната сесија проследена со протести“ во четвртокот попладнето, објави Балкананалајзис.ком.

BalcanAnalysis

Доаѓањето во Македонија на заменик-помошникот државен секретар од времето на Обама, Хојт Ји, кој пристигна да ја поткрепи одлуката на Бејли и со официјален благослов на САД да го го прогласи за претседател на Собранието, отвора многу сериозна загриженост кој – ако воопшто некој – ја води американската надворешна политика во време кога Балканот е подготвен да експлодира од зголемен национализам поттикнат од силно политичко мешање на странскиот фактор. Тоа, исто така отвора сериозни прашања за штета што ѝ ја нанесе Бејли на американската дипломатија во земјата од кризата која започна во почетокот на 2015 година.

Амбасадата работи нечесно?

Белата куќа под администрацијата на Трамп е изненадена од одлуката на Амбасадата на САД и моќниот Национален совет за безбедност не е среќен ни од резултатот, потврдија високи американски претставници.

Други високи извори од Европа и од САД обезбедија важни информации што укажуваат на голема веројатност дека Бејли, најнепопуларниот Американец кој некогаш стапнал во Македонија, работи нечесно заедно со многу мал број на функционери од ерата на Обама и УСАИД.

До денес, Амбасадата на САД нема дадено задоволителен одговор на нашите прашања во врска со тоа кој ја овластил одлуката на Бејли – или кој е одговорен за претстојната посета на заменик помошникот државен секретар на САД, Хојт Ји. Персоналот за комуникации од амбасадата не одговори на овие официјални писмени прашања. Во отсуство на таква реакција, се надеваме дека ќе бидеме во можност да го поставиме ова прашање директно на Ји за време на неговата посета на Скопје во понеделник.

Фернандез од „Херитиџ“: Не се согласувам со Бејли, ние не сме кралеви на Македонија

Односот на САД кон Македонија во времето на претседателот Барак Обама бил обележан со неприфатливо ниво на мешање во внатрешните работи на земјата и обиди преку Амбасадата да се решава кој ќе ја формира македонската Влада, смета Мајкл Фернандез од Херитиџ фондацијата.

– Јас верувам дека амбасадорот Бејли е добар Американец, но не се согласувам со него. Сметам дека неговото мешање во формирањето на владејачката коалиција е нешто во што американската Влада не би смеела да се меша. Ние не сме кралеви на Македонија, изјави Фернандез.

Повеќе други учесници во дебатата укажаа на програми на Стејт Департментот за финансирање на слични, лево-ориентирани програми во други држави во светот, како Ирска, каде се финансирале организации на Сорос кои работеле да се сменат законите за абортус.

За време на вчерашниот настан во фондацијата Херитиџ група левичарски демонстранти се собраа да протестираат против предлог-буџетот изготвен од ескпертите на оваа фондација, и упаднаа во фоајето на фондацијата.

Во Вашингтон во тек е процес на подготвување на новиот буџет, и според првичниот предлог на претседателот Трамп, средствата за УСАИД и Стејт Департментот за соработка со разните невладини организации и промовирањето политики ќе претрпат драстично намалување. Трамп дури ја отвори можноста за целосно укинување на УСАИД и негово спојување со Стејт Департментот. Укажувањето на злоупотреби на досегашните програми во земји како Македонија, Албанија, Ирска или Кенија се користи како аргумент плус од поддржувачите на идејата за кратење на овие ставки во буџетот.

ЕДЕН ПО ЕДЕН: Сменет портпаротлот на Стејт Департментот кој го поддржуваше Џес Бејли

Марк Тонер, портпаролот на Стеј Департментот кој во неколку наврати му помогаше на Бејли изминативе месеци е сменет, а на негово место доаѓа Хедер Наурет од Фокс Њуз.

Оваа информација пред неколку минути ја сподели на социјалните мрежи Цветин Чилиманов, во продолжение еве што вели тој:

Конечно сменет Марк Тонер, портпаролот на Стејт Департмент кој неколку пати му дојде на помош на Бејли во изминативе месеци, вклучително и со веста на Глас на Америка минатата недела. На негово место доаѓа Хедер Науерт од Фокс Њуз, телевизија која досега повеќе пати известуваше за криминалот и злоупотребите на Бејли.

КУЧЕТО КОЕ ЈАДЕ МАСТ ЌЕ ЈАДЕ И СТАП: Тужба за Бејли за делувањето во Македонија

Џудишал Воч, организација која судски се справува со злоупотребите на американските државни институции, поднесе тужба во суд во Вашингтон против Стејт Департментот и агенцијата за развој УСАИД, наведувајќи дека двете агенции не доставуваат документи согласно законот за пристап до информации, а под сомневање дека преку американската амбасада во Скопје, спротивно на Виенската конвенција, се мешале во внатрешните работи во Македонија каде финансирајќи ги левичарските групи и проекти на СОРОС се обидуваат да ја турнат власта

Џудишал Воч, конзервативната непартиска организација специјализирана за водење судски спорови против американските државни институции во ситуации кога овие се обидуваат да сокријат злоупотреби од јавноста, поднесе тужба против Стејт Департментот и УСАИД, Агенцијата за меѓународен развој, согласно Законот за пристап до податоци, а во врска со евиденцијата и комуникациите поврзани со финансирање и политички активности на Фондацијата Отворено општество – Македонија. Џудишал воч наведува дека „Македонската организација, дел од Фондацијата Отворено Општество на Џорџ Сорос, примила близу пет милиони долари од УСАИД од 2012 до 2016 година“.

– Тужителот Џудишал Воч има за цел да промовира транспарентност, интегритет и одговорност на владата и верба во владеењето на правото. Како дел од својата мисија, Тужителот редовно бара записи од федералните агенции во согласност со Законот за пристап до податоци. Ги анализира одговорите на агенциите и ги објавува и своите наоди и бараните податоци, со што ја информира американската јавноста за тоа што работи нивната влада – стои во тужбата поднесена до судот.

Всушност, Џудишал Воч на 16 февруари од американскиот Стејт Департмент и од Американската агенција за развој УСАИД испрати барање согласно американскиот закон за пристап до информации, да им се обезбедат како се наведува „сите записи во врска со грантови, договори, исплати и фондови од Стејт департментот до Фондацијата Отворено општество – Македонија и со која било подружница на оваа фондација. Ова ги вклучува сите барања за исплата на фондови, проценки, евалуации, одобрувања на исплати и други записи меѓу кои било функционер, службеник или претставник на Стејт департментот и на агенцијата за развој УСАИД“.

Но, до денот на поднесување на тужбата, организацијата не ги добила бараните документи. Во тужбата се наведува дека ниту Стејт Департментот, ниту УСАИД не успеале да ги достават бараните документи или да покажат дека бараните документи се законски изземени од доставување, потоа не го известиле Џудишал Воч за опсегот за било кои од бараните материјали и документи за кои му се ускратува пристапот до бараните документи и причините за тоа, како и дека Џудишал Воч, како тужител, може да ги обжали сите ускратувања од обезбедувањето на документите.

Џудишал Воч прецизно наведува дека ги побарале „Сите документи кои се однесуваат на сите грантови, договори или исплати од средствата од Стејт Департментот до Фондацијата Отворено Општество- Македонија и/или до организации подружници на Фондацијата. Ова барање ги вклучува и сите документирани барања за финансирање, исплата или слични документи, како и сите поврзани документирани комуникации меѓу сите одговорни, вработени или претставници на Стејт Департментот и сите одговорни, вработени или претставници на УСАИД“.

Потоа се бараат „Сите документирани комуникации меѓу кои било одговорни, вработени или претставници на Стејт Департментот и било кои одговорен, вработен или претставник на Фондацијата Отворено Општество- Македонија и/или било која организација подружница на Фондацијата. Ова подразбира и евиденцијата на повратната комуникација испратена од и до Американскиот амбасадор во Македонија Џес Л. Бејли“.

Од Џудишал Воч во тужбата наведуваат и дека ги побарале „Сите анализи или слични документи кои се однесуваат на политичките активности на Фондацијата Отворено Општество – Македонија и/или организација подружница на Фондацијата“, како и „Сите пораки пренесени преку СМАРТ системот на Стејт Департментот испратени од кои било владин службеник или соработник кој работи кај Шефот на мисијата во американската амбасада во Скопје, а се однесува на Фондацијата Отворено Општество – Македонија и/или организација подружница на Фондацијата“.

JudicialWatch_vs_USAID_macedonia-1

JudicialWatch_vs_USAID_macedonia-2

JudicialWatch_vs_USAID_macedonia-3

Според американските норми, државни службеници, вработените во амбасадата и во агенцијата УСАИД се обврзани да ги чуваат преписките кои ги имале во врска со доделувањето на грантовите, строго е забрането нивно бришење или уништување на пораките, писмата и севкупната коресподенција кои понатаму се документираат. Џудишал Воч ги бара токму преписките кои се однесуваат на финансирањето на проектите и на Фондацијата на Сорос и на нејзините организации, и кои би покажале можни злоупотреби на буџетските пари на американските даночни обврзници, но и како се наведува, вмешување на овие државни агенции и американската амбасада во внатрешните работи на Македонија, спротивно на Виенската конвенција за дипломатски односи.

Џудишал Воч потсетува на информацијата која ја објави во февруари дека „Американската влада тивко троши милиони долари од буџетот за дестабилизација на демократски избраната, центро-десничарската влада во Македонија во дослух со левичарскиот милијардер филантропот Џорџ Сорос“, за што Џудишал Воч наведува дека поседува документација. „Амбасадорот на претседателот Барак Обама во Македонија, Џес Л. Бејли, тајно работел со соросовата Фондација Отворено Општество на упатување на големи суми американски долари, со цел вмешување на американскиот амбасадор во внатрешните политички работи, што е спротивно на Виенската конвенција за дипломатски односи“.

Во барањето детално се наведени организациите поврзани со Фондацијата Отворено општество – Македонија, за кои веќе течат истраги. Меѓу нив е организацијата „Ист вест менаџмент“, која неодамна доби еден од најголемите грантови на УСАИД, вреден 9,5 милиони евра, да го имплементира во соработка со Фондацијата на Сорос, и која беше поврзувана со сопругата на албанскиот премиер Еди Рама, Делина Фицо.

Меѓу наведените организации и во барањата до Стејт Департментот и до УСАИД, но и во тужбата во Вашингтон пред окружниот суд во Колумбија, САД, се наведува и соросовата ФОО-Македонија, но и организацијата- ќерка „Метаморфозис“ задолжена за поголем број проекти поврзани со медиумите. Се бараат податоци и за грантовите исплатени на медиуми, како што е „Плусинфо“ на Бранко Героски, порталот „Либертас“ поврзуван со Ацо Кабранов, агенцијата „Мета“, порталот „А1он“, веб-сајтот „Призма“, „Окно“, па следат „Центар за развој на медиуми” кој ги пишува негативните извештаи за слобода на медиумите во Македонија, организацијата „Цивил“ која е и набљудувач на избори и медиум. Во тужбата на Џудишал Воч се наведени и барањата за информации кои се поврзани со финансирањето на „Хера“, „Контрапункт“, „НВО Инфоцентар“, „Центар за граѓански комуникации“, „Реактор“, „Младинскиот образовен форум“, „Граѓани за европска Македонија“, „АДИ“ и за низа други, од 1 јануари 2015 година до денес.

Организацијата која се бори против злоупотреби и за транспарентност на работењето на американските власти, заедно со објавата за поднесената тужба против Стејт Департментот и УСАИД, опишува на кој начин тајно функционира операцијата, за што како наведува извори од Македонија и од САД обезбедиле докази за истрагата која што е во тек.

„Фондацијата Отворено Општество основала и финансирала десетици левичарски невладини организации во Македонија за да ја турне конзервативната влада. Македонски владин претставник кој неодамна е интервјуиран од Џудишал Воч во Вашингтон, нив ги нарекува „Соросова пешадија“. Групите организираат младински движења, креираат влијателен медиумски простор и организираат насилни протести за да ги поткопаат институциите и политиките спроведени од власта. Една од група го финансирала преводот и издавањето на книгата „Правила за Радикали“ на Сол Алински во Македонија. Книгата е тактичко упатство за субверзии, нуди директни совети за радикални улични протести и го прогласува Луцифер за Прв Радикал“, наведува Џудишал Воч, кој потоа предупредува дека таа активност и натаму продолжува благодарејќи на американскиот амбасадор во Македонија.

„Благодарејќи на амбасадорот на Обама, кој не е променет од претседателот Трамп, ‘Вујко Сем’ продолжува со истурање на парите, па групите можат да продолжат да оперираат и да регрутираат, што го потврдуваат и изворите од Македонија и од САД“ додава Џудишал Воч.

Пред десетина дена истражителот на Џудишал воч, Вилијам Маршал, во деталната анализа за политичката криза и финансирањето на невладините организации во Македонија за „Американ тинкер“ повика претседателот на САД и неговата администрација да го отповика амбасадорот во Македонија, Џес Бејли. Маршал во анализата посочува дека целиот персонал во американската амбасада во Скопје, почнувајќи од амбасадорот, се тврдокорни левичари во калапот на Обама/Сорос и се цврсто решени да ја соборат македонската конзервативна влада.

– Џудишал Воч почна интензивна истрага во врска со ова прашање. Во меѓувреме, администрацијата на Трамп треба да го отповика амбасадорот Бејли – пишува Маршал, кој додава дека треба да се направи чистка во мисијата на САД во Скопје и да се запре финансирањето на организациите на организациите на гордиот, како што и самиот признава, поранешен нацистички соработник Џорџ Сорос.

Активностите на амбасадорот Бејли и финансирањето од УСАИД на соросовата фондација неодамна се најдоа под лупа и на американскиот конгрес. На 17 јануари годинава, сенаторот Мајк Ли испратил писмо до Бејли, барајќи да ги објасни врските на Стејт департментот со ФОО- Македонија. На 24 февруари, конгресмените Крис Смит, Луи Гомерт и други ја повикаа Канцеларијата за одговорност на владата (Government Accountability Office) да спроведе истрага и ревизија на активностите на Стејт департментот и УСАИД во Македонија, вклучително и за финансирањето на организациите на соросовата Фондација и потенцијалното вмешување во домашните политички прашања во Македонија, односно за кршење на Виенската конвенција.

Извор: Република

Палевски тврди: Арифи и Меџити се уценети од Бејли со готови предмети во СЈО (ВИДЕО)

Во СЈО постојат неколку предмети кои се насочени директно кон високи функционери на ДУИ, и тоа токму оние кои денес глумат социјалдемократи, а се членови на ДУИ, открива за ТВ „Нова“ поранешниот висок функционер на СДСМ, Љупчо Палевски, притоа наведувајќи ги Изет Меџити, Теута Арифи и други.

– Изет Меџити е предмет околу изборен фалсификат на минатите локални избори, за што има и сведоци и претседател на Општинска и фалсификат потписник на општинската изборна комисија. Тоа стои во фиока кај Катица (Јанева). Процесор на целата таа работа, локална, македонскиот процесор е Ленче Ристоска. За Теута (Арифи), исто така, големиот социјалдемократ од редовите на ДУИ постои конкретен веќе документиран предмет каде транспортот на ученици во Тетово чини колку во Битола, каде што имаше куќен притвор и, исто така, критикуван и покриен со истраги, транспорт во Струмица. Значи, колку што чинат заедно Струмица и Битола, толку е транспортот на ученици на Теута Арифи во Тетово. Нема кривична пријава, нема процесирање. Тоа е тој главен алат на Џес Бејли за креирање политички состојби и резултати – открива Палевски.

Колумна на Мирка Велиновска: Агентот Тесла ќе лета за Вашингтон како личен багаж на Бејли

Во Македонија се рашетаа ЕУ-соросоидите Могерини, Туск, Хан и Kарл Билт. Завршија како употребени куртони. Еди Рама и Хашим Тачи како последни Соросови оази и дувла на наркомафијата, европска депонија и тренинг-центар за терористи се обидуваат да ~ се џилиткаат на Македонија, а сега во очај и на Европа. Ќе ја правеле голема Албанија!? Сенешто ми изгледа дека после тоа, прашање ќе биде дали воопшто ќе постои мала Албанија. Време е за големо раскурчување на сите соросоидни дивјачки орди. На македонскиве посебно. Џес Бејли веќе се сретна со својата судбина. Амбасадорот на САД ја доби првата тужба од „Џудишал воч“ за своите пучистички дејства во трети држави, во случајот во Република Македонија. Му следуваат и други од американскиот законодавен дом. „Нашиот“ Бејли тукушто беше на двојно сослушување кај сенаторот Мајк Ли и уште една личност. Извештаите од сослушувањата се фасцинантни. Бејли да ти бил лигавина од човек, мрсулко без достоинство, кој се жали дека неговите дејства биле погрешно разбрани од Македонците. Тој бате всушност нам ни помагал. Цело време. Впрочем, како претходно на Турците. Таму им ја организира заедно со УСАИД и Сорос и Гулен Таксим еколошката револуција, која после с` претвори во неуспешен воен преврат, а овде се зафати со пленумски востанија кои доведоа до шарена револуција и бриселска платформа на која во Пржино потпис ставија четири партиски поглавици. Па ја надгради преку упад во изборниот процес и постизборната процедура. Информацијата што не ја знаевме досега е дека амбасадорот Бејли ја напуштил Турција како персона нон грата. Го испудиле Турците. А нам црпнатиот император Барак Обама ни го тапоса во Македонија. За набрзинка да ја заврши валканата работа, војните да тргнат од Македонија. Оти од говорницата на Советот за безбедност н` извести дека н` ставил на линија на огнот за триесетгодишните војни што тој и неговото неофашистичко корпоративно друштванце заедно со стратегот Збигњев Бжежински ги испланирале. Можете да си замислите како ќе изгледаше Балканот и Македонија по тие војни ако на лудакот и Хилари им успееше да победат на последните избори. Ги гледаме сега сите очајнички обиди на губитниците да го одржуваат пламенот на огнената линија која ветува крв до колена и големи профити. За одбраните и црпнати неколкумина и нивните зомби или бројлерски орди. Во оваа дупка падна и целиот состав на ЕУ.

Го разбирам Бејли што се обиде по сослушувањата да пласира во Македонија лажна вест, порака од Стејт департментот. Така функционира очајник. Се надева дека може да избега од пишаното. Затоа мојот интерес сега е насочен кон големата бежанија на „локалото особље“ на американската амбасада кое брои некои петсто и кусур човеци. Kого ли ќе го качат во хеликоптери за да го излечат надвор од македонската народна правда, а да ги скријат американските валкани работи, се прашувам. Агентот Силвер? Не. Верушевски не им е од важност. Му доаѓа нешто како Рамбо, потрошна стока, абена повеќепати во неколку македонски „кризи“ и затоа веќе крајно дискредитирана. Овој Зоки што ни спремаше украинско крваво сценарио остана без заштитен чадор со кој се фалеше. Евентуално ако го спасува соросоидна Италија, во што се сомнеам по компромитацијата на италијанскиот амбасадор и италијанската разузнавачка служба или Велика Британија под чиј чадор Верушот стоеше. Невестите на полициските функционери? Јок, бе. Трите мојри на СЈО? Чуму им се уште една Бијонсе и Ленчето со Фатиме. Обвинителки, судијки и адвокатки не можат да бидат. А има суфицит за да бидат специјалки во барови. Што корист би имале пак од Заев, Фрле, Геро, Сашо Ордановски, Ацика Kабрам, Џабир, Насер, Жижи или Борјан и Ива на амриканска почва. Да ги збогатат своите соросоидни колекции со балкански кловнови? Нема шанси.

И, така, мозокот ми проектира фоторобот на агентот Тесла. Таен агент обвиен со магла. Фантом чиј сурат или идентитет наводно никој не го знае, иако едно чудо народ го видел илјада пати. Самиот си одбрал содржајно кодно име оти е убеден дека е гениј во шпионажата. Од наш македонски географски происход е. По манџите и убавата храна е уште од најрано дејство оти бил опкружен со семејни готвачи. Развил вкус не само да ги јаде специјалитетите туку и самиот да запржува и готви. Kујна му е цела Македонија. Сака да пее. Интимно е врзан со музиката. Опасен е за Американците оти знае многу валкани работи што се правеле во американската амбасада, а во кои тој најдиректно учествувал. Плус батево си се осигурало за секоја евентуалност. Во посед има над 7.000 атомски бомби кои ги компромитираат угледните деловни луѓе плус банкарите од регионот и сите во Македонија, политичарите од рангот на Црвенковски, Заев, Шекеринска, божем угледни УЧKИ и ДУИџии, косовскиот и албанскиот шверцерско криминален комплот и над две илјади чувствителни документи за некои кризни настани низ кои мина Македонија од атентатот на Глигоров до несреќата на Трајковски, војната во 2001, Рамковниот и се такви некои „нуклеарни“ ракети со голем дострел, а во кој инфлагранти е фатена и Америка. Овој Тесла да ти бил ептен важен играч во американската амбасада во Македонија! До толку што паралелно со извештаите на амбасадорот до Стејт департментот македонскиот контрактор испраќал и свои извештаи во дип стејт. И така Македонец да ти водел надворешна политика на САД. Kако стигнал до тој ранг? Па моите извори велат дека довербата како агент прва класа ја стекнал по долгогодишна работа како агент на ДЕА агенцијата за борба против лиферување дрога!? Задолжен бил за Грција и подоцна за цел Западен Балкан. Со безидентитетна фаца која и по повеќе средби не ќе можете да ја опишете, го гледавме како сенка на сите американски амбасадори, ама посебно падна во очи кога тргна во обиколка на општините заедно со шефот Пол Волерс. Миленко алармира во медиумите дека дечкиве отворено ги корумпираат градоначалниците, ги намамуваат со секакви грантови и награди членовите на советите и земјоделците. Целта беше да се разори од внатрепартиското ткиво на ВМРО-ДПМНЕ. Локалниот агент Тесла го познава и теренот и менталитетот и луѓето. Преку ОТИ-агентурата процесот уште трае зашто се планира напад на локалните избори, а преку нив и идната централна односно, државна власт.

Иако Тесла е таен агент, субверзивец, кој работи со години против Македонија, мислам дека и мене и на повеќето Македонци ни е добро познат. Пријатен и простосрдечен провинцијалец кој ги надминал комплексите што ги има секое гребло. Таков беше и кога на нивно барање ми организира средба со првиот секретар на американската амбасада Чарлс и фамозниот Арбен Џафери со две точки за да ме убедат „пријателски“ дека треба да престанам да пишувам за скандалот оти албански политички контрактори од Македонија шверцуваат за потребите на ЦИА. Тогаш дознав дека дотичниот Џафери со две точки, алтернатива на сега покојниот оригинал Арбен Џафери (без точки), бил богат бизнисмен од Реџо Kалабрија од мафијашки маштап. Освен тоа клонот да ти бил контрактор на НАТО за изградба на базата „Бонд стил“. Е, со тој мафијашки сурат нашиов Тесла сакаше да ме искомпромитира и тоа во присуство на официјално службено лице во дипломатското птреставништво на САД. Ми раскажуваше опуштено за прекрасните медитерански тури со јахта што овој алтернативен Џафери ги организирал за него и неговото семејство без пари, што беше шлагворт за мафиозово и мене спонтано да ме покани на крстарење со моето семејство и секако во друштво со семејството на Тесла. Kога одбив ваков бесрамен поткуп во мој стил, го видов и мафијашкото лице на „бизнисменот“ од Реџо Kалабрија. Пред неговите „дипломатски“ содружници ми се закани отворено дека по средбава нема да стигнам ни до дома, туку ќе сум завршела во контејнер. На вакви закани јас реагирам како бик на црвено. Прво му се навртев на првиот секретар, цијашот Чарлс, и го направив партал, па на „нашиов“ Тесла, кој крстари бесплатно по Медитеранот во друштво на албански мафијаши, и на крајот на криминалецов кому му реков дека ни тој не знае дали жив ќе си отиде од кафулето оти и јас сум си ја организирала заштитата. Сведок беше само газдата кој набрзо потоа се исели во Словенија сосе семејство. Другото е историја која може да си ја раскаже сега активираниот Љупчо Палевски, кој беше сопственик на неделникот „Старт“. Зашто кога со мене не завршија работа, му се навртеа нему. Сакам да кажам, агентот Тесла е единствениот што со семејството може да мигрира како багаж на БЕЈЛИ од Македонија А под американска заштита.

Штом сме кај агентиве, да информирам. Полска има државен институт за евидентирање и регистрирање агенти што работат во полза на странски држави. Човек да се запрепасти кого с` не ќе види во тоа друштво. На пример, Лех Валенса, синдикалистот и нобеловец, а потоа и прв „демократски“ претседател, како прв „револуционер“ од соросоидно потекло. Kаква лустрација, каква ад хок десороизација, господо! Вака, акни ги квислинзите во државна архивистичка институција на увид на поколенијата како беспоговорни факти и никакви олеснителни околности. Е, од таков затвор бегство нема.

Пишува: Мирка Велиновска за Дневник